ඔබ හතු කාලා තිබුණට හතු පෆ් පේස්ට්‍රි කලා නෑ නේද? ඔන්න මේක කියෙව්වට පස්සේ නම් ඔබට ගෙදරදීම මේ රසවත්ව හතු පෆ් පේස්ට්‍රියක් හදා ගන්න පුළුවන් වේවී.
අවශ්‍ය ද්‍රව්‍ය
හතු ග්‍රෑම් 500
ලොකු ලූනු ග්‍රෑම් 200
සුදුලූනු බික් 5යි
අමුමිරිස් කරල් 5යි
කරපිංචා කිනිත්තක්
උම්බලකඩ ලියාගත් මේස හැඳි 3
තෙල් ටිකක්
ලුණු රසට අනුව
ගම්මිරිස් රසට අනුව
පෆ් පේස්ටි ෂීට් අවශ්‍ය තරමට (මේවා වෙළඳසලෙන් ලබාගත හැකිය)
සාදන ආකාරය
හතු සෝදා හොඳින් දිය බේරා ගන්න. දැන් ඉතාම සිහින් කෙඳි ලෙස ඉරාගන්න. ලූනුද සිහින්ව ලියා ගන්න. අමුමිරිස්ද ලියාගන්න. දැන් තෙල් ටිකක් ළිප තබා රත්වන විට සිහින්ව කපාගත් කරපිංචා, ලූනු, සුදුලූනු, අමුමිරිස්, උම්බලකඩ දමන්න. බැඳිගෙන එන විට හතු සමග ලුණු, ගම්මිරිස් දමන්න. මද ගින්දරේ හොඳින් මලවා ගන්න. දැන් ෆප් පේස්ට්‍රි ෂීට් ගෙන අඟල්
4 x4 කැබැලිවලට කපාගන්න.
ඉන් එක කැබැල්ලක් ගෙන එහි මැදට හතු මිශ්‍රණයෙන් ටිකක් දමන්න. දැන් තවත්
ෂීට් කැබැල්ලක් ඒ මත තබා එය වසන්න. ඉන්පසු කොන් අල්ලා ලේන්සුවක් නවන ආකාරයට උඩට එකතු කර බිත්තර සාරු ආ‍ලේප කර හොඳින් අලවා ගන්න. එහි දාරවලට හොඳින් බිත්තර සාරු ගා ගන්න. දැන් 220C උෂ්ණත්වය
සහිත උඳුනක විනාඩි 20ක් බේක් කර ගන්න.
