බිමමල් කලා තිබුණටසමහරවිට ඔබ බිම්මල් කලුපොල් මාලුවක් කාල නැතුව ඇති.. ඔන්න අද අපි කියලා දෙනවා බිම්මල් කලුපොල් මාලුවක් හදා ගන්න විදිහ ගැන.. ඒ සදහා අවශ්‍ය කරන ද්‍රව්‍ය සහ සාදන ආකාරය පහතින්
බිම්මල් පැකට් 1
ලොකු ලූනු ගෙඩි 1
අමුමිරිස් කරල් 2
සුදු ලූනු බික් 5
රම්පා /කරපිංචා
උම්බලකඩ ටිකක්
කහ කුඩු/තුනපහ කුඩු/
මිරිස් කුඩු/ලුනු කුඩු
කැකුලු හාල් මේස හැන්දක්
පොල් මිටක්
අබ ඇට ටිකක්
පොල් කිරි කොප්ප 1/2
තක්කාලි ගෙඩියක්
පොල් තෙල් ටිකක්
මුලින්ම මල් ටික ඉරාගෙන හොදින් සොදා මිරිකා හරින්න.
එයට කහ කුඩු,තුනපහ කුඩු,මිරිස් කුඩු,ලුනු කුඩු දමා අනා පැත්තකින් තබන්න.
**හාල්,පොල්,එකට දමා කබලේ බැදගන්න.එය බැදීගෙන එනවිට අබ ඇට ටික දමා ටිකක් නිවෙන්න හැර කුඩු කර ගන්න.
** බාජනයකට තෙල් දමා රත්වෙන්න තබා එයට ලූනු,සුදු ලූනු,අමු මිරිස්,රම්පා,කරපින්චා, උම්බලකඩ දමා බැදෙන්නට හරින්න.
**එය හොදින් බැදීගෙන එන විට එයට බිම්මල් ටික දමා කලවම් කරන්න.
** ඉන් පසු පොල් කිරි කොප්ප 1/2 දමා තක්කාලි කැබලි දම කලවම් කර මුලින්ම කුඩු කරගත් හාල් පොල් මිශ්‍රණය එකතු කර රස අනුව ලුනු බලා මද ගින්නෙ පිසගන්න.
