හාල්මැස්සන් විවිධ රසයෙන් අපි කාල තිබුණට හාල් මැස්සන් අච්චාරුවක රස ඔබ තවමත් බලලා නැතිව ඇති. මේ කියන්න යන්නේ ප්‍රවීණ සුප වේදියෙක් සඳහන් කර තිබූ පරිදි හිල්මැස්සන් අච්චාරුවක් හදා ගන්න විිදිහ ගැනයි. අවශ්‍ය කරන්නේ මෙන්න මේ ද්‍රව්‍ය…
වියළි හාල්මැස්සන් ග්‍රෑම්100
රතුලූනු ග්‍රෑම් 100
විනාකිරි මිලි ලීටර් 25
අබ ඇට තේ හැඳි 2
අමුමිරිස් කරල් 10ක් පමණ
සියඹලා යුෂ මේස
හැඳි 2ක්
ලුණු රසට අනුව
සීනි තේ හැඳි 1
තෙල් අවශ්‍ය තරමට
සුදුලූනු බික් 2ක්
කුඩා ඉඟුරු කැබැල්ලක්
තක්කාලි ගෙඩියක්
හාල්මැස්සන් ඔළු කඩා ඉතා හොඳින් පිලී යන ලෙස සෝදා හැකිනම් අව්වේ වියළා ගන්න. දැන් රතුලූනු සුද්ද කර ගෙඩි පිටින්ම හොඳින් දිය බේරා ගන්න. අමු මිරිස් වෙන් නොවන සේ දෙකට පලා ගන්න.
දැන් හාල්මැස්සන් රත්වූ ගැඹුරු තෙලට දමා රන්වන් පාටට බැද ගන්න. තෙල් බේරෙන්නට තුනී කර තබන්න. රතුලූනු, අමුමිරිස් රත්වූ තෙලට දමා උණු ගස්වා ගන්න. දැන් සුදුලූනු, ඉඟුරු, අබ, විනාකිරි වලින් අඹරා ගන්න. තෙල් ටිකක් මැටි ඇතිලියකට දමා ලිප තබන්න. රත්වන විට අඹරාගත් මිශ්‍රණය දමන්න. ලුණු, සීනි එකතු කරන්න. දැන් බැදගත් හාල්මැස්සන් ලූනු, අමුමිරිස් කලවම් කර කෑමට ගන්න.
