286
බත්තරමුල්ල දියත උද්‍යානය කියන්නේ කොළඹ අවට තිබෙන බොහොම සුන්දර ස්ථානයක්. නිවාඩුපාඩු වෙලාවක බොහොම සැහැල්ලුවෙන් ඇවිදලාකරලා එන්න පුළුවන් මේ අපුරු ස්ථානයේ වාඩිවෙලා ඉන්න, කන්න බොන්න වගේම විනෝද වෙන්න අවස්ථාව තිබෙනවා.
දියතට ළඟකදී ආපුගියපු නැති අය නොදන්න තැනක් ගැනයි මේ කියන්න යන්නේ. දියත දුම්රිය ස්ථාන කිව්වම ඔබට පුදුමත් හිතේවී. නමුත් මේ වෙද්දී නම් දියතේ දුම්රිය ස්ථානයක් පිහිටලා තිබෙනවා. නමුත් එහි දුම්රියක් නම් ගමන් ගන්නේ නැහැ.
මේක හරි අමුතු සංකල්පයක්. කෝච්චියක් දුම්රිය නැවතුමක නවත්තලා තියෙන ආකාරයට හදපු අපූරු අවන්හලක් තමයි දියත ස්ටේෂන් කියන්නේ. සාමාන්‍ය දුම්රිය ස්ථානයක විදිහටම හදලා තියෙන මෙතන දුම්රිය මැදිරි සහ දුම්රිය ඇන්ජිමක ආකෘතියක් සකස් කරලා තියෙනවා. මේක හරියට පේන්නේ ස්ටේෂන් එකක කෝච්චියක් නවත්තලා තියෙනවා වගේ. මේ ස්ටේෂන් එකේ අනිත් සාමාන්‍ය ස්ටේෂන් වල විදිහටම සුදු ඇඳගත්ත ස්ටේෂන් මාස්ටර් කෙනෙක් ඉන්නවා. අනිත් දුම්රිය ස්ථානවල වගේම බංකු සකස් කරලා තියෙන දියත ස්ටේෂන් එකේ දුම්රිය පෙට්ටි 3ක අවන්හල් තියෙනවා. එකක් බීම වර්ග, අයිස්ක්‍රීම් වර්ග සඳහා වෙන්වෙනවා. අනික සැන්ඩ්විචස් , බර්ගර් වගේ බේකරි කෑම අලෙවි කරන අතර කොත්තු රොටී, පරාටා, බිත්තර රොටී අලෙවි කරන රොටී අලෙවි කුටියක් වෙනමම තියෙනවා.
සාමාන්‍ය අවන්හලකට එහාගිය අපූර්වත්වයක් ඇති මෙම අවන්හල, නැතිනම් දියත ස්ටේෂන් එකේ ඉදගෙන කෑම කන්න පුලුවන්. මේහි කෑම බීම සාමාන්‍ය අවන්හල්වල පවතින කෑම බීමවලට වඩා ටිකක් මිලෙන් ඉහළයි. දියත ස්ටේෂන් එකට යන්න තියෙන්නේ පාරුවකින්. ඒකත් අළුත් අත්දැකීමක්. ඉතාම ආරක්ෂිත විදිහට හදලා තියෙන මේ පාරුවෙන් යන්න සහ එන්න රුපියල් 50/- ක් ගාස්තුවක් ගන්නවා..ඒ දෙන ටිකට් එක යන්නයි එන්නයි වලංගුයි.
ඉතිං මේ අපූරු ස්ථානයට ඔබත් ගිහිං විනෝද වෙලා එන්න.
එහි ඡායාරූප පහතින්….
[dt_gap height=”10″ /][dt_divider style=”thin” /][dt_gap height=”10″ /]
www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about the diyatha station restorent .You can read the article and put your feedback on it.
