කෙල්ලෝ කෙහොමත් කැමතියි ලස්සනට ඉන්න. හැබැයි ඉතිං හැබැයි ඉතිං ලස්සනට ඉන්න එකත් ලේසි පහසු දෙයක් නෙමෙයි. බොහෝ තරුණියන්ට තියෙන ප්‍රශ්නය තමයි වයසට වඩා වැඩි පෙනුමක් තිබීම. තරුණ පෙනුම රැක ගන්න වෙළඳපොලේ විවිධාකාරයේ ආලේපන තිබෙනවා. නමුත් ඇතැම්විට ඒවයේ පවතින ඇතැම් බලපෑම් නිසා ඔබේ තිබෙන පෙනුමත් නැතිවී යන්නට පුළුවන්. හැබැයි මේ හැම ප්‍රශ්නයටම යම්තාක් දුරකට හෝ විසඳුම් ලබා ගන්න පුළුවන් මෙන්න මේ ක්‍රම අනුගමනය කළොත් ඔබට පුළුවන්.
1.මේක්-අප් භාවිතය අඩු කරන්න
ලෝකයේ බොහෝ සමීක්ෂණවලින් හොයාගෙන තිබෙනවා පිරිමි උදවිය වශීවන්නේ කාන්තාවන්ගේ ස්වභාවික සුන්දරත්වයට බව. මේක්අප් වැඩිපුර ගල්වාගෙන සිටීම කාන්තාවන්ට ගෙන එන්නේ පරිණත සහ මහලු පෙනුමක්. මේ නිසා අවශ්‍යම විටක ඉතාම සරල මේක්අප් එකක් දමාගැනීම පමණක් සෑහෙනවා.
- වැඩිපුර වතුර බොන්න
සම වියළි යාම වළක්වා ගැනීමටත් ශරීරය අභ්‍යන්තරයේ පරිවෘත්තීය ක්‍රියා නිවැරදි කරගැනීමටත් ජලය ඔබට උදව් කරාවි. විශේෂයෙන්ම හැකි සෑම විටම පැණි බිම පානයෙන් වෙන්වී පිරිසිදු ජලයම පානය කළ යුතුයි.
3.ව්‍යායාම කරන්න
ඔබේ ඉරියව් තුළින් වයසක, වැඩිහිටි පෙනුම ඉවත් කරන්නට ව්‍යායාම ඔබට උදව් වේවි. සිරුර උසට සරිලන මහතෙන් පවත්වාගැනීම වගේම ළාබාල ආකාරයට ක්‍රියාශීලීව ඉඳීම තුළිනුත් වයස අඩුවෙන් පෙනෙන බව සොයාගෙන තිබෙනවා.
- හිරු එළියෙන් සම රැකගන්න
අපේ සමේ විවිධ ස්ථාන අව්වට නිතර නිරාවරණය වෙනවා. එවිට මුහුණ, බෙල්ල, අතපයවලට විවිධ ඡවිවර්ණයන් ලැබෙන්න පුළුවන්. මේ නිසා ප්‍රමිතියෙන් උසස් සන් ක්‍රීම් එකක් භාවිත කරමින් සමේ අව්වට නිරාවරණය වන කොටස් රැකගැනීම වැදගත් වෙනවා
5.ආතතියෙන් අත්මිදෙන්න
මානසික ආතතිය නිසා ඕනෑම කෙනකුගේ කෙළිලොල් ගති ස්වබාවයන් තුරන් වී යනවා. මොන ගැටලුව ආවත් මනස නිරවුල්ව තබාගත යුතුයි. භාවනාව, යෝග ක්‍රම හෝ තමන් ප්‍රිය කරන විනෝදාංශයක නිරතවීමෙන් ආතතිය දුරු කරගන්නට පුළුවන්.
6.හොඳට නිදාගන්න
නින්දේ දී ඔබේ සිරුරේ ගෙවීගිය ෙසෙල නැවත වැඩීම සිද්ධ වෙනවා. අවදියෙන් සිටීමේ දී නිරන්තරයෙන් ක්‍රියාත්මක වන අවයව විවේක ලබාගන්නේ එබ නින්දට ගියවිටයි. පෙනුම ගැන උනන්දු වන අයෙකුට නින්ද අනිවාර්ය අවශ්‍යතාවයක්
7.ධනාත්මක අය ඇසුරු කරන්න
ඔබ හැසිරෙන්නේ ඔබේ සිතුවිලිවලට අනුකූලවයි. ඔබේ සිතුවිලි කෙරෙහි බොහෝ විට අවට සිටින පුද්ගලයන් බලපෑම් එල්ල කරනවා. මේ නිසා හැමවිටම ධනාත්මක සහ සතුටින් සිටින පිරිසක් සමග දවස ගෙවීම වැදගත් වෙනවා. ඔබව ප්‍රසංශා කරන, ඔබට ධෛර්යය දෙන ඒ වගේම ආශ්‍රය කිරීමෙන් ඔබේ හිත සතුටුවන පුද්ගලයන් සමග නිතර ගැවසෙන්න අමතක කරන්න එපා.
[dt_gap height=”10″ /][dt_divider style=”thin” /][dt_gap height=”10″ /]
www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about some tips to get young. You can read the article and put your feedback on it.
