මුහුණ වගේම දෑත් දෙපාත් ලස්සනට තියා ගන්න

කාන්තාවකගේ ලස්සන රැදිලා තියෙන්නේ මහුණේ විතරක්ම නෙමෙයි. ඔබ ලස්සනට පිළිවෙළට ඉන්න කැමති කෙනෙක් නම් ඔබේ මුහුණ ගැන වගේම දෑත්, දෙපා සම පිළිබඳවත් සත්කාර කළ යුතුයි. ඒ සදහා ඔබට පහසුවෙන්ම ගෙදරදී  කර ගන්න පුළුවන් සත්කාර කිහිපයක් ගැනයි මේ කියන්න යන්නේ.

ඔබේ දෑත් ඉතාමත් මෘදුව ලස්සනට තියා ගන්න ඕනනම් මෙන්න මේ ටික කරලා බලන්න..
කෝමාරිකා මදය අත් දෙකේ ආලේපකර මිනිත්තු 10ක් පමණ තබා සීතල ජලයෙන් සෝදා හරින්න. රාත්‍රියේ නින්දට යාමට පෙර සහ ස්නානය කිරීමට පෙර ඔලිව් තෙල් දෑත් වල ගල්වා විනාඩි 15ක් පමණ මසාජ් කරන්න. ඔලිව් තෙල් සමට තෙතමනය ලබාදී වියලි බව දුරු කර රැළි වැටීම අඩු කරයි. නියපොතු කපා දෙහි හෝ බිලිං අතුල්ලා මද උණුසුම් ජලයෙන් සෝදා හැරතුවායකින් තෙතමාත්තු කර නියපොතුවල වැස්ලින් ආලේප කරන්න.

සතියකට වතාවක්වත් දෑත් ස්ක්‍රබ් කරන්න. මැරුණු සම ඉවත් කිරීමෙන් දෑත් වල සිනිඳු බව රැකගන්ට හැකිවේ. මේ ස්ක්‍රබ් වර්ග ගෙදරදීම පහසුවෙන් හදාගන්න පුළුවන් –

සීනි මේස හැඳි 4කට මී පැණි මේස හැන්දක්, ඔලිව් තෙල් මේස හැන්දක් මිශ්‍ර කර වැලමිටේ සිට පහලට ඇඟිලි තුඩු තෙක් දෑත් වල තවරන්න. මෘදුව කවාකාරව ඇඟිලි තුඩු වලින් පිරිමදිමින් ස්ක්‍රබ් කර සිසිල් ජලයෙන් සෝදා ගන්න.

සීනි මේස හැඳි 4ක්, ලුණු මේස හැඳි 4ක්, මී පැණි මේස හැඳි 2ක්, දෙහි යුෂ තේ හැන්දක් සහ පොල් තෙල් මේස හැන්දක් ගෙන හොඳින් මිශ්‍ර කර පෙර දෑත් වල තවරා ස්ක්‍රබ් කර මද ජලයෙන් සෝදා හරින්න.

කෝපි කුඩු මේස හැඳි 4කට පොල් තෙල් මේස හැඳි 2ක් එක් කර පෙර දෑත් වල තවරා ස්ක්‍රබ් කරගන්න

සහල් කෝප්පයක් ග්‍රයින්ඩ් කර පිටි කර එයට රෝස වතුර මේස හැඳි 2ක්,කිරි තේ හැන්දක් ද එක් කර හොඳින් මිශ්‍ර කර දෑත් වල ආලේප කර විනාඩි 20ක් පමණ තබා මඳ උණුසුම් ජලයෙන් සෝදාහරින්න.

මේ පිළියම කිරීම පමණක් නොව එදිනෙදා වැඩකටයුතු වලදීත් අතේ සම රැක ගැනීම වැදගත්. ඉවුම් පිහුම් කටයුතු වලදී මෙන්ම ගෙවත්තේ කටයුතුදු සඳහා අත් මේස් දෙකක් භාවිතා කල හැකියි. මේ අයුරින් කටයුතු කලහොත් විශාල මුදලක් වියදම් නොකරම ඔබටත් ඉතා සුන්දර දෑතක් හිමිකර ගත හැකියි.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about your skin care and pedicure .You can read the article and put your feedback on it.