නුවර එළිය කියපු ගමන් ඔබට මතක් වෙන්නේ “සීතල” බැලූ බැලූ අත හරිත වර්ණ වූ නුවරඑළියට ඔබත් ජීවිතේ එක් වතාවක් හෝ ගිහින් ඇති. ඒ අතරනිතුත් දුම්රියෙන් නුවර එළියේ ගියපු අයගේ දෑස් වඩ වඩාත් වාසනාවන්ත යැයි මට හිතනවා. උඩරට මැණිකේ දුම්රියෙන් කන්ද උඩරටට ගියපු අය නම් දන්වා ඒ ඇයි කියලා.
මලින් බර වුණු නුවර එළියට නම් හැමදාමත් ලබලා තියෙන්නේ වසන්ත කාලය. ලංකාවේ වැඩිම උෂ්ණත්වය කොහේ වාර්තා වුණත් මොන කාලගුණ වාර්තාවෙත් අඩුම උෂ්ණත්වය තියෙන්නේ නුවරඑළියේ. නුවර එළියේ යන හැමෝම කෝට්, ජර්සි, ස්වෙටර්ස් එහෙම ඇඳගෙන, මන්කි තොප්පි දාගෙන, මෆ්ලර් බැඳගෙන ඇවිදින්න යන්න තමයි ගොඩක්ම කැමති. සරලව කියනවනම් නුවරළියට යනවා කියන්නේ එංගලන්තයට ගියා හා සමානයි කියලයි කතාවට නම් කියන්නේ.
ඉතිං අපිත් හිතුවා සීතල නුවර එළියට සුන්දර සවාරියක් යන්න. අද අපි කියන්න යන්නේ බොහෝ අය යන නුවර එළියේ ගොඩක් දෙනෙක් නොයන අපූරු ස්ථානයක් ගැනයි. ඒ තමයි සුරංගනා ලෝකයක් වගේ අපරුවක් මවන සුන්දර සඳ තැන්න.
සඳ තැන්න, එහෙමත් නැතිනම් මූන් ප්ලේන්ස් (Moon Plains) කියන්නේ නුවරඑළියට එන වැඩි දෙනා නොදන්න සුන්දර ඉසව්වක්. සීතල කඳු පන්තිවලින්, තේවතුවලින් පිරුණු නුවර එළියේ අර්තාපල් වගාවට හිමි වෙන්නේ ඉහළ තැනක්. ඉතිං එයිනුත් සඳ තැන්න ආශ්‍රිතව තමයි බොහෝමයක් වගා කටයුතු සිදු වන්නේ. සද තැන්න සංචාරක ප්‍රෙද්ශයක් ලෙස නම් කෙරුනේ 2014 වර්ෂයේදී. ්‍ තණකොළ වලින් වැසුණු පැතලි කඳු මුහුණතක් හිමි සඳ තැන්න සංචාරකයන් සඳහා විවෘත කරන්න කලින් කුණු බැහැර කරන ප්‍රදේශයක් විදිහටයි පාවිච්චි කරලා තියෙන්නේ. පසුව ගොඩ කරපු භූමියක් විදිහට සකස් කරලා “කෘෂිකාර්මික සහ පාරිසරික කලාපයක්” විදිහට නුවරඑළිය මහනගර සභාව මගින් වර්ගීකරණය කර තිබෙනවා.සැබැවින්ම සද තැන් කියන්නේ ස්භාව සෞන්දර්යෙන් පිරී ඉතිරීයන අපූරු ප්‍රෙද්ශයක්.
මාගස්තොටින් උතුරට හැරිලා කෘෂිකර්ම දෙපාර්තමේන්තුව සහ රාජ්‍ය අර්තාපල් බීජ ගොවිපොළ තියෙන පැත්තට ආවොත් නුවර එළි නගරයට කිලෝමීටර් කිහිපයක් දුරින් පිහිටි සඳ තැන්නට ඔබට ලගා වෙන්න පුළුවන්. සද තැන්නට ඔබට පයින් ඇවිද ගෙන යන්න නම් අවසර නැහැ. ජීප් එකකින් ගියොත් විරක් ඔබට සුන්දරත්වය දැක බලා ගන්න පුළුවන්. ඒ සඳහා ටිකට්පතක්ද මිලදී ගැනීමට ඔබට සිදු වෙනවා. ඒ සඳහා ඔබ ශ්‍රී ලාංකිකයෙකු නම් රුපියල් 50කුත් විදේශිකයන්ට රුපියල් 250ක් ගෙවන්න සිද්ධ වෙනවා. ඊළඟට තියෙන ලොකුම ප්‍රශ්නය තමයි මේ ගමන යන්න ජීප් එකක් හයර් කරන එක. කිලෝමීටර් කිහිපයක් යන්න ඔබට ඒ සදහා 2500ක් පමණ වැය කරන්නට වෙනවා. වාහනයක ගියත් ඔබට හිතේවී මේ ගමන පයින් ඇවිඳ ගෙන යන්න තිබුණනම් කොච්චර සුන්දරද කියලා. ඒ තරමටම ඒ වටපිටාව මනස්කාන්තයි.
හරිත පැහැ තණකොළ, සනීපයක් ගෙන දෙන සීතල සුළඟ මේ යන ගමනේදී ඔබට අපූර්වත්වයක් එකතු කරාවී. සඳ තැන්නේ ටික දුරක් යද්දී ඔබට මුණ ගැහෙන උස් තැනක ඔබේ වාහනය නතර කරාවී. ඒ තැන ඉදන් වටපිට බලන ඔබට සිතේවී ලංකාව කොච්චර ලස්සන රටක්ද කියලා. ඒ දර්ශනය සඳ තැන්නේ යන අයට විතරක්මයි දැක බලා ගන්න පුළුවන් වෙන්නනේ. හරියට මුහුද මැද්දේ තියෙන පුංචි දූපතක ඉඳන් වටපිට බලනවා වගේ. ඔබට හිතේවී අහස මේ තරම්ම ලොකුද කියලත්
මෙතන ඉඳන් වටපිට බලද්දී අවට තියෙන හැම උස් කඳු මුදුනක්ම ඈත ක්ෂිතිජයේ දැක ගන්න පුළුවන්. කිරිගල්පොත්ත, තොටුපළ, හක්ගල කියන තුන එක පැත්තකින් පෙනෙන්ද්දී අනිත් පැත්තේ පිදුරුතලාගල, කිකිළියාමාන, නමුණුකුල කඳු දැක ගන්න පුළුවන්. හතර වටේටම හැරිලා බලන්න කදිම තැනක්. අලුත් ට්‍රෙන්ඩ් එකේ 360˚ ෆොටෝස් ටිකක් අරගන්න මීට වඩා හොඳ තැනක් නැතිව ඇති. ඉතිං ඔබත් නුවර එළියේ ගියොත් සඳ තැන්නට යන්නත් අමතක කරන්න එපා.
[dt_gap height=”10″ /]
[dt_gap height=”10″ /][dt_divider style=”thin” /][dt_gap height=”10″ /]
www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about moon planes at nuwaraeliya srilanka .You can read the article and put your feedback on it.
