“ඇල්ල” කිව්වම ලංකාවේ ඉන්න අපිටත් වඩා ඒ ගැන දන්නේ විදේශිකයන්. මනරම් ඇල්ල නගරය ඒ තරමටම දෙස් විදෙස් සංචාරකයන් අතර ප්‍රසිද්ධ වූ ස්ථානයක්. ගියපු කෙනෙකුගෙන් අහලා බැලුවොත් ඔබටත් ඒ ගමන යන්නම හිතේවී. ඒ වගේම තමයි ඔබ දුම්රිය ගමන් වලට ආස කරන කෙනෙක් නම් මේ ගමන යන්න තිබෙන හොඳම ක්‍රමය තමයි දුම්රිය. කොළඹ කොටුවේ සිට බදුල්ල බලා යන දුම්රියකට ගොඩ වුණොත් ඔබට ඇල්ලෙන් බැහැ ගන්න පුළුවන්.
කොළඹ නගරයේ ඉදන් ඇල්ල නගරයට දුර කිලෝමීටර 200ටත් වඩා වැඩියි. නමුත් මේ ගමන යන්න ඔබට ගතවෙන්නේ පැය හයක් , හතක් වගේ කාලයක්. කෙහොම හරි කමක් නැහැ නිවාඩුපාඩුවේ ඉන්න වෙලාවක ඒ සුන්දරත්වය විඳගන්න ඔබත් ඇල්ලට ගිහිල්ලම බලන්න. එහෙම ගියොත් මෙන්න මේ තැන් ටික බලලා එන්නත් අමතක කරන්න එපා.
- Ella Rock
ඇල්ල කන්ද මුදුනටම නැගලා පහළ බැලුවොත් ඔබට හිතේවී ඇත්තටම අපේ රට කොච්චර ලස්සනද කියලා. පූනාගල නඟඳුවැටිය අවසාන භාගයේ පිහිටලා තිබෙන ඇල්ලගල කන්ද අඩි 500කට ආසන්න උසකින් පිහිටලා තිබෙනවා. මේ ගමනේදී ෆයිනස් කැලේ මැදින් කඳ මුදුනට ලගා විය යුතුයි. කඳු බෑවුමේ, නැම්මක් එක්ක පිහිටලා තියෙන අයිනට බැස්සාම දිස්වෙන ත්‍රාසය මුසු පුළුල් දර්ශන පථය ඔබේත් දෑසත් මවිතයට පත් කරාවී. තරමක් වෙහෙසකර ගමනක් වුණත් ඔබ මේ යායුතුම ස්ථානයක්. දුම්රිය මගින් යනවනම් ඔබ කිතල් ඇල්ල දුම්රිය ස්ථානයෙන් හෝ ඇල්ල දුම්රිය ස්ථානයෙන් බැස මේ ගමන ආරම්භ කළ යුතුයි.
2.Little Adam’s Peak
පුංචි ශ්‍රීපාදය කියන්නෙ ඇල්ල ගල කන්දට ඉස්සරහින් පේන කන්ද. පුංචි ශ්‍රීපාද කඳු මුදුනෙයි ශ්‍රීපාද කඳු මුදුනෙයි දෙකේම අංශක 360ක දර්ශන පථයක් තියෙන එක ලොකු විශේෂත්වයක්. හිමිදිරි ඉර සේවය දැක බලා ගන්නත් මෙතන කියාපු තැනක්. ඒ හැරුණාම ඈතින් කඩා හැලෙන රාවණා ඇල්ලත් හරි ලස්සනට මෙතනට පේනවා. උස අඩි 400ක් විතර වුනත් ඇල්ල ටවුමෙ ඉඳන් කඳු මුදුනට තියෙන කිලෝමීටර 3ක යන්න අඩුම තරමෙ පැයක්වත් ගත වේවි.
3. Ravana Cave- රාවනා ගුහාව
රාවනා ගුහායට පයින් යනවනම් අවමය පැයක් පමණ ගතවෙනවා. ඇල්ල නගරයේ ඉදන් කිලෝමීටර් 3.5 පමණ දුරින් තමයි රාවනා ගැහාව පිහිටලා තිබෙන්නේ. වර්ග අඩි 1500කටත් අධික මේ ලෙන් භූමියෙ දකුණු පස අවසානයේ ඉඳන් ආරම්භය වෙනකම් කොටසෙ සැඟවුනු උමං 4ක් තියෙනවා. ඒ උමං ටික දෑසින් බලා ගන්නනම් අඩුම තරමෙ විදුලි පන්දම් තුනකවත් එළිය ඕන. ඒ විතරක් මදි, අඩි එක හමාර, දෙකේ හිඩැස් වලින් බඩ ගාගෙන රිංගන්න පුළුවන් වෙන්නත් ඕන.
4. Nine Arch Bridge (Demodara)
ආරුක්කු නවයේ පාලම, මේ ස්ථානය සංචාරක ආකාර්ශනය ඉතාමත් ඉහළින්ම දිනා ගත් ස්ථානයක්. මෙතෙනට යන්න නම් ඇල්ලෙ ඉඳන් කුඹල්වෙලට ගිහින් බදුල්ල බස් එකකට ගොඩ වෙලා දෙමෝදරින් බැහැල යන්න ඕන. එහෙම නැත්නම් ඇල්ල දුම්රිය ස්ථානයෙන් රේල් පාරට බැහැලා දකුණු පැත්තට ඇවිදන් යන්න. පැයක් යන්න කලින් ආරුක්කු නවයෙ පාළමට ලඟා පුළුවන්. එහෙම නැත්නම් ෆයිනස් කැලය මැදින් යන අඩි පාර අහගෙන යන්න
5. Demodara Railway Station
අපේ රටේ ගොවි මහතුන් ජටාව බදාන ආකාරය දැකල තමයි සුදු මහත්තුරු දෙමෝදර දුම්රිය ගමන් මග නිර්මාණය කරලා තිබෙන්නේ . ඒ අනුව දෙමෝදර දුම්රිය පොළ පිහිටල තියෙන කන්ද බෑවුම ජටාවෙ ගැටේ හැඩයට හදන්න තීරණය කරලා තිබෙනවා.. ආරුක්කු නවයෙ පාළම ලඟ ඉඳන් දෙමෝදර රේල් ගැටය ලඟට තියෙන්නෙ කිලෝමීටර 3කටත් අඩු දුරක්. මේ යන ගමනේදී එක බිංගෙයකුත් ඔබට මුණ ගැසේවී.තේ වතු මැද්දෙන් යන ගමනෙ පොඩි කතාබහක් දැම්මට කමක් නෑ කෝච්චිය එනවද කියල අවධානයෙන් යන්න අමතක කරන්න එපා. ඒ අපූරු තාක්ෂණය නම් ඔබ දෑසින්ම දැක ගත යුතුමයි
[dt_gap height=”10″ /]
[dt_gap height=”10″ /][dt_divider style=”thin” /]
www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about the places you can visit in ella srilanka . You can read the article and put your feedback on it. In Ella you can visit a range of beautiful places such as the famous ella nine arch bridge etc.
