307
ගොඩක් අය කැමති කෑමක් තමයි කොමඩු. විශේෂයෙන් පැණි කොමඩු. කෑමක් කිව්වට කොමඩු අයිති වෙන්නෙ පලතුරු ගණයට. ඇත්තටම ඔයා කොමඩු කන්නෙ රස නිසාද ගුණ ගැන දැනගෙනද ?
දන්නවද කොමඩු වලින් 92%ක්ම තියෙන්නෙ ජලය. අපිට නිතරම ජලය ඕන වෙනව. අපි කොමඩු කන්නෙ ගොඩක් වෙලාවට වතුර තිබහින් ඉන්න වෙලාවටනෙ. ඉතින් ජලයේ තියෙනවා බොහෝමයක් ගුණ ඒව අපිට ලැබෙනවා. ඒවගෙමයි කාබෝහයිඩ්‍රේට් ග්‍රෑම් 23 ක් විතර තියෙනවා. මේක සාමාන්‍ය විදියට ශරීරයට අවශ්‍ය ප්‍රමාණයයි. සීනි ගත්තොත් ග්‍රෑම් 19ක් විතරත්, ෆැට් ඒකියන්නෙ මේදය ග්‍රෑම් 0.4ක් පමණ තමයි තියෙන්නෙ. ඒවගෙමයි ප්‍රෝටීන් ග්‍රෑම් 1.9ක් තියෙනවා. සිට්රුලීන් මිලි ග්‍රෑම් 500ක් විතර තියෙනවා. කැලරි 92ක් පමණත් තියෙනවා. ඒවගේම විටමින් ඒ, විටමින් සී වගේම පොටෑසියම් පවා තරමක් තියෙනව.
ජලය අධිකව තියෙන නිසා, උෂ්ණ කාලයේදී සිරුරේ අභ්‍යන්තර උෂ්ණත්වය සමතුලිතව තබා ගන්නටත් සම වියළීම පාලනය කර ගන්නටත් පැණි කොමඩු වලට පුලුවන්. ශරීරයේ ඇතිවන කැසීම් ස්වභාවයන් පවා පැණි කොමඩු ආහාරයට ගැනීමෙන් දුරු වේ. මළ බද්ධයෙන් පීඩා විඳින අයෙකුට කොමඩු ආහාරයට ගත්තාම සහනයක් දැනෙන්න හේතු වෙන්න පුලුවන්. ඒවගේම හෘද රෝගවලටත් බෙහෙවින් ගුණදායකය. වර්තමානයේ මුත්‍රා ගල්වලටත් මෙය ඉතා හොඳ ඖෂධයකි.
ශරීරයෙහි ප්‍රතිශක්තිය වඩන ගුණයක් ඇති නිසා , ප්‍රතිශක්තිය ඇති කිරීමටත් කොමඩු කදිම පලතුරකි. අසාත්මිකතා නාශක ගුණයක් මේ පලතුරෙහි අඩංගු ය. ඒ නිසා, අසාත්මිකතා වැළඳෙන අයට මේ පලතුර මනා ඖෂධයකි. ඒ වගේම, උණ රෝගය, ඉරුවාරදය, කොලෙස්ටරෝල් ආදී රෝගවලින් පෙළෙන අයට කොමඩු ගුණදායක ආහාරයක්. මෙය වකුගඩු හා මුත්‍රාශය පිරිසුදු කරනවා. ඒවගේමයි කෑම දිරවීම පහසු කරවයි. ආහාර ගැනීමෙන් පසු කොමඩු කැබැල්ලක් අතුරුපසක් විදිහට ආහාරයට ගන්න පුලුවන්. ගෑස්ට්‍රික් රෝගයෙන් පෙළෙන අයෙකුට කොමඩු ආහාරයට ගැනීමෙන්, සුවදායී බවක් ලැෙබ්. අර්ශස් රෝගය සමනය කරන්නටත් කොමඩු උචිත ය. සම පැෙල් ඉන් සුවය ලැබීමට කොමඩු නිතර නිතර ආහාරයට ගත හැකි ය.
දිනපතා උදේට කොමඩු යුෂ වීදුරුවක් පානය කරන්නට පටන්ගත්තොත්, තියෙන ඖෂධීය ගුණ නිසාම, සම පැහැපත් වෙනවා. එසේම, සම අධික ලෙස වියළීම නිසා, හම රැලි වැටීම, සම පැලීමේ තත්ත්ව වළක්වා ගත හැකි ය. දෛනිකව කොමඩු යුෂ බොනවා නම්, තරුණ පෙනුමක් ලබාගත හැකි වෙනවා.
