මේ සටහනට සමහරු එකඟ නොවෙන්නත් ඉඩ තියෙනවා. මොකද ෆැෂන් සෙන්ස් එක එකිනෙකාගෙන් එකිනෙකාට වෙනස්නෙ. මේ කියන්නෙ ලංකාවෙ කෙනෙක් විදියට ෆැෂන් ගැන හිතනවානම් අපිට Follow කරන්න කදිම Instagram profiles 6ක් ගැනයි. Instagram එකේ ෆැෂන් සම්බන්ධයෙන් ඕනෑ තරම් අදහස් ගන්නට පුළුවන් තැන් තියෙනවා. ඒ නිසාම අපි තීරණය කළා විවිධ පැතිවලින් ෆැෂන් ගැන අදහසක් ගන්න පුළුවන් විදියේ, දේශීය සහ විදේශීය ෆැෂන් ප්‍රොෆයිල්ස් කීපයක් ඔයාලට අරගෙන එන්න. ඔයාලා ෆැෂන් ගැන අදහසක් ගන්න වගේම ඔයාලා කැමතිම Instagram ෆැෂන් ප්‍රෝෆයිල්ස් තියෙනවනං ඒවත් අපිට කියන්න අමතක කරන්න එපා.
senali.desilva
සෙනලි ඩි සිල්වා කියන්නෙ තරුණියක් වගේම ගායනයේත් දක්ෂ කෙනෙක්. සෙනලි ඉන්ස්ටග්‍රම් ඉන්ෆ්ලුවන්සර් කෙනෙක් විදියට නොයෙක් අංශ ගැන කතා කරනවා අපිට දකින්න පුළුවන් වුනත් සෙනලිගෙ විශේෂත්වය වෙන්නෙ ෆැෂන්. ඒ නිසාම සෙනලිගෙ ඉන්ස්ටග්‍රම් ප්‍රෝෆයිල් එකෙන් ඔයාලට වෙනස් විදියෙ ෆැෂන් සෙන්සස් ගැන අදහසක් ගන්න පුළුවන් වගේම සෙනලි ඒ ගැන ලබාදෙන නොයෙක් විදියේ ටිප්ස් සහ ට්‍රික්ස් හොයාගන්නත් පුළුවන්.
shanudrie
ෂනුද්‍රි කරලියට එන්නෙ දිනේෂ ප්‍රියසාද්ගෙ දුව විදියට වුවත් ඇය එතනින් නැගී සිටින්නෙ ඇයගේම ගමනක් යමින්. යූටියුබර් කෙනෙක් විදියට, නිළියක්, ගායිකාවක්, වගේම නර්ථනය යනාදී සකලවිධ කලාවන්ගෙන් පෝෂණය වුනු ඇයත් ලංකාවෙ ඉන්න හොඳ ෆැෂන් සෙන්ස් එකක් තියෙන ඉන්ස්ටග්‍රෑමර් කෙනෙක් විදියට හඳුන්වන්න පුළුවන්. ඒ වගේම ඇයට ඇයගේම විලාසිතා සන්නාමයකුත් තියෙන නිසාම මේ Instagram ප්‍රෝෆයිලය ඔයාලට ෆැෂන් ගැන හොඳ අදහසක් ගන්න උදවුවක් වේවි.
senanigunatillekeofficial
ලංකාවේ තරුණියකගේ හමට, හැඩයට ගැලපෙන විදියේ බටහිර උරුවට යන විලාසිතාවන්ගෙන් හැඩවුනු මේ Instagram ප්‍රෝෆයිලය සේනානි ගුණතිලකගේ. ඇයගේ විලාසිතා කාන්තා ඔබට කිසිම අපහසුවකින් තොරව අඳින්නට හැකියි මෙන්ම ඒ සම්බන්ධයෙන් ඇයගේ අදහස දැනගන්නත් ඇයගේ විලාසිතා අතරේ සැරිසරද්දී ඔබට හැකි වේවි. ඒ නිසාම අපි ඒ Instagram ප්‍රෝෆයිලයට විශේෂ අවධානයක් ලබා දෙනවා.
gypsea_lust
ඔයත් ට්‍රැවල් කරන කෙනෙක් නම් ඔයා Lauren Bullenගේ විලාසිතාවලට කැමති වේවි. ඇයව දකින්නට ලැබෙන විලාසිතා අතරින් වගේම ඇයගේ ඉන්ස්ටග්‍රම් ස්ටෝරීස්වලදී ඇය ලබාදෙන ඇතැම් පිළිතුරුවලින්ද ඔයාට ෆැෂන් ගැන හොඳ අදහසක් ලබාගන්නට පුළුවන් වේවි. ඒ නිසාමයි අපි ලෝකයේ ප්‍රමුඛ පෙළේ Instagram ෆැෂන් අයිකන් එකක් වුනු ඇයව මේ ලැයිස්තුවට තෝරාගත්තේ.
travel_bug_diary
දෙනුෂ්කා වීරප්පෙරුම එහෙමත් නැත්තං විවාහයෙන් පස්සෙ රණතුංග, අපිට 1996 ලෝක කුසලානය ගෙන දුන් අසහාය නායකයාගේ එකම පුතාගේ විවාහක බිරිඳයි. ඇය විලාසිතාකරණයේ කාලයක් පටන් නියැළුනු චරිතයක් විදියට ඔබ අපි හැමෝම ඇයව දැකලා ඇති. ඇයගේ ඉන්ස්ටග්‍රම් ප්‍රෝෆයිලයත් ඔබේ විලාසිතාවන්ට අදහසක් ලබාගන්නට කදිම තැනක්. ඒ වගේම ඇය ට්‍රැවලර් කෙනෙක් නිසා ඔයාට ඒ ප්‍රොෆයිල් එකෙන් ෆැෂන් සෙන්ස් එකක්ම විතරක් ලැබෙන්නෙත් නැති වේවි.
bishi_Anji
බිෂාරි ඇන්ජලීකා කල්දේරා කියන්නෙ එක්දරු මවක්. එක්දරු මවක් විදියට ඇය ඇගේ ශරීරයේ හැඩය පවත්වාගන්නා විදිය වගේම ඇය ඇයගේ විලාසිතා සිදු කරන ආකාරය ඔයාලටත් වෙනස්ම විදියේ අත්දැකීමක් වේවි. මවක් විදියට වගේම තරුණියක් විදියට ඇය Instagram හරහා සිදු කරන මේ විලාසිතා ඔයාගේ විලාසිතාවලටත් පහසුවෙන් ගලපාගන්නට හැකි වේවි.
