විශාලත්වය පාපන්දු පිටියක් තරම් වූ ලොව ජනගහනය අධික කුඩාම දූපත මෙන්න

විශාලත්වයෙන් පාපන්දු පිටියක් තරම් වූ ලොව ජනගහනය අධික කුඩාම දූපත ලෙස  සැන්ටා කෲස් ඩි අයිසොලේට්’ දූපත නම් කර තිබේ.

සැන් බර්නාඩ් දූපත් සමූහය සමඟ පිහිටා ඇති මෙය  කොලොම්බියාවට ආසන්න මුහුදු වෙරළේ පිහිටා ඇත. මුල් කාලීනව සුවිශාල කොරල්පරයක් ලෙස පිහිටා ඇති අතර පසු කාලීනව මිනිසුන් එම සුවිශාල කොරල්පරය මත  නිවාස ඉදි කර තිබේ.

මෙහි දැනට ජීවත් වන ජනගනය පුද්ගලයන් 500ක් පමණ වේ. ඔවුන් සතු නිවාස සංඛ්‍යාව 150කි. මෙහා මුළු ජනගහනයෙන් 60% කුඩා දරුවන්ය.  2017 වසරේ උපන් දරුවන් දංඛාව 7ක් වන අතර මරණ කිසිවක් වර්තා වී නොමැත.

මෙම දූපත් වාසී ජීවිතය ඉතාමත් කටුක වන අතර පිරිසිදු ජලය ඉතාමත් අවම තත්වයේ පවතී. ගිම්හා සෘතුවේදී ජලය සපයනු ලබන්නේ කුඩා නැව් මගිනි. ගමනා ගමන කටයුතු සියල්ල සිදු වනුයේ ඩිංගි බෝට්ටු හරහාය. මුලු දූපතටම විදුලිය සැපයෙනුයේ එක් ජෙනරේටරයක් හරහා සහ සූර්ය පැනල් දෙකක් මගිනි. මෙම දූපතට ලඟා වීම සඳහා ප්‍රධාන මාර්ග දෙකක් සහ අතුරු මාර්ග හතරක් පවතී.

මෙහි ළමුන්ගේ අධ්‍යාපන කටයුතු සදහා එක් පාසලක් පිහිටා ඇති අතර එහි ඉගැන්වීම් කටයුතු වෙනුවෙන් ගුරුවරු 20ක් පමණ සිටී. එමෙන්ම අධ්‍යපානය ලැබීම සඳහා ළමුන් 170 ක් පමණ සිටී. ඉඩකඩ හිත හේතුව නිසාවෙන් ඔවුන් මාරුවෙන් මාරුවට අධ්‍යාපනය ලබයි. මිනිසුන් තම ජීවිකාව සරි කර ගන්නේ පොකිරිස්සන් ,ඉස්සන් හා කකුලුවන් අල්ලා ගන්නා අතර කැස්බෑවන් හමු වූ විට ඔවුන් හෝටල් වෙත ලබා දී ආහාර ද්‍රව්‍ය ඒ වෙනුවට හිලව් කර ගැනීමෙනි.

මසුන් ඇල්ලීමට අමතරව මිනිසුන් සිය ජීවිකාව සිදු කරන්නේ සංචාරක කර්මාන්තයෙනි. දූපත තුළ ජන ජීවිතය නැරඹීමට වර්ෂයකට පැමිණෙන සංචාරකයන් ගණන දහස් ගණනකි. ඔවුන් හට විවේක ගැනීමට කිසිදු පහසුකමක් නොවුණත් බොහෝ වශයෙන් පිරිස් එහි පැමිණෙති. මෙම දූපත පිරිසිදුව තබා ගැනීම සඳහා තරුණයින් ඇතුළු ළමා පිරිස් වෙහෙසෙයි. බොහෝ දුෂ්කරතා මැද ඔවුන් ගෙවන ජීවිතය සරල හා සුන්දර බව බොහෝ දෙනෙකුගේ අදහසයි.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about santacruzz de island. You can read the article and put your feedback on it.