සාමාන්‍යයෙන් වැඩ කරන ඩෙස්ක් එක උඩ වර්තමානයේ තියෙන්න ඕන මොනවද? ඩික්ෂනරියක්, කැල්කියුලේටරයක් වගේ දේවල් දැන් ඕනම නැහැනෙ. මොකද ඒවා ලැප්ටොප් එකෙන් වගේම ෆෝන් එකෙන් සපුරනවා. මේ කියන්න යන්නෙ ඊට වඩා වෙනස් දේවල් ටිකක්. මේ දේවල් සමහරු ගාව දකින්න ලැබුනත්, බොහෝවිට උවමනා වෙන මේ දේවල් නැති වුනාම ඔයාගෙ වැඩ කටයුතුවලට ඔයාත් නොදැණුවත්වම අපහසුවක් වෙන්න පුළුවන්. ඒ නිසාම Lady.lk අපි මේ කියන දේ ගැන හිතලා බලන්න. ඇත්තටම ඕන කරන දේවල් ඔයා ලඟ තියාගන්න.
ස්ටිකී නෝට්ස්
ස්ටිකී නෝට්ස් කියන්නෙ කවුරුත් වැඩිය ඕන වෙයි කියල නොහිතෙන දෙයක්. එනිසා අපි කියන්නං ස්ටිකී නෝට්ස් ඔන වෙන අවස්ථා කීපයක්. ෆෝන් එක චාජ් වෙන්න දාලා තියෙද්දි රිමයින්ඩර් එකක් දාගන්න, කාටහරි කොලේක එඩිට් කිරීමක් ගැන පණිවුඩයක් තියන්න ඕන වුණාම ඒ අදාළ කොළේ අලවන්න, නිතර අමතක වෙන ඒ වුනත් නිතරම සිහියේ තියෙන්න ඕන දෙයක් නිතර පේන්න බිත්තියේ අලවගන්න, තමුන් පසුවට කල් දාපු වැඩක් ගැන මතක් කරලා ලැප්ටොප් එකේ අලවගන්න. මේ හැම දේටම ස්ටිකී නෝට්ස් ප්‍රයෝජනවත් වෙනවා.
ස්ට්‍රෙස් බස්ටර්
අපි හැමෝම නොහිතන දෙයක් තමයි ස්ට්‍රෙස් බස්ටර් කියන්නෙ. අපි හැමෝම කාරය බහුල වෙන්න වෙන්න මනස තරමක් ආතතියට ලක් වෙන එක නවත්තන්න බෑ. ඒ නිසා එහෙම අවස්ථාවක් තියෙන්න ඕනම දෙයක් තමයි මනසට පොඩි විවේකයක් දෙන්න පුළුවන් විදියෙ ෆිජට් ටෝයි එකක්. ෆිජට් ටෝයි එකක් ලඟ තියෙන්නෙ පොඩි ළමයි ගාව විතරක් නෙමෙයි. ෆිජට් ටෝයි එකක් අපි ඕනම කෙනෙකුට ඕන වෙන්න පුළුවන්. අඩුම තරමෙ මේ වෙනස වටහාගන්න බබල් රැප් එකක් හරි ලඟ තියාගෙන බලන්න. ඔයාටම ඒ වෙනස දැනේවි.
බ්‍රෙත් මින්ට්
අපේ මුඛය කිසිම නැවුම් ගතියක් නැති වුනාම හරිම ඩල් ගතියක් දැනෙන්න පුළුවන්. ඒ ගතිය නැති කරගන්න අපිට මොනවහරි පොඩි දෙයක් කටේ රුවාගන්න වෙනවා. මේකට අයිස් වතුර ටිකක්, කාබොනේටඩ් බීමක් වගේ දෙයක් හරි ගියත් ලේසිම දේ විදියට අපි දකින්නෙ බ්‍රෙත් මින්ට් එකක්. දැන් සීනි රහිත බ්‍රෙත් මින්ට් වෙළඳපොලේ ඕනෑ තරම් තියෙන නිසා ඔයාලට පහසුවෙන්ම එකක් තෝරාගන්න පුළුවන්.
පෑනයි පොතයි
ලැප්ටොප් ස්මාට්ෆෝන් තියෙන ලෝකෙ පෑනකුයි පොතකුයි මේසෙට ඕන වෙයි කියලා කවුරුත් හිතන්නෙ නෑ. ඒ වුනත් මනසට පොඩි වෙනසක් දැනෙන්නත්, දල සටහනක් ඇඳගන්නත්, අපේ වැඩකටයුතු ගැන ලිස්ට් එකක් නෝට් ඩවුන් කරගන්නත් පොතක් පෑනක් මේසය උඩ තිබීම වටිනවා. ඒ නිසා තාක්ෂණය දියුණු වුනා කියලා ඒ දේවල් අමතක කරන්න එපා.
පේපර් වේට්
ඔෆිස් එකක් වැඩ කරද්දි නොයෙක් දේ ටයිප් කරපු කොළ අපේ අතට ලැබෙනවා. ඒ හැම දෙයක්ම ෆෝල්ඩර් වයිල්ස් ඇතුළට දාන්න කලින් තියෙන්නෙ අපේ වර්ක් ඩෙස්ක් එක උඩ. ඉතිං එහෙම තියෙන කොළ හුළගෙ යන්න නොදී තියාගන්න එක වැදගත්. ඒකට පේපර් වේට් එකක් තිබීම අතිශය වැදගත්.
කෝස්ටර්
කෝස්ටර් එකකුත් මේසයකට අත්‍යවශයයි. අපි වැඩකරද්දි අපිට නිතර තේ කෝපි වගේම නොයෙකුත් බීම ජාති ලැබෙනවා. මේ දේවල් කෙලින්ම මේසය උඩ තිබ්බොත් මේසය උඩ වතුර රැඳෙන්න වගේම, ඒ කොප්පවලින් ඇති වෙන කහට පාරවල් මේසයේ හිටින්නත් පුළුවන්. ඒ නිසාම කෝස්ටර් එකක් හෝ දෙකක් ඔබේ මේසය මත තියෙන එක ඔයාටම වැදගත් වේවි.
ඇහැට ප්‍රිය දසුනක්
දහසකුත් එකක් රාජකාරි මැද්දෙ ඉඳිද්දි තමුන් දකින්න ආසම දෙයක් මේසය උඩ තියාගන්න එක වැදගත්. තමුන්ගේ ආදරණීයයෙකුගේ පින්තූරයක්, කුඩා සිහිවටනයක්, කැමතිම කලා නිර්මාණයක් හෝ පිළිරුවක්, පොඩි කැක්ටස් පැළයක් හෝ වෙනස් ඇස නිවන කොළ පැහැයට හුරු යමක් ඔයාගෙ මේසය උඩත් තියාගන්න.
