ආදරය ගැන කතා කරන බොහෝ දෙනා කියන්නේ ආදරේ හරිම සුන්දරයි , ආදරේ හරිම ලස්සනයි කියලා. හැබැයි ආදරේ ගැන එහෙම කියන සමහර අයම තමයි ආදරේ අපායක් කරලා යන්නම යන්නෙත්. එහෙම දාලා ගිය ඔබ පණ වගේ ආදරය කරපු කෙනා ඔබේ ඇස් ඉදිරිපිටම තවත් කෙනෙකු හා ආදරෙන් වෙලී ඉන්න අවස්ථා ඔබ ඕනෑ තරම් දැක ඇති. කමක් නැහැ යන අයට යන්න දෙන්න හැම දේම සිද්ධ වුණේ ඔයාගේ හොඳටයි කයලා හිත හදා ගන්න. ඒ වෙලාවල් වලදී ඔබට මෙහෙම කියපු අයත් ඕනෑ තරම් ඇති.
කොහොම වුණත් ආදරේ දුක සතුට ගැන දන්නේ ගැන දන්නේ හරි යන්න හරි වරදින්න හරි කියලා හිතා ගෙන ඇත්තටම ආදරේ කරපු අය විතරයි. ඇත්තටම නොලැබෙන ආදරයක් පස්සේ හිත රවට්ට රවට්ට හීන මව මවා දුක් විඳින එකේ කිසිම තේරුමක් නැහැ. ඔබ දුන්නු ආදරේ සොඳුරු මතකයන් හිතේ ගුලි කරන් ඒ මතකයට හැමදාම ආදරය කරන එක ඊට වඩා සැපයි. දාලා ගිය අය වෙනුවෙන් දුකවෙලා ඇත්තටම පලක් නැහැ.
ඒකයි ආදරයත් හරියට බිඳෙන වීදුරුවක් වගේ කියලා කියන්නේ. ආදරය කරනකොට පැහැදිලිව දෙදෙනාව පේනවා . ඒවගේම තමයි හරිම ශක්තිමත්. නමුත් බිඳිලා ගියපු දාට ඒක හරිම දුර්වලයි. ඒ බිඳුණු තැන් ආයෙත් කවදාවත් ඒ විදිහට හදන්න බැහැ. ඒ නිසා ඔබව දාල ගිය අය තැන් තැන්වලදී ඔබට එක එක වැරදි පටවාවී, ඔබට අගෞරව කරවී, ඔබට හිනා වේවී නමුත් ඔබ සතුටු වෙන්න මොකද ඔවුන් වගේ ඔබත් ඔවුන්ට බොරුවක් නොකළ එකට. ඒ දේවල් ගැන පසුතැවිලා කවදාවත් ඒක උත්තර රේල් පිලී උඩින්, එල්ලෙන කඹවලින් , පැනඩෝල් අහුරුවලින් හොයන්න යන්න එපා.
මොකද මේ ලෝකේ සෑම සුන්දර දෙයක්ම දකින ඇස් දෙකක් කෙහේම හරි තියෙනවා. සෑම සත්‍යකටම සවන්දෙන දෙසවනක් කෙහේම හරි තියෙනවා. ඒ වගේම තමයි ආදරයත්, හැම කෙනෙකුටම ආදරය ලබන්න ආදරයට උරුමකම් කියන්න හදවතකුත් කෙහේම හරි තියෙනවා. ඒ ආදරය ඔබ සොයාගෙන එනකන් මග බලා ගෙන ඉන්න. ඔබ ආදරය කරන කෙනෙකුට වඩා ඔබට ආදරය කරන කෙනෙකුට ආදරය කරන්න. එහෙම ආදරයක් ලැබුණ දාට ඔයාගේ මුලු ජීවිතයම ලස්සන වේවී.
ජීවිතේදී කවදාවත්, ආදරය සැලසුමක් වෙන්නේ නැහැ, මොකද ආදරය ඇති වෙන්නේ හේතුවක් නැතිව. නමුත් ඔබට හරිම කෙනා මුණ ගැහුණ දාට ආදරය ඔබේ ජීවතයේ සැලසුම වෙයි. ජීවත් වීමට හේතුවද ඒ ආදරයම වෙයි. අන්න එදාට ඔය හදවත පුරා උතුරා යන ආදරයෙන් ඔබේ ආදරය බලාපොරොත්තුවෙන් ඉන්න හිතක් පුරවන්න එතනදි කවදාවත්ම රූපය හෝ වත්පෙහෙසත්කම් ගැන හිතන්න එපා. ඒ කෙනාගේ හදවතට, ජීවිතයට, ආත්මයටම ආදරය කරන්න ඒ ආදරය සදාකාලිකයි. ඒ ආදරය හැමදාම ඔබේ ජීවිතයම වේවී.
