ඔබට සුදුසුම ඩයට් ප්ලෑන් එක මෙන්න

.

ශරීරයේ හැඩය පවත්වාගෙන යන්න අපි හැමෝම උනන්දු වෙනවා. ඒ වෙනුවෙන් ඩයට් කරන එක නැතිනම් ආහාර පාලනය කිරීම ශරීර සෞඛ්‍යට‍ ඉතාමත් හිතකර දෙයක්. නමුත් නරක දේ තමයි ආහාර වේල් අතපසු කිරීම. සමහර අය කෙට්ටු වෙන්න කියලා හිතාගෙන රෑට ආහාර ගැනීමෙන් වැළකී සිටිනවා. නමුත් මෙය ඔබගේ ශරීරයට වගේම ආහාර ජීර්ණ පද්ධතියටත් හොද දෙයක් නෙවෙයි. එහෙනම් මොකද්ද ඔබ කල යුත්තේ? ඔබ කල යුත්තේ ආහාර ගන්නා විට ටිකක් ආහාර ගැනීමයි. ඒ කියන්නේ හිත පිරෙන්න කන්නේ නැතුව බඩ පිරෙන්න කන්නෙත් නැතුව ඔබට දරාගැනීමට හැකිතරම් ආහාර ගැනීමයි.

අන්න ඒ රටාව තමයි ශරීරයට සුදුසු නැත්තේ.සුලු ආහාර වේලකට බඩ හුරු කරගන්න. සාමාන්‍යයෙන් ඔබ බත් කනකොට බත් හැදි 4ක් කනවා නම් ඒක බත් හැදි දෙකකට සීමා කරන්න. ඒවගේම සුදු හාල් වෙනුවට රතු හාල්, නිවුඩු සහල්, වගේම තම්බපු හාල් ආහාරයට ගන්න පුලුවන් නම් ගොඩාක් හොදයි.

උදැසන අවදිවුණු ගමන්…

උදේ නැගිට්ටගමන් ඇල් මැරුණු උණු වතුර වීදුරුවක් සමඟ දෙහි යුෂ හා  මීපැණි හැන්දක් එක් කර පානය කරන්න.
සමහර මීපැණි සීනි කලවම් නිසා මීපැණි තෝරාගැනීමේදී නියම මීපැණි ම තෝරා ගන්න උත්සහ කරන්න.  ග්‍රීන් ටී පානය කිරීම හොද වුනත් උදේට හිස්බඩ ග්‍රීන් ටී පානය කරන්න එපා. දවසකට ග්‍රීන් ටී කෝප්ප 2-3ක් පමණක් බොන්න. ඊට වඩා පානය කිරීම ශරීරයට එතරම් හිතකර නෑ.

තේ…

ශ්‍රි ලංකාවේ ‍බොහෝ දෙනෙක් පුරුදු වෙලා තයෙන්නේ උදේට තේ බොන්න. ඔබට තේ එක නොබී ඉන්නට හැකි නම් වඩාත් හොදයි. නැතිනම් මේද රහිත කිරි එක් කරගත් තේ පානය කරන්න.

උදේ ආහාර වේල…

උදේ ආහාර වේල ඉතාමත් පෝෂදායි ආහාර වේලක් විය යුතුමයි. ප්‍රෝටීන් බහුල ආහාර වේලක් උදේට ගන්න හැකි නම් ඉතාමත් හොදයි. කවුපි, කඩල, මුංඇට, දීසියක් හෝ තම්බපු බිත්තර, තම්බපු එළවලු ආහාරයට ගැනීම ඉතාමත් හොදයි. අවශ්‍ය නම් පමණක් එයට දුඹුරු පාන් පෙති දෙකක් රෝස් කර එක් කරගන්න.

දහවල් ආහාර වේල…

රතුබත් හැදි ‍දෙකකට එළවලු වැඩිපුර එක් කර ගන්න. එය‍ට පළා එක්ක කරගන්න අමතක කරන්න එපා. මස් වෙනුවට මාළු හාල්මැස්සන් ආහාරයට ගන්නට හැකි නම් ගොඩක් හොදයි. නමුත් ඔබ මස් මාංශ අනුභව කරනවා නම් කුකුල් මස් පපු කොටස ආහාරය ගන්න. ඌරු මස් වල තෙල් ඇති නිසා ඒවා ආහාරයට ගැනීම ඉතාමත් අහිතකරයි.

රාත්‍රී ආහාර වේල…

රාත්‍රී ආහාරය ඔබ 7ට කලින් වත් ගත යුතුයි. නින්දට යාමට ඔන්න මෙන්න කියා රෑ ආහාරය ගැනීමෙන් වලකින්න. රෑ නින්දට යාමේදි කිසිම ආහාරයක් නොගන්නනේ නම් වඩාත් හොදයි. එම වේල ඉක්මනින් දිරවිය හැකි ආහාර විය යුතුයි. එළවලු පලතුරු නම් වඩාත් හොදයි.

මීට ආමතරව ඔබ,

පාන් පේස්ට්‍රි වැනි පිටි කෑම අනිවාර්යෙන් අතහැරිය යුතුමයි. ඒ වෙනුවට නැවුම් එළවලු පලතුරු ආහාරයට ගන්න. උදේ 10ටත් හවස 4ටත් බඩගින්නක් දැනෙනවා නම් සුලු ආහාර වේලක් ගන්න. එයට ආමන්ඩ්ස් ඇ‍ට 5-6ක්, කැරට් අලයක් පලතුරු දීසියක් යෝග්‍ය වෙනවා. ඒ වගේම පැණිරස අයිස්ක්‍රීම් පීසා හෝ තෙල් ලුණු අධික ආහාර, ටින් කල ආහාර ගැනීම නවතා දමන්න. හැකිතරම් වතුර පානය කරන්න. දවසකට ලීටර් 2-3ක්වත් පානය කිරීම ඔබේ සිරුරේ හැඩයටත් පැහැපත් සමකටත් පාර කියනවා. රාත්‍රී නින්ද පැය 6-7ක්පමණ ලබා ගන්න. පලතුරු ජූස් බොන්න එපා.පලතුරු යුෂ හදනවිට ලුණු, සීණි දමන නිසා පලතුරු යුෂ බීම හිතකර නෑ. ඒ වෙනුවට පලතුරු නැවුම්ව අනුභව කරන්න.

නිරෝගී සිහින් සිරුරක් ලබා ගන්න ඔබට ටිකක් කල් යනවා වගේම මහන්සි වෙන්න ඕන.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about diat plans.You can read the article and put your feedback on it.