හැලප

අවශ්‍ය ද්‍රව්‍ය:- පාන් පිටි ග්‍රෑම් 50, කුරක්කන් පිටි ග්‍රෑම් 150, වතුර, ලුණු, කරඳමුංගු කුඩු ස්වල්පයක්, ගාගත් පොල් ගෙඩි බාගයක්, සීනි ග්‍රෑම් 100, කැන්ද කොළ

සකස් කරගන්නා ආකාරය:- තරමක් විශාල බඳුනක් ගෙන එයට පාන් පිටි, කුරක්කන් පිටි සහ රස අනුව ලුණු එකතු කර හොඳින් මිශ්‍ර කරන්න. ඉන් පසු වතුර ස්වල්පය බැගින් එකතු කර හොඳින් අනාගෙන අතේ නොඇලෙන ආකාරයේ dough එකක් සකස් කරගන්න. එයින් අවශ්‍ය ප්‍රමාණයේ බෝල කිහිපයක් සකස් කරගෙන පසෙකින් තියන්න. පැණි පොල් සකස් කරගැනීම තමයි ඊළඟ පියවර වෙන්නේ. බඳුනක් රත්කර, වතුර ස්වල්පයක් සහ සීනි දමා පැණි සකස් කරගන්න. එයට ලුණු ස්වල්පයක්, කරදමුංගු කුඩු සහ ගාගත් පොල් එකතු කර හොඳින් මලවාගෙන ලිපෙන් ඉවත් කරගන්න. පිරිසිදු කැන්ද කොළ ගෙන ඒ මතට කුඩා පිටි බෝල දමා තුනී කරගන්න. ඉන් පසු ඊට උඩින් පැණි පොල් දමා තුනී කරගෙන කැන්ද කොළය දෙකට නවා හුමාලයෙන් තම්බාගන්න.

හාල් පිටි අග්ගලා

අවශ්‍ය ද්‍රව්‍ය:- කැකුළු සහල් ග්‍රෑම් 250, හකුරු ග්‍රෑම් 150, පැණි කෝප්ප ½, කරඳමුංගු කුඩු ස්වල්පයක්, වැනිලා ස්වල්පයක්, ගා ගත් පොල් කෝප්ප 1, ලුණු ස්වල්පයක්, ගම්මිරිස් කුඩු ස්වල්පයක්

සකස් කරගන්නා ආකාරය:- පිරිසිදු කර පැය 2ක් පමණ පොඟවා ගත් සහල් වල වතුර බේරා වියළා ගන්න. ඒවා රන්වන් පැහැවන තෙක් බැදගෙන සිහින්වන තුරු හොඳින් grind කරගන්න. පැණි රත් කරගෙන එයට කරදමුංගු කුඩු, වැනිලා සහ grate කරගත් හකුරු මිශ්‍ර කරගන්න. ඉන් පසු ගාගත් පොල් සහ අවශ්‍ය පමණට ලුනු එකතු කරන්න. අවසානයට ගම්මිරිස් කුඩු සහ පිටි එකතු කර හොඳින් මිශ්‍ර කර මඳ රස්නයක් තියෙද්දීම කුඩා ප්‍රමාණයේ බෝල සකස් කරගන්න.

වන්ඩු

අවශ්‍ය ද්‍රව්‍ය:- කැකුළු සහල් පිටි ග්‍රෑම් 200, පාන් පිටි ග්‍රෑම් 50, පැණි කෝප්ප 1, පොල් වතුර කෝප්ප ½, ලුණු, උකු පොල් කිරි කෝප්ප ½ ක් පමණ, yeast තේ හැඳි ¼, සිහින්ව ගාගත් පොල් මේස හැඳි 2, කැන්ද කොළ හෝ කෙසෙල් කොළ.                                     

සකස් කරගන්නා ආකාරය:- මුලින්ම yeast ටිකට සීනි ස්වල්පයක් සහ මඳ උණුසුම් ජලය එකතු කර විනාඩි 10ක් පමණ පිපෙන්නට තියන්න. සහල් පිටි, පාන් පිටි, පොල් කිරි, පැණි, පොල් වතුර, රස අනුව ලුනු සහ yeast එකතු කර මිශ්‍රනයක් සකස් කරගන්න. මෙය පැය 6ක් පමණ පිපෙන්නට තැබීම් අවශ්‍ය වෙනවා. (මේ වන්ඩු මිශ්‍රනය ආප්ප මිශ්‍රනයට වඩා තරමක ඝනකම් මිශ්‍රනයක් විය යුතු වෙනවා). ඉන් පසු කැන්ද කොළවලින් ගොටු සකස් කරගෙන මිශ්‍රනය වත් කර මිනිත්තු 30ක පමණ කාලයක් steam කරගන්න.

තල බෝල

අවශ්‍ය ද්‍රව්‍ය:- සුදු තල ග්‍රෑම් 100, ගාගත් පොල් කෝප්ප ¼, හකුරු ග්‍රෑම් 100, කරදමුංගු කුඩු ස්වල්පයක්, වැනිලා ස්වල්පයක්, ලුණු

සකස් කරගන්නා ආකාරය:- grate කරගත් හකුරු, ළාවට කබලේ බැදගත් පොල්, කබලේ බැදගත් පිරිසිදු තල, කරදමුංගු කුඩු, රස අනුව ලුනු සහ වැනිලා ස්වල්පයක් හොඳින් මිශ්‍ර කරගෙන අනාගන්න. ඉන්පසු මේ මිශ්‍රනයෙන් කුඩා ප්‍රමාණයේ බෝල සකස් කරගන්න.

නාරං කැවුම්

අවශ්‍ය ද්‍රව්‍ය:- සීනි 200, කැකුලු සහල් පිටි ග්‍රෑම් 350, පාන් පිටි මේස හැදි 2, ගාගත් පොල් ගෙඩි ½, බිත්තර 1, පොල් කිරි කෝප්ප 1, ලුණු, කහ කුඩු තේ හැඳි ½

සකස් කරගන්නා ආකාරය:- සහල් පිටි ග්‍රෑම් 250ක් සහ ගාගත් පොල් එකතු කර වතුර ස්වල්පය බැගින් මිශ්‍ර කරමින් පිට්ටු මිශ්‍රනයක් ආකාරයට සකස් කරගන්න. එය මිනිත්තු 30-45ක් පමණ කාලයක් හුමාලයෙන් තම්බාගෙන නැවත කැටිති ආකාරයට සකස් කරගන්න. Caramel කරගත් සීනි ස්වල්පයකට වතුර ස්වල්පයක් දමා මිශ්‍ර කරගෙන ඉතිරි සීනි සහ රස අනුව ලුනු එකතු කර විනාඩි 5-7ක් පමණ උණු කරගන්න (අවශ්‍ය නම් පැණි වලින් හදාගන්නත් පුළුවන්). මෙයට තම්බාගත් පිටි මිශ්‍රනය එකතු කර මිනිත්තු 10ක් පමණ හොඳින් හැඳි ගාමින් මඳ ගින්නේ පිසගන්න. මෙම මිශ්‍රනය නිවුණු පසු කුඩා බෝල සදා පසෙකින් තියන්න.

බඳුනකට බිත්තරය, පොල් කිරි, කහ කුඩු සහ අවශ්‍ය පමණ ලුණු දමා හොඳින් whisk කරගෙන එයට හාල් පිටි ග්‍රෑම් 100ක් සහ පාන් පිටි මේස හැඳි 2ක් එකතු කරන්න. මෙය හොඳින් කලවම් කර තරමක් ඝනකම් batter එකක් සකස් කරගන්න. බඳුනකට තෙල් දමා හොඳින් රත් කරගන්න. කලින් සකස් කරගත් නාරං කැවුම් බෝල පිටි batter එකේ දවටාගෙන රන්වන් පැහැවන තෙක් ගැඹුරු තෙලේ බැදගන්න.

The post තේ වෙලාවට කදිමට ගැළපෙන රසකැවිලි කිහිපයක් හදමු ද appeared first on Lady.lk | Lady | Women | Lifestyle | Health | Beauty.

Mutton biryani

අවශ්‍ය ද්‍රව්‍ය:- බාස්මතී සහල් 500g, එළුමස්  300g, ලොකු අර්තාපල් අල 2, ලොකු ලූණු ගෙඩි 2, තක්කලි ගෙඩියක්, yogurt මේස හැඳි 3, අමු මිරිස් කරල් 4, මිංචි කොළ සහ කොත්තමල්ලි කොළ ස්වල්පය බැගින්, bay leaf 1, star anise 1, කරඳමුංගු ඇට 3-4, කරාඹු නැටි 2, ඉඟුරු සුදු ළූණු paste ස්වල්පයක්, කුරුඳු කැබැල්ලක්, වසාවාසි ස්වල්පයක්, මිරිස් කුඩු තේ හැඳි 1, කහ කුඩු තේ හැඳි ½, biryani masala powder තේ හැඳි 1, ghee/ butter/ පොල් තෙල් වර්ගවලින් එකක්, ලුණු

පිසගන්නා ආකාරය:- තරමක් ලොකු කැබලි කපා හොඳින් පිරිසිදු කරගත් mutton වලට මිරිස් කුඩු, කහ කුඩු, masala powder, yogurt සහ රස අනුව ලුනු එකතු කර හොඳින් මිශ්‍ර කරගන්න. මේ මස් ටික හොඳින් marinate වීම සඳහා පැයක් පමණ තිබීම අවශ්‍ය වෙනවා. ඉන් පසු ලොකු ළූණූ සිහින්ව ලියා රන්වන් පැහැ වන තෙක් ගැඹුරු තෙලේ බැදගන්න. බඳුනක් ලිපේ තියා එයට ghee, butter හෝ තෙල් දමා රත් කරගන්න. එයට ඉඟුරු සුදු ළූණු paste එක දමා මඳක් බැදෙන විට කපාගත් අමු මිරිස් සහ marinate කරගත් mutton ටික දමා හොඳින් මිශ්‍ර කරමින් මඳ වෙලාවක් බැදගන්න. ඉන්පසු එයට බැදගත් ලොකු ළූණු වලින් අඩක්, තරමක් විශාලවට කපාගත් අර්තාපල්, තක්කාලි කැබලි, අවශ්‍ය පමණට ලුණු, කපාගත් මිංචි සහ කොත්තමල්ලි කොළ එකතු කර තවත් විනාඩි 15ක් පමණ කාලයක් පිසෙන්නට ඉඩ හරින්න. අවශ්‍ය නම් වතුර ස්වල්පයක් එකතු කරන්න පුළුවන්කම තියෙනවා. මෙය හොඳින් තැම්බී මඳක් උකු ගතියට එනතුරු හිඳීම අවශ්‍ය වෙනවා. වෙනත් බඳුනක් ලිපේ තියා ghee එකතු කර රත්වෙන්නට ඉඩ හැර එයට කරඳමුංගු, කරාඹු නැටි, වසාවාසි, කුරුඳු, bay leaf, star anise සහ සෝදාගත් සහල් එක් කරගන්න. සාමාන්‍ය පමණට වඩා අඩුවෙන් වතුර යොදා බත පිසගන්න. ඉන්පසු තරමක් විශාල බඳුනක් ගෙන එහි අඩියට පිසගත් බත්, මස්, බැදගත් ළූණු, කොත්තමල්ලි සහ මිංචි කොළ  මාරුවෙන් මාරුවට තට්ටු කිහිපයක් වශයෙන් දමාගන්න. මෙහි පියන වසා තවත් විනාඩි 15ක් පමණ මඳගින්නේ තම්බාගෙන, බෙරි නොවන සේ ප්‍රවේශමෙන් කවලම් කරගෙන ආහාරයට එකතු කරගන්න පුළුවන්කම තියෙනවා.

Nasi goreng

අවශ්‍ය ද්‍රව්‍ය:- පිසගත් බාස්මතී බත් කෝප්ප 2, කුඩා කැබලි කපාගත් chicken කෝප්ප 1 ½, රවුමට කපාගත් දැල්ලෝ කෝප්ප ½, පොතු ඉවත් කර කපාගත් ඉස්සෝ කෝප්ප ½, කොටුවට කපාගත් කැරට් කෝප්ප ½, සිහින්ව ලියාගත් ගෝවා කෝප්ප ½, සිහින්ව කපාගත් ළූණු කොළ මේස හැඳි 2, කොටුවට කපාගත් ලොකු ළූණු ගෙඩි 1, කපාගත් ඉදුණු අමු මිරිස් කරල් 2, ඉඟුරු සුදු ළූණු paste තේ හැඳි 2, soya sauce සහ fish sauce ස්වල්පය බැගින්, ලුණු කුඩු, ගම්මිරිස් කුඩු, butter මේස හැඳි 1, බිත්තර 2, chilli paste මේස හැඳි 1

පිසගන්නා ආකාරය:- බඳුනක් ලිපේ තබා රත් කර butter, chicken, ඉස්සෝ සහ දැල්ලෝ එකතු කර හොඳින් බැදෙන්නට හරින්න. ඒ අතරවාරයේ එයට කැරට්, ලොකු ළූණු සහ අමු මිරිස් එකතු කරගන්න. මේ තෙම්පරාදුව මඳක් පසෙකට ඉවත් කර, whisk කරගත් බිත්තර දෙක බඳුනට දමා scramble කරගන්න. ඉන් පසු ගෝවා සහ chili paste එකතු කර හොඳින් මිශ්‍ර කරගෙන බත් කෝප්ප 2 එකතු කර බැදෙන්නට ඉඩ හරින්න. අවසානයට soya sauce, fish sauce, රස අනුව ලුණු සහ ගම්මිරිස් කුඩු ස්වල්පය බැගින් එකතු කරගෙන බත් එක පොඩි නොවෙන ආකාරයට මිශ්‍ර කරන්න. කපාගත් ළූණු කොළ ටික උඩින් ඉස පිළිගන්වන්න.

දුන් තෙල් බත්

අවශ්‍ය ද්‍රව්‍ය:- සහල් 500g (කීරි සම්බා හෝ සූදුරු සම්බා), සිහින්ව ලියාගත් ලොකු ළූණු ගෙඩි 1, තරමක් විශාල කුරුඳු පොතු කැබැල්ලක්, ගම්මිරිස් ඇට 8-10, දුන් තෙල් මේස හැඳි 3, කරදමුංගු ඇට 3-4, කරාඹු නැටි 2, රම්පේ, කරපිංචා, සේර, ලුණු

පිසගන්නා ආකාරය:- බඳුනක් ලිපේ තියා දුන් තෙල් දමා රත් කර, එයට ලොකු ළූණු, ගම්මිරිස් ඇට, කරාඹු නැටි, කරදමුංගු, සේර, රම්පේ, සහ කරපිංචා එකතු කර බැදගන්න. ඉන් පසු මෙයට සෝදා වතුර බේරාගත් සහල් ටිකත් එකතු කර බැදෙන්නට හරින්න. විනාඩි 5 කට පමණ පසු කහ කුඩු, ලුණු කුඩු සහ උතුරන උණුවතුර කෝප්ප 3 ½ ක් පමණ එකතු කර බඳුනේ පියන වසා බත තම්බාගන්න. විනාඩි 10-12 ට පමණ පසු බත ප්‍රවේශමෙන් කූරු ගා, නැවතත් පියන වසා තවත් විනාඩි 5ක් පමණ මඳ ගින්නේ පිසගන්න. තවත් වතාවක් පියන හැර රම්පේ, කරපිංචා සහ සේර කැබලි ඉවත් කර බත නියම පමණට තැම්බෙන තුරු පියන වසා පිසගෙන පිළිගන්වන්න.

The post වෙනස් රසක බත් වර්ග 3ක් හදලා බලමුද appeared first on Lady.lk | Lady | Women | Lifestyle | Health | Beauty.

කුරක්කන් කැඳ

අවශ්‍ය ද්‍රව්‍ය:- කුරක්කන් පිටි මේස හැඳි 5, රතු හාල් මේස හැඳි 5, දිය පොල් කිරි කෝප්ප 1 ½, උකු පොල් කිරි කෝප්ප ½,  කරඳමුංගු ඇට 2-3, ලුණු

සකස් කරගන්නා ආකාරය:- වතුර මඳක් වැඩිපුර දමා බෙරි බතක් පිසගන්න. කුරක්කන් පිටි, කරඳමුංගු සහ දිය පොල් කිරි හොඳින් මිශ්‍ර කර පිසගත් බත් වලට එකතු කර හොඳින් හැඳිගා ලිපේ තියන්න. පොල් කිරි හිඳෙන තෙක් මඳගින්නේ පිසගෙන උකු පොල් කිරි සහ රස අනුව ලුනු එකතු කරන්න. කැටි නොගැසෙන විදියට දිගටම හැඳි ගා කැඳ එක උතුරන විට ලිපෙන් බාගන්න. අවශ්‍ය නම් කිතුල් පැණි ස්වල්පයක් එකතු කර රසගන්වා ගන්න.

මිශ්‍ර ධාන්‍ය කැඳ

අවශ්‍ය ද්‍රව්‍ය:- තම්බාගත් ධාන්‍ය වර්ග කිහිපයකින් කෝප්ප 1, දිය පොල් කිරි කෝප්ප 1, උකු පොල්කිරි කෝප්ප 2, සුදුළූණු බික් 2, ලුණු, ඉඟුරු ස්වල්පයක්

සකස් කරගන්නා ආකාරය:- හොඳින් තම්බාගත් ධාන්‍ය හැන්දක් භාවිතා කරලා පොඩි කරගන්න. මෙයට දිය කිරි, ඉඟුරු සහ සුදු ළූණු paste එකතු කර ලිපේ තියා හැඳිගාන්න. මිශ්‍රනය හිඳීගෙන එන විට උකු පොල් කිරි සහ රස අනුව ලුණු එකතු කරන්න. මඳගින්නේ හැඳිගාමින් පිසගෙන උතුරන විට ලිපෙන් බාගන්න.

කිතුල් පිටි කැඳ

අවශ්‍ය ද්‍රව්‍ය:- කිතුල් පිටි මේස හැඳි 4

වතුර කෝප්ප 2, උකු පොල් කිරි කෝප්ප 2, පැණි හෝ grate කරගත් හකුරු අවශ්‍ය පමණ, ලුණු, වැනිලා ස්වල්පයක්, කජු/ රටකජු, වියළි මිදි

සකස් කරගන්නා ආකාරය:-  කිතුල් පිටි සහ වතුර හොඳින් මිශ්‍ර කර ලිපේ තබා කැටි නොගැසෙන පරිදි හැඳිගාමින් පිසගන්න. ඒ අතරතුර වැනිලා එකතු කර වතුර හිඳෙන තුරු පිසගෙන අවසානයට මිටි කිරි සහ පැණි එකතු කරන්න. කැඳ එක උතුරන විට ලිපෙන් ඉවත් කර රස අනුව ලුණු, කජු සහ වියළි මිදි එකතු කරගන්න. අවශ්‍ය නම් මෙයට ඕට්ස් ස්වල්පයක් එකතු කරන්න වුණත් පුළුවන්.

සුදු ළූණු කැඳ

අවශ්‍ය ද්‍රව්‍ය:- සුදු හාල් මිටක්, සුදුළූණු බික් 10, උකු පොල්කිරි කෝප්ප 3, ලුණු, ගම්මිරිස් ඇට 5-6

සකස් කරගන්නා ආකාරය:- සෝදාගත් සහල්වලට තලාගත් සුදු ළූණු, ගම්මිරිස් ඇට සහ වතුර වැඩිපුර දමා බෙරි බතක් පිසගන්න. වතුර හිඳී ගිය පසු උකු පොල් කිරි සහ රස අනුව ලුණු එකතු කර උතුරන තෙක් හැඳිගා ලිපෙන් ඉවත් කරගන්න.

සව්, රුලං සහ හබලපෙති මිශ්‍ර කැඳ

සව් කෝප්ප ½, මඳක් බැදගත් රුලං මේස හැඳි 3, හබලපෙති මේස හැඳි 3, දිය පොල් කිරි කෝප්ප 1, උකු පොල් කිරි කෝප්ප 2, කිතුල් පැණි හෝ grate කරගත් හකුරු අවශ්‍ය පමණ, ලුණු, කරඳමුංගු ස්වල්පයක්, කුරුඳු පොතු කුඩා කැබල්ලක්, කජු, වියළි මිදි

සකස් කරගන්නා ආකාරය:- කුරුඳු, කරඳමුංගු සහ සව් දියකිරි සමඟ මිශ්‍ර කර ලිපේ තියන්න. දියකිරි හිඳුණු පසු එයට පැණි, හබලපෙති, රුලං, ලුණු සහ මිටි කිරි එකතු කර හැඳිගාමින් පිසගන්න. කරඳමුංගු ඇට සහ කුරුඳු පොත්ත ඉවත් කර කජු සහ වියළි මිදි එකතු කරන්න. කැඳ එක උතුරන විට ලිපෙන් බාගන්න.

නෝම්බි කැඳ

අවශ්‍ය ද්‍රව්‍ය:- සහල් කෝප්ප 1 ½, ලොකු තක්කාලි ගෙඩි 1, සුදු ළූණු බික් 5, කරපිංචා, රම්පේ, අමු මිරිස් කරල් 2, උළු හාල් ස්වල්පයක්, කටු සහිත chicken කෝප්ප 1, කහ කුඩු, තුනපහ කුඩු, ගම්මිරිස්, උකු පොල් කිරි කෝප්ප 2

තෙම්පරාදුව සඳහා:- කරඳමුංගු ස්වල්පයක්, කරාඹු නැටි 1, කුඩා කුරුඳු පොතු කැබැල්ලක්, සූදුරු ස්වල්පයක්, අබ ඇට ස්වල්පයක්

සකස් කරගන්නා ආකාරය:- සෝදාගත් සහල්, තරමක් ලොකුවට කපාගත් තක්කාලි, දෙකට කපාගත් අමු මිරිස්, කරපිංචා, සුදු ළූණු, උළුහාල්, ලුණු සහ වතුර කෝප්ප 2ක් හට්ටියකට දමා තැම්බෙන්නට තියන්න. එයට කහ කුඩු, තුනපහ කුඩු, ගම්මිරිස් කුඩු සහ කුඩා chicken කැබලිත් එකතු කර භාජනයේ පියන් වසා මඳගින්නේ තම්බා ගන්න. වතුර හිඳුනු පසුව පොල් කිරි එකතු කර උතුරවාගෙන ලිපෙන් ඉවත් කරගන්න. තෙල් ස්වල්පයක් ලිපේ තියා අබ ඇට දමා පිපිරෙන්නට ඉඩ හරින්න. කුරුඳු පොතු, කරපිංචා, කරඳමුංගු, කරාඹු නැටි සහ සිහින්ව ලියාගත් ලොකු ළූණු හොඳින් තෙම්පරාදු කර කලින් සදා ගත් කැඳ එකට උඩින් දමා මිශ්‍ර කරගන්න.

The post රසවත් කැඳ වර්ග කිහිපයක් පිසගන්නා ආකාරය appeared first on Lady.lk | Lady | Women | Lifestyle | Health | Beauty.

තක්කාලි රසට chicken curry

අවශ්‍ය ද්‍රව්‍ය:- Olive oil මේස හැඳි 1, කුඩාවට කපාගත් ලොකු ළූණු ගෙඩි 1, සිහින්ව ලියාගත් සුදු ළූණු බික් 2, curry powder මේස හැඳි 1, මිරිස් කුඩු තේ හැඳි 2, තක්කාලි 500g, උකු පොල් කිරි කෝප්ප ⅓, ලුණු රස අනුව, ගම්මිරිස් කුඩු තේ හැඳි 1, තම්බා කුඩා කෑලි කැපූ chicken කෝප්ප 1 ½, Greek yogurt කෝප්ප ½, කුඩාවට කපාගත් රටකජු සහ parsley කොළ ස්වල්පයක්

සකස් කරගන්නා ආකාරය:- මුලින්ම  බඳුනක් ලිපේ තියා අඩු ගින්දරේ olive oil ටික රත් කරගන්න. එයට සිහින් පෙති කපාගත් තක්කාලි එකතු කර හොඳින් තැම්බෙන පරිදි තෙම්පරාදු කරගන්න. ඉන්පසු එයට curry powder, මිරිස් කුඩු, ගම්මිරිස් කුඩු, කපාගත් ළූණු, සුදුළූණු, chicken කැබලි සහ පොල්කිරි එකතු කර තරමක් උකු ව්‍යංජනයක් හැදෙන පරිදි පිසෙන්නට ඉඩ හරින්න. කැටි නොගැසීම සඳහා වරින් වර හැඳි ගාන්නට අමතක කරන්න එපා. ලිප නිවා දමා greek yogurt සහ රස අනුව ලුණු එකතු කර හොඳින් මිශ්‍ර කරන්න. Parsley සහ රටකජු කැබලි උඩින් ඉස පිළිගන්වන්න.

Chicken Kuzhambu curry

අවශ්‍ය ද්‍රව්‍ය:- කටු සහිත chicken 500g, පොල්තෙල් මේස හැඳි 4, සූදුරු සහ මහදුරු ඇට තේ හැඳි ½ බැගින්, කුඩා කුරුඳු පොතු කැබැල්ලක්, කරඳමුංගු ස්වල්පයක්, Bay leaf 1, කරපිංචා ඉත්තක්, කුඩා කැබලි කපාගත් ලොකු ළූණු ගෙඩි 1, රතුළූණු ගෙඩි 12, කුඩාවට කපාගත් ලොකු තක්කාලි ගෙඩි 1, ඉඟුරු සුදු ළූණු paste මේස හැඳි 1, මිරිස් කුඩු මේස හැඳි 1, කොත්තමල්ලි කුඩු මේස හැඳි 1 ½, කහ කුඩු තේ හැඳි 1, garam masala powder මේස හැඳි 1, ලුනු, වතුර,

ඊට අමතරව

ගාගත් පොල් කෝප්ප 1, ගම්මිරිස් කුඩු තේ හැඳි 1, මහදුරු තේ හැඳි 1 අවශ්‍ය වෙනවා.

සකස් කරගන්නා ආකාරය:- සූදුරු, මහදුරු, කුරුඳු සහ කරඳමුංගු කියන කුළු බඩු සියල්ලම සිහින් powder එකක් වනතුරු grind කරගන්න. Pressure cooker එකට තෙල් දමා රත්කර මිරිස් කුඩු, කහ කුඩු, ගම්මිරිස් කුඩු, garam masala powder, bay leaf සහ කරපිංචා කොළ එකතු කර හොඳින් තෙම්පරාදු කරගන්න. එයට ලොකු ළූණු සහ රතුළූණු එකතු කර විනාඩි 5ක් පමණ කාලයක් බැදගන්න. ඉන්පසු ඉඟුරු සහ සුදු ළූණු paste එකතු කර තවත් මිනිත්තු දෙකක් බැදගෙන තක්කාලි කැබලිත් එකතු කර හොඳින් පිසෙන්නට ඉඩ හරින්න. කලින් සකස් කරගත් කුළුබඩු මිශ්‍රනය, chicken කැබලි  සහ රස අනුව ලුනු මේ තෙම්පරාදුවට එකතු කරන්න. ඉන්පසු වතුර ස්වල්පයක් එකතු කර, පියන වසා whistle 2k වන තුරු පිසගන්න. ඉන්පසු පියන විවෘත කර තවත් වතුර ස්වල්පයක් එකතු කරන්න. පොල්, ගම්මිරිස් සහ මහදුරු ඇට grind කරගෙන සකස් කරගත් coconut masala එක එයට එක් කර තෙල් පෑදෙන තුරු පිසගෙන පිළිගන්වන්න.

Chicken tikka masala curry 

අවශ්‍ය ද්‍රව්‍ය:- sunflower oil මේස හැඳි 2, සිහින්ව කපාගත් ලොකු ළූණු ගෙඩි 1, තලාගත් සුදු ළූණු බික් 2, තලාගත් කුඩා ඉඟුරු කැබැල්ලක්, chicken thighs 6 (සම සහ කටු රහිත), tikka spice paste මේස හැඳි 3, තක්කාලි ගෙඩි 2, මී කිරි මේස හැඳි 3, කපාගත් කොත්තමල්ලි කොළ සහ කැබලි කරගත් almonds ස්වල්පයක්.

සකස් කරගන්නා ආකාරය:- බඳුනක් ලිපේ තියා මඳ ගින්නේ රත් කරගෙන තෙල් එකතු කරන්න. කපාගත් ළූණු සහ ලුණු ස්වල්පයක් එයට එක් කර මිනිත්තු 10ක් පමණ බැදෙන්නට ඉඩ හරින්න. එයට ඉඟුරු සහ සුදු ළූණු එකතු කර තවත් විනාඩි 4-5 ක් පමණ තෙම්පරාදු කරගන්න. මේ තෙම්පරාදුවට කුඩා කැබලි කපාගත් chicken එකතු කර හැඳි ගාමින්, විනාඩි 5ක පමණ කාලයක් බැදෙන්නට ඉඩ හරින්න. කුඩාවට කපාගත් තක්කාලි, spice paste සහ වතුර 250ml ඊට එකතු කර විනාඩි 30ක් පමණ මඳ ගින්නේ පිසගන්න. ඉස්ම හිඳීගෙන එන විට ලිප නිවා දමා රස අනුව ලුණු සහ මී කිරි එකතු කර හොඳින් මිශ්‍ර කරන්න. කොත්තමල්ලි කොළ සහ Almonds කැබලි එකතු කර පිළිගන්වන්න.

The post ලේසියෙන් ම හදාගන්න පුලුවන් chicken curries වර්ග 3ක් appeared first on Lady.lk | Lady | Women | Lifestyle | Health | Beauty.

Chicken soup with couscous

අවශ්‍ය ද්‍රව්‍ය:- olive oil තේ හැඳි 2, සුදු ළූණු බික් 3, ලොකු ළූණු ගෙඩි ½, කැරට් අල 1, celery stalks 1, ඉඟුරු paste තේ හැඳි 1, කහ කුඩු තේ හැඳි 1/2, ලුනු අඩු chicken stocks කෝප්ප 3, කටු සහ සම රහිත chicken 250g, ලුණු රස අනුව, rosemary/ thyme වැනි herbs කුඩු තේ හැඳි 1, ගම්මිරිස් කුඩු රස අනුව, couscous කෝප්ප ½, තම්බාගත් green peas කෝප්ප 1/3

සකස් කරගන්නා ආකාරය:- බඳුනක් ලිපේ තියා රත් කර එයට olive oil එකතු කරන්න. තෙල් රත්වූ පසු එයට සුදු ළූණු පෙති, ලොකු ළූණු කැට, සිහින් කැරට් පෙති සහ කුඩාවට කපාගත් celery එකතු කර මිනිත්තු කිහිපයක් පිසගන්න. ඉන්පසු එයට ඉඟුරු සහ කහ කුඩු එක් කර තත්පර 30ක් පමණ තියා, chicken stocks, කුඩා chicken කැබලි, ලුණු, ගම්මිරිස් සහ herb powder එකතු කරන්න. මේ මිශ්‍රණය උතුරන විට couscous එකතු කර හොඳින් හැඳි ගාන්න. ඉන්පසු ගින්දර අඩු කර chicken කැබලි හොඳින් තැම්බෙනතුරු මිනිත්තු 20ක් පමණ මඳගින්නේ පිසෙන්නට ඉඩ හරින්න. අවසානයට වෙනම තම්බාගත් green peas එකතු කර ලිපෙන් බාගන්න. දියර ගතිය අඩු නම් රුචිය පරිදි තවත් stocks කෝප්පයක් පමණ එකතු කරගන්න.

Chicken soup with Egg noodles

අවශ්‍ය ද්‍රව්‍ය:- unsalted butter මේස හැඳි 1, ලොකු ළූණු ගෙඩි 1/2, කැරට් අල 1, celery stalks 1, සුදු ළූණු බික් 1, chicken stocks කෝප්ප 4, bay leaf 1 (thyme, oregano, rosmery ස්වල්පයක් වුණත් පාවිච්චි කරන්න පුළුවන්), ලුණු ගම්මිරිස් සහ දෙහි යුෂ රස අනුව, සම රහිත chicken 500g, Egg noodles කෝප්ප 1, කුඩාවට කපාගත් parsley කොළ මේස හැඳි 1, රස අනුව දෙහි යුෂ

සකස් කරගන්නා ආකාරය:- butter රත්කර එයට කොටු කපාගත් ලොකු ළූණු, කැරට් පෙති සහ කුඩාවට කපාගත් celery එකතු කර මිනිත්තු 3-4ක් පමණ කාලයක් හැඳි ගාමින් පිසගන්න. එයට සුදු ළූණු පෙති එකතු කර තවත් මිනිත්තුවක් පමණ පිසගන්න. Chicken stock, Bay leaf, අවශ්‍ය පමණට ලුණු සහ ගම්මිරිස් යන සියල්ලම බඳුනකට දමා හොඳින් මිශ්‍ර කරන්න. මේ මිශ්‍රණය සහ කුඩාවට කපාගත් chicken කැබලි කැරට් තෙම්පරාදුවට එකතු කර මඳ ගින්නේ මිනිත්තු 30ක් පමණ කාලයක් පිසගන්න. මෙයටම egg noodles එකතු කර තවත් මිනිත්තු 6-7ක් හැඳිගාමින් පිසගන්න. ලිපෙන් ඉවත් කරගෙන  රස අනුව ලුණු ගම්මිරිස් දෙහි යුෂ සහ parsley කොළ එකතු කරගන්න.

Chicken soup with feta cheese

අවශ්‍ය ද්‍රව්‍ය:- chicken stocks කෝප්ප 5, olive oil මේස හැඳි 2, සුදුළූණු බික් 4, ලොකු ළූණු ගෙඩි ½, zested lemon ½, කටු සහ සම රහිත chicken 500g, කෑලි මිරිස් තේ හැඳි 1, crumbled feta cheese මේස හැඳි 2, කුඩාවට කපාගත් ලූණු කොළ මේස හැඳි 2, ලුණු ගම්මිරිස් රස අනුව

සකස් කරගන්නා ආකාරය:- බඳුනක් ලිපේ තියා එයට olive oil එකතු කර මඳගින්නේ රත් කරගන්න. ඉන්පසු සිහින්ව කපාගත් ලොකු ළූණු සහ සුදුළූණු පෙති එයට එකතු කර විනාඩි 3-4 ක් තෙම්පරාදු කරගන්න. මෙයට කුඩා chicken කැබලි, chicken stocks, lemon zest සහ කෑලි මිරිස් එකතු කර මිශ්‍රනය උතුරන තෙක් විනාඩි 5ක් පමණ රත් කරන්න. ගින්දර අඩු කර අවශ්‍ය පමණට ලුණු ගම්මිරිස්, feta cheese සහ ලූණු කොළ එකතු කර ලිපෙන් බාගන්න.

Chicken soup with broccoli

අවශ්‍ය ද්‍රව්‍ය:- olive oil මේස හැඳි 2, ලොකු ලූණු ගෙඩි 1, කැරට් අල 1, broccoli කෝප්ප ½, celery stalk 1, සුදු ළූණු බික් 2, bay leaf/ mixed herbs/ කෑලි මිරිස් වැනි herbs, ලුණු සහ ගම්මිරිස්, chicken stock කෝප්ප 3, fresh milk කෝප්ප 1, corn flour මේස හැඳි 1, roast chicken කුඩා කැබලි 250g

සකස් කරගන්නා ආකාරය:- බඳුනක් ලිපේ තියා එයට olive oil එකතු කර රත් කරගන්න. සිහින්ව කපාගත් ලොකු ළූණු, සුදු ළූණු පෙති, celery කැබලි, කැරට් පෙති සහ broccoli කැබලි එයට එකතු කර විනාඩි කිහිපයක් තෙම්පරාදු කරගන්න. ඉන්පසු මෙයට කැමති seasoning herbs වර්ගත් එක් කර විනාඩි 2ක් පමණ කාලයක් පිසගන්න. fresh milk සහ corn flour බඳුනකට දමා කැටි නොගැසෙන සේ හොඳින් whisk කරගෙන, එයටම chicken stock එකත් මිශ්‍රකර මඳ ගින්නේ හොඳින් හැඳි ගාමින් තරමක් thick වනතුරු පිසෙන්නට ඉඩ හරින්න. ඉන් පසු chicken කැබලි සහ කලින් පිළියෙල කරගත් තෙම්පරාදුව එකතුකර විනාඩි 5-7ක් පමණ තබා රස අනුව ලුණු ගම්මිරිස් එකතු කරන්න.

 Creamy chicken soup

අවශ්‍ය ද්‍රව්‍ය:- olive oil තේ හැඳි 1, කුඩාවට කපාගත් කැරට් කැබලි කෝප්ප ½, කුඩාවට කපාගත් celery stalks කෝප්ප ⅓, කැට කපාගත් ලොකු ළූණු ගෙඩි 1, chicken stocks කෝප්ප 2, bay leaf 1,  Parsley ස්වල්පයක්, කහ කුඩු ස්වල්පයක්, mixed herbs තේ හැඳි 1, සුදු ලූණු පෙති තේ හැන්දක්, ගම්මිරිස් කුඩු සහ ලුණු රස අනුව, fresh milk කෝප්ප 2, තම්බාගෙන කැබලි කරගත් chicken කෝප්ප 2, parmesan cheese powder ස්වල්පයක්

Roux:- all- purpose flour මේස හැඳි 3, olive oil තේ හැඳි 3, butter තේ හැඳි 3

සකස් කරගන්නා ආකාරය:- බඳුනකට olive oil දමා රත් කර එයට කැරට්, celery සහ ලොකු ළූණු එක් කර මඳක් තෙම්පරාදු කරන්න. ඉන් පසු එයට chicken stock, bay leaf, mixed herbs, කහ, සුදු ළූණු සහ ගම්මිරිස් යන අමුද්‍රව්‍ය සියල්ලම එකතු කර හොඳින් මිශ්‍ර කරමින් විනාඩි 15ක් පමණ කාලයක් පිසගන්න.

කුඩා බඳුනකට butter, olive oil සහ පිටි එක් කර, whisk කරමින් මඳ ගින්නේ රත් කර smooth sauce එකක් පිළියෙල කරගන්න.

කලින් පිළියෙල කරගත් soup එකට fresh milk සහ sauce එක මිශ්‍ර කර හැඳිගාමින් මිනිත්තු 6-7ක් මඳ ගින්නේ පිසගන්න. මෙයට තම්බාගත් chicken කැබලි, රස අනුව ලුණු සහ ගම්මිරිස් එකතු කර හොඳින් මිශ්‍ර කර අවසානයට parmesan cheese ස්වල්පයක් උඩින් ඉස පිළිගන්වන්න.

The post රසම රස chicken soup එකක් හදමුද? appeared first on Lady.lk | Lady | Women | Lifestyle | Health | Beauty.

සාමාන්‍ය පොල් සම්බෝලය

අවශ්‍ය ද්‍රව්‍ය:-  වියළි මිරිස් කරල් 10, රතු ළූණු ගෙඩි 7-8, මඳ වශයෙන් පැසුණු පොල් ගෙඩි බාගයක්, ලුණු සහ දෙහි යුෂ අවශ්‍ය පමණට, උම්බලකඩ කැබලි මේස හැඳි 2,

සකසා ගන්නා ආකාරය:- අඹරාගැනීම පහසුවීම සදහා වියළි මිරිස් කරල්වල නටුව ඉවත්කර ලුණු වතුරේ පොඟවා ගන්න. ලුණු වතුර පෙරා ඉවත් කරගත් මිරිස් කරල්, ලුණු කැට මේස හැඳි බාගයක් සහ උම්බලකඩ කැබලි ටික වංගෙඩියකට දමා හොඳින් කොටාගන්න (මිරිස් ඇඹරුම් ගල පාවිච්චි කරන්නත් පුළුවන්). මේ මිරිස් ගුලිය වංගෙඩියෙන් ඉවත් කර පිරිසිදු කරගත් රතු ළූණු ගෙඩි කිහිපය වංගෙඩියට දමා මඳක් තලා ගෙන නැවත එයට මිරිස් ගුලිය මිශ්‍ර කරගන්න. ගාගත් පොල් මිටක් සහ මේ මිරිස් තලපය හොඳින් මිශ්‍ර වන සේ වංගෙඩියේ දමා කොටාගෙන ඉතුරු පොල් ටිකත් එයට මිශ්‍ර කරන්න. රස අනුව ලුණු කුඩු සහ දෙහි යුෂ එකතු කර හොඳින් අනාගන්න.

මේ සම්බෝලයම තෙම්ප‍රාදු කරගන්නා ආකාරය

තෙම්පරාදු කරගන්නවා නම් දෙහි එකතු නොකළ සම්බෝලයක් පිළියෙළ කරගන්න. සිහින්ව ලියාගත් අමු මිරිස් කරල් 1, ගම්මිරිස් කැබලි තේ හැන්දක්, කෑලි කපාගත් කරපිංචා මේස හැන්දක්, සිහින්ව ලියාගත් සුදු ළූණු බික් 1, තෙල් ස්වල්පයක් සහ අබ ඇට මේස හැන්දක් මේ සඳහා අවශ්‍ය වෙනවා. තෙල් ස්වල්පයක් තාච්චියකට දමා රත් කර එයට අබ ඇට දමා පිපිරෙන්නට ඉඩ හරින්න. අමු මිරිස්, ගම්මිරිස්, කරපිංචා සහ සුදු ළූණු විනාඩි 3- 4ක් පමණ කාලයක් බැදගෙන එයට පොල් සම්බෝලය දමා, හැන්දකින් මිශ්‍ර කරමින් මඳ ගින්නේ තෙම්පරාදු කරගන්න.

කූනිස්සන් මිශ්‍ර සම්බෝලය

අවශ්‍ය ද්‍රව්‍ය:- පොල් ගෙඩි බාගයක පොල්, වියළි මිරිස් කැබලි මේස හැඳි 3, කොච්චි කරල් 3, රතු ළූණු ගෙඩි 5, සුදු ළූණු බික් 1, කරපිංචා ඉත්තක්, දෙහි සහ ලුණු අවශ්‍ය පමණට, කුඩාවට කපාගත් තක්කාලි ගෙඩි 1, කූණිස්සන් මේස හැඳි 3ක් පමණ

සකස් කරගන්නා ආකාරය:- කරපිංචා, රතු ළූණු, සුදු ළූණු, කොච්චි, කෑලි මිරිස් සහ ගාගත් පොල් මිටක් වංගෙඩියේ දමා හොඳින් කොටා ගන්න. මේ මිශ්‍රනය බඳුනකට දමාගෙන එයට පොල්, තක්කාලි, රස අනුව ලුණු, දෙහි සහ කබලේ බැද වියළා ගත් කූණිස්සන් එකතු කර හොඳින් අනාගන්න.

ගම්මිරිස් සහ අමු මිරිස් මිශ්‍ර පොල් සම්බෝල

අවශ්‍ය ද්‍රව්‍ය:- බාගෙට පැසුණු පොල් ගෙඩි බාගයක පොල්, කරපිංචා ඉත්තක්, ගම්මිරිස් කැබලි මේස හැඳි 2, අමු මිරිස් කරල් 4, සුදු ළූණු බික් 1, රතු ළූනු ගෙඩි 7-8, දෙහි සහ ලුණු අවශ්‍ය පමණට

සකසාගන්නා ආකාරය:- ගාගත් පොල් මිටක්, අමු මිරිස්, ගම්මිරිස් කැබලි, රතු ළූණු සහ සුදු ළූණු වංගෙඩියක දමා හොඳින් කොටා ගන්න. මේ මිශ්‍රනය බඳුනකට දමා පොල්, ලුණු සහ දෙහි යුෂ දමා හොඳින් අනාගන්න. (මෙය තරමක් සැර සම්බෝලයක් නිසා දෙහි යුෂ තරමක් වැඩිපුර එක් කරගන්න).

තෝසේ සම්බෝලය

අවශ්‍ය ද්‍රව්‍ය:- පොල් ගෙඩි බාගයක පොල්, රස අනුව සියඹලා යුෂ සහ ලුණු, සුදුළූණු බික් 1, කුඩා ඉඟුරු කැබැල්ලක්, කරපිංචා ඉත්තක්, රතු ළූණු ගෙඩි 8, කෑලි මිරිස් මේස හැඳි 3, තෙල්, සූදුරු ස්වල්පයක්. වියළි මිරිස් කරල් 2

සකස් කරගන්නා ආකාරය:- රතු ළූණු ගෙඩි 5, ඉඟුරු, කරපිංචා ඉත්තෙන් බාගයක්, සුදු ළූණු, ලුණු සහ කෑලි මිරිස් වංගෙඩියක දමා හොඳින් කොටාගන්න. එයට ගාගත් පොල් එකතු කර හොඳින් මිශ්‍ර කරන්න. රස අනුව සියඹලා යුෂ සහ වතුර ස්වල්පයක් එකතු කර මඳක් දියාරු සම්බෝලයක් සකස් කරගන්න. බඳුනක් ලිපේ තියා තෙල් දමා රත් කර, අබ ඇට තේ හැන්දක් පිපිරෙන්නට තියන්න. සූදුරු, කරපිංචා, සිහින්ව ලියාගත් රතු ළූණු ගෙඩි 3 සහ කැබලි කඩාගත් වියළි මිරිස් කරල් ටික තෙම්පරාදු කරගෙන කලින් සකස් කරගත් සම්බෝලයත් එකතු කර විනාඩි කිහිපයක් පිසගන්න.

බැදගත් පොල්වලින් සකසාගත් සම්බෝලයක්

අවශ්‍ය ද්‍රව්‍ය:- පොල් ගෙඩි බාගයක්, රතු ළූණු ගෙඩි 10, උම්බලකඩ කැබලි මේස හැඳි 2, වියළි මිරිස් කරල් 7-8, ගම්මිරිස් කුඩු තේ හැඳි 1, රස අනුව ලුණු සහ දෙහි යුෂ

සකස් කරගන්නා ආකාරය:- සිහින්ව ලියාගත් රතුළූණු ගැඹුරු තෙලේ බැදගෙන තෙල් ඉවත් වෙන්නට තියන්න. සිහින් කැබලි ආකාරයට කපාගත් පොල් සහ මිරිස් කරල් pan එකකට දමා කර නොවෙන විදියට බැදගන්න. බැදගත් පොල් කැබලි සහ මිරිස් කරල්, ගම්මිරිස් කුඩු, ලුණු සහ උම්බලකඩ සියල්ලම වංගෙඩියක දමා හොඳින් කොටාගන්න. මෙයට රස අනුව දෙහි යුෂ සහ බැදගත් රතු ළූණු එකතු කර හොඳින් අනාගන්න.

The post විවිධ විදියට පොල් සම්බෝල හදමු! appeared first on Lady.lk | Lady | Women | Lifestyle | Health | Beauty.

Protein Bars

අවශ්‍ය ද්‍රව්‍ය:- fresh milk කෝප්ප ½, chunky peanut butter කෝප්ප 1, මී පැණි කෝප්ප ½, whey protein කෝප්ප 1, rolled oats කෝප්ප 2, කුරුඳු කුඩු තේ හැඳි 1, chocolate chips/ chopped dates/ raisins/ melted chocolate ඕනෑම වර්ගයකින් කෝප්ප 1 (topping එක සඳහා)

සකසා ගන්නා ආකාරය:- බඳුනක් ගෙන එයට fresh milk, peanut butter සහ මී පැණි දමා සියල්ලම හොඳින් මිශ්‍ර වන සේ මඳ ගින්නේ හැඳිගාමින් රත් කරන්න. ඉන් පසු ලිපෙන් ඉවත්කර එයට protein powder, oats සහ කුරුඳු කුඩු එකතු කර හොඳින් මිශ්‍ර කරන්න. මිශ්‍රනය thick වැඩිනම් fresh milk ස්වල්පයක් එකතු කරන්න. 8*8 ප්‍රමානයේ pan එකක butter ආලේප කර මේ මිශ්‍රණය එයට දමා oil paper එකක් භාවිතා කර හොඳින් press කරන්න. මෙය පැය කිහිපයක් ශීත කර අවශ්‍ය ප්‍රමානයේ bars වලට කපාගෙන තෝරාගත් topping එක උඩින් දමාගන්න. මේ protein bars තදින් වැසිය හැකි container එකක දමාගෙන දවස් කිහිපයක් හෝ ශීතකරණයේ දමා සති 2-3ක් තියාගෙන පාවිච්චි කරන්න පුළුවන්.

Egg Roll Mozzarella Sticks

අවශ්‍ය ද්‍රව්‍ය:- roll wrappers 5, string cheese sticks 10, වතුර, බැද ගැනීමට තෙල්, Marinara sauce

සකස් කරගන්නා ආකාරය:- 

දිග හැරගත් roll wrapper එකේ එක් කොනකින් cheese stick එක තියා roll එකක ආකාරයට wrap කරගන්න. වතුර ස්වල්පයක් ආලේප කර අලවාගෙන හොඳින් seal කරගන්න. ගැඹුරු තෙලේ රන්වන් පැහැ වෙනතුරු බැදගෙන marinara sauce සමඟ පිළිගන්වන්න.

Apple cinnamon chips

පිරිසිදු කරගත් ඇපල් ගෙඩි කිහිපයක් සිහින් පෙති ආකාරයට කපාගන්න. Parchment paper එකක් සහිත baking pan එකක මේ ඇපල් පෙති අතුරා සීනි සහ කුරුඳු කුඩු ස්වල්පය බැගින් ඉසින්න. 200 °f ට preheat කරගත් oven එකක පැයක් පමණ bake කරගන්න. Oven එක off කර තවත් පැයක් පමණ ඒ තුළම baking tray එක තියෙන්නට ඉඩ හරින්න.

Chocolate cookies

අවශ්‍ය ද්‍රව්‍ය:- peanut butter කෝප්ප ½, oats කෝප්ප ⅔, dark chocolate 50g, කැමති වර්ගවල nuts, පොල් තෙල් මේස හැඳි 1

සකසාගන්නා ආකාරය:- බඳුනක් ගෙන peanut butter, oats සහ කැබලි කරගත් nuts මේස හැඳි 3 ක් එයට දමා හොඳින් මිශ්‍ර කරන්න. Dark chocolate සහ පොල්තෙල් double boil ක්‍රමයට melt කරගෙන එයට oats මිශ්‍රනය එක් කර හොඳින් කවලම් කරගන්න. Oil paper එකක් අතුරාගත් tray එකක තැන් තැන්වලට මෙයින් මේස හැන්ද බගින් දමා පැයක් පමණ ශීත කරගෙන කෑමට ගන්න පුළුවන්. (සාමාන්‍ය කාමර උශ්නත්වයේදී මේ cookie එක melt වෙනවා)

Chia pudding

අවශ්‍ය ද්‍රව්‍ය:- chia seeds මේස හැඳි 2, almond milk කෝප්ප ½, මී පැණි තේ හැඳි ½, වැනිලා ස්වල්පයක්, almond butter තේ හැඳි 1, nuts කැබලි ස්වල්පයක්

සකසා ගන්නා ආකාරය:-

Chia seeds, මී පැණි, වැනිලා සහ almond milk වීදුරුවකට දමා හොඳින් මිශ්‍ර කර lid එකෙන් වසා පැය 8-10ක පමණ කාලයක් ශීතකරණයේ තියන්න. කැබලි කරගත් nuts සහ almond butter ස්වල්පයක් topping එක විදියට දමා කෑමට ගන්න.

Chicken quesadilla

අවශ්‍ය ද්‍රව්‍ය:- chicken තීරු කෝප්ප 1 ,cream cheese මේස හැඳි 2, tomato paste මේස හැඳි 2, සිහින්ව කපාගත් සුදුළූණු බික් 3, සූදුරු කොත්තමල්ලි සහ කෑලි මිරිස් ස්වල්පය බැගින්, සිහින්ව කපාගත් අමු මිරිස් කරලක්, baby spinach/ basil කෝප්ප 1, grated mozzarella cheese කෝප්ප ½, 2 tortillas

සකස් කරගන්නා ආකාරය:- 

Cream cheese, සුදු ළූණු, tomato paste, සූදුරු කුඩු, කොත්තමල්ලි කුඩු, කෑලි මිරිස් සහ වතුර තේ හැන්දක් බඳුනකට දමා මෘදු paste එකක් සකස් කරගන්න. අමු මිරිස්, Chicken තීරු සහ baby spinach/ basil කොළ ඒ මිශ්‍රනයට එකතු කරන්න. Tortilla එකක් ගෙන එයින් බාගයක මේ මිශ්‍රනයෙන් බාගයක් තවරා ඊට උඩින් mozzarella cheese දමන්න. ඉතිරි tortilla එකත් ඒ ආකාරයටම් සකස් කරගන්න. Tortilla එක දෙකට නවා තෙල් ගාගත් pan එකක දෙපැත්ත දමමින් toast කරගන්න. Slices 2-3 ට කපා කෑමට එක් කරගන්න.

The post පුංචිම වෙලාවකින් හදාගන්න පුළුවන් easy snacks appeared first on Lady.lk | Lady | Women | Lifestyle | Health | Beauty.

Carrot and coriander soup

අවශ්‍ය ද්‍රව්‍ය:- Olive oil මේස හැඳි 1, කුඩා කැබලි කපාගත් ලොකු ළූණු ගෙඩි 1, කොත්තමල්ලි කුඩු තේ හැදි 1, සූදුරු ඇට තේ හැදි ½, කහ කුඩු තේ හැඳි ½, කුඩා කැබලි කපාගත් කැරට් ග්‍රෑම් 500, කුඩා කැබලි කපාගත් අර්තාපල් ගෙඩි 1, vegetable stocks ලීටර 1, කුඩාවට කපාගත් කොත්තමල්ලි කොළ ස්වල්පයක්, ගම්මිරිස් කුඩු, ලුණු  සහ croutons අවශ්‍ය පමණට

පිසගන්නා ආකාරය:- pan එකකට olive oil දමා එයට ලොකු ළූණු කැබලි සහ අවශ්‍ය පමණට ලුනු කුඩු දමා ළූණු කැබලි මෘදු වනතෙක් විනාඩි 5ක් පමණ හොඳින් බැදගන්න. එයට කොත්තමල්ලි කුඩු, සූදුරු සහ කහ කුඩු දමා තවත් විනාඩියක් පමණ තෙම්පරාදු කරගෙන කැරට් සහ අර්තාපල් කැබලි එකතු කරන්න. මේ තෙම්පරාදුවට vegetable stock මිශ්‍ර කර තවත් පැය බාගයක් පමණ මඳගින්නේ පිසගන්න. Soup එක මඳක් නිවුනු පසු මෘදු cream එකක් වනතෙක් blend කරගෙන කොත්තමල්ලි කොළ සහ ගම්මිරිස් කුඩු එකතු කර මිශ්‍ර කරගන්න. උඩින් croutons සහ තවත් කොත්තමල්ලි කොළ ස්වල්පයක් ඉස ආහාරය සඳහා පිළිගන්වන්න.

Leek and potato soup

අවශ්‍ය ද්‍රව්‍ය:- butter, olive/ coconut oil,  සිහින්ව ලියාගත් ලීක්ස් ග්‍රෑම් 600, කුඩා කැබලි කපාගත් අර්තාපල් ගෙඩි 3, vegetable/ chicken stock ලීටර 1 ½, single cream මිලි ලීටර 150, ගම්මිරිස් කුඩු

පිසගන්නා ආකාරය:- තරමක් විශාල pan එකක් ගෙන එයට butter සහ තෙල් ස්වල්පයක් දමා රත් කරගන්න. පසුව පාවිච්චියට ගැනීමට ලීක්ස් මේස හැඳි 2ක් පමණ ඉතිරි කර අනික්වා pan එකට දමා මෘදු වනතෙක් මිනිත්තු 10ක් පමණ තෙම්පරාදු කරගන්න. එයට අර්තාපල් කැබලි එකතු කර තවත් මිනිත්තු කිහිපයක් තෙම්පරාදු කරගෙන පසුව stock එක දමා අර්තාපල් හොඳින් තැම්බෙන තෙක් විනාඩි කිහිපයක් පිසගන්න. මේ මිශ්‍රනය මඳක් නිවුණු පසු smooth වනතුරු blend කරගන්න. එයට single cream, ගම්මිරිස් කුඩු සහ රස අනුව ලුණු එකතු කරගන්න. ඉතිරි කරගත් ලීක්ස් කැබලි ගැඹුරු තෙලේ බැද soup එකට උඩින් ඉස උණුවෙන්ම පිළිගන්වන්න. (Soup එක thick වැඩි නම් උණු වතුර, stock හෝ single cream මඳක්වැඩිපුර එකතු කරන්න)

Mulligatawny soup

අවශ්‍ය ද්‍රව්‍ය:- එළවලු තෙල් මේස හැඳි 1, සූදුරු ඇට තේ හැඳි 1, අබ ඇට තේ හැඳි 1, සිහින්ව ලියා ගත් ලොකු ළූණු ගෙඩි 1, grate කරගත් කැරට් අල 2, සිහින්ව ලියාගත් සුදු ළූණු බික් 3, තලාගත් ඉඟුරු කැබැල්ලක්, තම්බාගෙන තීරු කරගත් chicken ග්‍රෑම් 400, අමු තුනපහ කුඩු මේස හැඳි 1, chicken stock ලීටර 1, බාස්මති සහල් ග්‍රෑම් 75, කොත්තමල්ලි කොළ ස්වල්පයක්

පිසගන්නා ආකාරය:- හොඳින් වැසිය හැකි pan එකක් ගෙන එයට තෙල් දමා අබ ඇට ටික පිපිරෙන තුරු රත් කරගන්න. එයට සූදුරු ඇට තේ හැන්දත් එකතු කරන්න. ඉන් පසු සිහින්ව ලියාගත් සුදු ළූණු, ලොකු ළූණු, තලාගත් ඉඟුරු, කැරට් සහ අවශ්‍ය පමණට ලුණු එකතු කර බඳුනේ පියන වසා මඳ ගින්නේ විනාඩි 20ක් පමණ පිසගන්න. මෙයට chicken තීරු සහ තුනපහ කුඩු මේස හැන්දක් එකතු කර තවත් විනාඩි කිහිපයක පිසගෙන stock එක එකතු කරන්න. විනාඩි 5ට පසු සහල් එකතු කර තවත් විනාඩි 20ක් පමණ පිසගෙන කොත්තමල්ලි කොළ උඩින් ඉස පිළිගන්වන්න.

Pumpkin Soup

අවශ්‍ය ද්‍රව්‍ය:- olive oil මේස හැඳි 2, කුඩාවට කපාගත් ලොකු ළූණු ගෙඩි 2, කැට කපාගත් කැරට් ගෙඩි 2, කැබලි කපාගත්  celery sticks 2, තලාගත් සුදු ළූණු බික් 2, කුඩා කැබලි කපාගත් වට්ටක්කා කිලෝ ග්‍රෑම් 1, chicken stock ලීටර 1.2, double cream මිලි ලීටර 150, ගම්මිරිස් කුඩු, ලුණු, අවශ්‍ය නම් සාදික්කා කුඩු ස්වල්පයක්

Toasties

Cream cheese ග්‍රෑම් 150, grated mozzarella cheese, butter, පාන් පෙති 8, sage/ thyme/ oregano/ rosemary/ bay ඕනෑම වර්ගයකින් මේස හැන්දක්.

පිසගන්නා ආකරය:- pan එකකට olive oil දමා රත් කර එයට ලොකු ළූණු, කැරට්, celery සහ සුදු ළූණු දමා හොඳින් මෘදු වනතෙක් තෙම්පරාදු කරගන්න. මේ තෙම්පරාදුවටෞ වට්ටක්කා කැබලි සහ රස අනුව ලුණු එකතු කර තවත් විනාඩි 5ක් පමණ පිසගෙන stock එක එකතු කර වට්ටක්කා තැම්බෙන තුරු පිසගන්න. ඒ අතරතුර හැන්දක් භාවිතා කර වට්ටක්කා කැබලි පොඩි කරගන්න. මෙයට double cream එකතු කර විනාඩි 2-3ක් තබා මඳක් නිවුණු පසු blend කරගන්න. ගම්මිරිස් සහ සාදික්කා කුඩු ස්වල්පයක් ඉස, toasties සමඟ උණුවෙන්ම පිළිගවන්න.

Toasies සකසා ගැනීම:- cream cheese, mozzarella cheese සහ seasonal powder එකට මිශ්‍ර කර පාන් පෙතිවල තවරා sandwiches 4ක් සකස් කරගන්න. Sandwiches වල පිටත butter තවරා nonstick pan එකක් භාවිතා කර දෙපැත්ත දමමින් fry කරගන්න. මේවා Sticks ආකාරයට කපා soup සමඟ පිළිගන්වන්න.

The post රාත්‍රී ආහාරයට රසවත් soup එකක් හදා ගමුද appeared first on Lady.lk | Lady | Women | Lifestyle | Health | Beauty.

Cauliflower and chicken koththu

අවශ්‍ය ද්‍රව්‍ය:- cauliflower කෝප්ප1, කැරට් කෝප්ප ¼, ලීක්ස් කෝප්ප ¼, මාලු මිරිස් කරල් 1, තක්කාලි ගෙඩි 1, බෝංචි කරල් 4, ඉඟුරු සහ සුදු ළූණු paste තේ හැඳි 1,  කරපිංචා, බිත්තර 1, කුඩාවට කපාගත් කටු රහිත chicken කෝප්ප ½, ලොකු ළූණු ගෙඩි 1, කහ කුඩු, බැදපු තුනපහ කුඩු, ලුණු කුඩු, ගම්මිරිස් කුඩු, කෑලි මිරිස්, මිරිස් කුඩු, පොල්තෙල්

සදාගන්නා ආකාරය:- කුඩාවට කඩාගත් cauliflower ලුණු වතුරෙන් සහ පිරිසිදු වතුරෙන් හොඳින් සෝදාගෙන මිනිත්තු 4-5ක් පමණ කාලයක් තම්බා ගන්න. වතුර ඉවත් කර හොඳින් වියළෙන තෙක් තෙත මාත්තු කරගන්න. තාච්චියක් ලිප තබා පොල්තෙල් දමා රත් කරගෙන, එයට chicken කැබලි, ඉඟුරු සහ සුදුළූණු paste, කරපිංචා, ගම්මිරිස් කුඩු, කෑලි මිරිස්, බැදපු තුනපහ කුඩු, කහ කුඩු ස්වල්පයක් බැගින් සහ තරමක් විශාලව කපාගත් ලොකු ළූණු  එකතු කර තෙම්පරාදු කරගන්න. හොඳින් whisk කරගත් බිත්තරය එයට එක් කර බැදෙන්නට හරින්න. එයට සිහින්ව කපාගත් කැරට්, බෝංචි, ලීක්ස්, මාලු මිරිස් සහ තක්කාලි දමා කලවම් කර මඳ වෙලාවක් තැම්බෙන්නට ඉඩ හරින්න. අවසානයට cauliflower කැබලි සහ රස අනුව ලුණු එක් කරගන්න. අවශ්‍ය නම් චීස් එකතු කරගෙන රසය වැඩි කරගන්න.

Oats and Atta pizza

අවශ්‍ය ද්‍රව්‍ය:- ආටා පිටි කෝප්ප ½, oats පිටි කෝප්ප ½, ලුණු කුඩු, cinnamon powder තේ හැඳි 1, ලොකු ළූණු ගෙඩි 1, මාළු මිරිස් කරල් 2, උණු වතුර, තක්කාලි ගෙඩි 1, තම්බාගත් කුඩා chicken කැබලි, mozzarella cheese, mayonnaise sauce, tomato sauce, තෙල්, 

සදාගන්නා ආකාරය:- ආටා පිටි, oats පිටි, ලුණු, කුරුඳු කුඩු සහ උණුවතුර එක්කර තරමක් ඝනකම් batter එකක් හදාගන්න. Pan එකකට තෙල් දමා රත් කර කලින් සදාගත් batter එක ඊට උඩින් දමාගන්න. එය මඳ ගින්නේ විනාඩි 5ක් පමණ පිසගෙන අනිත් පැත්තට දමාගන්න.  ඊට උඩින් පෙති කපාගත් ළූණු, මාලු මිරිස් සහ තක්කාලි අතුරාගෙන විනාඩි 2ක් පමණ පියන වසා තබන්න. ඉන්පසු ඊට උඩින් chicken කැබලි අතුරාගෙන අවසානයට sauce සහ cheese දමාගන්න. ගම්මිරිස් සහ ලුණු ස්වල්පයක් උඩින් ඉස pan lid එකෙන් වසා විනාඩි කිහිපයක් පිසගන්න.

කුරක්කන් පාන්

අවශ්‍ය ද්‍රව්‍ය:- කුරක්කන් පිටි කෝප්ප 1, පාන් පිටි කෝප්ප 1, කිරි පිටි කෝප්ප ¼, yeast තේ හැඳි 2 , උණු වතුර කෝප්ප 2, රතු සීනි මේස හැඳි 2, butter මේස හැදි 1, ලුණු අවශ්‍ය පමණ

සදාගන්නා ආකාරය:- සීනි සහ yeast මඳ උණුසුම් ජලය ස්වල්පයක දියකර විනාඩි 20-30 ක පමණ කාලයක් පිපෙන්නට තියන්න. තරමක් විශාල බඳුනක් ගෙන එයට කුරක්කන් පිටි, පාන් පිටි, කිරි පිටි සහ ලුණු දමා හොඳින් මිශ්‍ර කරගන්න. මෙයට උණුවතුර, yeast මිශ්‍රනය සහ බටර් එකතුකර හොඳින් අනාගන්න. පිටි dough එක උඩට පොල්තෙල් ස්වල්පයක් ආලේප කර වතුර මිරිකා ඉවත් කළ තෙත serviette එකකින් වසා පැය 4 පමණ කාලයක් පිපෙන්නට තියන්න. පාන් සැදීමට භාවිතා කරන tray එකේ butter ස්වල්පයක් ආලේප කර ඊට උඩින් පිටි ස්වල්පයක් ඉසගන්න. පැය 4කින් පසුව, හොඳින් පිපුණු dough එක තදකර එහි වාතය ඉවත්කර, පාන් සැදීමට භාවිතා කරන tray එකට දමාගන්න. නැවතත් එහි butter ස්වල්පයක් ආලේප කර තෙත serviette එකෙන් වසා පැය ½ පමණ පිපෙන්නට තියන්න. 260°c ට preheat කරගත් oven එකක විනාඩි 30-45 පමණ කාලයක් bake කරගන්න.

Cereal

අවශ්‍ය ද්‍රව්‍ය:- කඩල, කව්පි, මුං ඇට, රටකජු, සෝයා, බඩ ඉරිඟු, ඇට පරිප්පු, තෝර පරිප්පු, ආමන්ඩ්, තල, සහල් වගේ තමන් කැමති ධාන්‍ය වර්ග කැමති ප්‍රමාණ වලින්.

සදාගන්නා ආකාරය:- හොඳින් සෝදා පිරිසිදු කරගත් ධාන්‍යවල වතුර බේරා, තෙත ගතිය නැතිවෙන තෙක් හොඳින් වියළාගන්න. විශාල භාජනයකට ධාන්‍ය දමා, මඳ ගින්නේ කර නොවෙන සේ ඉතා හොඳින් බැදගන්න (තෙත් ගතිය සම්පූර්ණයෙන් ඉවත්වෙන තෙක්ම බැදගැනීම අත්‍යවශ්‍යයි). ඉන්පසුව Grinder එකක දමා පිටි වන තෙක් හොඳින් කුඩු කරගෙන පෙනේරයකින් හලාගන්න. මේ ආකාරයට සකසාගන්නා cereal, සුළං නොවදින ආකාරයට බඳුනක අසුරාගෙන මාසයක් පමණ පාවිච්චි කරන්න පුළුවන්කම තියෙනවා.

Chicken sausages

අවශ්‍ය ද්‍රව්‍ය:- කටු රහිත chicken 500g, ලොකු ළූණු ගෙඩියක්, සුදු ළූණු බික් 3-4, ඉඟුරු ස්වල්පයක්, කරපිංචා, ගම්මිරිස් කුඩු, මිරිස් කුඩු, තුනපහ කුඩු, කහ කුඩු, corn flour.

සදාගන්නා ආකාරය:- කුඩාවට කපාගත් මස්, ලොකු ළූණු, සුදු ළූණු, කරපිංචා කොළ 3-4, ඉඟුරු, ගම්මිරිස්, මිරිස්, තුනපහ, කහ ස්වල්පය බැගින්, corn flour තේ හැඳි 1ක් සහ ලුණු කියන සියලුම ද්‍රව්‍ය grinder එකක දමා ඉතා හොඳින් අඹරාගන්න. Corn flour වෙනුවට පොල්තෙල් ස්වල්පයක් දාන්නත් පුළුවන්. අමුද්‍රව්‍ය සියල්ලම හොඳින් මිශ්‍ර වන ආකාරයට නැවතත් ඉතා හොඳින් අනාගන්න. lunch sheets හෝ cling wraps වලට දමා sausage හැඩයට සකසාගෙන ටොෆියක ආකාරයට දෙපසින් ගැටගසා ගන්න. Cling wraps වෙනුවට ගින්නෙන් තවාගත් කෙසෙල් කොළ පාවිච්චි කරන්නත් පුළුවන්. විනාඩි 15ක පමණ කාලයක් steam කරගෙන, පසුව අවශ්‍ය ආකාරයට සකසා කෑමට ගන්න.

  .

The post Healthy විදියට හදාගත්ත Unhealthy foods appeared first on Lady.lk | Lady | Women | Lifestyle | Health | Beauty.