තමන් ව හඳුනාගැනීමට හැකිවීම

රැකියාව කරන අතරතුරේදි ඔබට තමන්ගේ හැකියාවන් සහ දුර්වලතා හඳුනාගැනීමට අවස්ථාව උදාවෙනවා. අපි මීට කලින් SWOT Analysis ගැන කතා කලා ඔබට මතක ඇති. ඉතින් එහෙනම් රැකියාව අතරතුරේදි තමන් සම්බන්ධව ම SWOT Analysis එකක් සිදු කිරීමට හොඳම අවස්ථාවක් ඔබට ලැබී තියෙනවා. ඒ කියන්නේ ඔබට වඩාත් සාර්ථකව සම්පුර්ණ කළ හැකි දේ, ඔබ අසාර්ථක වන අවස්ථා, ඔබට තමන් තුළින් ම ලැබෙන උපකාර සහ තමන්ගේ ගති ලක්ෂණ නිසා ඔබට මුහුණදීමට සිදුවිය හැකි ගැටළු ගැන ප්‍රායෝගික අවබෝධයක් ලැබීමටත් එවැනි අවස්ථාවල තමන් ඒවාට ප්‍රතිචාර දක්වන්නේ කොහොමද කියලත් ඔබට අධ්‍යනය කරන්න අවස්ථාව උදාවෙනවා. මෙය රැකියාවකින් ඔබට ලැබිය හැකි සුවිශේෂී ම වාසියක් විදියට තමයි අපි නම් දකින්නේ.

පුද්ගලයින් හඳුනාගැනීමට හැකිවීම

ඔබට තමන්ගේම කියලා ව්‍යාපාරයක් ආරම්භ කරන්න අදහසක් තියෙනවා නම් විවිධ වයස් මට්ටම්වල, විවිධාකාර දක්ෂතා සහ දැනුම සහිත, අත්දැකීම් වලින් අනූන, ඒ වගේම ඔබගේ ව්‍යාපාරයට කවරාකාරයකින් හෝ සහයෝගයක් ලබාදිය හැකි ආකාරයේ පුද්ගලයින් හඳුනාගෙන සිටීම අතිශය වැදගත් කාරණාවක් වෙනවා. ඔබ අධ්‍යාපනිකව සහ ආර්ථිකව කොයි තරම් ශක්තිමත් වුණත් අන් අයගෙන් ලැබෙන සහයෝගය මිල කළ නොහැකි තරමේ වටිනාකමකින් යුතු නිසා කාර්‍යාලයක සේවය කරමින් එවැනි පුද්ගල සම්බන්ධතා ගොඩනගා ගැනීම ඔබේ ව්‍යාපාරයේ සාර්ථකත්වය විශාල රුකුලක් වනවා නොඅනුමානයි.

International skills

තමන්ගෙම ව්‍යාපාරයක් ආරම්භ කරන්න ඔබ අදහස් කරනවා නම්, එහි සේවකයින්, පාරිභෝගිකයින් සහ සැපයුම්කරුවන් සමඟ විතරක් නෙවෙයි රජයේ කාර්‍යාල සහ වෙනත් සේවා සපයන්නන් සමඟ පවා ගණුදෙනු කරන්නට සිදුවෙන බව ඔබට පැහැදිලි ඇති. ඉතින් මේ වගේ විවිධාකාර පුද්ගලයින් සමඟ වැඩ කරනකොට ඒ එක් එක් පුද්ගලයාට ගැළපෙන විදියට සහ වෘත්තීමය ආකාරයට ඔවුන් හා සන්නිවේදනය කළයුතු ආකාරය ගැන ඔබට මනා දැනුමක් තිබීම අත්‍යවශ්‍ය වෙනවා. කාර්‍යාලයක සේවය කිරීමේදී විවිධාකාර පෞර්ෂත්වය ලක්ෂණ තියෙන පුද්ගලයින් සමඟ ගණුදෙනු කර හුරු පුරුද්දක් තියෙනවා නම් මේ අභියෝගය ජයගැනීම ඔබට එතරම් අපහසු වෙන්නේ නැතිවෙයි කියලා අපි විශ්වාස කරනවා.

Critical and creative thinking skills

ඔබ තුළ ඇති නිර්මාණශීලි බව තමයි ව්‍යාපාරයේ දියුණුවේ ඉනිමඟ වෙන්නේ. අර්බුදකාරී අවස්ථාවලදී නම්‍යශීලීව ක්‍රියා කළයුතු ආකාරයත්, අවස්ථානුකූලව සහ පාරිභෝගික රුචිය අනුව නිෂ්පාදන ලබා දීමේ හැකියාවත් වැඩි දියුණු වන්නේ මෙන්න මේ කියන නිර්මාණශීලි බව තුළින්. ඉතින් තමන්ගේ සහජ නිර්මාණශීලි බව දියුණු කරගන්නටත්, සහජ නිර්මාණශීලී බවක් නැත්නම් අත්දැකීම්, දැනුම සහ උත්සහවන්ත බවින් ඇති කරගන්නා නිර්මාණශීලීත්වය වර්ධනය කරගන්නටත් ඔබ නියැලෙන රැකියාව මහඟු පිටිවහලක් වෙයි කියලා අපි හිතනවා

Leadership skills

ව්‍යාපාරයක හිමිකරුවෙකුට හිමිවිය යුතු ලක්ෂණ අතර නායකත්ව ලක්ෂණ අනිවාර්යයෙන් පැවතිය යුතු ගති ගුණයක් වෙනවා. පාරිභෝගිකයාට අවශ්‍ය භාණ්ඩය හෝ සේවාව පාරිභෝගිකයා තෘප්තිමත් වෙන ආකාරයට ලබා දීමටත්, නිවැරදි තීන්දු තීරණ ගනිමින් ව්‍යාපාරය නිවැරදි මාවතේ ගමන් කරවීමටත්, ඵලදායක සැලසුම් සකස් කිරීමට වගේම සියලු වගකීම් සංවිධානාත්මකව ඉටු කිරීමටත් මෙය අත්‍යවශ්‍ය ගුණාංගයක් වෙනවා. ඉතින් ඔබේම ව්‍යපාරයක් ඇරඹීමට පෙර ඔබ කාර්‍යාලයක සේවය කරනවා නම් සාර්ථක ආයතන ප්‍රධානීන් තුළ ඇති මෙවැනි ගති ලක්ෂණ අත් විඳින්නටත්, තමන් තුළත් එවැනි ලක්ෂණ ඇති කරවා ගන්නටත් ඔබට අවස්ථාව ලැබෙනවා ඉඩ තියෙනවා. 

ඊට අමතරව,

ඉහතින් සඳහන් කළ කරුණුවලට අමතරව ගිණුම් තැබීම සම්බන්ධ කටයුතු, ප්‍රචාරණ කටයුතු, භාණ්ඩ අලෙවියේදී තිබිය යුතු දක්ෂතා, මූල්‍ය කළමනාකරණය, වෘත්තිය ආචාර ධර්ම, පීඩාකාරී සහ අසාර්ථක අවස්ථාවන්ට සාර්ථකව මුහුණ දීම, තරඟකාරී ආයතන සමඟ සසඳමින් තම දුර්වලතා සොයා ගැනීම වගේ නිපුණතා වැඩි වර්ධනය කර ගැනීමට ඔබට අවස්ථාව උදා වෙන්නට ඉඩ තියෙනවා. සමහරවිට මේ දේවල් ගැන වඩා ගැඹුරින් ඉගෙනීමට ඔබට අවස්ථාවක් උදා නොවෙන්නට පුළුවන්. නමුත් කිසිම දැනුමක් හෝ අත්දැකීමක් නොමැතිව ව්‍යාපාරයක් වෙනුවෙන් මුදල් ආයෝජනය කරනවාට වඩා තරමක හෝ දැනුමක් ලබාගෙන ඒ දේ සිදු කිරීම වඩා සුදුසු බවයි අපේ අදහස වෙන්නේ. කිසියම් ආයතනයක රැකියාවක නිරත නොවෙනවා නම් අවම වශයෙන් intern කෙනෙක් විදියට හෝ ආයතනයක් හා සම්බන්ධ වීම ඔබේ වැඩකටයුතු සාර්ථක වීමට රුකුළක් විය හැකි බව අවසන් වශයෙන් අපි සිහිපත් කරනවා.

The post ස්වයං රැකියාවක් ආරම්භ කරන්න කලින් office job කිරීමේ වාසි appeared first on Lady.lk | Lady | Women | Lifestyle | Health | Beauty.

කාර්මික අධ්‍යාපන හා පුහුණු කිරීමේ දෙපාර්තමේන්තුව

කාර්මික ආධ්‍යාපනය ලබාදීම සහ පුහුණු කිරීමේ වැඩසටහන් ක්‍රියාත්මක කරන ආයතනයක් වන මේ හරහා ඔබේ අවශ්‍යතාවය සහ හැකියාව අනුව පූර්ණ කාලීන සහ අර්ධ කාලීන වැඩසටහන් තෝරාගැනීමේ හැකියාව තියෙනවා.

ලිපිනය:- අංක 557, ඕල්කට් මාවත, කොළඹ 10

දු.ක:- 0112421580

Web:- https://www.dtet.gov.lk

කාර්මික සංවර්ධන මණ්ඩලය

පුහුණුව හා වැඩමුළු, ඉංජිනේරු සේවා, අලෙවිකරණය, ව්‍යවසායක සංවර්ධනය, කර්මාන්ත තොරතුරු, ප්‍රාදේශීය සංවර්ධන, තාක්ෂණය, යටිතල පහසුකම්, සම්භාණ්ඩ හා පාවහන්, රබර් නිෂ්පාදන සංවර්ධන යන අංශවලට අදාළ සේවාවන් මෙම ආයතනය මඟින් සම්පාදනය කරනු ලබනවා.

ලිපිනය:- 615, ගාලු පාර, කටුබැද්ද, මොරටුව

දු.ක:- 0112 605 323/ 0112 605 326/ 0112 605 394/ 0112 624 846

Web:- https://www.idb.gov.lk

ශ්‍රී ලංකා වෘත්තීය පුහුණු ආයතනනය

ශ්‍රී ලාංකික තරුණ තරුණියන්ට වෘත්තීය පුහුණුව, රැකියා මාර්ගෝපදේශනය, දෙස් විදෙස් රැකියා අවස්ථා සහ ණය ආධාර පහසුකම් ලබා දෙමින් නූතන ලෝකයට ගැළපෙන ආකාරයේ රැකියා අවස්ථා සඳහා සූදානම් කරවීම තමයි මේ ආයතනය මඟින් සිදු කෙරෙන්නේ. ආයතනයට අනුබද්ධිතව සමස්ත මධ්‍යස්ථාන 216කින් සමන්විත වීම ඔබට විශාල පහසුවක් වනවා නොඅනුමානයි. විෂය ක්ෂේත්‍ර 18 කට පමණ අදාළව පාඨමාලා 81ක් පමණ ක්‍රියාත්මක වන අතර ඊට අමතරව ඉංග්‍රීසි භාෂාව හැදෑරීම අනිවාර්යය නිසා පුහුණුවේ ඉහළ ගුණාත්මක බව ගැන සැකයක් ඇතිකර ගන්නට අවශ්‍යතාවයකුත් නැහැ. ජාතික වෘත්තිය සුදුසුකම් (NVQ) මට්ටම දක්වාම අධ්‍යාපනය හැදෑරීමට අවස්ථාව ලැබීම සුවිශේෂම කාරණාව වනවා.

ලිපිනය :- ශ්‍රී ලංකා වෘත්තීය පුහුණු අධිකාරිය, 354/2. නිපුණතා පියස, ඇල්විටිගල මාවත, නාරා‍හේන්පිට,‍‍ කොළඹ 05.

Fax:- +94-11-2505123

E-mail:- vtajpcg@yahoo.com

දුරකථන:- 011-7270270

Web:- https://www.vtasl.gov.lk

ඉල්ලූම්පත් ලබා ගත හැකි ස්ථාන:- ප්‍රධාන කාර්යාලයේ රැකියා ස්ථාපන හා වෘත්තීය මාර්ගෝපදේශන අංශයෙන් හෝ දිස්ත්‍රික් කාර්යාල මගින් (ගාස්තු රහිතයි)

ජාතික සමාජ සංවර්ධන ආයතනය

ජාතික සමාජ සංවර්ධන ආයතනයේ පුහුණු කිරීමේ අංශය මගින් උපදේශනය පිළිබඳ ඩිප්ලෝමා පාඨමාලාවන්, වෘද්ධ විද්‍යාව හා වැඩිහිටි රැකවරණය පිළිබඳ ඩිප්ලෝමා පාඨමාලාව, ළමා ආරක්ෂණය පිළිබඳ ඩිප්ලෝමා පාඨමාලාව, කාන්තාවන් සවිබල ගැන්වීම පිළිබඳ ඩිප්ලෝමා පාඨමාලාව ඇතුළුව තවත් ඩිප්ලෝමා කිහිපයක්ම හා සම්බන්ධ පාඨමාලා සිංහල, ඉංග්‍රීසි සහ දමිළ කියන භාෂා ත්‍රිත්වයෙන්ම පැවැත්වෙනවා. ඊට අමතරව කෙටිකාලීන සහ දිගුකාලීන පුහුණු වැඩසටහන් සංවිධනය කිරීමත් මෙමඟින් සිදු කෙරෙනවා.

ඒ වගේම, ආතති කළමනාකරණය, ගැටුම් කළමනාකරණය සහ සාමය පිලිබඳ අධ්‍යාපනය, ළමා සංවර්ධනය, ළමා අපයෝජන සහ ළමා අපචාර, ව්‍යාපෘති යෝජනා පත්‍ර සැකසීම, ආපදා කළමනාකරණය, නිවස පදනම් කරගත් පූර්ව ළමාවිය සංවර්ධනය, නායකත්වය සහ සන්නිවේදන කුසලතා, සිද්ධි කලමනාකරණය කියන අංශ ගැනත් විශේෂ අවධානයක් යොමු කරනු ලබනවා.

ලිපිනය:- ජාතික සමාජ සංවර්ධන ආයතනය‍, ලියනගේමුල්ල, සීදූව

දු.ක:- 0112 882 506/ 0112 882 507

E-mail:- info@nisd.ac.lk

Web:- https://www.nisd.ac.lk

කුඩා ව්‍යාපාර සංවර්ධන අංශය

තරුණ ව්‍යවසායක හැකියාවන් වර්ධනය කිරීම, නව රැකියා අවස්ථාවන් හදුනා ගැනීම සහ ස්වයං රැකියා ආරම්භ කිරීමට මග පෙන්වීම, ව්‍යවසායන්හි කාර්යක්ෂමතාව හා ඵලදායිතාවය වැඩිදියුණු කිරීම හරහා තරුණ තරුණියන්ට වැඩි රැකියා අවස්ථා ලබා දීම සහ ආදායම් වර්ධනය කිරීම, කුඩා ව්‍යාපාරවල ඵලදායීතාව සහ පැවැත්ම සහතික කිරීම සඳහා ක්‍රියාකාරී දායකත්වයක් ලබා දීම කියන සේවාවන් මෙම ආයතනය මඟින් ලබාදෙනවා.

ලිපිනය:- 420, බෞද්ධාලෝක මාවත, කොළඹ 07.

දුරකථන:- 011-2662002

ෆැක්ස්:- +94 11 2665291/ +94 11 2665241

E-mail:- sed.gov.lk@gmail.com

Web:- http://www.sed.gov.lk

ජාතික ආධුනිකත්ව හා කාර්මික පුහුණු කිරීමේ අධිකාරිය (NAITA)

රැකියා වෙළඳපිළට ගැළපෙන ආකාරයේ නිපුණතා වැඩිදියුණු කිරීම සඳහා පුහුණුව සහ දැනුම ලබාදීම මෙම ආයතනය මඟින් සිදු කරනවා.

ලිපිනය:- ජාතික ආධුනිකත්ව හා කාර්මික පුහුණු කිරීමේ අධිකාරිය අංක 971, ශ්‍රී ජයවර්ධනපුර මාවත, වැලිකඩ, රාජගිරිය

e-mail: info@naita.gov.lk

දු.ක:- 011 288 8782 – 5

Web:- http://www.naita.gov.lk/

සමාජ සේවා දෙපාර්තමේන්තුව

ශාරීරික ආබාධ සහිත පුද්ගලයින්ට තමන් වෙනුවෙන් ආදායම් මාර්ගයක් සකසා ගැනීමට අවශ්‍ය හැකියාවන් දියුණු කර අභිමානවත් පුරවැසියෙක් ලෙස සමාජගත කිරීම තමයි මේ ආයතනයෙන් මූලික වශයෙන් සිදුවෙන්නේ.

ලිපිනය:- සමාජ සේවා දෙපාර්තමේන්තුව, 2 වන මහල, සෙත්සිරිපාය II අදියර, බත්තරමුල්ල

දුරකථනය: 0112 187 050 / 0112 186 275

The post ස්ව්‍යං රැකියාවලට උරදෙන රාජය ආයතන appeared first on Lady.lk | Lady | Women | Lifestyle | Health | Beauty.

සැලසුම් සහගත වන්න

ඔබ විසින් සම්පූර්ණ කළ යුතු සියලුම කාර්‍යන් ඒවා සම්පුර්ණ කළ යුතු අනුපිළිවෙලට “To do” list එකක් යටතේ පෙළ ගස්වා ගන්න. එවිට ඔබට තමන්ගේ වගකීම් අමතක වීම හෝ මඟහැරී යෑම සිදුවන්නේ නැති බවට තහවුරු කරගන්න අවස්ථාව ලැබෙනවා.

Records තියාගන්න

ඔබ විසින් සිදු කරකරන සෑම ගනුදෙනුවක් ගැනම පිළිවෙලට සටහන් කරගැනීම සහ ආදායම් වියදම් ගිනුම් වැනි අත්‍යවශ්‍ය සටහන් පවත්වාගෙන යෑමට අමතක කරන්න එපා. ව්‍යාපාරයේ මූල්‍යමය තත්ත්වය ගැන අවබෝධයක් ලබා ගැනීමට, තමන්ට මුහුණ පෑමට සිදුවන අභියෝග හඳුනාගැනීමට සහ පැන නඟින ගැටළුවලට පිළියම් සොයා ගැනීමට මෙය ඉවහල් වෙනවා නොඅනුමානයි.

Business plan එකක් සකස් කරගන්න

තමන්ට තරඟකාරී වන ව්‍යාපාර හඳුනාගැනීම සහ ඒ තරඟයට සාර්ථකව මුහුණදීමට  හැකි ආකාරයේ සුවිශේෂී ලක්ෂණ සහිත නිෂ්පාදන වෙළඳපළට සැපයීම, ඔබේ ව්‍යාපාරය ඉහළ ලාභ උපයන ආයතනයක් බවට පත් කිරීමට හේතුවෙනවා. මේ නිසා තරඟකාරී නිෂ්පාදන හඳුනා ගැනීමට සහ අධ්‍යනය කිරීම වෙනුවෙන් ඔබට අනිවාර්යයෙන් කාලය වෙන් කිරීමට සිදුවෙනවා. ඔබ සතුව ඇති නිර්මාණශීලීත්වය සහ නවෝත්පාදන හැකියාව වඩාත් ප්‍රයෝජනවත් වන්නේ මෙන්න මේ අවස්ථාවේදියි. ඊට අමතරව ඔබේ ව්‍යාපාරයට බලපෑම් සිදු කළහැකි weaknesses/ risks/ treats සහ දියුණුවට හේතුවිය හැකි ආකාරයේ strengths/ opportunities/ rewards හඳුනා ගැනීමත්, ගැටළු පැනනඟින අවස්ථාවලදී පිළියම් සොයාගැනීමත් අත්‍යවශ්‍ය වෙනවා. සරලව කියනවා නම් මෙහිදී සිදුකළ යුත්තේ තමන්ගේ ව්‍යාපාරයේ සත්‍ය තත්ත්වය ඇත්ත ඇති සැටියෙන් වටහාගෙන අවශ්‍ය අවස්ථාවලදී ක්‍රියාත්මක වීමයි. ඔබේ ව්‍යාපාරයක් කුමන පරිමාණයක එකක් වුණත්, ව්‍යාපාරයට අදාළව Business plan එකක සකස් කරගැනීමේ අවශ්‍යතාවය ගැන අපි නිතරම සිහිපත් කරන්නේත් මේ හේතුව නිසයි.

Professional වෙන්න

ස්වයං ව්‍යාපාරය සිදු කරන්නේ නිවසේ සිට වුවත්, තමන්ගේ පාරිභෝගිකයින් හෝ සැපයුම්කරුවන් සමඟ ගනුදෙනු කරනවිට ඔබ අනිවාර්යයෙන් professional විය යුතු වෙනවා. දුරකතන සංවාදවලදී, message එකක් හෝ email පණිවිඩයක් සටහන් කරන  අවස්ථාවලදී විතරක් නෙවෙයි සමාජ ජාල මාධ්‍යවලදි ඔබ ක්‍රියා කරන ආකාරයත් ඔබේ ව්‍යාපාරයේ දියුණුවට ඍජුවම බලපාන බව අමතක කරන්න එපා. 

Customer is the king

සුළු අතපසුවීම්, නොසැළකිලිමත්කම් සහ ලාභ ඉපයීම් වෙනුවෙන් සිදුකරන නොපනත්කම් නිසා පහසුවෙන්ම ඔබගේ පාරිභෝගිකයින් ගිළිහී යෑමට ඉඩ ඇති බව නිතරම සිහි තබාගන්නට සිදුවෙනවා. සාධාරණ මිලකට උසස්ම තත්ත්වයේ භාණ්ඩ මිලදී ගැනීම ඔවුන්ගේ බලාපොරොත්තුව වන නිසා සහ ඒ වෙනුවෙන් තවත් බොහෝ තරඟකාරී ව්‍යාපාර සැදී පැහැදී සිටින නිසා, පාරිභෝගික අපේක්ෂාව නිසියාකාරව ඉටු කිරීමෙන් ඔබේ ව්‍යාපාරය වෙත ඔවුන් රඳවා තබා ගැනීමට ඔබට හැකියාව ලැබෙනවා. විශේෂයෙන්ම භාණ්ඩ මිලට ගැනීමට පෙර customer reviews පිළිබඳව සළකා බැලීම බහුතරයක් දෙනාගේ පුරුද්දක් වන නිසා පාරිභෝගිකයින් විසින් bad reviews ලබා නොදෙන ආකාරයට කටයුතු කිරීම ඔබේ උත්සහය විය යුතු වෙනවා.

Marketing/ Advertising අමතක කරන්න එපා

මෙන්න මේ කාරණය ගැන ඔබ සුවිශේෂී අවධානයක් යොමු කළ යුතු වෙනවා. ව්‍යාපාරය සම්බන්ධව සිදු කරන ප්‍රචාරනය එහි දියුණුවට ඍජු බලපෑමක් එල්ල කරන නිසා වඩාත් ඵලදායි මාධ්‍යයක් භාවිතයෙන් ප්‍රචාරණ කටයුතු සිදුකළ යුතු වෙනවා. බහුතර පිරිසක් පාවිච්චි කරන සමාජ ජාල වෙබ් අඩෙවි යොදාගනිමින් ප්‍රචාරණ කටයුතු සිදු කිරීම මෙහිදී පහසුම සහ ලාභදායිම ක්‍රමය විදියට සැළකීමට හැකියාව තියෙනවා.

අන්තර්ජාලය යොදාගන්න

ව්‍යාපාරයේ තරාතිරම කුමක් වුණත් online business කියන කාරණය මඟහැර ගන්නවා නම් එය ඔබේ ව්‍යාපාරයට එතරම් සුබවාදී තත්ත්වයක් වන්නෙ නැහැ. ඔබ විසින් අනිවාර්යයෙන් සිදුකළ යුතු market research එකේ සිට advertising, customer/ supplier contacting, customer care යනාදී සියලුම කටයුතු වලදි අන්තර්ජාලය, facebook, instagram වැනි සමාජ ජාල මාධ්‍ය භාවිතා කිරීමට ඔබට සිදුවෙන නිසා ඒ සම්බන්ධව නිසි දැනුමක් ලබා ගැනීමත් අත්‍යවශ්‍ය වෙනවා.

නීතීමය කටයුතු මඟහරින්නෙපා

ඔබගේ ව්‍යාපාරයේ නීත්‍යානූකූල බව, ලබාගත යුතු license මොනවාද, බදු ගෙවීම සම්බන්ධව දැනුවත් විය යුතු කරුණු මොනවාද, රජයෙන් ලැබෙන සහන, උපදෙස් සහ පුහුණුව ලබාගත හැකි රාජ්‍ය ආයතන, බැංකු ණය සම්බන්ධව ඇති සහන වගේ දේවල් ගැන සොයා බලා ඒ කටයුතු නිසියාකාරව සම්පූර්ණ කරගැනීම ඔබේම පහසුවට හේතුවක් වන බවත් අමතක කරන්න එපා.

Office area එකක් පවත්වාගෙන යන්න

ඔබගේ ව්‍යාපාරය ඉතා සුළුවෙන් සිදු කෙරුණත් ඒ වෙනුවෙන් තමන්ගේ නිවසෙන් කුඩා ඉඩක් වෙන් කරගැනීමට කිසිසේත්ම පසුබට වෙන්න එපා. එවිට ව්‍යාපාරයට අදාළ සියලුම දෑ ඒ ස්ථානයේ රඳවා තබා ගනිමින්, පිළිවෙලක් ඇතුව ක්‍රියා කිරීමට ඔබට හැකියාව ලැබෙනවා.

වැදගත්ම දේ කැපවීමයි කැපවීමකින් තොරව සාර්ථකත්වයක් ලබාගැනීමට හැකියාවක් ලැබෙන්නේ නැති බව ඔබ නිරන්තරයෙන් සිහියේ තබාගත යුතු වෙනවා. ව්‍යාපාරය ක්ෂණිකව දියුණු වීම සහ ලාභ ඉපයීම ප්‍රායෝගික නොවන නිසා ඔබට මුල් අවධියේදී හෝ අසීරු අවධිවලදි වඩා වෙහෙස මහන්සි වී, ධෛර්‍යමත්ව කටයුතු කිරීමට සිදු වෙනවා. අසීරු අවධිවලදි පහසුවෙන්ම අතහැර දැමීම බොහෝ කුඩා ව්‍යාපාර හිමියන් අසමත් වීමට ප්‍රධාන හේතුව විදියට පෙන්වන්න පුළුවන්කම තියෙනවා. එවැනි අවස්ථාවලදී අතහැර දැමීම කියන පිළියමට නොයා, strategies වෙනස් කර ව්‍යාපාරය නැවත ගොඩ ගැනීමට උත්සහ කිරීම වඩා සුදුසු

The post ස්වයං ව්‍යාපාරය දියුණු කරගන්න කැමති ද appeared first on Lady.lk | Lady | Women | Lifestyle | Health | Beauty.

Paint
උසස් ම තත්ත්වයේ brand එකකින් fabric paint තෝරා ගැනීමෙන් වඩා අලංකාරවත් සහ කල්පැවැත්මෙන් යුතු නිර්මාණ සිදු කරගැනීමට ඔබට හැකියාව ලැබෙනවා. වෙන වෙනම හෝ 6, 12 packs ආකාරයට මිලට ගත හැකි මෙම වර්ණ තනි පැහැයක් වශයෙන් ආලේප කරනවාට අමතරව එකිනෙක හා මිශ්‍ර කර තවත් අලංකාර වර්ණ නිර්මාණය කරගැනීමටත් අවස්ථාව තියෙනවා.

රෙදි වර්ග
මේ සඳහා වඩාත්ම සුදුසු රෙදි වර්ගය වන්නේ අමු රෙදි වන අතර poplin, linen, cotton සහ denim, muslin, canvas කියන වර්ගත් පාවිච්චි කරන්නට පුළුවන්කම තියෙනවා. Paint කරන්න කලින් අදාළ රෙදි වර්ගයේ කැඳ ගතිය ඉවත්වෙන තුරු හොඳින් සෝදා, වියළා, iron කරගන්න අමතක කරන්න එපා. මුල්ම වතාවට සෝදන්නේ නිර්මාණය අවසන් කිරීමෙන් පසුව නම් රෙද්ද ඇකිළී නිර්මාණය සාර්ථක නොවීමට ඉඩ ඇති නිසා මුලින්ම සේදීම සහ iron කිරීම අනිවාර්ය වෙනවා. හැබැයි සේදීමේදී fabric softener වර්ග යෙදීමත් සුදුසු කටයුත්තක් වන්නේ නැහැ. ඒ වගේම, ඔබ silk හෝ rayon වැනි රෙදි වර්ගයක පින්තාරු කරනවා නම් එවැනි රෙදි වර්ග සඳහාම සඳහාම වන fabric paint වර්ග මිලට ගතයුතු වෙනවා. කොහොම වුණත් tightly woven fabric වර්ගවල වඩා සාර්ථකව පින්තාරු කිරීම සිදු කළ හැකි බව ඔබ දැනගත යුතුම කාරණයක් වෙනවා. ඒ වගේම නූල් තරමක් දුරින් පිහිටා ඇති වෙනත් fabric වර්ගවල (jute වැනි) පින්තාරු කිරීමේදී විශේෂ techniques භාවිතා කිරීමට සිදු වෙනවා. මුලින්ම කුඩා කොටසක් වර්ණ ගන්වා සුදුසුම රෙදි වර්ගය තෝරා ගෙන තමන්ගේ කාර්ය ආරම්භ කිරීම තමයි සුදුසුම දේ වන්නේ. ඒ වගේම නිර්මාණය සිදු කිරීමට පෙර රෙදි මතට වතුර ස්වල්පයක් spray කිරීමෙන් වර්ණ හොඳින් රෙද්දට උරා ගැනීමක් වෙන බවත් කිව යුතුම කරුණක් වෙනවා.

අවශ්‍ය දේවල්
Fabric painting සඳහා විවිධ ප්රමාණයේ paint brushes ඔබට අවශ්ය වෙනවා. තමන්ගේ කාර්ය ආරම්භ කිරීමට පෙර අවශ්යතාවය අනුව nylon කෙඳි සහිත පින්සල් මිලට ගැනීම සිදු කළ යුතු වෙනවා. කොහොම වුණත් විවිධ painting techniques සඳහා එකිනෙකට වෙනස් ප්රමාණවල පින්සල් අවශ්ය නිසා ඒ පිළිබඳවත් හොඳින් දැනුවත් වී පහත සඳහන් පින්සල් සහ අනෙකුත් උපකරණ මිලට ගැනීමට යොමුවෙන්න කියලා අපි සිහිපත් කරනවා. Flat සහ round tips සහිත විවිධ ප්රමාණයේ පින්සල්, foam brushes, sponges, tooth brushes, වතුර දැමීමට කුඩා භාජන, වැඩ කරන ස්ථානය පිරිසිදුව තබා ගැනීමට අවශ්ය plastic covers, apron, paint palette, paper towels, dress- making carbon (රෙදි මත අඳින carbon කඩදාසි), hb වර්ගයේ පැන්සල්, නිර්මාණය සිදු කරන රෙදි කැබැල්ලට යටින් තැබීමට rigifoam board/ ඝනකම් cardboard, drawing pins, සේදූ පින්සල් පිසදැමීමට රෙදි කැබලි, tracing papers, stencils, outlines, palette knife, spray bottles වගේ දේවල් ඔබ විසින් සූදානම් කරගැනීම අවශ්ය වෙනවා.

Fabric painting techniques
රෙදි පින්තාරුව සඳහා යොදා ගන්නට හැකි ක්රම ගණනාවක් තියෙනවා. එයින් කිහිපයක් පහතින් සඳහන් කර ඇති අතර හැකියාවක් ඇත්නම් මේ ක්රම සියල්ලම අත්හදා බලා වඩා සාර්ථක ක්රම හෝ ක්රමය සොයාගැනීමට ඔබට හැකියාව තියෙනවා.
Wet into Wet Technique
Salt Technique
Roller Painting
Filling Colors
Tie and Dye
Block Printing / Stamping
Spraying
Using Stencils
Screen Printing
Sun Painting
Marbling
Dyeing
Batik Technique

Heat setting and fabric care
Acrylic paints වලින් නිමවූ පින්තාරුවක් වියළීමෙන් පසුව නැවත ඉවත් වන්නේ නැති අතර මේ නිසා එයට විශේෂ heat setting කිරීමක් ඊට අවශ්ය වන්නෙත් නැහැ. නමුත් සමහර paint වර්ගවලින් කරන ලද නිර්මාණ වඩා හොඳින් ස්ථීරවීමට නම් ඒ මත iron කිරිම අවශ්ය වෙනවා. මෙය ස්ථීරවම දැන ගැනීමට නම් මුලින්ම කුඩා රෙදි කැබැල්ලක් භාවිතා කර අත්හදා බැලීම සිදුකළ යුතු වෙනවා. ඒ වගේම සමහර paint වර්ග භාවිතයෙන් පසුව hand wash කළ යුතු අතර තවත් සමහර paint වර්ග දැමීමෙන් පසුව washing machine දමා සේදීම වුණත් සිදු කළ හැකි වෙනවා. ඒ සම්බන්ධ තොරතුරු ඇසුරුමේ සඳහන් වෙලා තියෙන නිසා මුලින්ම ඒ කරුණු කියවා දැනුවත් වීම ඔබට පහසුවක් වන්නට ඉඩ තියෙනවා. පින්තාරු කළ රෙදි උණු වතුරේ පෙඟවීම හෝ සේදීම කිසි සේත්ම සුදුසු වන්නේ නැති අතර මේ රෙදි හිරු එළියේ වේලා ගන්නා විට පින්තාරුව සහිත පැත්ත නොව අනෙක් පස පිටතට හිටින ආකාරයට වේලා ගැනීමටත් අමතක කරන්න එපා.

The post රෙදි පින්තාරු කිරීමේ ව්‍යාපාරයක් අරඹන්න කැමතිද appeared first on Lady.lk | Lady | Women | Lifestyle | Health | Beauty.

ගෙන්වන භාණ්ඩ වලට local market එකක් තියෙනවද

භාණ්ඩ ගෙන්වීමට පෙර, ඒ භාණ්ඩ වලට මෙරට තුළ ප්‍රමාණවත් තරම් ඉල්ලීමක් තියෙනවාද කියන කරුණ ගැන අනිවාර්යයෙන් සොයාබැලීමක් කළ යුතු වෙනවා. ඒ අනුව තමන් ගෙන්වන භාණ්ඩවලින් ප්‍රමාණවත් තරම් ලාභයක් උපයන්න පුළුවන්ද කියලා දැනගන්නට නම් marketing research එකක් කරන්නට ඔබට සිදුවෙනවා. ඒ වගේම මෙවැනි survey එකක් කිරීමෙන් තොරව හිතු මනාපයට භාණ්ඩ ගෙන්වුවහොත් පසුව මූල්‍යමය අවාසියකට මුහුණ දීමට ඔබට සිදුවෙන්නට ඇති ඉඩකඩ වැඩියි කියන කාරණයත් අපි මතක් කරනවා. ඊට අමතරව, වෙනත් නිෂ්පාදනයක් සිදු කිරීම සඳහා පිටරටින් අමුද්‍රව්‍ය ගෙන්වීමට අදහසක් තියෙනවා නම් අදාළ නිෂ්පාදනයට මෙරට තුළ අඩු නොවන ආකාරයේ ඉල්ලුමක් තිබෙන බවටත් සහතික කරගෙනම අමුද්‍රව්‍ය ආනයනය කළ යුතු වෙනවා.

නීත්‍යානුකූල ද?

අදාළ භාණ්ඩ මෙරටට ගෙන්වන්නට හා ගෙන්වා බෙදාහරින්නට සැළකිව‍ යුතු ශ්‍රමයක්, කාලයක් සහ මුදලක් වැය කරන්නට ඔබට සිදු වෙනවා. මොකද, ඔබ ආරම්භ කරන්නේ ඔබගේම ව්‍යාපාරයක් වන නිසා ඒ වෙනුවෙන් ඇප කැප වීම අනිවාර්ය විය යුතු වෙනවා. නමුත් ඒ සියල්ලටම කලින් ඔබ ගෙන්වන භාණ්ඩ රටේ නීතියට අනුකූලද කියන කාරණය ගැන හොඳින් සොයා බැලීම අත්‍යවශ්‍ය වෙනවා.  විශේෂයෙන්ම භාණ්ඩ ආනයනයට අදාළ නීති රීති වලට අනුව අත්‍යවශ්‍ය සහ හදිසි නොවන භාණ්ඩ, බෙහෙත්, රසායන ද්‍රව්‍ය ආදිය ගෙන්වීම සඳහා සීමා පනවා ඇති නිසා නීතිය හමුවේ ඔබ පත්වන අපහසුතාවලින් වැළකීම සඳහා හොඳින් සොයා බලා ආනයනය සිදු කරන්නට අමතක කරන්න එපා. ඊට අමතරව මෙරට custom requirements සම්බන්ධවත් තොරතුරු සොයා බලා දැනුවත් වී සිටීම ඔබට විශාල පහසුවක් වනවා නොඅනුමානයි.

Cost of importing

භාණ්ඩවල මිලට අමතරව ඔබ ගෙන්වන භාණ්ඩයට අදාළ නීති රීතිවලට අනුව shipping cost, custom duties and levies, storage charges ඇතුළු තවත් ගෙවීම් කිහිපයක්ම කරන්නට ඔබට සිදුවෙනවා. මේ තත්ත්වයට සහනයක් ලැබෙන පරිදි, free delivery සිදුකරන suppliers ලා සොයාගන්නට හැකියාවක් ඇත්නම් ආනයන වියදම් අඩු කරගැනීමට ඔබට අවස්ථාව උදාවෙනවා.

Cost effective ද

සියලු ආනයන වියදම් සහ භාණ්ඩවල එකතු කර ඒ වෙනුවෙන් දරන්නට වන සියලු වියදමත්, ඔබ නැවත විකිණීමට අදහස් කරන මිලත් සළකා බලා ඔබගේ ව්‍යාපාරයේ ලාභය ගැන දළ අදහසක් ලබා ගැනීමට හැකියාව ලැබෙනවා. ඔබ නියම කරන මිලට අදාළ භාණ්ඩය මිලට ගැනීමට පාරිභෝගිකයින් සූදානම් නම් නම් පමණක් මෙම කාර්‍යය cost effective කියලා සළකන්න අපිට හැකියාව තියෙනවා.

දරාගන්න පුළුවන් වියදමක්ද

Shipping/ transport cost ඉහළ අගයක් ගැනීම නිසා ආනයන වියදම් වැඩිවන බව ඔබට වැටහෙන්නට ඇති කියලා අපි හිතනවා. මේ නිසා කුඩා orders රාශියක් සිදු නොකර විශාල orders කිහිපයක් සිදු කිරීමට බොහෝ දෙනෙක් පෙළඹෙනවා. නමුත් එයත් වියදම් අධික කටයුත්තක් විදියට තමයි සළකන්න සිදුවෙන්නේ. Supplier විසින් Letter of credit/ upfront payment/ payment guarantee වැනි ඉල්ලීමක් කිරීම හරහාත් ආනයනය තරමක් වියදම් අධික කටයුත්තක් විදියට ඔබට හඟෙන්නට ඉඩ තියෙනවා. නමුත් තමන්ගේ බැංකුව සමඟ සාකච්ඡා කරලා මේ තත්ත්වයට යම් සහනයක් ලබාගන්නට උත්සහ කරන්නට ඔබට හැකියාව තියෙනවා.

අවදානම ගැන දැනුවත්ද

මෙරටින් තොග මිලට ගෙන නැවත විකිණීමට වඩා ආනයනය කර විකිණිමේ යම් අවදානමක් ඇති බව රහසක් නෙවෙයි. Supplier සහ ඔබ අතර ඇති දුරස්ථභාවය වැඩි නිසා මිලට ගැනීමට පෙර භාණ්ඩවල ගුණාත්මක බව පරීක්ෂා කිරීමට ඔබට හැකියාවක් ලැබෙන්නේ නැහැ. ඒ වගේම මේ දුරස්ථභාවය නිසා භාණ්ඩ ලැබීමට යන කාලය දීර්ඝ වනවා සහ යම් විදියකින් ඒවායේ ගැටලුවක් ඇත්නම් return කිරීමට ගතවන කාලයත් වැඩිවෙනවා. මෙවැනි හේතු කිහිපයක් නිසා සුදුසු terms and conditions ගණනාවකින් යුතු ගිවිසුමක් supplier සහ ඔබ අතර තිබිය යුතු වෙනවා. ඒ වගේම මේ අපහසුතාවලින් මිදී ව්‍යාපාරය පවත්වාගෙන යෑමට නම් විශ්වාසවන්ත supplier කෙනෙක් සමඟ ගනුදෙනු කිරීමත් අත්‍යවශ්‍ය වෙනවා.

Exchange rates කොහොමද

Exchange rates වල වෙනස් වීමේ අවදානමත් ඔබට දරන්නට වන බව සිහි තබාගත යුතුම කාරණාවක් වෙනවා. අදාළ විකුණුම්කරුවාගේ රටේ මුදල් වර්ගයෙන් මිළ ගණන සඳහන් කරන ලෙස ඉල්ලා අවදානම විකුණුම්කරු වෙත හැරවීම, රටේ සාමාන්‍යයෙන් විචල්‍යය වන මුදලේ අගය සීමාවක් තමන් ම තබාගෙන තමන් විසින්ම අවදානම දරා ගැනීම හෝ purchase forward contract ක්‍රමය අනුගමනය කරමින් ගනුදෙනු කිරීම මඟින් මේ අවදානම තරමක් දුරට මඟහරවා ගන්නට හැකියාව ලැබෙනවා.

Supplier විශ්වාසවන්තද

අඩුම මිලට භාණ්ඩ ලබාදෙන supplier හොඳම ගනුදෙනුකරුවා විදියට සළකන්න අමාරුයි.

මුදල් ලැබීමෙන් පසු භාණ්ඩ සැපයීම මඟ නොහරින, නියම වෙලාවට භාණ්ඩ සපයන සහ late delivery සඳහා සහන ලබාදෙන, උසස් තත්ත්වයේ සහ ඇනවුම් කළ ආකාරයේ භාණ්ඩ පමණක් සපයන, නිරන්තරයෙන් ම නිරවද්‍ය තොරතුරු ලබාදෙන, trading terms ගැන මනා අවබෝධයක් සහිත සහ ඒ අනුව ක්‍රියාකරන ආකාරයේ reputed supplier කෙනෙක් සමඟ ගනුදෙනු කිරීම ඔබට විශාල සහනයක් වනවා නොඅනුමානයි. අදාළ සැපයුම්කරුවාගෙන් භාණ්ඩ මිලට ගන්නා අනෙක් ගනුදෙනුකරුවන්ගෙන් තොරතුරු විමසා බැලීම, samples හරහා භාණ්ඩයේ තත්ත්වය සොයා බැලීම, අදාළ ආයතනය සම්බන්ධ reviews ගැන අවධානය යොමු කිරිම ඔබ අනිවාර්යයෙන් සිදු කළ යුතු වෙනවා.

තවත් ගැටළු

රටවල් අතර පවතින භාෂාව, සංස්කෘතිය වැනි සාධකවල වෙනස්කම් නිසා ගනුදෙනු කටයුතු වලදි ගැටළු ඇති වීමටත් ඉඩ  තියෙනවා. එවැනි තත්ත්වයක් ඇති වීම මඟහරවා ගන්නට නම්, ගනුදෙනු කටයුතු ආරම්භ කිරීමට පළමුව ඉතා හොඳින් අදාළ රට සහ අදාළ ආයතනය පිළිබඳව තොරතුරු සොයාබැලීම අනිවාර්යයෙන් සිදු කළ යුතු වෙනවා. Miscommunication සහ misunderstanding හේතුවෙන් ඇතිවිය හැකි අපහසුතා වළක්වා ගැනීමටත් ව්‍යාපාරයේ සා‍ර්ථකත්වයටත් එය උපකාරයක් වනවා නොඅනුමානයි.

The post Import කරලා resale කරන්න අදහසක් තියෙනවද appeared first on Lady.lk | Lady | Women | Lifestyle | Health | Beauty.

ඔබේ හැකියාව

රෙදි මැසීමේ ව්‍යාපාරයක් ආරම්භ කිරීමට තමන් ගත් තීරණය නිවැරදි එකක්ද කියන කාරණය ගැන හිතේ දෙගිඩියාවක් තියෙනවා නම් ඔබ මුලින්ම කළ යුත්තේ තමන්ගේ හැකියාව මැන බැලීමයි. ඇඳුම් මැසීමට මූලිකවම අවශ්‍ය වෙන්නේ අතේ හුරුව නිසා ඔබ ආරම්භ කළ යුත්තේ තමන්ට හොඳින්ම මසන්නට පුළුවන් ඇඳුම් වර්ගයෙන් බව අමතක කරන්නට එපා. නමුත් ව්‍යාපාරය දියුණුවීමත් සමඟ පසුකාලීනව වෙනත් වර්ගවල ඇඳුම් මැසීම ගැන අවධානය යොමු කිරීමට ඔබට හැකියාව තියෙනවා. මෙහිදී තමන් අවට සිටින, තමන්ගේ ව්‍යාපාරයට බලපෑ හැකි අනෙකුත් තරඟකරුවන්ගේ නිෂ්පාදන ගැනත් අවධානය යොමු කරමින් මේ දේ සිදුකළ යුතු වෙනවා.

ඔබේ ජීවන රටාවට ගැළපෙනවාද?

රෙදි මැසීම තමන්ට ගැළපෙන ව්‍යාපාරයක්ද කියන කාරණය ආරම්භයේදී ඔබේ හිතට ගැටළුවක් වන්නට ඉඩ තියෙනවා. පවුලේ සාමාජිකයින්ගේ අදහස් වගේම, ඔබ දැනටමත් රැකියාවක් කරනවා නම් වෙනත් දෙයකට කාලය වෙන් කිරීම කියන කරුණු ඔබට තරමක අභියෝගයක් විය හැකියි. ඊට අමතරව, පාරිභෝගකයින් සමඟ සුහදව ක්‍රියා කිරීමට තමන්ට ඇති හැකියාව, ව්‍යාපාරය වෙනුවෙන් ඉඩක් නිවස තුළින්ම වෙන් කරගැනීමේ හැකියාව යන කරුණු ගැනත් මෙහිදී අනිවාර්යයෙන් ම අවධානය යොමු කළ යුතු වෙනවා. නමුත් මෙය ආරම්භයේදි සුළු ව්‍යාපාරයක් නිසා සහ ව්‍යාපාරය අරඹා කෙටි කාලයකින් මෙවැනි ගැටලු වලට විසඳුමක් ලැබෙන්නට ඉඩ ඇති නිසා, ආරම්භයේදීම අධෛර්‍යමත් නොවී ව්‍යාපාරය ආරම්භ කර බලන්න කියලා අපි යෝජනා කරනවා.

ලැබෙන මුදල ප්‍රමාණවත් වෙයිද?

තමන්ගේ රැකියාවෙන් ලැබෙන වැටුපට අමතරව, තවත් මුදලක් ඉපයීම වෙනුවෙන් මෙය සිදු කරනවා නම් ඔබ වැය කරන කාලයට, හැකියාවට සහ ශ්‍රමයට සරිලන සාධාරණ මුදලක් ඔබ අය කළ යුතු වෙනවා. ඒ වගේම ඔබ මේ වන විටත් හිතවතුන්ට නොමිලේම ඇඳුම් මසා දෙනවා වන්නටත් ඉඩ තියෙනවා. නමුත් ව්‍යාපාරයක් වශයෙන් ඇඳුම් මැසීම සිදු කරනවා නම් නිෂ්පාදන වෙනුවෙන් මුදල් අය කිරීම අනිවාර්යයෙන්ම සිදු කළ යුතු වෙනවා. වෙනත් ඇඳුම් මසන්නනන් අය කරන සාමාන්‍ය මිල ගණන් ගැන දළ අදහසක් ලබාගෙන මිල නියම කරනවා නම් එය වඩාත් සුදුසු වෙනවා.

අවශ්‍ය උපකරණ

දැනටමත් දීර්ඝකාලීන පාවිච්චියට සුදුසු ඉහළ තත්ත්වයේ උපකරණ ඔබ සතුව තියෙනවා නම් අඩුපාඩු පමණක් සොයා බලා සම්පූර්ණ කරගැනීම ප්‍රමාණවත් වන අතර පහසු ගෙවීම් ක්‍රම යටතේ අලුත් උපකරණ මිලට ගැනීමේ හැකියාවත් ඔබ සතු වෙනවා. ආරම්භයේදී ඇඳුම් අලුත්වැඩියා කිරීම වැනි සරල කටයුතු පමණක් සිදු කරනවා නම්, යුතු පාවිච්චි කරන ලද උසස් තත්ත්වයේ උපකරණ වුවත් ප්‍රමාණවත් වනවා. ව්‍යාපාරය සතු උපකරණ ඔබගේ වත්කමක්ද වන නිසා ඒ වෙනුවෙන් වැයකරන මුදල ව්‍යාපාරය වෙනුවෙන් සිදු කරන ආයෝජනයක් විදියට සළකන්න පුළුවන්. ඉතා උසස් තත්ත්වයේ උපකරණ සහ අමුද්‍රව්‍ය භාවිතා කරමින් නිෂ්පාදන කටයුතු සිදුකිරීම ඔබගේ ව්‍යාපාරයේ දියුණුවට බෙහෙවින් බලපාන අතර පාරිභෝගිකයින් රඳවා තබා ගැනීමට මෙන්ම ව්‍යාපාරය වටා අළුත් පාරිභෝගිකයින් එකතු කරගැනීමටත් මෙය හේතුවක් වෙනවා.

ප්‍රාග්ධනය සහ උපදෙස් ලබාගැනීම

ව්‍යාපාරයට ප්‍රාග්ධනය රැස් කරගැනීම සඳහා බැංකු ණය ලබාගන්න උත්සහ කරනවා නම් ඔබගේ ස්වයං ව්‍යාපාරය රජයේ ලියාපදිංචි ආයතනයක් වශයෙන් ලියාපදිංචි කර තිබීම අනිවාර්ය වෙනවා. ඒ වගේම ව්‍යාපාරයේ ස්වභාවය අනුව නියමිත license, certificates සහ insurance ලබාගෙන තිබීම ගැනත් සැළකිලිමත් වන්නට අවශ්‍ය වෙනවා. මේ කාරණා සම්බන්ධව තව දුරටත් විස්තර දැනගැනීමට අවශ්‍ය නම් තමන්ගේ ප්‍රදේශයේ ප්‍රාදේශීය ලේකම් කාර්‍යාලය හෝ කාර්මික සංවර්ධන මණ්ඩලය වගේ රාජ්‍ය ආයතන හරහා ඒ දැනුම ලබාගැනීමට පහසුකම ඇති බවත් අපි මතක් කරනවා. නමුත් ඔබට බැංකු ණය ලබාගැනීමේ අවශ්‍යතාවයක් නැත්නම්, ඉතා සුළුවෙන් ආරම්භ කරන ව්‍යාපාරයක් නම් සාමාන්‍ය පරිදි ව්‍යාපාරික කටයුතු ආරම්භ කරන්න හැකියාව තියෙනවා.

මීට අමතරව, එදිනෙදා ව්‍යාපාරික කටයුතුවලදී ඇතිවිය හැකි ගැටළු, අසීරු අවස්ථාවල ක්‍රියා කළයුතු ආකාරය, පාරිභෝගිකයින් හා ගනුදෙනු කළයුතු ආකාරය, මිල ගණන් තීරණය කිරීම, වැඩිදුර පුහුණුව ලබාගත යුතු අංශ සහ ලබාගත හැකි ආයතන වැනි කරුණු සම්බන්ධව උපදෙස් ලබාගත හැකි විශ්වාසවන්ත පුද්ගලයෙක් සිටිනව නම් එය ඔබට විශාල සහනයක් වනවා නොඅනුමානයි.

සේවකයින් බඳවා ගැනීම.

ආරම්භයේදී සේවකයින් බඳවා ගැනීමේ අවශ්‍යතාවයක් මතුවන්නේ නැතත් ව්‍යාපාරය දියුණුවන විට ඒ අවශ්‍යතාවය පැන නඟින්නට ඉඩ තියෙනවා. කැපවීමෙන් සේවය කළ හැකිවීම, වගකීම් සහගතබව, අත්දැකීම් සහිතවීම සහ දක්ෂතාවය කියන කරුණුවලට අවධානය යොමු කරමින්  සේවකයින් බඳවා ගැනීමට උත්සහ කිරිම වඩාත් සුදුසු වෙනවා.

ව්‍යාපාරික ස්ථානය.

බාධාවන්ගෙන් තොරව අමුද්‍රව්‍ය ගබඩා කරගැනීමට, පාරිභෝගිකයින් හමුවීමට සහ ඇඳුම් මැසීමට හැකි ආකාරයේ ස්ථානයක් මේ සඳහා අවශ්‍ය වෙනවා. නිවස ඇතුළට නෑවිත් පිටතින් පිවිසිය හැකි දොරක් යෙදූ ස්ථානයක් නම් වඩා සුදුසු වන අතර එම ස්ථානය පිරිසිදු  ස්ථානයක් වීම ඔබට වගේම පාරිභෝගිකයින්ටත් පහසුවක් වනවා නොඅනුමානයි. ඒ වගේම පෞද්ගලිකත්වය ආරක්ෂාවන ආකාරයේ කුඩා කාමරයක් වැනි ස්ථානයක් fit on කිරීම සඳහා වෙන් කළයුතු වෙනවා.

Market කරන විදිය.

ඔබගේ මුල්ම පාරිභෝගිකයින් විදියට අසල්වැසියන් සහ හිතමිතුරන් කරගැනීමේ පහසුකම ඔබ සතුවන අතර සමාජ ජාල වෙබ් අඩවි හරහා පහසුවෙන් ම ව්‍යාපාරයට ප්‍රචාරය ලබා ගැනීමේ හැකියාව තියෙනවා.

Business plan එකක් හදාගන්න.

ව්‍යාපාරය සුළුවෙන් ආරම්භ කළත්, ඊට අදාළ සියලුම කරුණු ඇතුළත් කරමින් business plan එකක් පිළියෙල කරගැනීම ව්‍යාපාරයේ සාර්ථකත්වයට හේතුවක් වෙනවා. ව්‍යාපාරයේ Target market එක, හැකියාව නිර්මාණශීලීව පාවිච්චි කරන ආකාරය, තමන්ගේ නිෂ්පාදන තරඟකරුවන්ට වඩා වෙනස්විය යුතු ආකාරය, ප්‍රාග්ධනය එකතු කරගැනීම, අමුද්‍රව්‍ය සැපයුම්කරුවන් ඇතුළු ඉහතින් සඳහන් කළ සෑම කරුණක් ගැනම අවධානය යොමුකරමින් මෙම ව්‍යාපාර සැලසුම සටහන් කරගත යුතු වෙනවා.

The post ඇඳුම් මැසීමේ ව්‍යාපාරයක් ඇරඹීමට පෙර සැළකිලිමත් විය යුතු කරුණු appeared first on Lady.lk | Lady | Women | Lifestyle | Health | Beauty.

Business plan එකක් හදාගන්න.

ඔබේ ව්‍යපාරය ඉතා සුළුවෙන් පටන් ගත්තත්, මුලින්ම business plan එකක් හදාගන්න අමතක කරන්න එපා. ව්‍යාපාරය වෙනුවෙන් ආයෝජනය කරන්නට කලින්, ඊට අදාළ වන සියලු ම කරුණු සැළකිල්ලෙන් සොයා බලා සටහන් කරගන්න. මෙය සති කිහිපයක් වැයවන research එකක් විදියටත් හඳුන්වන්න පුලුවන්. මූලිකවම මෙහිදි අවධානය යොමු කළයුතු සහ හඳුනාගත යුතු කරුණු වන්නේ, මෙය තනි ව්‍යාපාරයක්ද සමූහ ව්‍යාපාරයක් ද යන වග, ව්‍යාපාරයේ target market එක, තරඟකරුවන්ට සාපේක්ෂව ව්‍යාපාරයේ ඇති සුවිශේෂීතා, ව්‍යාපාරයේ ස්වභාවය (ආහාර පිටතට සපයනවාද, ආපන ශාලාවක ස්වභාවයෙන් සිදු කරනවාද), සපයන ආහාරවල ස්වභාවය, මිල ගණන්, අය වැය යනාදි කරුණු මූලිකවා  සම්බන්ධවයි. 

ආර්ථික තත්ත්වය කොහොමද?

ව්‍යාපාරය වෙනුවෙන් වැය කළහැකි පෞද්ගලික වත්කමක් ඔබ සතුව නොමැති නම් ස්වයං ව්‍යාපාර සඳහා බැංකු මඟින් ලබා දෙන business loan එකක් ලබාගැනීමට උත්සහ කරන්න පුළුවන්කම තියෙනවා.

තැනක් තියෙනවද?

ඔබ ආරම්භ කිරීමට උත්සහ කරන්නේ ස්වයං ව්‍යාපාරයක් නිසා ව්‍යාපාරික ස්ථානය බොහෝ දුරට නිවස හෝ තමන්ගේම ඉඩකඩක් (කඩ කාමරයක් වැනි) මේ වෙනුවෙන් පාවිච්චි කරන්නට හැකියාව තියෙනවා. කොහොම වුණත් මේ සඳහා වෙනත් ස්ථානයක් යොදා ගැනීමට ඔබ බලාපොරොත්තු වෙනවා නම්, කුලිය සඳහා යන වියදම (ඔබේ ආදායමට සාපේක්ෂව), පාරිභෝගිකයින්ට පහසුවෙන් ළඟා වීමට ඇති හැකියාව, වටපිටාවේ ඇති බාධාවන්, අවට ඇති තරඟකාරී ව්‍යාපාර, අනාගතයේදී වටපිටාවේ සිදුවිය හැකි වෙනස්කම් වගේ කරුණු ගැන අවධානය යොමු කළයුතු වෙනවා.

තෝරාගත් ස්ථානය design කරගන්න.

ව්‍යාපාරික ස්ථානයක් තෝරාගැනීමෙන් පසු ව්‍යාපාරයේ ස්වභාවය අනුව Dining area, ආහාර සකසන ස්ථානය, ගබඩා කාමරය සහ office room යනාදි වශයෙන් ඉඩ කඩ බෙදා වෙන් කරගැනිම ඔබේ රුචි අරුචිකම් අනුව සිදු කරන්නට පුළුවන්. මූලිකවම, ඉඩ පහසුකම් සහිත බව, පිළිවෙළ සහ පිරිසිදුකම කියන කරුණු ගැන අවධානය යොමු කරනවා නම්, පාරිභෝගිකයින්ට වගේම ඔබටත් එය ප්‍රියජනක ස්ථානයක් වේවී.

සැපයුම්කරුවෝ හොයාගන්න.

මේ ලිපිය food businesses ගැන පොදුවේ ලියවෙන ලිපියක් නිසා සැපයුම් කරුවන් තෝරා ගැනීමේදීත් ඔබේ ව්‍යාපාරයේ ස්වභාවය අනුව සැපයුම් කරුවන් තෝරාගන්නට අවශ්‍ය වෙනවා. ව්‍යාපාරයේ කෙටි කාලීන සහ දිගු කාලීන අයවැය ගැන අවධානය යොමු කරමින් ආහාර සැකසීමේ උපකරණ, ආහාර ගබඩා කිරීමේ උපකරණ, පිළිගැන්වීමේ උපකරණ, මේස පුටු ඇතුළු dining area එක සැකසීමේ උපකරණ, පිටතට ආහාර සපයනවා නම් ඒවාට අවශ්‍ය ද්‍රව්‍ය සහ ප්‍රධාන වශයෙන් ම ආහාර සැකසීමේ අමුද්‍රව්‍ය සැපයුම් කරුවන් පිළිබඳව අවධනය යොමු කරන්නට සිදුවෙනවා. අනවශ්‍ය වැඩි වියදම් ඔබේ ව්‍යාපාරය බිඳ වැට්ටවීමට හේතුවිය හැකි නිසා සැපයුම් කරුවන් තෝරා ගැනිමේදී හොඳම දේ අඩුම මිලට ලබාදෙන විශ්වාසවන්ත සැපයුම්කරුවන් තෝරාගැනීම ගැන අවධානය යොමු කළ යුතු වනවා.

නීතිමය කරුණු ගැනත් සැළකිලිමත් වෙන්න.

ආහාර පානවල සෞඛ්‍යාරක්ෂිත බව සම්බන්ධව රට තුළ පවතින නීති රීති, ලබාගත යුතු license සහ permits, ඒවා බලාත්මක වන කාල සීමාවන් යනාදිය ගැන සුවිශේෂ අවධානය යොමු කළ යුතු වෙනවා. එකිනෙකට වෙනස් සංකල්පවල food business වලට ඒ වෙනුවෙන්ම ඇති නීතී රීති ඇති නිසා ඒ සම්බන්ධවත් හොඳින් දැනුවත් වීම අනිවාර්ය වෙනවා.

වැඩට තව අය ගන්නවද?

ආහාර සම්බන්ධ ව්‍යාපාරයක සියලුම කටයුතු ඔබට තනිවම සිදු කිරීමට අපහසුතා ඇතිවෙන්නට ඉඩ ඇති නිසා සේවකයින් බඳවාගැනීමේ අවශ්‍යතාවය පැන නඟින්නට ඉඩ තියෙනවා. කොහොම වුණත් බඳවා ගන්නා සේවක ප්‍රමාණය සම්පූර්ණයෙන්ම ව්‍යාපාරයේ ස්වභාවය අනුව වෙනස් වෙන බවත් සඳහන් කළ යුතු ම වෙනවා. සේවය කරන්නන්ගේ හැසිරීමේ ස්වභාවය ව්‍යාපාරයේ දියුණුවට සෘජුවම බලපාන නිසා ඉතාමත් සැළකිලිමත්ව  ඔවුන්ව තෝරාගැනීම අත්‍යවශ්‍ය වෙනවා. සේවා අත්දැකීම්, විශ්වාසවන්ත බව, පාරිභෝගිකයින් සහ අනෙකුත් සේවකයින් සමඟ සුහදව ගනුදෙනු කිරීම, වේගවත් සහ නිවැරදිව ක්‍රියා කිරීමේ හැකියාව, පීඩන තත්ත්ව යටතේ වැඩ කිරීමේ හැකියාව, පිරිසිදුකම වගේ කාරණා පිළිබඳව මෙහිදී අවධානය යොමු කළ යුතු වෙනවා.

ප්‍රචාරක කටයුතු 

තම ව්‍යාපාරයට සැළකිව යුතු මට්ටමේ ප්‍රචාරනයක් ලබාදීමෙන් පසු අලෙවිය ආරම්භ කිරීම සෑම අතින්ම වාසිදායක වන්නට ඉඩ තියෙනවා. කට වචනය හරහා සිදුවන ප්‍රචාරයට අමතරව ව්‍යාපාරය සම්බන්ධ සියලුම තොරතුරු අඩංගු කර නිර්මාණය කරන ලද  facebook/ instagram/ Twitter pages, web site, හැකියාවක් ඇත්නම් පුවත්පත් වෙළඳ දැන්වීම් මඟිනුත් සාර්ථක ප්‍රචාරනයක් ලබාගත හැකි වෙනවා. ඊට අමතරව ව්‍යාපාරයේ ආරම්භක දිනය ආරාධිත අමුත්තන්ගේ සහභාගිත්වයෙන් සිදු කිරීම, මුල්ම පාරිභෝගිකයින්‍ට යම් යම් වාසි ලබාදීම වැනි දේ හරහාත් නොමිලයේම ප්‍රචරනය සිදුකරගැනීමට හැකියාව ඔබට හිමිවෙනවා.

The post ආහාර සම්බන්ධ ව්‍යාපාරයක් අරඹනවා නම් මේ දේවල් ගැනත් හිතන්න. appeared first on Lady.lk | Lady | Women | Lifestyle | Health | Beauty.

බේකරි ආහා​ර

පාන්, බනිස්, muffins, cookies, cup cakes, pastries වගේ බේකරි ආහාරවලට විශේෂ ප්‍රියතාවයක් දක්වන, එදිනෙදා ආහාර වේලට මේවා එකතු කරගන්න පිරිස් ඔබ අවටම ජීවත්වනවා ඇති. මේ නිසා මේ විශේෂ පාරිභෝගික කාණ්ඩය ඉලක්ක කර රසවත්, පිරිසිදු සහ පෝශ්‍යදායි ව්දියට bakery food items සකසා විකිණීම ඔබට ලාභදායි ස්වයං රැකියාවක් වේවි. ඒ වගේම ඔබ සපයන ආහාර වලට යම් යම් සුවිශේෂීතා එකතු කරනවා නම් පාරිභෝගිකයින් වඩාත් සතුටට පත් කිරීමටත් හැකිවේවි. උදාහරණ විදියට sugar free ආහාර, gluten free ආහාර, වර්ණක භාවිතය අවම කේක් නිර්මාණ, ආහාර පාලනය කරන්නනන්ට සුදුසු පාන් වර්ග වගේ දේවල් පෙන්වන්න පුලුවන්. 

තෝරාගත් විශේෂ ආහාර වර්ගයක්

ඔබ සකසන යම් විශේෂ ආහාර වර්ගයක් අන් අයගේ නිරන්තර පැසසීමට ලක්වනවා නම් එය ම ආදායම් මාර්ගයක් බවට පත්කර ගැනීමේ හැකියාව ඔබ සතුවෙනවා. එය ජෑම් වර්ගයක්, ඇඹුල් තියල් හෝ බැඳුම් වර්ගයක්, නිවසේ දීම සකස් කරගන්නා සුවදැති කුළුබඩු කුඩු වර්ග, cereal වර්ග, cup cakes, බීම වර්ගයක් වගේ දෙයක් වෙන්න පුළුවන්. එහෙමත් නැත්තන් ඔබේ ගෙවත්තේ බහුලව ඇති ආහාර ද්‍රව්‍යයක් වෙන්නත් පුළුවන්.  සෞඛ්‍යාරක්ෂිත සහ ලාභදායි ලෙස සපයන ආහාර වර්ග වලට ඇති ඉල්ලුම වර්තමානය වෙනකොට වැඩිවෙනවා මිසක් අඩුවන්නේ නැති නිසා මේ හරහා ඔබට ස්ථීර ආදායම් මාර්ගයක් සදා ගැනීමේ හැකියාව ලැබෙනවා.

කෝකිවරියක් වශයෙන් සේවය කිරීම

අතිශය කාර්‍යබහුල වුවත් කඩ කෑම ගැනීමට අකමැති අය වෙනුවෙන් ඒ නිවෙස්වලට ගොස් ඔවුන්ගේ අවශ්‍යතාවය පරිදි ආහාර පිසදීම  ස්වයං රැකියාවක් වශයෙන් සිදු කරනවා නම් ඔබට වැයවන කාලය, ශ්‍රමය සහ හැකියාව වෙනුවෙන් සාධාරණ අය කිරීමක් සිදු කළ හැකිවෙනවා. රසවත්ව ආහාර පිසීමට කැමති වුවත් Catering service වැනි විශාල කටයුත්තකට අත ගැසීමට අකමැති කෙනෙක්ට මෙය ඉතා හොඳින් ගැළපෙන බව කියන්න පුළුවන්. බොහෝ විට සතියකට හෝ දින 3-4ට ප්‍රමාණවත් තරම් ආහාර පිසදීම හෝ වැඩිම වුවහොත් පිසගත් ආහාර පිළිවෙළකට freeze කරදීම ඔබට අයත් රාජකාරිය වන්නට ඉඩ තියෙනවා.

ආහාර සැකසීම පිළිබඳව ඉගැන්වීම

මුදල් ගෙවා ආහාර පිසීම පිළිබඳව ඉගෙනීමට කැමති පිරිස් සඳහා ඉගැන්වීමේ හැකියාව ඔබට ඇත්නම් මෙය ඉතා හොඳ ආදායම් මාර්ගයක් විදියට පෙන්වන්න පුළුවන්. මෙය සිදු කළ හැකි ආකාර කිහිපයක් තියෙනවා. youTube නාලිකාවක් ආරම්භ කිරීම, තම නිවසේම tution class එකක් ආකාරයට සිදු කිරීම හෝ zoom වැනි මාධ්‍යක් හරහා පන්ති පැවැත්වීම සිදු කරන්න පුලුවන්. එහෙමත් නැතිනම් food blog එකක් එකක් ආරම්භ කිරීමත් ආදායම් ගෙනදෙන විනෝදාංශයක් විදියට පෙන්වන්න පුලුවන්. 

Catering service

මෙය ඔබට කිහිපදෙනෙකුගේ සහයෝගය සහ මූලික ප්‍රාග්ධනයක් අවශ්‍ය වන ආකාරයේ ව්‍යාපාරයකි. ආහාර සැකසීමේ භාජන සහ අනෙකුත් උපකරණ, beverage vending machines, tents, පුටු මේස සහ light bulb strings වැනි දේ පාරිභෝගිකයින්ගේ ඉල්ලීම පරිදි සැපයීමට ඔබට සිදුවෙනවා. මේ නිසා ආරම්භයක් වශයෙන් කුඩා උත්සව අවස්ථාවන්ට ආහාර පාන පමණක් සම්පාදනයෙන් ඔබට ව්‍යාපාරය ආරම්භ කිරීමටත්, පසුකාලීනව එයට විවිධ අංග එක් කරගැනීමත් සිදුකළ හැකිවෙනවා.

කැඳ සහ වෙනත් බීම වර්ග/ උදෑසන ආහාර

උදෑසනට පෝශ්‍යදායි කැඳ වර්ගයක්, පළතුරු බීමක් හෝ smoothie වර්ගයක් ගැනීමට කැමති අසල්වැසියන් වෙනුවෙන් ඒවා සැපයීම ලාභදායි ස්වයං රැකියාවක් විදියට හඳුන්වන්න පුළුවන්. ඊට අමතරව කිරිබත්, කඩල, ඉඳිආප්ප, ආප්ප, හැලප හෝ පිට්ටු වගේ සරල උදෑසන ආහාර වේලක් සැපයීමත් ඔබේ ව්‍යාපාරයට එක් කරගන්න පුළුවන්.

කපා පිළිවෙළට ඇසිරූ එළවලු, පලා ආදිය සැපයීම

ආහාර සැකසීම වෙනත් අයෙක්ට භාරදීමට අකමැති නමුත් ඒ වෙනුවෙන් වැඩි කාලයක් වැය කිරීමට අපහසු අය සඳහා මේ සේවාව සපයනවා නම් එය හොඳ ආදායම් මාර්ගයක් බවට පත්කර ගත් හැකිවෙනවා. එළවලු පලා ආදිය සපයා ගැනීම ඔබ සිදුකළ යුතු අතර පෝෂණය රැකෙන ආකාරයට කැපීම සහ ඇසිරීම ගැන වැඩි අවධානයක් මෙහිදී යොමු කළ යුතු වෙනවා. 

ඔබ සපයන කුමන ආකාරයක ආහාරයක් වුණත් ඒවා ආහාර පාන සම්බන්ධ සෞඛ්‍ය නීති රීතිවලට අනුගත සහ අතිශය පිරිසිදු ආහාර පාන බවට වගබලා ගන්න. අන්තර්ජාලය හරහා විකිණීම, නිවසට පැමිණ මිලට ගැනීමේ පහසුව සැපයීම, කාර්‍යාලයීය සහ පාසල් ආපනශාලා වලට සැපයීම, යම් යම් විශේෂ අවස්ථා සඳහා පමණක් සැපයීම, විශ්වවිද්‍යාල හෝ වෙනත් නේවාසිකාගාරවලට සැපයීම, උත්සව අවස්ථාවන්ට සැපයීම, දෛනිකව වෙළඳසැල් වලට සැපයීම වගේ ක්‍රමවලින් මේවා අලෙවි කරගැනීමේ හැකියාව ඔබ සතුවෙනවා.

The post ස්වයං රැකියාවක් වශයෙන් ආරම්භ කළ හැකි ආහාර සම්බන්ධ ව්‍යාපාර appeared first on Lady.lk | Lady | Women | Lifestyle | Health | Beauty.

සාර්ථක ව්‍යාපාරිකයාට දැනමුතුකම්

නීතීවේදි එච්. අයි. පී ඉමදූව විසින්‍ රචිත කෘතියකි. ව්‍යාපාරයක් සාර්ථක කරගැනීමට අවශ්‍ය සෑම ගුණාංගයක්ම, විශේෂයෙන් ආකල්ප, දැනුම සහ කුසලතා පිළිබඳව විවිධ දෘෂ්ඨි කෝණවලින් විමසා බලමින් සරල ලෙස රචනා කර ඇති මෙහි, ප්‍රායෝගික කරුණු කාරණාත්  වැඩි වශයෙන් අඩංගුව ඇති බව කියන්නට පුලුවන්. ව්‍යාපාර සැලසුම්, සංවිධාන ක්‍රමෝපායයන්, කළමනාකරණය, ප්‍රාග්ධනය, ව්‍යාපාර නීතිය, විගණනය, බැංකු ණය පහසුකම්, ව්‍යාපාරිකයෙකු සතුවිය යුතු නායකත්ව ගුණාංග, සේවක සුබ සාධනය යන කරුණු සම්බන්ධව සාකච්ඡා කර ඇති මේ කෘතිය නව ව්‍යාපාරයක් ඇරඹීමට පෙර කියවිය යුතු ම කෘතියක් විදියට හඳුන්වන්න පුලුවන්.

ශ්‍රී ලංකාවේ ව්‍යාපාර නීතිය පිළිබඳ හැඳින්වීමක්

නීතීඥවරියක් සහ කතිකාචාර්‍යවරියක් වන නිරෝෂිකා ලියනමුහන්දිරම්ගේ පළමු කෘතිය වන මෙය මෙරට ව්‍යාපාර නීතිය පිළිබඳ මූලික සංකල්ප සරල විදියට හඳුන්වා දෙමින් රචනා කරන ලද්දක් වනවා. ඔබ ව්‍යාපාරික ලෝකයට අමුත්තියක් පළමුව නම් මේ කුඩා ප්‍රමාණයේ කෘතිය කියවා ශ්‍රී ලංකාවේ ව්‍යාපාර නීතිය පිළිබඳ යම් දැනුමක් ලබාගැනීම සුදුසු බව අපි යෝජනා කරනවා.

ජයගතිමි ජීවිතය

අතිසාර්ථක ව්‍යාපාර ජාලයක් වන Virgin Group හි නිර්මාපකයා වන Richard Branson විසින් රචිත Screw it, Let’s do it කියන කෘතිය “ජයගතිමි ජීවිතය” නමින් පරිවර්තනය කරන්නේ නිපුන් කුමාර කාලිංග විසිනු යි. කතුවරයා විසින් මුහුණ දුන් අත්දැකීම් තම පෞද්ගලික සහ ව්‍යාපාරික ජීවිතය සාර්ථක කරගැනීමට යොදවාගත් ආකාරය, නැවත නැවතත් උත්සහ කරමින් සාර්ථකත්වය හඹාගිය ආකාරය, බාහිර පුද්ගලයින් ගැන වද නොවී ආත්ම විශ්වාසයෙන් ක්‍රියාකළ ආකාරය, තමන් සිදු කරන කාර්‍ය ප්‍රියතාවයකින් යුතුව සිදු කිරීම  වැනි කරුණු සඳහන් කරමින් ලියැවුණු මෙය අනිවාර්යයෙන් ඔබව දිරිගන්වන කෘතියක් වන්නට ඉඩ තියෙනවා.  

ධනවත් පියා, දිළිඳු පියා

Robert T. Kiyosaki සහ Sharon L. Lecher දෙදෙනා විසින් එක්ව රචනා කළ “Rich dad, Poor dad” නම් ප්‍රකට කෘතිය ඉහත සඳහන් නමින් පරිවර්තනය කර ඇත්තේ ප්‍රදීප් කුමාර බාලසූරිය විසිනි. රොබර්ට් කියෝසාකි යනු මුදල් පරිහරණය පිළිබඳ නව සංකල්ප රැසක් ඉදිරිපත් කළ පුද්ගලයෙක් වන අතර තමන් තුළ ආකල්පමය වෙනසක් ඇති කර ගැනීම ධනවත් වීමේ රහස බව මේ කෘතියෙන් ඔහු පැහැදිලි කරනවා. වත්කම් හා වගකීම් අතර වෙනස, වත්කම් හිමිකර ගැනීමට වැඩි අවධානයක් යෙදවීම, ආයෝජනය කිරීමේ වැදගත්කම, සමාගමක ඇති බලය/ සමාගමකින් ලැබෙන නීතිමය ආරක්ෂාව, මූල්‍ය සාක්ෂරතාවය, වෙළඳපල හඳුනාගැනීම, නීතිය වගේ කරුණු කාරණා පිළිබඳව මේ කෘතියෙන් පැහැදිලි කිරීමක් සිදු කරනවා.

Rich Woman

Kim Kiyosaki නමැති කතුවරිය ලොව පුරා සිටින මුල්‍යමය සාර්ථකත්වයක් ලබාගන්න කැමති ඔබ වැනි කාන්තාවන් වෙනුවෙන් මේ කෘතිය රචනා කරලා තියෙනවා. වෙනත් පුද්ගලයෙක් මත නොයැපෙන, ආර්ථිකමය වශයෙන් ස්වාධීන කාන්තාවක් වීමේ වටිනාකම ඇය මේ කෘතිය හරහා පැහැදිලි කර දෙන අතරම අයවැය පිළිබඳ අවධානය යෙදීම, නිශ්චල දේපල, කොටස් සහ ව්‍යාපාර වෙනුවෙන් ආයෝජනය කිරීම, මූල්‍යමය සාක්ෂරතාවය නිවැරදිව භාවිතා කරන ආකාරය වැනි කරුණු ගැන දැනුමත් මේ පොතේ අඩංගුවෙනවා.

Woman Who Launch

නව ව්‍යාපාරයක් ආරම්භ කරන කාන්තාවකට තියෙන ප්‍රධාන ම ගැටලුවක් තමයි ව්‍යාපාරයට යොදවන්න මූලික ප්‍රාග්ධනය සපයාගැනීමේ අපහසුතාවය. මේ අභියෝගය ජයගන්න අමාරුයි කියලා දැනෙනකොට බොහෝ කාන්තාවන් අධෛර්‍යමත් වෙලා, ව්‍යවසායිකාවක් වීමේ සිහිනය අතෑරලා දාන්න පෙළඹෙනවා. යම් විදියකින් ඒ වගේ තත්ත්වයකට මුහුණ දීලා ඉන්නවනම්, ඔබ කියවිය යුතු ම පොතක් තමයි Marlene Wagman Geller කියන කතුවරිය විසින් රචනා කරපු Woman Who Launch පොත. බොහෝ අසීරුතා මැඩගෙන තමන්ගේම කියලා ව්‍යාපාරයක් ආරම්භ කරලා ජීවිතය ජයගත්ත කාන්තාවෝ ගැන සත්‍ය කතා ඇය මේ පොතේ සඳහන් කරලා තියෙනවා. 

Million Dollar Woman 

Julia Pimsleur විසින් රචිත මේ කෘතිය, ව්‍යවසායිකාවක් වීම වෙනුවෙන් වෙහෙසෙන ඔබව දිරිගන්වන්නක් වෙයි කියලා අපි හිතනවා. කතුවරිය ඇතුළු තවත් කාන්තා ව්‍යාපාරිකාවන් කිහිප දෙනෙක් තමන්ගේ ව්‍යාපාර වෙනුවෙන් ප්‍රාග්ධනය රැස්කරගත් ආකාරය, ශක්තිමත් ව්‍යාපාර ජාලයක් ගොඩනගා ගත් ආකාරය සහ එමඟින් වත්කම් ගොඩනඟා ගත් ආකාරය ගැන මේ පොතෙහි සඳහන් වෙනවා. නිවැරදි ව්‍යාපාර සම්බන්ධතා ගොඩනඟා ගැනීම, නිවැරදි මඟපෙන්වීම් සහ සහයෝගය ලබා ගැනීම සම්බන්ධවත් අදහසක් ලබාගන්නට ඔබට හැකිවේවි. මේ අසීරු ගමන් මඟේදි ව්‍යාපාරිකාවකට මුහුණ දෙන්න වෙන බාධක සහ ඒ බාධක මැඩගන්නා ආකාරය ගැන වටිනා අදහස්වලිනුත් මේ පොත සමන්විත වෙනවා.

The post ව්‍යවසායිකාවක් වීමට බලාපොරොත්තු ව​න ඔබ කියවිය යුතු ම පොත් කිහිපයක් appeared first on Lady.lk | Lady | Women | Lifestyle | Health | Beauty.