ගැහැණු ළමයෙක් උනාම ටිකක්වත් අරපිරිමැස්මට ඉන්න ඕන. එහෙම නේද ? අම්මල තාත්තල ඉදන් නෑයො පවා ඒක බලාපොරොත්තු වෙනව ඇති. “ කෙල්ලට අරපරිස්සමට ඉන්නවා. ඒනිසා වැඩිපුර සල්ලි දෙන්න ඕන.“ එහෙම මතයක් තියෙනවා. අපි පොඩි කාලෙත් අපිට වඩා අතේ සල්ලි ගෑණු ළමයි ගාව තියෙනව මතකයි. ඒකියන්නෙ අපි හැමෝම හිතනවා අපේ අම්ම ඉදගෙන අක්ක – නංගි එහෙම වැඩියෙන් සල්ලි ගැන දැනුවත් කියිම්මල ඉස්සර හාල් ගනිද්දි මිටක් වෙනම ඉතිරි කරනවා. ඒනිසා ඉතිරි කිරීම ගැහැණු ළමයින්ගෙ ජානගත දෙයක් කියල හිතෙනව.
හරි ඔන්න මෙහෙමයි. ඔබ රැකියාවක් කරනවද ? කරත් නැතත් කමක් නෑ. සමහරවිට ගෙදරින් සල්ලි ලැබෙනවා. සමහරවිට ඔයාට මහත්තයගෙන් සල්ලි ලැබෙනව. නැත්නම් ඔයාම රැකියාවකින් හරි ව්‍යාපාරයකින් හරි සල්ලි හොයනව වෙන්න පුලුවන්.
ඉතින් මේ ලැබෙන මුදල කීයක් උනත් ඒකෙන් 10%ක් අනිවාර්ය ඉතිරි කරන්න ඕන. ඒකියන්නෙ ලැබෙන ගානට අනුව 10න් 1ක්. ඒක අනිවාර්යයි. ඒක ඔබ නොගන්න තැනක හරි වඩා හොදයි වෙනම බැංකු ගිණුමක තැන්පත් කරනව නම්. ඒ මුදල් ගැන කාටවත් කියන්න එපා. අවම වශයෙන් මාසෙකට වතාවක්වත් මේක කරන්න. ඒකෙ වටිනාකම හදිසියකදි උනත් ප්‍රයෝජනයට ගන්න පුලුවන් වීම.
ඊලග කාරණය ලැබෙන මුදල තමන්ට, ගෙදර අයට වගේම පිනට දහමට කරනව නම් ඒවටත් අදාලව 50-70%ක් වියදම් කරන්න. ඒකියන්නෙ තමන් ගැන හිතුවොත් ලස්සනට ඉන්න දේවල් ගන්න. ගුණදායක කෑම ගන්න වගේ දේවල් වලට ලෝබ නැතිව වියදම් කරන්න. මතක ඇතිව ඒවට හොදින් වියදම් කරන්න. එතකොටත් තමන්ට සතුටක් ඇති වෙනවා තමන් ගැනම. ඒකම තමන්ගෙ දියුණුවට භාවිත කරන්න පුලුවන්, තමන්ට ඇතිවෙන ආත්ම තෘප්තිය වගේ කාරණා.
ඊලගට 20%ක්වත් ආයෝජනයකට භාවිත කරන්න ඕන. හොදම ක්‍රමයක් කියතෑකි, කොටස් වෙළදපල ආයෝජනය. නමුත් ඒක එකපාරට කරන්න එපා. තරමක් ඉගෙන ගෙන බුද්ධියෙන් යුතුව කල යුතු දෙයක්. දැනගෙන කල යුතු දෙයක්. සරලව හිතන්න, ඔබෙන් දන්න කෙනෙක් ණයට මුදලක් ඉල්ලනවා. ඔබට ඒක දෙන්න පුලුවනි, බොහෝම අඩු පොලියකට. ඒකියන්නෙ මේ කාලයේ අවම විදියට 7-8-10% වගේ අගයන් වලට පොලියට දෙන්නෙ. ඒකත් මාසෙට. ඉතින් ඔබට පුලුවන් හිතවත්කම අනුව 5%කට පොලියට දෙන්න. ගන්න කෙනාට පාඩු නැහැ, මොකද වෙන තැනකට ගියා නම් පොලිය වැඩි නිසා ගෙවිය යුතු මුදල වැඩියි. හැබැයි ආයෙ මුදල් ලබාගන්නත් ඔබ දැනගත යුතුයි. ඒකට අදාල මුදල නිසි නීතිමය ක්‍රමවේදය යටතේ ලබාදෙන්නට වග බලාගන්න.
මේ විදියට හිතන්න. අපි කියපුවම නෙමෙයි තමන්ගේ හිතට අනුව හිතන්න තව අලුත් ක්‍රම හොයාගන්න. ඒ අනුව ආර්ථිකය ගොඩනගා ගෙන හොද ගමනක් යන්න ඔබට හැකි වේවි.
