Travel Archives - Lady.lk | Lady | Women | Lifestyle | Health | Beauty

හැමෝම යන්න හීන දකින අම්බුලුවාව

LADY.LK — Thu, 18 Feb 2021 10:00:07 +0000

මෑතකදි ඉදි කරන ලද සර්ව ආගමික ස්තානයක් වන මෙහි බෞද්ධ,හින්දු,මුස්ලිම්,කතෝලික යන ආගමික ස්තාන නිර්මාණය කර ඇත.

ගම්පොල නගරය සිට හෙම්මාතගම මාර්ගයේ කි.මි 5ක් පමන ගිය විට මෙහි පිවිසුම් මාර්ගය හමුවේ.

එතැන් සිට කිමි.2ක් පමන අපහසු මාර්ගයක් වූවත් සුන්දර මාර්ගයක පා ගමනින් හෝ පෞද්ගලික වාහානයක් මගින් ඉහලටම පැමිනිය හැක.

අක්කර 920 කට වැඩි ප්‍රදේශයක පිහිටා ඇති මෙහි කුලුනට නැගුනු විට මීදුමින් තොර දිනයක් නම් පිදුරුතලාගල,නමුනුකුල,නකල්ස්,හන්තාන,ග්‍රේට්වෙස්ටන්,දොලොස්බාගේ කදු පන්ති පැහැදිලිව දැක ගත හැකිය.

තවද උඩරට දුම්රිය මාර්ගය⁣ට හා ගම්පොල නගරයට මෙය පැහැදිලිව දැකගත හැකිය.

පරවි දූපත ජාතික වනෝද්‍යානය

LADY.LK — Wed, 27 Jan 2021 03:51:21 +0000

ත්‍රීකුණාමළය දිස්ත්‍රික්කයේ සංචාරය කරන ඔබට යා හැකි හොදම ස්ථානය ක් ලෙස පරවි දූපත හැදින්විය හැකිය .මෙය ගොඩබිමින් කි.මී 1 ක් පමණ මුහුදේ පිහිටි දූපතකි.ඔබ කවුරුත් දන්නා නිලාවැලි වෙරළ තීරය ආශ්‍රිතව පරවි දූපත ඇති අතර මෙය නාවික හමුදාව යටතේ පාලනය වේ.

පරවි දූපත 1963 වර්ශයේදී අභයභූමියක් ලෙස නම් කල අතර 2003 වර්ශයේදී එය ජාතික වනෝද්‍යානයක් ලෙස ප්‍රකාශයට පත් කරන ලදි.මෙය ලංකාවේ 17 වන ජාතික වනෝද්‍යානයයි.”පරවි දූපත ” ලෙස නම ලැබී ඇත්තේ මෙහි විශාල ලෙස පරවියන් ඇති බැවිනි .මෙම දූපත ඔවුන්ගේ ප්‍රධාන අභිජනන භූමියකි.

විදේශීකයන් අතර පරවි දූපත බෙහෙවින් ජනප්‍රිය වී තිබේ.කිමිදීම ,කොරල් පර නැරඹීම,මුහුදු මසුන් නැරඹීම සදහා ලංකාවේ ඇති හොදම ස්ථානයකි පරවි දූපත .මේ හේතූන් නිසාම විශාල ලෙස විදෙස් සංචාරකයන් මෙම පරවි දූව වෙත පැමිනේ.මේ ආශිත මුහුදේ කොරල් විශේෂ 100 ක් පමණ හා කොරල් පර ආශ්‍රිත ජීවත්වන මත්ස්‍ය විශේෂ 300 ක් පමණ නිරීක්ෂණය කිරීමට හැකිවීම විශේෂත්වයකි .

එමෙන්ම” blacktip reef shark” නමින් හදුන්වන මෝර විශේෂයද පරවි දූපත ආසන්න මුහුදේ දිවි ගෙවයි.සාමාන්‍යයෙන් මෙම මෝර වර්ගය මිනිසාට පහර දීමට නොපෙළඹෙන බව කියවේ .තවද කැස්බෑවන් විශේෂ කිහිපයක්ද මේ දූපත ආශ්‍රිතව දැක ගත හැකිය .

2014 වර්ශයේදී පරවි දූපත ඇසුරෙන් මුද්දර 6 ක් නිකුත් කිරීමට ද රජය කටයුතු කර තිබේ .

ඔබ පරවි දූපත ට යා යුතු වන්නේ බෝට්ටුවකිනි.පහසුවෙන් ම එම ප්‍රදේශයෙන් ඒ සදහා ඔබට බෝට්ටුවක් සොයා ගත හැකිය .එයත් ඔබට අලුත් අත්දැකීමක් වනු නොඅනුමානය .එමෙන්ම නැගෙනහිර සංචාරය කරන ඔබ යා යුතුම ස්ථානය ක් ලෙස මෙම සුන්දර “පරවි දූපත ” අප හදුන්වන්නෙමු.

මීදුම පිරුණු සුන්දර ඔහිය – ලස්සන බලලා සුන්දරත්වය ඉතිරි කර එමු

LADY.LK — Fri, 22 Jan 2021 04:12:45 +0000

ඔහිය යනු ශ්‍රී ලංකාවේ ඌව පළාතේ බදුල්ල දිස්ත්‍රික්කයේ පිහිටි වැලිමඩ ප්‍රාදේශීය ලේකම් කොට්ටාශයට අයත් ගම්මානයක් .

එය හෝර්ටන් තැන්න ජාතික වනෝද්‍යානයට වඩා සමීප යි. සුන්දර කොළඹ – බදුල්ල දුම්රිය ඔහිය හරහා දිව යයි.

සීත මීදුම වගේම ඇස පිනවන දසුන් ඇති ඔහිය දෙස් විදෙස් සංචාරකයන් ගේ නොමඳ ආකර්ශනය ලබන තැනක්
ඔහිය සිට හෝර්ටන් තැන්නට කිලෝ මීටර් අටක් දහයක් වගේ ඇති.

ඔහිය හරහා උඩවේරිය වත්ත සහ ඒ ආශ්‍රිතව තිබෙන ඔහිය වනාන්තරය බලන්න යන්නත් පුළුවන්.
ශ්‍රී ලංකාවේ උසම දිය ඇල්ල වන බඹරකන්ද ඇල්ල තියෙන්නේත් මේ කිට්ටුව.

මාර්බල් බීච් ගිහිල්ලම බලන්න

LADY.LK — Mon, 11 Jan 2021 07:14:34 +0000

මාර්බල් බීච් මුහුදු තීරය පිහිටා තිබෙන්නේ ත්‍රිකුණාමලය- කින්නියා පාරේය ය. ත්‍රිකුණාමල ගුවන් හමුදාවේ නිවාඩු නිකේතනය පිහිටා තිබන්නේ මෙම ස්ථානයේය. ශ්‍රි ලංකාවේ සුන්දර මුහුදු තීරයක් ලෙස මෙය හැදින්වේ.

ඒවාගේම පිරිසිදු මුහුදු තිරයක් ලෙස සංචාරකයන් අතර ප්‍රසිද්ධ ව තිබේ. ඉතාමත් පැහැදිලි කාලගුණයක් පවතින දිනයන් හි මෙම මුහුද පැහැදිලි නිශ්චල මුහුදක් වන අතර කිරි ගරුඩ මෙන්ම දිප්තිමත් ය. මේ නිසා මෙම මුහුදු තිරයට marble beach යන නාමයට හිමි වේ.

ත්‍රිකුණාමලය නගරයේ සිට 15km පමණ දුරකින් යුක්ත වන අතර දිය නෑමට ඉතා සුදුසු ස්ථානයකි. දිය නෑමට වෙන් කර තිබෙන අතර එය සංචාරකයන්ගේ ආරක්ෂාව සදහා වේ. කොලඔ -> හතරවන සැතපුම් කණුව හංදිය (දකුණට)-> 12km ගමන් කල යුතු වේ.( කින්නියෙ පාලම පෙර වමට හැරි ගමක් කල යුතු වේ.)ත්‍රීකුණාමලයට ගියොත් මාර්බල් බීච් යන්න අමතක කරන්න එපා

මිරිස්සට ගියොත් මේ තැන්වලට නොවරදවාම යන්න

LADY.LK — Thu, 07 Jan 2021 04:07:32 +0000

මිරිස්ස කියන්නේ සංචාරකයින්ගේ පාරාදිසයක් කිව්වොත් නිවැරදියි..හැබැයි මිරිස්ස බලන්න යන්නේ නම් අපේ රටේ අයට වඩා විදේශිකයින්..අපේ රටේ තියන වෙරළ තීරයන් අතරින් ආකර්ෂණීය වෙරළ තීරයක් තමයි මිරිස්ස කියන්නේ.මිරිස්ස වෙරළ තීරය වගේම , තල්මසුන් නැරඹීම , Secret Beach , Parrot Rock , Coconut Tree Hill බලන්න වගේම Surfing කරන්න වගේ ගොඩක් දේවල් මිරිස්සට ආවොත් විදින්න පුලුවන්.

මිරිස්ස පැත්තේ එනවනම් හොදම විදිහ තමයි බස් එකේ එන එක.. මොකද බස් එකේ ආවොත් බීච් එක ලගින්ම බහින්න පුලුවන්… මිරිස්ස ස්ටේශන් එකේ ඉදන් පාරට එන්න නම් කිලෝමීටර් 2ක් වගේ එන්න ඕනා,, ‍ටුක් ‍ටුක් එකක එතන ඉදන් රුපියල් 250ක් වගේ ගන්නවා මිරිස්ස බීච් එක ගාවට එන්න.

කදු නගින්න ආස අය ගොම්මොල්ලි කන්ද නගිමු

LADY.LK — Thu, 31 Dec 2020 06:08:12 +0000

ගොඩක් අය කදු නගින්න යන්න ආස නිසා බලන්න අහලා තියෙනවද කියලා ගොම්මොල්ලි කන්ද ගැන.පැරණි කතා වල තියෙන විදිහට මේ කන්දට ඒ නම ලැබිලා තියෙන්නේ දුර ඉදන් බලද්දී ගොනෙක්ගෙ මොල්ලියක් වගේ පෙනෙන නිසාලු.ලංකාවේ 13 වෙනියට උසම කන්ද වෙන මෙම කන්ද නගින්නසම්පූර්ණ දවසක් ගත වෙනවා.හැබැයි දවස් 2 ක් වගේ තියෙනවා නම් මේ කන්ද ලගම තියෙන බලතෝඩුව කන්ද නගින්නත් පුලුවන්.ගොම්මොල්ලි කන්ද බදුල්ල ප්‍රදේශයට මායිම්ව ඔහිය ප්‍රදේශයේ පිහිටා ඇති අතර බෙලිහුල්ඔයට ඉතා ආසන්නවේ.ඉන්දියාවේ කාශ්මීරේ වගේ ඉතා සෞම්‍ය සුන්දර දේශගුණයක් තමයි මේ කන්දට උරුම වෙලා තියෙන්නේ. වලට නම් මේ කන්දේ සොබාසෞන්දර්ය හොඳට ගැලපෙනවා.අනික් වැදගත් කාරනේ තමයි.මේ කන්ද නගින්න යද්දී වැස්ස කාලේ මග හැරලා යන එක. අනික වතුර අරගෙන යනවනම් ගොඩක් හොඳයි.මේ කන්ද උඩටම නැග්ගම මීදුම නැති පැහැදිලි දේශගුණයක් නම්,හෝර්ටන් plains වගේම ලෝකාන්තය දැක ගන්න පුලුවන්.කිරිගල්පොත්ත,තොටුපළ කන්ද වගේම හග්ගල කන්ද මේ ගොම්මොල්ලි කන්දට ලගින්ම තියෙන අනිත් කදු වේ.වැදගත් කාරණයක් විදිහට මේ කන්ද නගිද්දී ඒ ස්භාවික පරිසරයට හානි නොවෙන්න,පරිස්සමට ඒ වගේම ඒ වනජීවිතයට බාධාවක් නොවෙන්න අපේ සතුට ලබා ගන්නවනම් හොඳයි.ඉතිං ඔයාලත් ගිහින් ඒ අත්දැකීම විදගන්න.

නැගලා බලමු වංගෙඩිගල

LADY.LK — Mon, 07 Dec 2020 02:47:52 +0000

වංගෙඩිගල ලංකාවේ කදු නගින්නන්ට හා කදවුරු බදින්නන්ට ඉතාමත් අසීරු හා චමත්කාර අත්දැකීමකි. මෙම ස්ථානයට යාම සදහා හපුතලේ දක්වා රාත්‍රි තැපල් දුම්‍ රියෙන් ගමන් කොට ,හපුතලේ සිට කලුපහන දක්වා බස් රථයෙන් ගොස්, එතැන් සිට බඹර කන්ද දිය ඇල්ලට ඇති මාර්ගය ඔස්සේ පයින්ම වංගෙඩිගල දක්වා ගමන් කරන්නත් පුළුවන්.

ඉතාමත් අසීරු වූවත් මනස්කාන්ත දර්ශනයන් මෙම ගමනෙදී දැක ගත හැකියි.රාත්‍රියේ අපි වංගෙඩිගල කදවුරු බැඳලා හිටියොත්වංගෙඩිගල සිට දැක ගත හැකි සුන්දරම දර්ශනය වන්නේ ලංකාවේ උසම දිය ඇල්ල වන බඹරකන්ද දිය ඇල්ල දැකීමට හැකි වීමයි .

ඒත් සමග ලංකා ඇල්ල ,ගොන්මොලිය කදු හා තවත් විශාල කදු සංඛ්‍යාවක් දැකීමට හැකි වෙනවා .උදෑසනද මනරම් හිරු උදාවක් මෙම ස්ථානයේ සිට දකින්නට හැකි වෙනවා.

මෙම ස්ථානයේ මේ වන විට විශාල වශයෙන් කදවුරු බැදීම් සිදු වන අතර , එම නිසා මෙම ස්ථානයේ පොලිතින් ,ඇලුමිනියම් භාජන ,ප්ලාස්ටික් කප් ,ටෙන්ට් රෙදි වංගෙඩිගල ඉහලට යන විට තැනින් තැන් විසිරි තෙබෙනු දක්නට තාබෙනවා.

එම නිසා මෙම ස්ථානය තවත් පුද්ගලයකුට සුන්දර ලෙස දැක ගැනීමට නම් එවැනි දෑ ආපසු රැගෙන යන ලෙස කදවුරු බදින පුද්ගලයන්ගෙන් ඉල්ලා සිටිනවා.

සුන්දර බත්තලංගුන්ඩුව

LADY.LK — Fri, 23 Oct 2020 03:53:14 +0000

මේ දවස් වල තියෙන කාලගුණෙත් එක්ක, තියෙන හුළං තත්ත්වයත් එක්ක කෑම්පින් කරනවනම් කරන්න තියෙන හොදම කෑම්පින් එක තමයි බීච් කෑම්පින් කියන්නේ. මේ වගේ බීච් කෑම්පින් එකකත් ලස්සන තව වැඩි වෙන්නනම් ඒක ලස්සන තැනක් කරන කෑම්පින් එකක් වෙන්න ඕන. ලංකාවෙ තියෙන ලස්සනම බීච් කෑම්පින් කරන්න පුළුවන් තැනක් තමයි බත්තලංගුන්ඩුව කියන්නේ .
බත්තලංගුන්ඩුව පිහිටල තියෙන්නෙ කල්පිටියෙ. කල්පිටියෙ කිව්වට එතන ඉදල නාවික සැතපුම් 16 ක් දුරින් . ඒ කියන්නේ කිලෝමීටර් 38 දුරින් . පැය එක හමාරක පැය දෙකක වගේ බෝට්ටුවකින් යන ගමනකින් පස්සෙ තමයි අපිට මේ සුන්දර දූපතට ලගා වෙන්න පුළුවන් වෙන්නේ.
මේ දූපත ඉතාමත් ලස්සන නිල්වන් මුහුදු තීරයකට හිමිකම් කියන අපූරු ධීවර ගමක්. කොළඹ ඉදන් සුවපහසු බස් එකක කල්පිටියට යන්න සහ ආයෙ එනකොට කල්පිටියෙ ඉදන් එන්න පුළුවන් . ඉතාම සුන්දර පැය එක හමාරක බෝට්ටු සවාරියක් සුන්දර වෙරළ තීරයක කූඩාරම් හදාගෙන සුන්දර රාත්‍රියක් ගත කරන්න නැවුම් මාලු BBQ එකක රස විදගන්න. මුහුදු සුළං විදිමින් ඇති වෙනකං මුහුදෙ නාන්න, සෙල්ලම් කරන්න අවස්ථාවත් බත්ලංගුංඩුවට ගියොත් ඔයාලට විද ගන්න පුළුවන්.

ලංකාව සංචාරයට සුදුසු රටක් බවට ලෝකෙන් ලැබුණු සහතිකය

LADY.LK — Wed, 12 Aug 2020 08:36:39 +0000

විදේශිකයන්ට ශ්‍රී ලංකාවේ සංචාරය කිරීම සඳහා ආරක්ෂිත පරිසරයක් පවතින බව සහතික කරමින් ලෝක සංචාරක කවුන්සිලය විසින් ශ්‍රී ලංකාව වෙනුවෙන් ‘ආරක්ෂිත සංචාරක මුද්‍රාවක්’ පිරිනමා ඇත.

කොවිඩ් වසංගතය අතරතුර සංචාරය කිරීමට වඩාත් සුදුසු ගමනාන්තයක් ලෙස ශ්‍රී ලංකාව නම් කරමින් ලෝක සංචාරක කවුන්සිලයේ සෞඛ්‍ය හා සනීපාරක්ෂක ප්‍රොටෝකෝලයන්ට අනුකූලව මෙම මුද්‍රාව නිකුත් කර තිබේ.

මෙමගින් විදේශීය සංචාරකයන්ට ශ්‍රී ලංකාවේ ආරක්ෂිත ස්ථාන, ව්‍යාපාර හා අවශ්‍ය වෙනත් ක්ෂේත්‍ර පිළිබඳව දැනුවත් කෙරෙන අතර ඒවායේ ප්‍රමිතිය පිළිබඳව සහතිකයක් ලබාදෙනු ලැබෙයි. ශ්‍රී ලංකාව දැන් අන්තර්ජාතික සංචාරකයාගේ පිළිගැනීමට සූදානම් බවත් ඒ සඳහා අවශ්‍ය ආරක්ෂක විධිවිධාන සම්පාදනය කර ඇති බවත් මෙම මුද්‍රාව ඔස්සේ ලොව පුරා සංචාරකයන් දැනුවත් කෙරෙන බවද මෙම ආරක්ෂක මුද්‍රාව පිළිබඳව නිවේදනයක් නිකුත් කරන ශ්‍රී ලංකා සංචාරක සංවර්ධන අධිකාරිය පවසයි.

ලෝක ආරක්ෂිත සංචාරක මුද්‍රාව කොවිඩ් වසංගතය සහ ඒ හා සමාන අර්බුද හමුවේ ලොව පුරා සංචාරකයන්ට ආරක්ෂක උපදෙස් ලබාදෙන අන්තර්ජාතික ප්‍රමිතීන්ට අනුකූලව සැකසුණු සහතිකයකි. ‘ලෝක සංචාරක සංවිධානය’ විසින් අනුමත කර ඇති මෙම මුද්‍රාව ඔස්සේ සංචාරකයන්ට ලොව පුරා සංචාරය කිරීමේ අනුමැතිය ලබාදෙති. එසේම ලොව පුරා සංචාරක ව්‍යාපාරයට සම්බන්ධ මිලියන ගණනක් පුද්ගලයන්ගේ රැකියා හා ආර්ථිකය ශක්තිමත් කිරීම සඳහාද මෙම මුද්‍රාව ඔස්සේ සහතිකයක් ලබාදෙනු ලැබෙයි.