Cosmetics තේරීමේදී සැළකිලිමත් විය යුත්තේ ඇයි

Cosmetics සහ personal care products  නිපදවීම සඳහා යොදාගන්නේ ස්වභාවික අමුද්‍රව්‍ය පමණක් ම නොවන බව ඔබ දන්නවා ඇති. සමහර product ingredients අතර අපේ සමට විෂ සහිත විය හැකි රසායනික ද්‍රව්‍යත් අඩංගු වන්නට ඉඩ තියෙනවා. මේ රසායනික ද්‍රව්‍යවල අහිතකර බලපෑම කෙටිකාලයක් ඇතුළත හෝ ඍජුවම පෙන්නුම් කරන්නේ නැති වෙන්නට පුළුවන්. හැබැයි දීර්ඝ කාලයක් තිස්සේ මෙවැනි ප්‍රමිතියකින් තොර නිෂ්පාදන භාවිතා කිරීම නිසා පසුකාලීනව යම් යම් ගැටළු පැන නගින්නට නම් වැඩි ඉඩක් තියෙනවා. විශේෂයෙන්ම ප්‍රමිතියකින් තොර නිෂ්පාදන වර්ග භාවිතා කිරීම සමේ පිළිකා ඇතිවීමට පවා හේතු වෙන්නට ඉඩ තියෙන බවට කරුණු සොයාගෙන තියෙනවා. ඉතින් මේ හේතුව නිසයි තමන් භාවිතා කරන cosmetics වර්ග ගැන ඔබ හොඳ දැනුවත් බවක් ඇති කරගන්න අවශ්‍ය වෙන්නේ.

Skin type එක වටහාගන්න

විවිධාකාර Cosmetics වර්ග නිපදවීම නිෂ්පාදකයින්ගේ කාර්‍යක් වුවත් ඒවා ආලේප කිරීම සිදු කරනු ලබන්නේ ඔබ විසින්නේ. මේ නිසා වෙනත් අයෙක්ට යහපත් ප්‍රතිඵල ලබා දුන් පමණින් හෝ advertisement එකක් දුටු පමණින් එම නිෂ්පාදනය භාවිතා කිරීමට හදිසි නොවී තමන්ගේ සමට ගැළපෙන නිෂ්පාදන තෝරා ගැනීමට අවධානය යොමුකළ යුතු වෙනවා. වියළි, තෙල් සහිත, මිශ්‍ර, සාමාන්‍ය, සංවේදී යනාදි වශයෙන් සමේ ස්වභාවයන් කිහිපයක් ම තියෙන නිසා තමන්ගේ සමේ ස්වභාවය නිවැරදිව වටහාගෙන ඒ අනුව cosmetics තෝරා ගැනීමට සිහිතබා ගන්න කියලා අපි මුලින්ම සිහිපත් කරනවා.

සමේ ස්වභාවය හැමදාම එකම විදියට තියෙනව ද

කිසිසේත්ම නැහැ. නව යොවුන් වයසෙදි තිබ්බ සම තරුණ වයසට එනකොට වෙනස් වෙනවා. තරුණ වියේදි තිබුණු සම මැදි වියට එද්දි වෙනස් වෙනවා. හෝර්මෝන වෙනස්කම්, සිරුරට ලැබෙන පෝෂණය, බාහිර පරිසරයෙන් සමට සිදුවන බලපෑම් වගේ දේ නිසා තමයි මේ වගේ වෙනස්කම් සිදුවෙන්නේ. ඉතින් මේ විදියට අපේ සමේ ස්වභාවය වෙනස් වෙනකොට ඒ වෙනස්කම් වලට අනුකූලව තමන් භාවිතා කරන cosmetics products ත් වෙනස් කරන්නට සිදුවෙනවා.

උපදෙස් ගන්නේ කාගෙන්ද

සම සම්බන්ධව යම් ගැටළුවක් තියෙනවා නම්, ඒ සඳහා යම් නිෂ්පාදනයක් තෝරාගැනීමට අවශ්‍ය නම්, සමට හිතකර අහිතකර product ingredients ගැන උපදෙස් ලබාගැනීමට අවශ්‍ය නම් ඔබ යා යුත්තේ සුදුසුකම් සහිත dermatologist කෙනෙක් ළඟට මිසක නිෂ්පාදන අලෙවි කරන්නෙක්ගෙන් ළඟට නම් නෙවෙයි. තමන්ගේ ගැටළුව cosmetics seller කෙනෙක් සමඟ සාකච්ඡා කළහොත් ඔබට සිදුවන්නේ ඔවුන් නිර්දේශ කරන කුමක් හෝ නිෂ්පාදනයක් මිලට ගෙන පාවිච්චි කිරීමටයි. ඒ වගේම තමයි, විශ්වාසවන්ත සහ සුදුසුකම් ලත් රූපලාවණ්‍ය ශිල්පිනියකගෙන් පවා නිවැරදිම පිළිතුර නොලැබෙන්නට ඉඩ තියෙන නිසා dermatologist කෙනෙක්ගෙන් උපදෙස් ලබා ගැනීම තමයි හොඳම විසඳුම වෙන්නේ.

Ingredients මොනවද

ප්‍රමිතියකින් තොර සහ සිරුරට හානිකර නිෂ්පාදන බහුලව නිපදවෙන නිසා තමන් මිලට ගන්න cosmetics වල අඩංගු ingredients, additives සහ preservatives මොනවද කියන කාරණය ගැන ඔබ හොඳින් විමසිලිමත් විය යුතු වෙනවා. සමහරවිට මේ දේවලින් එකක් හෝ ඔබේ සමට අහිතකර ප්‍රතික්‍රියා දක්වන්නට ඉඩ තියෙන නිසා තමයි මේ කාරණය සම්බන්ධව වැඩි අවධානයක් යොමු කිරීම අත්‍යවශ්‍ය වෙන්නේ. ඒ විතරක් නෙවෙයි, ඇතැම් නිෂ්පාදකයින් ඔවුන්ගේ product labels වල සඳහන් කරන විස්තර පාරිභෝගිකයා නොමඟ යවනසුළු සහ අසත්‍ය තොරතුරු වීමටත් ඉඩ තියෙනවා. උදාහරණ විදියට ගත්තොත් hypoallergenic, completely natural, no added bleach වගේ terms අඩංගු වුනත් ඒවා 100% සත්‍යයි කියලා හිතන්න නම් අපහසුයි. ඒ වගේම තමයි, Ingredients විශාල ප්‍රමාණයක් අඩංගු නිෂ්පාදන වලට වඩා සුළු ප්‍රමාණයක් අඩංගු නිෂ්පාදන වලට යොමු වෙනවා නම් වඩා සුදුසුයි කියලත් අපි විශ්වාස කරනවා.

Product එක test කරන්න

මුල්ම වතාවට පාවිච්චි කරන product එකක් නම් කුඩා ප්‍රමාණයේ package එකක් මිලට ගැනීම තමයි වඩාත් සුදුසු වෙන්නේ. ඊට අමතරව, යම් නිෂ්පාදනයක් මිලට ගන්න කලින් Patch test එකක් කරන්න අවස්ථාව ලැබෙනවා නම් ඒ අවස්ථාව මඟ නොහැරීමටත් වග බලා ගන්න කියලා අපි සිහිපත් කරනවා. Product එකෙන් සුළු ප්‍රමාණයක් Forearm හෝ කන පිටුපස ආලේප කරලා පැය 24ක් පමණ කාලයක් පරීක්ෂාකාරී වීම තමයි සාමාන්‍ය පිළිවෙල වන්නේ. යම් විදියකින් කැසීම, පළු දැමීම හෝ රතු පැහැ වීම වගේ අසාමාන්‍ය තත්ත්වයක් ඇති වුවහොත් නොපමාව වෛද්‍ය ප්‍රතිකාර කරා යොමු වෙන්න කියලත් අපි අවධාරණය කරනවා.

මේ දේවල් ගැනත් හිතන්න. නිෂ්පාදනවල කල් ඉකුත්වන දිනය, packages damage වෙලා ද, අනුකාරක නොවන නිෂ්පාදන ද, කියවා තේරුම් ගත හැකි භාෂාවකින් උපදෙස් සටහන් වෙලා තියෙනවා ද, අන්තර්ජාලය හරහා වැඩි විස්තර සොයා ගත හැකි නිෂ්පාදන ද වගේ කරුණු ගැනත් අවධානය යොමු කරලම cosmetics මිලට ගන්න කියලා අපි අවසන් වශයෙන් සිහිපත් කරනවා.

The post Cosmetic products මිලට ගන්න කලින් මේ දේවල් ගැන හිතන්න appeared first on Lady.lk | Lady | Women | Lifestyle | Health | Beauty.

Gal Gadot

Wonder Woman ඇතුළු අතිශය ජනප්‍රිය චරිත කිහිපයකටම පණ පෙවූ මේ ඊශ්‍රායෙලීය රූමතිය දරු තිදෙනෙකුගේ මවක්ද වෙනවා. ඇය තමන්ගේ ප්‍රධානම beauty tip එක විදියට හඳුන්වන්නේ සිරුරට ප්‍රමාණවත් තරමට ජලය පානය කිරීමයි. ඊට අමතරව, රාත්‍රී නින්දට යෑමට පෙර සමට ගැළපෙන night cream යෙදීම ඇතුළු වෙනත් අත්‍යවශ්‍ය සත්කාර කිරීම, රංගනයෙහි යෙදෙන අතරතුරේ සරල ලෙස make up යෙදීම, කාලයකට වරක් රූපලාවණ්‍ය නිෂ්පාදන වෙනස් කිරීම සහ Mediterranean diet plan එක අනුගමන කිරීම ඇයගේ රූපලාවණ්‍ය රහස් අතර වන බව පැවසෙනවා. 

Jenifer Lawrence

Night cream ආලේප කිරීමට පෙර retinol යෙදීම, සමේ අතිශය වියළි ගතිය මඟහරවා ගැනීමට දිවා කාලයයේදී පවා night cream ආලේප කිරීම, thick face masks යෙදීම, zinc oxide හෝ titanium dioxide අඩංගු sunblock ආලේප කිරීම සහ මසකට වරක් microdermabrasion treatment සිදු කිරීම වගේ දේ ගැන තමන් වැඩි අවධානයක් යොමු කරන බව 31 වියැති මේ ජනප්‍රිය රංගන ශිල්පිනිය පවසනවා.

Deepika Padukone

පැයකට වරක් ජලය වීදුරුවක් පානය කිරීම, නින්දට යෑමට පෙර අනිවාර්යයෙන් ම make up remove කිරීම, නිතරම peel- off face masks යෙදීම, පිටතට යන සෑම විටම sun screen සහ eye cream ආලේප කිරීම, make up සහ foundation cream අවම වශයෙන් ආලේප කිරීමට උත්සහ කිරීම, හිස්කබලට පොල් තෙල් යොදා සම්බාහනය කිරීම වගේ beauty tips අනුගමනය කරන්නට තමන් උත්සහ කරන බව ඇය හෙළි කර තියෙනවා.

Priyanka Chopra

තමන් උදෑසන අවදි වූ පසු සිදු කරන ප්‍රථම කාර්‍යය වන්නේ රාත්‍රිය පුරා copper බඳුනක බහා තිබූ ජලය පානය කිරීම බව ඇය පවසනවා. රාත්‍රී නින්දට යෑමට පෙර make up ඉවත් කර serum සහ eye cream ආලේප කිරීම, මසකට දෙවරක් facial කිරීම, ජලය වැඩිපුර පානය කිරීම, පැය 7-8 ක නින්දක් ලබා ගැනීම, foundation cream අවම වශයෙන් ආලේප කිරීම, කයට සහ මනසට ව්‍යායාමයක් වශයෙන් පිහිනීම, සතියකට වරක් hair oil යොදා හිස් කබල සම්බාහනය කිරීම වගේ කරුණු ගැන තමන් විශේෂ අවධානයක් යොදන බවත් සඳහන් කරලා තියෙනවා.

Tamannah

තමන්ගේ සමේ සහ හිසකෙස්වල පෙනුම රැකගන්නට ගිතෙල්, පොල්තෙල්, සුදු හඳුන්, කෝමාරිකා සහ yogurt වගේ ස්වභාවික අමුද්‍රව්‍ය වැඩි වශයෙන් භාවිතා කරන බව ඇය පවසනවා. එළවලු පළතුරු සහ ජලය වැඩිපුර අඩංගු සමබල ආහාර වේලක් ගැනීම, clensing, toning සහ moisturising වගේ මුලික රූපලාවණ්‍ය කටයුතුවලට මූලිකත්වය ලබා දීම, make up හොඳින් ඉවත්වෙන ආකාරයට  සම පිරිසිදු කිරීම සහ sunscreen භාවිතා කිරීම ඇයගේ beauty secrets අතර ප්‍රධාන තැනක් ගන්නවා.

Samantha ruth prabhu

සතියකට දෙවරක් facial steaming සිදු කිරීමට තමන් සැළකිලිමත් වන බව ඇය හෙළි කරලා තියෙනවා. ඊට අමතරව make up අවම වශයෙන් භාවිතා කිරීම, sunscreen සහ night cream ආලේප කිරීම, සමබල ආහාර වේලක් ගැනීමට උනන්දු වීම සහ විශේෂයෙන්ම මානසික සහනය, ධනාත්මක සිතිවිලි ඇතිවෙන පරිදි ක්‍රියා කිරීමට උනන්දු වීම වගේ කරුණු ගැනත් තමන්ගේ වැඩි අවධානය යොමු වෙන බවත් මේ දකුණු ඉන්දියානු රූමතිය සඳහන් කරනවා.

Sai pallavi රංගනයේ යෙදෙන විට පවා make up භාවිතා නොකර සිටීමට උත්සහ කරන ඇය, ස්වභාවික අමුද්‍රව්‍ය අඩංගු රූපලාවණ්‍ය නිෂ්පාදන භාවිතා කිරීමට තමන් වැඩි වශයෙන් උනන්දු වන බව පවසා සිටිනවා. සතියකට තෙවරක්වත් ව්‍යායාම කිරීම, එළවලු පළතුරු සහ ජලය වැඩි වශයෙන් ආහාරයට එකතු කරගැනීම සහ මානසික පීඩා මඟ හැරීම තමන්ගේ සාමාන්‍ය ජීවන රටාව බවත් ඇය බොහෝ අවස්ථාවලදි සඳහන් කර ඇති අතර ආලේපන වලින් තොරවූ තමන්ගේ ස්වභාවික පෙනුම පවා රසික රසිකාවියන්ගේ ආදරයට ලක්වීම නිසා තමන්ගේ ආත්ම ශක්තිය බෙහෙවින්ම වැඩිවූ බවත් සිහිපත් කරනවා.

The post සුරූපී නිළියන්ගේ රූපලාවණ්‍ය රහස් appeared first on Lady.lk | Lady | Women | Lifestyle | Health | Beauty.

නිවැරදිව පිරිසිදු කරන්න

විෂබීජ සහ කුණු දුහුවිලි ඉවත්වෙන ආකාරයට දෑත් පිරිසිදු කිරීමේ වැදගත්කම ගැන මේ වෙනකොට අපි හොඳටම දැනුවත් වෙලයි ඉන්නේ. හැබැයි ඔබ මේ සඳහා නිතරම anti- bacterial සබන් වර්ග යොදා ගන්නවා නම් එමඟින් ඔබේ සමේ අඩංගු ස්වභාවික තෙල් ගතිය ඉවත් වී දෑත් වියළි සහ ඉරිතැළුණු ස්වභාවයකට පත්වෙන්නට ඉඩ තියෙනවා. ඒ වගේම තමයි විවිධ රසායනික ද්‍රව්‍ය එකතු කරලා සුවඳ ගැන්වූ සබන් වලිනුත් මේ හානිය ම සිදුවෙනවා. ඉතින්, මේ ගැටළුවෙන් මිදීම සඳහා ඔබ කළ යුතු වන්නේ Shea butter, aloe vera, olive oil වගේ hydrating ingredients අඩංගු සහ fragrance- free moisturizing සබන් වර්ගයක් දෑත් සේදීම සඳහා භාවිතා කිරීමයි. ඒ විතරක් නෙවෙයි, නිතරම උණුසුම් ජලයෙන් දෑත් සේදීම හේතුවෙනුත් ඔබගේ දෑත් වියළීමට ලක්වෙන නිසා සීතල හෝ උණුසුම් ජලය මේ සඳහා භාවිතා කිරීමටත් අමතක කරන්න එපා.

පාවහන් භාවිතය

ඔබ නියැළෙන කාර්‍යය කුමක් වුවත් අවස්ථානුකූලව ඒ හා ගැළපෙන ආකාරයේ පාවහන් භාවිතා කිරීම අත්‍යවශ්‍ය කාරණයක් වෙනවා. උදාහරණයක් විදියට ගත්තොත්, කාර්‍යාලයට පළඳින පාවහන් යුවළ ව්‍යායාම කිරීමේදී භාවිතා කිරීම කිසිසේත්ම සුදුසු වන්නේ නැහැ. ඒ වගේම තමයි පාද ආශ්‍රිතව ඉදිමුම්, ආසාදන, කිසියම් වේදනාවක් හෝ අසාමාන්‍ය බවක් දැනෙනවා නම් වහාම ක්‍රියාත්මක වෙලා වෛද්‍ය ප්‍රතිකාර ලබා ගැනීම ගැනත් අවධානය යොමුකළ යුතු වෙනවා.

නියපොතු ගැන හිතනව ද

නියපොතු ආශ්‍රිත ආසාදන, රූපලාවන්‍ය සත්කාර කිරීමේදී සැළකිලිමත් විය යුතු ආකාරය සහ වෛද්‍ය සහය ලැබිය යුතු අවස්ථා ගැන අපි කලින් ලිපියකිනුත් සාකච්ඡා කරලා තියෙනවා. පෝෂණ ඌණතාවයක් නිසා ඇතිවෙන සහ ඉක්මනින් ම නැතිවී යන සුදු පැහැති ලපවලට අමතරව කළු, දුඹුරු හෝ දම් පැහැති ලප නියපොතු මත මතු වෙනවා නම් එය නොසළකා හැරිය හැකි තත්ත්වයක් විදියට සළකන්න එපා කියලා අවධාරණය කරන්නට අපි කැමතියි. මේ නිසා, ඔබ පුරුද්දක් විදියට නිය ආලේපන ගල්වනවා නම් ඒවා ඉවත් කරන අවස්ථාවලදී නිය මත මෙවැනි ලප හෝ යම් අසාමාන්‍ය තත්ත්වයන් මතුවෙලා තියෙනවද කියලා නිරීක්ෂණය කරන්නත් අමතක කරන්න එපා.

පාදවල සුවපහසුවට

මඳ උණුසුම් ජලයේ පෙඟවීමෙන් පාදවලට පුදුමාකාර සුව පහසු බවක් දැනෙනවා කියලා දැනගෙන හිටියට එයින් ලැබෙන ප්‍රතිඵල ගැන අපි එතරම් දැනුවත් නෑනේ. එහෙනම් ඔන්න අහගන්න. රුධිර ගමනාගමනය හොඳින් සිදුවීම, පාදවල ඉදිමුම අඩුවීම, බැක්ටීරියා ඉවත්ව පිරිසිදු වීම කියන වාසි වලට අමතරව දෙපා සහ මුළු සිරුරම relax කරවන්නත් මේ සත්කාරයට හැකියාව තියෙනවා. ඊට අමතරව, මඳ උණුසුම් වතුරට ලුණු කුඩු ස්වල්පයකුත් එකතු කරනවා නම් වඩාත් සාර්ථක ප්‍රතිඵල ලබාගන්න පුළුවන්කම ලැබෙනවා.

නියපොතු පිරිසිදු කරන්නේ මෙහෙමයි

දෑත් දෙපා හොඳින් සේදුවට විතරක් මදිනේ. නියපොතු ඇතුළේ තියෙන විෂබීජ ඉවත් වීමත් අනිවාර්යයෙන් සිදුවෙන්න අවශ්‍යයි. High quality nail brush එකක් භාවිතා කරලා අපහසුවකින් තොරව සහ නියපෙළට හානි නොවෙන පරිදි මේ කටයුත්ත සිදු කරගන්න ඔබට හැකියාව තියෙනවා. පිරිසිදු නියපොතු නිසා දෑත් සහ දෙපා ලස්සන වෙනවා විතරක් නෙවෙයි, ඔබේ නිරෝගි බවටත් මෙය හේතුවක් වෙනවා නොඅනුමානයි.

Massage කිරීම

අත් කකුල් පිරිසිදු කිරීමෙන් පසුව හොඳින් පිසදමා වියළා ගැනීම අනිවාර්යයෙන් සිදුකළ යුතු වන්නේ වතුර රැඳී තීබීම, සමේ වියළි බවට හේතුවක් වන නිසයි. සෝදා වියළා ගත් දෑත් සහ දෙපාවල සුදුසු moisturizer cream ස්වල්පයක් ආලේප කර මෘදුව සම්බාහනය කිරීම ඊළඟ පියවර වෙනවා. මේ කරුණු දෙක අනුගමනය කිරීමෙන් දෑත් සහ දෙපාවල පෙර නොදුටු ආකාරයේ වෙනසක් ඔබට දැකගන්නට ඉඩ ලැබේව් කියලා අපි හිතනවා. ඒ වගේම තමයි, දෑත් සහ දෙපාවල sunscreen ආලේප කරනවා නම්, ඔබ ඉර එළියට නිරාවරණය වන කාල සීමාවට ගැළපෙන ආකාරයේ SPF අගයකින් යුතු sun cream එකක් මිලට ගන්නටත් අමතක කරන්න එපා

Hangnails

නියපොතු කෙටි කර කැපීම සහ hangnails වලට ප්‍රතිකාර කිරීම ඔබේම සුව පහසුව සඳහා හේතුවක් වනවා. සාමාන්‍යෙන් hangnails ඇතිවීම සඳහා ප්‍රධානතම හේතුව වන්නේ සමේ වියළි බවයි. විනාඩි 15ක් පමණ මඳ උණුසුම් ජලයේ පොඟවාගත් ඇඟිලිවල වතුර පිසදා moisturise ස්වල්පයක් ආලේප කරන්න. ඉන් පසු ප්‍රවේශමෙන් hangnails කපාදමා, ඉක්මනින් සුව වීම සඳහා එම ස්ථානයේ antibiotic cream ස්වල්පයක් ආලේප කරන්න.

The post අත් පා සම්බන්ධව ඔබ කොයි තරම් සැළකිලිමත් ද appeared first on Lady.lk | Lady | Women | Lifestyle | Health | Beauty.

Shaving

මෙහිදී සිදුවන්නේ සමේ මතුපිටින් ඇති රෝම කපා ඉවත් කිරීම පමණයි. Shave කිරීමට බොහෝ දෙනෙක් ප්‍රිය නොකරන්නේ රෝම නැවත වැවීමේදී වේගවත්ව සහ ඝනකම්ව වැවෙන්නට shave කිරීම හේතුවක් වනවා කියන විශ්වාසයෙන් වුණත් ඒ මතයේ කිසිදු සත්‍යතාවයක් නම් නැහැ. හැබැයි මතුපිටින් කපා දැමීමක් පමණක් සිදු කිරීම නිසා කෙටි කාලයක් ඇතුළත නැවත වැවීම නම් සිදුවෙනවා. අත්, කකුල් සහ under arms වල ඇති රෝම ඉවත් කිරීම සඳහා ඔබ shave කිරීම තෝරා ගන්නවා නම් ඊට පෙර body wash, hair conditioner හෝ shaving cream ස්වල්පයක් සම මතුපිට ආලේප කිරීම සහ අලුත් razor එකක් භාවිතා කරලා shave කිරීම මඟින් කැපුම් තුවාල සහ ආසාදනවලින් තොරව රෝම ඉවත් කරගන්නට ඔබට හැකියාව ලැබේවි.

Plucking

Tweezer එකකින්, එහෙමත් නැත්තන් cotton/ polyester thread එකක් පාවිච්චි කරලා රෝම සම්පූර්ණයෙන් උගුල්ලා දැමීමක් තමයි මෙහිදී සිදුවෙන්නේ. මෙය තරමක් වේදනාකාරී සහ කාලය ගතවෙන කාර්‍යයක් වුණත් මුහුණේ ඇති අනවශ්‍ය රෝම ඉවත් කරන්න සුදුසුම ක්‍රමයක් විදියට මේ ක්‍රමය හඳුන්වන්න පුළුවන්. ඔබට අවශ්‍ය නම්, වේදනාව අවම කරගැනීම සඳහා රෝම ඉවත් කිරීමට පැය භාගයකට පමණ පෙර ice cube massage එකක් කිරීම හෝ ක්‍රීම් ආලේප කිරීම සිදු කරන්නට හැකියාව තියෙනවා. ඒ වගේම මේ කාර්‍යය වේදනාව අවම වන ආකාරයට සහ නිවැරදිවම සිදු කරන්නට රූපලාවණ්‍ය ශිල්පිනියගේ පළපුරුද්ද සහ දක්ෂතාවය වැඩි වශයෙන් බලපාන බවත් අපි මතක් කරනවා.

Depilatory Creams

රෝම විනාශ කර ඉවත් කිරීම සඳහා ආලේප කරන රසායනික ද්‍රව්‍ය අඩංගු cream වර්ග මේ නමින් හඳුන්වනවා. මේවා අතපය වල රෝම ඉවත් කිරීම සඳහා භාවිතා කළහැකි අතර label එක හොඳින් කියවා එහි අඩංගු උපදෙස් පිළිපැදීම අත්‍යවශ්‍ය වෙනවා. මෙවැනි නිෂ්පාදන භාවිතා කිරීමේදී, සමට allergy වීම හෝ දිගු කාලයක් සමේ රැඳී තිබීම නිසා සම පිළිස්සීමට ලක් වීම වගේ තත්ත්වයන්ට මුහුණ දීමට වුවත් ඉඩ ඇති නිසා මෙය එතරම් සාර්ථක ක්‍රමයක් විදියට සළකන්න නම් අපහසුයි.

Laser Hair Removal

කේශ මූලයේ ක්‍රියාකාරීත්වය සම්පූර්ණයෙන්ම නැසීම තමයි මෙහිදී සිදු කෙරෙන්නේ. මෙය ඵලදයක ක්‍රමයක් විදියට හැඳින්විය හැකි වුණත් සති කිහිපයකට වරක්, සිව් වරක් හෝ ඊට වඩා වැඩි වාර ගණනක් සිදු කිරීම අත්‍යවශ්‍ය වෙනවා. ඒ වගේම වියදම් අධික කාර්‍යයක් වන අතරම තරමක් වේදනාකාරී ද වනවා. සුදුසුකම්ලත් දක්ෂ වෛද්‍යවරයෙක් හරහා මෙම ප්‍රතිකර්මය සිදු කරවාගත හැකි අතර සිරුරේ ඕනෑම ස්ථානයක ඇති අනවශ්‍ය රෝම මෙමඟින් ඉවත් කරගන්නට හැකියාව තියෙනවා.

Electrolysis

මෙමඟිනුත් සිදුවන්නේ සියුම් electric current එකක් ලබා දීම මඟින් කේශ මූලය විනාශ කිරීමයි. ඒ වගේම සුදුසුකම් සහිත පළපුරුදු  වෛද්‍යවරයෙක් හරහා මේ කාර්‍ය්ය සිදුකරවා ගැනීම අත්‍යවශ්‍ය වෙනවා. කොහොම වුණත් කෙස් ගසෙන් කෙස් ගසට වෙන වෙනම සිදුකළ යුතු අතර ම වාර කිහිපයක්ම මෙම ක්‍රියාවලිය සිදු කිරීමෙන් පසුව තමයි සාර්ථක ප්‍රතිඵල ලැබෙන්නේ. Electrolysis ආකාර දෙකකට සිදු කිරීමේ හැකියාව තියෙනවා. Galvanic ක්‍රමයේදී සිදු කරන්නේ රසායනික බලපෑමක් ලබා දීමෙන් කේශ මූලය නැසීම වන අතර Thermolytic ක්‍රමයේදී සිදුවන්නේ heat කිරීම මඟින් කේශ මූලය නැසීමයි. වියදම් අධික කාර්‍යයක් වුණත් මෙමඟින් සිරුරේ ඕනෑම තැනක ඇති අනවශ්‍ය රෝම ඉවත් කරගැනීමේ හැකියාව තියෙනවා. ඒ වගේම තරමක් වේදනාකාරී සහ තරමක අතුරු ආබාධ ඇතිවීමට ඉඩ ඇති ක්‍රමයක් විදියට තමයි සැළකෙන්නේ.

Waxing

විශාල ප්‍රදේශයක ඇති අනවශ්‍ය රෝම වුවත් සුළු කාලයක් ඇතුළත ගලවා ඉවත් කිරීම මෙමඟින් සිදු වෙනවා. භාවිතා කරන wax වර්ගය රත් කර, රෝම වැවෙන දිශාවට ආලේප කර මඳ වෙලාවක් තබා ඒ මත ඇලවූ රෙදි කැබැල්ලක ආධාරයෙන් රෝම වැවෙන දිශාවට විරුද්ධ අතට ඇදීම මඟින් රෝම ගැළවීම මෙහිදී සිදු කරනවා. බිබිළි මතුවීම වැනි සුළු ආසාදන ඇති වුණත් සිරුරේ ඕනෑම ස්ථානයකට යොදාගන්න පුලුවන් සාර්ථක hair removal method එකක් විදියට හඳුන්වන්න පුළුවන්කම තියෙනවා.

ශරීරයේ ඇති යම් යම් රෝග තත්ත්ව නිසා ඉහත සඳහන් කළ ක්‍රම මඟින් පාලනය කළ නොහැකි තරමට රෝම වැවෙන පිරිසක් අප අතර සිටිනවා. එවැනි අවස්ථාවලදී නොපමාව වෛද්‍ය ප්‍රතිකාර ලබාගැනීමට යොමු වීම අත්‍යවශ්‍ය වනවා. ඒ වගේම threading, tweezing, waxing වගේ ක්‍රම අනුගමනය කරලා රෝම ඉවත් කළාට පස්සේ ice cube massage එකක් සිදු කිරීමට සහ  toner ආලේප කිරීමට අමතක කරන්න එපා. බිබිළි, ඉදිමීම්, රත් පැහැ ගැන්වීම් සාමාන්‍ය තත්ත්වයක් වුණත් වෛද්‍ය ප්‍රතිකාර අවශ්‍ය බව ඔබට ම වැටහෙනවා නම් එවැනි සිතිවිල්ලක් නොසළකා හරින්න එපා කියලත් අවසන් වශයෙන් අපි සිහිපත් කරනවා. 

The post සිරුරේ ඇති අනවශ්‍ය රෝම ඉවත් කරගන්නේ මෙහෙමයි appeared first on Lady.lk | Lady | Women | Lifestyle | Health | Beauty.

Rebonding සහ keratin treatment අතර වෙනස

බැලූ බැල්මට මේ අවස්ථා දෙකේදිම ලැබෙන ප්‍රතිඵලය එක සමාන වගේ වුණත් හිසකෙස්වලට සිදුවන බලපෑම නම් හාත්පසින්ම දෙයාකාරක් ගන්නවා. රසායනික ද්‍රව්‍ය යෙදීම මඟින් හිසකෙස් සැදි ඇති natural bonds බිඳ දමා, ඉන් පසුව iron කිරීම මඟින් හිසකෙස් ඍජු කිරීමක් rebonding වලදි සිදු කරනවා. ඒ කියන්නේ straightening cream වර්ගයක් ආලේප කරලා මඳ වෙලාවකට පසු සෝදා හැරීමත්, ඉන් පසුව iron කිරීමත් මෙහිදි සිදු වෙනවා. හැබැයි මේ ක්‍රියාවලිය හරහා සම්පූර්ණයෙන් ම හිසකෙස් පළුදු වීමක් තමයි සිදු වෙන්නේ. නමුත් keratin treatment එකකදි කිසිසේත්ම මෙවැනි damage වීමක් සිදු වන්නේ නැහැ.

එහෙනම් Keratin seal එකේදි වෙන්නේ මොකක්ද

අපේ හිසකෙස් සහ නියපොතු හැදිලා තියෙන්නේ keratin කියන protein cells වලින් බව ඔබ දන්නවා ඇති. ශරීරයට නිසි පරිදි පෝෂණයක් නොලැබෙන කොට ශරීරයේ අනිත් කොටස් අඩපණ වෙනවා වගේම හිසකෙසුත් දුර්වල වීමට, කැඩී යාමට, ගැළවීමට සහ dull පෙනීමක් ගන්නට පටන් ගන්නවා. අන්න ඒ වගේ අප්‍රාණික හිසකෙස්වලට keratin ආලේප කරලා iron කිරීම මඟින් seal කිරීමෙන්, කොණ්ඩයට පෝෂණයක් සැපයීමත්, හිසකෙස් යථා තත්ත්වයට පත් කිරීමත් තමයි මෙහිදී සිදු කරන්නේ. Rebonding process එකේදි cream ආලේප කිරීමෙන් පසු සෝදාහරිනවා වගේ මෙහිදි keratin ආලේප කරලා සෝදාහැරීමක් සිදු කරන්නේ නැති බව අමතක කරන්න එපා.

වෙනත් සත්කාර හරියන්නේ නැද්ද

සාමාන්‍යෙන් ඔබ හිස්කබල shampoo කලාට පස්සේ හිසකෙස්වලට conditioner ආලේප කිරීමක් සිදු කරනවා. එහෙමත් නැත්තන් සතියකට දෙකකට වතාවක් deep conditioner කරනවා වෙන්නත් පුළුවන්. හැබැයි මේ දේවල් තාවකාලික සත්කාර පමණයි. Keratin seal එකක් කරපු කොණ්ඩයක් හරි විදියට සත්කාර කරලා පරිස්සම් කරගත්තොත් මාස 6කට කිට්ටු කාලයක් බොහොම ලස්සනට තියාගන්න පුළුවන්කම ලැබෙනවා. ඒ වගේම අවුරුද්දට 2-3 වතාවක් වුණත් කරන්ත් පුළුවන්කම තියෙනවා.

කොහොමද keratin treatment එකක් කරන්නේ

මේ ක්‍රියාවලිය නිවසේදි සිදු කරන එක නම් සාර්ථක වැඩක් නෙවෙයි. සුදුසුකම් සහිත සහ විශ්වාසවන්ත රූපලාවණ්‍ය ශිල්පිනියකගෙන් ම තමයි මේ සත්කාරය කරගන්න අවශ්‍ය වෙන්නේ. මුලින්ම හිසකෙස් සහ හිස්කබලේ ඇති සියළුම කුණු දුහුවිලි, conditioner, තෙල් යනාදිය අයින් වෙලා යන පරිදි හොඳින් සෝදා, ඉන්පසු වියළා ගන්නවා. සම්පූර්ණයෙන් කෙස් කළඹම ආවරණය වෙන විදියට keratin ආලේප කරලා තියලා නියමිත කාල සීමාවකට පස්සේ dryer එකක් මඟින් හිසකෙස් හොඳින් වියළා ගැනීමත්, පසුව iron කිරීමත් සිදු කරනවා. Keratin යොදා කෙස් ගසේ cuticle එක වසා දමා seal කරන මේ ක්‍රියාවලියට පැය 2-4 පමණ කාලයක් සාමාන්‍යෙන් ගත වෙනවා. මේ කාල සීමාව තීරණය වන්නේ ඔබේ සම්පූර්ණ කෙස්කලඹේ ස්වභාවය අනුවයි.

ඊට පස්සේ

සාර්ථකව සිදු කරපු මේ ක්‍රියාවලියෙන් පැය 48 කට පස්සේ සාමාන්‍ය විදියට නාන්න, shampoo, conditioner කරන්න පුළුවන්කම තියෙනවා. හැබැයි sulphate- free, මෘදු shampoo වර්ගයක් සහ ගුණාත්මක බවෙන් ඉහළ conditioner වර්ගයක් යෙදීම තමයි ඉතාමත් සුදුසු වෙන්නේ. Keratin straightening එකකට පස්සේ ඔබගේ හිසකෙස්වල වියවුල් සහ දුර්වල බව නැතිවෙලා පිරිපුන්, ශක්තිමත් සහ කඩාහැලෙන සුළු සහ දිදුළන කෙස් කළඹකට හිමිකම් කියන්න ඔබට අවස්ථාව උදා වෙනවා.

කොයි වගේ කොන්ඩෙකටද කරන්න පුළුවන්

සාමන්‍ය හිසකෙස් වලට සහ කෘත්‍රීමව වෙනස් කරපු හිසකෙස් වලට මේ සත්කාරය කරන්න පුළුවන්. ඒ වගේම color කරපු හිසකෙස්වලට සිදු කරන්නත් පුළුවන්කම තියෙනවා. Blonde වගේ වර්ණයක් යෙදීම වෙනුවෙන් bleach කිරීම නිසා අධික විදියට damage වුනු හිසකෙස් වලටත් keratin treatment එක කරන්න පුළුවන් වුණත් එතරම් කාලයක් සත්කාරයේ ප්‍රතිඵල විඳින්න නම් ඉඩ ලැබෙන්නේ නැහැ. ඒ වගේම අධික සිහින් හිසකෙස්වලට මේ සත්කාරය සිදු කරනවා නම් iron කිරීමේදි නොකැඩෙන පරිදි ඉතාම ප්‍රවේසමෙන් සිදු කරන්න අවශ්‍ය වෙනවා. Seal කිරීම සඳහා iron කිරීමේදී කොණ්ඩයේ Curly ගතිය නැතිවෙන නිසා curl කොණ්ඩයකට keratin treatment එකක් කරනවා නම් හිසකෙස්වල කැරලි ගතිය ගැන තියෙන ආසාව නම් අතහරින්න වෙන බවත් අපි සිහිපත් කරනවා.

රැවටෙන්නෙපා

මෙය සාමාන්‍යෙන් rebonding වලට වඩා මිල අධික සත්කාරයක් විදියට තමයි සැළකෙන්නේ. ඒ නිසා බොහොම අඩු මුදලකට keratin seal එකක් කරදීමට රූපලාවන්‍යාගාරයකින් පොරොන්දු වෙනවා නම් එය විශ්වාස කරන්න පුළුවන් පොරොන්දුවක් නම් නෙවෙයි. බොහෝ දුරට ඔවුන් පොරොන්දු වෙන්නේ සාමාන්‍ය rebonding එකක් ම කරලා දෙන්න වෙන්න පුළුවන්. මේ නිසා එවැනි පුද්ගලයන්ට නොරැවටී විශ්වාසවන්ත තැනකින්ම keratin treatment එක කරගන්න කියලා අපි අවසානයට මතක් කරනවා.

Reference – https://theouai.com/blogs/by-the-ouai/everything-you-need-to-know-about-keratin-treatments

The post හිසකෙස් රැකදෙන keratin treatment ගැන දැනගන්න කැමති ද appeared first on Lady.lk | Lady | Women | Lifestyle | Health | Beauty.

සතියකට වරක් Face pack එකක් භාවිතා කිරීම මඟින් ඔබේ සමේ තෙතමනය රැක දීම, පිරිසිදු කිරීම, tone කිරීම, සහ තරුණ පෙනුම රැකදීම සහ ඊට අමතරව සමට සැහැල්ලු බවක් ලබාදීම කියන කාරණා ඉටු වෙනවා. හැබැයි face pack එකක් භාවිතා කරන්න කලින් ඔබේ සමේ ස්වභාවය අඳුරාගෙන ඒ අනුව pack එක සකස් කරගන්න කියන කාරණාවත් අපි මුලින්ම සිහිපත් කරනවා.

කැළල් සහඅවපැහැවීම් අවම කර සම දීප්තිමත් වීම සඳහා

Tomato-lemon mask

ඉදුණු තක්කාලි ගෙඩියක් අරන් එයින් puree එකක් සකසාගෙන එයට lemon juice මේස හැඳි 2ක් එකතු කරන්න. හොඳින් මිශ්‍ර කර මුහුණේ සහ ගෙල ප්‍රදේශයේ ආලේප කර මිනිත්තු 20ක් තියා සිසිල් ජලයෙන් සෝදා හරින්න.

Almond mask

ආමන්ඩ් ඇට 4-5ක් ගෙන fresh milk ස්වල්පයක් සහිත බඳුනකට දමා පැය 10 ක් පමණ පෙඟෙන්නට තියන්න. ඉන් පසු ආමන්ඩ් ඇටයේ දුඹුරු පැහැති පොත්ත ඉවත්කර paste එකක් සකස් කරගෙන මුහුණේ සහ ගෙල ප්‍රදේශයේ ආලේප කරන්න. මෙය සම්පුර්ණ රැයක් මුහුණේ තියෙන්නට හැර සෝදා හරින්න.

Turmeric mask

Lemon juice මේස හැඳි 3ක් සහ කහ කුඩු මේස හැඳි 1 ගෙන හොඳින් මිශ්‍ර කරන්න. (අමු කහ අඹරා සකස් කරගත් කහ paste එකක් නම් වඩාත් සුදුසුයි.) මෙය මුහුණේ සහ ගෙලේ ආලේප කර මිනිත්තු 20ක් තබා සෝදා හරින්න.

Oatmeal mask

Oats මේස හැඳි 4ක්, කුඩු කරගත් ආමන්ඩ් ඇට 4ක්, මී පැණි මේස හැන්දක් සහ fresh milk ස්වල්පයක් මිශ්‍ර කර මෘදු paste එකක් සකස් කරගන්න. මේ pack එක මුහුණේ සහ ගෙල ප්‍රදේශයේ ආලේප කර විනාඩි 5ක් පමණ කාලයක් තබා මෘදුව massage කරන්න. විනාඩි 2-3ක් massage කිරීමෙන් පසු මඳ උණුසුම් ජලයෙන් සෝදා හරින්න.

Orange and curd mask

මී කිරි මේස හැන්දක් සහ orange juice තේ හැන්දක් මිශ්‍ර කර මුහුණේ සහ ගෙලෙහි ආලේප කරන්න. මිනිත්තු 2-3ක් කවාකාරව සහ මෘදුව massage කර සිසිල් ජලයෙන් සෝදා හරින්න.

Pumpkin face pack

Pumpkin puree මේස හැඳි 2, මී පැණි තේ හැදි ½ සහ fresh milk තේ හැඳි ½ ක් ගෙන හොඳින් මිශ්‍ර කර මුහුණ සහ ගෙල ප්‍රදේශයේ ආලේප කරන්න. මිනිත්තු 20ට පසු සෝදා හරින්න.

Potato face pack

අර්තාපල් යුෂ මේස හැන්දක් සහ lemon juice මේස හැන්දක් මිශ්‍ර කර මුහුණේ සහ ගෙලෙගි ආලේප කරන්න. මිනිත්තු 20ට පසු සෝදා හරින්න. (ඔබේ සම වියළි සමක් නම් මෙයට මී පැණි මේස හැන්දක් එකතු කරන්න).

සුමුදු සමක් සඳහා

Banana- yogurt mask

ගෑරොප්පුවක් භාවිතා කර පොඩි කරගත් කෙසෙල් ගෙඩි 1, මී කිරි මේස හැඳි 2 සහ මී පැණි මේස හැඳි 1 බඳුනකට දමා හොඳින් මිශ්‍ර කරන්න. මෙය මෘදු paste එකක් වීමෙන් මුහුණේ ආලේප කිරීම වඩා පහසු වෙනවා. මේ paste එක මුහුණේ සහ ගෙලේ ආලේප කර මිනිත්තු 30 ක් තබා සිසිල් ජලයෙන් සෝදා හරින්න.

 වියළි සමක් යථා තත්ත්වයට පත් කිරීම සඳහා

Egg mask

බිත්තරයක් සහ ආමන්ඩ් කුඩු මේස හැඳි 1ක් බඳුනකට දමා හොඳින් whisk කරන්න. මෙය මුහුණේ සහ ගෙලෙහි ආලේප කර විනාඩි 20ක කාලයක් තියා සෝදා හරින්න.

Aloe vera and glycerin mask

කෝමාරිකා මදය මේස හැඳි 2ක් සහ glycerin තේ හැන්දක් ගෙන හොඳින් මිශ්‍ර කර මුහුණේ සහ ගෙල ප්‍රදේශයේ ආලේප කරන්න. මිනිත්තු 20 ට පසු සෝදා හරින්න.

Papaya and honey mask

ඉදුණු පැපොල් කැබැල්ලක් ගෙන ගෑරොප්පුවක ආධාරයෙන් හොඳින් පොඩි කරගන්න. එයට fresh milk තේ හැන්දක් සහ මී පැණි මේස හැන්දක් එකතු කර paste එකක් සකස් කරගන්න. මුහුණේ සහ ගෙල ප්‍රදේශයේ ආලේප කර මිනිත්තු 20ක් තබා මඳ උණුසුම් ජලයෙන් සෝදා හරින්න.

සංවේදී සමකට

Carrot and honey mask

කැරට් අල 2ක් පමණ ගෙන තම්බා පොඩි කරගන්න. එයට මී පැණි මේස හැන්දක් එක් කර paste එකක් සකස් කරගෙන මුහුණේ සහ ගෙල ප්‍රදේශයේ ආලේප කරන්න. මිනිත්තු 20ක් තබා සෝදා හරින්න.

තෙල් සහිත සමක් යථා තත්ත්වයට පත් කිරීමට

Papaya, banana and cucumber facial mask

ඉදුණු පැපොල් කැබැල්ලක්, පිරිසිදු කරගත් පිපිඤ්ඤා කැබැල්ලක් සහ කෙසෙල් ගෙඩියක් blend කර මෘදු paste එකක් සදා ගන්න. මෙය මුහුණේ සහ ගෙලේ ආලේප කර මිනිත්තු 20ක් තියා මඳ උණුසුම් ජලයෙන් සෝදා හරින්න.

සාමාන්‍ය සමකට

Papaya and tomato mask

ඉදුණු පැපොල් කැබැල්ලක් සහ තක්කාලි ගෙඩියක් ගෙන blend කර මෘදු paste එකක් සදා ගන්න. මෙය මුහුණේ සහ ගෙල ප්‍රදේශයේ ආලේප කර මිනිත්තු 20ක් තියා මඳ උණුසුම් ජලයෙන් සෝදා හරින්න.

සම සිසිල් කර සැහැල්ලු කිරීමට

Yoghurt and watermelon

Greek yoghurt මේස හැඳි 2ක් සහ පැණි කොමඩු කැබැල්ලක් blend කර paste එකක් සදාගන්න. හිරු එළිය නිසා අවර්ණව ඇති මුහුණ සහ ගෙළ ප්‍රදේශයේ හොඳින් ආලේප කර මිනිත්තු 20ක් තියා සිසිල් ජලයෙන් සෝදා හරින්න.

Aloe vera and lemon juice

කෝමාරිකා මදය මේස හැඳි 2 සහ lemon juice තේ හැඳි 2 ක් හොඳින් මිශ්‍ර කර මුහුණේ ආලේප කර මිනිත්තු 20ක් තබා සෝදා හරින්න.

Cucumber and honey

පිරිසිදු කරගත් පිපිඤ්ඤා කැබැල්ලක් blend කර එයට මී පැණි මේස හැන්දක් මිශ්‍ර කරන්න. මේ paste එක මුහුණ සහ ගෙලේ ආලේප කර මිනිත්තු 30කට පසු සිසිල් ජලයෙන් සෝදා හරින්න.

The post ගෙදරදීම හදාගත්ත face pack එකක් දාලා තවත් හැඩ වෙමුද appeared first on Lady.lk | Lady | Women | Lifestyle | Health | Beauty.

වියළි හිසකෙස් වලට

පොඩි කරගත් ඉදුනු කෙසෙල් ගෙඩි 2, යෝගට් මේස හැඳි 2 සහ මී පැණි මේස හැන්දක් බඳුනකට දමා හොඳින් මිශ්‍ර කර මෘදු ආලේපනයක් සදා ගන්න. හිසකෙස් සම්පූර්ණයෙන් ම ගෑවෙන පරිදි ඉහළ සිට පහළට ආලේප කර shower cap එකකින් ආවරණය කර මිනිත්තු 30ක් තබන්න. සාමන්‍ය පරිදි shampoo සහ conditioner භාවිතා කර සෝදා හරින්න.

තෙල් සහිත හිසකෙස්වලට

කෝමාරිකා මදය මේස හැන්දක්, දෙහි යුෂ මේස හැන්දක් සහ මී පැණි මේස හැන්දක් බඳුනකට දමා හොඳින් මිශ්‍ර කර මෘදු ආලේපනයක් සදා ගන්න. හිසකෙස්වල ඉහළ සිට පහළට ආලේප කර shower cap එකකින් ආවරණය කර මිනිත්තු 20 ක් තියන්න. සාමන්‍ය පරිදි shampoo, conditioner දමා සෝදා හරින්න.

Apple cider vinegar කෝප්පයකට මී පැණි තේ හැන්දක් මිශ්‍ර කර spray bottle එකකට දමාගන්න. මෙම මිශ්‍රනය හිසකෙස්වලට spray කර විනාඩි ₁₀ක් තබා මඳ උණුසුම් ජලයෙන් සෝදා හරින්න.

හානි වූ හිසකෙස්වලට

පොඩි කරගත් ඉදුනු කෙසෙල් ගෙඩියක්, පොල්තෙල් මේස හැඳි ₄, glyserin මේස හැඳි ₁ සහ මී පැණි මේස හැඳි ₂ක් බඳුනකට දමා හොඳින් මිශ්‍ර කර මෘදු ආලේපනයක් සාදා ගන්න. සෑම කෙස් ගසකම ගෑවෙන පරිදි ආලේප කර shower cap එකකින් ආවරණය කර මිනිත්තු 30ක් තබන්න. සාමාන්‍ය පරිදි shampoo, conditioner යොදා සෝදා හරින්න.

Dull hair සඳහා

ඉදුණු අලිගැටපේර ගෙඩි ₁, olive oil මේස හැඳි ₁, මී පැණි මේස හැඳි ₁, උකු පොල් කිරි මේස හැඳි 3 මේ සඳහා අවශ්‍ය වෙනවා. මේ අමුද්‍රව්‍ය සියල්ලම හොඳින් මිශ්‍ර කර මෘදු ආලේපනයක් සකස් කරගෙන සෑම කෙස් ගසකම ගෑවෙන පරිදි ඉහළ සිට පහළටම ආලේප කරන්න. Shower cap එකකින් ආවරණය කර මිනිත්තු 30ක් තබා සාමාන්‍ය පරිදි shampoo, conditioner යොදා සෝදා හරින්න.

හිසකෙස් වර්ධනයට

ලොකු ලූණු ගෙඩියක යුෂ, පොල්තෙල් මේස හැඳි 2, දෙහි යුෂ මේස හැඳි ½, මී පැණි මේස හැන්දක් ගෙන බඳුනකට දමා හොඳින් මිශ්‍ර කරන්න. හිස්කබලේ ද ගෑවෙන ආකාරයට හිසකෙස්වල ආලේප කර shower cap එකකින් ආවරණය කර මිනිත්තු 30ක් තියන්න. සාමාන්‍ය ආකාරයට shampoo, conditioner යොදා සෝදා හරින්න.

හිසකෙස් ගැළවීම අවම කිරීමට

බිත්තර කහමදය සහ green tea මේස හැඳි 2ක් ගෙන බඳුනකට දමා මෘදු ආලේපයක්  වනතුරු හොඳින් මිශ්‍ර කරන්න. හිසකෙස් සහ හිස් කබලේ ආලේප කර මිනිත්තු _{15- 20} පසු shampoo යොදා සෝදා හැර conditioner යොදන්න.

Fresh milk සහ මී පැණි මිශ්‍ර mask එකක් යෙදීම මඟින්ද හිසකෙස් ගැලවීම පාලනය වෙනවා

වියළි හිස් කබලට

තල තෙල් මේස හැන්දක් සහ ඉඟුරු යුෂ තේ හැඳි 2ක් හොඳින් මිශ්‍ර කරන්න. මෙය හිස් කබලේ ආලේප කර මිනිත්තු 10ක් පමණ හොඳින් massage කර, තවත් මිනිත්තු 10ක් පමණ උණුසුම් තුවායකින් ආවරණය කර තබන්න. සාමාන්‍ය පරිදි shampoo, conditioner යොදා සෝදා හරින්න.

Bleached hair සඳහා

Olive oil මේස හැඳි 3ක් සහ මී පැණි මේස හැන්දක් බඳුනකට දමා හොඳින් මිශ්‍ර කරන්න. මිශ්‍රනය ගැල්වීමට පෙර shampoo යොදා හිස්කබල සෝදා හරින්න. ආලේපනය හිසකෙස්වල ගල්වා, shower cap එකකින් ආවරණය කර මිනිත්තු 30ක් තබන්න. ඉන්පසු මඳ උණුසුම් ජලයෙන් සෝදා හරින්න.

වර්ණ ගැන්වූ හිසකෙස්වලට

Full- fat mayonnaise sauce මේස හැඳි දෙකක් ගෙන හිසකෙස්වල මුල සිට අගටම ගල්වා shower cap එකකින් වසා මිනිත්තු 20ක් තියන්න. ඉන්පසු සාමාන්‍ය පරිදි shampoo සහ conditioner යොදා සෝදා හරින්න. මෙය frizzy hair සඳහාද සුදුසු ප්‍රතිකර්මයකි.

අගිස්ස පැළුණු හිසකෙස් සඳහා

අලිගැටපේර ගෙඩි බාගයක් සහ olive oil කෝප්ප බාගයක් හොඳින් මිශ්‍ර කර හිසකෙස්වල පැලුණු අගිස්සේ ආලේප කරන්න. විනාඩි 30ක් තබා සාමාන්‍ය පරිදි සෝදා හරින්න

හිස්හොරි සහිත හිසකෙස්වලට

දුඹුරු සීනි මේස හැඳි 2ක් සහ පොල්තෙල් මේස හැන්දක් බඳුනකට දමා හොඳින් මිශ්‍ර කරන්න. Shampoo යොදා සෝදාගත් හිසට මේ මිශ්‍රනය යොදා මිනිත්තු ₁₀–₁₅ක් පමණ තියන්න. ඉන් පසු හොඳින් සෝදා හැර conditioner යොදන්න.

The post කෙස්කළඹ හැඩගන්වන Hair masks appeared first on Lady.lk | Lady | Women | Lifestyle | Health | Beauty.

නාන්න කලින් පීරන්න

නෑමෙන් පසු තෙත කොණ්ඩය පීරනකොට ගැළවෙන සහ කැඩෙන හිසකෙස් ප්‍රමාණය වැඩි බව ඔබට දැනිලා ඇති. මේ තත්ත්වය මඟහැරගන්න නම් නෑමට පෙර හිසකෙස් හොඳින් පීරන්න අමතක කරන්න එපා. නාන අතරතුර වගේම හිසකෙස් වියළනකොටත් ගැළවී යන කෙස් ප්‍රමාණය අඩුවීමට මෙය උපකාරී වෙනවා. ඒ වගේම වියළි හිසකෙස් පීරීමේදී හිස් කබලේ ඇති ස්වභාවික තෙල් හිසකෙස් අතරට යෑමක් සිදුවෙන නිසා සෑම විටම වියළි හිසකෙස් ම පීරීමට වග බලාගන්න කියලා අපි මතක් කරනවා.

ලී පනාවක් පාවිච්චි කරන්න

දිනකට සිය වතාවක් පමණ හිසකෙස් පිරීම මඟින් හිස් කබල හොඳින් සම්බාහනය වීමක් සිදු වෙනවා. හැබැයි මේ සඳහා ස්වභාවික කෙඳි සහිත පනාවක් හෝ ලී පනාවක් භාවිතා කිරීම තමයි වඩාත්ම සුදුසු වෙන්නේ. හිස් කබලෙන් පටන් ගෙන හිසකෙස්වල පහළට යනතෙක් මෘදුව පිරීම මෙහිදී සිදුකළ යුතු වෙනවා.

පිරිසිදුකම හරිම වැදගත්

හිස් කබලේ එකතුවන දාඩිය, කුණු දුහුවිලි සහ තෙල් නිසා හිස්හොරි සැදීමත්, හිසකෙස් ගැළවී යාමත් වේගවත් වෙනවා. මේ තත්ත්වය වළක්වා ගැනීමට නම් දිනපතා ස්නානය අත්‍යවශ්‍ය වෙනවා. මුලින්ම සුදුසු shampoo වර්ගයක් ගෙන එයින් ස්වල්පයක් තෙත් හිස් කබලට යොදා හොඳින් පිරිසිදු කර සෝදා හරින්න. Shampoo යොදා හිසකෙස් ඇතිල්ලීම නම් කිසිසේත්ම සුදුසු වන්නේ නෑ. ඊළඟට සුදුසු conditioner වර්ගයකින් ස්වල්පයක් ගෙන හිස කෙස්වල පමණක් ආලේප කර විනාඩියක් පමණ තබා හොඳින් සෝදා හරින්න. හිසකෙස් මත සහ හිස් කබලේ shampoo හෝ conditioner රැඳී තිබීම කිසිසේත්ම සුදුසු වන්නේ නැහැ. ස්නානයෙන් පසු හිසකෙස් තදින් අතුල්ලා වේලනවා වෙනුවට තෙත මාත්තු කර වේලා ගැනීමටත් අමතක කරන්න එපා. උණුසුම් ජලය වෙනුවට හැකිතාක් සිසිල් ජලයෙන් ම හිසකෙස් සේදීමෙන් හිස්කබලට සහ හිස්කෙස්වලට සිදුවන හානිය අවම වන බවත් සිහිතබා ගන්න කියලා අපි මතක් කරනවා.

දිනපතා ස්නානය කිරීමට අමතරව, තමන් පාවිච්චි කරන towel, කොට්ටය, bed sheet සහ පනාව නිතරම පිරිසිදුව තබා ගැනීමෙනුත් හිසකෙස්වලට වන හානි අවම කරගැනීමට හැකියාව ලැබෙනවා.

Hair masks

හිසකෙස් වර්ණ ගැන්වීම, වියළීම, කෘත්‍රීමව හැඩ ගැන්වීම, යම් යම් ආලේපන ගැල්වීම සහ හිරු එළියට නිරාවරණය වීම වගේ දේවල් නිසා හිසකෙස් පහසුවෙන් ම හානියට පත්වෙනවා. එවැනි හිසකෙස් වලට පෝෂණය ලබා දී, හිසකෙස් යථා තත්ත්වයට පත් කරවන deep conditioning treatment එකක් තමයි hair mask එකක් දැමීමෙන් සිදුවෙන්නේ. තමන්ගේ හිසකෙස්වල ස්වභාවයට ගැළපෙන ස්වභාවික ද්‍රව්‍ය යොදාගෙන සකස් කරගත් mask එකක් දැමීම හෝ saloon එකකින් මේ සත්කාරය කරගැනීමට ඔබට හැකියාව තියෙනවා. ඒ වගේම සතියකට වතාවක් මෙය සිදු කිරීම ප්‍රමාණවත් වෙනවා.

කොණ්ඩය කපන්න බය වෙන්න එපා

කොණ්ඩය කෙටි කිරීමට අකමැති නම් සති හයකට හෝ අටකට වතාවක් කොණ්ඩය trim කිරීමට හෝ අවධානය යොමු කළ යුතු වෙනවා. කොණ්ඩය අගිස්ස පැලී ඇතිනම් හිසකෙස්වලට එයින් සිදු වන හානිය සහ අවලස්සන බව වළක්වා ගැනීමට මෙය උපකාරී වෙනවා නොඅනුමානයි.

කොණ්ඩෙට ගැළපෙන නිෂ්පාදන තෝරාගන්න

තමන්ගේ හිස කෙස්වල ස්වභාවයට ගැළපෙන රූපලාවණ්‍ය නිෂ්පාදන තෝරාගැනීමට විශේෂ අවධානයක් යෙදිය යුතු වෙනවා. වියළි බව, තෙල් සහිත බව, හිසකෙස්වලට සිදුකර ඇති වෙනත් රූපලාවන්‍ය සත්කාර, හිස්හොරි ඇතුළු වෙනත් සමේ රෝග  වගේ සියලුම දේ සළකා බලා, කොණ්ඩයට අහිතකර රසායනික ද්‍රව්‍ය අවම වර්ගවලින් නිෂ්පාදන තෝරා ගැනීමටත් අමතක කරන්න එපා.

පෝෂණය අත්‍යවශ්‍යයි

ප්‍රෝටීන්, යකඩ, විටමින් ඇතුළු සියලු පෝෂ්‍ය පදාර්ථ ඇතුළත් සමබල ආහාර වේලක් ගැනීමත්, හොඳින් ජලය පානය කිරීමත් හිසකෙස් ඇතුළු මුළු ශරීරයේම නිරෝගි බව වර්ධනය කරවන හේතුවක් විදියට පෙන්වන්න පුළුවන්. ඔබ කොයි තරම් රූපලාවණ්‍ය සත්කාර කළත්, සමබල ආහාර වේලක් සහ ජලය නිසි පරිදි ලබා ගන්නේ නැත්නම් හිසකෙස් දුර්වල වී ගැළවී යාම ඉක්මන් වෙනවා.

මානසික සහනය

මානසික පීඩා සහ නිදි වැරීම වගේ හේතු නිසා ශරීරයට සිදුවන හානිය හිස්කෙස් වලටත් ඍජුවම බලපානවා. මේ නිසා හිසකෙස් ගැළවී යෑම සහ සුදු වීම වගේ තත්ත්වයන් ඉහළ යන්නට ඉඩ තියෙනවා. එවැනි අවස්ථාවලදී නිසි පරිදි වෛද්‍ය උපදෙස් ලබාගෙන ඒ අනුව ක්‍රියාකිරීම ඔබගේ හිසකෙස්වලට විතරක් නෙවෙයි සම්පූර්ණ කයට සහ මනසටත් විශාල සහනයක් වෙනවා නොඅනුමානයි.

රූපලාවණ්‍ය සත්කාර සහ වෛද්‍ය උපදෙස් ලබාගැනීම

මාසයකට හෝ දෙකකට වරක් තමන්ගේ රුචිය පරිදි හිසකෙස් වර්ණ ගැන්වීම, hair cut එක වෙනස් කිරීම, හිස්කබල massage කිරීම හෝ hair mask යෙදීම වැනි දේවල් කිරීමට මැළිවන්නට එපා කියන කාරණය අපි ඔබට මතක් කරනවා. ඔබ සැළකිලිමත් විය යුතු වෙන්නේ කොණ්ඩයට හානියක් සිදු නොකරන පළපුරුදු සහ නිසි සුදුසුකම් සහිත රූපලාවණ්‍ය ශිල්පිනියකගෙන් මේ දේ සත්කාර සිදු කරගැනීම පිළිබඳව පමණයි. විශේෂයෙන් ම, හානි වූ හිසකෙස් වලට සිදුකරන keratin seal treatment එකකින් හිසකෙස්වලට සුන්දරත්වය වගේම මනා පෝෂණයකුත් ලැබෙන නිසා එවැනි සත්කාර සිදු කරගැනීමට උත්සහයක් දැරීම පාඩුවක් වන්නේ නම් නැහැ.

අනෙක් අතට, ඔබට හෝ රූපලාවණ්‍ය ශිල්පිනියකට පිළිසකර කරන්නට බැරි තරම් කොණ්ඩයට හානි වී ඇත්නම්, අධිකව හිසකෙස් ගැළවෙනවා නම් හෝ හිසේ සම පිළිබඳව ගැටළුවක් ඇත්නම් අනිවාර්යයෙන් ම වෛද්‍ය ප්‍රතිකාර ලබා ගැනීමට යොමුවෙන්න කියන කාරණයත් අපි ඔබට අවධාරණය කරනවා.

The post කරදරකාරී කෙස් කළඹට සමු දෙන්න appeared first on Lady.lk | Lady | Women | Lifestyle | Health | Beauty.

සාමාන්‍යෙන් දවසට දෙවතාවක් face wash හෝ cleanser එකක් පාවිච්චි කරලා පිරිසිදු කළත් එයින් සම්පූර්ණයෙන් මුහුණ පිරිසිදු වෙනවා කියලා කියන්න අමාරුයි. මොකද දිනපතා හිරු එළියට නිරාවරණය වීමෙන් ඇතිවෙන අවපැහැ ගැන්වීම්, දාඩිය, කුණු දුහුවිලි, සමේ මතුපිට ඇති අමතර තෙල් ගතිය, pigmentations, blackheads/ whiteheads සහ makeup වගේ දේවල් මේ දිනපතා කෙරෙන සාමන්‍ය පිරිසිදු කිරීම් වලින් මුළුමනින්ම ඉවත්වෙලා යන්නේ නැහැ. මේ නිසා කාලයක් ගතවෙනකොට පහසුවෙන්ම සම දුර්වර්ණ වීමට ලක්වෙනවා. එවැනි තත්ත්වයකට ඔබේ මුහුණ පත්වීමෙන් වළක්වා ගැනීමට නම්  අවම වශයෙන් සති දෙකකට වරක්වත් නිවසේදී මෙවැනි clean up එකක් කරන්න සිදුවෙනවා.

Cleansing

මුහුණ සෝදා, තමන්ගේ සමේ ස්වභාවයට ගැළපෙන cleanser වර්ගයක් මුහුණ සහ ගෙළ ප්‍රදේශය පුරා තවරා, මෘදුව සහ කවාකාරව පිරිමදින්න. මඳ උණුසුම් ජලය ස්වල්පයකින් ඇඟිලි තෙමා ගනිමින් විනාඩි 5ක් පමණ මේ ආකාරයට පිරිසිදු කිරීම කරන්න අවශ්‍ය වෙනවා. ඉන්පසු මඳ රස්නයක් ඇති වතුරින් මුහුණ හොඳින් සෝදා හරින්න. අවසානයට සම්පූර්ණයෙන් තෙත් ගතිය ඉවත් නොවෙන ආකාරයට පිරිසිදු towel එකකින් මුහුණ මෘදුව පිසදා හරින්න. මුහුණ සම්පූර්ණයෙන් වියළි නොවී තිබීම ඊළඟ පියවරේදී අත්‍යවශ්‍ය වෙනවා. මේ ආකාරයට cleanse කිරීමෙන් මුහුණේ ඇති make up, දුහුවිලි සහ දහදිය වගේ අපද්‍රව්‍ය ඉවත්වීම සිදුවෙනවා.

Steaming

ඔබ සතුව facial steamer එකක් නැතිනම් උතුරාගත් උණුවතුර සහිත භාජනයක ආධාරයෙන් මුහුණ steam කරගන්න. මුහුණේ සිට අඩියක පමණ දුරකින් ජල බඳුන තබා, towel එකකින් හිස ආවරණය කරගෙන  විනාඩි 5-10 ක පමණ කාලයක් steam කිරීම ප්‍රමාණවත් වෙනවා. ඉන්පසු blackheads remover එකක් භාවිතා කර blackheads සහ whiteheads ඉවත් කිරීම සිදුකළ යුතු වෙනවා. මුහුණේ ඇති විෂ ද්‍රව්‍ය ඉවත් වී හොඳින් පිරිසිදු වීම සහ clean up එකේ ඉදිරි පියවරවලට මුහුණේ සම සූදානම් වීම මෙයින් සිදු වෙනවා.

Scrubbing

සමේ ස්වභාවයට ගැළපෙන face scrub වර්ගයක් ගෙන මුහුණ සහ ගෙල පුරා තවරා මෘදුව සහ කවාකාරව පිරිමදින්න. ඇස් වටා scrub කිරීමෙන් වළකින්න. තදින් පිරිමැදීමේදී මුහුණේ සමට හානි වීමට ඉඩ ඇති නිසා මඳ රස්නය වතුර ඇඟිලිවල තවරා ගනිමින් විනාඩි 5ක පමණ කාලයක් පුරාවට සෙමින් පිරිමඳින්නට අමතක කරන්න එපා. ඉන්පසු මඳ උණුසුම් ජලයෙන් මුහුණ හොඳින් සෝදා මෘදුව පිස දමන්න. Scrub කිරීම මඟින් සම මතුපිට ඇති මැරුණු සෛල, blackheads/ whiteheads සහ සමට තදින් බැඳුණු කුණු දුහුවිලි ඉවත් වී සම පැහැපත් වීමක් සිදු වෙනවා.

Face pack එකක් යෙදීම

සුදුසු face pack වර්ගයක් ගෙන ඒකාකාරී ලෙස මුහුණ සහ ගෙළ ප්‍රදේශයේ ආලේප කරන්න. විනාඩි 20-30ක් පමණ කාලයක් තබා ඝන වූ පසු සීතල ජලයෙන් සෝදා හැර පිරිසිදු තුවායකින් තෙත මාත්තු කරන්න. Face pack එකක් යෙදීම මඟින් සමේ මෘදු බව සහ පැහැපත් බව වර්ධනය වීමක් සිදු වෙනවා. හැබැයි face pack එකක් තෝරා ගන්නකොට තමන්ගේ සමේ ස්වභාවයට ගැළපෙන වර්ගයක් තෝරාගැනීම අත්‍යවශ්‍ය වෙනවා. ස්වභාවික අමුද්‍රව්‍ය එකතුකරලා තමන්ට කැමති විදියට විවිධාකාර Face pack වර්ග හදාගන්නත් පුළුවන්.

Toner

ඉහත සඳහන් කළ සියලුම පියවරවල දි විවෘත වූ සමේ සිදුරු නැවත වැසීම, සමේ තෙතමනය සහ pH අගය රඳවා තබා ගැනීම සඳහා toner ආලේප කිරීම අත්‍යවශ්‍ය වෙනවා. මිලට ගත් toner වලට අමතරව ස්වභාවික toner වර්ග වන කෝමාරිකා, ice water හෝ rose water වුණත් කැමතිනම් පාවිච්චි කරන්න පුළුවන්.

Moisturizer

සුදුසු moisturize lotion එකක් හෝ gel වර්ගයක් තෝරාගෙන මුහුණ සහ ගෙළ ප්‍රදේශයේ තැවරීම අවසාන පියවර වශයෙන් හඳුන්වන්න පුළුවන්.

The post නිවසේදීම Clean up එකක් කරගන්නා ආකාරය appeared first on Lady.lk | Lady | Women | Lifestyle | Health | Beauty.