විරුද්ධ අදහස්වලට කුපිත වීම

සමහර පුද්ගලයින් ඔවුන්ගේ අදහසට විරුද්ධ අදහස් පළකරන අයට හරිම rude විදියට තමයි ප්‍රතිචාර දක්වන්නේ. බොහොම සාමකාමීව ගෙනියන්න පුළුවන් සංවාදයක් වුණත් වැරදි තැන්වලින් අල්ලාගෙන personally attack කරන්න පවා මේ අය යොමුවෙනවා. එහෙමත් නැත්තන් කල්ලි ගැහිලා තව කෙනෙක්ව troll කරන්න උත්සහ කරනවා. විවෘතව සහ සානුකම්පිතව සමාජය දිහා බලන්න හුරුවෙලා ඉන්න පුද්ගලයින්ට මේ වගේ අයව පෙනෙන්නේ, ආශ්‍රයට නුසුදුසු toxic පුද්ගලයින් විදියටයි. ඉතින් ඔබත් සමාජ මාධ්‍ය වගේ පොදු තලයක තමන්ගේ අදහස් ප්‍රකාශ කරනවා නම් තමන්ට පක්ෂ අදහස්වලට වගේම විරුද්ධ අදහස්වලටත් සාමකාමීව ප්‍රතිචාර දක්වන්න සහ අනෙක් සමඟ healthy conversation එකක් ගෙනියන්න උත්සහ කරන්න කියලා අපි මුලින්ම සිහිපත් කරනවා.

පෞද්ගලික තොරතුරු හෙළිකරන්නේ හරිම ප්‍රවේශමෙන්

ඔබ දකිනවා ඇති සමහර facebook groups ඇතූලේ පළවෙන posts වල තමන්ගේ නිවස ඇතුළත පින්තූර, නිවසේ ආරක්ෂක පද්ධතිය, නිවැසියන්ගේ විස්තර ඇතුළු සෑම දෙයක්ම ගැන විස්තර පළ කරලා තියෙනවා. මේ වගේ අතිශය පෞද්ගලික තොරතුරු සමාජයට නිරාවරණය කිරීම නිවැසියන්ට සහ නිවසේ ආරක්ෂාවට එතරම් සුදුසු නෑ කියලයි අපි නම් හිතන්නේ. ලිපිනය, දුරකථන අංක, දරුවන්ගේ පාසල, පන්තිය, තමන් නිවසින් බැහැරව සිටින දින වකවානු, වත්කම් පිළිබඳ විස්තර ඇතුළු තමන්ගේ පෞද්ගලික තොරතුරු පිටස්තරයන්ට හෙළි කිරීම ඉතාමත් අවදානම් කටයුත්තක් වනවා. ඒ වගේම තමයි, තමන්ගේ හිතමිතුරන්ගේ තොරතුරු හෝ වෙනත් අයගේ කුඩා දරුවන්ගේ පින්තූර වැනි දෑ අවසරයකින් තොරව සමාජ මාධ්‍ය වෙත හෙළි කිරීමත් කිසිසේත්ම සුදුසු වන්නේ නැහැ. තමන් සම්බන්ධ යම්කිසි තොරතුරක් හිතවතෙක් සමඟින් හුවමාරු කරගන්නට අවශ්‍ය නම් personal message එකක් හරහා මිස comment section එකේ සඳහන් කරන්නට හුරු වෙන්න කියලත් අපි සිහිපත් කරනවා.

නිරවද්‍ය තොරතුරු පමණක් බෙදාහදා ගන්න

තමන් දකින ඕනෑම දෙයක් කිසිම සෙවීමකින් බැලීමකින් තොරව share කරන්නන් ගැන එතරම් විශ්වාසයක් තියාගන්න නම් අමාරුයි. අන්තර්ජාලය හරහා තොරතුරු පැතිරීමට ගතවන්නේ ඉතාමත් සුළු කාලයක් නිසා ඔබ යම්කිසි තොරතුරක් share කරනවා නම් ඊට පෙර එහි නිවැරදි බව සහ නීත්‍යානූකූල බව ගැන හොඳින් සොයා බැලීම සහ විශ්වාස කටයුතු මාර්ගයකින් තහවුරු කරගැනීම වැදගත් වෙනවා. දේශපාලනය, ලෙඩ රෝග, නීතිය, මරණ, ත්‍රස්තවාදී තර්ජන, ආගම වැනි ඕනෑම මාතෘකා සම්බන්ධ තොරතුරු, විශේෂයෙන්ම ආන්දෝලනාත්මක තොරතුරු සෙවීමකින් බැලීමකින් තොරව හුවමාරු කිරීම එක්තරා විදියකට සමාජය තුළ වෛරී අදහස් පැතිරවීමට පවා දායකත්වය දක්වන්නට ඉඩ තියෙනවා.

හානිකර අවස්ථාවලදි ක්‍රියාත්මක වන්න

යම්කිසි පුද්ගලයෙක් ඔබට හෝ තවත් අයෙකුට තර්ජනය කරනවා නම්, ඔබ පළකල තොරතුරක්, බුද්ධිමය දේපලක් හෝ ඡායාරූපයක් අනිසි ලෙස භාවිතා කරනවා නම්, දිගින් දිගටම කරදරකාරී ලෙස හැසිරෙනවා නම් එයට විරුද්ධ වෙන්නට පසුබට වෙන්න එපා. පහතින් සඳහන් වන්නේ ශ්‍රී ලංකා පරිගණක හදිසි ප්‍රතිචාර සංසද සම්බන්ධීකරණ මධ්‍යස්ථානයේ වෙබ් අඩෙවි ලිපිනයයි. ඔබට ගැළුවක් ඇතිවූ අවස්ථාවක ඒ සමඟ සම්බන්ධ වී විසඳුමක ලබාගැනීමට හැකියාව තියෙනවා.

https://www.cert.gov.lk

අන් අයව judge කිරීම

අනෙක් අයගේ ජීවිත ගැන හරිහැටි නොදන්නා අපි ඒ අයගේ තීන්දු තීරණ, ක්‍රියාකලාපයන් ගැන විවේචන සිදු කිරීම කිසිම ආකාරයකින් සාධාරණයි කියලා අපි හිතන්නේ නැහැ. හැබැයි යම් කෙනෙක් සිදු කරන යම් ක්‍රියාවක් ඔහුට හෝ සමාජයට හානිකර නම් ඔබට ඒ සඳහා යම් ක්‍රියාමාර්ගයක් ගැනීමේ හැකියාව තියෙනවා. උදාහරණයක් විදියට ළමා හිංසනය, මත්කුඩු ප්‍රචාරණය වැනි යමක් සිදුවෙනවා නම් නොදැක්කා සේ සිටීම වගකීම් සහගත පුරවැසියෙකුගේ යුතුකම විදියට අපි හිතන්නේ නැහැ. මේ නිසා තමන් මැදිහත් වොය යුතු අවස්ථා සහ නොයුතු අවස්ථා බුද්ධිමත්ව කල්පනා කරලා අවස්ථානුකූලව ක්‍රියාත්මක වෙන්න කියලා අපි සිහිපත් කරනවා.

රැවටෙන්නෙපා

මුදල් එකතු කිරීම්, සීට්ටු දැමීම්, භාණ්ඩ අලෙවි කරන්නන්

ඕනෑවට වඩා ඕනෑ ම නැහැ

දුක්බර සිදුවීම් සහිත posts, online ඇනුම්පද, gossips, ආගමික කරුණු හා ද්වේෂ සහගත ප්‍රකාශ, දැකීමට ප්‍රියජනක නොවන සිදුවීම්, දේශපාලන පක්ෂවලට ගැති තොරතුරු, තමන්ට ඇති හැකි දේවල් පිළිබඳ පුරාජේරු වගේ ඕනෑම දෙයක් තමන්ගේ ගිනුමේ පළකිරීම ඕනෑම අයෙකුගේ අයිතිය බව අපි පිළිගන්නවා. නමුත් දිගින් දිගටම තමන්ගේ ගිනුමේ මෙවැනි දෑ පළකිරීම එතරම් ප්‍රියජනක නැති බවත් කිව යුතුම වෙනවා. අපි සමාජ මාධ්‍ය සමඟ එක්වන්නේ සමාජය සමඟ මුසු වීමට නිසා එය වඩා සතුටක් සහ සැනසීමක් ගෙන දෙන ආකාරයට සිදු කිරීමට උත්සහ කරන්න කියලා අවසන් වශයෙන් අපි සිහිපත් කරනවා.

The post සමාජ මාධ්‍ය භාවිතයේදී සැළකිලිමත් විය යුතු කරුණු මොනවා ද appeared first on Lady.lk | Lady | Women | Lifestyle | Health | Beauty.

Jim Carrey

මේ වන විට චිත්‍රපට 42 කට, tv series 17 කට සහ documentaries 16 කට සහභාගීත්වය ලබා දී ඇති jim Carrey උපත ලබා ඇත්තේ කැනේඩියානු ජාතිකයෙකු විදියටයි. සහෝදර සහෝදරියන් තිදෙනෙක් සමඟ හැදී වැඩුණු මොහුට පවුලේ අගහිඟකම් නිසාම ඉගෙනීම අතහැර රැකියාවක නිරත වන්නට සිදුවෙන්නේ වයස අවුරුදු 15 දියි. ජීවත් වන්නට නිවසක් නොතිබීම නිසා තමන්ගේ පවුලට van රථයක් තුළ ජීවත් වන්නට පවා සිදුවුණු බවත් ඔහු පසුව හෙළිකර තියෙනවා. කොහොම වුණත්, නළුවෙක්, නිෂ්පාදකවරයෙක්, රචකයෙක් සහ comedian කෙනෙක් වශයෙන් ක්‍රියාකරමින් ඩොලර් බිලියන 2.5ක දළ වත්කමක් උපයාගන්නට සමත්වූ ඔහුට ලොව පුරා රසිකයින් බොහෝ පිරිසකගේ ආදරය දිනා ගන්නටත් හැකියාව ලැබි තියෙනවා. 

Oprah Winfrey

මිසිසිපි ආශ්‍රිත දුෂ්කර ගමක පිහිටි තම ආච්චි අම්මාගේ ගොවිපළේ තමන්ගේ කටුක ළමා විය ගතකළ ඇය ඉන් පසුව ස්ථීර වාසයක් නොමැතිව ස්ථාන කිහිපයකම ජීවත්ව ඇති බව පැවසෙනවා. ලිංගික අඩන්තේට්ටම්, අඟහිඟකම් සහ නොයෙකුත් දුෂ්කරතාවලට මුහුණ දී පසුකාලීනව තමන්ගේ අධ්‍යාපනය අතරමඟ නවතා දමා මාධ්‍යවේදිනියක් විදියට සේවය කරන්නට යොමුවන Oprah මේ වන විට ධනවත්ම self-made කාන්තාවන් අතර ඉහළම තැනක වැජඹෙන්නට සමත්ව සිටිනවා. ව්‍යවසායිකාවක් හා වැඩසටහන් ඉදිරිපත් කරන්නියක් විදියට ඉමහත් ජනප්‍රියත්වයක් හිමි කරගෙන ඇති ඇයගේ දළ වත්කම ඩොලර් බිලියන 2.6ක් වශයෙන් සඳහන් වෙනවා.

Howard Schultz

වසර ගණනාවක් මුළුල්ලේම ලෝක ප්‍රසිද්ධ starbucks ආයතනයේ CEO තනතුර දැරූ Howard Schultzගේ දළ වත්කම ඩොලර් බිලියන 4.3ක් පමණ වන බව කියැවෙනවා. සාර්ථක පුද්ගලයෙකු බවට පත්වීම සඳහා තමන්ට උත්තේජනයක් වූයේ, තමන්ගේම දෙමව්පියන් ජීවත් වීම ගෙනගිය අරගලය සහ ඔවුන්ගේ දිළිඳුකම බවත්, ඔහුගේ පවුලෙන් උපාධියක් හිමි කරගන්නට තරම් අධ්‍යාපනයක් ලත් පළමු තැනැත්තා තමන් වූ බවත් ඔහු පසුව සඳහන් කර තියෙනවා.

Stephen King

Horror ගණයට අයත් නවකතා ලියා පළකිරීම  මඟින් ඉමහත් ප්‍රසිද්ධියක් අත් පත් කරගෙන සිටින මෙම වියපත් ලේඛකයාගේ දළ වත්කම මේ වනවිට ඩොලර් මිලියන 500ක් පමණ වනවා. ඒ වගේම තමයි “King of horror” වශයෙන් විරුදාවලියකුත් හිමි කරගෙන සිටින ඔහුගේ පොත් පිටපත් මිලියන 350ක් පමණ විකිණි තිබීම සුවිශේෂී කරුණක් විදියට පෙන්වන්න පුළුවන්. කොහොම වුණත් ඔහු කුඩා කාලයේදීම මව්පියන් එකිනෙකාගෙන් වෙන් වීමත්, ආර්ථික දුෂ්කරතාවලට මුහුණ දීමට සිදුවීම නිසාත් ඔහුගේ ළමාවියත් එතරම් සතුටුදායක එකක් නම් නොවූ බවටයි සඳහන් වෙන්නේ.

Charlize Theron

අගහිඟකම් සහ අඬ දබර වලින් පිරුණු පවුලක උපත ලැබූ මේ සුරූපි නිළිය කුඩා කාලයේදි දැඩි ලෙස කායිකව හා මානසිකව පීඩනයට පත්වූ තැනැත්තියක් ව සිටි බව පැවසෙනවා. ඇය ලැබූ නරකම අත්දැකීම වශයෙන් හඳුන්වා ඇත්තේ ආත්ම ආරක්ෂාව වෙනුවෙන් ඇයගේම මව විසින් ඇගේ පියාව ඝාතනයට ලක් කිරීමයි. ලොව පුරා කෝටි සංඛ්‍යාත රසික පිරිසකගේ ආදරයට පත්වූ සහ ප්‍රධාන පෙළේ සම්මාන කිහිපයකින්ම පිදුම් ලැබූ ඇයගේ දළ වත්කම ඩොලර් බිලියන 160ක් පමණ වනවා.

Celine Dion

සුප්‍රකට Titanic චිත්‍රපටයේ තේමා ගීතය ගායනා කළ ඇයගේ දළ වත්කම ඩොලර් මිලියන 800ක් වශයෙන් සඳහන් වෙනවා. සහෝදර සහෝදරියන් 13 දෙනෙක්ගේ බාලම සොයුරිය වශයෙන් උපත ලැබූ ඇයගේ ළමා විය අගහිඟකම්වලින් ගහණ එකක්ව පැවතුණු අතර පසුකාලීනව එම තත්ත්වයෙන් ඔවුන් මිදුනේ Celin ගෙන් ලද සහය නිසා බවත් කියැවෙනවා.

Jan Koum

උපතින් යුක්‍රේන ජාතිකයෙක් වන මොහු වයස අවුරුදු 16 දි ඇමෙරිකාවට සංක්‍රමණය වී තියෙනවා. ජීවත් වීමට තරම් ආදායමක් සොයාගැනීම සඳහා කඩ සාප්පුවල බිම පිරිසිදු කිරීම පවා සිදුකළ Koum තමන්ගේම උත්සහයෙන් පරිඝනක විද්‍යාව හැදෑරූ පුද්ගලයෙක් වශයෙන් සඳහන් වෙනවා. පසුව 2009 වර්ෂයේදී WhatsApp නිර්මාණය සඳහා දායකත්වය ලබා දුන් මොහුගේ දළ වත්කම මේ වනවිට ඩොලර් බිලියන 12ක් පමණ වන බව කියැවෙනවා.

The post කටුක ළමා වියක් ගෙවා පසුව සාර්ථකත්වයට පත් වූ පුද්ගලයින් appeared first on Lady.lk | Lady | Women | Lifestyle | Health | Beauty.

Flo- Period tracker

හැම මාසෙකම Period dates අමතක වෙලා අමාරුවේ වැටෙනවා නම් මේ app එක දාගන්න එක තමයි සුදුසුම දේ වෙන්නේ. ඊට අමතරව ඔබ ඇවිදින දුර ප්‍රමාණය මැනගන්න, ඔබේ බර සහ වෙනත් health issues ගැන තොරතුරු සටහන් තබාගන්නත් Flo ඔබට සහයෝගය ලබාදේවී.

Calm

කලබලකාරී දිනයක් අවසානයේ මනස සන්සුන් කරගෙන, සැහැල්ලුවෙන් හොඳ නින්දක් නිදාගන්න අවශ්‍යයි නම් Calm application එක ඔබේ phone එකට install කරගන්න කියලා අපි යෝජනා කරනවා. විවිධාකාර sleep stories, meditation guides, relaxing music, breathing programs, nature sounds සහ nature scenes ඇතුළත් මේ app එක මිලියන 10ටත් අධික පරිශීලකයන් සංඛ්‍යාවක් විසින් download කරගෙන තියෙනවා කියලයි සඳහන් වෙන්නේ.

Nike training club

තමන්ගේ සිරුර හැඩට සහ නිරෝගීව තියාගන්න කැමති සුන්දර ඔබට මේ app එක විශාල සහයෝගයක් වනවා නොඅනුමානයි. Nike application එක හරහා Yoga sessions සහ body workouts 200ට අධික සංඛ්‍යාවක් නොමිලේම ලබාදෙන අතර මේවා design කර ඇත්තේ top- class Nike fitness trainers ලා විසින් බව කියැවෙනවා.

Wattpad

ඔබ පොත් කියවීම ප්‍රිය කරනවා නම් ඊට අමතරව ලිවීමටත් බලාපොරොත්තුවක් තියෙනවා නම් wattpad හරහා ඒ කාර්‍යන් දෙකම ඉටු කරගන්නට ඉඩ ලැබේවි. සම්පූර්ණයෙන් ම නොමිලේ සේවය සපයන මෙම app එකේ account එකක් open කරලා පොත් කියවීමට අමතරව පොත් upload කරන්නටත් පහසුකම තියෙනවා.

Remember The Milk

නොදැනීම වගේ කරන්න තියෙන වැඩ ලැයිස්තුව වැඩිවෙලා, සමහර වැඩ miss වෙලා වගේ නම් මෙන්න මේ වගේ to-do list app එකක් install කරගන්න එක තමයි වඩාත්ම සුදුසු දෙය වෙන්නේ. List එකේ තියෙන එකම වැඩක්වත් miss කරගන්නේ නැතුව හරියට වෙලාවට සම්පූර්ණ කරගන්න remember the milk application එක ඔබට කදිම සහයෝගයක් ලබාදේවී.

Etsy

Unique and handmade gift items මිලට ගන්න අවශ්‍යයි නම් හොඳම තැන තමයි Etsy කියලා කියන්නේ. ඉතාමත් අලංකාර සහ තෝරාගැනීම් රාශියක් සහිත මේ online store එකෙන් භාණ්ඩ මිලට ගන්න කලින් ඔබට අවශ්‍යයි නම් shop owners ලා එක්ක සාකච්ඡා කරන්න වගේම ඔබේ order status එක track කරන්න වුණත් හැකියාව තියෙනවා.

Mint

තමන්ගේ ආදායම් වියදම් ගැටළුවකින් තොරව සාර්ථකව පවත්වාගෙන යන්න කැමති ඔබට මේ app එක මඟින් විශාල සහයෝගයක් ලැබෙයි කියලා අපි හිතනවා. අනවශ්‍ය වියදම් අවම කරගැනීම, saving goals වලට පහසුවෙන්ම ලඟා වීම, කලට වෙලාවට bill ගෙවීම සහ budget planning වගේ කාර්‍යන් මේ හරහා පහසු කරවා ගන්නට ඔබට හැකියාව තියෙනවා.

SOS Stay safe

මෙය personal safety app එකක් විදියට තමයි හඳුන්වන්න පුළුවන්කම තියෙන්නේ. ඔබට අනතුරුදායක අවස්ථාවලදි, ඔබ විසින් නම් කරනු ලැබූ සමීපතමයින් වෙතට ඔබ සිටින ස්ථානය සහ battery status පිළිබඳව තොරතුරු sms, email හෝ voice recording පණිවිඩයක් මඟින් යවන්නට මෙමඟින් හැකියාව ලැබෙනවා. සිදුකළ යුතු වන්නේ සරල phone-shake එකක් විතරයි.

Snapchat

හිතවතුන් එක්ක හුවමාරු කරගන්න photos සහ short videos තවත් හැඩ වැඩ දාලා ලස්සන කරගන්න කැමති නම් ඒකට හොඳම app එක තමයි මේ තියෙන්නේ. filters, effects, text captions සහ drawings වගේ features ගණනාවක්ම තියෙන Snapchat app එකේ විවිධාකාර lenses, friend emojis, stickers වගේ පහසුකමුත් අඩංගු වෙනවා.

Skin Bliss

ඔබ භාවිතා කරන cosmetics වර්ගයේ තත්ත්වය සහ ඔබට ගැළපෙන cosmetics වර්ග  හඳුනාගන්නට මේ app එක උපකාරයක් වෙයි කියලා අපි හිතනවා. Cosmetics products 30000ට අධික සංඛ්‍යාවක් පිළිබඳව තොරතුරු අඩංගු data base එකක් තිබීම සහ ඔබට allergic විය හැකි නිෂ්පාදන ගැනත් දැනුවත් වීමට හැකි වීම අමතර වාසියක් විදියට පෙන්වන්න පුළුවන්කම තියෙනවා.

The post මේ apps ඔබේ phone එකටත් දාගෙනද තියෙන්නේ appeared first on Lady.lk | Lady | Women | Lifestyle | Health | Beauty.

මාග්‍රට් තැචර් (Margaret Thatcher) 

1925 වසරේ ඔක්තෝබර් 13 වෙනිදා උපන් මාග්‍රට් ත්‍රැචර් “Iron Lady” කියන අන්වර්ථ නාමයෙන් හඳුන්වන අතර ඇය වසර 11ක් පුරාවට එක්සත් රාජධානියේ අගමැති ධූරය හොබවමින් තම ජාතියට සේවය කළා. රසායන විද්‍යාව පිළිබඳ උපාධිදාරිනියක්, අධි නීතීඥවරියක්, පාර්ලිමේන්තු සභිකාවක් වූ ඇය එරට පාර්ලිමේන්තුවේ ප්‍රධාන විපක්ෂයක් මෙහෙයවූ ප්‍රථම කාන්තාව වශයෙන් ද සැළකෙනවා. රටේ ආර්ථිකය නැංවීමට ඉමහත් වෙහෙසක් දැරූ නායිකාවක් ලෙස නම් දැරූ මාග්‍රට් ත්‍රැචර් 1990 දි තම දේශපාලන දිවියෙන් සමුගන්නවා. ආගමික දේශකයෙකු වූ පියා විසින් කුඩා අවධියේ දී දැඩි ආගමානූකූව ඇති දැඩි කිරීමට උත්සහ කළත්, එවැනි දේ ගැන විශ්වාසයක් නොදැක්වූ තැනැත්තියක් වූ ඇය පාසල් කාලයේ දී අධ්‍යාපනයට මෙන්ම විෂය බාහිර ක්‍රියාකාරකම් වලටත් එකසේ දක්ෂතාවය දැක්වූ උද්‍යෝගිමත් තරුණියක් බවට පත්වුණා. 2013 දි මිය ගිය මාග්‍රට් ත්‍රැචර් ලෝක දේශපාලන ඉතිහාසයේ නොමැකෙන ලෙස තම නම සනිටුහන් කරගැනීමට සමත් වූ දේශපාලනික නායිකාවක් වශයෙන් හැඳින්වීමට හැකිවනවා.

මාරි කියුරි (Marie Curie)

1867 වර්ෂයේ නොවැම්බර් මස 7 වැනිදා වැඩිමල් සහෝදර සහෝදරියන් සිව් දෙනෙක්ට පසුව උපත ලැබූ පෝලන්ත ජාතිකයෙක් වන ඇය පසුව ප්‍රංශයට සංක්‍රමණය වුණා. පෝලන්තයේ එවකට පැවති දේශපාලනික තත්ත්වය නිසා ඔවුන්ට පවුලේ දේපළ සියල්ල අහිමිවූ අතර මේ නිසා ඔවුන්ගේ ජීවිත අඟහිඟකම්වලින් පිරුණු ඒවා බවට පත් වුණා. පසුකාලීනව භෞතික විද්‍යාව සහ රසායන විද්‍යාව පිළිබඳව හදාරා සෝබෝන් විශ්ව විද්‍යාලයේ පළමු මහාචාර්‍යවරිය බවට පත්වීමට සමත් වූ ඇය විසින් සිදු කළ පර්‍යේෂණ අතර විකිරණශීලීත්වය පිළිබඳව පර්‍යේෂණ ප්‍රධානකොට සැළකෙනවා. නොබෙල් ත්‍යාගය හිමි කරගත් ප්‍රථම කාන්තාව, නොබෙල් ත්‍යාගය දෙවරක් දිනාගත් ප්‍රථම කාන්තාව, එකිනෙකට වෙනස් විද්‍යා විෂයයන් දෙකකින් නොබෙල් ත්‍යාගය දිනූ ප්‍රථම කාන්තාව වශයෙන් ලෝක ප්‍රකට වූ ඇය 1934 වසරේදී අභාවයට පත්වුණා.

ජේ. කේ රෝලින් (Joanne Kathleen Rowling)

ළමා වැඩිහිටි කවුරුත් ප්‍රිය කරන හැරී පොටර් පොත් පෙළෙහි රචිකාවිය වන ඇය මේ පොත් මාලාව නිසා බිලියනපතිනියක් වූ අතර සාහිත්‍ය ලෝකයේ එවැනි තත්ත්වයක් ලබා ගත් පළමු කතුවරිය ලෙස සැළකෙනවා. තම මවගේ අභාවයත්, හිංසා පීඩා සහිත විවාහයත්, දික්කසාදයත්, කුඩා දියණියක හා තනිවීමත් නිසා මානසික පසුබෑමට ලක්වීමටත්, රැකියා විරහිත බව නිසා ආර්ථික අපහසුතාවලට ලක්වීමටත් සිදුවූ ඇය විශාදයෙන් පීඩා විඳි බව ද ඇය විසින් පසුව හෙළිකරනවා. මුල් ම හැරී පොටර් කෘති වන Harry potter and the philosopher’s’ stone කෘතිය ප්‍රකාශකයින් 12 දෙනෙක් අතින් ප්‍රතික්ශේප වූ නමුත් ප්‍රකාශයට පත්වූ පසු විශාල වශයෙන් විකිණුනු අතර සම්මාන ගණනාවක් දිනා ගැනීමටත් සමත් වුණා. පසුව චිත්‍රපට පිටපත් රචිකාවියක්, චිත්‍රපට නිෂ්පාදිකාවක් සහ රූපවාහිනී වැඩසටහන් නිෂ්පාදිකාවක් වශයෙනුත් ක්‍රියා කළ ඇය තමන් උපයා ගත් ධනයෙන් වැඩි කොටසක් සමාජ සුබසාධනය වෙනුවෙන් යොදවමින් මේ වන විට සාර්ථක ජීවිතයක් ගෙවමින් සිටිනවා. 

රෝසා පාර්ක්ස් (Rosa Parks)

අප්‍රිකානු- ඇමෙරිකානු සම්භවයක් සහිතව උපත ලැබූ රෝසා පාර්ක්ස් වර්ණභේද වාදයට විරුද්ධව නැඟී සිටි සහ කලු ජාතිකයින්ගේ අයිතිවාසිකම් වෙනුවෙන් පෙනී සිටි සමාජ ක්‍රියාකාරිනියක් වශයෙන් ඉතිහාසගත වූ දිරිය කාන්තාවක් වශයෙන් හැඳින්වෙනවා. 1955 දෙසැම්බර් පළමුවැනිදාවක ඇය තමන් ගමන් ගනිමින් සිටි බසයේ තමන් වාඩිවී සිටි අසුන සුදු ජාතිකයෙකුට ලබා දීම ප්‍රතික්ශේප කරන අතර නීති රීතිවලට අවනත නොවීම යන චෝදනාව යටතේ නීතිය ඉදිරියට පමුණුවනු ලබනවා. නීතියෙන් ඇය වැරදිකාරිනියක වශයෙන් නම් කළත් මේ සිද්ධිය අරභයා මොන්ට්ගොමරි නගරයේ වාසය කළ සියලු කලු ජාතිකයින් බස් රථවල ගමන් බිමන් යෑම වර්ජනය කරමින් තමන්ට සිදුවන අසාධාරණයට විරුද්ධව නැඟී සිටිනවා. වසරක් පුරාවට ඇදී යන මෙම වර්ජනය පසුව අවසන් වන්නේ බස් හිමියන් ගෙනගිය අසාධාරණ නීති රීති අහෝසි කරමින් වන අතර තමන් නිර්භීතව ගත් පියවර තම වර්ගයාගේ සුබසිද්ධියට හේතු වන ආකාරය අසමින් දකිමින් 2005 වසරේදී ඇය අභාවප්‍රාප්ත වෙනවා.

එමා වොට්සන් (Emma watson)

සුප්‍රසිද්ධ හැරී පොටර් චිත්‍රපට මාලාවේ හර්මයිනි ග්‍රැන්ජර් විදියට රඟපාන මේ අතිදක්ෂ සහ සුරූපි යුවතිය නිළියක් පමණක් නොව කාන්තා හා ළමා අයිතිවාසිකම් වෙනුවෙන් පෙනී සිටින සමාජ ක්‍රියාකාරිනියක් සහ ඉංග්‍රීසි සාහිත්‍ය පිළිබඳ උපාධිදාරිනියක් ද වෙනවා. තමන් කුඩා අවධියේදී සිදුවූ මව්පියන්ගේ දික්කසාදයත්, දැරියක වශයෙන් පීඩා විඳි ADHD තත්ත්වයත්, කුඩා අවධියේදී ම ලැබූ අසීමිත ජනප්‍රියත්වයත්, ධනයත් තම සාර්ථකත්වයට බාධාවක් කර නොගත් ඇය කැපවීමෙන් සහ උත්සහයෙන් තමන්ගේ සිහින සැබෑකරගන්නට වෙර දරන තරුණ දැරියන්ට සැබෑ ම ආදර්ශයක් වනවා.

The post බාධක මැඩගෙන ලෝකප්‍රකට වූ කාන්තා චරිත 5ක්. appeared first on Lady.lk | Lady | Women | Lifestyle | Health | Beauty.

ක්‍රම වෙනස් කරමු

ගොඩක් අය පාඩම් කරන එක එක ක්‍රම තියෙනවානෙ. සමහරු කට පාඩම් කරනවා. පුරාණ කාලෙ වණ පොත් කරනව කියන්නෙත් මේකටමයි. සමහරු ෂෝට් නෝට්ස් ගහනවා, සමහරු පේපර්ස් කරනවා… මේ විදියට පාඩම් කරන විදිය එකිනෙකාට වෙනස්. ඉතිං අපි කියන්නෙ මේ වෙනස ඇතුළෙත් වෙනසක් කරන්න කියලයි. ඒක මොළයටත් තරමක රිෆ්‍රෙෂ් වීමක් වේවි. ෂෝට් නෝ​ට් එක පාඩම් කරනවා වෙනුවට ෂෝට් නෝට් එකට තව කියවමින් කෙටි කරන්න වගේ නොයෙක් ක්‍රම අනුගමනය කරන්නට පුළුවන්. මේ නිසා ගත කරන කෙටි කාලය වුණත් ප්‍රයෝජනවත් විදියට පාඩම් කරන්නට පුළුවන් වෙනවා.

ෆන් බ්‍රේක් එකක්

මෙහෙම පාඩම් කරන අතරේ කෙටි විවේකයක් ගන්න එකත් මොළයට වැදගත්. මේ කෙටි කාලයෙදි නොකරන්න ඕන දේවල් කිහිපයකුත් තියෙනවා. මේ කෙටි කාලය තුළ දිග ෆිල්ම්, ටීවී සීරීස් වගේ දෙයක් බලන්න ගන්න එපා. විනාඩි පහක විවේකය නොදැනීම විනාඩි තිහක් හතලිහක් වේවි. ඒ වගේම මේ කෙටි කාලය ඇතුළතත් ආයෙත් පාඩම් මතක් කරන්න වගේ දේවල් කරන්න යන්නෙපා. ඒ විනාඩි පහ හිසට විවේකයක් දෙන්න. මුහුණ හෝදාගෙන එන්න. මිදුලේ පොඩ්ඩක් ඇවිදින්න. කෙටි යූටියුබ් වීඩියෝවක් බලන්න. ඒකත් හිතට දුකක් ගේන දෙයක් නැතුව, හාස්‍ය පැත්තට බර වීඩියෝවක් බලන්න. 

පිටි නැති කෑම

රෑ ආහාරයට පාන් පිටි නැති කෑමක් ගන්න පුළුවන් නම් රෑට පාඩම් කරද්දි ඒක ප්‍රයෝජනවත් වේවි. බඩ පුරවා දාපු ගතියක් නොදැනෙන්නට සුප් එකක් හෝ සැලඩ් එකක් ගන්න පුළුවන් නම් මේ වැඩේ ගොඩක් දුරට හරි යනවා. මොකද කොහොමත් ලොකු ආහාරායක් ගත්තම රෑට නිදිමතක් එන්නත් පුළුවන්නෙ. 

දවල්ට නින්දක්

මේකත් හොඳ ට්‍රික් එකක්. සාමාන්‍යයෙන් දවල්ට කෙටි නින්දක් නිදා ගන්න එක රාත්‍රී වැඩ කටයුතු පහසුවෙන් කරගෙන ඉන්න ලොකු උදවුවක්. සාමාන්‍යයෙන් මේක කරන්න හොඳම වෙලාවක් තමයි දවල් 12 සහ සවස 3 අතර කාලය. ඒ ඇයි කියල කිවුවොත් ඒ කාලය තමයි රස්නය වැඩිම වෙලාව. ඉතිං ඒ වෙලාවට මිනිස් සිරුර කාර්යක්ෂම වෙන ප්‍රමාණයත් අඩුයි. ඒ නිසා ඒ වෙලාවට හොඳ නින්දක් නිදාගන්න එක ඉතිරි කාලයේ වැඩ කටයුතු පහසුවෙන් කරගන්න ලොකු උදවුවක් වෙනවා.

නින්ද කැඩෙන පොඩි කෑමක්

මේකත් හොඳ ට්‍රික් එකක්. සාමාන්‍යයෙන් නිදිමතක් දැනෙනවානම් සිරුරට ඒක අමතක කරවන පොඩි කෙටි කෑමක් ලඟ තියාගන්නත් ඔයාට පුළුවන්. ඒක චොකලට් පෙත්තක් වෙන්න පුළුවන්. සියඹලා වගේම සිට්‍රස් තියෙන නාරං හෝ දොඩම් වගේ දෙයක් වුණත් මේ වෙලාවට වැදගත් වෙන්න පුළුවන්.

අඩු කාලෙන් වැඩි වැඩ

මේක තමයි මේ කතාවෙ ප්‍රයෝජනවත්ම දේ. තමුන්ගෙ වැඩ ප්ලෑන් කරගන්න. උදාහරණයකට අද දවසේ කරන දේවල් ටික සහ ඒ පාඩම් ටික අවසන් කරන කාලය ගැන නිශ්චිත මිම්මක් සහ ඉලක්කයක් පාඩම් කරන්න වාඩි වෙන්න කලින් තියාගන්න. මොකද මේක එක දවසක වැඩක් නෙමෙයිනෙ. හෙටත් ඔයා ඇහැරිලා පාඩෙම් කරන්න ඕන. ඒ නිසා අද දවසේ මුළු රෑම ඇහැරිලා වැඩ කරන්න බෑ. මොකද හෙට වැඩ කරන්නත් ඔයාගෙ සිරුරට ජවය අවශ්‍යයි. අන්න ඒ නිසා හොඳ ප්ලෑන් එකකට ඔයාගෙ පාඩම් කරන කාලය සකසාගන්න.

The post රෑට ඇහැරගෙන පාඩම් කරනවානම් මේ ටිප්ස් 7 ප්‍රයෝජනවත් වේවි appeared first on Lady.lk | Lady | Women | Lifestyle | Health | Beauty.

ඇහැට රොඩ්ඩක් ගියොත්

මේක අපි ඕනම කෙනෙකුට සිද්ධ වෙන සුලබම දෙයක්. මොකද එළිපහලියෙදි වගේම ගෙයක් ඇතුළෙදි වුණත් ඇහැකට රොඩ්ඩක් යන්න ඉඩ තියෙනවා. මේ කියන්නෙ විශේෂ යමක් නම් නෙමෙයි. මේක සිහිපත් කිරීමක්. ඇහැකට රොඩ්ඩක් ගිය ගමන් අපි කරන්නෙ අතින් පොඩි කරන එක. ඒක තමයි නොකළ යුතුම දේ. ඇහැකට රොඩ්ඩක් ගියාම ඇහෙන්ම කඳුළු නිපදවෙනවා. ඒ අනිච්ඡානුගව සිද්ධ වෙන ක්‍රියාව නිසා කඳුළු එක්ක රොඩ්ඩ පිටවීමට ඉඩ තියෙනවා. ඒ වගේම කරන්න පුළුවන් එකම දේ තමයි පිරිසුදු ජලයෙන් ඇහැ හෝදන එක. ඇහැ ඇතුළට වතුර බින්දු ඇතුළු වෙන විදියට මේ වැඩේ කරන්න ඕන. ඇහැ කියන්නෙ අපේ ශරීරයට තියෙන සංවේදීම අවයවයක් නිසා, ඉතාම පරිස්සමෙන් මේ දේ සිද්ධ කරන්නත් උවමනායි.

ක්ලාන්තය

අපිට නිතර දකින්නට ලැබෙන සුලබ දෙයක් වුණත් අපි ඕනම කෙනෙක් මේ දේ දුටුවොත් කළබල වෙනවා. මොකද පළවෙනි දේ තමයි අපේ ඔළුවට එන හැඟීම. සාමාන්‍යයෙන් ක්ලාන්තය සුලබ වුනත් මේ ආකාරයෙන් නොසෙල්වී බිම ඇද වැටීම අපේ හිතට ගෙනෙන්නේ මරණයේ හැඟීමක්. ඒ බිය වීම සහ කලබලය නිසා අපේ අතින් යමෙකුට හානියක් වෙන්නටත් පුළුවන්. ඒ වගේම ක්ලාන්තයකින් බිම ඇද වැටුනොත්, ඒ වැටීම නිසාත් අනතුරු සිද්ධ වෙන්න පුළුවන්. මේ නිසා පළමුවෙන්ම බාහිර අනතුරු සිදුවී තිබෙනවාද බැලිය යුතුයි. ඉන් පස්සේ පිරිසක් වට වෙලා බිම වැටුනු කෙනා වට කර ගෙන සිටිනවා වෙනුවට වැටුණු පුද්ගලයාට පහසු ආකාරයකට වාතාශ්‍රය එන ලෙස පුටුවක ඉන්දවිය යුතුයි. ඉන්පස්සෙ ඇඳුම් තරමක් ලිහිල් කරලා මුහුණට වතුර ඉහින්නට හෝ අතට වතුර ටික්ක අරගෙන මුහුණෙහි ගෑමෙන් ක්ලාන්ත තත්ත්වය මගහරවාගන්නට පුළුවන්.

පිච්චුනොත්

පිච්චුනු ගමන්ම සිසිල් වතුරට පිච්චුනු ස්ථානය අල්ලාගෙන ඉන්න. සිසිල් වතුර හොයාගන්න බැරි නම් වතුර කූල් වෙනකං ඉන්නෙ නැතුව ටැප් එකකට  අත අල්ලාගෙන ඉන්න. පොඩි පිලිස්සුමකින් එන දිය බුබුලක් වුණත් මේ ප්‍රථමාධාරය නිසා මගහැරගන්න පුළුවන්. මේක අපිට නිතරම සිද්ධ වෙන්න පුළුවන් කරදරයක්. මුළුතැන්ගෙයි උයන අවස්ථාවකදි වගේම, නිවසින් පිටත සහ උණු වතුර නිසාත් මේ අකරතැබ්බයට මුහුණ පාන්න සිද්ධ වෙන්න පුළුවන්. මේක ජීවිත කාලය පුරාම සිටින කැළලක් වෙන්නටත් පුළුවන්. ඒ වගේම අපි මේ කියන ප්‍රථමාධාරය සුළු පිළිස්සුමකින් ඔබට යම් සහනයක් ගෙනාවත්, තරමක් විශාල පිළිස්සුමකදී නම් ප්‍රථමාධාර වලින් පසුව අනිවාර්යයෙන්ම වෛද්‍යවරයෙකු වෙත යා යුතුමයි. මොකද පිළිස්සුම් වෙනුවෙන් තියෙන ක්‍රීම් වර්ග හැරෙන්නට බිත්තර සාරු, ටූත් පේස්ට් වගේම වෙනින් ගොඩ වෙදකං කරන්නට යෑමෙන් තුවාලය තව වැඩි වෙන්න පුළුවන්.

කැපුනොත්

මේකත් මුළුතැන්ගෙදරදි වගේම එළිමහනෙදිත් සිද්ධ වෙන්න පුළුවන් දෙයක්. කැපීමක් සිද්ධ වෙන සුලබම තැන තමයි අත. අපි මේ කියන ප්‍රථමාධාරය වෙන ඕනම තැනකටත් ඔට්ටුයි. කැපීමක් සිද්ධ වුණාම අපි මූලිකම අවධානය දෙන්න උවමනා වෙන්නෙ ලේ ගලා යාම නවත්වන්න. සාමාන්‍ය කැපුමකදී නම් ලේ කැටි ගැසීම මගින් ස්වභාවිකවම ලේ ගැලීම නවතිනවා. නමුත් විශාල කැපුමක් නම් වෛද්‍යවරයෙක් වෙත ගෙන යන තුරු කැපුණු ස්ථානය හොඳින් සෝදා රෙදි කැබැල්ලකින් තද කරගෙන සිටීම හෝ රෙදි කැබැල්ලක් තද කර බැඳ ගැනීම වැදගත්. මොකද නැවත නැවතත් සිහිපත් කරන්නේ, ලේ යෑම නවත්වා ගැනීමටයි මූලිකම අවධානය යා යුත්තේ.

කැඩු​නොත්

මේ අතරින් තියෙන බරපතලම අනතුරක් තමයි කැඩීම් බිඳීම් කියන්නෙ. මේ අවස්ථාව අනිවාර්යෙන්ම රෝගියාව රෝහල් ගත කළ යුතු අවස්ථාවක්. නමුත් මුළින්ම නොකළ යුතු දේවල් කිහිපයක් තියෙනවා. කැඩුණු අස්ථිය ඇදල ඇද බලන්නට හෝ එය කෙලින් කරන්නට උත්සාහ නොකළ යුතුයි. වෛද්‍යවරයෙකු නොවෙන කිසිවෙකුගේ වෛද්‍ය උපදෙස් මේ වෙලාවට පිළිනොගෙන ඉන්නා තරමට රෝගියාගේ ඇඟට ගුණයි. එනිසා හැකිතාක් කැඩුණු අස්ථිය නොසෙල්වෙන සේ තබා ගැනීම කළ යුතුයි. රෝහලට ගෙන යන අවස්ථාවේත් හෙල්ලීමෙන් වළක්වාගන්නට ලී පතුරු දෙකක් තබා අදාළ අස්ථිය නොසෙල්වෙන සේ බැඳ තැබීම කරන්නට හැකිනම් වඩා යෝග්‍යයි. මේ ප්‍රථමාධාරයේ වැදගත් කම වන්නේ කැඩුණු අස්ථිය සෙලවීමෙන් සිරුර තුළ මාංශපේෂීවලට හානියක් විය හැකි නිසායි.

සර්පයෙක් දෂ්ඨ කළොත්

මේක තරමක් දුර්ලභ අවස්ථාවක් වුණත් ​මේ සඳහන් වෙන අවස්ථා අතරේ ජීවිත හානියක් විය හැකි ප්‍රමුඛම අවස්ථාව මෙයයි. තුවාලයට කට තබා විෂ ඉරීමෙන් පළක් වන්නේ නැහැ. ඒ වන විටත් ලේ වලට මුසු වී විෂ සිරුරට ගොස් අවසන්. ඒ වගේම රෙදි කඩකින් බැඳීමක් සිදු නොකළ යුතුම දෙයක්. ඒ වගේම තුවාලය සේදීමත් සිදු නොකළ යුතුයි. එසේ සිදු කිරීමෙන් විෂ කුමක්ද යන්න හඳුනාගත හැකි මාර්ග අවහිර වෙනවා. ඒනිසා ඉක්මනින්ම සිදු කළ යුත්තේ හැකි නම් සර්පයා හඳුනාගෙන, රෝගියා කලබල නොකර රෝහලකට ගෙන යාමයි. රෝගියා කලබල වීමෙන් රුධිර සංසර්ණය ඉක්මන් වී විෂ් සිරුරට ඇතුළු වීම තවත් ඉක්මන් විය හැකියි.

The post මේ ප්‍රථමාධාර දැනගෙන ඉන්න එක ජීවිතයට ප්‍රයෝජනවත් වේවි appeared first on Lady.lk | Lady | Women | Lifestyle | Health | Beauty.

ඇයි ගනං ගන්නෙ?

ඇත්තටම ඇයි අපිව පහළට අදින අයව ගනන් ගන්නෙ? කොහොමත් සාමාන්‍යයෙන් පවතින ක්‍රමයට වඩා වෙනස් වුණු ගමන් වටපිටාවේ මිනිස්සුන්ට අපි මහා වැරැද්දක් කරා වගේ දැනෙන්න පුළුවන්. ඒ නිසා තමයි බොහෝ දෙනා අනිකාගෙ ඇඳුම පවා තමන්ට ඕන විදියට හරිගස්සන්න උත්සාහ කරන්නෙ. ඉතිං තවත් අයගෙ විනිශ්චයට හසු වෙයි කියා හෝ අපි මේ දේ නොපිළිගත්තොත් අනිත් අයගේ හිත් රිදෙයි කියලා අපේ ආශාවන් මගහැරගන්න එක අපි අපේ කෙටි ජීවිතයට කරන ලොකු නරකක්. ඒ නිසා යමක් අපිට හොඳද නරකද කියන දේ තීරණය කරලා, වැරදි මතවලට හිස නොනමා ඉන්න පුරුදු නොවෙන තාක්කල් අපිට මේ ප්‍රශ්නයෙන් ගැලවෙන්න වෙන්නෙ නෑ. 

මේ මොහොතේ පවතින්න

මේ මොහොතේ ඔයාගෙ හිතට සතුටුම දේ මොකද්ද? ජීවිතේ ඉස්සරහ යම් මොහොතක මේ දේ ආයෙත් කරන්න ඔයාට අවස්ථාවක් නොලැබෙන්නට පුළුවන්. සමහරවිට මේ දේ නිසා ඔයාගෙ ජීවිතේට හොඳක් වෙන්න පුළුවන්. නැත්නම් ඔයා අනාගතය වෙනුවෙන් වටින පාඩමක් ඉගෙනගත්තා වෙන්නට පුළුවන්. ඇත්තටම ඔයාට ඔයා ගැන උපදෙස් දෙන අය ඔයාගෙ හිත ඇතුළෙ ඇති කරන අනියත බයවල් බොහෝමයක් අපිට පාලනය කරන්න පුළුවන් දේවල් නෙමෙයි වගේම ඕනම කෙනෙකුට ඕනම මොහොතක සිද්ධ වෙන්න පුළුවන් විදියෙ දේවල්. ඒ නිසා ඒ දේවල් ප්‍රශ්නයක් කරගන්න එපා.

එයාලට අපිව වැඩක් නෑ

අපේ ජීවිතවලට බලෙන් ඇවිත්, අපේ ජීවිත එයාලට ඕන විදියට හැඩගස්වන්න හදන හුඟක් දෙනෙක් අපි වෙනුවෙන් ඉඳීවි කියලා ඔයා හිතනවද? දැන් කසාද බඳින්න, දැන් ළමයි හදන්න, ඇඟ සම්පූර්ණයෙන් වැහෙන්න ඇඳුම් අඳින්න, දැන් රස්සාවෙන් අස්වෙන්න, ගෙදර වැඩ ඔක්කොම තනියම කරන්න කියලා ඔයාට කියන අය ඔයාට දැනෙන අපහසුවකදී හෝ ඔයා මුහුණ දෙන අමාරු තත්ත්වයකදී උදවුවට එනවද? අඩුම තරමේ ඔවුන් කියන දේ කරලා ඔයාට වැරදුණු දවසක ඒ අය ඉඳීවිද? අනික අපිට හැමෝවම සතුටු කරන්න බැහැ. ඒ වගේම හැමෝම අපිව සතුටු කරන්නෙත් නැහැ. ඒ නිසා අනුන්ගේ හිත් රිදෙයි කියලා ඔයාගේ ජීවිතයට රිද්දගන්න එපා.

තමන්ව විශ්වාස කරන්න

මේ සටහනේ වැදගත්ම පොයින්ට් එක වෙන්නෙ මේක. ඇත්තටම අපිට අපිව විශ්වාස නම් කොයි කවුරු මොන දේ කිවුවත් ඒකෙන් අපේ ජීවිතයට බළපෑමක් කරන්න ලැබෙන්නෙ නෑ. ඒ ඇයි? අපිට අපිව විශ්වාසයි. ඔයා කරන දේ ගැන සහ ඒකෙන් සිද්ධ වෙන දේ ගැන, තමුන් සම්බන්ධයෙන් විශ්වාසයක් තියෙන කෙනෙකුට වැරදෙන්න තියෙන ඉඩ අඩුයි වගේම වැරදුනත් ආයෙ නැගිටින්න තියෙන හැකියාවත් වැඩියි. අන්න ඒ නිසා තමුන් ගැන විශ්වාසය වැඩි කරගන්න එක මේ ප්‍රශ්නයට හොඳම සාර්ථකම විසඳුම විදියට අපි දකිනවා.

අත දෙන මිනිස්සු

මේ ප්‍රශ්නයට අපිව ශක්තිමත් කරගන්න පුළුවන් තවත් හොඳ විදියක් වන්නේ තමුන් විදියට ජීවත් වෙන වගේම තමුන්ට අත දෙන මිත්‍රයන් ආශ්‍රය කිරීම. එහෙම අය ඔයාව මග දාලා යන්නෙ නෑ වගේම ඔයා මනසින් වැටුනොත් ඒ අය ඔයාව ශක්තිමත් කරාවි. මොකද ඒ අය ඔයාගේ හීනයේ වටිනාකම දන්නවා. සහ ඒ නිතරම අපිව වෙනස් කරන්නට උත්සාහ කරන මිනිස්සු අතරේ ඒ අය අපි කරන දේට උදවු කරනවා. මෙහෙම අය හොයාගන්න අමාරු වුනත් හොයාගන්න බැරි නෑ. 

The post සමහරු කියන කතා නිසා ඔයා ආසා දේ නොකර ඉන්න කෙනෙක් නම් මේක අනිවාර්යයෙන් කියවන්න appeared first on Lady.lk | Lady | Women | Lifestyle | Health | Beauty.

මෙෂර්මන්ට්

ඇත්තටම ඔන්ලයින් ෂොපින් කරද්දි හිතන්න ඕන කරන ප්‍රධානම​ දේ වෙන්නෙ මේ මිළදීගන්නා දේ අපේ අවශ්‍යතාවයේ මෙෂර්මන්ට් එකට අනුකූල වෙයිද කියන එක. සාමාන්‍යයෙන් මෙෂර්මන්ට් කිවුවම මතක් වෙන්නෙ නිමි ඇඳුම් වුනත් මේ කතාව ඇඳුම් විතරක් නැතුව අපි මිලදීගන්නා බීම එකකටත් අදාළයි. උදාහරණයකට ඔයා අන්තර්ජාලයෙන් ගෙන්වා ගන්න ඇඳුමක සයිස් එක වෙනස් වෙන්න පුළුවන් වගේම අන්තර්ජාලය හරහා ගෙන්වා ගන්න පළතුරු යුෂ වීදුරුවක සීනි අධික වෙන්නත් පුළුවන්. අන්න ඒ නිසාම දුටු පමණින් නොරුවටී හොඳට හොයලා බලලා වගේම තමන්ගේ අවශ්‍යතාවයේ මෙෂර්මන්ට් එක හරියට පවසලා අදාළ දේ මිළදීගන්න එක නිරපරාදේ සල්ලි වියදං නොකරන්නට උත්සාහ කරන ඔයා අනිවාර්යෙන්ම කළ යුතු දෙයක්.

හොරු

ඔවු හොරු ඉන්න පුළුවන්. ඒ කොහොමද? බෑග් එකක මිළට බෑග් දෙකක් එවන්නං කියලා, එකක් විතරක් එවන හොරෙක්. එවන්නං කියල මුදල් අයකරගත්තු දෙයක් එවන්නෙම නැතුව ඉන්න හොරෙක් ඇතුළු විවිධ හොරුවර්ග අන්තර්ජාලයේ ඉන්න පුළුවන්. ඒ වගේ වෙලාවට කරන්න තියෙන හිතට පහසුම ක්‍රමය වෙන්නෙ Cash On Delivery ක්‍රමවේදය. ඒ වුනත් බොහෝදෙනෙක් ක්‍රෙඩිට් කාඩ් පාවිච්චියෙන් මාසය ගොඩ දාගන්න නිසාම මේ කතාව ටිකක් සංකීර්ණය අන්න ඒ නිසායි අපේ සටහනේ ඊලඟට කියන උප මාතෘකා දෙක අතිශය වැදගත් වෙන්නෙ.

රිවීවු

හැම තිස්සෙම රිවීවු සහ රේටිං බැලීමෙන් අපිට අලෙවි කරන භාණ්ඩය සහ අලෙවි කරන පුද්ගලයා ගැන විශ්වාසය වැඩි කරගන්නවා වගේම අපි මිළදීගන්න භාණ්ඩය ගැන යූටියුබ් වගේ තැනකින් විස්තර හොයන එක අන්තර්ජාලයෙන් භාන්ඩ ගෙන්වා ගන්නා අයට අතිශය වැදගත්. ඒ වගේම තමුන් වුනත් අන්තර්ජාලයෙන් මිලදීගන්නා ඕනම දේකට හොඳ හෝ නරක පැවසූ රිවීවු එකක් වගේම රේටිං එක් කිරීමත් අපෙන් පස්සෙ ඒ ගණුදෙණුව කරන කෙනෙකුට වැදගත් වේවි. රිවීවු නැති තාත්කල් හොරුන්ට පහසුවෙන් ඔන්ලයින් ෂොපින් අවකාශයේ ගැවසෙන්න පුළුවන් වෙනවා.

සන්නිවේදන

සන්නිවේදනය කියන්නෙ ඔන්ලයින් ෂොපින්වලදි අත්‍යවශ්‍යම දෙයක්. අන්තර්ජාලය හරහා විදේශයක් සමග වුනත් අපි මිළදීගන්න දේ අලෙවි කරන කෙනා සමග මෙසේජ් හරහා හෝ සන්නිවේදනය කරන්නට අපිට ඉඩ සපයලා තියෙනවා. අන්න ඒ නිසාම ඒ අත්‍යවශ්‍ය සන්නිවේදනය නොකර ඉන්නෙපා. එතනදී අපි මුලින් කියපු අපේ මෙෂර්මන්ට් එක පැහැදිලි කිරීමත්, ඒ අදාළ භාණ්ඩය ගැන අපේ හිතට තියෙන කුඩා ප්‍රශ්න පවා මිළදීගන්නට පෙර නිරවුල් කරගැනීමත් සිද්ධ කරගන්න පුළුවන්.

රූපය

ඔන්න මේ ලැයිස්තුවෙ වැදගත්ම අංගය. ඒ තමයි අපි අන්තර්ජාලය හරහා දෙයක් මිළදී ගනිද්දි යොදාගන්න අපේ එකම සෙන්ස් එක. ඒ තමයි දැකීම. අපිට අල්ලල බලන්න, ඉඹල බලන්න වගේම හොල්ලලා බලන්න බැරි නිසා අපි දකින රූපය ගැන අපිට සියයට සියයක් හිතට විශ්වාසයක් තියෙන්න උවමනායි. අන්න ඒ නිසා නිශ්චිත රූපයක් නැති දෙයක් මිළදීගන්න එක ඔයාට පාඩුවක් වෙන්න තියෙන ඉඩ හොඳටම වැඩියි. ඒ වගේම ඔයා මිළදීගන්න දේ වුනත් එකවරක් දැකීමෙන් සෑහීමකට පත්වෙන්නට එපා. උදාහරණයකට ඔයා දකින ඇඳුම ඇඳගෙන ඔන්ලයින් ස්ටෝ එකේ ඉන්න මොඩ්ල්ට තියෙන්නෙ ඔයාගේ සිරුරේ හැඩයද? ඒ වගේම ඔයාගෙ තිරය හරහා පෙනෙන පාට ඔයාගෙ හිත කැමතිම පාටද? කියන දේවල් අනිවාර්යෙන්ම හිතන්න. රූපය ගැන හිතට අස්වැසිල්ලක් නැත්තං කවදාවත් ඒ ඔන්ලයින් ගණුදෙණුව සිද්ධ කරන්න එපා කියලයි අපි නං කියන්නෙ.

The post ඔන්ලයින් ෂොපින් / Online Shopping කරද්දි අනිවාර්යෙන්ම මේ ගැන හිතන්න appeared first on Lady.lk | Lady | Women | Lifestyle | Health | Beauty.

1. කෙනෙක් ඕනවට වඩා හුඟක් වෙලා නිදාගන්නවා නම්, එයා හුඟක් ලොකු දුකකින් ඉන්න කෙනෙක්. ඒ කියන්නෙ එයාගෙ හිත ඇතුළෙ ලොකු දුකක් තියෙනවා.
2. කෙනෙක් ඕනවට වඩා කෑම ගන්නවා නම්, එයා ලොකු මානසික පීඩනයක ඉන්න කෙනෙක්.
3. කෙනෙක්ට පුංචි දේකටත් කේන්ති යනවා නම්, එයාට කාගෙ හෝ රැකවරණය, අවධානය, ආදරය තදින්ම බලාපොරොත්තු වෙනවා.
4. කෙනෙක් ඕනවට වඩා හිනා වෙනවා නම්, එයා හිතින් ගොඩක් දුක් විඳින කෙනෙක්.

ඉතින් ඔයාලගෙ වටේ ඉන්න අයට ඇහුම්කන් දෙන්න. එයාලා ප්‍රශ්නයක් කිව්වොත් පුංචි වෙලාවක් එයා වෙනුවෙන් වෙන් කරන්න. එයාගෙ ළඟින් ඉන්න. එයාට එක වචනෙකින් හරි උදව්වක් වෙන්න.

ඔයාට පුළුවන් වෙයි තව කෙනෙක්ගෙ ජීවිතයට මොහොතකට හරි ශක්තියක් වෙන්න. හැම වෙලේම මෙහෙම කෙනෙක්ට ආලෝකයක් වෙන්න.

The post ඔයාට පුළුවන් වෙයි තව කෙනෙක්ගෙ ජීවිතයට මොහොතකට හරි ශක්තියක් වෙන්න appeared first on Lady.lk | Lady | Women | Lifestyle | Health | Beauty.