තමන් ව හඳුනාගැනීමට හැකිවීම

රැකියාව කරන අතරතුරේදි ඔබට තමන්ගේ හැකියාවන් සහ දුර්වලතා හඳුනාගැනීමට අවස්ථාව උදාවෙනවා. අපි මීට කලින් SWOT Analysis ගැන කතා කලා ඔබට මතක ඇති. ඉතින් එහෙනම් රැකියාව අතරතුරේදි තමන් සම්බන්ධව ම SWOT Analysis එකක් සිදු කිරීමට හොඳම අවස්ථාවක් ඔබට ලැබී තියෙනවා. ඒ කියන්නේ ඔබට වඩාත් සාර්ථකව සම්පුර්ණ කළ හැකි දේ, ඔබ අසාර්ථක වන අවස්ථා, ඔබට තමන් තුළින් ම ලැබෙන උපකාර සහ තමන්ගේ ගති ලක්ෂණ නිසා ඔබට මුහුණදීමට සිදුවිය හැකි ගැටළු ගැන ප්‍රායෝගික අවබෝධයක් ලැබීමටත් එවැනි අවස්ථාවල තමන් ඒවාට ප්‍රතිචාර දක්වන්නේ කොහොමද කියලත් ඔබට අධ්‍යනය කරන්න අවස්ථාව උදාවෙනවා. මෙය රැකියාවකින් ඔබට ලැබිය හැකි සුවිශේෂී ම වාසියක් විදියට තමයි අපි නම් දකින්නේ.

පුද්ගලයින් හඳුනාගැනීමට හැකිවීම

ඔබට තමන්ගේම කියලා ව්‍යාපාරයක් ආරම්භ කරන්න අදහසක් තියෙනවා නම් විවිධ වයස් මට්ටම්වල, විවිධාකාර දක්ෂතා සහ දැනුම සහිත, අත්දැකීම් වලින් අනූන, ඒ වගේම ඔබගේ ව්‍යාපාරයට කවරාකාරයකින් හෝ සහයෝගයක් ලබාදිය හැකි ආකාරයේ පුද්ගලයින් හඳුනාගෙන සිටීම අතිශය වැදගත් කාරණාවක් වෙනවා. ඔබ අධ්‍යාපනිකව සහ ආර්ථිකව කොයි තරම් ශක්තිමත් වුණත් අන් අයගෙන් ලැබෙන සහයෝගය මිල කළ නොහැකි තරමේ වටිනාකමකින් යුතු නිසා කාර්‍යාලයක සේවය කරමින් එවැනි පුද්ගල සම්බන්ධතා ගොඩනගා ගැනීම ඔබේ ව්‍යාපාරයේ සාර්ථකත්වය විශාල රුකුලක් වනවා නොඅනුමානයි.

International skills

තමන්ගෙම ව්‍යාපාරයක් ආරම්භ කරන්න ඔබ අදහස් කරනවා නම්, එහි සේවකයින්, පාරිභෝගිකයින් සහ සැපයුම්කරුවන් සමඟ විතරක් නෙවෙයි රජයේ කාර්‍යාල සහ වෙනත් සේවා සපයන්නන් සමඟ පවා ගණුදෙනු කරන්නට සිදුවෙන බව ඔබට පැහැදිලි ඇති. ඉතින් මේ වගේ විවිධාකාර පුද්ගලයින් සමඟ වැඩ කරනකොට ඒ එක් එක් පුද්ගලයාට ගැළපෙන විදියට සහ වෘත්තීමය ආකාරයට ඔවුන් හා සන්නිවේදනය කළයුතු ආකාරය ගැන ඔබට මනා දැනුමක් තිබීම අත්‍යවශ්‍ය වෙනවා. කාර්‍යාලයක සේවය කිරීමේදී විවිධාකාර පෞර්ෂත්වය ලක්ෂණ තියෙන පුද්ගලයින් සමඟ ගණුදෙනු කර හුරු පුරුද්දක් තියෙනවා නම් මේ අභියෝගය ජයගැනීම ඔබට එතරම් අපහසු වෙන්නේ නැතිවෙයි කියලා අපි විශ්වාස කරනවා.

Critical and creative thinking skills

ඔබ තුළ ඇති නිර්මාණශීලි බව තමයි ව්‍යාපාරයේ දියුණුවේ ඉනිමඟ වෙන්නේ. අර්බුදකාරී අවස්ථාවලදී නම්‍යශීලීව ක්‍රියා කළයුතු ආකාරයත්, අවස්ථානුකූලව සහ පාරිභෝගික රුචිය අනුව නිෂ්පාදන ලබා දීමේ හැකියාවත් වැඩි දියුණු වන්නේ මෙන්න මේ කියන නිර්මාණශීලි බව තුළින්. ඉතින් තමන්ගේ සහජ නිර්මාණශීලි බව දියුණු කරගන්නටත්, සහජ නිර්මාණශීලී බවක් නැත්නම් අත්දැකීම්, දැනුම සහ උත්සහවන්ත බවින් ඇති කරගන්නා නිර්මාණශීලීත්වය වර්ධනය කරගන්නටත් ඔබ නියැලෙන රැකියාව මහඟු පිටිවහලක් වෙයි කියලා අපි හිතනවා

Leadership skills

ව්‍යාපාරයක හිමිකරුවෙකුට හිමිවිය යුතු ලක්ෂණ අතර නායකත්ව ලක්ෂණ අනිවාර්යයෙන් පැවතිය යුතු ගති ගුණයක් වෙනවා. පාරිභෝගිකයාට අවශ්‍ය භාණ්ඩය හෝ සේවාව පාරිභෝගිකයා තෘප්තිමත් වෙන ආකාරයට ලබා දීමටත්, නිවැරදි තීන්දු තීරණ ගනිමින් ව්‍යාපාරය නිවැරදි මාවතේ ගමන් කරවීමටත්, ඵලදායක සැලසුම් සකස් කිරීමට වගේම සියලු වගකීම් සංවිධානාත්මකව ඉටු කිරීමටත් මෙය අත්‍යවශ්‍ය ගුණාංගයක් වෙනවා. ඉතින් ඔබේම ව්‍යපාරයක් ඇරඹීමට පෙර ඔබ කාර්‍යාලයක සේවය කරනවා නම් සාර්ථක ආයතන ප්‍රධානීන් තුළ ඇති මෙවැනි ගති ලක්ෂණ අත් විඳින්නටත්, තමන් තුළත් එවැනි ලක්ෂණ ඇති කරවා ගන්නටත් ඔබට අවස්ථාව ලැබෙනවා ඉඩ තියෙනවා. 

ඊට අමතරව,

ඉහතින් සඳහන් කළ කරුණුවලට අමතරව ගිණුම් තැබීම සම්බන්ධ කටයුතු, ප්‍රචාරණ කටයුතු, භාණ්ඩ අලෙවියේදී තිබිය යුතු දක්ෂතා, මූල්‍ය කළමනාකරණය, වෘත්තිය ආචාර ධර්ම, පීඩාකාරී සහ අසාර්ථක අවස්ථාවන්ට සාර්ථකව මුහුණ දීම, තරඟකාරී ආයතන සමඟ සසඳමින් තම දුර්වලතා සොයා ගැනීම වගේ නිපුණතා වැඩි වර්ධනය කර ගැනීමට ඔබට අවස්ථාව උදා වෙන්නට ඉඩ තියෙනවා. සමහරවිට මේ දේවල් ගැන වඩා ගැඹුරින් ඉගෙනීමට ඔබට අවස්ථාවක් උදා නොවෙන්නට පුළුවන්. නමුත් කිසිම දැනුමක් හෝ අත්දැකීමක් නොමැතිව ව්‍යාපාරයක් වෙනුවෙන් මුදල් ආයෝජනය කරනවාට වඩා තරමක හෝ දැනුමක් ලබාගෙන ඒ දේ සිදු කිරීම වඩා සුදුසු බවයි අපේ අදහස වෙන්නේ. කිසියම් ආයතනයක රැකියාවක නිරත නොවෙනවා නම් අවම වශයෙන් intern කෙනෙක් විදියට හෝ ආයතනයක් හා සම්බන්ධ වීම ඔබේ වැඩකටයුතු සාර්ථක වීමට රුකුළක් විය හැකි බව අවසන් වශයෙන් අපි සිහිපත් කරනවා.

The post ස්වයං රැකියාවක් ආරම්භ කරන්න කලින් office job කිරීමේ වාසි appeared first on Lady.lk | Lady | Women | Lifestyle | Health | Beauty.

කාර්මික අධ්‍යාපන හා පුහුණු කිරීමේ දෙපාර්තමේන්තුව

කාර්මික ආධ්‍යාපනය ලබාදීම සහ පුහුණු කිරීමේ වැඩසටහන් ක්‍රියාත්මක කරන ආයතනයක් වන මේ හරහා ඔබේ අවශ්‍යතාවය සහ හැකියාව අනුව පූර්ණ කාලීන සහ අර්ධ කාලීන වැඩසටහන් තෝරාගැනීමේ හැකියාව තියෙනවා.

ලිපිනය:- අංක 557, ඕල්කට් මාවත, කොළඹ 10

දු.ක:- 0112421580

Web:- https://www.dtet.gov.lk

කාර්මික සංවර්ධන මණ්ඩලය

පුහුණුව හා වැඩමුළු, ඉංජිනේරු සේවා, අලෙවිකරණය, ව්‍යවසායක සංවර්ධනය, කර්මාන්ත තොරතුරු, ප්‍රාදේශීය සංවර්ධන, තාක්ෂණය, යටිතල පහසුකම්, සම්භාණ්ඩ හා පාවහන්, රබර් නිෂ්පාදන සංවර්ධන යන අංශවලට අදාළ සේවාවන් මෙම ආයතනය මඟින් සම්පාදනය කරනු ලබනවා.

ලිපිනය:- 615, ගාලු පාර, කටුබැද්ද, මොරටුව

දු.ක:- 0112 605 323/ 0112 605 326/ 0112 605 394/ 0112 624 846

Web:- https://www.idb.gov.lk

ශ්‍රී ලංකා වෘත්තීය පුහුණු ආයතනනය

ශ්‍රී ලාංකික තරුණ තරුණියන්ට වෘත්තීය පුහුණුව, රැකියා මාර්ගෝපදේශනය, දෙස් විදෙස් රැකියා අවස්ථා සහ ණය ආධාර පහසුකම් ලබා දෙමින් නූතන ලෝකයට ගැළපෙන ආකාරයේ රැකියා අවස්ථා සඳහා සූදානම් කරවීම තමයි මේ ආයතනය මඟින් සිදු කෙරෙන්නේ. ආයතනයට අනුබද්ධිතව සමස්ත මධ්‍යස්ථාන 216කින් සමන්විත වීම ඔබට විශාල පහසුවක් වනවා නොඅනුමානයි. විෂය ක්ෂේත්‍ර 18 කට පමණ අදාළව පාඨමාලා 81ක් පමණ ක්‍රියාත්මක වන අතර ඊට අමතරව ඉංග්‍රීසි භාෂාව හැදෑරීම අනිවාර්යය නිසා පුහුණුවේ ඉහළ ගුණාත්මක බව ගැන සැකයක් ඇතිකර ගන්නට අවශ්‍යතාවයකුත් නැහැ. ජාතික වෘත්තිය සුදුසුකම් (NVQ) මට්ටම දක්වාම අධ්‍යාපනය හැදෑරීමට අවස්ථාව ලැබීම සුවිශේෂම කාරණාව වනවා.

ලිපිනය :- ශ්‍රී ලංකා වෘත්තීය පුහුණු අධිකාරිය, 354/2. නිපුණතා පියස, ඇල්විටිගල මාවත, නාරා‍හේන්පිට,‍‍ කොළඹ 05.

Fax:- +94-11-2505123

E-mail:- vtajpcg@yahoo.com

දුරකථන:- 011-7270270

Web:- https://www.vtasl.gov.lk

ඉල්ලූම්පත් ලබා ගත හැකි ස්ථාන:- ප්‍රධාන කාර්යාලයේ රැකියා ස්ථාපන හා වෘත්තීය මාර්ගෝපදේශන අංශයෙන් හෝ දිස්ත්‍රික් කාර්යාල මගින් (ගාස්තු රහිතයි)

ජාතික සමාජ සංවර්ධන ආයතනය

ජාතික සමාජ සංවර්ධන ආයතනයේ පුහුණු කිරීමේ අංශය මගින් උපදේශනය පිළිබඳ ඩිප්ලෝමා පාඨමාලාවන්, වෘද්ධ විද්‍යාව හා වැඩිහිටි රැකවරණය පිළිබඳ ඩිප්ලෝමා පාඨමාලාව, ළමා ආරක්ෂණය පිළිබඳ ඩිප්ලෝමා පාඨමාලාව, කාන්තාවන් සවිබල ගැන්වීම පිළිබඳ ඩිප්ලෝමා පාඨමාලාව ඇතුළුව තවත් ඩිප්ලෝමා කිහිපයක්ම හා සම්බන්ධ පාඨමාලා සිංහල, ඉංග්‍රීසි සහ දමිළ කියන භාෂා ත්‍රිත්වයෙන්ම පැවැත්වෙනවා. ඊට අමතරව කෙටිකාලීන සහ දිගුකාලීන පුහුණු වැඩසටහන් සංවිධනය කිරීමත් මෙමඟින් සිදු කෙරෙනවා.

ඒ වගේම, ආතති කළමනාකරණය, ගැටුම් කළමනාකරණය සහ සාමය පිලිබඳ අධ්‍යාපනය, ළමා සංවර්ධනය, ළමා අපයෝජන සහ ළමා අපචාර, ව්‍යාපෘති යෝජනා පත්‍ර සැකසීම, ආපදා කළමනාකරණය, නිවස පදනම් කරගත් පූර්ව ළමාවිය සංවර්ධනය, නායකත්වය සහ සන්නිවේදන කුසලතා, සිද්ධි කලමනාකරණය කියන අංශ ගැනත් විශේෂ අවධානයක් යොමු කරනු ලබනවා.

ලිපිනය:- ජාතික සමාජ සංවර්ධන ආයතනය‍, ලියනගේමුල්ල, සීදූව

දු.ක:- 0112 882 506/ 0112 882 507

E-mail:- info@nisd.ac.lk

Web:- https://www.nisd.ac.lk

කුඩා ව්‍යාපාර සංවර්ධන අංශය

තරුණ ව්‍යවසායක හැකියාවන් වර්ධනය කිරීම, නව රැකියා අවස්ථාවන් හදුනා ගැනීම සහ ස්වයං රැකියා ආරම්භ කිරීමට මග පෙන්වීම, ව්‍යවසායන්හි කාර්යක්ෂමතාව හා ඵලදායිතාවය වැඩිදියුණු කිරීම හරහා තරුණ තරුණියන්ට වැඩි රැකියා අවස්ථා ලබා දීම සහ ආදායම් වර්ධනය කිරීම, කුඩා ව්‍යාපාරවල ඵලදායීතාව සහ පැවැත්ම සහතික කිරීම සඳහා ක්‍රියාකාරී දායකත්වයක් ලබා දීම කියන සේවාවන් මෙම ආයතනය මඟින් ලබාදෙනවා.

ලිපිනය:- 420, බෞද්ධාලෝක මාවත, කොළඹ 07.

දුරකථන:- 011-2662002

ෆැක්ස්:- +94 11 2665291/ +94 11 2665241

E-mail:- sed.gov.lk@gmail.com

Web:- http://www.sed.gov.lk

ජාතික ආධුනිකත්ව හා කාර්මික පුහුණු කිරීමේ අධිකාරිය (NAITA)

රැකියා වෙළඳපිළට ගැළපෙන ආකාරයේ නිපුණතා වැඩිදියුණු කිරීම සඳහා පුහුණුව සහ දැනුම ලබාදීම මෙම ආයතනය මඟින් සිදු කරනවා.

ලිපිනය:- ජාතික ආධුනිකත්ව හා කාර්මික පුහුණු කිරීමේ අධිකාරිය අංක 971, ශ්‍රී ජයවර්ධනපුර මාවත, වැලිකඩ, රාජගිරිය

e-mail: info@naita.gov.lk

දු.ක:- 011 288 8782 – 5

Web:- http://www.naita.gov.lk/

සමාජ සේවා දෙපාර්තමේන්තුව

ශාරීරික ආබාධ සහිත පුද්ගලයින්ට තමන් වෙනුවෙන් ආදායම් මාර්ගයක් සකසා ගැනීමට අවශ්‍ය හැකියාවන් දියුණු කර අභිමානවත් පුරවැසියෙක් ලෙස සමාජගත කිරීම තමයි මේ ආයතනයෙන් මූලික වශයෙන් සිදුවෙන්නේ.

ලිපිනය:- සමාජ සේවා දෙපාර්තමේන්තුව, 2 වන මහල, සෙත්සිරිපාය II අදියර, බත්තරමුල්ල

දුරකථනය: 0112 187 050 / 0112 186 275

The post ස්ව්‍යං රැකියාවලට උරදෙන රාජය ආයතන appeared first on Lady.lk | Lady | Women | Lifestyle | Health | Beauty.

උපයනවාට වඩා වියදම් කරනවාද

ඔබගේ සාක්කුව හිස්වන ආකාරයේ අනවශ්‍ය වියදම් ඔබෙන් සිදුවෙනවාද කියලා දැනගන්න හොඳම විදිය තමයි තමන්ගේ වියදම් සතයටම සටහන් කරගැනීම. මේ සඳහා පාවිච්චි කරන්න පුළුවන් apps එහෙමත් ඕනෑ තරම් තියෙනවා. මේ සටහන් කරගන්න වියදම් මාසයකට වරක් හොඳින් study කරලා ඒවායින් කොයි තරම් ප්‍රමාණයක් අනවශ්‍ය වියදම්ද කියලාත් තෝරාබේරා ගන්න උත්සහ කරන්න. ඒ වගේම තමන් කොයි තරම් ඉතුරුමක් සිදු කරන්න බලාපොරොත්තු වෙනවාද, ඒ සඳහා කොයි තරම් කාලයක් ගතවෙයිද, තමන්ගේ වියදම් උපයන ආදායම ඉක්මවන තරමට වැඩිද වගේ කාරණා ගැනත් කල්පනා කරලා බලලා වියදම් කප්පාදුවක් සිදුකරන්න උත්සහ කරන්න.

වියදම් කපාහරින්නේ මෙහෙමයි

අපි මේ කියන්නේ සාමාන්‍ය උදාහරණ කිහිපයක් විතරයි. තමන් සිදු කරන අනවශ්‍ය වියදම් හඳුනාගන්න පුළුවන් තමන්ට පමණක් හන්දා මේ කාරණය එකිනෙකාට සාපෙක්ෂව වෙනස් වෙන්න පුළුවන් කියලා අපි මුලින්ම සිහිපත් කරනවා.

Internet, telephone සහ television bill පරීක්ෂා කරලා බලන්න. ඔබට අනවශ්‍ය සේවාවන් activate කරලා නම්, පාවිච්චි කරනවාට වඩා විශාල data packages ලබාගෙන ඇත්නම්, නරඹන්නේ නැති tv channels subscribe කරලා තියෙනවා නම් අදාළ ආයතනයට කතා කරලා ඒවා deactivate කරගන්න.

නිතර නිතර මිලාධික restaurants වලින් කෑම ගන්නවා නම් ඒ වාර ගණන සීමා කරලා ලාබදායි සහ රසවත් ආහාර ඇති තැන් සොයාගැනීම ඔබගේ වියදම් අඩු කරන්නටත්, සාමාන්‍ය රටාවට වඩා වෙනසක් ලබාගන්නත් උපකාරයක් වේවි.

නිවසේ භාවිතා කරන විදුලි උපකරණ අබලන් වෙලා නම් හෝ අතිශය පැරැණි නම් විදුලි බිල වැඩිවෙන්නට එය හේතුවක් වෙනවා. එවැනි උපකරණ සහ කාන්දුවන ජල කරාම වැනි දෑ අලුත්වැඩියාවෙන් bill සඳහා කරන ගෙවීම් අඩු කරගන්නට හැකියාව ලැබෙනවා.

නිවසට ප්‍රමාණවත් තරමට පමණක් grocery items මිලට ගැනීම, නාස්තිය අවම වන ආකාරයට ඇසිරීම සහ අපතේ නොයන ආකාරයට භාවිතා කිරිම සෑහෙන තරමේ ඉතිරියක් කර ගැනීමට සහය වේවි.

අවශ්‍යතා සහ උවමනා හඳුනා ගැනීම සහ අත්‍යවශ්‍ය නොවන මිලට ගැනීම් හදිසියේ සිදු නොකර දින කිහිපයකට හෝ කල් දැමීම මඟින් එවැනි මිලට ගැනීම් වළක්වාගන්න ඔබට හැකියාව ලැබෙනවා.

මුලින්ම ඉතිරි කරන්න

මුදල් ඉතිරි කිරීම ඔබට වදයක් වගේ දැනෙනවද? එහෙම වෙන්නේ salary එක අතට අරන්, අනෙකුත් වියදම් අතරෙම ඉතිරි කරන්නත් උත්සහ කළාමනේ. ඉතින් මේ තත්ත්වයෙන් මිදෙන්න නම් වියදම් කරන්න කලින් standing order එකක් ලබාදීම මඟින් ඉතිරි කරන්න යොමුවෙන්න කියලා අපි යෝජනා කරනවා. කොටස් වශයෙන් ගෙවීමේ අරමුණින් රන් භාණ්ඩයක් මිලට ගැනීම, ඉඩමක් මිලට ගැනීම වැනි ආයෝජනයක් වෙනුවෙන් ගත් ණය මුදලක් කොටස් වශයෙන් ආපසු ගෙවීම, life  insurance වාරික ගෙවීම, දරුවාගේ අධ්‍යාපනය වෙනුවෙන් සිදු කරන සැලසුමකට මුදල් යෙදවීම වගේ ආයෝජනයක් ඔබට සිදු කරන්න පුළුවන්. මේ ගෙවීම් අවසානයේ ඔබට ආදායමෙන් ඉතිරි වන කොටස තමයි වියදම් කරන්න සිදුවෙන්නේ. ඉතින් ඒ ඉතිරිවන ප්‍රමාණය අරපරිස්සමින්  කළමනාකරණය කරගැනීම සහ ණය නොවීම කියන කරුණු ගැන ඔබට අනිවාර්යයෙන් සැළකිලිමත් වෙන්න සිදුවෙනවා.

හදිසි අවස්ථාවකදි

නිවස/ වාහනය අලුත්වැඩියාව, අසනීප, රැකියාව අහිමි වීම නිසා ආදායම අහිමි වීම හෝ ආදායම අඩු වීම වගේ හදිසි කාරණා ඕනෑම කෙනෙක්ට ඕනෑම මොහොතක අත්විඳින්නට සිදුවිය හැකි සිදුවීම් විදියට පෙන්වන්න පුළුවන්. මෙවැනි සිදුවීමකදී, නැවත ජීවිතය යථා තත්ත්වයට පත්වන තුරු වියහියදම් පිරිමසා ගැනීම වෙනුවෙන් යම් ඉතුරුමක් තියෙනවා නම් කොයි තරම් වටිනවද නේද? මේ සඳහා ඔබේ සාමාන්‍ය මාසික වියදම වගේ පස් හය ගුණයක වටිනාකම ඇති ඉතුරුම් ගිනුමක් නඩත්තු කරන්න පටන් ගන්න. හැබැයි හදිසි අවස්ථාවක හැර සාමාන්‍ය එදිනෙදා වියදම් වලට මෙයින් මුදල් ලබාගැනීම නම් කොහෙත්ම සුදුසු වන්නේ නැහැ. අනපේක්ෂිත සහ හදිසි අවස්ථාවකදි ප්‍රයෝජනයට ගැනීම සඳහා මෙවැනි ඉතුරුමක් තිබීම ණය වීමෙන් ඔබව ගලවා ගන්නවා විතරක් නෙවෙයි, ඔබට සෑහෙන මානසික සහනයකුත් වෙයි කියලා අපි විශ්වාස කරනවා.

The post වියදම් අඩු කරගෙන ඉතුරුම් වැඩි කරගන්න tips ටිකක් appeared first on Lady.lk | Lady | Women | Lifestyle | Health | Beauty.

ආයෝජනය අවශ්‍යම ද

ඔබ රැකියාවෙන් උපයන මුදලට අමතරව, මුදල් ඉපයිය හැකි ක්‍රම ඕනෑ තරම් තියෙනවා. ආයෝජනය කියලා කියන්නේ එයින් ප්‍රධනම ක්‍රමයක් විදියට හඳුන්වන්න පුළුවන්. ජීවිතයේ ඔබට මුහුණ පාන්නට සිදුවන අසීරු අවස්ථා වලදී, ඔබගේ ආයෝජන වලින් ලැබෙන අසීමිත සහනය සමහරවිට ඔබ දැනටමටත් අත්විඳ ඇතුවා වෙන්නටත් ඉඩ තියෙනවා. කොහොම වුණත්, ඔබ සතු මුදල් ඵලදායිව invest කරන්නට පුළුවන් ක්‍රම කීපයක් ගැන අපි දැන් හොයලා බලමු.

Stock market

මෙය නිසැකවම අවධානම් සහගත ක්‍රමයක් විදියට ඔබට පෙනෙන්න්නට ඉඩ තියෙනවා. හැබැයි, stock market එක ගැන පොඩි research එකක් කිරීමෙන් සහ basic principles ගැන අවබෝධයක් ලබා ගැනීමෙන් මේ චකිතය මඟහරවාගන්න ඔබට හැකියාව ලැබේවි කියලා අපි විශ්වාස කරනවා. ආරම්භයක් විදියට shares සුළු ප්‍රමාණයක් පමණක් මිලට ගැනීමෙන් අවධානම අඩු කරගන්න හැකියාව ලැබෙනවා වගේම කාලයත් සමඟ ලැබෙන දැනුම හරහා වඩා සාර්ථකව මේ කටයුත්ත සිදුකිරීමට තරම් හැකියාවක් ඔබට ලැබේවී කියලා අපි හිතනවා.

Retirement Plan

Retire වෙන්න නම් හැට පනින්නම අවශ්‍යයි කියලා නීතියක් නෑනේ. ඔබගේ ජීවිතයේ ඉතිරි කාලය ගෙවන්නට තරම් ධනයක් ඔබ විසින් රැස්කරගෙන තියෙනවා නම් අඩු වයසෙන්ම retaire වෙන්න හැකියාව තියෙනවා. විශ්වාසවන්ත ආයතනයක මුදල් ආයෝජනය කිරීම සහ එය retirement saving fund එකක් විදියට සිදු කරන්නට අවස්ථාව තියෙනවා. සරලවම කියනවා නම් life insurance එකක් විදියට මුදල් ඉතිරි කිරීමේ සැළසුමකට යන්න ඔබට පුළුවන්කම තියෙනව. තමන්ගේ වියදම්, අපේක්ෂිත ආයු කාලය, සෞඛ්‍ය තත්ත්වය සහ උද්ධමනය වගේ කාරණා සැළකිල්ලට අරන් මේ දේ කරනවා නම් වඩාත් පලදායක වන බව කියන්න පුළුවන්.

රන් මිලට ගැනීම

රන් මිල දිනෙන් දින වැඩිවන බව පැහැදිලිවම පෙනී යන කාරණයක් වෙලා තියෙනවා. මේ නිසා ඔබට හැකි අයුරින් රන් කාසි මිලට ගෙන තබා ගැනීම වටිනා ආයෝජනයක් විදියට පෙන්වන්න පුළුවන්. ආභරණ වලට වඩා රන් කාසි මිලට ගැනීමටත්, පිරිසිදු රත්තරන් මිලට ගතහැකි විශ්වාසවන්ත ආයතනයකින් පමණක් මේ මිලට ගැනීම සිදු කිරීමටත් වගබලා ගන්න කියලා අපි මතක් කරනවා. විශාල මිලක් ගෙවා වැඩි ප්‍රමාණයක් මිලට ගන්නවා නම් බැංකුවක සේප්පුවක් මිලට ගෙන ආරක්ෂාකාරීව එහි රන් රඳවා තැබීමත් සිදුකළ හැකි වෙනවා. මූල්‍ය ආයතන වගේම රන් විකිණුම් කරුවන් ලඟත් ඔබට ගැළපෙන ආකාරයේ රන් ආයෝජන අවස්ථා ඇති නිසා ඒ ගැන සොයා බැලීමත් පාඩුවක් වන්නේ නම් නැහැ.

Real estate

ඔබ සතුව සැළකිව යුතු මට්ටමක මුදලක් ඇත්නම් ඉඩමක් මිලට ගැනීම සිදුකරන්නට හැකියාව තියෙනවා. නැවත පහසුවෙන් විකිණීමට ඇති හැකියාව, නිරවුල් ඔප්පු සහිත බව, යම් යම් අවදානම් සහගත තත්ත්වයන්ට මුහුණ දෙන ඉඩමක් නොවීම, අපහසුතා වලින් තොරව භාවිතා කිරීමට හැකි වීම වගේ බොහෝ කාරණා ගැන මෙහිදී සැළකිලිමත් විය යුතු බවත් සිහි තබා ගන්න කියලා අපි සිහිපත් කරනවා. ඒ වගේම මේ ඉඩම් වගාවට, ඉදිකිරීම් කටයුතු සඳහා හෝ මහාමාර්ගය ආශ්‍රිත ඉඩමක් නම් වෙළඳ ප්‍රචාරණය හෝ car parking වගේ කටයුතු සඳහා වුනත් ලබාදී සැළකිව යුතු මට්ටමේ ආදායමක් ඉපයීමේ හැකියාව ඔබ සතු වෙනවා.

කුලී/ බදු පදනම මත ලබා දීම

කුලී හෝ බදු පදනම මත ලබාදෙන්නට හැකි නිවසක්, කාමරයක් හෝ ගොඩනැඟිල්ලක් ඔබ සතුව ඇත්නම් එයින් මුදල් ඉපයීමට ඇති හැකියාව මඟහැරගන්න එපා කියලා අපි මතක් කරනවා. විශේෂයෙන්ම ආයෝජනයක් විදියට ඔබ මිලට ගත් නිවසක් හෝ ගොඩනැඟිල්ලක් ඔබේ පෞද්ගලික පාවිච්චියට යොදා ගන්නේ නැත්නම් මෙවැනි කටයුත්තක් සඳහා පාවිච්චි කිරීමේ අවස්ථාව ඔබ සතු වෙනවා.

මේ වෙනකොට, මුදල් විදියට තමන්ගේ වත්කම් පවත්වාගෙන යෑමට බොහෝ දෙනෙක් අකමැති බව පැහැදිලිවම පෙනී යන කාරණයක් වෙලා තියෙනවා. හැබැයි හිතවත්කම් මත පදනම්ව හෝ, හිත මිතුරන්ගේ ඉල්ලීම් මත කෙටිකාලීන ලාබ ලබාදෙන කටයුතු සඳහා තමන්ගේ වත්කම් ආයෝජනය කරන්න කලින් කිහිප වතාවක්ම ඉතාමත් හොඳින් සොයා බලන්න කියන කාරණාවත් අපි අවධාරණය කරනවා. ඔබගේ මුදල් පිළිබඳව වගකීමකින් ක්‍රියා කරන විශ්වාසවන්ත ආයතනයක් සමඟ පමණක් ආයෝජනය කිරීමෙන් ඔබේ වත්කම් සුරක්ෂිත බවත් අපි සිහිපත් කරනවා.

The post ලඟ තියෙන සල්ලි ඵලදායීව invest කරමුද appeared first on Lady.lk | Lady | Women | Lifestyle | Health | Beauty.

සැලසුම් සහගත වන්න

ඔබ විසින් සම්පූර්ණ කළ යුතු සියලුම කාර්‍යන් ඒවා සම්පුර්ණ කළ යුතු අනුපිළිවෙලට “To do” list එකක් යටතේ පෙළ ගස්වා ගන්න. එවිට ඔබට තමන්ගේ වගකීම් අමතක වීම හෝ මඟහැරී යෑම සිදුවන්නේ නැති බවට තහවුරු කරගන්න අවස්ථාව ලැබෙනවා.

Records තියාගන්න

ඔබ විසින් සිදු කරකරන සෑම ගනුදෙනුවක් ගැනම පිළිවෙලට සටහන් කරගැනීම සහ ආදායම් වියදම් ගිනුම් වැනි අත්‍යවශ්‍ය සටහන් පවත්වාගෙන යෑමට අමතක කරන්න එපා. ව්‍යාපාරයේ මූල්‍යමය තත්ත්වය ගැන අවබෝධයක් ලබා ගැනීමට, තමන්ට මුහුණ පෑමට සිදුවන අභියෝග හඳුනාගැනීමට සහ පැන නඟින ගැටළුවලට පිළියම් සොයා ගැනීමට මෙය ඉවහල් වෙනවා නොඅනුමානයි.

Business plan එකක් සකස් කරගන්න

තමන්ට තරඟකාරී වන ව්‍යාපාර හඳුනාගැනීම සහ ඒ තරඟයට සාර්ථකව මුහුණදීමට  හැකි ආකාරයේ සුවිශේෂී ලක්ෂණ සහිත නිෂ්පාදන වෙළඳපළට සැපයීම, ඔබේ ව්‍යාපාරය ඉහළ ලාභ උපයන ආයතනයක් බවට පත් කිරීමට හේතුවෙනවා. මේ නිසා තරඟකාරී නිෂ්පාදන හඳුනා ගැනීමට සහ අධ්‍යනය කිරීම වෙනුවෙන් ඔබට අනිවාර්යයෙන් කාලය වෙන් කිරීමට සිදුවෙනවා. ඔබ සතුව ඇති නිර්මාණශීලීත්වය සහ නවෝත්පාදන හැකියාව වඩාත් ප්‍රයෝජනවත් වන්නේ මෙන්න මේ අවස්ථාවේදියි. ඊට අමතරව ඔබේ ව්‍යාපාරයට බලපෑම් සිදු කළහැකි weaknesses/ risks/ treats සහ දියුණුවට හේතුවිය හැකි ආකාරයේ strengths/ opportunities/ rewards හඳුනා ගැනීමත්, ගැටළු පැනනඟින අවස්ථාවලදී පිළියම් සොයාගැනීමත් අත්‍යවශ්‍ය වෙනවා. සරලව කියනවා නම් මෙහිදී සිදුකළ යුත්තේ තමන්ගේ ව්‍යාපාරයේ සත්‍ය තත්ත්වය ඇත්ත ඇති සැටියෙන් වටහාගෙන අවශ්‍ය අවස්ථාවලදී ක්‍රියාත්මක වීමයි. ඔබේ ව්‍යාපාරයක් කුමන පරිමාණයක එකක් වුණත්, ව්‍යාපාරයට අදාළව Business plan එකක සකස් කරගැනීමේ අවශ්‍යතාවය ගැන අපි නිතරම සිහිපත් කරන්නේත් මේ හේතුව නිසයි.

Professional වෙන්න

ස්වයං ව්‍යාපාරය සිදු කරන්නේ නිවසේ සිට වුවත්, තමන්ගේ පාරිභෝගිකයින් හෝ සැපයුම්කරුවන් සමඟ ගනුදෙනු කරනවිට ඔබ අනිවාර්යයෙන් professional විය යුතු වෙනවා. දුරකතන සංවාදවලදී, message එකක් හෝ email පණිවිඩයක් සටහන් කරන  අවස්ථාවලදී විතරක් නෙවෙයි සමාජ ජාල මාධ්‍යවලදි ඔබ ක්‍රියා කරන ආකාරයත් ඔබේ ව්‍යාපාරයේ දියුණුවට ඍජුවම බලපාන බව අමතක කරන්න එපා. 

Customer is the king

සුළු අතපසුවීම්, නොසැළකිලිමත්කම් සහ ලාභ ඉපයීම් වෙනුවෙන් සිදුකරන නොපනත්කම් නිසා පහසුවෙන්ම ඔබගේ පාරිභෝගිකයින් ගිළිහී යෑමට ඉඩ ඇති බව නිතරම සිහි තබාගන්නට සිදුවෙනවා. සාධාරණ මිලකට උසස්ම තත්ත්වයේ භාණ්ඩ මිලදී ගැනීම ඔවුන්ගේ බලාපොරොත්තුව වන නිසා සහ ඒ වෙනුවෙන් තවත් බොහෝ තරඟකාරී ව්‍යාපාර සැදී පැහැදී සිටින නිසා, පාරිභෝගික අපේක්ෂාව නිසියාකාරව ඉටු කිරීමෙන් ඔබේ ව්‍යාපාරය වෙත ඔවුන් රඳවා තබා ගැනීමට ඔබට හැකියාව ලැබෙනවා. විශේෂයෙන්ම භාණ්ඩ මිලට ගැනීමට පෙර customer reviews පිළිබඳව සළකා බැලීම බහුතරයක් දෙනාගේ පුරුද්දක් වන නිසා පාරිභෝගිකයින් විසින් bad reviews ලබා නොදෙන ආකාරයට කටයුතු කිරීම ඔබේ උත්සහය විය යුතු වෙනවා.

Marketing/ Advertising අමතක කරන්න එපා

මෙන්න මේ කාරණය ගැන ඔබ සුවිශේෂී අවධානයක් යොමු කළ යුතු වෙනවා. ව්‍යාපාරය සම්බන්ධව සිදු කරන ප්‍රචාරනය එහි දියුණුවට ඍජු බලපෑමක් එල්ල කරන නිසා වඩාත් ඵලදායි මාධ්‍යයක් භාවිතයෙන් ප්‍රචාරණ කටයුතු සිදුකළ යුතු වෙනවා. බහුතර පිරිසක් පාවිච්චි කරන සමාජ ජාල වෙබ් අඩෙවි යොදාගනිමින් ප්‍රචාරණ කටයුතු සිදු කිරීම මෙහිදී පහසුම සහ ලාභදායිම ක්‍රමය විදියට සැළකීමට හැකියාව තියෙනවා.

අන්තර්ජාලය යොදාගන්න

ව්‍යාපාරයේ තරාතිරම කුමක් වුණත් online business කියන කාරණය මඟහැර ගන්නවා නම් එය ඔබේ ව්‍යාපාරයට එතරම් සුබවාදී තත්ත්වයක් වන්නෙ නැහැ. ඔබ විසින් අනිවාර්යයෙන් සිදුකළ යුතු market research එකේ සිට advertising, customer/ supplier contacting, customer care යනාදී සියලුම කටයුතු වලදි අන්තර්ජාලය, facebook, instagram වැනි සමාජ ජාල මාධ්‍ය භාවිතා කිරීමට ඔබට සිදුවෙන නිසා ඒ සම්බන්ධව නිසි දැනුමක් ලබා ගැනීමත් අත්‍යවශ්‍ය වෙනවා.

නීතීමය කටයුතු මඟහරින්නෙපා

ඔබගේ ව්‍යාපාරයේ නීත්‍යානූකූල බව, ලබාගත යුතු license මොනවාද, බදු ගෙවීම සම්බන්ධව දැනුවත් විය යුතු කරුණු මොනවාද, රජයෙන් ලැබෙන සහන, උපදෙස් සහ පුහුණුව ලබාගත හැකි රාජ්‍ය ආයතන, බැංකු ණය සම්බන්ධව ඇති සහන වගේ දේවල් ගැන සොයා බලා ඒ කටයුතු නිසියාකාරව සම්පූර්ණ කරගැනීම ඔබේම පහසුවට හේතුවක් වන බවත් අමතක කරන්න එපා.

Office area එකක් පවත්වාගෙන යන්න

ඔබගේ ව්‍යාපාරය ඉතා සුළුවෙන් සිදු කෙරුණත් ඒ වෙනුවෙන් තමන්ගේ නිවසෙන් කුඩා ඉඩක් වෙන් කරගැනීමට කිසිසේත්ම පසුබට වෙන්න එපා. එවිට ව්‍යාපාරයට අදාළ සියලුම දෑ ඒ ස්ථානයේ රඳවා තබා ගනිමින්, පිළිවෙලක් ඇතුව ක්‍රියා කිරීමට ඔබට හැකියාව ලැබෙනවා.

වැදගත්ම දේ කැපවීමයි කැපවීමකින් තොරව සාර්ථකත්වයක් ලබාගැනීමට හැකියාවක් ලැබෙන්නේ නැති බව ඔබ නිරන්තරයෙන් සිහියේ තබාගත යුතු වෙනවා. ව්‍යාපාරය ක්ෂණිකව දියුණු වීම සහ ලාභ ඉපයීම ප්‍රායෝගික නොවන නිසා ඔබට මුල් අවධියේදී හෝ අසීරු අවධිවලදි වඩා වෙහෙස මහන්සි වී, ධෛර්‍යමත්ව කටයුතු කිරීමට සිදු වෙනවා. අසීරු අවධිවලදි පහසුවෙන්ම අතහැර දැමීම බොහෝ කුඩා ව්‍යාපාර හිමියන් අසමත් වීමට ප්‍රධාන හේතුව විදියට පෙන්වන්න පුළුවන්කම තියෙනවා. එවැනි අවස්ථාවලදී අතහැර දැමීම කියන පිළියමට නොයා, strategies වෙනස් කර ව්‍යාපාරය නැවත ගොඩ ගැනීමට උත්සහ කිරීම වඩා සුදුසු

The post ස්වයං ව්‍යාපාරය දියුණු කරගන්න කැමති ද appeared first on Lady.lk | Lady | Women | Lifestyle | Health | Beauty.

පළමුවෙන්ම ඔබ රැකියාව කරන ආයතනයේ dress code එක ගැන හොඳින් අවබෝධ කරගෙන ඒ අනුව ඇඳුම් පැළඳුම් තෝරාගැනීමට කල්පනාකාරී විය යුතු වෙනවා. ඒ ඒ ආයතනවලට අනන්‍ය වුණු dress codes ගණනාවක්ම තිබුණත් මේ ලිපියෙන් කතා කරන්නේ වඩාත් professional ආකාරයට ඇඳුම් පැළඳුම් කිරීමට සිදු වන ආයතනයකට සුදුසු ආකාරයේ blouse designs තෝරාගන්නා ආකාරය සම්බන්ධවයි.

Blazers

උණුසුම් දේශගුණයක් සහිත රටක ජීවත්වෙන අපට blazers ඇඳීම අත්‍යවශ්‍ය නොවුනත් professional look එකක් ලබාගැනීම සඳහා blazer ඇඟලීම සිදුවෙනවා. ඉතින් මේ නිසා කළු, දුඹුරු, navy blue වැනි දීප්තිමත් නොවන වර්ණවලින් සහ උසස් නිමාවකින් යුතු blazers 1-2ක් මිලට ගන්නවා නම් අනෙකුත් ඇඳුම් පැළඳුම් සමඟ ගළපමින් එය අඳින්නට ඔබට හැකියාව ලැබෙනවා. ඒ වගේම, Blazers මිලට ගැනීමේදී ශරීරයේ ප්‍රමාණයට සහ හැඩයට මනාව ගැළපෙන ආකාරයේ ඒවා තෝරාගන්නට අමතක කරන්න එපා. සිරුරට වඩා විශාල හෝ හිර blazer එකකින් ඔබගේ  ආකර්ෂණීය පෙනුමට හානි වන නිසා, මේ කාරණය ගැන ඔබ වැඩි අවධනයක් යොමු කළයුතු වෙනවා.

Shirts and blouses.

කාර්‍යාලයට ඇඳීමට සුදුසු blouse විලාසිතාවලින් Button- up shirts වලට හිමිවන්නේ ඉහළම ස්ථානයක්. Skirt, pant, blazer කියන ඕනෑම ඇඳුමක් සමඟින් ගළපා ඔබේ පෙනුමට වැදගත් සහ professional look එකක් ලබාදීමට මේ සරල ඇඳුමට හැකියාව තියෙනවා. ඒ වගේම සරලම විලාසිතාවල blouses තෝරා ගන්නවාට අමතරව විවිධ වර්ණවලින්, ruffles, buttons හෝ bows වැනි අමතර අංග සහිත විලාසිතා වුණත් තෝරා ගැනීමට ඔබට කිසිම බාධාවක් නැහැ. විවිධ ප්‍රමාණවල දිගින් යුතුව මසා ඇති අත් සහිත, collars රහිත හෝ සහිත, සහ විවිධ materials වලින් නිමවා ඇති විලාසිතා ඔබගේ රුචිය අනුව තෝරාගැනීමට අවස්ථාව තියෙනවා. ඒ විදියේ විලාසිතා කිහිපයක් තමයි පහතින් සඳහන් වෙලා තියෙන්නේ.

ඕනැම ආකාරයක සිරුරකට

Light Blue, Cotton, Full sleeve, Slim fit blouse + Black pants.

Blue striped, Polyester, Full sleeves, Regular longline fit blouse + Black pants.

Blue, Concealed buttons, Full sleeves, Cotton, Regular fit blouse + Beige/ Gray Pants or Pencil skirt.

පිරුණු සිරුරකට

Plain Pink, Cotton, Full sleeve, Regular fit blouse + Black pants.

සිහින් සිරුරකට

Pink & White checked, Modal material, Full sleeves, Regular fit blouse + Black pants.

White, Mandarin collar, Half sleeves, Polycotton material, Comfortable Boxy fit blouse + Black pant/ skirt.

Striped Black and White Shirt, Spread Collar, 3/4 Sleeves, Cotton, Regular fit blouse + Pencil Black skirt

Navy blue, puffed sleeves, Cotton, Slim fit blouse + Beige pant

Tee- shirts එපා

Office යනකොට හෝ වෙනත් Official event එකකට සහභාගි වෙනකොට tee- shirts අඳින එක නම් එතරම් සුදුසු දෙයක් නෙවෙයි. යම් විදියකින් එහෙම අඳින්නට සිදු වෙන අවස්ථාවක් ආවොත් විවිධාකාර රටා, logo, messages සහිත tee shirts වගේම ඇස් කඩාගෙන යන දීප්තිමත් වර්ණවලින් නිම කරපු tee shirts තෝරා නොගන්න එක තමයි වඩාත්ම සුදුසු වෙන්නේ. ඒ වෙනුවට කලු, සුදු, නිල්, අලු වගේ තනි පාටකින් සහ සරල විලාසිතාවකින් යුතු ඒවා තෝරාගැනීම වඩාත් සුදුසු වෙනවා.

Baggie ගැළපෙන්නේ නෑ

ඇඟේ මිම්මට හොඳින් ගැළපෙන blouses සහ tops තෝරාගන්නවා හැර, සාමාන්‍ය ගමන් බිමන්වලට ගැළපෙන ආකාරයේ එල්ලා හැළෙන baggie ඇඳුම්වලින් ඔබට professional පෙනුමක් ගන්නට හැකිවන්නේ නැහැ.

සිරුර නිරාවරණය වන ඇඳුම් එපා

Transparent materials වලින් නිමවා ඇති blouses, උදරය නිරාවරණය වන crop tops, පිට හෝ පපු ප්‍රදේශය නිරාවරණ වන ආකාරයේ ඇඳුම් විලාසිතාවලින් ඔබව අපහසුතාවයට පත්වන්නට ඉඩ තියෙනවා වගේම එවැනි ඇඳුම් කාර්‍යාලයීය කටයුතුවලට ගැළපෙන්නෙත් නැහැ.

Materials ගැන දැනගන්න

Cotton, silk, linen වගේ රෙදිවලින් නිමවන ලද blouse designs ඔබේ සිරුරට වඩාත් සුව පහසුවක් ගෙන දෙන්නට සමත් වේවි. ඒ වගේම සුව පහසු ඇඳුමින් සැරසීම ඔබේ රාජකාරිය වඩාත්  සාර්ථකව ඉටුකරන්නට උපකාරී වේවි.

මෝස්තර රටා වෙනුවට stripes

විවිධාකාර මෝස්තර සහ රටා බහුල blouses වෙනුවට ඉහළ සිට පහළට stripes සහිත ඇඳුම් තෝරාගැනීම වඩාත් සුදුසුවන අතර එයින් ඔබේ සිරුරට සිහින් බවක් සහ උසැති බවක්ද ගෙන දෙනවා.

Sleeveless shirt tops

අත් රහිත shirts සහ tops ඇඟලීම වඩාත් සුදුසු වන්නේ සාමාන්‍ය ගමන් බිමන් වලට වුණත් ප්‍රවේශමෙන් තෝරාගන්නා sleeveless blouse designs කාර්‍යාලයට වුණත් ඇඳීමට හැකියාව තියෙනවා. collars සහ buttons සහිත මේ විලාසිතාවේ shirts තරමක් ලිහිල් බවකින් යුතු වීම වඩා සුදුසු වෙනවා. හැබැයි සිහින් පටි සහිත skinnies, tank tops වගේම ශරීරය වැඩිපුර නිරාවරණය වන ආකාරයේ blouse විලාසිතා කාර්‍යාලයට ඇඳීම කිසිම විදියකින් ගැළපෙන්නේ නැති බවත් අමතක කරන්න එපා.

The post Office අඳින්න blouse designs තෝරගන්නේ මෙහෙමයි appeared first on Lady.lk | Lady | Women | Lifestyle | Health | Beauty.

Paint
උසස් ම තත්ත්වයේ brand එකකින් fabric paint තෝරා ගැනීමෙන් වඩා අලංකාරවත් සහ කල්පැවැත්මෙන් යුතු නිර්මාණ සිදු කරගැනීමට ඔබට හැකියාව ලැබෙනවා. වෙන වෙනම හෝ 6, 12 packs ආකාරයට මිලට ගත හැකි මෙම වර්ණ තනි පැහැයක් වශයෙන් ආලේප කරනවාට අමතරව එකිනෙක හා මිශ්‍ර කර තවත් අලංකාර වර්ණ නිර්මාණය කරගැනීමටත් අවස්ථාව තියෙනවා.

රෙදි වර්ග
මේ සඳහා වඩාත්ම සුදුසු රෙදි වර්ගය වන්නේ අමු රෙදි වන අතර poplin, linen, cotton සහ denim, muslin, canvas කියන වර්ගත් පාවිච්චි කරන්නට පුළුවන්කම තියෙනවා. Paint කරන්න කලින් අදාළ රෙදි වර්ගයේ කැඳ ගතිය ඉවත්වෙන තුරු හොඳින් සෝදා, වියළා, iron කරගන්න අමතක කරන්න එපා. මුල්ම වතාවට සෝදන්නේ නිර්මාණය අවසන් කිරීමෙන් පසුව නම් රෙද්ද ඇකිළී නිර්මාණය සාර්ථක නොවීමට ඉඩ ඇති නිසා මුලින්ම සේදීම සහ iron කිරීම අනිවාර්ය වෙනවා. හැබැයි සේදීමේදී fabric softener වර්ග යෙදීමත් සුදුසු කටයුත්තක් වන්නේ නැහැ. ඒ වගේම, ඔබ silk හෝ rayon වැනි රෙදි වර්ගයක පින්තාරු කරනවා නම් එවැනි රෙදි වර්ග සඳහාම සඳහාම වන fabric paint වර්ග මිලට ගතයුතු වෙනවා. කොහොම වුණත් tightly woven fabric වර්ගවල වඩා සාර්ථකව පින්තාරු කිරීම සිදු කළ හැකි බව ඔබ දැනගත යුතුම කාරණයක් වෙනවා. ඒ වගේම නූල් තරමක් දුරින් පිහිටා ඇති වෙනත් fabric වර්ගවල (jute වැනි) පින්තාරු කිරීමේදී විශේෂ techniques භාවිතා කිරීමට සිදු වෙනවා. මුලින්ම කුඩා කොටසක් වර්ණ ගන්වා සුදුසුම රෙදි වර්ගය තෝරා ගෙන තමන්ගේ කාර්ය ආරම්භ කිරීම තමයි සුදුසුම දේ වන්නේ. ඒ වගේම නිර්මාණය සිදු කිරීමට පෙර රෙදි මතට වතුර ස්වල්පයක් spray කිරීමෙන් වර්ණ හොඳින් රෙද්දට උරා ගැනීමක් වෙන බවත් කිව යුතුම කරුණක් වෙනවා.

අවශ්‍ය දේවල්
Fabric painting සඳහා විවිධ ප්රමාණයේ paint brushes ඔබට අවශ්ය වෙනවා. තමන්ගේ කාර්ය ආරම්භ කිරීමට පෙර අවශ්යතාවය අනුව nylon කෙඳි සහිත පින්සල් මිලට ගැනීම සිදු කළ යුතු වෙනවා. කොහොම වුණත් විවිධ painting techniques සඳහා එකිනෙකට වෙනස් ප්රමාණවල පින්සල් අවශ්ය නිසා ඒ පිළිබඳවත් හොඳින් දැනුවත් වී පහත සඳහන් පින්සල් සහ අනෙකුත් උපකරණ මිලට ගැනීමට යොමුවෙන්න කියලා අපි සිහිපත් කරනවා. Flat සහ round tips සහිත විවිධ ප්රමාණයේ පින්සල්, foam brushes, sponges, tooth brushes, වතුර දැමීමට කුඩා භාජන, වැඩ කරන ස්ථානය පිරිසිදුව තබා ගැනීමට අවශ්ය plastic covers, apron, paint palette, paper towels, dress- making carbon (රෙදි මත අඳින carbon කඩදාසි), hb වර්ගයේ පැන්සල්, නිර්මාණය සිදු කරන රෙදි කැබැල්ලට යටින් තැබීමට rigifoam board/ ඝනකම් cardboard, drawing pins, සේදූ පින්සල් පිසදැමීමට රෙදි කැබලි, tracing papers, stencils, outlines, palette knife, spray bottles වගේ දේවල් ඔබ විසින් සූදානම් කරගැනීම අවශ්ය වෙනවා.

Fabric painting techniques
රෙදි පින්තාරුව සඳහා යොදා ගන්නට හැකි ක්රම ගණනාවක් තියෙනවා. එයින් කිහිපයක් පහතින් සඳහන් කර ඇති අතර හැකියාවක් ඇත්නම් මේ ක්රම සියල්ලම අත්හදා බලා වඩා සාර්ථක ක්රම හෝ ක්රමය සොයාගැනීමට ඔබට හැකියාව තියෙනවා.
Wet into Wet Technique
Salt Technique
Roller Painting
Filling Colors
Tie and Dye
Block Printing / Stamping
Spraying
Using Stencils
Screen Printing
Sun Painting
Marbling
Dyeing
Batik Technique

Heat setting and fabric care
Acrylic paints වලින් නිමවූ පින්තාරුවක් වියළීමෙන් පසුව නැවත ඉවත් වන්නේ නැති අතර මේ නිසා එයට විශේෂ heat setting කිරීමක් ඊට අවශ්ය වන්නෙත් නැහැ. නමුත් සමහර paint වර්ගවලින් කරන ලද නිර්මාණ වඩා හොඳින් ස්ථීරවීමට නම් ඒ මත iron කිරිම අවශ්ය වෙනවා. මෙය ස්ථීරවම දැන ගැනීමට නම් මුලින්ම කුඩා රෙදි කැබැල්ලක් භාවිතා කර අත්හදා බැලීම සිදුකළ යුතු වෙනවා. ඒ වගේම සමහර paint වර්ග භාවිතයෙන් පසුව hand wash කළ යුතු අතර තවත් සමහර paint වර්ග දැමීමෙන් පසුව washing machine දමා සේදීම වුණත් සිදු කළ හැකි වෙනවා. ඒ සම්බන්ධ තොරතුරු ඇසුරුමේ සඳහන් වෙලා තියෙන නිසා මුලින්ම ඒ කරුණු කියවා දැනුවත් වීම ඔබට පහසුවක් වන්නට ඉඩ තියෙනවා. පින්තාරු කළ රෙදි උණු වතුරේ පෙඟවීම හෝ සේදීම කිසි සේත්ම සුදුසු වන්නේ නැති අතර මේ රෙදි හිරු එළියේ වේලා ගන්නා විට පින්තාරුව සහිත පැත්ත නොව අනෙක් පස පිටතට හිටින ආකාරයට වේලා ගැනීමටත් අමතක කරන්න එපා.

The post රෙදි පින්තාරු කිරීමේ ව්‍යාපාරයක් අරඹන්න කැමතිද appeared first on Lady.lk | Lady | Women | Lifestyle | Health | Beauty.

ගෙන්වන භාණ්ඩ වලට local market එකක් තියෙනවද

භාණ්ඩ ගෙන්වීමට පෙර, ඒ භාණ්ඩ වලට මෙරට තුළ ප්‍රමාණවත් තරම් ඉල්ලීමක් තියෙනවාද කියන කරුණ ගැන අනිවාර්යයෙන් සොයාබැලීමක් කළ යුතු වෙනවා. ඒ අනුව තමන් ගෙන්වන භාණ්ඩවලින් ප්‍රමාණවත් තරම් ලාභයක් උපයන්න පුළුවන්ද කියලා දැනගන්නට නම් marketing research එකක් කරන්නට ඔබට සිදුවෙනවා. ඒ වගේම මෙවැනි survey එකක් කිරීමෙන් තොරව හිතු මනාපයට භාණ්ඩ ගෙන්වුවහොත් පසුව මූල්‍යමය අවාසියකට මුහුණ දීමට ඔබට සිදුවෙන්නට ඇති ඉඩකඩ වැඩියි කියන කාරණයත් අපි මතක් කරනවා. ඊට අමතරව, වෙනත් නිෂ්පාදනයක් සිදු කිරීම සඳහා පිටරටින් අමුද්‍රව්‍ය ගෙන්වීමට අදහසක් තියෙනවා නම් අදාළ නිෂ්පාදනයට මෙරට තුළ අඩු නොවන ආකාරයේ ඉල්ලුමක් තිබෙන බවටත් සහතික කරගෙනම අමුද්‍රව්‍ය ආනයනය කළ යුතු වෙනවා.

නීත්‍යානුකූල ද?

අදාළ භාණ්ඩ මෙරටට ගෙන්වන්නට හා ගෙන්වා බෙදාහරින්නට සැළකිව‍ යුතු ශ්‍රමයක්, කාලයක් සහ මුදලක් වැය කරන්නට ඔබට සිදු වෙනවා. මොකද, ඔබ ආරම්භ කරන්නේ ඔබගේම ව්‍යාපාරයක් වන නිසා ඒ වෙනුවෙන් ඇප කැප වීම අනිවාර්ය විය යුතු වෙනවා. නමුත් ඒ සියල්ලටම කලින් ඔබ ගෙන්වන භාණ්ඩ රටේ නීතියට අනුකූලද කියන කාරණය ගැන හොඳින් සොයා බැලීම අත්‍යවශ්‍ය වෙනවා.  විශේෂයෙන්ම භාණ්ඩ ආනයනයට අදාළ නීති රීති වලට අනුව අත්‍යවශ්‍ය සහ හදිසි නොවන භාණ්ඩ, බෙහෙත්, රසායන ද්‍රව්‍ය ආදිය ගෙන්වීම සඳහා සීමා පනවා ඇති නිසා නීතිය හමුවේ ඔබ පත්වන අපහසුතාවලින් වැළකීම සඳහා හොඳින් සොයා බලා ආනයනය සිදු කරන්නට අමතක කරන්න එපා. ඊට අමතරව මෙරට custom requirements සම්බන්ධවත් තොරතුරු සොයා බලා දැනුවත් වී සිටීම ඔබට විශාල පහසුවක් වනවා නොඅනුමානයි.

Cost of importing

භාණ්ඩවල මිලට අමතරව ඔබ ගෙන්වන භාණ්ඩයට අදාළ නීති රීතිවලට අනුව shipping cost, custom duties and levies, storage charges ඇතුළු තවත් ගෙවීම් කිහිපයක්ම කරන්නට ඔබට සිදුවෙනවා. මේ තත්ත්වයට සහනයක් ලැබෙන පරිදි, free delivery සිදුකරන suppliers ලා සොයාගන්නට හැකියාවක් ඇත්නම් ආනයන වියදම් අඩු කරගැනීමට ඔබට අවස්ථාව උදාවෙනවා.

Cost effective ද

සියලු ආනයන වියදම් සහ භාණ්ඩවල එකතු කර ඒ වෙනුවෙන් දරන්නට වන සියලු වියදමත්, ඔබ නැවත විකිණීමට අදහස් කරන මිලත් සළකා බලා ඔබගේ ව්‍යාපාරයේ ලාභය ගැන දළ අදහසක් ලබා ගැනීමට හැකියාව ලැබෙනවා. ඔබ නියම කරන මිලට අදාළ භාණ්ඩය මිලට ගැනීමට පාරිභෝගිකයින් සූදානම් නම් නම් පමණක් මෙම කාර්‍යය cost effective කියලා සළකන්න අපිට හැකියාව තියෙනවා.

දරාගන්න පුළුවන් වියදමක්ද

Shipping/ transport cost ඉහළ අගයක් ගැනීම නිසා ආනයන වියදම් වැඩිවන බව ඔබට වැටහෙන්නට ඇති කියලා අපි හිතනවා. මේ නිසා කුඩා orders රාශියක් සිදු නොකර විශාල orders කිහිපයක් සිදු කිරීමට බොහෝ දෙනෙක් පෙළඹෙනවා. නමුත් එයත් වියදම් අධික කටයුත්තක් විදියට තමයි සළකන්න සිදුවෙන්නේ. Supplier විසින් Letter of credit/ upfront payment/ payment guarantee වැනි ඉල්ලීමක් කිරීම හරහාත් ආනයනය තරමක් වියදම් අධික කටයුත්තක් විදියට ඔබට හඟෙන්නට ඉඩ තියෙනවා. නමුත් තමන්ගේ බැංකුව සමඟ සාකච්ඡා කරලා මේ තත්ත්වයට යම් සහනයක් ලබාගන්නට උත්සහ කරන්නට ඔබට හැකියාව තියෙනවා.

අවදානම ගැන දැනුවත්ද

මෙරටින් තොග මිලට ගෙන නැවත විකිණීමට වඩා ආනයනය කර විකිණිමේ යම් අවදානමක් ඇති බව රහසක් නෙවෙයි. Supplier සහ ඔබ අතර ඇති දුරස්ථභාවය වැඩි නිසා මිලට ගැනීමට පෙර භාණ්ඩවල ගුණාත්මක බව පරීක්ෂා කිරීමට ඔබට හැකියාවක් ලැබෙන්නේ නැහැ. ඒ වගේම මේ දුරස්ථභාවය නිසා භාණ්ඩ ලැබීමට යන කාලය දීර්ඝ වනවා සහ යම් විදියකින් ඒවායේ ගැටලුවක් ඇත්නම් return කිරීමට ගතවන කාලයත් වැඩිවෙනවා. මෙවැනි හේතු කිහිපයක් නිසා සුදුසු terms and conditions ගණනාවකින් යුතු ගිවිසුමක් supplier සහ ඔබ අතර තිබිය යුතු වෙනවා. ඒ වගේම මේ අපහසුතාවලින් මිදී ව්‍යාපාරය පවත්වාගෙන යෑමට නම් විශ්වාසවන්ත supplier කෙනෙක් සමඟ ගනුදෙනු කිරීමත් අත්‍යවශ්‍ය වෙනවා.

Exchange rates කොහොමද

Exchange rates වල වෙනස් වීමේ අවදානමත් ඔබට දරන්නට වන බව සිහි තබාගත යුතුම කාරණාවක් වෙනවා. අදාළ විකුණුම්කරුවාගේ රටේ මුදල් වර්ගයෙන් මිළ ගණන සඳහන් කරන ලෙස ඉල්ලා අවදානම විකුණුම්කරු වෙත හැරවීම, රටේ සාමාන්‍යයෙන් විචල්‍යය වන මුදලේ අගය සීමාවක් තමන් ම තබාගෙන තමන් විසින්ම අවදානම දරා ගැනීම හෝ purchase forward contract ක්‍රමය අනුගමනය කරමින් ගනුදෙනු කිරීම මඟින් මේ අවදානම තරමක් දුරට මඟහරවා ගන්නට හැකියාව ලැබෙනවා.

Supplier විශ්වාසවන්තද

අඩුම මිලට භාණ්ඩ ලබාදෙන supplier හොඳම ගනුදෙනුකරුවා විදියට සළකන්න අමාරුයි.

මුදල් ලැබීමෙන් පසු භාණ්ඩ සැපයීම මඟ නොහරින, නියම වෙලාවට භාණ්ඩ සපයන සහ late delivery සඳහා සහන ලබාදෙන, උසස් තත්ත්වයේ සහ ඇනවුම් කළ ආකාරයේ භාණ්ඩ පමණක් සපයන, නිරන්තරයෙන් ම නිරවද්‍ය තොරතුරු ලබාදෙන, trading terms ගැන මනා අවබෝධයක් සහිත සහ ඒ අනුව ක්‍රියාකරන ආකාරයේ reputed supplier කෙනෙක් සමඟ ගනුදෙනු කිරීම ඔබට විශාල සහනයක් වනවා නොඅනුමානයි. අදාළ සැපයුම්කරුවාගෙන් භාණ්ඩ මිලට ගන්නා අනෙක් ගනුදෙනුකරුවන්ගෙන් තොරතුරු විමසා බැලීම, samples හරහා භාණ්ඩයේ තත්ත්වය සොයා බැලීම, අදාළ ආයතනය සම්බන්ධ reviews ගැන අවධානය යොමු කිරිම ඔබ අනිවාර්යයෙන් සිදු කළ යුතු වෙනවා.

තවත් ගැටළු

රටවල් අතර පවතින භාෂාව, සංස්කෘතිය වැනි සාධකවල වෙනස්කම් නිසා ගනුදෙනු කටයුතු වලදි ගැටළු ඇති වීමටත් ඉඩ  තියෙනවා. එවැනි තත්ත්වයක් ඇති වීම මඟහරවා ගන්නට නම්, ගනුදෙනු කටයුතු ආරම්භ කිරීමට පළමුව ඉතා හොඳින් අදාළ රට සහ අදාළ ආයතනය පිළිබඳව තොරතුරු සොයාබැලීම අනිවාර්යයෙන් සිදු කළ යුතු වෙනවා. Miscommunication සහ misunderstanding හේතුවෙන් ඇතිවිය හැකි අපහසුතා වළක්වා ගැනීමටත් ව්‍යාපාරයේ සා‍ර්ථකත්වයටත් එය උපකාරයක් වනවා නොඅනුමානයි.

The post Import කරලා resale කරන්න අදහසක් තියෙනවද appeared first on Lady.lk | Lady | Women | Lifestyle | Health | Beauty.

Await a deeper crisis & be prepared for inflation to stick around.

Now, this is unlikely to cheer you up during this hard time, but according to the Bloomberg article “Double-Digit Sri Lanka Inflation Seen Lasting Through Early 2023” by Asia Economic Data Editor Cynthia Li, Sri Lanka’s inflation is expected to continue at least through the first quarter of next year, based on a survey of economists conducted during the country’s economic crisis.

Furthermore, the Bloomberg survey of experts predicted that consumer prices would climb by nearly 20% in the second and third quarters of this year.

In conclusion, there is a high likelihood of inflation continuing to rise from here, therefore it is vital to be prepared for the worst.

• Pay off your debt.

During times like this, many people place debt repayment at the bottom of their financial priority list. However, paying off debt, particularly variable-rate loans with interest rates that fluctuates with market interest rates, such as a loan, bond, mortgage, or credit card, should be one of your top priorities right now.

Because if your wage rises in line with inflation, you can profit from it by repaying the debt you incurred prior to the increase. This is because you still owe the same amount of money, but your salary is adequate to repay the loan in full without incurring interest. So, by utilizing this extra money to pay off your debt sooner, you will pay less interest.

Inflation, by definition, causes a currency’s value to diminish over time. To put it another way, today’s money is more valuable than tomorrow’s money. As a result, debtors will repay money that is worth less than when it was borrowed. So, it is the perfect time for you to consider paying off your existing variable debt.

• Take on new debt with caution & avoid variable rates.

Variable-rate debts can become more expensive when inflation rises.

Sri Lanka’s central bank, for example, raised its major interest rates by an extraordinary 700 basis points each to combat inflation. This is due to the fact that when prices rise as a result of inflation, demand for credit rises, rising interest rates, resulting in debtors paying high interest to creditors.

To avoid this, you can refinance your variable-rate mortgage into a fixed-rate loan or combine high-interest credit card debt into a personal loan with predictable payments to protect yourself from this abrupt spike.

Also, be mindful of taking on a lot of new debt in general: additional debt adds a new monthly payment to your budget and restricts your financial freedom, even if rates are low or fixed.

• Boost your income.

Increasing your monthly income is another strategy to keep up with the rising cost of goods and services. Consider requesting a raise from your existing employer. Outline your accomplishments over the past year to your manager. The worst thing they can say is no, but it never hurts to try and ask for a raise, does it?

Or as a side hustle, you can work contract basis remote jobs and get paid in foreign currency, which will benefit you and protect you from inflation. Another strategy to boost your bank account is to sell your unused items.

However, don’t try to turn your hobby into a small business because it could backfire, as half of small businesses are already crippled by the country’s situation.

• Don’t squander your petrol.

Fuel costs more than twice as much as it used to and finding fuel in Sri Lanka is not for the faint hearted! 

Therefore, to preserve the fuel in that tank, try to plan your trips as efficiently as possible. Turn off your vehicle instead of leaving it running as you wait in line for fuel or in traffic. Rather than going to the store every day, make a list of everything you will need for the week and go all at once. If you have a lot of errands to run, schedule them as effectively as possible to save money on fuel.

• Make an emergency fund investment.

When prices rise, it’s tempting to hunt for assets that will keep up with inflation. Before deciding where to invest, experts recommend setting aside enough cash to solve any existing financial concerns.

According to financial experts, having a year’s worth of finances on hand is essential. With inflation on the rise, it’s more crucial than ever to be prepared for the unexpected, such as a major health issue or a job loss. Therefore, consider putting aside a savings fund that could come in handy during these unpredictable times!

We hope these points will be able to give you some insight during these troubled times and help you alleviate your struggles at least a little bit! Let us stay strong and continue to thrive and survive while doing our best to help Sri Lanka get back on her feet again! 

The post Sri Lanka is tormented by Inflation; all we want now is to “SURVIVE”6 Survival Strategies to Beat the Curse of Inflation. appeared first on Lady.lk | Lady | Women | Lifestyle | Health | Beauty.