පොඩ්ඩාව ස්වාධීන කරවන්න අවශ්‍ය ඇයි

පොඩ්ඩා හැමදාම පොඩියට ඉන්නේ නෑනේ. දවසින් දවස ගතවෙලා, තව වසර කිහිපයක් ගෙවෙනකොට එයා වැඩිහිටියෙක් බවට පත්වෙනවා. ඉතින් වැඩිහිටි වියේදී තමන්ගේ ජීවිතය සාර්ථක කරගන්නට සහ තනිවම තමන්ගේ වැඩ කටයුතු කරගන්න අවශ්‍ය වෙන life skills කිහිපයකට හුරු පුරුදු වෙලා සිටීම කොයි තරම් නම් වටිනවාද?

Choices, decision making වගේ සංකල්ප හඳුනාගන්නට පොඩි දරුවන්ට තරමක කාලයක් ගත වෙනවා. සතුට සහ සාර්ථකත්වය තමන් වෙතට ළඟා කරගැනීම වෙනුවෙන් තමන් ගත යුත්තේ කොයි වගේ තීරණද, වැරදීම් සිදුවන්නේ කොයි වගේ අවස්ථාවලදී ද, එවැනි failures මඟහරවා ගැනීම සඳහා තමන් සිදු කළ යුත්තේ කවරාකාර තේරීම් ද වගේ කාරණා වටහා ගන්න නම් ඔවුන්ට තනිවම තීරණ ගැනීමට ඉඩ ප්‍රස්ථාව ලබා දිය යුතු වෙනවා. දරුවා තුළ තමන් සහ තමන්ගේ තේරීම් ගැන ආත්ම විශ්වාසයක් ඇති වන්නටත්, ඒ හරහා අනාගතයේදී මානසිකව ශක්තිමත් පුද්ගලයෙක් බිහි වන්නටත් නම් ඔහුට ස්වාධීනව ගොඩනැඟීමට අවස්ථාව ලබා දිය යුතු වෙනවා. දෙමව්පියෝ විදියට ඒ වෙනුවෙන් අපිට කරන්න පුළුවන් දේවල් මොනවද කියලා අපි දැන් බලමු.

පොඩ්ඩට දරන්න පුළුවන් වගකීම් විතරක් භාරදෙන්න

පොඩි දරුවෙකුට දරන්න අපහසු වගකීම් භාරදීලා සාර්ථක ප්‍රතිඵල බලාපොරොත්තු වෙන්න අපහසුයිනේ. මේ නිසා පොඩ්ඩාගේ වයසට ගැළපෙන විදියේ වගකීම් විතරක් පවරන්න වගබලා ගන්න සිදු වෙනවා. උදාහරණයක් විදියට තමන්ගේ time table එකට අනුව ඊළඟ දිනයට නියමිත පොත් ටික පිළියෙල කරගැනීම, සෙල්ලම් කිරීමෙන් පසුව toys පිළිවෙළට ඇසිරීම, grocery items අදාළ තැන්වලින් ඇසිරීමට උදව් ලබාගැනීම, සෝදා වේලා ඇති රෙදිවලින් තමන්ගේ රෙදි තෝරාගෙන නැවීමට භාර දීම වගේ පොඩි පොඩි වැඩ කටයුතු භාරදෙන්න උත්සහ කරනවා වඩා වටිනවා.

එයාට තනියම වැඩ කරන්නත් පුළුවන්

අපි පොඩ්ඩාට වැඩක් භාර දුන්නා කියමුකෝ. ඒ දේ එයාට තනියම කරන්න පුළුවන් වගේ පේනවා නම් ආයේ ඒ ගැන වදවීමේ අවශ්‍යතාවයක් නැහැ. තනියම ම කරන්න අපහසු නම් සහ පොඩ්ඩා උදව් ඉල්ලනවා නම් විතරක් පොඩි උදව්වක් දීලා ඉතිරි ටික එයාගෙම විදියකට කරන්න ඉඩ හරින එක තමයි වඩා සුදුසු වන්නේ. සමහරවිට අපි නොහිතන ආකාරයේ smart ක්‍රමයක් පාවිච්චි කරලා එයා ඒ කටයුත්ත සාර්ථකව සම්පූර්ණ කරන්න ඉඩ තියෙනවා.

Options ලබාදෙන්න

පොඩ්ඩා එක්ක toy shop එකකට යන අවස්ථාවක් ගමුකෝ. අපිට පුළුවන් යම් සාධාරණ මිලක් සඳහන් කරලා ඒ මුදලට සරිලන සෙල්ලම් බඩු එකක් හෝ කිහිපයක් ගන්න අවස්ථාව ලබා දෙන්න. අඩු වටිනාකමක් සහිත toys කිහිපයක් මිලට ගන්නවාද, ඉහළ වටිනාකමක් සහිත එක toy එකක් මිලට ගන්නවාද කියන කාරණය පොඩ්ඩාට තීරණය කරන්න ඉඩ ලබා දෙන්න පුළුවන්. අවශ්‍ය නම් පමණක් පොඩි පැහැදිලි කිරීමක් කරනවා මිසක බලපෑම් කිරීම එතරම් සුදුසු නැහැ කියලයි අපි නම් විශ්වාස කරන්නේ. ඉතින් තමන්ගේ කැමැත්ත අනුව ගන්නා තීරණයේ වගකීම තමන්ට දැරීමට සිදුවන බව පොඩ්ඩා ඉබේම වටහාගනීවී. මේ විදියට යම් යම් සීමාවන්ට යටත්ව Choices සහ නිදහස ලබාදීම හරහා මව්පියන් තමන්ගේ තෝරාගැනීම් සහ තීරණවලට ගරු කරන විත්තියත් පොඩ්ඩට හිමින් සැරේ වැටහේවි.

නිදහස අත්‍යවශ්‍යයි

පොඩ්ඩා ස්වාධීන ගති පැවතුම් සහිත දරුවෙක් විදියට වැඩෙන්න නම් නිදහස කියන දේත් අත්‍යවශ්‍ය වෙනවා. පාඩම් වැඩ ඉවර කරලා සෙල්ලමට යෑම අම්මගේ කැමැත්ත වුණාට, සෙල්ලම් කරලා ඉවරවෙලා පාඩම් වැඩ කිරීම පොඩ්ඩගේ කැමැත්ත නම් සහ එයා ඒ පොරොන්දුව හරියටම ඉටු කරනවා නම් ඒ ක්‍රමය ප්‍රශ්නයක් කරගන්න අවශ්‍ය නැහැ. නිදහස ලැබෙන්නේ හරිම අඩුවෙන් නම්, කරන කියන හැම දේටම මව්පියොන්ගේ අණකිරීම්, උපදෙස් සහ අත පෙවීම් විතරයි නම් ලැබෙන්නේ පොඩ්ඩට තමන්ගේ හැකියාවන් ගැන සැකයක් සහ ඍජු තීරණ ගන්න නොහැකියාවකුත් ඇතිවෙන්න ඉඩ තියෙනවා. අවශ්‍ය නම් පොඩ්ඩාගේ වැඩ කටයුතු පිළිවෙළට කරගැනීමට සහයෝගයක් වශයෙන් time table එකක් සකස් කර දෙන්න පුළුවන්. එතකොට උපදෙස් හෝ අණකිරීම් වලින් තොරව පිළිවෙලට තමන්ගේ වැඩ ටික කරගන්නට පොඩ්ඩාට හැකියාව ලැබේවී.

තරහා ගන්නෙපා

වැඩිහිටි අපිට වගේම තමයි, දේවල් ඉගෙන ගන්න අතරතුරේදි සහ ක්‍රියාත්මක කිරීමේදී පොඩ්ඩා අතිනුත් වැරදීම් සිදු වෙන්න පුළුවන්. හැබැයි ඒ වැරදීම් තුළින් ම එයා නිවැරදි දේ ඉගෙන ගන්නත්  සමත් වේවී. ඒ වගේ සුළු සුළු අතපසුවීම් වලට තරහා නොගෙන ඉවසීමෙන් යුතුව පොඩ්ඩාට සහයෝගය ලබා දීමත්, දිරි ගැන්වීමත්, අම්මා තාත්ත කොයි තරම් එයා ගැන ආඩම්බර වෙනවාද කියලා පැවසීමත් තමයි මව්පියන් අතින් සිදු විය යුතු වෙන්නේ. ඒ වගේම තමයි පොඩ්ඩා හැම දෙයක්ම perfect විදියටම කරයි කියලා බලාපොරොත්තු වෙන්න එපා කියලත් අපි සිහිපත් කරනවා. මොකද අපේ බලාපොරොත්තුව විය යුත්තේ දරුවා වගකීම් දැරීමට හුරු කිරීම වන නිසා පොඩි පොඩි failures ගැන කලබලයට පත් වීම හෝ නිරන්තරයෙන් ම දරුවාව නිවැරදි කිරීමට  උත්සහ දැරීම හරහා දරුවා පහසුවෙන් ම අධෛර්‍යමත් වෙන්නට ඉඩ තියෙනවා. ඉතින් එවැනි තත්ත්වයකට දරුවා පත් නොකිරීම ඔබගේ වගකීම වෙනවා.

ගැටළු විසඳාගන්න ඉඩ දෙන්න පවුලේ සහෝදර සහෝදරියන් සමඟ හෝ පාසලේදී ගැටුම් ඇති කරගත් අවස්ථාවක ඒවා විසඳාගැනීමේ වගකීම පොඩ්ඩාටම භාර දෙන එක තමයි වඩා හොඳ. මේකෙන් අදහස් කරන්නේ දරුවාගේ ගැටළුව නොසළකා හැරීම හෝ ගැටළුවට අසංවේදී වීම නම් නෙවෙයි. පොඩ්ඩා හිරිහැරයට පත් වෙනවා නම් ඔබ අනිවාර්යයෙන් ඒ ගැන සැළකිලිමත් වීම අත්‍යවශ්‍ය වෙනවා සහ  නිසි පරිදි මැදිහත්වීම ද සිදුකළ යුතු වෙනවා. හැබැයි ඊට පෙර පොඩ්ඩාටත් ඒ සඳහා පොඩි උත්සහයක් දැරීමට ඉඩ ලබා දෙන එක හොඳයි කියලා අපි අවසන් වශයෙන් සිහිපත් කරනවා.

The post පොඩ්ඩා ස්වාධීන දරුවෙක් බවට පත් කරන්නේ මෙහෙමයි appeared first on Lady.lk | Lady | Women | Lifestyle | Health | Beauty.

නොගැළපෙන පාවහන් දැම්මොත් මොකද වෙන්නේ

පොඩි දරුවෙක්ගේ සිරුර අවුරුදු 18 වෙනකන් වේගයෙන් වර්ධනය වෙනවා කියලා අපි දන්නවනේ. මේ නිසා පොඩ්ඩොන්ට පාවහන් තේරීමේදී ඔවුන්ගේ පාදවල වර්ධනයට බාධාවක් නොවෙන, සෞඛ්‍යාරක්ෂිත සහ සුවපහසුදායක ම පාවහන් තේරීමට වගබලා ගතයුතු වෙනවා. මොකද, නුසුදුසු පාවහන් පැළදීම නිසා පාදයේ සම රළු වීම, දිය බිබිළි, තුවාළ සහ ingrown toenails ඇතිවෙන්නට වුනත් ඉඩකඩ තියෙනවා. දීර්ඝකාලීන බලපෑම් ගත්තම, පාදවල සහ පා ඇඟිලිවල අංග විකලතා හටගැනීම, ඉරියව්වල සහ ඇවිදීමේ ගැටළු ඇතිවීම වගේම back pain ඇතුළු පාද ආශ්‍රිත නොයෙකුත් වේදනාවල් හටගන්නටත්  වැඩි ඉඩකඩක් තියෙනවා. 

අලුත් පාවහන් මිලට ගන්න කාලය හරි

පාවහන් පැළඳගෙන ඉන්න වෙලාවට දැනෙන අපහසුතාවයක් ගැන පොඩ්ඩා පැමිණිලි කරනවා නම් කිසිසේත්ම ඒ පැමිණිල්ල නොසළකා හරින්නෙපා කියලා අපි මුලින්ම සිහිපත් කරනවා. පාදවල දෙපස වේදනාවට පත්වෙනවා නම් ප්‍රමාණවත් තරම් පළලැති පාවහන් නොවෙන්නත්, ඇඟිලි තුඩු සහ ඇඟිලි වේදනා ගෙන දෙනවා නම් හෝ ඇඟිලි තුඩුවලින් ඉහළට එසවෙලා නම් toe box එක කුඩා වැඩිවෙන්නටත්, දිගින් අඩු පාවහන් නම් විලුඹ ආශ්‍රිතව දිය බිබිළි හෝ කැපීම් ඇති වෙන්නට හැකියාව තියෙනවා. නිරන්තරයෙන් වේදනාගෙන දෙන පාද නිසා දරුවාගේ එදිනෙදා වැඩකටයුතු සහ ක්‍රියාකාරකම් වලට පවා බාධා සිදුවන නිසා නිතරම පොඩ්ඩාගේ පාවහන් වල තත්ත්වය පරික්ෂා කරලා ඒවා වෙනස් කළයුතු කාල සීමාවේදී අනිවාර්යයෙන් ම එය සිදු කිරීමට වගබලා ගත යුතු වෙනවා.

කකුල් හරියටම මැනගන්න

නිවසේදී measurements ගන්නවට වඩා shoe store එකේදි මේ දේ කරනවා නම් වඩා සාර්ථක වෙයි කියලා අපි හිතනවා. මොකද, නිවැරදිව පාදවල දිග සහ පළල මනින්න පුළුවන් උපකරණ ඒ අය ළඟ තියෙන නිසා. Measurements ගන්නකොට පාදවලට හොඳට බර තියෙන විදියට පොඩ්ඩාව කෙලින් හිටගස්වලා, පාද හොඳින් දිගහැරලා, පාද දෙකේම measurements ගන්න. ඒ වගේම තමයි මේ කාර්‍යය හවස් වරුවක කරනවා නම් වඩාත් සාර්ථක ප්‍රතිඵල ලබාගන්න හැකියාව ලැබෙනවා. මිලට ගන්න පාවහන් යුවල Shoe store එකේදි විනාඩියක් දෙකක් දාගෙන සිටීම සහ මිලට ගැනීමෙන් පසුව දීර්ඝ කාලයක් පැළඳීම හාත්පසින්ම වෙනස් නිසා ඇවිදිනකොට හරියයි, ඇදෙනකොට හරියයි වගේ දේවල් නොසිතා හොඳින්ම ගැළපෙන පාවහන් යුවල මිලට ගන්න උත්සහ කරන්න කියලා අපි මතක් කරනවා.

ඕනෑවට වඩා ලොකු සපත්තු එපා

පාදයේ ප්‍රමාණයට වඩා අඟල් බාගයක පමණ වැඩි ඉඩක් තබා පාවහන් මිලට ගැනීම ප්‍රමාණවත් වෙනවා. ඊට වඩා විශාල පාවහන් පැළදීම නිසා පොඩ්ඩාට නිවැරදි ඉරියව්වෙන් ඇවිදීමට අපහසු වෙන අතර පාද ලිස්සා යන්නටත් ඉඩ තියෙනවා. ඒ වගේම පමණට වඩා විශාල පාවහන් පැළඳීම ප්‍රියමනාප වෙන්නෙත් නැහැ. පමණට වඩා විශාල පාවහන් නිසා යන්තමින් පා තබමින් ඇවිදින්නට හුරු වෙන කුඩා දරුවොන්ට නිවැරදිව ඒ කාර්‍ය සිදු කරන්නට බාධා වෙනවා වගේම හොඳින් දුවලා පැනලා සෙල්ලම් කරන දරුවොන්ට මෙය අනතුරුදායක වන්නටත් ඉඩ තියෙනවා.

Toe box

පාවහන්වල ඉදිරිපස කොටස ප්‍රමාණවත් තරම් පළල සහ ගැඹුරු නැත්නම් ඇඟිලි හිරවෙලා රිදෙන්නට පටන් ගන්නවා. මේ නිසා පාවහන් මිලට ගැනිමේදී පොඩ්ඩගේ ඇඟිලි නිදහසේ චලනය කරන්නට හැකි ආකාරයේ පාවහන් තෝරාගැනීම අත්‍යවශ්‍ය වෙනවා. (පාදයේ දිගම ඇඟිල්ලේ ඉඳලා ඉදිරියට 2 cm ක පමණ ඉඩක් තිබීම ප්‍රමාණවත් වෙනවා.)

Style එකට වඩා function එක ගැන හිතන්න

පොඩ්ඩෝ කොහොමත් දුවන්න පනින්න කැමති ක්‍රියාශිලී පිරිසක්නේ. ඉතින් පාවහන්වල ලස්සනට වඩා අදාළ කාර්‍යයට ගැළපෙන සුවපහසුදායක පාවහන් තමයි තෝරන්න අවශ්‍ය වෙන්නේ. ඉක්මනින් පැළඳගැනීමත් ගැලවීමටත් පහසු සහ details අඩු design එකක පාවහන් පොඩි දරුවොන්ට මනාව ගැළපෙනවා. Leather, canvas, mesh වගේ materials වලින් නිමවූ පාවහන් තුළින් වාතය හොඳින් ගමන් කර සහ පාද වියළිව සහ සුවපහසුව තබනවා අතර ඉහළ කල්පැවැත්මකුත් තියෙනවා. ඒ වගේම පාද හසුරවන්නත්, පැළඳ සිටින්නටත් ඉතා පහසු rubber shoes/ slippers ත් පොඩ්ඩෙකුට හොඳින් ම ගැළපෙනවා. පොඩි දරුවන් ඉක්මනින් වැඩෙන විට පාවහනුත් ප්‍රමාණයෙන් මදි වෙන නිසා සුවිශේෂීම අවස්ථාවකට හැර වැඩි මිලක් ගෙවා fashionable පාවහන් මිලට ගැනීම එතරම් ඵලදායක නැති බවත් අමතක කරන්න එපා.

අඩිය

ලෙහෙසියෙන් ම ලිස්සා නොයන්නට නම් patterns වලින් යුතු අඩියක් සහිත පාවහන් තෝරාගත යුතු වෙනවා. Sturdy, thick, පාදවලට බර නැති සහ නම්‍යශීලී අඩියක් සහිත වීමත් හොඳ පාවහන් යුවළක අනිවාර්ය ලක්ෂණයක් වෙනවා. ඒ වගේම තමයි high heels පාවහන් නම් පොඩ්ඩෙකුට කිසිසේත්ම ගැළපෙන්නේ නැහැ කියලයි අපි නම් විශ්වාස කරන්නේ.

පොඩ්ඩගේ අදහස් අපි මිලට අරන් දෙන පාවහන් පළඳින්නේ පොඩ්ඩා නිසා එයාගේ කැමත්තටත් ඉඩ ලබා දීම අත්‍යවශ්‍යයිනේ. හොඳින්ම ගැළපෙන size එක සහ අවශ්‍යතාවය අනුව design එක මුලින්ම තෝරාගන්න. ඉන් පසුව, එහි වර්ණය හෝ cartoon character එක වගේ කරුණු සළකලා බලලා පොඩ්ඩාට කැමති පාවහන් යුවලක් තෝරාගන්නට ඉඩ හරිනවා නම් වඩා වටින බව අවසන් වශයෙන් අපි සිහිපත් කරනවා.

The post පොඩ්ඩට පාවහන් තෝරන්නේ මෙහෙමයි appeared first on Lady.lk | Lady | Women | Lifestyle | Health | Beauty.

හොද දේවල් මිලට ගන්න

පොඩ්ඩොන්ට විතරක් නෙවෙයි වැඩිහිටියොන්ට වුණත් නිතර නිතර කෑමට නුසුදුසු කෑම වර්ග තියෙනවා. ඒ අතරින් මූලික වෙන්නේ සීනි, තෙල් සහ පිටි අඩංගු කෑම වර්ගයි. හැබැයි ඉතින් මේවා කඩෙන් මිලදීගෙන ගෙදරට අරන් අවොත්නේ පොඩ්ඩට හැම තිස්සෙම අවශ්‍ය වෙන්නේ. මේ ප්‍රශ්නෙට තියෙන එකම විසඳුම තමයි මෙවැනි අහිතකර කෑම බීම අඩුවෙන් මිලට ගන්න එක. වරද්දගන්නෙපා, අපි මේ කියන්නේ මේ කෑම වර්ග සම්පූර්ණයෙන්ම නවත්තන්න කියලා නම් නෙවෙයි. ගෙනෙන ප්‍රමාණය සීමා කරනකොට පොඩ්ඩා ඒ වගේ කෑම ආහාරයට ගන්න එකත් ඉබේම සීමා සහිත වෙනවා.

කෑම වෙලාවල් නියම කරන්න

කොයි වෙලේත් fridge එක ඇර ඇර කෑම ජාති හොයන පොඩිත්තෙක්ද ඔබටත් ඉන්නේ? හැබැයි ඉතින් එහෙම හොය හොය කන්නෙ ගුණදායක කෑමත් නෙවෙයිනේ නේද? ඒ නිසා මෙතනදි නම් පොඩි නීතියක් පනවන්න සිද්ධ වෙනවා. ඒ තමයි කෑම වේල් ලබාගන්න සුදුසු වෙලාවල් කිහිපයක් නියම කරන එක. ඒ අතරට ප්‍රධාන වේල් තුනක් සහ අමතර snack times 2ක් විතරක් එකතු කරන්න ඔබට හැකියාව තියෙනවා. Snack time එකට පැණි රස කෑමක්, පළතුරක්, cheese, yogurt, sandwich වගේ පොඩ්ඩා ප්‍රිය කරන යමක් ලබාදෙන්න පුළුවන්. ඒ වගේම තමයි Snack time එකේදි ලබාදෙනවා හැර, කෑම ටික කවාගන්න දෙන අල්ලසක් විදියට පැණි රස කෑම ලබාදීම නම් අනුමත කරන්නට හැකි දෙයක් නෙවෙයි.

ඇති තරම පමණක් ගන්න හුරු කරවන්න

මෙන්න මේ දේ ඉතාමත් වැදගත් කාරණාවක්. පොඩි බණ්ඩියක් පුරවන්න මහ ගොඩක් කෑම අවශ්‍ය නැති නිසා තමන්ගේ බඩට සෑහෙන තරමට පමණක් බෙදා ගන්න පොඩ්ඩාව හුරු කරවන්න. මෙයින් කෑම අපතේ යෑම වැළකෙනවා වගේම නිවසින් පිටස්තර තැනකදී ආහාර ගන්න වෙලාවට විනයක් ඇතුව, ප්‍රිය මනාප විදියට කෑම ගැනීමටත් පොඩ්ඩා හුරු පුරුදු වෙනවා. විශේෂයෙන්ම පිටස්තර තැන්වලදි, තිබෙන කෑම බීම ගැන හොඳින් අසා දැනගෙන තමන්ට කෑමට හැකි දේවල් පමණක් තෝරා බේරාගැනීමේ හැකියාවත් දරුවා තුළ  වැඩි දියුණු වෙනවා.

පෝශ්‍යදායි කෑම වර්ගවලට හුරු කරවන්නේ කොහොමද

උදාහරණයක් විදියට කොළ කැඳ සහ පලා වර්ග ගමුකෝ. අවුරුද්ද පහු වුණ ගමන් කොළ කැඳ ටිකක් බොන්න පලා කොළ ටිකක් කන්න හුරු වෙලා හිටපු පොඩ්ඩා වයසින් වැඩෙනකොටත් කොළ කැඳ සහ පලා වර්ග ප්‍රතික්ශේප කරන්නේ නැහැ. ඉතින් අපි දෙන tip එක තමයි, ඔබට පොඩ්ඩව ගුණදායක කෑම බීමවලට හුරු කරගන්න අවශ්‍යයි නම් පොඩි කාලේ ඉඳලම ඒ දේ පටන් ගන්න. එහෙම නොවුනොත් කෑම බීම තෝර තෝර කන්න පොඩ්ඩා හුරු වෙනවා. ඒක දරුවාගේ නිරෝගිකමට බාධාවක් වෙනවා විතරක් නෙවෙයි, අම්මටත් හරිම හිසරදයක් වෙන්න ඉඩ තියෙනවා.

අලුත් අලුත් කෑම වර්ග ට්‍රයි කරන්න දෙන්න

මෙහෙම හිතමුකෝ, ඔන්න අපි හිතවතෙක්ගේ ගෙදරට ගිය වෙලාවක ඒ අය ඔබටත් පොඩ්ඩටත් fresh fruit juice වලින් සංග්‍රහ කරනවා. ඒ වගේ වෙලාවක ” අනේ අපේ පුතා ඕවා බොන්නේ නැතිවෙයි, එයාට ඕවා හුරු නෑ” වගේ දේවල් නොකියා පොඩ්ඩට ඒ දේ රසවිඳින්න අවස්ථාව ලබා දෙන්න. සමහරවිට එයා බොහොම ආසාවෙන් ඒ බීම එක බොන්න ඉඩ තියෙනවා. හැබැයි…ඒ දෙන කෑම බීම මීට කලින් පොඩ්ඩාට allergy වෙලා තියෙනවා නම් ප්‍රතික්ශේප කරන්න දෙවරක් හිතන්න අවශ්‍ය වෙන්නේ නැහැ.

දියර වර්ග ප්‍රමාණවත් තරමට දෙන්න

වතුර කියලා කියන්නේ අපේ ඇඟට අත්‍යවශ්‍ය ම දෙයක් බව අමුතුවෙන් කියන්න උවමනාවක් නැහැනේ. උතුරවා නිවාගත් ජලය, අවුරුද්දට වැඩි දරුවෙක් නම් fresh milk, නැවුම් පළතුරු බීම, තැඹිලි වගේ දියර වර්ග ප්‍රමාණවත් තරමට ලබාදෙන්න අවශ්‍ය වෙනවා. සීනි අධික අඩංගු කෘත්‍රීම බීම වර්ග නම් කලාතුරකින් හැර නිතරම පානය කිරීම කිසිසේත්ම සුදුසු වන්නේ නැහැ. 

කෑම වර්ග තෝරමින් දෙන්නෙපා

සීතල කෑම, උශ්න කෑම, වාතය වැඩිවන කෑම වශයෙන් කෑම වර්ග බෙදා වෙන්කිරීමක් අපේ ආහාර සංස්කෘතිය තුළ දකින්නට ලැබෙනවා. නමුත් මේ විදියට ආහාර වර්ග තෝරමින් ලබා දීම හරහා සිදුවෙන අවාසිය තමයි පොඩ්ඩා ඒ කෑම වර්ග වලට හුරු නොවීම. අසනීපයක් ඇති අවස්ථාවක නම් පොඩ්ඩක් තෝරලා කෑම ටික ලබා දීමේ ඇති වැරැද්දක් නැහැ. නමුත් ඕනෑම කෑමක් තෝරන්නේ නැතුව කෑමට හුරු කිරීම තමයි වඩා වටින්නේ.

ඇබ්බැහිය එපා

සමහර වැඩිහිටියෝ ඉන්නවා උදේට පිටි කිරි එක බිව්වේ නැත්තම් දවසම මළානික වෙලා වගේ කාලය ගතකරන. මේකට හේතුව තමයි ඔවුන්ට කාලයක් තිස්සේ ඇතිකරගත් ඇබ්බැහියෙන් මිදීමට අසීරු වීම. අන්න ඒ නිසයි අපි කියන්නේ පොඩ්ඩට කිසිම කෑමකට බීමකට ඇබ්බැහි වෙන්නට ඉඩ හරින්නෙපා කියලා. සමහර පොඩි දරුවෝ fruit juice හැර කැබලි කැපූ පළතුරු කෑම ප්‍රතික්ශේප කරන නිසා බොහො පෝශ්‍යදායි පළතුරු වර්ග රස බැලීමේ අවස්ථාව ඔවුන්ට අහිමි වෙනවා. සමහර දරුවොන්ට බිස්කට්, චොක්ලට් බනිස් වගේ කෑම වර්ග දිනපතාම අවශ්‍ය වෙනවා. මෙවැනි පුරුදු ක්‍රමක්‍රමයෙන් අඩු කරගත්තේ නැත්නම් ශරීර සෞඛ්‍යට පවා අහිතකර ඇබ්බැහියක් වෙනකන් දුර දිග යන්නට ඉඩ තියෙනවා.

Screen time සීමා කරන්න

සාමාන්‍යෙන් රූපවාහිනිය හෝ phone එකේ videos නරඹමින් කෑම ලබාගන්න දරුවොන්ට තමන්ගේ බඩ පිරෙන සීමාව නොතේරෙන බව සඳහන් වෙනවා. එවැනි දරුවන් ස්ථූල වීමට ඇති ඉඩකඩ වැඩි කියලා තමයි පර්‍යේෂකයො නම් කියන්නේ. මේ නිසා ආහාර ගන්නා වෙලාවට screen time සීමා කරනවා නම් එය දරුවාගේ සෞඛ්‍යට හැම අතින්ම හිතකර වෙයි කියලා අපි හිතනවා.

කෑම වර්ග තහනම් කරන්න හොඳද

කිසිසේත් ම නැහැ. සාමාන්‍යෙන් අපි පොඩ්ඩොන්ට තහනම් කරන්නේ ශරීරයට අහිතකර කෑම බීම වර්ගනේ. පුදුමය තමයි, පොඩ්ඩෝ වැඩියෙන්ම ගන්න කැමතිත් ඒ වගේ කෑම වර්ග. ඉතින් කෑම වර්ග තහනම් කරනවා වෙනුවට ඔබ කළ යුත්තේ ඒවා සීමා සහිතව ලබා දීමයි. එවැනි ආහාර පාන වර්ග සම්පූර්ණයෙන් ම තහනම් කිරීමෙන් සිදුවෙන්නේ කෑම වර්ගවලට පොඩ්ඩාගේ තියෙන ආසාව තව තවත් වැඩිවීම විතරයි කියලා අවසන් වශයෙන් අපි සිහිපත් කරනවා.

The post පොඩ්ඩට කෑම දෙනකොට මේ දේවල් ගැනත් හිතන්න appeared first on Lady.lk | Lady | Women | Lifestyle | Health | Beauty.

කෝපයට පත්විම සහ රණ්ඩු වීම

කෝපය දැනීම සාමාන්‍ය මිනිස් හැඟීමක් වුණත් ඉවක් බවක් නැතිව පොඩි දරුවෝ ඉදිරියේ කෝපයට පත්වීම, කෑගැසීම සහ රණ්ඩු වීම නම් එතරම් සුදුසු දෙයක් නෙවෙයි. ඔබට බොහොම ප්‍රිය කරන පොඩ්ඩෙක් මේ දේවල් දිහා බොහොම අවධානෙන් බලාගෙන ඉන්නවා නම්, ඒ පොඩ්ඩා ඔබගේ කේන්තිය සහ කලබලකාරී හැසිරීම වීරකමක් විදියට සළකලා ආදර්ශයට ගන්න ඉඩ තියෙනවා. එහෙමත් නැත්නම් මේ හැසිරීම නිසා බියට පත්වෙලා ඔබ ගැන පොඩ්ඩාගේ තියෙන ආදරණීය සිතිවිලි නැතිවෙලා යන්නත් ඉඩ තියෙනවා.

අනවශ්‍ය විහිළු සහ අසභ්‍ය වදන්

සාමාන්‍ය විනෝදාත්මක විහිළු තහළුවලින් ඔබ්බට ගිහින් කෙනෙක්ට අපහාසයක් විය හැකි, හිත් රිදීම් ඇතිවිය හැකි සහ ගැටුමකට වුණත් හේතුවෙන්න ඉඩ තියෙන ආකාරයේ විහිළු තහලු සිදුකිරීමත්, පුරුද්දක් විදියට අසභ්‍ය වදන් පැවසීමත් අනුමත කරන්න පුළුවන් විදියේ දේවල් නෙවෙයි. විශේෂයෙන්ම පොඩ්ඩෝ ඉන්න තැන්වල මෙවැනි දේවල් සිදු කිරීම එම අවස්ථාවේ සාමයට බාධාවක් වනවා විතරක් නෙවෙයි පොඩි දරුවොන්ට වැරදි ආදර්ශයක් වන්නටත් ඉඩ තියෙනවා.

Sexual activities

මේ කියන්නේ යුවලක් අතර හුවමරු කරගන්නා සාමාන්‍ය ආදරණීය සිපවැලඳ ගැනීම් ගැන නම් නෙවෙයි. පොඩි දරුවෝ සිටින තැන්වල, ඔවුන්ට පෙනෙන ආකාරයට වැඩිහිටියන් විසින් සිදුකරන sexual activities අයිතිවන්නේ “ළමා අපයෝජන” ගණයට බව වැඩිහිටියන් විසින් අවබෝධ කරගැනීම අත්‍යවශ්‍ය වෙනවා. විශේෂයෙන්ම මව්පියන් විසින් දරුවන් සමඟ එකම කාමරයේ නිදා ගන්නවා නම් මේ කියන කාරණය ගැන වඩාත් සැළකිලිමත් විය යුතුයි කියලා අපි සිහිපත් කරන්න කැමතියි.

මත්පැන් සහ දුම්වැටි භාවිතය

මත්පැන් සහ දුම්වැටි භාවිතයේ ප්‍රතිඵල ගැන හොඳින් දැනුවත්ව සිටින පොඩ්ඩෝ වගේම වැඩිහිටියන් විසින් කරන ඕනෑම දෙයක් අත්හදා බලන්නට උත්සහ කරන පොඩ්ඩොත් ඉන්නවා. හොඳින් දැනුවත් දරුවෙක් නම් මත්පැන් හෝ දුම්වැටි භාවිතා කරන වැඩිහිටියෙක්ගේ සෞඛ්‍ය තත්ත්වය ගැන වද වීමටත්, අනුකරණය කරන දරුවෙක් නම් ඒ දේවල් සිදු කරන්නටත් පෙළඹෙන්නට ඉඩ තියෙනවා. විශේෂයෙන්ම ඔබට දැඩි සෙනෙහසක් දක්වන දරුවෙක් නම් මේ තත්ත්වය තවත් බැරෑරුම් වෙන්නට ඉඩ ඇති බව අපි මතක් කරනවා.

දරුවාට ලබාදෙන උපදෙස් අනුව තමන් ක්‍රියා නොකිරීම

උදාහරණයක් විදියට ගත්තොත්, නිවාඩු දිනවල උදේම නැගිටලා, දත් මැදලා, මූණ සෝදාගන්න කියලා පොඩි දරුවෙකුට උපදෙස් දෙනවා නම්, ඊට පෙර තමන්ද ඒ දෙය සිදුකළ යුතු බව වැඩිහිටියන් විසින් වටහාගත යුතු වෙනවා. ආදර්ශයක් නොවී, උපදෙස් පමණක් ලබා දෙන වැඩිහිටියෙක් ගැන කිසිම ආකාරයක ආදර ගෞරවයක්  දරුවා තුළ ඇතිවන්නට ඉඩක් නැති අතර හුදු බිය නිසා පමණක් ම උපදෙස් පිළිපැදීම සිදු කරන්නට ඉඩ තියෙනවා.

Electronic gadgets

Video games, mobile phones හෝ වෙනත් එවැනි ආකාරයේ උපාංගයකට ඔබ ඇබ්බැහි වෙලා නම්, එහෙමත් නැත්නම් නොනවත්වා රූපවාහිනිය නරඹනවා නම් ඔබගේ නිවසේ සිටින පොඩ්ඩොන්ට ඔබ ලබාදෙන්නේ යහපත් ආදර්ශයක් නම් නෙවෙයි. අධිකව digital screens භාවිතා කිරීම පොඩි දරුවොන්ට විතරක් නෙවෙයි ඔබටත් අහිතකර විදියට බලපාන්න ඉඩ තියෙනවා. ඒ විතරක් නෙවෙයි දරුවන් සිටින ස්ථානවලදී ඔබ රස විඳින ගීත, චිත්‍රපට පවා වඩා සැළකිලිමත්ව තෝරාබේරා ගැනීමට උත්සහ කරන්න කියලා අපි සිහිපත් කරන්න කැමතියි.

White lies

වාහනයේ ගමන් කරන අතරතුර මාර්ග නීතී කඩකිරීමකදි, පොලිස් නිලධාරියෙක් විසින් ඔබව නතර කර කරුණු විමසනවා කියලා හිතන්න. ඒ අවස්ථාවේදි වරද පිළිගැනීම සහ බොරුවක් පවසා බේරී යෑම කියන විකල්ප දෙකෙන් ඔබ තෝරාගන්නේ කුමක්ද? බොරු කියා ගැළවී යාම ඔබේ තීරණය නම් වාහනයේ ඔබ සමඟ සිටින දරුවාට ඔබ ලබාදෙන ආදර්ශය නම් එතරම් යහපත් වන්නේ නැහැ. තමන් අපහසුතාවයට පත්වන අවථාවලදී බොරුවක් කියා පලායෑම පහසු විසඳුමක් විදියට පොඩ්ඩා තේරුම් ගත්තා නම් ඔහු එය ජීවිත කාලය පුරාම පවත්වාගන්නට උත්සහ කරන වැරදි පුරුද්දක් වන්නට ඉඩ තියෙනවා.

ආකල්ප

කම්මැලිකම උත්කර්ශයට නඟමින් කතා කිරීම, වගකීම් වෙනත් අයට පවරා ඇඟ බේරාගැනීම, සෑම දෙයක් ගැනම/ පුද්ගලයෙක් ගැනම complain කිරීම, කිසිම ආත්ම විශ්වාසයක් නැති weak අයෙක් විදියට ක්‍රියා කිරීම, අන් අයව පහත් තත්ත්වයට දමා කතා කිරීම, අපහාස කිරීම වගේ දේවල් ඔබ සිදු කරනවා නම් ක්‍රමක්‍රමයෙන් ඒ දුර්වලතා නිවැරදි කරගැනීමට ක්‍රියා කළ‍යුතු වෙනවා. මොකද, එවැනි ආකල්ප, කතාබහ සහ හැසිරීම් ඔබට විතරක් නෙවෙයි, විශේෂයෙන්ම ඔබ වටේ ගැවසෙන පොඩ්ඩොන්ට ලබාදෙන්නෙත් යහපත් හැඟීමක් නොවීම තමයි මීට ප්‍රධානතම හේතුව වෙන්නේ.

The post කුඩා දරුවන් ඉදිරියේ මේ දේවල් කරන්න එපා appeared first on Lady.lk | Lady | Women | Lifestyle | Health | Beauty.

“කැටය” තමයි අඩිතාලම

ඔබට ඉන්නේ ළාබාල වයසේ පොඩ්ඩෙක් නම් එයා ආසාම කරන විදියක පොඩි කැටයක් අරන් දීලා වැඩේ පටන් ගන්න හැකියාව තියෙනවා. දවසින් දවස පිරෙන සහ බරින් වැඩිවෙන කැටය දකිනකොට පොඩ්ඩාගේ උනන්දුවත් දවසින් දවස වැඩිවෙයි කියලා අපි හිතනවා. හැබැයි ඔයාට ඉන්නේ ටිකක් දැනුම් තේරුම් ඇති වයසේ පොඩ්ඩෙක් නම් කෙළින්ම බැංකු ගිණුමක් ම පටන් ගන්න හැකියාව තියෙනවා. ගිණුමේ සල්ලි වැඩිවෙනකොට, තෑගි බෝග දීමනා එහෙම වැඩි වැඩියෙන් ලැබෙනකොට පොඩ්ඩා හරිම කැමැත්තෙන් ඉතිරි කිරීමට පෙළඹේවී.

කැටය කඩලා මොකද කරන්නේ

කැටය පිරුණම ඒක කැඩීම සහ මුදල් වෙන් කරන වැඩේ පොඩ්ඩාටම භාර දෙන්න. ගණන් කරන්නත්, කාසි ටික මුදල් නෝට්ටු බවට හරවාගන්නත් ඔබේ සහයෝගය ලබාදීම ප්‍රමාණවත් වෙනවා. පොඩ්ඩා ඉවසීමෙන් එකතු කරපු සල්ලි ටික දැන් අයිති එයාට හන්දා ඒවාට කරන්නේ මොනවාද කියලත් පොඩ්ඩා එක්ක සාකච්ඡා කරලම තීරණය කිරීම තමයි වඩා වටින්නේ. ඒ වගේම බැංකු ගිනුමක් ආරම්භ කිරීමට බල කරන්නේ නැතිව, එයින් ලැබෙන ප්‍රතිලාභ ගැන තේරුම් කරලා දීම පමණක් ප්‍රමාණවත් කියලයි අපේ නම් අදහස. පොඩ්ඩා එයාට ආසා කරන සෙල්ලම් බඩුවක් ගැනීම එයාගේ තීරණය නම් එයට ඉඩ ලබාදීමත් තව තවත් ඉතුරු කිරීම සඳහා motivation එකක් වේවි.

ඉලක්කයක් ලබා දෙන්න.

පොඩ්ඩා ටිකක් මිල අධික සෙල්ලම් බඩුවක් ඉල්ලනවා කියලා හිතමුකෝ. ඒක පොඩ්ඩාට සුදුසුයි කියලා ඔබ හිතනවා නම් සහ ගැටළුවකට තියෙන්නේ මිල අධික බව විතරක් නම් පොඩ්ඩාට ඒ දේ පැහැදිලි කරලා දෙන්න. මාසයකට මේ වගේ ගාණක් ඉතුරු කරනවා නම්, මේ වගේ කාල සීමාවක් ඇතුළත ඒ භාණ්ඩය මිලට ගන්න හැකියාව ලැබෙන බව කියලා දුන්නම පොඩ්ඩා ඒ ඉලක්කය සපුරාගන්න උනන්දුවෙන් සල්ලි එකතු කරන්න ඉඩ තියෙනවා. ඒ වගේම් දිනපතා දෙන මුදලට අමතරව මාසයකට වතාවක් ටිකක් වැඩිපුර මුදලක් ලබාදීම මඟින් පොඩ්ඩාව දිරිමත් කරන්නට ඔබට හැකියාව තියෙනවා.

උපයන්න අවස්ථාවක් ලබාදෙන්න

ඔබ විසින් ඉතිරි කිරීම වෙනුවෙන් ම දරුවාට ලබාදෙන මුදලට අමතරව, තමන්ට ලැබෙන Pocket money වලින් කොටසක් ඉතිරි කිරීමට සහ නිවසේදී යම් යම් කාර්‍යයන් ඉටු කිරීම හරහා මුදලක් උපයාගැනීමට දරුවාව උනන්දු කරන්න ඔබට හැකියාව තියෙනවා. වෙහෙසකින් තොරව ලැබෙන මුදලට වඩා පරිශ්‍රමයක් දරා මුදල් ඉපයීම වටිනා බවත්, මුදල් ඉපයීමට නම් වෙහෙස විය යුතු බවත් දරුවා මේ හරහා තේරුම් ගනීවි.

පොඩ්ඩෝ ඉගෙනගන්නේ දෙමව්පියොන්ගෙන්

නත්තලට, අලුත් අවුරුද්දට හෝ උපන්දිනයට ලබාදෙන තෑගි වෙනුවෙන්, එහෙමත් නැත්නම්  සැප්තැම්බර් මාසයේදී පොත් මිලට ගැනීම වෙනුවෙන් හෝ තමන්ගේ පෞද්ගලික අවශ්‍යතාවයක් ඉටු කරගැනීම සඳහා කැටයකට මුදල් එකතු කරන්නට සමහරු  පුරුදු වෙලා ඉන්නවා. ඉතින්, ඔබත් එහෙම අම්මෙක් නම් පොඩ්ඩාට මුදල් ඉතිරි කිරීම හුරු කරවීම එතරම් අපහසු වෙන්නේ නැතිවෙයි. ඒ වගේම දැනටමත් එහෙම කෙනෙක් නෙවෙයි නම්, කැට දෙකක් අරන් පොඩ්ඩා එක්කම වැඩේ පටන්ගන්න කියලා අපි යෝජනා කරනවා.

විවෘතව අදහස් හුවමාරු කරගන්න

මුදල් ගැන දරුවා සමඟ කතා බහ කිරීමේදී එය දරුවාට පීඩාවක් නොවෙන ආකාරයට සිදු කිරීම ඉතාම වැදගත් වෙනවා. ” අපි දුප්පත්, අපිට සල්ලි නෑ” වගේ හැඟීමක් පොඩි දරුවෙක්ගේ හිතට බර වැඩි සිතිවිල්ලක් වෙනවා වගේම එය එක්තරා විදියකට දරුවා තුළ හීනමානයක් ඇති කරවන්නටත් ඉඩ තියෙනවා. මේ නිසා එවැනි හැඟීමක් ඇති නොවෙන පරිදි, අවශ්‍යතා සහ උවමනා, ඉපයීම වෙනුවෙන් කරන කැපකිරීම සහ දැරිය යුතු වෙහෙස, ආයෝජනය කළයුතු ආකාරය, ඉතිරි කිරීමේ ප්‍රතිලාභ සහ එමඟින් ලැබෙන මූල්‍යමය සුරක්ෂිත බව, අරපරිස්සම වගේ සංකල්ප ගැන පොඩ්ඩාට සුළු හෝ අවබෝධයක් ලබාදීම ඉතාමත් වටින බව අපි සිහිපත් කරන්නට කැමතියි.

The post ඉතිරි කිරීම ගැන පොඩ්ඩාට කියලා දෙන්නේ මෙහෙමයි appeared first on Lady.lk | Lady | Women | Lifestyle | Health | Beauty.

Decision making

දරුවා ඉතා කුඩා කාලයේ ඉඳලාම ඔහුට ස්වාධීන වීමට, තෝරාගැනීම් සිදු කරන්නට සහ තීරණ ගන්නට අවස්ථාව දීම අතිශය වැදගත් වන අතර වැඩිහිටියන් විදියට ඔබේ නිසි මඟපෙන්වීම පමණක් මෙහිදී ප්‍රමාණවත් වෙනවා. කාලයක් ගත වෙනකොට නිවැරදි සහ වැරදි තීරණවලින් ලැබෙන එකිනෙකට වෙනස් ප්‍රතිඵල ගැනත්, තමන් ගන්නා තීරණවල වගකීම තමන්ට ම දැරීමට සිදුවන බවත් පොඩ්ඩා වටහා ගන්නට පටන් ගන්නවා. හැබැයි, පොඩ්ඩා කරන කියන හැමදේටම ඔබ මැදිහත් වෙනවා නම් ඔහු තුළ තමන් සම්බන්ධව කිසිම ආත්ම විශ්වාසයක් ගොඩනැඟෙන්නේ නැහැ වගේම තීරණ ගැනීමේදි අතරමං වූ ස්වභාවයකට පත් වීමටත් ඉඩ තියෙනවා.

Health and hygiene

නිරෝගී වීම සඳහා වගේම ප්‍රියජනකක පුද්ගලයෙක් විදියට සමාජයට යන්නත් මේ life skill එක ඉතාම වැදගත් වෙනවා. පොඩ්ඩා කලට වේලාවට නාන්න, දත් මදින්න, අත් සෝදන්න එහෙම ඒ තරම් කැමති නැත්නම් point chart එකක් හදලා හෝ පොඩ්ඩව දිරි ගන්වන්න උත්සහ කරන්න ඔබට හැකියාව තියෙනවා. කාලයක් තිස්සේ මේ දේ හුරුවෙනකොට පිරිසිදුව සිටීමේ වටිනාකම පොඩ්ඩාටම තේරුම් යන්න ඉඩ තියෙනවා.

Time management

කාලය කළමනාකරණය කරගැනීම කොයි තරම් වැදගත්ද කියලා වැඩිහිටි අපිට මේ වෙනකොට වැටහුනාට පොඩ්ඩොන්ට ඒ ගැන ඒ තරම් තේරුමක් නැහැ. මේ නිසා කල්‍ යල් බලලා වැඩ කිරීම්, නියමිත වැඩ කොටස අදාළ කාලය ඇතුළත නිම කිරීම සහ schedules පවත්වාගැනීම හරහා වැඩකටයුතු පහසු කර ගැනීම වගේ කාරණා ගැන කියාදීම ඔවුන්ගේ ජීවිත සාර්ථක වීමට විශාල බලපෑමක් ඇති කරනවා. ඒ විතරක් නෙවෙයි වැඩ ගොඩ ගැහෙන්නේ නැති නිසා, අමතර වාසියක් විදියට හිතේ සැනසීම කියන දේත් ලබාගන්න හැකියාව ලැබෙනවා.

Meal preparation

අපි මේ කතා කරන්නේ අංග සම්පූර්ණ කෑම වේලක් පිළියෙල කිරීම ගැන නම් නෙවෙයි. බීමක්, තේ කෝප්පයක්, sandwich එකක්, omelette හෝ salad එකක් වගේ පොඩි දෙයක් සකස් කරගන්නා ආකාරය ගැන තමයි අපි අදහස් කරන්නේ. මුළුතැන්ගෙයි වැඩකටයුතු වලට පොඩි පොඩි අත් උදව් ගැනීමෙන් මේ පාඩම පටන්ගන්න ඔබට හැකියාව තියෙනවා. කාලයක් ගත වෙනකොට කෑම වේලක් හදාගන්නවාට අමතර කෑම බීමවල ගුණ අගුණ, ලේසි පහසු ක්‍රම සහ විධි, මුළුතැන්ගෙයි උපකරණ භාවිතය වගේ කාරණා ගැන පොඩ්ඩා හොඳින් දැනුවත් වෙන්න පටන් ගනීවි.

Money management

තමන්ගේ මුදල් හරි හැටි කළමණාකරණය කරගන්නට බැරි වීම නිසා කරදරයට පත් වන පුද්ගලයින් ඔබ දැක ඇතුවාට සැකයක් නැහැ. තමන් මහන්සිවෙලා උපයන මුදල් නිවැරදිව භාවිතා කරන්නේ කොහොමද, මුදල් කියන දේ කොයි තරම් වටිනවද, ඉතිරි කිරීම, බැංකු කටයුතු, ණය වීම කොයි තරම් අවදානම්ද  වගේ කරුණු ගැන ප්‍රායෝගික පුහුණුවක් පොඩ්ඩාට ලබාදීම අත්‍යවශ්‍ය වන්නේ මෙන්න මේ කාරණය නිසයි. මූල්‍ය කළමනාකරණය හුරු කිරීමට ආරම්භයක් විදියට පොඩි කැටයක් අරන් දීලා මුදල් ඉතිරි කි‍රීමට හුරුකරන්න පටන් ගන්න ඔබට හැකියාව තියෙනවා.

Cleaning

තමන් ජීවත්වෙන වටපිටාව හැකිතාක් පිළිවෙලට සහ පිරිසිදුවට පවත්වා ගැනීමට උත්සහ කිරීම වටිනා ම life skill එකක් විදියට පෙන්වන්න පුළුවන්. නිවසේ ගෘහණිය විදියට හැමදේම තමන් විසින්ම සිදු කරනවාට වඩා නිවසේ වැඩ කටයුතු පවුලේ සියළුම සාමාජිකයින් අතර බෙදාදීම ඔබටත් විශාල පහසුවක් වනවා නොඅනුමානයි. නිදාගත් ඇඳ සැකසීම, කෑමෙන් බීමෙන් පසුව පිඟාන කෝප්පය සේදීම, සෙල්ලම් බඩු අස්පස් කිරීම, සේදීමට ඇති රෙදි අදාළ බඳුනට දැමීම, තමන්ගේ කාමරය අතුගා පිරිසිදු කිරීම වගේ සරල ක්‍රියාකාරකම් හරහා මේ දේ ආරම්භ කරන්න හුරු කරවන්න ඔබට පුළුවන්කම තියෙනවා.

Laundering

කිළිටි රෙදි වර්ග කිරීමෙන් අනතුරුව washing machine දැමීම, detergent පාවිච්චි කරන ආකාරය, රෙදි වේළුනු පසුව වෙන් කර නවා තැබීම වගේ සරල කාර්‍යයන් පොඩ්ඩාට භාර දෙන්න ඔබට පුළුවන්. හැබැයි මෙහිදී safety first කියන කාරණාව අමතක කරන්න එපා කියලත් අපි සිහිපත් කරන්න කැමතියි.

Comparison shopping

දකින ඕනෑම දෙයක් ඉවක් බවක් නැතිව මිලට ගන්නවා වෙනුවට භාණ්ඩවල මිල ගණන් සහ තත්ත්වය සසඳා බලමින් භාණ්ඩ මිලට ගැනීමට හුරු වීම පොඩ්ඩෙක් ඉගෙන ගත යුතුම පුරුද්දක් කියලා අපි විශ්වාස කරනවා. මෙවැනි පුරුද්දක් පොඩි දරුවෙකුට හුරු කිරීම තරමක් කාලය ගතවන සහ අසීරු දෙයක් වුණත් එය පොඩ්ඩගේ අනාගතයට ආශිර්වාදයක් වනවා නොඅනුමානයි.

Getting dressed and ready

පාසල් හෝ වෙනත් ගමනක් යෑමට පෙර දිනයේ තමන්ගේ බෑගය, ඇඳුම්, සපත්තු සහ අනෙකුත් අවශ්‍ය දේවල් සූදානම් කරගැනීමට සහ alarm එකට අවදි වී සූදානම් වීමට හුරු වීම පොඩ්ඩට විතරක් නෙවෙයි ඔබටත් විශාල සහනයක් වන බව අපි හිතනවා. දරුවන් බොහෝ දේවල් ඉගෙනගන්නේ මව්පියන්ගෙන් වන නිසා වචනයෙන් වචනය උපදෙස් දෙනවාට වඩා හැකිතාක් ආදර්ශයෙන්ම මේ දේවල් ඉගැන්වීම වඩා සාර්ථක ක්‍රමයක් බවයි අපි විශ්වාස කරන්නේ.

The post පොඩ්ඩෙක්ට හුරු කරවන්නම අවශ්‍ය life skills. appeared first on Lady.lk | Lady | Women | Lifestyle | Health | Beauty.

කේන්ති එන්නේ ඇයි?

පොඩ්ඩෙකුට නිතර නිතර කේන්ති එනවා නම් ඒකට බලපාන හේතු කීපයක් ම තියෙන්න පුළුවන්. ප්‍රධානම හේතුව තමයි දරුවාට තමන්ගේ හිතේ තියෙන අදහස හෝ ගැටළුව නිවැරදිවම කියාගන්නට නොහැකිවීම. ඒ වගේම තමයි අම්මා තාත්තට නොතේරුනාට, නිරන්තරයෙන් කේන්ති ගන්න පොඩ්ඩාට වෛද්‍ය සහය අවශ්‍ය වෙන්නත් ඉඩ තියෙනවා. මේ නිසා, එවැනි අවශ්‍යතාවයක් ගැන යාන්තමට හෝ ඉඟියක් ලැබී ඇති නම් වහාම සුදුසුකම් සහිත වෛද්‍යවරයෙක්ගෙන් උපදෙස් ලබාගන්න කියලා මුලින්ම අපි සිහිපත් කරන්නට කැමතියි. පැකිළීමකින් තොරව ඔබ නියම අවස්ථාවේදී ක්‍රියාත්මක වුවහොත් අනාගතයේදී ඇතිවිය හැකි ගැටළු ගණනාවකට පිළියම් සපයාගන්න ඔබට අවස්ථාව උදාවේවී.

කේන්ති ආවම කරන දේවල්

පොඩ්ඩෙකුට කේන්ති ආවම එයා ඒ කෙන්තිය විවිධ ආකාරවලින් පිට කරන්නට ඉඩ තියෙනවා. හැඬීම, කෑගැසීම, වටපිටාවේ ඇති දේවලට පයින් ගැසීම, තමන් අවට සිටින අනෙක් අයට හිරිහැර කිරීම, විධාන ලබාදීම හෝ තර්ජනය කිරීම වගේ කලබලකාරී හැසිරීමක් එයාගෙන් දකින්නට ඉඩ ලබේවී. ඉතින් ඒ වෙලාවට දෙමව්පියෝ විදියට අපි කළයුත්තේ, සංසුන්ව ඒ ආවේගය පාලනය කරගන්න උත්සහ කිරීම මිස අපිත් ආවේගශීලී වෙලා කලබල කිරීම නම් නෙවෙයි.

ඇත්තටම තරහෙන්ද?

පොඩ්ඩා කේන්තියක් විදියට පිට කළාට ඇත්තටම ඒ දුකක්, ලැජ්ජාවක්, තනිකමක් හෝ අවධානය අවශ්‍ය වීමක් වෙන්න ඉඩ තියෙනවා. මේ නිසා දරුවා එක්ක චුට්ටක් කතා කරලා ඔහුගේ සැබෑ හැඟීම වටහාගෙන, කේන්තිය දුර දිග යෑම වළක්වාගන්න උත්සහ කිරීම තමයි වැඩිහිටියොන්ගේ වගකීම වෙන්නේ. හැබැයි පොඩ්ඩාගේ කේන්තිය වටහාගැනීම සහ අවධානය ලබාදීම ඒ කේන්ති ගැනීමට සහ කලබලකාරී හැසිරීමට අනුබල දීමක් විදියට දැනෙන්නට ඉඩ දෙන්න එපා කියලත් අපි සිහිපත් කරන්නට කැමතියි. ඒ වෙනුවට වචන භාවිතා කරලා තමන්ගේ සැබෑ හැඟීම හෙළිකරන්නට දරුවාව දිරි ගන්වන්න.

මට ඔයාව තේරෙනවා

කේන්ති අරන් ඉන්න පොඩ්ඩාව ළඟට අරන්, “ඔයාට කේන්ති ඇවිත් තියෙන්නේ කියලා අම්මට තේරෙනවා” කියන කාරණය මුලින්ම කියන්න. ඒකට හේතුව දන්නවා නම් ඒ බවත් කියන්න. එහෙමත් නැත්තන් පොඩ්ඩාට තමන්ගේ කේන්තියට හේතුව කියාගන්න පොඩි support එකක් දෙන්න. තරහා එන එක බොහොම සාමාන්‍ය දෙයක් බවත්, විසඳුමක් හොයාගන්න තමන් උදව් කරන බවත් කියලා පොඩ්ඩාව ආදරෙන් තුරුළු කරගන්න. ගින්නකට වතුර දැම්මම ඒ ගින්න නිවිලා යනවා වගේ පොඩ්ඩගෙ කේන්තිය නිවිලා යන බව ඔබටම තේරුම් ගන්න හැකියාව ලැබේවි.

චූටි කේන්තියක් නම් වැඩේ ලේසියි

පොඩ්ඩට ඇවිත් තියෙන්නේ පොඩි කේන්තියක් නම් විහිළුවක් කරලා, එහෙම නැත්තන් පොඩ්ඩා ගැන හොඳ දෙයක් මතක් කරවලා ඒ කේන්තිය නිවාගන්න උදව් කරන්න පුළුවන්. හැබැයි මේකෙන් කියන්නේ දරුවගේ හැඟීම් නොසකලා හරින්න කියලා නම් නෙවෙයි. එහෙම වුනොත් සිදුවෙන්නේ කේන්තිය නිවෙනවා වෙනුවට තව තවත් කේන්තිය එකතු වීමක් විතරයි.

වෙලාව ලබාදෙන්න

පොඩ්ඩාට හොඳටම කේන්ති ගිහින් නම්, එයාටම තනියම හිතලා ඒ තරහා පාලනය කරගන්න අවස්ථාව ලබාදීමත් ඔබට ගන්න පුළුවන් ක්‍රියාමාර්ගයක් විදියට පෙන්වන්න පුළුවන්. ඔබට හොඳින් දරුවාව පේන තැනක වාඩි කරවලා විනාඩි 10-15ක් පමණ කාලයක් තනිවම හිතන්න ඉඩ ලබාදෙන්න. සාකච්ඡා මාර්ගයෙන් විසඳුමකට එන්නට තරම් සෑහෙන තරමකට කේන්තිය නිවෙන්නට මේ කාලය ප්‍රමාණවත් වෙන්නට ඉඩ තියෙනවා.

පොඩ්ඩාගේ අදහස්වලට ඉඩ ලබාදෙන්න

දරුවා සම්බන්ධ සෑම දෙයක්ම ඔබගේ කැමැත්තට අනුව පමණක් පාලනය වෙනවා නම්, දරුවාට තමන්ගේ අදහස් ප්‍රකාශ කරන්නට හෝ ඉඩක් ලැබෙන්නේ නැතිනම් ඒ පුංචි හිතේ පීඩනයත් සහ ඒ පීඩනය හරහා දැඩි කෝපයකුත් ගොඩනැඟෙන්නට ලොකු ඉඩකඩක් නිර්මාණය වෙනවා. මේ නිසා නිතරම දරුවාට තමන්ගේ අදහස් ප්‍රකාශ කරන්නටත්, යම් යම් තීරණ ගැනීමටත් ඉඩ කඩ ලබා දීම ඔබගේ වගකීම බව අපි සිහිපත් කරන්නට කැමතියි. ඒ වගේම ඔබ දරුවාගෙන් අපේක්ෂා කරන දේ ආදරෙන්, පැහැදිලිව, කෙටියෙන් සහ විකල්ප අවස්ථා ද සමඟ කියන්නට හුරු වුවහොත් දරුවාගෙනුත් යහපත් ප්‍රතිචාර බලාපොරොත්තු වෙන්නට හැකිවෙයි කියලත් අපි විශ්වාස කරනවා.

කේන්තිය ආව වෙලාවට තීරණ ගන්න හොඳ නැහැ

කේන්ති ආව වෙලාවට ගන්න තීරණ වලින් ලැබෙන්නේ නරක ප්‍රතිඵල බව පොඩ්ඩට කියා දෙන්න. උදාහරණයක් විදියට කේන්තියෙන් මේසයකට, පුටුවකට පයින් ගැහුවොත් තමන්ට තුවාල වෙන්න පුළුවන් බවත්, කේන්තිය නිසා යාලුවෙක්ට හිරිහැර කරනකොට දරුණු අනතුරක් වුණත් වෙන්න පුළුවන් බවත් පොඩ්ඩට වටහලා දෙන්න. මේ නිසා මුලින්ම කේන්තිය පාලනය කරගෙන ඉන් පස්සේ සුදුසු තීරණයක් ගැනීම තමයි හොඳම දේ කියන කාරණය ඒත්තු ගැන්වීම, පොඩ්ඩාගේ ජීවිත කාලයටම වටිනා පාඩමක් වෙන්නට ඉඩ තියෙනවා. 1-20 ගණන් කිරීම, එක තැන විනාඩි කිහිපයක් වාඩිවෙලා සිටීම, කොළයක් අරන් චිත්‍රයක් ඇඳීම සහ පාට කිරීම වගේ දෙයක් මේ වගේ වෙලාවට කරන්න පුළුවන්.

ප්‍රසිද්ධ ස්ථානවලදි

බොහෝ පිරිසක් රැස්වෙන තැනකදී, පොඩ්ඩා කේන්ති අරන් කලබල කරනවා නම්, හැකිතාක් සෙනඟ අඩු තැනකට පොඩ්ඩව අරගෙන යන්න. පිරිසක් ඉදිරියේ ක්‍රියාමාර්ගයක් ගන්නවාට වඩා පෞද්ගලිකත්වයක් ඇති තැනකදි විසඳුමක් සොයා ගැනීම පොඩ්ඩට වගේම ඔබටත් සැනසීමක් වෙන්නට ඉඩ තියෙනවා.

The post පොඩ්ඩට කේන්ති ආව වෙලාවට… appeared first on Lady.lk | Lady | Women | Lifestyle | Health | Beauty.

Size

එකම වයසේ පොඩ්ඩෝ දෙන්නෙක් ගත්තොත් ඒ දෙන්නට ගැළපෙන්නේ sizes දෙකක ඇඳුම් වෙන්න පුළුවන්. උදාහරණයක් විදියට ඔබේ පොඩ්ඩට වයස අවුරුදු 2ක් වුණාට සාමාන්‍යෙන් ඒ වයසේ වෙනත් දරුවොන්ට වඩා සිරුරින් ලොකු වෙන්නත් පුළුවන්. පොඩි වෙන්නත් පුළුවන්. මේ නිසා tag එකේ සඳහන් කරලා තියෙන ප්‍රමාණයත්, වයසත් ගැන විතරක්ම හිතන්නේ නැතුව පොඩ්ඩගේ උස බර හොඳට මැනලා ඇඳුම් ගන්නවා නම් exchange කරන්න දුවන්න අවශ්‍ය වෙන්නේ නැතිවෙයි.

Fit

Shirts, dresses, pants වගේ කොයි ඇඳුමක් ගත්තත්, ඒක පොඩ්ඩට අපහසුවකින් සහ අවලස්සනකින් තොරව fit වෙනවාද කියන කාරණාව ගැනත් සැළකිලිමත් වෙන්න සිදුවෙනවා. උදාහරණයක් විදියට adjustable waist band එකක් සහිත කලිසමක ඉනේ ප්‍රමාණය adjust කරමින් කාලයක් තිස්සේ අන්දවන්න පුලුවන් වුණත්, එහි දිග, පළල වගේ දේවල් වෙනස් නොවෙන හන්දා පොඩ්ඩාට අපහසුදායක සහ නොගැළපෙන්න  ඉඩ තියෙනවා. මේ නිසා ඇඳුමක් තෝරා ගන්නකොට පොඩ්ඩාගේ ඇඟට ඒ ඇඳුම පහසුදායක විදියට fit වෙයිද කියලත් කල්පනා කරන්න අමතක කරන්න එපා.

Fabric

මේ කාරණය ගැන ඔබ විශේෂ සැළකිල්ලක් දැක්විය යුතු වෙන්නේ සමහර fabric materials වලින් නිමවා ඇති ඇඳුම් වැඩිහිටියන්ට පවා අතිශය අපහසුදායක වන නිසයි. ලංකාව වගේ උණුසුම් දේශගුණයක් සහිත පරිසරයකට ඔරොත්තු දෙන පරිදි cotton, viscose, linen වගේ soft, light, loose materials වලින් මසා ඇති ඇඳුම් තෝරාගන්නවා නම් ඉතාමත් සුදුසුයි කියලා අපි විශ්වාස කරනවා. ඉතින් ඇඳුම කොයි තරම් cute වුණත් එය පොඩ්ඩාගේ සංවේදී සමට අපහසුදායක, කැසීම් සහ rashes ඇති කරවන හෝ සිරුරට අධික උණුසුමක් දැනෙන ඇඳුමක් නම්, එවැනි ඇඳුමක් තෝරාගැනීම ඔබේ මුදල් අපතේ යැවීමක් පමණක් බව අමතක කරන්න එපා.

Quality

සෙල්ලමට වැටුනට පස්සේ, ඇඳුම පරිස්සම් කරගන්න වගේ දේවල් ගැන පොඩ්ඩෝ එතරම් අවධානයක් යොමු කරන්නේ නැහැ. ඉතින් ලොකු මිලක් ගෙවලා අරගෙන තියෙන්නේ quality ඇඳුමක් නෙවෙයි නම් වරක් දෙවරක් ඇඳීමෙන් පසුව ඒක ඉක්මනින් ඉවත් කිරීමට සිදුවෙනවා. ඒ විතරක් නෙවෙයි එවැනි ඇඳුම් පොඩ්ඩාගේ ශරීරයට සුවපහසු නොවෙන්න වගේම හොඳ පෙනුමක් ලබා නොදෙන්නත් ඉඩ තියෙනවා. සමහර low quality ඇඳුම් සේදීමේදී සායම් යෑම නිසා අනිත් ඇඳුම් පවා සවුත්තු වෙන්නට ඉඩ තියෙන බව අමතක කරන්න එපා.

Color

පාට තේරීමේදී පොඩ්ඩාගේ කැමැත්තට ඉඩක් ලබා දීමත්, හැම ඇඳුමක්ම එකම පාටින් ගන්නේ නැතුව විවිධත්වයක් ඇතුව ගන්න උත්සහ කිරීමත් වඩා වටිනවා. ඒ වගේම අපේ රටේ උණුසුම් දේශගුණයට ළා පැහැති ඇඳුම් තමයි වඩා සුදුසු කියලත් අපි සිහිපත් කරන්න කැමතියි.

Appeal

වැඩිහිටි අපි වගේම තමයි, පොඩ්ඩොත් කැමති නෑ සමහර ඇඳුම් අඳින්න. එයාලටත් එයාලගෙම තේරීම් තියෙනවා. ඉතින් ඇඳුම් මිලට ගැනිමේදී ඔබගේ කැමැත්ත අනුව විතරක් ක්‍රියා කරන්නේ නැතුව් අනිවර්‍යෙන්ම පොඩ්ඩගේ කැමැත්තටත් ඉඩකඩ ලබා දෙන්න කියලා අපි මතක් කරන්න කැමතියි.

Simple and easy to wear clothes

Ribbons, stones, frills, belts, zips, hooks වගේ අමතර items පිරුණු ඇඳුමක් කිසිසේත්ම පොඩි දරුවෙකුට පහසුදායක ඇඳුමක් නම් වෙන්නේ නැහැ. පිටත් පෙනුම කොයි තරම් ලස්සනට වුණත් ඒක පොඩ්ඩට සුවපහසු වෙන්නෙ නෑ වගේම මේ වගේ fancy items නිසා වැඩිපුර දහඩිය දමන්න සහ rashes එන්න වුණත් ඉඩ තියෙනවා. ඒ විතරක් නෙවෙයි පොඩ්ඩොන්ගේ ඇඳුම් තෝරනකොට දරුවාට අනාරක්ෂිතයි කියලා හිතෙන විදියේ කොටස් නැති ඇඳුම් තෝරාගන්න අමතක කරන්නත් එපා. ඉතින් මේ හැම කරුණක්ම සළකලා බලලා, පොඩ්ඩාට ඇඳුම් මිලට ගන්නකොට හැකිතාක් සරල, සුවපහසු සහ අඳින්න ගලවන්න පහසු designs වල ඇඳුම් තෝරාගන්න වගබලා ගන්න කියලා අපි නැවතත් මතක් කරනවා.

Fashion

වැඩිහිටියන්ට සුදුසු ආකාරයේ ඇඳුම් ආයිත්තම් වෙනුවට පොඩ්ඩාගේ වයසට ගැළපෙන ආකාරයේ ඇඳුම් තෝරාගැනීම ගැන විශේෂ අවධානයක් යොමු කරන්න අවශ්‍ය වෙනවා. මොකද පොඩ්ඩොන්ගේ හුරතල් පෙනුම රැකෙන්නට, අඳින ඇඳුම වැඩි වශයෙන් බලපෑමක් කරන නිසයි. ඔබ මුදල් වියදම් කරලා මිලට අරන් අන්දන ඇඳුමෙන් පොඩ්ඩාගේ පෙනුම අවලස්සන වෙනවා නම් එය සම්පූර්ණ නිරර්ථක කටයුත්තක් බවත් වැඩිහිටියෝ විදියට අපි දැනගත යුතු වෙනවා.

The post පොඩ්ඩට ඇඳුම් ගන්න කලින් මේ දේවල් ගැන හිතන්න. appeared first on Lady.lk | Lady | Women | Lifestyle | Health | Beauty.

අනිත් අයගේ වැරදි

අපිට ඇසුරු කරන්න සිද්ධවෙන හැම කෙනෙක්ම අපේ ප්‍රියතමයෝ වෙන්නේ නැහැ. ඉතින් එහෙම වුණාම ඒ අයගේ වැරදි ගැන තමන්ගේ සහකරුවා සමඟ හෝ සාකච්ඡා කරන්නට අපි පෙළඹෙනවා. හැබැයි කිසිම වෙලාවක මේ දේ දරුවා ඉදිරිපිටදි නම් සිදු කරන්න එපා. සමහරවිට ඔබ ඒ පුද්ගලයාව හරි හැටි තේරුම් නොගෙන මතුපිටින් බලලා තීන්දු තීරණ ගන්නවා වෙන්න ඉඩ තියෙනවා. ඉතින් ඔබ දරුවාට ඇහෙන විදියට තව කෙනෙක්ව විවේචනය කරනවා නම් දරුවාත් කුඩා කාලයේ පටන් ම ඒ දේ කරන්නට හුරු වෙන්නට ඉඩ තියෙනවා. මේ විදියට අන් අයව විනිශ්චය කිරීමට සහ ගරු නොකිරීමට හුරු වීම දරුවාගේ අනාගතයට අයහපත් විදියට බලපාන්න තියෙන ඉඩකඩ වැඩි කියලා ඔබ විසින් සිහි තබාගත යුතු වෙනවා.

ආර්ථික ප්‍රශ්න

වැඩිහිටියෝ විදියට අපි මුහුණ දෙන ආර්ථික ප්‍රශ්න දරුවොන්ගේ මනසට දැමීම අනුමත කරන්න පුළුවන් කරුණක් නෙවෙයි කියලා අපි විශ්වාස කරනවා. එයින් දරුවා තුළ බියක් සහ අනාරක්ෂිත බවක් දැනෙනවා වගේම, දරුවාගේ සාමාන්‍ය හැසිරීම් රටාව පවා වෙනස් වෙන්නට ඉඩ තියෙනවා. මේ වගේ කාරණා ගැන දරුවාට ඇහෙන විදියට සාකච්ඡා කරනවාට වඩා දරුවාගේ වයසට ගැළපෙන විදියට, ගැළපෙන වචනවලින් වටහාදීම ඔබට කරන්නට හැකි නම් එය වඩා වටිනවා. හැබැයි ඉතින් වැඩිහිටියොන්ගේ ප්‍රශ්න පොඩ්ඩොන්ගේ ළපටි හිත් ඇතුළට නොදා ඉන්නවනම් තමයි වඩාත්ම හොඳ.

පොඩ්ඩාගේ වැරදි

දරුවා ඉදිරියේ දරුවා ගැන යහපත් දේවල් සාකච්ඡා කරනවා මිසක වැරදි ගැන සාකච්ඡා කිරීම කිසිසේත්ම සුදුසු වන්නේ නැහැ. එයින් ඔහුගේ ආත්ම විශ්වාසය බිඳ වැටිලා තව තවත් වැඩිපුර එවැනි හැසිරීම් වලට යොමු වෙන්නට වැඩි ඉඩකඩක් තියෙනවා. ඒ වගේම දරුවා පිළිබඳව ඔහු නොදැනුවත් දෙයක් සාකච්ඡා කරනවා නම් ඒ කරුණුත් දරුවාට නොදැනෙන්නට කතා බහ කිරීම තමයි සුදුසු වෙන්නේ. හැබැයි අම්මා, තාත්තා හෝ ගුරුවරු සමඟ හැර වෙනත් පිටස්තර පුද්ගලයින් එක්ක දරුවා සම්බන්ධ කරුණු ගැන සංවාද කිරීම දරුවාගේ ආත්ම ගෞරවයට අයහපත් විදියට බලපාන බවත් සිහියේ තියාගන්න කියලා අපි මතක් කරන්න කැමතියි.

අනිත් අය දැනගත නොයුතු දේවල්

පිටස්තරයින් විසින් දැනගත නොයුතුයි කියලා ඔබ හිතන කරුණු ගැන පොඩ්ඩා ඉස්සරහා කතා නොකර ඉන්නවනම් තමයි ඔබේ අපේක්ෂාව ඉටු වෙන්නේ. මොකද, මේ කරුණු පවුලේ අයට විතරක් අදාළ දේවල් කියන කාරණය ගැන පොඩ්ඩට වැටහීමක් නෑනේ. ඉතින් පිරිසක් රැස්වන තැන්වලදි දරුවා ප්‍රසිද්ධියේ ඒ දේවල් ගැන කියන්න ඉඩ තියෙනවා. පවුල් ආරවුල්, පවුලේ වත්කම් සහ ආර්ථික තත්ත්වය, රැකියාවල් සම්බන්ධ කාරණා විතරක් නෙවෙයි, කොහොමටවත් රහසක් රැකගන්න බැරි විදියේ පොඩ්ඩෙක් නම් වෙන කෙනෙක් වෙනුවෙන් පවත්වන surprise party එකක් ගැනවත් නොකියා ඉන්න එක තමයි හොඳ.

සංකේත වචන

සමහර වැඩිහිටියන් සංකේත වචන පාවිච්චි කරලා දරුවා ඉස්සරහ යම් යම් වැහිහිටි කරුණු ගැන කතා බහ කරනවා. තමන්ට ඇහෙන දැනෙන දේවල් ගැන කුතුහලයක් ඇති වීම පොඩ්ඩොන්ගේ සාමාන්‍ය ගති ලක්ෂණයක් නිසා ඔවුන් දිගින් දිගටම ඒ ගැන විමසන්න පටන් ගනීවී. ඒ වගේ වෙලාවට ඔබට කරන්න තියෙන්නේ දේවල් දෙකයි. එක්කෝ ඔබට ඇත්තම කියන්න වෙනවා. නැත්තන් බොරුවක් කියන්න වෙනවා. ඒ දෙකෙන් කොයි දේ කළත් දරුවට යහපතක් සිදු නොවෙන නිසා සංකේත හෝ double meaning සහිත කරුණු ගැන දරුවා ඉස්සරහ කතා බහ නොකර ඉන්නට ඔබ විසින් වගබලා ගතයුතු වෙනවා.

පොඩ්ඩා බය වෙන දේවල්

හොල්මන්, මරණය, භයානක ලෙඩ රෝග, වසංගත, පිපිරීම්, බෝම්බ, මිත්‍යා විශ්වාසයන් වගේ දරුවා භීතියට පත්වෙන ආකාරයේ කරුණු ගැන ඔහු ඉන්නා තැන්වලදි සාකච්ඡා කිරීම කිසිසේත්ම සුදුසු වන්නේ නැත්තේ ඒ දේවල් ඔහුගේ හිතේ තදින් තැන්පත් වෙලා ඔහුට අනාරක්ෂිත බවක් ඇතිවෙන නිසයි. ඔබට ඒ කරුණු ගැන පැහැදිලි කරන්නම සිදු වෙන තත්ත්වයක් ඇති වෙලා නම් දරුවෙකුගේ මනසට ගැළපෙන ආකාරයට තේරුම් කරවන්නට උත්සහ කරන එක තමයි වඩාත් ම සුදුසු වෙන්නේ.

The post පොඩ්ඩෝ ඉස්සරහා මේ දේවල් ගැන කතා කරන්නෙපා appeared first on Lady.lk | Lady | Women | Lifestyle | Health | Beauty.