Label එක කියවනව ද

හැම ඇඳුමකම නැතත් බොහෝ ඇඳුම්වල label එකක් තියෙන විත්තිය ඔබ දන්නවා ඇති. ඒ label එකේ සඳහන් කරලා තියෙනවා ඇඳුම dry clean කිරීම අත්‍යවශ්‍යයි ද, එහෙමත් නැත්තන් normal විදියට අතේ හෝ washing machine එකේ සෝදන්න පුළුවන්ද කියලා. සාමාන්‍යෙන් අපි ඇඳුමක් මිලට ගත්තම අඳින්න කලින් සෝදනවනේ. ඉතින් ඔබට පුළුවන් ඔක්කෝටම කලින් ඇඳුමේ label එක කියවලා බලලා ඒ අනුව ඇඳුම පිරිසිදු කරගන්න. මේ දේ පුරුද්දක් කරගත්තොත් නිකරුනේ ඇඳුම් නාස්ති වෙන එක වළක්වා ගන්න ඔබට හැකියාව ලැබේවි.

Sort කරන්න

ඔක්කොම ඇඳුම් කිසි තේරීමක් බැලීමක් නැතුව washing machine දානවා නම්, ඇඳුම් සවුත්තු වෙන එක කියන්නත් දෙයක් නෙවෙයි. අන්න ඒ නිසයි රෙදි ටික සෝදන්න කලින් වෙන් කරලා washing machine දැමීම අවශ්‍ය වෙන්නේ. විශේෂයෙන්ම, සේදීමේදී dye ඉවත්වෙන ඇඳුම්, ළා පැහැති ඇඳුම්, දීප්තිමත් වර්ණවල සහ තද පැහැති ඇඳුම්, සුදු පැහැති ඇඳුම්, fabric type, ඇඳුම් කිළිටි වී ඇති තරම වගේ කරුණු සළකලා බලලා ඇඳුම් වෙන් කරලා සෝදනවා නම් ඔබේ වටිනා කියන ඇඳුම් ප්‍රවේශම් කරගැනීම එතරම් අපහසු වෙන්නේ නැහැ. 

Detergent වර්ගය මොකක් ද

Powder, liquid කියලා detergent වර්ග දෙකෙන් කුමන වර්ගයක් යෙදුවත් ඒවායින් සුළු ප්‍රමාණයක් පාවිච්චි කිරීම තමයි හැම අතින්ම සුදුසු වෙන්නේ. සමහර detergent වර්ග ටිකක් සැර වැඩි වගේ කියලා ඔබටම දැනිලා ඇති. ඉතින් ඔබේ රෙදි ටික පරිස්සම් කරගන්න අවශ්‍ය නම් එයින් මඳක් යෙදීම හොඳටම ප්‍රමාණවත් වෙනවා. පොඩ්ඩොන්ගේ ඇඳුම් සේදීම සඳහා ඒ වෙනුවෙන්ම නිපදවලා තියෙන මෘදු detergent වර්ගයක් පාවිච්චි කරන්න අමතක කරන්න එපා. රෙදි සහ detergent එකට එකතු කරන්න කලින් detergent ටික හොඳින් වතුරේ දිය කිරීමත් අත්‍යවශ්‍ය වෙනවා. ඒ වගේම තමයි, ඔබට පරිසර හිතකාමී detergent වර්ගයක් පාවිච්චි කරන්න පුළුවන් නම් ඒ ගැන අවධානය යෙදීමත් ඉතාමත් වටිනා කටයුත්තක් වෙනවා.

අනම් මනම් අයින් කරන්න

ඇඳුම් washing machine එකට දාන්න කලින් සාක්කු එහෙම check කරන්න පුරුද්දක් නැත්තන් ඒ පුරුද්ද වහාම ඇති කරගන්නට සිදු වෙන බව අපි සිහිපත් කරනවා. සාක්කුවල තියෙන කොළ කැබලි, tissues, කෑම කැබලි, කාසි, pins, පැන්සල් පෑන් වගේ දේවල් හන්දා washing machine එක ඇතුළෙදි ඇඳුම්වලට ලේසියෙන්ම හානි සිදුවෙන්නට ඉඩ තියෙනවා. මේ නිසා සාක්කු කනපිට හරවලා, මේස් සහ cuffs නිවැරදිව දිග හැරලා කලිසම්වල යටින් නමලා නම් ඒවා දිගහැරලා එහෙම සෝදන්න දාන්න. ඒ වගේම තමයි රෙදි ටික සෝදන්න දාන්න කලින් ඒවාගේ තියෙන zippers, hooks සහ velcro වහන්න අමතක කරන්නත් එපා. හැබැයි හොඳින් මතක තියාගන්න, ඇඳුම්වල buttons වහලා දාලා නම් සෝදන්න දාන්න එපා. අමතක නොකර  buttons ගළවලාම washing machine දාන්න.

රෙදි පැටලෙන පොට

ඇඳුම්වල Belts, strings, sashes වගේ කොටස් තියෙනවා නම් ඒවා ලිහිල්ව තියෙන්නට හැරලා washing machine දාන එක නම් ඒ තරම් හොඳ දෙයක් නෙවෙයි. මොකද washing machine එක ඇතුළෙදි රෙදි එකිනෙක පැටලිලා රෙදි ටික හරි හැටි පිරිසිදු නොවෙන්නත්, මේ කියන strings ඇඳුමෙන් ගැලවිලා වෙන් වෙන්නත් මේ දේ හේතුවෙන්න ඉඩ තියෙනවා. ඒ නිසා මේ වගේ අමතර details තියෙන ඇඳුම් සෝදන්න දානකොට ඒවා හරියාකාරව ගැටගහලා සෝදන්න දාන එක තමයි වඩා සුදුසු වෙන්නේ.

Zippered mesh bags

සෝදන්න දාන්න කලින් මේ වගේ bags ඇතුළට රෙදි දාලා washing machine දැමීමෙන් රෙදි වලට සිදුවන හානිය අවම කරගන්න ඔබට හැකියාව ලැබෙනවා. විශේෂයෙන්ම undergarments සේදීමේදී මේ ආකාරයට සේදිම තමයි ඉතාමත් සුදුසු වෙන්නේ.

ඉරුණු ඇඳුම්

ඇඳුමක කොහේ හරි ඉරිලා නම් ඒ ඇඳුම් පිළිසකර නොකර washing machine දැමීමෙන් ඇඳුම තව තවත් ඉරෙන්නට ඉඩ තියෙනවා. මේ නිසා ඉරුණු ඇඳුමක් washing machine දාන්න කලින් මහලම ඉන්න එක තමයි වඩා හොඳ.

තද කුණු පැල්ලම්

මඩ හෝ ඉඳුල් වගේ තද කුණු පැල්ලම් සහිත ඇඳුම් washing machine දාන්න කලින් වෙනමම භාජනයකට දාලා පොඟවලා කුණු ටික අතින් ඉවත් කරලා ඉන්නවා නම් වඩා සුදුසුයි කියලා අපි හිතනවා. එහෙම නොවුනොත් ඒ අපද්‍රව්‍ය washing machine එක ඇතුලේ තියෙන අනිත් රෙදිවලටත් එකතු වෙලා ඇඳුම් සියල්ලම සවුත්තු වෙන්නට ඉඩ තියෙනවා.

The post රෙදි ටික washing machine දාන්න කලින් මේ දේවල් ගැන හිතනව ද appeared first on Lady.lk | Lady | Women | Lifestyle | Health | Beauty.

හොඳට හිතලා බලලා තීරණයක් ගන්න

කලිනුත් කීවා වගේ අද කරගන්න tattoo එක හෙට remove කරන්නේ නෑනේ. ඒ නිසා කරලා ඉවර වුනාට පස්සේ පසුතැවීමක් ඇති නොවෙයි කියලා හිතන විදියේ tattoo design එකක් තෝරාගැනීම අත්‍යවශ්‍ය වෙනවා. විශේෂයෙන් ම පෙම්වතා එක්ක couple tattoo එකක් හෝ පෙම්වතාගේ නම වගේ දෙයක් තමන්ගේ සම මත සටහන් කරගන්න හිතෙනවා නම් ඒ ගැන දෙතුන් වතාවක් කල්පනා කරන්න ම වෙනවා.

සති 2ක් යනකන් පරිස්සම් වෙන්න

සාමාන්‍යෙන් tattoo එකක් heal වෙන්න සති දෙකක්වත් ගතවෙනවා කියලයි කියන්නේ. මේ නිසා ඒ සති දෙක ඇතුලත swimming pools වලට බැසීම, මුහුදේ පිහිනීම හෝ දැඩි ඉර එළියට නිරාවරණය වීම වගේ දේවල් එතරම් සුදුසු වෙන්නෙ නැහැ. Pool chemicals, ocean bacteria, UV rays නිසා ඔබ අලුතින් ම කරගත්ත tattoo එකට හානිවෙන්න ඉඩ තියෙන නිසා අඩුම ගණනේ දින 14ක් වත් යනකන් පරිස්සම් වෙන්න සිදු වෙනවා.

කාලෙන් කාලෙට touch up එකක් කරගන්න

කොයි තරම් පරිස්සමින් බලාගත්තත් කාලය ගතවෙනකොට tattoo එක fade වෙන්න සුළු ඉඩකඩක් තියෙන නිසා ඒ වගේ අවස්ථාවකදි tattoo artist ළඟට ගිහින් පොඩි touch up එකක් කරගැනීමේ හැකියාව ඔබට තියෙනවා. බොහෝ tattoo parlors වලින් මේ දේ නොමිලේම සිදු කරගැනීමේ හැකියාව තිබ්බත් tattoo එක කරගන්න අවස්ථාවෙදිම ඒ කාරණය ගැනත් සැක හැරලා දැනගන්න එක තමයි වඩාත් සුදුසු වෙන්නේ.

ඉර එළිය ටිකක් මඟාරින්න

ඔබේ සම ඉර එළියට නිරාවරණය වෙනවා වැඩියි වගේ නම් tattoo එකත් ටිකක් වැඩියෙන් fade වෙන්න ඉඩ තියෙනවා. විශේෂයෙන්ම, tattoo එක කරලා තියෙන්නේ arm එක වගේ තැනක නම් මේ දේ පහසුවෙන් ම සිදුවෙන්න ඉඩ තියෙනවා. ඉතින් මේ කාරණය ගැන හිත වදවෙනවනම් කරන්න තියෙන්නේ ඉර එළියට වැඩිපුර expose නොවෙන තැනක tattoo එක කරගැනීම හෝ නිරන්තරයෙන් ම sunscreen පාවිච්චි කිරීමයි.

පොඩ්ඩක් රිදෙනවා තමයි

ඉදිකටු තුඩකින් සම විදිනකොට නොරිදී තියෙන්නේ නෑනේ නේද? හැබැයි ඒක දරාගන්න අමාරු වේදනාවක් නම් නෙවෙයි. Tattoo එකේ විශාලත්වය, සම මත tattoo එක සිදුකරන ස්ථානය සහ එකිනෙකාගේ දරාගැනීමේ හැකියාව අනුව මේ වේදනාවේ තරම වෙනස් වෙන්න ඉඩ තියෙනවා. මේ ගැන tattoo artists ලා හොඳින් දැනුවත් නිසා වැඩේ පටන් ගන්න කලින් තමන්ගේ artist එක්ක කතා බහ කරලා තීරණයක් ගන්න පුළුවන් නම් වඩාත් සුදුසුයි කියලා අපි හිතනවා.

Tattoo එකට අකමැති නම්,

කාලයක් යනකොට tattoo එක ගැන අකමැත්තක් ඇති වෙලා නම් ඔබට කරන්න දේවල් දෙකක් තියෙනවා. පළමුවෙනි option එක තමයි tattoo එක cover කිරීම. ප්‍රමාණයෙන් කුඩා tattoo එකක් නම් මේ දේ සිදු කිරීම පහසු වෙනවා. ඒ වගේම තමයි තියෙන tattoo එක ආවරණය වෙන විදියට එයට උඩින් වෙනත් tattoo design එකක් කිරීම දක්ෂ artist කෙනෙක්ට නම් එතරම් අපහසු දෙයක් වෙන්නෙත් නැහැ. දෙවනි option එක තමයි tattoo එක remove කිරීම. ඔව්, laser treatment එකක් කරලා tattoo එක ඉවත් ම කරලා දාන්න පුළුවන්කම තියෙනවා. හැබැයි Ink color, ink කොයි තරම් ප්‍රභල විදියට සමේ සටහන් වෙලා තියෙනවාද, tattoo size එක වගේ කරුණුවල බලපෑම මත මේ ඉවත් කිරීම වෙනුවෙන් removal sessions කිහිපයක් ම කරන්න සිද්ධවෙන්න ඉඩ තියෙනවා. ඒ වගේම තමයි කලු, නිල්, කොළ වගේ වර්ණ පහසුවෙන් ඉවත් වුණත් කහ හෝ සුදු වගේ light color ඉවත් කිරීම නම් එතරම් පහසු නැහැ කියන කාරණයත්, මෙය මිලාධික සහ සමේ අදාළ ස්ථානයේ කැළලක් ඉතිරි කරවන්නට ඉඩ තියෙන කටයුත්තක් බවත් අමතක කරන්න එපා. වැදගත් ම දෙය තමයි tattoo ඉවත් කිරීමේ සේවාව ලබගන්නේ කාගෙන්ද කියන කාරණය. ඔබට වේදනා රහිත සහ වගකීමක් සහිත සේවයක් ලබා ගන්න අවශ්‍ය නම් මේ සඳහා සුදුසුකම් සහිත වෛද්‍යවරයෙක් ළගට යෑම වඩාත් ම සුදුසුයි කියලයි අපි නම් විශ්වාස කරන්නේ.

Plan එක වෙනස් කරන්න සිදු වෙන අවස්ථා

මෙහෙම හිතමුකෝ. ගොඩක් කුඩා font එකකින් ඔබට යම් වැකියක් tattoo කරගන්න අවශ්‍ය වෙන අවස්ථාවක tattoo artist එයට එකඟ නොවෙන්න ඉඩ තියෙනවා. Font එක කුඩා වැඩි වීම නිසා bleed වීම වැඩිවෙන්නත්, නිර්මාණය හරි හැටි කරගන්නත් බැරිවෙන්නට ඉඩ තියෙන නිසා font එක මඳක් විශාල කරන්න කියලා artist යෝජනා කරන්න ඉඩ තියෙනවා. ඒ වගේ අවස්ථාවක දී තමන් කරන දේ ගැන නිවැරදි professional knowledge එකක් සහිත tattoo artist ට සවන් දීම තමයි වඩා සුදුසු වෙන්නේ.

පොඩි කැසීමක් ඇතිවෙන්න ඉඩ තියෙනවා Tattoo එක කරලා සතියක් හමාරක් යනකන් ඒ ස්ථානයේ සුළු කැසීමක් ඇතිවෙන්න ඉඩ තියෙනවා. කැසීමේදී නියපොතු වලින් tattoo එකට හානි සිදුවෙන්න ඉඩ තියෙන නිසා සහ infection ඇතිවෙන්නට හැකියාව ඇති නිසා හැකිතාක් ඒ දේ සිදු නොකර ඉන්නට වගබලා ගන්න සිදුවෙනවා. ඒ වගේම තමයි Tattoo එක ඉක්මනින් heal වීම සඳහාත්, ආරක්ෂාව සඳහාත් නියම කරන cream ආලේප කරලා ප්‍රවේශමෙන් රැක බලා ගැනීම අත්‍යවශ්‍ය වෙනවා. හැබැයි මේ කසන සුළු ස්වභාවය වැඩි නම්, අසාමාන්‍යයි වගේ නම් හැකි ඉක්මනින් dermatologist කෙනෙක්ගෙන් ප්‍රතිකාර ලබා ගැනීම තමයි ඔබ සිදු කළ යුතු වන්නේ. ඒ වගේම තමයි, Heal වීම සිදු වන කාලසීමාව තුළ tattoo එක සිදුකළ ස්ථානය බොහෝ වෙලාවක් ජලයට නිරාවරණය කිරීම, පෙඟීම හෝ සබන් ආලේප කිරීම සුදුසු නැති බවත් අමතක කරන්න එපා කියලා අපි අවසන් වශයෙන් සිහිපත් කරනවා.

The post Tattoo එකක් කරන්න හිතේ කැමැත්තක් තියෙනවද (part 2) appeared first on Lady.lk | Lady | Women | Lifestyle | Health | Beauty.

high tea party කියන්නේ මොකක් ද

සාමාන්‍යෙන් එංගලන්තයේ වංශවතුන් අතර නිරන්තරයෙන් සිදුවූ social gathering (afternoon tea) එකකට වඩා වෙනස් දෙයක් තමයි මෙහිදී සිදුවෙලා තියෙන්නෙ. වැඩ කරන ජනතාව (working class) තමන්ගේ වෙහෙසකර දිනය අවසානයේ පවුලේ උදවියත් එක්ක එකට එකතුවෙලා ගත්ත light supper එකක් විදියට මෙය හඳුන්වන්න පුළුවන්කම තියෙනවා. හැබැයි light supper එකක් කිව්වට පවුලේ ආර්ථික තත්ත්වය අනුව මෙයට meat, fish, eggs, salad, එළවලු, පළතුරු, cheese, butter, baked items, crackers, beans, desserts  වගේ ආහාර පානත් අයිති වෙන නිසා කෙළින්ම රාත්‍රී ආහාර වේල විදියට ම හඳුන්වන්නත් පුළුවන්. ඒ වගේම තමයි මේ කෑම බීම පිළිගන්වන්න high counters හෝ dining tables භාවිතා කිරීම තමයි සම්ප්‍රදාය වෙලා තියෙන්නේ. ඒ කාලයේ තේ කියලා කියන්නේ වැඩ කරන පන්තියේ ජනතාවට ලබා ගන්නට නොහැකි තරම් සුඛෝපභෝගි පානයක් වුණු නිසා බොහෝ වෙලාවට මේ ආහාර වේලට තේ අයිති වුනෙත් නැති බව තමයි සඳහන් වෙන්නේ. ටිකක් පැටලිලි සහගතයි වගේ නේද? කොහොම වුනත් මේක තමයි high tea වල ඉතිහාසය සම්බන්ධව කරන්න පුළුවන් සරලම හැඳින්වීම.

ලංකාවේ අපිටත් high tea එකකට යන්න පුළුවන්

ලංකාවේ අපිට ක්‍රම දෙකකට high tea අත්දැකීම ලබාගන්න හැකියාව තියෙනවා. පළවෙනි එක තමයි සාමාන්‍ය විදියට ආහාර වර්ග කිහිපයක් අඩංගු platter එකක් ලබා ගැනීම. එහෙමත් නැත්තන් කැමති වර්ගයක් අරගෙන කන්න පුළුවන් high tea buffet එක. මේ ආහාර පාන අතරට කටට සැර කෑම වගේම desserts වර්ගත් තේ සහ කෝපිත් අයත් වෙනවා. ඉතින් ඔබට මේ දෙයාකාරයේම high tea අත්දැකීම් ලංකාවේ, විශේෂයෙන්ම කොළඹ අවට hotels වලින් අත්විඳින්න අවස්ථාව තියෙනවා. හැබැයි අපි මේ කියලා තියෙන ස්ථානවලට යන්න පැය 24 ටවත් කලින් reservation එකක් දාලා යන්න නම් අමතක කරන්න එපා. අමුත්තන් ප්‍රමාණය සහ වයස් මට්ටම් අනුව මිල ගණන් වෙනස් වෙන නිසා අපි අදාළ මිල ගණන් මෙහි සඳහන් කරන්නේ නැහැ.

Water’s edge Hotel, Battaramulla

සිකුරාදා සිට ඉරිදා දක්වා දිනවල සවස 3- 6 වෙනකන් වෝටර්ස් එජ් high tea එක විවෘත වෙලා තියෙනවා. Reserve කරගන්න මේ අංකයට කතා කරන්න.

+94 773 587 419

Shangri- la Hotel (Sapphyr lounge), Colombo

සතියේ සෑම දිනකම සවස 3 සිට 5 වෙනකන් high tea සඳහා විවෘත වෙලා තියෙනවා. ඔබ සති අන්තයක යන්න හිතාගෙන ඉන්නවා නම් දින 2-3 කට කලින්වත් reserve කිරීම අත්‍යවශ්‍ය වෙනවා. මෙතන Western high tea, Sri Lankan high tea සහ afternoon high tea කියලා options තුනක් ම තියෙනවා.

+94 117 888 288

Mövenpick Hotel, Colombo

සෑම සෙනසුරා දිනකම සවස 2-5 දක්වා විවෘතව පවතින අතර tea, coffee වලට අමතරව hot chocolate සහ milk shakes වල රස බැලීමේ අවස්ථාවත් උදා වෙනවා.

+94 11 7 450 460

Marino Beach (The rose lounge), Colombo

අඩුම මුදලකට high tea අත්දැකීමක් ලබා ගන්න කැමති නම්, bill එකෙන් 75%ක් පමණ pre pay කරලා reservation එකක් දාගන්න පුළුවන්. තෝරලා බේරලා ගන්න platter options තුනක්ම ඇති අතර දිනපතා සවස 3 සිට 5 වෙනකන් high tea සඳහා විවෘත වෙලා තියෙනවා.

+94 112 375 375

Rare at residence, colombo

දිනපතා සවස 3-5 දක්වා high tea සඳහා විවෘත වෙලා තියෙනවා. ටිකක් වෙනස් විදියේ ආහාර වල රස විඳින්න කැමති නම් මෙතනට යන්න පුළුවන්.

+94 115 673 000

Taj Samudra Hotel, Colombo

මෙතන තියෙන්නේ නම් high tea buffet එකක්. සිකුරාදා සහ සෙනසුරාදා දිනවල සවස 3 සිට 6 දක්වා විවෘතව පවතිනවා.

+94 112 446 622

Cinnomon Grand Hotel (Tea lounge), Colombo

දිනපතා සවස 3-6 දක්වා high tea සඳහා විවෘතව  පවතින අතර මෙතනින් සාධාරණ මුදලකට කෑම වර්ග වැඩි ගණනක් ලබාගැනීමේ හැකියාව තියෙනවා.

+94 11 249 7380

The English cake company (The cakery), Colombo

කේකරි එක විවෘත වෙලා තියෙන ඕනෑම වෙලාවක ඔබට high tea අත්දැකීම ලබා ගැනීමේ හැකියාව තියෙනවා. High tea Options තුනක් ලබාදෙන නිසා තෝරලා බලලා තමන්ට කැමති එක තෝරාගන්න පුළුවන්කම තියෙනවා.

+94 112 501 344

Hilton Hotel (Graze kitchen), Colombo

සෑම ඉරිදා දිනකම දවල් 12.30 සිට 2.30 දක්වාත්, සවස 3 සිට 5 දක්වාත් High tea සඳහා මෙය විවෘතව පවතිනවා. platters විදියට වගේම buffet විදියටත් කෑම බීම ලබාගැනීමේ හැකියාව තියෙනවා.

 +94 112 492 492

Galadhari Hotel (The lobby bar)

බ්‍රහස්පතින්දා සිට ඉරිදා දක්වා සවස 3.30- 6 වනතුරු high tea සඳහා විවෘතව පවතිනවා.

+94 112 544 544

Tea avenue (Gallface outlet), Colombo

Regular සහ vegen කියලා options දෙකකින්, දිනපතා දහවල් 12 සිට සවස 6 දක්වා මෙහිදි කෑම බීම ලබාගන්න පුළුවන්කම තියෙනවා.

 +94 769 693 577

The Gardenia Coffee Shop (Ramada Hotel), Colombo

Regular English, Moghul, Japanise විදියට high tea options තුනක්ම ලබා දෙන මෙම ස් සවස 3 සිට 6 දක්වා high tea සඳහා විවෘතව පවතිනවා.

+94 112 422 001

The Verandah (Galle Face Hotel)

සතියේ සෑම දිනකම සවස 4 සිට 6 දක්වා high tea සඳහා විවෘතව පවතින අතර buffet හෝ platters වශයෙන් ලබාගැනීමේ හැකියාව තියෙනවා.

+94 112 541 010

The Kingsbury Hotel

 +94 771 087 720

The Grand Hotel (Tea lounge),  Nuwara Eliya

+94 522 227 737

Ayana Sea Resort, Wadduwa

+94 382 282 885

Arie Lagoon, Negombo

+94 317 745 745

Mitsis Delicacies, Colombo

+94 777 163 090

The Golden Crown Hotel, Kandy

+94 812 244 000

The post High tea එකකට යන්න කැමති ද appeared first on Lady.lk | Lady | Women | Lifestyle | Health | Beauty.

මුලින් ම..

ඔබ ගර්භනි නම්, tattoo එකක් කරගන්න කැමැත්තකුත් තියෙනවා නම් දරු උපත සිදුවෙලා වසර 1- ½ ක් පමණ කාලයකට පස්සේ tattoo එකක් කරගන්නවා නම් තමයි වඩා සුදුසු. එහෙමත් නැත්නම් පොඩ්ඩා මව් කිරි බීම නතර කරපු ගමන් වුණත් පුළුවන්. මේ ගැන විධිමත් researches සිදු කරලා සොයාගත්ත තොරතුරු නැති වුණත් Pregnancy period එකේ tattoo එකක් කරගන්නේ නැතිව ඒ කාර්‍ය තරමක් කල් දැමීම වඩා සුදුසුයි කියලා අපි හිතනවා. ඒ වගේම, ඔබ පුරුද්දක් විදියට blood donate කරන කෙනෙක් නම් tattoo එකක් කරගැනීමෙන් මාස 6ක පසුව නැවතත් blood donate කරන්නටත් පුළුවන්කම තියෙනවා.

මිල ගණන්

Tattoo එකේ ප්‍රමාණය සහ design එක අනුව මිල ගණන් තීරණය වෙනවා. මුලින්ම තමන් tattoo එක කරගන්න බලාපොරොත්තුව වෙන artist එක්ක කතා බහ කරලා මිල ගණන් අහලා දැනගන්නවා නම් එය ඔබට වඩාත් පහසුවක් වන්නට ඉඩ තියෙනවා. ඒ වගේම තමයි මුල්ම වතාවට සිදු කරන දෙයක් නිසා tattoos  කරගෙන පළපුරුදු කෙනෙක් එක්කම ගියානම් වඩා හොඳයි කියලා අපි හිතනවා. ඒත් එක්කම, මිල ගණන් කිය කිය හෙට්ටු කරන කෙනෙක් ලඟට නොයා professional, reputable artist කෙනෙක් තෝරා ගන්නටත් අමතක කරන්න එපා. මොකද, හරි විදියට tattoo එකක් කරගන්න අවශ්‍ය නම් තරමක මුදලක් ඔබට වියදම් කිරීමට සිදුවෙන නිසා. හදිසි වෙලා, ලාබෙට tattoo එකක් කරගත්තොත් නම් ඔබට පසුතැවෙන්න වුණත් කරුණු යෙදෙන්න ඉඩ තියෙනවා.

Tattoo ink එක allergic වෙන්න පුළුවන්ද

ඔව්. Tattoo එක කරගන්න අවස්ථාවේදි වගේම aftercare stage එකේදිත් එහෙම වෙන්න ඉඩ තියෙනවා. පාවිච්චි කරන products සහ සම අතිශය සංවේදී වීම තමයි මීට ප්‍රධානතම හේතුව වෙන්නේ. හැබැයි මතක තියාගන්න, බොහොම කලාතුරකින් තමයි කෙනෙක්ට එහෙම අකරතැබ්බයට මුහුණ දෙන්න සිදු වෙන්නේ. සම කැසීම, රතුවීම හෝ බිබිළි දැමීම හෝ කවර ආකාරයක හෝ අසාමාන්‍යතාවයක් දැනෙනවා නම් වහාම වෛද්‍ය ප්‍රතිකාර ලබා ගැනීමෙන් මේ තත්ත්වය සමනය කරගන්නට හැකියාව තියෙනවා.

හොඳම tattoo parlor එකට යන්න

‘ළඟම තැන හොඳම තැන’ කියලා නොහිතා නීත්‍යානූකූල විදියට, සෞඛ්‍යාරක්ෂිතව සහ ලස්සනටම tattoos කරන තැනටම යන්න උත්සහ කරන්න කියලා අපි සිහිපත් කරනවා. ඒ වගේම තමයි, Tattoo එකක් කියන්නේ ස්ථීර වශයෙන් සිදු කරන දෙයක් නිසා කාලයක් තිස්සේ research කරලා සුදුසුම design එක සහ artist හොයාගන්නවා නම් තමයි වඩා සුදුසු වෙන්නේ. මෙහිදී Tattoo artists ලා කිහිප දෙනෙක් තෝරාගෙන ඔවුන්ගේ facebook සහ instagram හි පළකරන ඔවුන්ගේ tattoo නිර්මාණ, customer reviews සහ comments එහෙමත් පරීක්ෂා කරලා ඒ එක් එක් artist ලස්සනට ම නිර්මාණය කරන්නේ කොයි විදියේ designs ද කියලා තීරණය කරන්න ඔබට අවස්ථාව තියෙනවා. ඉන් පසුව ඔබට පුළුවන් ඔබ ප්‍රිය කරන නිර්මාණය සිදු කරගන්නට නම් යා යුත්තේ කොයි artist ළඟටද කියලා වැටහීමක් ලබාගන්න. නිර්මාණය ආරම්භ කිරීමට පෙර design එක සමට trace කිරීමේදී එය ඔබට අවශ්‍ය ආකාරයට තියෙනවාද, වචනවල spellings නිවැරදිද, ගැළපෙනම වර්ණ තොරා ගන්නවාද වගේ කරුණු ගැනත් හොඳින් අවධානයෙන් ඉන්න කියලා අපි මතක් කරනවා. කිසියම් ආකාරයකින් ඔබ අපහසුතාවයකට ලක්වෙන යමක් සිදුවෙනවා නම් එම ස්ථානයෙන් පිටවීමට දෙවරක් සිතන්න අවශ්‍ය වන්නේ නැහැ.

සෞඛ්‍යාරක්ෂිත බව

මෙහෙම හිතමුකෝ, tattoo එකකදි කරන්නේ needle එකක් මඟින් අපේ සම සිදුරු කරලා ink ඇතුළත් කිරීමනේ. මේ දේ පිරිසිදුව සිදු කලේ නැත්නම් අසාත්මිකතා වුණත් ඇතිවෙන්න ඉඩ තියෙනවා. ඒ විතරක් නෙවෙයි, tattoo එකක් කියන්නේ අද ඇඳලා හෙට මකලා දාන අපේක්ෂාවෙන් කරන දේකුත් නෙවෙයි. ඉතින් මේ කටයුත්තෙදි සෞඛ්‍යාරක්ෂිත බව හරිම වැදගත්නේ නේද? මේ නිසා parlor එක, artist, මතුපිටවල් සහ උපකරණ හොඳින් විෂබීජහරණය කරලා පිරිසිදුව තියෙනවාද කියන කරුණ ගැන ඔබ විශේෂ අවධානයක් යොමු කළ යුතු වෙනවා. සෑම අලුත් නිර්මාණයක් කිරීමේදීම අලුත් ම disposable needle එකක්, ink cup එකක්, gloves සහ napkins භාවිතා කිරීම අත්‍යවශ්‍ය වෙනවා. අලුත් ම සහ පිරිසිදු උපකරණ භාවිතයට ගැනීම ඔබගේ දෑස් ඉදිරියේදී ම සිදු වෙනවාද කියලත් අවධානයෙන් ඉන්න කියලා අපි සිහිපත් කරනවා. ඒ වගේම තමයි, tattoo නිර්මාණය සිදු කිරීමට භාවිතා කරන ස්ථානයත් පරික්ෂා කර බලනවා වඩාත් සුදුසුයි. මොකද, දියර උරා නොගන්නා rock, marble, stainless steel වගේ මතුපිටක් නම් ඉතා පහසුවෙන් විෂබීජහරණය කිරීම සිදු කරන්නට හැකියාව ලැබෙනවා. හැබැයි දියර වර්ග උරාගන්නා මතුපිටවල් සහිත ස්ථානයක සෞඛ්‍යාරක්ෂිත බව ගැන නම් අපිට සහතික වන්නට අපහසුයි.

Session එකකින් සම්පූර්ණ කරන්න නොහැකි අවස්ථා

ප්‍රමාණයෙන් විශාල, වර්ණ වැඩිපුර යෙදීමට සිදුවන හෝ details වැඩි tattoo නිර්මාණයක් එක session එකකින් සම්පූර්ණ කරන්නට නොහැකි වන්නට ඉඩ තියෙනවා. මේ නිසා Design එක artist ට පෙන්වලා එය නිම කිරීම ගතවෙන කාලය ගැනත් යම් අදහසක් ලබා ගන්නට පුළුවන් නම් එය ඔබට විශාල පහසුවක් වේවි කියලා අපි හිතනවා.

The post Tattoo එකක් කරන්න හිතේ කැමැත්තක් තියෙනවද (1 කොටස) appeared first on Lady.lk | Lady | Women | Lifestyle | Health | Beauty.

How I Met Your Mother (2005- 2014)

Seasons 9 කින් සහ කොටස් 208 කින් සමන්විත කතා මාලාවකි. Ted mosby විසින් තමන්ට තමාගේ බිරිඳ (දරුවන්ගේ මව) හමුවූ ආකාරය සහ ඔහු තමන්ගේ මිතුරන් සමඟ ගතකළ විනෝදජනක තරුණ විය ගැන ඔහුගේ දරුවන්ට කියාදෙන ආකාරයට ගොඩනැගුණු ඉතාමත් ජනප්‍රිය tv series එකක් විදියට මෙය හඳුන්වන්න පුළුවන්කම තියෙනවා.

How I Met Your Father (2022)

2022 ජනවාරි 18 වන දින Sitcom හරහා පළමු episode එක නිකුත් වූ මේ tv series එක “How I Met Your Mother” show එකේ sequel එකක් විදියට තමයි සැළකෙන්නේ. Sophie සහ ඇගේ අඹ යාළුවෝ කණ්ඩායම විසින් තමන් කවුද සහ තමන්ට මේ ජීවිත කාලය තුළ අවශ්‍ය වන්නේ මොනවාද කියන ප්‍රශ්නවලට පිළිතුරු සොයන අතරම ඔවුන් තම තමන්ගේ ආදර සබදතා කළමනාකරණය කරගන්නේ කොහොමද කියලත් පෙන්නුම් කරන විනෝදාත්මක කතා මාලාවක් විදියට මෙය හඳුන්වන්න පුළුවන්කම තියෙනවා.

Community (2009- 2015)

Seasons 6 කින් සහ episodes 110කින් යුක්ත ‘ Community’ හරහා පෙන්වන්නේ Jeff Winger නමැති නීතිඥවරයෙක් ගැන විනෝදාත්මක කතා පුවතයි. Jeff තමන්ගේ උපාධිය ලබාගෙන ඇත්තේ නීති විරෝධි ආකාරයට බව හෙළිවීමෙන් පසුව ඔහුව Greendale community college එකට ඇතුළු කරවනු ලබනවා. විහිළුකාර සහ ආත්මාර්ථකාමි ගතිගුණවලින් හෙබි ඔහුට ඉන් පසුව වැඩ කරන්නට සිදු වන්නේ විකාර සහගත හැසිරීම් රටාවක් ඇති සිසුන් සහ කාර්‍ය මණ්ඩලයක් සමඟයි. ඔවුන් අතර ගනුදෙනුව කොයි වගේ වෙයිද කියලා දැනගන්න නම් Community බලන්නම සිද්ධ වෙනවා.

New Girl (2011- 2018)

Seasons 7කින් සහ episodes 146 කින් සමන්විත කතා මාලාවකි. පෙම් සබඳතාවය බිඳී යෑම නිසා දැඩි සිත් වේදනාවට පත්වෙන Jess තනිකඩ තරුණයින් තිදෙනෙක් වෙසෙන apartment එකක පදිංචියට යනවා. ඇගේ හැසිරීම වෙනස් සහ අමුතු එකක් බව වටහාගන්නා ඒ තරුණයින් තිදෙනා සෑම විටම ඇයගේ සහයෝගයට වෙනුවෙන් පැමිණෙන්නට පැකිළෙන්නේ නැහැ. ඔවුන් සිව්දෙනා අතර ඇති හිතවත්කම සම්බන්ධ සිදුවීම් මාලාව තමයි ‘New girl’ හරහා ඔබට දකින්නට ලැබෙන්නේ.

The Office (2005- 2013)

Seasons 9 කින් සහ episodes 201 කින් සමන්විත මේ tv series එක Mockumentary ගණයට අයත් කතා මාලාවක් විදියට තමයි හැඳින්වෙන්නේ. කාර්‍යාලයක සේවය කරන පිරිසක් හා සම්බන්ධ හාස්‍යජනක සිදුවීම් මාලාවක් පාදක කරගෙන ගොඩනැඟුනු ‘The office’ අනෙක් tv series වලට වඩා තරමක් වෙනස් අත්දැකීමක් ඔබට ලබාදෙන්නට සමත් වෙයි කියලා අපි හිතනවා.

The golden girls (1985- 1992)

Seasons 7 කින් සහ කොටස් 180 කින් සමන්විත මේ tv series එක මියාමි නගරයෙහි  පිහිටා ඇති නිවහනක් සහ තම තමන්ගේ ජීවන අත්දැකීම් බෙදාහදා ගනිමින් විනෝදකාමී ජීවිතයක් ගතකරන මහළු කාන්තාවන් සිව් දෙනෙක් මූලික කරගනිමින් ගොඩනඟා තියෙනවා. මෑතකදි මියගිය betty white ප්‍රධාන චරිතයකින් දායක වන මෙය ප්‍රධාන පෙළේ සම්මාන කිහිපයක්ම දිනාගත් ජනප්‍රිය කතා මාලාවක්ද විදියට හඳුන්වන්න පුළුවන්කම තියෙනවා.

Sex and the city (1998- 2004)

Seasons 6 කින් සහ episodes 94කින් සමන්විත මෙය romantic comedy ගණයට අයත්වන tv series එකක් විදියට තමයි සැළකෙන්නේ. ජීවිතයේ තෙවැනි දශකයේ අගභාගයේ පසුවන කාන්තාවන් සිව්දෙනෙක්ගේ අත්දැකීම් සහ ගැටළු සම්බන්ධ කරගනිමින්  Sexuluity, femininity, friendship, promiscuity, safe sex, romantic relationship වැනි මාතෘකා සම්බන්ධව කතිකාවතක් ඇතිකිරීම තමයි මේ කතා මාලාව හරහා සිදුවෙන්නේ.

Modern family (2009- 2020)

Seasons 11 කින් සහ episodes 250 කින් සමන්විත කතා කතා මාලාවක් වන මෙය ලෝස් ඇන්ජලීස් හි ජීවත් වන එකිනෙකට සම්බන්ධ නමුත් හාත්පසින් වෙනස් පවුල් තුනක් මූලික කරගෙන ගොඩනඟා තියෙනවා. පවුලක් සමඟ ජීවත්වන සාමාජිකයින්ට සාමාන්‍ය ජීවිතයේදී මුහුණ දීමට සිදුවන බොහෝ සිදුවීම් හාස්‍ය ඉස්මතු වන ආකාරයට පෙන්වාදෙන tv series එකක් විදියට මෙය හඳුන්වන්නට පුළුවන්කම තියෙනවා.  

The post Relax වෙන්න මේ tv series බලන්න appeared first on Lady.lk | Lady | Women | Lifestyle | Health | Beauty.

Comfortable ද කියලා බලන්න

තමන්ගේ හිත ගිය hand bag එක අතට අරන් ඒකේ බාහිර පෙනුම විතරක් බලලා මිලට ගන්න නම් එපා. බෑගය හොඳින් පරීක්ෂා කරන අතරතුරේ පොඩ්ඩක් කරේ දාලත් බලන්න එය ඔබට කොයි තරම් comfortable විදියට දැනෙනවද කියලා. කොයි තරම් පහසුදායක විදියට එය උරහිස මත රැඳිලා තියෙනවද, අත දිගේ රූරා වැටෙන්නේ නැතිව හොඳින් fit වෙලා තියෙනවාද, පැළඳගෙන ඉන්නා අවස්ථාවලදි අතට හෝ උරහිසට අපහසුතාවයක් දැනෙනවාද, ඇවිදින විට අපහසුකාරී ආකාරයට අත්වල දැවටෙනවාද සහ handle එක තමන් අපේක්ෂා කරන ආකාරයට තියෙනවාද වගේ කරුණු ගැන විශේෂ අවධානයක් යොමු කරන්න සිදුවෙනවා. මොකද, ඔබ මිලට ගන්නා මේ බෑගය පැළඳගෙන දිගු වේලාවක් ගත කරනවිට හෝ ඇවිදිනවිට එය ඔබට හිරිහැරයක් විදියට දැනෙනවා නම් තමන් වැය කළ මුදල අපතේ ගිහින් කියලා ඔබට දැනෙන්නට වැඩි ඉඩකඩක් තියෙනවා 

සැහැල්ලුද කියලා බලන්න

සාමාන්‍යෙන් ගමනක් බිමනක් යනකොට අපිට නොදැනීම handbag එකේ බර වැඩිවෙලා වගේ දැනෙන්න පටන් ගන්නවා නේද? ඉතින්  ඒ බරින් වැඩි කොටසක් අයිතිවෙන්නේ, ඒ තුළ තියෙන භාණ්ඩ වලට නොවී බෑගයට ම නම් ඔබේ උරහිස්වලට වගේම හිතටත් එය කොයි තරම් අපහසුවක් ද? මේ නිසා බෑගයක් මිලට ගන්නා අවස්ථාවේදීම එය අනවශ්‍ය තරම් බරකින් යුක්තද කියන කරුණ ගැනත් අවධානය යොමු කරන්න අමතක කරන්න එපා.

අවශ්‍ය තරමට pockets තියෙනවා ද

Make up, tissues, hand sanitizer, වතුර බෝතලය, phone එක, කුඩය, purse එක, car key, අව්කණ්නාඩි ඇතුළු කොයි තරම් දේවල් handbag එකේ දාගෙන යන්න සිදු වෙනවද? පොඩ්ඩෝ එක්ක ගමන් බිමන් යනවා නම් මේ list එක තවත් දිග වෙනවා. ඉතින් මේ හැම දෙයක්ම පිළිවෙළට organize කරලා අසුරාගත්තේ නැත්තන් කොයි තරම් අපහසුතාවයට පත්වෙන්නට සිදුවෙනවාද කියලා අමුතුවෙන් කියන්න අවශ්‍ය වන්නේ නැහැ. මේ නිසා, බෑගය මිලට ගන්න කලින්, bag එකේ ඇතුළතින් සහ පිටතින් තමන්ට අවශ්‍ය ආකාරයේ pockets පිහිටලා තියෙනවාද සහ ඒවා zips සහිත හෝ රහිත pockets ද කියලත් හොඳින් පරික්ෂා කරලා බලන්න සිදුවෙනවා.

ඔබේ සිරුරේ හැඩය කොයි වගේද

සාමාන්‍යෙන් තමන්ගේ ඇඟේ හැඩය ගැන හිතලා hand bags මිලට ගන්න අපි පෙළඹෙන්නේ නැති වුණත් මීට පස්සේ බෑගයක් මිලට ගන්නකොට මේ කියන කරුණ ගැනත් අනිවාර්යයෙන් අවධානය යොමු කරන්න කියලා අපි සිහිපත් කරනවා. සිරුරින් කුඩා අයෙක් නම් කුඩා හෝ මධ්‍යම ප්‍රමාණයේ handbags, තරබාරු අයෙක් නම් මධ්‍යම ප්‍රමාණයේ structured handbags, උස කෙට්ටු අයෙක් නම් කෙටි handles සහිත unstructured handbags, Pear shaped අයෙක් නම් උකුළ ආවරණය වන අන්දමේ කෙටි handles සහිත structured handbags, Apple shaped අයෙක් නම් කෙටි handle සහිත තරමක් පළලැති structured handbags සහ hourglass හැඩයේ අයෙක් නම් මධ්‍යම ප්‍රමාණයේ hobo, tote හෝ cross body bags වඩාත් සුදුසු වෙනවා.

පෙනුම අමතක කරන්නේ කොහොමද

මේ කොයි දේ පරීක්ෂා කරලා බැලුවත් bag එකේ පෙනුම සිත්ගන්නා සුළු නැත්නම් ඔබට එය මිලට ගන්න හිතෙන්නේ නැහැ කියලා අපි හොඳින්ම දන්නවා. වර්ණය ගැන කියනවා නම් ඔබට ප්‍රිය කරන විවිධ වර්ණවලින් bags කිහිපයක් වුණත් මිලට ගන්න උත්සහ කරන්න පුළුවන්. හැබැයි තනි කලු වර්ණයේ handbag එකකට හිත ගිය වෙලාවක එය වෙනත් design details වලින් හැඩ වෙලාද කියලත් බලන්න අමතක කරන්න එපා. තමන්ගේ ශරීරයේ උස, හැඩය, බෑගය පළඳින අවස්ථාව සහ අනෙකුත් ඇඳුම් පැළඳුම් ගැනත් සිහියට නඟමින් hand bag එකක් මිලට ගැනීම තමයි වඩාත් සුදුසු වෙන්නේ.

Good quality

ඔබ දිනපතා පාවිච්චිය සඳහා බෑගයක් මිලට ගන්නවා නම් හෝ බෑගයක් වෙනුවෙන් විශාල මුදලක් වැය කරනවා නම් උසස් තත්ත්වයේ බෑගයක් ම මිලට ගැනීමට උත්සහ දැරිය යුතු වෙනවා. සාමාන්‍යෙන් quality leather වලින් නිමවපු handbags බොහෝ කාලයක් පාවිච්චි කරන්නට හැකියාව තියෙනවා වගේම fashionable කියලත් කියන්නට පුළුවන්. ඉතින් දිගු කාලයක් හොඳ තත්ත්වයකින් යුතුව පාවිච්චි කරන්නට නම් decent look එකක් සහ valuable brand name එකක් සහිත handbag එකක් වෙනුවෙන් ඔබේ මුදල් ආයෝජනය කරන්න මැළි වෙන්න එපා කියලා අපි සිහිපත් කරනවා.

වර්ග කිහිපයක් ම තියෙනවා

Tote bag, hobo bag, satchel bag, baguettes, flap bag, bucket bag සහ side packs වශයෙන් bags වර්ග රාශියක් ම තියෙන නිසා බෑගයක් මිලට ගැනීමට කලින් මෙවැනි විවිධ designs ගැනත් හොයලා බලන්න කියලා අපි අවසන් වශයෙන් සිහිපත් කරනවා.

The post ගැළපෙන ම hand bag එක තෝරා ගන්නේ මෙහෙමයි appeared first on Lady.lk | Lady | Women | Lifestyle | Health | Beauty.

Layers කිහිපයක් පැළඳීම

ප්‍රමාණය, හැඩය, පැහැය, විලාසිතාව සහ ස්වභාවයෙන් එකිනෙකට වෙනස් වන මුදු, මාල, pendants සහ වළලු layers කිහිපයක් ම පැළඳීම ගැන තමයි අපි මේ කතා කරන්නේ. එක් වරකට වඩා Ear piercing කරලා තියෙනවා නම් කරාඹු වුණත් මේ ක්‍රමේට පළඳින්නට ඔබට හැකියාව තියෙනවා. මේ වගේ අවස්ථාවල බරැති ආභරණවලට වඩා සිහින් ආභරණ තෝරාගැනීම වඩා සුදුසුයි කියලයි අපි විශ්වාස කරන්නේ. ඒ වගේම සෑම අවස්ථාවකටම මේ ක්‍රමය ගැළපෙන්නේ නැති බවත් සිහි තබාගන්න සිදුවෙනවා.

සීමාවක් තියාගන්න වෙනවා

හැබැයි, ඔබ necklaces කිහිපයක් පළඳිනවා නම් bangles ත් කිහිපයක්ම පැළඳීම හෝ ප්‍රමාණයෙන් විශාල සහ කැපී පෙනෙන earrings පළඳිනවා නම් necklaces ත් කිහිපයක් පැළඳීම වගේ විලාසිතා කිරීම නම් කිසිසේත්ම සුදුසු වන්නේ නැහැ. මේ නිසා සීමාවක් ඇතිව ආභරණ පැළඳීම සහ ඒ මඟින් පෙනුමට සුන්දරත්වයක් එකතු කරගැනීම කියන කාරණයටත් අවධානය යොමු කරන්න කියලා අපි සිහිපත් කරන්නට කැමතියි.

Earrings

මුහුණ දිහා බලනකොට නිරායාසයෙන්ම ඔබ පැළඳගෙන ඉන්න earrings වලටත් සැළකිය යුතු අවධානයක් යොමුවෙන බව ඔබ දන්නවා ඇති. ඉතින් කන්පෙති හිස් කරගෙන ගමන් බිමන් යෑම ලේසි පහසු වුණත්, ඒ වෙනුවට ඔබගේ පෙනුම වැඩි දියුණු කරන ආකාරයේ earrings පැළඳීම හොඳයි වගේ නේද? හැබැයි earrings  තෝරනකොට ඔබේ සමේ සහ හිසකෙස්වල පැහැය අමතක කරන්න එපා. ඒ වගේම ඔබට තියෙන්නේ දිගු වරලසක් නම් වර්ණවත් හෝ metal වලින් නිර්මාණය කර ඇති තරමක් දිගැති කරාඹු යුවළක් පළඳින්නට ඔබට හැකියාව තියෙනවා.

Earrings මාරු කරන්න

ඔබ හැමදාම පළඳින්නේ එකම earrings නම් එහෙමත් නැත්නම් එකම විලාසිතාවේ earrings නම්, මින් ඉදිරියට ඒ දේ නොකර, විලාසිතාව මාරු කරමින් විවිධත්වයක් එකතු කරගන්න කියලා අපි මතක් කරනවා. එයින් ඔබගේ පෙනුමට fashionable ගතියකුත් එකතු වෙනවා නොඅනුමානයි. හැබැයි මෙහිදී ඇඳුම සහ ඔබ සහභාගි වන occasion එක ගැනත් අවධානය යොමු කරමින් මේ දේ සිදු කරන්න වෙනවා.

Materials

ඔබ නිතරම පළඳින්නෙ රත්‍රන් පමණයි නම් ඒ පුරුද්ද වෙනස් කරගන්න උත්සහ කරන්න කියලා අපි සිහිපත් කරනවා. ඒ වෙනුවට Metal, wooden, stones, fabric, pearls සහ resin වගේ වෙනස් materials වල ආභරණ උත්සහ කරන්නට ඔබට හැකියාව තියෙනවා. විවිධාකාර වර්ණ සහ designs වලින් නිමවා ඇති මේ ආභරණ වලින් ඔබගේ පෙනුමට කැපී පෙනෙන වෙනසක් එකතු කරන බව අපිට හොඳටම විශ්වාසයි. 

ඇඳුමට සුන්දරත්වයක් එක් කරගන්න

ඔබ ගමනක් යන්න කලින් ඇඳුමක් තෝරාගන්න අවස්ථාවේදීම, ආභරණත් තෝරාගැනීම තමයි වඩාත්ම සුදුසු වෙන්නේ. එහෙමත් නැත්තන් පළඳින්න ආසාම කරන jewellery එකක් තියෙනවා නම් ඊට ගැළපෙන විදියට තමයි ඇඳුම තෝරාගන්න අවශ්‍ය වෙන්නේ. විශේෂයෙන්ම එතරම් පෙනුමක් නැති ඇඳුමකට පවා jewellery සහ අනෙකුත් accessories මඟින් සුවිශේෂී බවක් ලබාදෙන්න හැකියාව තියෙනවා. මේ දෙකෙන් කොයි විදිය අන්නුගමනය කළත් ඔබේ පෙනුමට සුන්දරත්වයක් සහ සුවපහසුවක් එකතු වෙනවා නම්, හිතට ආත්ම විශ්වාසයක් දැනෙනවා නම්, යන ගමනට ඇඳුම ගැළපෙනවා නම් ඒ දේ ප්‍රමණවත් වෙනවා.  

අත්හදා බලන්න

ඔබ සාමාන්‍යෙන් පළඳින්නට මැළිවන ආකාරයේ jewellery සහ accessories ඔබ සතුව තියෙනවා නම් නිවාඩු පාඩු වෙලාවක ඒවා විවිධ ඇඳුම් සමඟ ගළපලා ඇඳලා බලන්න. ඒ වගේම කැපී පෙනෙන ආකාරයේ earrings, bangles වගේ දේවල් පළඳින්න ඔබට යම් චකිතයක් වගේ තියෙනවා නම් ඒ චකිතය දුරු කරගෙන තමන් ප්‍රියකරන අන්දමේ ආභරණ පළඳින්න කියලත් අපි සිහිපත් කරනවා. ඒ ආත්ම විශ්වාසය ඔබට අදහාගන්නට නොහැකි තරමේ සුන්දරත්වයක් ලබා දෙයි කියලා අපි විශ්වාස කරනවා. ඒ වගේම විවිධාකාර fashion trends වලට හසු නොවී ඔබගේ පෞර්ෂත්වය විදහා දක්වන ආකාරයේ, ඔබටම අනන්‍ය වුණු විලාසිතා සොයාගන්නත් මෙය ඔබට උපකාරී වෙවි.

සුන්දරත්වය ඉස්මතු කරගන්න

ඔබට ඔබගේ සුන්දර ඇඟිලිවලට විශේෂ අවධානයක් අවශ්‍ය නම් ඒ සුන්දරත්වය කැපී පෙනෙන ආකාරයේ මුදු පළඳින්නට ඉත්සහ කරන්න. දෑත සහ ගෙළ සම්බන්ධවත් අනුගමනය කළ යුතු වන්නේ මෙම ක්‍රමයම යි. ඔබගේ ඇඳුමේ කර low-V- neck කරක් නම් pendant එක V කොටසේ රැඳෙන ආකාරයට පළඳින්නට වගබලා ගන්න. දිගැති necklace එකක් වඩා සුදුසු වන්නේ high necked හෝ crew necked ඇඳුමකටයි. Scoop/ round necklines සහිත ඇඳුමකට rounded necklace එකක් ඉතාමත් සුදුසු වෙන බව කියන්න පුළුවන්.

ඊට අමතරව,

විලාසිතා සම්බන්ධව තද නීති රීති පිළිපැදීමට උත්සහ කිරීමෙන් සමහරවිට ඔබට සුදුසුම සහ, ඔබට ප්‍රියතම විලාසිතාවන් මඟහැරී යාමට ඉඩ තියෙනවා. ආභරණ සම්බන්ධවත් ඒ කාරණය පොදු වෙනවා. අත්හදා බැලීමට, වෙනස් වීමට මැළි නොවී විලාසිතාකරණයේ යෙදෙනවා නම් ඔබගේ සැඟවුණු සුන්දරත්වයක් එළිදැක්වීම එතරම් අපහසු වන්නේ නැහැ.

The post Jewelry තෝරනකොට මේ දේවල් ගැනත් හිතන්න appeared first on Lady.lk | Lady | Women | Lifestyle | Health | Beauty.

කොරෝනා අවධානම පැතිරුණු මුල් අවධියේ ඉඳලම කඩවල් වලට නොයා online order කරලා නිවසට අවශ්‍ය ද්‍රව්‍ය ගෙන්නවා ගන්න අපි බොහෝ දෙනෙක් පුරුදු වුණා. මෙය ඉතාම පහසු කටයුත්තක් වගේ පෙනුනට අපිට ඍජුව නොදැනෙන පොඩි පොඩි ගැටළුකාරී තත්ත්වයන් කිහිපයකුත් සමහරවිට ඔබට අත්විඳින්න වෙලා ඇති. මේ නිසා, බොහොම අරපරිස්සමින් විය හියදම් කරන්න සිදු වෙලා තියෙන කාලයක online order කරලා groceries ගෙන්වා ගැනීමේදී ඔබ සැළකිලිමත් විය යුතු කරුණු කිහිපයක් ගැන ඔබව දැනුවත් කරන්න lady.lk අපි තීරණය කළා.

ළඟම සහ හොඳම තැනක් තෝරාගන්න

තමන්ගේ නිවසට ආසන්නම සහ විශ්වාසවන්තම වෙළඳසැල තෝරාගැනීම ඔබට විශාල පහසුවක් වෙන්නට ඉඩ තියෙනවා. භාණ්ඩ හෝ බිල්පත සම්බන්ධ ගැටළුවක් ඇත්නම් එය විසඳාගන්න මෙය විශාල සහයෝගයක් වේවි. ඒ විතරක් නෙවෙයි නිතර යන එන තැනක් නිසා, සෞඛ්‍යාරක්ෂිත බව ගැන ඔවුන් දක්වන සැළකිලිමත්කම ගැන අවබෝධයක් ලබා ගන්නත් එය උපකාර වන්නට ඉඩ තියෙනවා. ඒ වගේම එහි සේවය කරන්නන් පෞද්ගලිකව දැන හඳුනාගෙන තිබීමේ වාසියත් මෙහිදී ඔබට හිමිවෙනවා.

Customer service කොහොමද?

Online order කිරීමට මූලිකවම හේතු වන්නේ, නිවසේ සිට ඇනවුම් කරන grocery items නිවසටම ලැබීම කියන කාරණයයි. හැබැයි ඒ ගෙන්වන ද්‍රව්‍ය හෝ බිල්පත ගැන ගැටළුවක් තියෙනවා නම්, නැවත වෙළඳසලට නොයා ගැටළුව විසඳාගන්න පුළුවන් සුහද පාරිභෝගික සේවාවක් තිබීමත් අත්‍යවශ්‍ය වෙනවා. මේ නිසා ඇනවුම ලබාදීමට කලින් ආයතනයේ පාරිභෝගික සේවාව ගැන හොඳින් දැනුවත් වී සිටීම ඔබට පහසුවක් වනවා නොඅනුමානයි.

List එකක් අනිවාර්යයි

සාමාන්‍යයෙන් අපි supermarket එකකින් මිලදී ගැනීම් කරනකොට ගෙදරින් list එකක් හදාගෙන යන්න පුරුදු වෙලා තියෙනවා. ඒ විදියටම Online order කරන්න කලිනුත් තමන්ට අවශ්‍ය දේවල් ලැයිස්තුවක් හදාගන්න අමතක කරන්න එපා. එහෙම නොවුනහොත් අනවශ්‍ය දේවල් පවා order කරලා නොදැනීම ඔබගේ සාක්කුව හිස් වෙන්න ඉඩ තියෙනවා.

දැනටමත් තියෙන දේවල් order කරන්න එපා

භාණ්ඩ ලැයිස්තුවක් හදාගන්න කලින් නිවසේ ළඟ දැනටමත් තියෙන දේවල් ගැන දැනුවත්වීම අවශ්‍යයයි. ඉතින් pantry cupboards වගේම fridge එකත් හොඳින් සෝදිසි කරලා බලලා තමයි list එකක් හදන්න පටන්ගන්න වෙන්නේ. මෙයින් අපේක්ෂා කරන්නේත් අනවශ්‍ය මිලදී ගැනීම් සහ භාණ්ඩ නාස්තිය වළක්වා ගැනීම මයි.

විකල්ප වලට යන්න

ඔබට මිලට ගැනීමට අවශ්‍ය භාණ්ඩය නැත්තම්, ඒ වෙනුවට විකල්පයක් සොයාගන්න. උදාහරණයක් විදියට වෙනදාට මිලට ගන්නා සහල් වර්ගය නැති නම් ඒ හා සමාන වෙනත් සහල් වර්ගයක් තෝරාගන්න පුළුවන්කම තියෙනවා. දෙතැනකින් හෝ දෙවරකට මිලට ගැනීමේදි ගෙවීමට සිදුවන අපහසුතාවලින් වැළකීමට මෙය උපකාරයක් වේවි.

ඇති පමණට විතරක් ගන්න

භාණ්ඩ නාස්තිය සහ වියදම් අවම කර ගැනීම සඳහා තමන්ට අවශ්‍ය තරමට පමණක් ඇණවුම් කිරීමට උත්සහ කරන්න. නිතරම සහ වැඩියෙන් භාවිතා වන භාණ්ඩ වැඩිපුරත්, අනික්වා අඩුවෙනුත් මිලට ගැනීමට වගබලා ගැනීමෙන් මේ දේ ඉටු කරගන්න පුළුවන්කම තියෙනවා.

හොඳම දේ අරගන්න

Supermarket එකකින් හෝ වෙනත් කඩයකින් ඔබ යමක් මිලට ගන්නකොට හොඳින් පරික්ෂා කරලා ගත්තත් online ක්‍රමයට ගෙන්වා ගන්නකොට ඒ දේ කරන්න බෑ. මේ නිසා මීට කලින් ඔබ හොඳම තත්ත්වයේ එළවලු, පළතුරු සහ අනෙකුත් ද්‍රව්‍ය මිලට ගත් විශ්වාසවන්ත වෙළඳසැලෙකින් ම online order කරනවා නම් එය සෑහෙන ලාභදායක වෙන්නට ඉඩ තියෙනවා.

Offers ගැනත් හොයලා බලන්න

ද්‍රව්‍ය කිහිපයක් එක pack එකක් වශයෙන් මිලට ගැනීමේදී සිදු කෙරෙන මිල අඩු කිරීම්, මුල් ​ම වරට මිලට ගන්නා පාරිභෝගිකයින්ට ලබාදෙන offers සහ වෙනත් වාසිදායක වට්ටම් ගැන සොයා බලා ඇනවුම් කිරීම ඔබට වාසිදායක වන නිසා ඒ කාරණ ගැනත් මතක තියාගන්න.

දෙවරක් තෙවරක් පරීක්ෂා කරන්න

Order place කිරීමට පෙර දෙවරක් හෝ තෙවරක් භාණ්ඩය, ප්‍රමාණය, සහ brand එක වගේ කරුණු ගැන පරීක්ෂා කර බලන්න. අඩුවෙන් මිල නියම කර ඇති සමහර ආහාර ද්‍රව්‍ය වල කල් ඉකුත්විමේ දිනය ඉතා ආසන්න බවට යොදා ඇති දැන්වීම් වැනි දෑ ඔබට මඟහැරී තිබෙන්නට ඉඩ ඇති නිසා ඒ ගැනත්, වෙනත් ආයතනික කොන්දේසි වැනි දේවල් ගැනත් හොඳින් පරීක්ෂා කර බලා ඇනවුම භාර දෙන්න වග බලා ගන්න.

The post Online order කරලා grocery items ගෙන්නවා ගන්නවා නම් මේ දේවල් ගැනත් හිතන්න appeared first on Lady.lk | Lady | Women | Lifestyle | Health | Beauty.

අකාස කුසුම් [Flowers of the Sky] – directed by Prasanna Vithanage

Genre- Drama

Easily tops the list of the finest films to watch on Mother’s Day in Sri Lankan cinema, because of its International Award for Best Asian Film won in 2009. In a nutshell, Akasa Kusum is the story of a mother’s search for a daughter she has never met. The film eloquently captures the feelings of a wounded child and a regretful mother, showcasing how a mother’s poor decision can damage a child’s entire life. It also emphasizes the significance of parents, particularly mothers, being active in their children’s lives as the film’s ultimate message. Hence, this movie serves as a reminder for us to be grateful for the amazing mothers we have.

The story revolves around Sandhya Rani, played by Malini Fonseka. Sandhya Rani was a film actress who was once the silver screen’s sweetheart. However, now that she is no longer renowned or wealthy, she makes a living by renting out a room in her home and selling dumplings. When this faded film star Sandhya Rani finds herself entangled in a scandal, it surprisingly raises her profile. She meets her past demons, exposing her dark side to the public, including the fact that she deserted her child in order to pursue a career in the film industry. Now that her secret is out in the open, she embarks on a journey to find the child she abandoned who happens to be two months pregnant, unmarried, HIV-positive, and is employed at a karaoke night club.

Accompany Sandhya on her quest to reclaim her daughter and see what unfolds next in the lives of the mother and daughter.

Amma Kanakku [Mother’s Calculations] – directed by Ashwiny Iyer Tiwari

Genre- Drama

Amma Kanakku is the Kollywood remake of Nil Battey Sanatta, a Bollywood film. The film offers a pleasant, lighthearted depiction of a lower-middle-class mother’s hopes and aspirations for her child. And, as the ultimate message of the film, it emphasizes the notion that everyone has the right to dream, and that education has the power to transform one’s life.

The story revolves around Shanti, played by Amala Paul who is a young, widowed mother who works as a maid. She dreams of a great future for her daughter Abhinaya. However, her daughter shows no interest in studies, so in order to encourage her to study, Shanti returns to school and enrolls in the same class as her daughter.

Is her daughter’s belief that she cannot afford a higher education going to put Shanthi’s efforts in vain? or will she achieve something great, as her mother desires? This is for you to discover as you embark on this masterpiece of a movie.

English Vinglish – directed by Gauri Shinde

Genre- Comedy drama, Family

The Bollywood film English Vinglish portrays a mother’s unconditional love while also addressing how we sometimes take our mothers for granted. It’s essentially an underdog story, with the mother as the protagonist, who is forced into a corner because of her inability to communicate in English, only to prove her worth to her family in the climax. As the core message of the film, it emphasizes that a mother can alter her life, love herself, and have her family love her back.

Brought to life by renowned Bollywood actress Sridevi, plays the role Shashi who is a typical Indian upper-middle-class housewife who lives with her husband and two children and owns a modest sweets business. Her only limitation is English. She is often subdued and dismissed by her husband and teenage daughter over her lack of knowledge of the language. However, she attempts to learn the language in order to reclaim her lost respect and originality.

Will a four-week English crash course help this Indian housewife who only knows Hindi, master the Queen’s language? Watch the film to find out.

Lady Bird – directed by Greta Gerwig

Genre- Comedy drama

This coming-of-age film reveals the bittersweet relationship between a girl and her mother, and the film beautifully highlights many aspects to which we can all relate, such as arguing with parents, being rebellious, naive, feeling out of place, falling in love, and so on. The class struggle and the daughter’s attempt to take control away from her mother, who is pressuring her in an attempt to control her and make her ‘perfect,’ are the main sources of friction between the girl and her mother. And, as the main message of the movie they show the girl’s ability to see her mother for who she is; a loving, caring, but imperfect individual who will never let go of her need for perfection. Unlike most rom-coms, Lady Bird is a fresh, charming film about self-discovery through the contours of adolescence, which is fueled by brilliant performances.

The story revolves around Christine, aka ‘Lady Bird,’ played by Saoirse Ronan, who is a compassionate, strong-willed, and outspoken Catholic schoolgirl coming of age in a small town in America. Lady Bird is determined to leave Sacramento, and travel to the East Coast, where she feels the culture thrives, and escape her strained relationship with her mother. In her desire to flee, she occasionally forgets to appreciate the beauty of life in the present moment and to cherish her mother. However, in the end, Lady Bird learns a lesson that we can all apply to our own lives: appreciating the efforts of our mothers and embracing our origins. Few films adequately explore mother-daughter relationships, especially those that can evoke empathy from audience. Lady Bird is one such film, so we welcome you to watch it and witness how Lady Bird’s perspectives and views change at the end of the film.

The post Celebrate Motherhood with These Must Watch Iconic Mom Movies appeared first on Lady.lk | Lady | Women | Lifestyle | Health | Beauty.