Comfortable ද කියලා බලන්න

තමන්ගේ හිත ගිය hand bag එක අතට අරන් ඒකේ බාහිර පෙනුම විතරක් බලලා මිලට ගන්න නම් එපා. බෑගය හොඳින් පරීක්ෂා කරන අතරතුරේ පොඩ්ඩක් කරේ දාලත් බලන්න එය ඔබට කොයි තරම් comfortable විදියට දැනෙනවද කියලා. කොයි තරම් පහසුදායක විදියට එය උරහිස මත රැඳිලා තියෙනවද, අත දිගේ රූරා වැටෙන්නේ නැතිව හොඳින් fit වෙලා තියෙනවාද, පැළඳගෙන ඉන්නා අවස්ථාවලදි අතට හෝ උරහිසට අපහසුතාවයක් දැනෙනවාද, ඇවිදින විට අපහසුකාරී ආකාරයට අත්වල දැවටෙනවාද සහ handle එක තමන් අපේක්ෂා කරන ආකාරයට තියෙනවාද වගේ කරුණු ගැන විශේෂ අවධානයක් යොමු කරන්න සිදුවෙනවා. මොකද, ඔබ මිලට ගන්නා මේ බෑගය පැළඳගෙන දිගු වේලාවක් ගත කරනවිට හෝ ඇවිදිනවිට එය ඔබට හිරිහැරයක් විදියට දැනෙනවා නම් තමන් වැය කළ මුදල අපතේ ගිහින් කියලා ඔබට දැනෙන්නට වැඩි ඉඩකඩක් තියෙනවා 

සැහැල්ලුද කියලා බලන්න

සාමාන්‍යෙන් ගමනක් බිමනක් යනකොට අපිට නොදැනීම handbag එකේ බර වැඩිවෙලා වගේ දැනෙන්න පටන් ගන්නවා නේද? ඉතින්  ඒ බරින් වැඩි කොටසක් අයිතිවෙන්නේ, ඒ තුළ තියෙන භාණ්ඩ වලට නොවී බෑගයට ම නම් ඔබේ උරහිස්වලට වගේම හිතටත් එය කොයි තරම් අපහසුවක් ද? මේ නිසා බෑගයක් මිලට ගන්නා අවස්ථාවේදීම එය අනවශ්‍ය තරම් බරකින් යුක්තද කියන කරුණ ගැනත් අවධානය යොමු කරන්න අමතක කරන්න එපා.

අවශ්‍ය තරමට pockets තියෙනවා ද

Make up, tissues, hand sanitizer, වතුර බෝතලය, phone එක, කුඩය, purse එක, car key, අව්කණ්නාඩි ඇතුළු කොයි තරම් දේවල් handbag එකේ දාගෙන යන්න සිදු වෙනවද? පොඩ්ඩෝ එක්ක ගමන් බිමන් යනවා නම් මේ list එක තවත් දිග වෙනවා. ඉතින් මේ හැම දෙයක්ම පිළිවෙළට organize කරලා අසුරාගත්තේ නැත්තන් කොයි තරම් අපහසුතාවයට පත්වෙන්නට සිදුවෙනවාද කියලා අමුතුවෙන් කියන්න අවශ්‍ය වන්නේ නැහැ. මේ නිසා, බෑගය මිලට ගන්න කලින්, bag එකේ ඇතුළතින් සහ පිටතින් තමන්ට අවශ්‍ය ආකාරයේ pockets පිහිටලා තියෙනවාද සහ ඒවා zips සහිත හෝ රහිත pockets ද කියලත් හොඳින් පරික්ෂා කරලා බලන්න සිදුවෙනවා.

ඔබේ සිරුරේ හැඩය කොයි වගේද

සාමාන්‍යෙන් තමන්ගේ ඇඟේ හැඩය ගැන හිතලා hand bags මිලට ගන්න අපි පෙළඹෙන්නේ නැති වුණත් මීට පස්සේ බෑගයක් මිලට ගන්නකොට මේ කියන කරුණ ගැනත් අනිවාර්යයෙන් අවධානය යොමු කරන්න කියලා අපි සිහිපත් කරනවා. සිරුරින් කුඩා අයෙක් නම් කුඩා හෝ මධ්‍යම ප්‍රමාණයේ handbags, තරබාරු අයෙක් නම් මධ්‍යම ප්‍රමාණයේ structured handbags, උස කෙට්ටු අයෙක් නම් කෙටි handles සහිත unstructured handbags, Pear shaped අයෙක් නම් උකුළ ආවරණය වන අන්දමේ කෙටි handles සහිත structured handbags, Apple shaped අයෙක් නම් කෙටි handle සහිත තරමක් පළලැති structured handbags සහ hourglass හැඩයේ අයෙක් නම් මධ්‍යම ප්‍රමාණයේ hobo, tote හෝ cross body bags වඩාත් සුදුසු වෙනවා.

පෙනුම අමතක කරන්නේ කොහොමද

මේ කොයි දේ පරීක්ෂා කරලා බැලුවත් bag එකේ පෙනුම සිත්ගන්නා සුළු නැත්නම් ඔබට එය මිලට ගන්න හිතෙන්නේ නැහැ කියලා අපි හොඳින්ම දන්නවා. වර්ණය ගැන කියනවා නම් ඔබට ප්‍රිය කරන විවිධ වර්ණවලින් bags කිහිපයක් වුණත් මිලට ගන්න උත්සහ කරන්න පුළුවන්. හැබැයි තනි කලු වර්ණයේ handbag එකකට හිත ගිය වෙලාවක එය වෙනත් design details වලින් හැඩ වෙලාද කියලත් බලන්න අමතක කරන්න එපා. තමන්ගේ ශරීරයේ උස, හැඩය, බෑගය පළඳින අවස්ථාව සහ අනෙකුත් ඇඳුම් පැළඳුම් ගැනත් සිහියට නඟමින් hand bag එකක් මිලට ගැනීම තමයි වඩාත් සුදුසු වෙන්නේ.

Good quality

ඔබ දිනපතා පාවිච්චිය සඳහා බෑගයක් මිලට ගන්නවා නම් හෝ බෑගයක් වෙනුවෙන් විශාල මුදලක් වැය කරනවා නම් උසස් තත්ත්වයේ බෑගයක් ම මිලට ගැනීමට උත්සහ දැරිය යුතු වෙනවා. සාමාන්‍යෙන් quality leather වලින් නිමවපු handbags බොහෝ කාලයක් පාවිච්චි කරන්නට හැකියාව තියෙනවා වගේම fashionable කියලත් කියන්නට පුළුවන්. ඉතින් දිගු කාලයක් හොඳ තත්ත්වයකින් යුතුව පාවිච්චි කරන්නට නම් decent look එකක් සහ valuable brand name එකක් සහිත handbag එකක් වෙනුවෙන් ඔබේ මුදල් ආයෝජනය කරන්න මැළි වෙන්න එපා කියලා අපි සිහිපත් කරනවා.

වර්ග කිහිපයක් ම තියෙනවා

Tote bag, hobo bag, satchel bag, baguettes, flap bag, bucket bag සහ side packs වශයෙන් bags වර්ග රාශියක් ම තියෙන නිසා බෑගයක් මිලට ගැනීමට කලින් මෙවැනි විවිධ designs ගැනත් හොයලා බලන්න කියලා අපි අවසන් වශයෙන් සිහිපත් කරනවා.

The post ගැළපෙන ම hand bag එක තෝරා ගන්නේ මෙහෙමයි appeared first on Lady.lk | Lady | Women | Lifestyle | Health | Beauty.

Layers කිහිපයක් පැළඳීම

ප්‍රමාණය, හැඩය, පැහැය, විලාසිතාව සහ ස්වභාවයෙන් එකිනෙකට වෙනස් වන මුදු, මාල, pendants සහ වළලු layers කිහිපයක් ම පැළඳීම ගැන තමයි අපි මේ කතා කරන්නේ. එක් වරකට වඩා Ear piercing කරලා තියෙනවා නම් කරාඹු වුණත් මේ ක්‍රමේට පළඳින්නට ඔබට හැකියාව තියෙනවා. මේ වගේ අවස්ථාවල බරැති ආභරණවලට වඩා සිහින් ආභරණ තෝරාගැනීම වඩා සුදුසුයි කියලයි අපි විශ්වාස කරන්නේ. ඒ වගේම සෑම අවස්ථාවකටම මේ ක්‍රමය ගැළපෙන්නේ නැති බවත් සිහි තබාගන්න සිදුවෙනවා.

සීමාවක් තියාගන්න වෙනවා

හැබැයි, ඔබ necklaces කිහිපයක් පළඳිනවා නම් bangles ත් කිහිපයක්ම පැළඳීම හෝ ප්‍රමාණයෙන් විශාල සහ කැපී පෙනෙන earrings පළඳිනවා නම් necklaces ත් කිහිපයක් පැළඳීම වගේ විලාසිතා කිරීම නම් කිසිසේත්ම සුදුසු වන්නේ නැහැ. මේ නිසා සීමාවක් ඇතිව ආභරණ පැළඳීම සහ ඒ මඟින් පෙනුමට සුන්දරත්වයක් එකතු කරගැනීම කියන කාරණයටත් අවධානය යොමු කරන්න කියලා අපි සිහිපත් කරන්නට කැමතියි.

Earrings

මුහුණ දිහා බලනකොට නිරායාසයෙන්ම ඔබ පැළඳගෙන ඉන්න earrings වලටත් සැළකිය යුතු අවධානයක් යොමුවෙන බව ඔබ දන්නවා ඇති. ඉතින් කන්පෙති හිස් කරගෙන ගමන් බිමන් යෑම ලේසි පහසු වුණත්, ඒ වෙනුවට ඔබගේ පෙනුම වැඩි දියුණු කරන ආකාරයේ earrings පැළඳීම හොඳයි වගේ නේද? හැබැයි earrings  තෝරනකොට ඔබේ සමේ සහ හිසකෙස්වල පැහැය අමතක කරන්න එපා. ඒ වගේම ඔබට තියෙන්නේ දිගු වරලසක් නම් වර්ණවත් හෝ metal වලින් නිර්මාණය කර ඇති තරමක් දිගැති කරාඹු යුවළක් පළඳින්නට ඔබට හැකියාව තියෙනවා.

Earrings මාරු කරන්න

ඔබ හැමදාම පළඳින්නේ එකම earrings නම් එහෙමත් නැත්නම් එකම විලාසිතාවේ earrings නම්, මින් ඉදිරියට ඒ දේ නොකර, විලාසිතාව මාරු කරමින් විවිධත්වයක් එකතු කරගන්න කියලා අපි මතක් කරනවා. එයින් ඔබගේ පෙනුමට fashionable ගතියකුත් එකතු වෙනවා නොඅනුමානයි. හැබැයි මෙහිදී ඇඳුම සහ ඔබ සහභාගි වන occasion එක ගැනත් අවධානය යොමු කරමින් මේ දේ සිදු කරන්න වෙනවා.

Materials

ඔබ නිතරම පළඳින්නෙ රත්‍රන් පමණයි නම් ඒ පුරුද්ද වෙනස් කරගන්න උත්සහ කරන්න කියලා අපි සිහිපත් කරනවා. ඒ වෙනුවට Metal, wooden, stones, fabric, pearls සහ resin වගේ වෙනස් materials වල ආභරණ උත්සහ කරන්නට ඔබට හැකියාව තියෙනවා. විවිධාකාර වර්ණ සහ designs වලින් නිමවා ඇති මේ ආභරණ වලින් ඔබගේ පෙනුමට කැපී පෙනෙන වෙනසක් එකතු කරන බව අපිට හොඳටම විශ්වාසයි. 

ඇඳුමට සුන්දරත්වයක් එක් කරගන්න

ඔබ ගමනක් යන්න කලින් ඇඳුමක් තෝරාගන්න අවස්ථාවේදීම, ආභරණත් තෝරාගැනීම තමයි වඩාත්ම සුදුසු වෙන්නේ. එහෙමත් නැත්තන් පළඳින්න ආසාම කරන jewellery එකක් තියෙනවා නම් ඊට ගැළපෙන විදියට තමයි ඇඳුම තෝරාගන්න අවශ්‍ය වෙන්නේ. විශේෂයෙන්ම එතරම් පෙනුමක් නැති ඇඳුමකට පවා jewellery සහ අනෙකුත් accessories මඟින් සුවිශේෂී බවක් ලබාදෙන්න හැකියාව තියෙනවා. මේ දෙකෙන් කොයි විදිය අන්නුගමනය කළත් ඔබේ පෙනුමට සුන්දරත්වයක් සහ සුවපහසුවක් එකතු වෙනවා නම්, හිතට ආත්ම විශ්වාසයක් දැනෙනවා නම්, යන ගමනට ඇඳුම ගැළපෙනවා නම් ඒ දේ ප්‍රමණවත් වෙනවා.  

අත්හදා බලන්න

ඔබ සාමාන්‍යෙන් පළඳින්නට මැළිවන ආකාරයේ jewellery සහ accessories ඔබ සතුව තියෙනවා නම් නිවාඩු පාඩු වෙලාවක ඒවා විවිධ ඇඳුම් සමඟ ගළපලා ඇඳලා බලන්න. ඒ වගේම කැපී පෙනෙන ආකාරයේ earrings, bangles වගේ දේවල් පළඳින්න ඔබට යම් චකිතයක් වගේ තියෙනවා නම් ඒ චකිතය දුරු කරගෙන තමන් ප්‍රියකරන අන්දමේ ආභරණ පළඳින්න කියලත් අපි සිහිපත් කරනවා. ඒ ආත්ම විශ්වාසය ඔබට අදහාගන්නට නොහැකි තරමේ සුන්දරත්වයක් ලබා දෙයි කියලා අපි විශ්වාස කරනවා. ඒ වගේම විවිධාකාර fashion trends වලට හසු නොවී ඔබගේ පෞර්ෂත්වය විදහා දක්වන ආකාරයේ, ඔබටම අනන්‍ය වුණු විලාසිතා සොයාගන්නත් මෙය ඔබට උපකාරී වෙවි.

සුන්දරත්වය ඉස්මතු කරගන්න

ඔබට ඔබගේ සුන්දර ඇඟිලිවලට විශේෂ අවධානයක් අවශ්‍ය නම් ඒ සුන්දරත්වය කැපී පෙනෙන ආකාරයේ මුදු පළඳින්නට ඉත්සහ කරන්න. දෑත සහ ගෙළ සම්බන්ධවත් අනුගමනය කළ යුතු වන්නේ මෙම ක්‍රමයම යි. ඔබගේ ඇඳුමේ කර low-V- neck කරක් නම් pendant එක V කොටසේ රැඳෙන ආකාරයට පළඳින්නට වගබලා ගන්න. දිගැති necklace එකක් වඩා සුදුසු වන්නේ high necked හෝ crew necked ඇඳුමකටයි. Scoop/ round necklines සහිත ඇඳුමකට rounded necklace එකක් ඉතාමත් සුදුසු වෙන බව කියන්න පුළුවන්.

ඊට අමතරව,

විලාසිතා සම්බන්ධව තද නීති රීති පිළිපැදීමට උත්සහ කිරීමෙන් සමහරවිට ඔබට සුදුසුම සහ, ඔබට ප්‍රියතම විලාසිතාවන් මඟහැරී යාමට ඉඩ තියෙනවා. ආභරණ සම්බන්ධවත් ඒ කාරණය පොදු වෙනවා. අත්හදා බැලීමට, වෙනස් වීමට මැළි නොවී විලාසිතාකරණයේ යෙදෙනවා නම් ඔබගේ සැඟවුණු සුන්දරත්වයක් එළිදැක්වීම එතරම් අපහසු වන්නේ නැහැ.

The post Jewelry තෝරනකොට මේ දේවල් ගැනත් හිතන්න appeared first on Lady.lk | Lady | Women | Lifestyle | Health | Beauty.

Dress Pants

මේ කලිසම් වර්ගය ගොඩක් වෙලාවට සුදුසු වෙන්නේ formal – semi formal අවස්ථාවලට වන අතර ඔබ කාර්‍යාලයට ඇඟලන Slack සහ straight pants ද මේ විලාසිතාවේ කලිසම් අතරට අයත් වෙනවා. නිතර එදිනෙදා කාර්‍යාලයීය ගමන් බිමන්වලට භාවිතා වෙන නිසා සාමාන්‍යෙන් මෙම කලිසම් woven හෝ වෙනත් සුදුසු මිලාධික රෙදි වර්ගයකින් මසනු ලබනවා. ඒ වගේ බොහෝ විට සිපරයක් හෝ බොත්තම් සහිත ඉදිරිපස විවරයකින් ද සමන්විත වෙනවා.

Jeans

Denim වගේ තද රෙදි වර්ගවලින් කරන මේ විලාසිතාවේ කලිසම්වල දාරය ඝනකම් නූල් භාවිතා කර, double stitch lines රටාව යොදා මසනු ලබනවා. ඒ වගේම දිගුකාලීන පාවිචිචිය සඳහා නිපදවා මෙවැනි jeans එකක් ඇඟලීමෙන් ඔබට යම් තරුණ පෙනුමක් එක් කරන බවත් කියන්න පුළුවන්.

Culottes

දණහිස තෙක් හෝ ඊට වඩා මඳක් දිගුවන මේ කලිසම් වර්ගය එක්තරා විදියකට shorts හෝ three quarter විලාසිතාවක් විදියටත් හඳුන්වන්න පුළුවන්. යට කොටස මඳක් විශාලවට (flared සායක හැඩයට) මසන නිසා මෙය ශරීරයට පහසුදායක සැහැල්ලු කලිසම් වර්ගයක් වශයෙන් තමයි සැළකෙන්නේ.

Harem Pants 

මේ විලාසිතාවේ කලිසම් සාමාන්‍ය ගමනකට සුදුසු ඉතා සැහැල්ලු සහ ජනප්‍රිය කලිසම් වර්ගයක් විදියට හඳුන්වන්න පුළුවන්කම තියෙනවා. කලිසමේ කකුල් ප්‍රදේශවලට විශාල පෙනුමක් එන ආකාරයට, Elastic band සහ waistband යොදාගනිමින් වළලුකර සහ ඉණ ප්‍රදේශ gather කර මසන Harem pants සඳහා බොහෝ විට කඩා හැළෙන ස්වරූපයේ රෙදි වර්ග භාවිතා කරනවා.

Baggy Pants

ශරීරයට හිර නැති සැහැල්ලු කලිසම් වර්ගයකි. ඉහතින් සඳහන් කළ Harem Pants අයත් වන්නේත් Baggy Pants වර්ගයටම වන අතර ඩෙනිම් රෙදිවලින් කරන baggy jeans නම් කලිසම් වර්ගයත් මේ කොටසට අයිති වෙනවා.

Bell Bottoms

ඉණ සහ කළවා ප්‍රදේශවලින් හිරටත් දණහිස හරියෙන් විහිදෙන ආකාරයටත් මසන කලිසම් වර්ගයකි. දණහිස හරියෙන් පටන් ගන්නා Flare ස්වභාවය වළලුකර දක්වා විහිදෙනවා. Boot Cut Pants සහ සමහර jeans විලාසිතා අයත් වන්නේත් Bell Bottom කලිසම් වර්ගයටමයි. 

Leggings

ඇදෙනසුළු සහ සැහැල්ලු රෙදි වලින් මසා ඇති, ශරීරයට තද කලිසම් වර්ගයක් වුණත් මෙය ඔබේ සිරුරට අපහසුතාවක් ඇති කරන ආකාරයේ ඇඳුමක් නම් නෙවෙයි. Trousers ස්වභාවයේ leggings හඳුන්වන්නේ Treggings නමින් වන අතර Jeans එකක ස්වරූපය ඇති leggings හඳුන්වන්නේ Jeggings යන නමිනුයි. යටිපතුල හරහා යන strap එකකින් කලිසම් කකුල ඉහළට ඇද රඳවා තබා ගන්නා leggings, Stirrup pants යනුවෙන් හඳුන්වනවා.

Tights

ලෙගින් එකක පෙනුම ඇතත් tights කියන්නේ ඊට වඩා වෙනස් ඇඳුමක් කියන එක මුලින්ම කියන්න වෙනවා. Tight එකක් ගොඩක් වෙලාවට legging එකකට වඩා විනිවිද පෙනෙන ස්වරූපයක් ගන්නා අතර සම්පූර්ණ පාදය ම ආවරණය කරන කලිසමක් විදියට හඳුන්වන්න පුළුවන්.

Punk Pants

Stitching lines, pockets, chains, stickers සහ වෙනත් සැරසිලි ගණනාවක් අඩංගු කලිසම් වර්ගයකි. Baggy, jeans, bell bottom වැනි ඕනෑම වර්ගයක කලිසමක ස්වරූපයෙන් punk pant තියෙන්නට පුළුවන්.

Cargo Pants

Pant එකක සාමන්‍යයෙන් ඇත්තේ Pockets 2ක් පමණක් වුණත් cargo pant එකක සාක්කු 3-4ක් පමණ ප්‍රමාණයක් අඩංගු වෙනවා. කලිසම් කකුලේ දෙපැත්තෙන් එකකට යටින් එකක් වශයෙන් සාක්කු කිහිපයක් මසා ඇති මෙවැනි pants තරුණ පිරිස අතර ඉතා ජනප්‍රිය විලාසිතාවක් වශයෙන් හඳුන්වන්න පුළුවන්.

Stovepipe Pants

සිරුරේ හැඩයට මනාව ගැළපෙන slim fit වර්ගයට අයත් මේ කලිසම් විලාසිතාව formal functions වල ඉතාමත් සුදුසු බව කියන්න පුළුවන්. Pencil leg pants, Drainpipe trousers කියන නම්වලිනුත් හඳුන්වන Stovepipe pants වළලුකර උසට පමණක් ඇති කලිසම් වර්ගයක් විදියට හඳුන්වන්න පුළුවන්.

Pep-leg Pants

Relaxed fit pants විලාසිතාවේ කලිසම් වර්ගයකි. මෙම කලිසම් වල, කලිසම් කකුලේ ඉහළ ප්‍රදේශය තරමක් ලිහිල් ආකාරයටත්, කලිසම් කකුල අවසන් වන වළලුකර හරියෙන් කකුලට fit වන ආකාරයටත් නිමවා තිබේ. බොහෝ විට කලිසමේ ඉන යට ප්‍රදේශය darts යොදා රැලි ගන්වා හැඩ කරනවා.

ඉහතින් සඳහන් කළ කලිසම් විලාසිතාවලට අමතරව Toreador Pants, Eastern Pants, Jodhpur Pants, Cropped Pants, Dungarees, Jumpsuits සහ Cargo Pants යනාදි වශයෙන් තවත් විලාසිතා බොහොමයක් ඇති බවත් අවසන් වශයෙන් අපි මතක් කරනවා.

The post කාන්තා කලිසම් විලාසිතා වර්ග appeared first on Lady.lk | Lady | Women | Lifestyle | Health | Beauty.

T- Shirts

T- shirts කියලා කියන්නේ වයස් බේදයකින් තොරව ඕනෑම කෙනෙක් අඳින්නට කැමති ආකාරයේ ඇඳුමක් විදියට හඳුන්වන්න පුළුවන්. Plain, printed, baggy, tight, crop tops ආදි නොයෙක්‍ වර්ගවල designs වලින් නිමවා ඇති t- shirts මිලට ගැනීමේදී cotton රෙදිවලින් කර ඇති ඇඳුම් තෝරා ගන්නවා නම් අපේ රටේ දේශගුණයට එය වඩාත් සුදුසු වෙනවා. T- shirt එකක් සහ ඊට ගැළපෙන pant එකක් හෝ skirt එකක් කියලා කියන්නේ සාමාන්‍ය ගමනකට හොඳින් ම ගැළපෙන සහ සුලබම විලාසිතාව විදියට හඳුන්වන්න පුලුවන්. ඒ වගේම එවැනි ඇඳුම් විලාසිතාවක් සමඟ පළඳින Sandals, flat slippers හෝ පාදයම ආවරණය වන සරල මෝස්තරයේ සපත්තු යුගලයකින් ඔබේ පෙනුමට අංග සම්පූර්ණ බවක් එක් කරනවා. 

Jeans

ගැළපෙන උඩුකය ඇඳුමක් සමඟ අඳින සැහැල්ලු denim, linen හෝ cotton කලිසමක් සාමාන්‍ය ගමනකට හොඳින් ම ගැළපෙනවා. ඒ හා පළඳින පාවහන් යුගලයෙන් සහ වෙනත් පැළඳුම්වලින් ඔබ සහභාගි වන අවස්ථාවට ගැළපෙන පරිදි ඔබේ පෙනුම වෙනස් කරගැනීමේ හැකියාවත් ඔබ සතුවෙනවා. සාමාන්‍ය ගමනක් නම් උස් අඩි රහිත සරල පාවහන් හෝ Sneakers වර්ගයේ පාවහන් පැළඳීමෙනුත්, හිතවතුන් සමඟින් එක්වන සාමාන්‍ය සුහද හමුවක් වගේ අවස්ථාවක් නම් loafer shoes, mule shoes හෝ stiletto වර්ගයේ පාවහන් පැළඳීමෙන් ඔබේ පෙනුම අවස්ථානුකූව සහ ක්ෂණිකව වෙනස් කරගන්න පුළුවන්කම තියෙනවා.

Skirts

Mini skirts සිට maxi skirts දක්වා දිගින් යුතු skirts වර්ග ඔබේ විලාසිතා අතර තිබුණත් සාමාන්‍ය ගමනකට සාය විලාසිතාවක් තෝරාගන්නවා නම් සුවපහසු බවට පළමු තැන ලබාදෙන්න අමතක කරන්න එපා. Skirt එකේ ස්වභාවය අනුව t-shirt, crop top, blouse හෝ kurta top එක තෝරා ගැනීමත්, සරල විලාසිතාවේ ආභරණ සහ සුවපහසු පාවහන් යුගලයකින් සැරසීමත් මඟින් ඔබට නිසැකවම ආකර්ෂණීය පෙනුමක් ලබාගන්නට හැකිවෙනවා. 

Dresses

ගවුම් විලාසිතා ඉතාමත් ජනප්‍රිය වෙලා තියෙන මේ කාලයේ විවිධ මෝස්තවල ගවුම් කිහිපයක් තෝරා ගැනීම එතරම් අපහසු දෙයක් නම් නෙවෙයි. විවිධ දිග ප්‍රමාණවලින් යුතු, සරල නමුත් සුන්දර මෝස්තර සහිත සහ සුවපහසු නිමාවකින් යුතු ගවුම් විලාසිතාවක් ඕනෑම අවස්ථාවක් හා හොඳින් ගළපාගන්න පුළුවන්කම තියෙනවා. ගවුම් විලාසිතාවට ගැළපෙන ආකාරයේ පාවහන්, සරල ආභරණ, hair style එකක් සහ light make up එකකින් ඔබට වෙනස්ම ස්වරූපයේ සුන්දරත්වයක් හිමිවෙනවා.

Shorts

ලංකාව වගේ උෂ්ණාධික රටකට හොඳින්ම ගැළපෙන පහසු ඇඳුමක් විදියට shorts, එහෙමත් නැත්තන් කෙටි කලිසම් හඳුන්වන්න පුළුවන්. Denim වගේ තද රෙදිවලින් නිමවා ඇති කොට shorts වලට වඩා Linen හෝ cotton වැනි සැහැල්ලු රෙදිවලින් මසා ඇති shorts සමඟ සැහැල්ලු t- shirt එකක් ඉතා සාර්ථක ගැළපීමක් වෙනවා. 

Jumpsuits/ Rompers

මේ වෙනකොට කාන්තාවන් අතර ඉතාමත් ජනප්‍රියව ඇති jumpsuit විලාසිතාව ඉතා සැහැල්ලු ඇඳුමක් වුවත් ශරීරයේ හැඩය සහ උස ඉස්මතු කර පෙන්වන සුන්දර විලාසිතාවක් විදියට හඳුන්වන්න පුළුවන්. මූලිකවම දිගු කලිසමට ම, උඩුකය ඇඳුම් කොටසත් සම්බන්ධ කර මෙය නිර්මාණය කරනවා. හැබැයි විවිධ මෝස්තරවලින් නිමවා ඇති jumpsuit එකක් තමන්ගේ රුචිකත්වය අනුව සාමාන්‍ය ගමනකට විතරක් නෙවෙයි ඕනෑම අවස්ථාවකට ගළපාගැනීමේ හැකියාව ඔබ සතුවනවා. ඉහළ කොටස සමඟ කෙටි කලිසමක් සම්බන්ධ කර සකසා ඇති ඇඳුම Rompers විදියට හඳුන්වනවා. Jumpsuit එකක් ඕනෑම අවස්ථාවකට ගැළපුනත් romper එකක් සාමාන්‍ය ගමනකට වඩාත් සුදුසු වෙන බවයි අපේ නම් අදහස වෙන්නේ.

Shalwars

දකුණු ආසියාතික රටවල බහුලවම භාවිතාවන සහ තම ජනප්‍රියත්වය දිගින් දිගටම රඳවා ගැනීමට සමත්වෙලා තියෙන salwar suit එක කාලෙන් කාලෙට විවිධ විලාසිතා මවන්නට සමත්වෙලා තියෙනවා. සාම්ප්‍රදායික salwar suit එකටම සීමා නොවී එහි විවිධ කොටස් වෙනත් ඇඳුම් සමඟින් වුණත් එක් කරගැනිමට හැකියාව තියෙනවා. උදාහරණයක් විදියට denim pant එකක් සමඟින් kurta top එකක් ඇඟලීම, දිගු සායක් සහ බ්ලවුසයක් සමඟින් shawl එකක් ඇඳිම වගේ විලාසිතා පෙන්වන්න පුළුවන්. කොහොම වුණත් විශාල මෝස්තර රටා රහිත, සුවපහසු රෙදි වර්ගයකින් නිමවා ඇති   salwar suit එකක් සාමාන්‍ය ගමනකට ඉතා හොඳින් ගැළපෙන බව සහතිකවම කියන්න පුළුවන්.

The post සාමාන්‍ය ගමන් බිමන් සඳහා ගැළපෙන විලාසිතා 7ක්. appeared first on Lady.lk | Lady | Women | Lifestyle | Health | Beauty.

Hongdae Street styles

Hongdae කියලා කියන්නේ කොරියාවේ සියොල් නගරයට ආසන්නව පිහිටා ඇති ප්‍රදේශයක්. නාගරිකත්වය හා මුසු වූ කලාව, වීදී සංගීතය, සමාජ ශාලා, කඩ සාප්පු සහ විනෝදාස්වාදය වෙනුවෙන් ම වෙන්වුණු ප්‍රදේශයක් විදියටයි Hongdae සැළකෙන්නේ. මේ නිසා rock හා pop සංගීතයට ගැළපෙන කලාත්මක බවින් යුතු සැහැල්ලු ඇඳුම් මේ ප්‍රදේශය ආශ්‍රිත වීදි කඩ සාප්පුවලින් මිලට ගැනීමට හැකියාව තියෙනව. මේ ඇඟලුම් අතරින් විවිධ වර්ණයේ සහ ප්‍රමාණයෙන් විශාල T- shirts කෙටි සායවල්, කෙටි කලිසම් සහ සිරුරට හිර නමුත් සුවපහසු කලිසම් විශේෂ තැනක් ගන්නවා.

උඩුකය හොඳින් වැසෙන ඇඳුම්.

කොරියානු යුවතියන් සාමාන්‍යෙන් උඩු කය නිරාවරණය වන ආකාරයේ ඇඳුම් තෝරාගන්නේ නැහැ. උරහිස්, බෙල්ල, පපු ප්‍රදේශය, පිට පෙදෙස සහ උදරය හොඳින් වැසෙන ගවුම්, t- shirts සහ blouses වැනි ඇඳුම් වලින් තමන්‍ට පිරිසිදු සහ උසස් පෙනුමක් ලැබෙන බවට ඔවුන් විශ්වාස කරනවා. හැබැයි මේ වෙනකොට කොරියානු යුවතියන් off- shoulder/ cold shoulder ඇඳුම් සහ පපු පෙදෙස ආවරණය වන crop tops ඇඟලීමට වැඩි කැමත්තක් දක්වන බවත් පෙනී යනවා. Graphic shirts, සහ shirt dresses වලටත් කොරියානු විලාසිතා අතර ඉහළම තැනක් හිමිවෙනවා.

පාද නිරාවරණය වන ඇඳුම්.

උඩු කය හොඳින් වැසෙන ඇඳුම් ඇන්දත් පාද නිරාවරණය වන ආකාරයේ කෙටි සායවල්/ කලිසම් සහ ගවුම්වලට තමයි ඔවුන් වැඩි වශයෙන් ප්‍රියතාවයක් දක්වන්නේ. ඒ වගේම High waist pants/ shorts සහ skirts කොරියානු යුවතියන්ගේ විලාසිතා අතර වැඩි වශයෙන් දක්නට ලැබෙනවා. මේ high waisted විලාසිතාවේ ඇඳුම් සමඟ අඳින top එක හෝ blouse එක ඉදිරිපසින් කලිසමට හෝ සායට යට කර ඇඳීම බහුලවම දකින්නට ලැබෙන විලාසිතාවක් විදියට හඳුන්වන්න පුළුවන්.   Skirts විලාසිතා ගැන කතා කරනවා නම්, ඒවා බොහෝවිට tennis skirts හෝ  bodycon විලාසිතාවේ ඒවා බව කියන්න පුළුවන්. ඒ වගේම ripped denim කලිසම්, ripped denim shorts වගේ ඇඳුමුත් ඔවුන් නිතර භාවිතයට එකතු කරගන්නවා.

ප්‍රමාණයෙන් විශාල ඇඳුම්.

Tops, coats සහ dresses තෝරාගැනීමේදී ශරීරයේ හැඩය සැඟවෙන ආකාරයේ විශාල ඇඳුම් තෝරාගැනීමට ඔවුන් ප්‍රියතාවය දක්වන අතර sweaters ස්වරූපයේ සැහැල්ලු උඩුකය ඇඳුම් කොරියානු යුවතියන් අතර ඉතා ජනප්‍රිය විලාසිතාවක් විදියට පෙන්වන්න පුළුවන්. මේ හේතුව නිසා සිරුරට හිර වූ කලිසමක් හෝ සායක් සමඟින් විශාල උඩුකය ඇඳුමක් ඇඳීම ඔවුන්ගේ ප්‍රියතම තෝරගැනීමක් බව පෙනී යනවා. 

ඇඳුම් තට්ටු දෙක තුනක්

නිතරම තමන්ගේ ඇඳුමට සුවිශේෂී බවක් එක් කරගැනීමට කැමති කොරියානු යුවතියන් අතර උඩු කයට ඇඳුම් තට්ටු දෙකක් ඇඳීමේ විලාසිතාව නිතර භාවිත වෙනවා. සිරුරට තද t- shirt එකකට උඩින් අත දිග කමිසයක් වැනි ඇඳුමක් ඇඳීම හෝ දනහිස තෙක් දිගු ඇඳුමකට උඩින් නූලෙන් ගෙතූ විනිවිද පෙනෙන සුළු කෙටි coat එකක් ඇඳීම  උදාහරණ විදියට පෙන්වන්න පුලුවන්. තමන්ගේ ප්‍රියතාවය අනුව තෝරා බේරාගෙන මෙලෙස ඇඳීම මඟින් ඔවුන් බලාපොරොත්තු වන්නේ උඩුකය හොඳින් ආවරණය වීම සහ තමන්ගේ කැපී පෙනෙන සුන්දර පෙනුම ඔප් නංවා ගැනීමයි.

Pleated skirts/ Ruffled skirts

කොරියානු දැරියන්ගේ පාසල් නිල ඇඳුමට බොහෝවිට අයත් වන්නේ කෙටි සායක් සහ කමිසයක් වන අතර සාමාන්‍ය එදිනෙදා භාවිතා කරන ඇඳුම් පැළඳුම් වලටත් කොරියානු තරුණියන් මෙවැනි රැලි සහිත කෙටි සායවල් සහ කෙටි අත් සහිත blouses එකතු කරගන්නවා දකින්නට ලැබෙනවා. රැලි සහිත දිගු සායවල් පවා සුදුසු ආයිත්තම් සමඟින් ගළපා ගැනීමෙන් මනා පෙනුමක් ලබා ගැනීමේ දක්ෂතාවය මොවුන් සතුවන බව කියන්න පුලුවන්. ඒ වගේ ම short ruffled skirt ඇඟලීමත් බහුලවම දක්න ලැබෙන විලාසිතාවක් වෙනවා.

නොගැළපීම් ගළපා ගැනීම

එකිනෙකට වෙනස් වර්ණ, මෝස්තර සහ රටා වලින් යුතු ඇඳුම් සහ පාවහන් වැනි දෑ සුදුසු පරිදි ගළපාගෙන ඒවාට සුවිශේෂී බවක් එක කරගනිමින් කැපී පෙනෙන ආකාරයට විලාසිතා කිරීම කොරියානු විලාසිතාවල කැපී පෙනෙන ලක්ෂණයක් විදියට පෙන්වන්න පුළුවන්. ඉහත දැක්වූ වෙනස්කම් වලින් සමන්විත Top එකක්, කෙටි සායක්, legging එකක් සහ සපත්තු ජෝඩුවක් මනාව ගළපාගෙන ඇඳීමත් අනෙකුත් ආයිත්තම්වලින් තම පෙනුම වැඩි කරගැනීමත් උදාහරණයක් විදියට පෙන්වන්න පුලුවන්.

සාමාන්‍යෙන් කොරියානු යුවතියන් විශාල සහ බරැති ආභරණ නොපළදින අතර සරල මෝස්තරවල කුඩා මාල, කරාඹු සහ අත් පළඳනා පාවිච්චි කරනවා. අඩිය උස පාවහන්වලට සහ කකුල සම්පුර්ණයෙන් වැසෙන sneakers සහ boots වැනි පාවහන් වලටත් මොවුන් වැඩි වශයෙන් ප්‍රිය කරන බව පෙනී යනවා. දිගු handles සහිත handbags, පාසල් බෑග වැනි විවිධ වර්ණවල bags, cotton/ canvas shoulder bags වගේ විලාසිතාවල bags කොරියානු යුවතියන් අතර වඩාත් ප්‍රචලිත වෙලා තියෙන බව කියන්න පුළුවන්.

The post කොරියානු විලාසිතාවලට ප්‍රිය කරන ඔබ ඒ පිළිබඳව දැනගත යුතු ම කරුණු කිහිපයක්. appeared first on Lady.lk | Lady | Women | Lifestyle | Health | Beauty.

Bohemian fashions කියන්නේ මොනවාද?

Boho chic/ boho fashion වශයෙනුත්  හඳුන්වන මේ විලාසිතාවේ ඇඳුම් ආයිත්තම් 1960-1970 කාලසීමාවේදි හිපි සංස්කෘතිය ආශ්‍රයෙන් ගොඩනැගුණු ඒවා බව සඳහන් කරන්න පුළුවන්. බොහීමියන් විලාසිතා, කඩා හැලෙනසුළු සහ නියමිත පිළිවෙලකින් තොර ඇඳුම්, head bands, ආකර්ෂණීය පාට සහ prints සහිත ඇඳුම්, විශාල අව් කණ්නාඩි, පා ඇඟිලි නොවැසෙන පාවහන්, ස්වභාවික රෙදි වර්ගවලින් සෑදු ඇඳුම්, ඓතිහාසික සහ නාට්‍යමය පෙනුමක් සහිත ආයිත්තම් සහ අපිළිවෙල ආභරණ ඇතුළුව informal කියලා හැඳින්විය හැකි විලාසිතාවන්ගෙන් සමන්විත වෙනවා.

සැහැල්ලු විලාසිතා

මෙම විලාසිතාවේ ඇඳුම්වලින් මූලිකවම ලැබිය යුත්තේ අතිශය සැහැල්ලු පෙනුමක් බව මුලින්ම කිවයුතු වෙනවා. එක තැනක නොරැඳෙමින් නිතර සංචාරය කරමින් ජීවත් වන gypsy සංස්කෘතිය හරහා පැමිණි විලාසිතා නිසා ස්ථීර තේමාවකට අයත් නොවන, තමන්ගේ පෙනුමට පරිපූර්ණ ආකාරයට නොගැළපෙන සහ ඉතා සුවපහසුදායක පෙනුමක් තමයි මේ විලාසිතාවලින් ලැබෙන්නේ. ඒ වගේම ඇඳුම් කිහිපයක් layers වශයෙන් අඳින ස්වභාවයක් දක්නට ලැබුනත් අපේ රටේ දේශගුණයට එය ගැළපෙනවා කියලා නම් කියන්න අමාරුයි.

Maxi dresses/ Skirts

සිරුරට හොඳින් තදවන ඇඳුම්, කොට සායවල් හෝ අඳුරු පැහැ formal ඇඳුම් මේ කාණ්ඩයට අයත් නොවෙන අතර දීප්තිමත් මෝස්තර සහිත සැහැල්ලු පෙනුමක් ලබාදෙන විශාල shirts, දිගු සායවල්, දිගු ගවුම්, robes සහ kimonos, සැහැල්ලු කලිසම්, ස්ථීර පිළිවෙලක් නොමැති උඩු කබා ආදිය මේ විලාසිතාවට අයත්වෙනවා.

Reusing/ recycling

නැවතත් හිපි ජීවන රටාව දෙසට හැරුණොත්, ඔවුන් ස්ථීර නිවාස, වත්කම් හෝ දේපළ අගය කරන්නන් හෝ එක් තැනක ජීවත් වන්නන් විදියට සළකන්න අමාරුයි. රාමුවක් තුළට කොටු නොවූ ජීවිත ගත කරන්න ප්‍රිය කරන අතර reuse/ recycle කියන සංකල්පවලට ඔවුන් ඉහළ වටිනාකමක් ලබාදෙනවා. විලාසිතාවලට වගේම පරිසරය ගැනත් හිතන පතන ඔබට, මිල අධික brands වල විලාසිතා සහිත ප්‍රදර්ශනාගාර වලින් ලබා ගත නොහැකි සුන්දර බොහීමියානු විලාසිතාවේ ඇඳුම් පැළඳුම් flea markets වලින් සොයාගැනීමට වැඩි ඉඩකඩක් තියෙනවා. මේ වෙනකොට ලංකාවේ බොහෝ නගරවල පාවිච්චි කළ ඇඳුම් ආයිත්තම් විකිණීමට ඇති වෙළඳසැල් දක්නට ලැබෙන අතර හොඳින් පරීක්ෂා කර බලා හොඳ තත්ත්වයේ vintage pieces මෙවැනි ස්ථානවලින් සොයාගන්න හැකියාව තියෙනවා.

ස්වභාවිකත්වයට ඉඩ දෙන්න

බොහීමියානු සංස්කෘතියට හදවතින්ම ප්‍රිය කරන ඔබ නොඅනුමානවම ස්වභාවික පරිසරයටත් ඇළුම් කරනවා ඇති කියලා අපි හිතනවා. එසේ නම් මේ විලාසිතාවේ ඇඳුම් ආයිත්තම් තෝරා ගැනීමේදී synthetic fibers වලින් සහ විශ සහිත dye වර්ගවලින් තොරව නිපදවා ඇති පරිසර හිතකාමී ස්වභාවික දේ තෝරා ගැනිමට පසුබට වෙන්න එපා. ලිනන්, කපු, හණ වැනි ස්වභාවික රෙදිවලින් සහ ස්වභාවික ද්‍රව්‍ය යොදාගෙන cream, light brown, pale green වර්ණයන්ගෙන් පැහැගන්වා ඇති ඇඳුම්, බොහීමියානු විලාසිතාවන් සමඟ හොඳින්ම ගැළපෙන නිසා විලාසිතා තෝරාගැනීමේදී නිසා ඒ ගැනත් අවධානය යොමු කරන්න කියලා අපි මතක් කරනවා.

Handmade jewellry

දක්ෂ නිර්මාණ ශිල්පීන් විසින් ස්වයං රැකියා වශයෙන් ඉතාමත් කලාත්මක ආභරණ නිපදවන අතර අන්තර්ජාලය හරහා ඒවා මිලට ගැනීමට ඔබට අවස්ථාව හිමිවෙලා තියෙනවා. මිලාධික branded ආභරණ වෙනුවට එවැනි කලාත්මක ආභරණ පැළඳීමට යොමුවෙනවා නම් එම නිර්මාණකරුවන්ගේ ව්‍යාපාර දියුණුවට අත හිත දීමක් ද සිදුවන බව කියන්න පුලුවන්. Layers වශයෙන් පළඳින, Silver, ලී, රෙදි, වීදුරු, මැටි, ගල්, කාසි, පිහාටු යනාදියෙන් නිපදවන ලද මාල, කරාඹු, නාස කරාඹු, මුදු, පාසළඹ, headbands සහ වළලු තුළින් ඔබට සුන්දර බොහිමියානු විලාසිතා සොයාගැනීමට හැකියාව ලැබෙන බව නොඅනුමානයි.

අනන්‍යතාවක් ගොඩනඟා ගන්න.

ඇඳුම් සමඟ පළඳින සහ බඳපටි වශයෙන් භාවිතා කරන shawls, head bands, hats, belts සහ සෙරෙප්පු වැනි පළඳනා හරහා ඔබටම අනන්‍ය වූ පෙනුමක් ගොඩනඟා ගන්නත් උත්සහ කරන්න. මෙවැනි ආයිත්තම්, ඔබට නිදහස් සහ ප්‍රීතිදායක පෙනුමක් ලබා දෙන අතර ඔබේ සැහැල්ලු ඇඳුම්වලට යම් සුවිශේෂී බවකුත් එක් කරනවා. Gladiator sandals, open- toed sandals සහ clogs වැනි සෙරෙප්පු විලාසිතා සහ fringe hobo bags, cross- body sling bags, classic canvas messenger bags වැනි ගමන් මලු විලාසිතා ගැනත් අවධානය යොමු කරන්න කියලා මතක් කරනවා.

හැඩ කරන්න ගන්න දේවල්

බොහීමියානු විලාසිතාවේ ඇඳුම් ආයිත්තම් වලටම සුවිශේෂී වූ ලක්ශනයක් විදියට tassels, leather fringes, feathers, lucky charms, එම්බ්‍රොයිඩර්ස්, crochets, lace, macrame සහ sequence වලින් හැඩගන්වා තිබීම පෙන්වන්න පුළුවන්.

The post බොහීමියානු විලාසිතා තෝරාගැනීමේදී ඔබ සැළකිලිමත් විය යුතු කරුණු appeared first on Lady.lk | Lady | Women | Lifestyle | Health | Beauty.

පැළඳගෙන ඉන්නේ කකුලට ගැළපෙන ම size එකේ පාවහන් ද?

සිරුරේ බර සම්පූර්ණයෙන් දරාගන්නත්, විවිධාකාර මතුපිටවල් හරහා ගැටීමටත් විතරක් නෙවෙයි පෙනුම සහ ඇවිදීමේ රටාව සුන්දර කරන්නත් කියන හැමදේම ගැන වගබලා ගන්න ඔබේ පාවහන්වලට සිදු වෙනවා. මේ නිසා මිල ටිකක් වැඩිවුණත් හැකිතරම් උසස් තත්ත්වයේ පාවහන් මිලට ගැනීම තමයි වඩාත්ම සුදුසු වෙන්නේ. ඒ වගේම පාවහන් මිලට ගන්නා විට කකුලේ දිග පළලට නියමාකාරයෙන් ම ගැළපෙන පාවහන් මිලට ගන්නවා නම් බොහෝ අසීරුකම් මඟහරවා ගන්න හැකියාව ලැබෙනවා. 

මුලින්ම කකුලට හුරු කරගමු

දිනපතා පාවිච්චියට කොයි තරම් පාවහන් තිබුණත්, විශේෂ අවස්ථාවක් වෙනුවෙන් අලුතින් ම පාවහන් මිලට ගන්න ඔබ ප්‍රියකරන බව අපි දන්නවා. හැබැයි මේ අලුත් පාවහන් පළමු වරටම ඒ විශේෂ අවස්ථාව වෙනුවෙන් පැළඳීම නම් එතරම් සුදුසු වන්නේ නෑ. මිලට ගත්පසු ඒවා පැළඳගෙන සැළකිය යුතු වෙලාවක්  නිවස තුළ ම ඇවිද බලන්න. පාවහන්වලින් යම් අපහසුතාවයක් ඇතිවෙනවාද කියන කාරණය මේ හරහා වටහාගන්න පුලුවන් වෙනවා. හවස් වරුවක මේ දේ කරනවා නම් වඩාත් සුදුසුයි.

පාවහන් මෘදු කරගන්න

ලී හෝ Plastic Shoe shapers/ stretchers පාවිච්චි කිරීමෙන් පාවහන් මෘදු ඇදීමකට ලක් කරන්න පුළුවන්කම තියෙනවා. සම්පූර්ණ රැයක් පුරාවට මේ shoe shapers පාවහනට යොදා තැබීමෙන් වඩාත් යහපත් ප්‍රතිඵල ලබාගන්න පුලුවන්. පිරිසිදු පොල්තෙල් ස්වල්පයක් පාවහන්වල තද ස්ථානවල ආලේප කිරීමෙනුත් පාවහන් පැළදීමට පහසුවෙන අතර කල්පැවැත්ම සහ පැහැය ගැන වඩා සැලකිළිමත් වෙනවා නම් leather conditioner භාවිතා කිරීම වඩා සුදුසු වෙනවා. ඔබ ළඟ තියෙන Hair- dryer එකත් මේ කාරණයේදි ප්‍රයෝජණවත් වෙන බව දන්නවද? කකුල්වලට තරමක් ඝන මේස් දමා පාවහන් පැළදගන්න. Hair dryer එක පාවිච්චි කරමින්, මධ්‍යම ප්‍රමාණයේ උණුසුමක්‍ යොදමින්, තත්පර 30ක් පමණ පාවහන්වල තද ස්ථාන උණුසුම් කරන්න. පාවහන්වල උණුසුම් බව සහ ඇදෙනසුළු ගතිය රැඳී තිබෙද්දීම මඳක් ඇවිද ඉන්පසු විනාඩි කිහිපයකට පසු මේස් ඉවත්කර, පාවහන් පමණක් පැළඳගෙන ඇවිද බලන්න.

කකුල්වල ආරක්ෂාව සඳහා..

පාවහන් වල හැඩය, දිග, පළල, සහ ඇඟිලි සවිවන ස්ථාන ඔබේ පාදය හා නොගැළපෙනවා නම් කොයි තරම් අලංකාර වුණත් එවැනි පාවහන් මිලට ගැනීම සුදුසු වෙන්නේ නෑ. නමුත් යම් විදියකින් මේ කියන එක් ගැටළුවක් හෝ ඇත්නම්, පාදවල ආරක්ෂාව සඳහා ඔබට යම් යම් ක්‍රියාමාර්ග අනුගමනය කරන්න සිදුවෙනවා. 

පාදයේ පැහැයට ගැළපෙන මෘදු, cotton මේස් දෙකක් භාවිතා කිරීම මඟින් දහදිය උරාගෙන පාද වියළිව තැබීමත්, පාවහන් පාදය හා තදින් ගැටීම වැළකීමත් වළක්වනවා. ඒ වගේම පාදයේ ගැටළුකාරී ස්ථානවලට (hot spot) Plaster එකක් ඇළවීම බොහෝ දෙනෙක් අනුගමනය කරන සුලබ සහ පහසුම උපක්‍රමයක් විදියට පෙන්වන්න පුලුවන්. ඊට අමතරව පාදයේ තෙවන සහ සිව්වන ඇඟිලි එක්ව තබා උඩින් plaster එකක් ඇළවීමත් සාර්ථක ප්‍රතිඵල ලබාදෙනවා.

පාවහන් වෙළෙඳසැල් වලින් හෝ අන්තර්ජාලය හරහා මිලට ගැනීමේ හැකියාව ඇති silicone insoles වඩාත් ඵලදායක වන අතර මේවා සම්පූර්ණ පාදයටම ගැළපෙන සහ ඇඟිලි කොටසට/ විලුඹ කොටසට පමණක් ගැළපෙන ඒවා වශයෙන් වර්ග දෙකකින් මිලට ගැනීමේ හැකියාව තියෙනවා. High heels පැළඳීමේදී යෙදිය හැකි silicone heel inserts/ heel grips මඟිනුත් පාදයේ ආරක්ෂාව රැකගන්න පුලුවන් වෙනවා. Shoe pads/ shoe beds වැනි දෑ නිපදවා ඇත්තේත් පාවහන් පැළදීමේදී ඇතිවන අපහසුතා මඟහැරවීමට නිසා මෙවැනි දේ භාවිතා කිරීම මඟිනුත් පාදවල සනීපාරක්ෂාව සළසා ගන්න පුලුවන්කම තියෙනවා. ඊට අමතරව සෞඛ්‍යාරක්ෂිත රෙදිවලින් නිමවා ඇති reusable toe protectors පාවිච්චි කිරීම මඟින් ඇඟිලිවල ඇතිවන වේදනාවන් මඟහරවා ගන්න පුලුවන්.

ඉහත කී කරුණුවලට අමතරව baby powder ස්වල්පයක් ආලේප කිරීමෙන් පසු පාවහන් පැළඳීම සාර්ථක වුවත්, මෙයින් ප්‍රතිඵල ලබා ගැනීමට නම් පාදය සම්පූර්ණයෙන් වියළිව තිබීම අත්‍යවශ්‍ය වෙනවා. එහෙම නැත්නම් මේ ස්ථානවල deodorant ස්වල්පයක් ආලේප කිරීමත් හොඳ උපක්‍රමයක් විදියට පෙන්වන්න පුලුවන්. හැකියාවක් ඇත්නම් වරින් වර පාවහන් පාදවලින් ඉවත් කර තබා පාදවලට නිදහසක් කබා දීමෙන් මේ ඕනෑම ආකාරයක අපහසුතාවන් තරමක් දුරට හෝ වළක්වාගන්න ඔබට හැකියාව ලැබෙනවා.

The post පාවහන් යුවලක් සුවපහසුදායක කරගන්න tips කිහිපයක් appeared first on Lady.lk | Lady | Women | Lifestyle | Health | Beauty.

White blouse

තනි සුදු පැහැති හෝ ඉතා සරල රටාවක් සහිත සුදු පැහැ බ්ලවුසයක් නිදහසේ ඕනෑම පැහැයක සායක් හෝ කලිසමක් සමඟින් ගළපා ඇදීමේ හැකියාව ඔබට ලබාදෙනවා. අතිශය සාමාන්‍ය මෝස්තර රටාවලින් වෙනස් වූ ආකාරයේ කොලර, බොත්තම් සහ sleeves යෙදූ, නමුත් වැදගත් පෙනුමැති බ්ලවුසයකින් නිසැකවම ඔබට මනා කාර්‍යාලයීය පෙනුමක් ලැබෙනවා.

අත් රහිත ඇඳුම්

අත් රහිත සුවපහසු බ්ලවුසයක් හෝ ගවුමක් සමඟින් අවශ්‍ය නම්, blazer එක යොදාගැනීමටත් හැකියාව තියෙන නිසා කාර්‍යාලයීය ඇඳුම් ගොන්නට එවැනි ඇඳුමක් දෙකක් එක්කර ගැනීමට මැළිවෙන්න එපා. 

Black blazer 

සිරුරට හොඳින් ගැළපෙන කලු පැහැති blazer එකක් ඔබ සතුව ඇත්නම් එයින් ඕනෑම ඇඳුමකට කාර්‍යාලයීය පෙනුමක් ලබා දීමට හැකියාව ලැබෙනවා. Blazer එකක් තෝරාගැනීමේදි ශරීර ප්‍රමාණයට ගැළපෙන සහ  එල්ලා නොවැටෙන ආකාරයේ එකක් තෝරාගැනීමටත් අමතක කරන්න එපා.

ආභරණ

මුතු, මැණික්, දියමන්ති, රත්තරන්, රිදී, rose gold, platinum, ප්ලාස්ටික්, රෙදි සහ වීදුරු ඇතුළු ඕනෑම වර්ගයක ආභරණ ඔබේ ක්‍රය ශක්තියට අනුව එක් කරගැනීමෙන් අවාසියක් නම් වෙන්නේ නෑ. සරල නමුත් ලාභ පෙනුමක් නොමැති මෝස්තරවල මාල, කරාඹු, bracelets සහ මුදු වැනි ආභරණයකින් ඔබේ වැදගත් සහ සුන්දර පෙනුම වඩාත් ඔප්නංවා ගැනීමට ඔබට හැකියාව ලැබෙනවා.

පාවහන්

පළඳින පාවහන් වර්ගය අනුව ඔබේ ඇවිදීමේ රටාව වගේම ඇඳුමේ ස්වරූපයත් එකිනෙකට වෙනස් ස්වරූපයක් ගන්නවා. කෙසේ වෙතත් අවම වශයෙන් කලු/දුඹුරු/ nude වර්ණවලින් අඩිය උස පාවහන් වගේම loafers යුගල් කිහිපයක් තබාගැනීමත්, පාවහන් මිලට ගැනීමේදි සුවපහසු බවට විශේෂ අවධානයක් ලබා දීමත් අනිවාර්යයෙන් සිදුකළ යුත්තක් වෙනවා .

ඔරලෝසු

ආභරණ පැළදීමට අකමැති ඔබට ඇඳුමේ පෙනුමට ගැළපෙන ආකාරයේ ඔර​ලෝසුවක්(Rose Gold, Silver හෝ Leather පටියකින් යු​ත) පැළඳීමෙන් කාර්‍යාලයීය පෙනුමක් වගේම සුන්දර බවකුත් ලබාගැනීමට හැකියාව ලැබෙනවා.

Make up

සේවා ස්ථානයට, රැකියාවේ ස්වභාවයට, ඇඳුම් පැළදුම්වලට සහ තමන්ගේ පෙනුමට ගැළපෙන ආකාරයේ make ups භාවිතා කිරීම අත්‍යවශ්‍ය කාරණයක් වීම නිසා නියම ප්‍රමිතියෙන් යුතු රූපලාවන්‍ය ද්‍රව්‍ය/ උපකරණ එකතුවක් පවත්වා ගැනීමටත් කාන්තා ඔබ උනන්දු විය යුතු වෙනවා.

Pencil cut skirt

දණහිස දක්වා උසැති pencil cut මෝස්තරයේ සායක් සහ ගැළපෙන බ්ලවුසයක් මඟින් ඔබේ කාර්‍යාලයීය පෙනුමට යම් සරාගී පෙනුමකුත් එක් කරනවා. ශරීරයේ සුන්දර හැඩය ඉස්මතු කරවන මේ විලාසිතාවේ සායවල් තෝරා ගන්නාවිට පාද අතර කුඩා විවරයක් (slit) සහිත ඒවා තෝරාගැනීමෙන් පාද හැසිරවීමට පහසුදායක වෙනවා.

Hand bag

වටිනා පෙනුමැති සහ කල්පැවැත්මෙන් යුතු අත් බෑග් මිලට ගන්නා විට වර්ග සහ වර්ණ කිහිපයකින් මිලට ගැනීම වඩා සුදුසු වෙනවා. ඒ වගේම බෑගයේ ඇතුළත ඉඩ පහසුකම්, ශක්තිමත්බව, zips පිහිටා ඇති ආකාරය සහ pockets ප්‍රමාණය වැනි කරුණු ගැන අවධානය ලබා දීම අත්‍යවශ්‍ය වෙනවා.

Silk and cotton blouses

අපේ රටේ දේශගුණයට කපු රෙදි හොඳින්ම ගැළපෙන නිසා කපු රෙදිවලින් නිමවූ ඇඳුම් මිලට ගැනීම වඩා සුදුසු වුවත් යම් වෙනසක් ලබා ගැනීම සඳහා සිල්ක් රෙද්දෙන් නිමවූ ඇඳුම් සුලු ප්‍රමාණයක් මිලට ගැනීමට පැකිළෙන්න එපා කියලත් අපි සඳහන් කරනවා.

කලිසම්

තද පැහැ ඩෙනිම් කලිසම්, ලිනන් හෝ cotton කලිසම් සමඟින් උඩුකය ඇඳුම් සහ පාවහන් නිසි පරිදි ගළපා ගැනීමෙන් ඔබට ආකර්ෂණීය පෙනුමක් ලබාගැනීමට හැකියාව ලැබෙන අතර සිරුරට තදැති හෝ සැහැල්ලු බව ඔබේ රුචිකත්වය අනුව තෝරාගැනීමට පුළුවන්කම තියෙනවා.

Hair accessories 

Ponytail holders, hair pins, hair clips, wool bands, head bands, barrettes, bun and crown shapers, side combs යනාදි වශයෙන් විවිධාකාර අමුද්‍රව්‍යවලින් නිපදවූ විවිධාකාර උපකරණ ඇති අතර මේවායින් කීපයක් හෝ ළඟ තබා ගැනීමෙන් විවිධාකාරයේ කොණ්ඩා සැකසුම් සිදුකරගන්නට ඉඩ ලැබෙනවා. 

The post වැඩ කරන කාන්තාවකට ඕනම කරන විලාසිතා එකතුවක් appeared first on Lady.lk | Lady | Women | Lifestyle | Health | Beauty.

හොඳ ඇඳුම් මිළදී ගන්න

අපි මේ කියන්නෙ මිල ගැනම නෙමෙයි. ඇඳුමක ගුණාත්මක භාවය ගැන. මැහුම්වල නිමාව ගැන වගේම නිම කරන රෙද්ද කොයිතරම් ගුණාත්මක බවින් වැඩිද කියන එක හිතන්න. සාමාන්‍යයෙන් මිළ අඩු වීමේ වාසිය නිසා බොහෝ දෙනෙක් ගුණාත්මක බවින් අඩු ඇඳුම් මිළදීගැනීමට මතු කරන තර්කයක් තියෙනවා. ඒ තමයි රුපියල් හාරදාස් පන්සීයකට බ්‍රෑන්ඩඩ් ඩෙනිම් කලිසමක් මිළදී ගන්නවාට වඩා රුපියල් 1500 බැගින් සාමාන්‍ය ඩෙනිම් කලිසම් තුනක් මිළදීගත හැකි බව. 1ට 3ක අනුපාතයේ වාසිය ඔවුන් මේ නිසා පෙන්නුවත් ගුණාත්මක ඇඳුමක කල් පැවතීම, එහි ඇති සැප පහසුව වගේම එහි ඇති පෙණුම ඔබට අර මුදලේ ලාභයෙන් ලැබෙන්නේ නෑ. එනිසා කල් පවිතන ඇඳුම් පාවිච්චියට අදහස් කරනවා නම් අනිවාර්යෙන්ම ගුණාත්මක ඇඳුම් මිළදීගන්න.

Washing Machine එකේදි

Washing Machine එක ඇතුළෙදී වෙනස් ජාතිවල රෙදි එකවර ගැටෙන නිසා ඇතැම් විට රෙදිවලට හිනා වෙන්නට පුළුවන්. මේ නිසා ඔබේ මිළ අධික යට ඇඳුම් වැනි ඒවායේ නූල් ඇදෙන්නට එහෙම ඉඩ තියෙනවා. මෙය වළක්වා ගන්නට Washing Machine එකට ඇඳුම් යොමු කරන්නට පෙරාතුව ඔබට දැල් සහිත ආවරණ බෑගයක්(Delicates Laundry Wash bag) මිළදීගත හැකියි. ඒ වගේම රෙදි සෝදන යන්ත්‍රයට අඩුවෙන් රෙදි පිරවීමෙන් සිද්ධ වෙන ජල හානිය වගේම ඇදුම් තද කර පිරවීමෙන් ඇඳුම්වලට සිද්ධ වෙන හානිය ගැනත් අවධානය යොමු කරන්න.

සේදීම් අවම කරන්න

මේ කාලයේදී නම් කොවිඩ් උවදුර නිසා එළියට ඇඳගෙන යන ඇඳුමක් අනිවාර්යෙන්ම සෝදන්නට උවමනායි. නමුත් මේ කාලයේ ගමන් බිමන් අඩු නිසා ඒ ප්‍රශ්නය නැගෙන්නේ නැහැ. කොහොම නමුත් ඔබේ ඇඳුම්වල සේදීම් වාර ප්‍රමාණය අවම වන තරමට ඒ ඇඳුම්වල ගුණාත්මක භාවය රැකෙන බව දැන් නම් නොරහසක්. අපි මේ කියන්නෙ කිළිටි දුගඳ හමන ඇඳුම් අඳින්නට කියා නොවෙයි. ඇඳුම් නිතර සේදීමෙන් ඇඳුම් වල පාට වෙනස් වීම්, ප්‍රමාණය වෙනස් වීම් සිදු වෙනවා. එනිසා ඔබේ ඇඳුම් හැකිතාක් කිලිටි නොවී තබාගන්නට උත්සාහ කරන්න. ඒ අනුව ඔබට ඇඳුම් සෝදන්නට පෙර තෙවතාවක් වත් ඒ ඇඳුම අඳින්නට හැකි වේවි. මේ විදියට අවර්ණ වුණු ඩෙනිම් කාලයකට වතාවක් ඩයි එකකින් නැවත හැඩ කරගන්නටත් පුළුවන්.

කලකට වතාවක් Dry Clean කරන්න

සාමාන්‍යයෙන් ඔබේ ඇදුම් ලොන්ඩ්‍රියකට යොමු කර නිතර දෙවේලේ ඩ්‍රයි ක්ලීන් කිරීමට ඇතැමුන් පුරුදු වී තිබෙනවා. මෙය මිළ අධික ක්‍රියාවක් වීම පසෙකින් තැබුවත් මේ ක්‍රියාවලියේදී ඇඳුම්වලට යොදන අධික රසායනික ප්‍රමාණය නිසා ඇඳුම්වලට සිදු වන හානිය සුළු කොට තකන්නට බැහැ. මේ නිසා බොහෝ මිළාධික ඇඳුම් අතිශය ඉක්මනින් දිරාපත් වෙනවා.

රෙදි සේදුම්කාරක අවම කරන්න

අවට පරිසරයට වගේම ඔබේ ඇඳුම්වලටත් දැඩි සේ හානිකර බොහෝ රෙදි සේදුම්කාරක නිසා ඔබේ ඇඳුම් අවපැහැ ගැන්වෙනවා වගේම ඒවායේ ඇති සුවපහසු බවත් අහිමි වෙනවා. මෙයට හොඳ විකල්පයක් විදියට ඔවුන් යොදන්නට පවසන රෙදි සේදුම්කාරක ප්‍රමාණයෙන් බාගයක් පමණක් භාවිතා කර ඉතිරි අඩ සම්පූර්ණ කිරීමට කදිම සේදුම්කාරක උත්ප්‍රේරකයක් වූ බේකිං සෝඩා පාවිච්චි කරන්නට හැකියි. මේ නිසා ඔබේ ඇඳුම් පිරිසුදු කරගන්නට වගේම ඇඳුම්වලට සිදු වන හානියද අවම කරගෙන පරිසර සුරක්ෂිතතාවය රකින්නටත් යම් තරමකින් හෝ දායක විය හැකියි.

අඳුරු පැහැ ඇඳුම්

ඔබ කැමතිම ඔබේ අඳුරු පැහැ ඇඳුම්වල වර්ණය වියැකී යෑමෙන් වැළැක්වීමට ඒවා නොපිට දමා රෙදි සෝදන යන්ත්‍රයට එක් කළ හැකියි. ඒ වගේම Printed T-shirt වලටත් මේ ක්‍රමයටම නොපිට දමා සේදීමෙන් ඒවායේ ඇති රූප ඉරිතැලීම හෝ ගැලවී යෑම වළක්වා ගත හැකියි.

සේදූ ඇඳුම්

සේදූ ඇඳුම් සාමාන්‍ය වියලනයක වේලනවාට වඩා හැකි තරම් මෘදු අවුවේ වේලන්නට උත්සාහයක් ගන්න. ඒ වගේම ඇදෙන සුළු ඇඳුම් හැකිතාක් දැඩි අවුවට නිරාවරණය කිරීමෙන් වළකින්න. ඒ වගේම ඇඳුම්වලට පැල්ලම් එක් කළ හැකි ආකාරයේ හැඟර්ස් යොදාගැනීමෙන් වළකින්න. ඒවගේම බැක්ටීරියා බහුලව ගැවසෙන තෙතමනය සහිත තැන්වල ඇඳුම් ​ගොඩ ගසා තැබීමෙන් වැළකීමද ඇඳුම්වල ගුණාත්මක භාවය කල්පවත්වා ගැනීමට උධවුවක් වේවි. ඒ නිසා හැකි තරම් වියලි සහ සිසිල් ස්ථානයක ඇඳුම් තබන්න. ඇඳුම් ගුලිකර අල්මාරියකට හෝ කබඩ් එකකට ඔබනවා වෙනුවට නිසි ලෙසින් නවා තබන්නට උත්සාහ කරන්න.

අයන් කරනවද?

සමහරු නම් කම්මැලි නිසා ඇඳුම් අයන් කරන්නෙ නෑ නේද? මේ විදියට කම්මැලිකමට ස්ත්‍රික්කය පාවිච්චි නොකරන එකෙන් ඔබ නොදැන වුණත් ඇඳුම්වලට සිද්ධ වෙන්නෙ වාසියක් බව ඔබ දන්නවාද? දැඩි ලෙස රස්නයට නතු වීම නිසා ඇඳුම් ඇකිලෙන්නට ඉඩ තිබෙනවා. සාමාන්‍යයෙන් ඇඳුම් සෝදා වියලන්නට පෙර ඇඳුම හොඳින් රැළි මගහැරෙන්නට ගැසීමෙන් ඇඳුම ස්වභාවිකවම රැළි රහිතව සැකසෙන නිසා එය ඇඳුමටත් ඔබටත් සිත් සහනයක් වේවි.

The post ඇඳුම් දිගු කාලයක් පාවිච්චියට කදිම උපදෙස් ටිකක් appeared first on Lady.lk | Lady | Women | Lifestyle | Health | Beauty.