How I Met Your Mother (2005- 2014)

Seasons 9 කින් සහ කොටස් 208 කින් සමන්විත කතා මාලාවකි. Ted mosby විසින් තමන්ට තමාගේ බිරිඳ (දරුවන්ගේ මව) හමුවූ ආකාරය සහ ඔහු තමන්ගේ මිතුරන් සමඟ ගතකළ විනෝදජනක තරුණ විය ගැන ඔහුගේ දරුවන්ට කියාදෙන ආකාරයට ගොඩනැගුණු ඉතාමත් ජනප්‍රිය tv series එකක් විදියට මෙය හඳුන්වන්න පුළුවන්කම තියෙනවා.

How I Met Your Father (2022)

2022 ජනවාරි 18 වන දින Sitcom හරහා පළමු episode එක නිකුත් වූ මේ tv series එක “How I Met Your Mother” show එකේ sequel එකක් විදියට තමයි සැළකෙන්නේ. Sophie සහ ඇගේ අඹ යාළුවෝ කණ්ඩායම විසින් තමන් කවුද සහ තමන්ට මේ ජීවිත කාලය තුළ අවශ්‍ය වන්නේ මොනවාද කියන ප්‍රශ්නවලට පිළිතුරු සොයන අතරම ඔවුන් තම තමන්ගේ ආදර සබදතා කළමනාකරණය කරගන්නේ කොහොමද කියලත් පෙන්නුම් කරන විනෝදාත්මක කතා මාලාවක් විදියට මෙය හඳුන්වන්න පුළුවන්කම තියෙනවා.

Community (2009- 2015)

Seasons 6 කින් සහ episodes 110කින් යුක්ත ‘ Community’ හරහා පෙන්වන්නේ Jeff Winger නමැති නීතිඥවරයෙක් ගැන විනෝදාත්මක කතා පුවතයි. Jeff තමන්ගේ උපාධිය ලබාගෙන ඇත්තේ නීති විරෝධි ආකාරයට බව හෙළිවීමෙන් පසුව ඔහුව Greendale community college එකට ඇතුළු කරවනු ලබනවා. විහිළුකාර සහ ආත්මාර්ථකාමි ගතිගුණවලින් හෙබි ඔහුට ඉන් පසුව වැඩ කරන්නට සිදු වන්නේ විකාර සහගත හැසිරීම් රටාවක් ඇති සිසුන් සහ කාර්‍ය මණ්ඩලයක් සමඟයි. ඔවුන් අතර ගනුදෙනුව කොයි වගේ වෙයිද කියලා දැනගන්න නම් Community බලන්නම සිද්ධ වෙනවා.

New Girl (2011- 2018)

Seasons 7කින් සහ episodes 146 කින් සමන්විත කතා මාලාවකි. පෙම් සබඳතාවය බිඳී යෑම නිසා දැඩි සිත් වේදනාවට පත්වෙන Jess තනිකඩ තරුණයින් තිදෙනෙක් වෙසෙන apartment එකක පදිංචියට යනවා. ඇගේ හැසිරීම වෙනස් සහ අමුතු එකක් බව වටහාගන්නා ඒ තරුණයින් තිදෙනා සෑම විටම ඇයගේ සහයෝගයට වෙනුවෙන් පැමිණෙන්නට පැකිළෙන්නේ නැහැ. ඔවුන් සිව්දෙනා අතර ඇති හිතවත්කම සම්බන්ධ සිදුවීම් මාලාව තමයි ‘New girl’ හරහා ඔබට දකින්නට ලැබෙන්නේ.

The Office (2005- 2013)

Seasons 9 කින් සහ episodes 201 කින් සමන්විත මේ tv series එක Mockumentary ගණයට අයත් කතා මාලාවක් විදියට තමයි හැඳින්වෙන්නේ. කාර්‍යාලයක සේවය කරන පිරිසක් හා සම්බන්ධ හාස්‍යජනක සිදුවීම් මාලාවක් පාදක කරගෙන ගොඩනැඟුනු ‘The office’ අනෙක් tv series වලට වඩා තරමක් වෙනස් අත්දැකීමක් ඔබට ලබාදෙන්නට සමත් වෙයි කියලා අපි හිතනවා.

The golden girls (1985- 1992)

Seasons 7 කින් සහ කොටස් 180 කින් සමන්විත මේ tv series එක මියාමි නගරයෙහි  පිහිටා ඇති නිවහනක් සහ තම තමන්ගේ ජීවන අත්දැකීම් බෙදාහදා ගනිමින් විනෝදකාමී ජීවිතයක් ගතකරන මහළු කාන්තාවන් සිව් දෙනෙක් මූලික කරගනිමින් ගොඩනඟා තියෙනවා. මෑතකදි මියගිය betty white ප්‍රධාන චරිතයකින් දායක වන මෙය ප්‍රධාන පෙළේ සම්මාන කිහිපයක්ම දිනාගත් ජනප්‍රිය කතා මාලාවක්ද විදියට හඳුන්වන්න පුළුවන්කම තියෙනවා.

Sex and the city (1998- 2004)

Seasons 6 කින් සහ episodes 94කින් සමන්විත මෙය romantic comedy ගණයට අයත්වන tv series එකක් විදියට තමයි සැළකෙන්නේ. ජීවිතයේ තෙවැනි දශකයේ අගභාගයේ පසුවන කාන්තාවන් සිව්දෙනෙක්ගේ අත්දැකීම් සහ ගැටළු සම්බන්ධ කරගනිමින්  Sexuluity, femininity, friendship, promiscuity, safe sex, romantic relationship වැනි මාතෘකා සම්බන්ධව කතිකාවතක් ඇතිකිරීම තමයි මේ කතා මාලාව හරහා සිදුවෙන්නේ.

Modern family (2009- 2020)

Seasons 11 කින් සහ episodes 250 කින් සමන්විත කතා කතා මාලාවක් වන මෙය ලෝස් ඇන්ජලීස් හි ජීවත් වන එකිනෙකට සම්බන්ධ නමුත් හාත්පසින් වෙනස් පවුල් තුනක් මූලික කරගෙන ගොඩනඟා තියෙනවා. පවුලක් සමඟ ජීවත්වන සාමාජිකයින්ට සාමාන්‍ය ජීවිතයේදී මුහුණ දීමට සිදුවන බොහෝ සිදුවීම් හාස්‍ය ඉස්මතු වන ආකාරයට පෙන්වාදෙන tv series එකක් විදියට මෙය හඳුන්වන්නට පුළුවන්කම තියෙනවා.  

The post Relax වෙන්න මේ tv series බලන්න appeared first on Lady.lk | Lady | Women | Lifestyle | Health | Beauty.

අකාස කුසුම් [Flowers of the Sky] – directed by Prasanna Vithanage

Genre- Drama

Easily tops the list of the finest films to watch on Mother’s Day in Sri Lankan cinema, because of its International Award for Best Asian Film won in 2009. In a nutshell, Akasa Kusum is the story of a mother’s search for a daughter she has never met. The film eloquently captures the feelings of a wounded child and a regretful mother, showcasing how a mother’s poor decision can damage a child’s entire life. It also emphasizes the significance of parents, particularly mothers, being active in their children’s lives as the film’s ultimate message. Hence, this movie serves as a reminder for us to be grateful for the amazing mothers we have.

The story revolves around Sandhya Rani, played by Malini Fonseka. Sandhya Rani was a film actress who was once the silver screen’s sweetheart. However, now that she is no longer renowned or wealthy, she makes a living by renting out a room in her home and selling dumplings. When this faded film star Sandhya Rani finds herself entangled in a scandal, it surprisingly raises her profile. She meets her past demons, exposing her dark side to the public, including the fact that she deserted her child in order to pursue a career in the film industry. Now that her secret is out in the open, she embarks on a journey to find the child she abandoned who happens to be two months pregnant, unmarried, HIV-positive, and is employed at a karaoke night club.

Accompany Sandhya on her quest to reclaim her daughter and see what unfolds next in the lives of the mother and daughter.

Amma Kanakku [Mother’s Calculations] – directed by Ashwiny Iyer Tiwari

Genre- Drama

Amma Kanakku is the Kollywood remake of Nil Battey Sanatta, a Bollywood film. The film offers a pleasant, lighthearted depiction of a lower-middle-class mother’s hopes and aspirations for her child. And, as the ultimate message of the film, it emphasizes the notion that everyone has the right to dream, and that education has the power to transform one’s life.

The story revolves around Shanti, played by Amala Paul who is a young, widowed mother who works as a maid. She dreams of a great future for her daughter Abhinaya. However, her daughter shows no interest in studies, so in order to encourage her to study, Shanti returns to school and enrolls in the same class as her daughter.

Is her daughter’s belief that she cannot afford a higher education going to put Shanthi’s efforts in vain? or will she achieve something great, as her mother desires? This is for you to discover as you embark on this masterpiece of a movie.

English Vinglish – directed by Gauri Shinde

Genre- Comedy drama, Family

The Bollywood film English Vinglish portrays a mother’s unconditional love while also addressing how we sometimes take our mothers for granted. It’s essentially an underdog story, with the mother as the protagonist, who is forced into a corner because of her inability to communicate in English, only to prove her worth to her family in the climax. As the core message of the film, it emphasizes that a mother can alter her life, love herself, and have her family love her back.

Brought to life by renowned Bollywood actress Sridevi, plays the role Shashi who is a typical Indian upper-middle-class housewife who lives with her husband and two children and owns a modest sweets business. Her only limitation is English. She is often subdued and dismissed by her husband and teenage daughter over her lack of knowledge of the language. However, she attempts to learn the language in order to reclaim her lost respect and originality.

Will a four-week English crash course help this Indian housewife who only knows Hindi, master the Queen’s language? Watch the film to find out.

Lady Bird – directed by Greta Gerwig

Genre- Comedy drama

This coming-of-age film reveals the bittersweet relationship between a girl and her mother, and the film beautifully highlights many aspects to which we can all relate, such as arguing with parents, being rebellious, naive, feeling out of place, falling in love, and so on. The class struggle and the daughter’s attempt to take control away from her mother, who is pressuring her in an attempt to control her and make her ‘perfect,’ are the main sources of friction between the girl and her mother. And, as the main message of the movie they show the girl’s ability to see her mother for who she is; a loving, caring, but imperfect individual who will never let go of her need for perfection. Unlike most rom-coms, Lady Bird is a fresh, charming film about self-discovery through the contours of adolescence, which is fueled by brilliant performances.

The story revolves around Christine, aka ‘Lady Bird,’ played by Saoirse Ronan, who is a compassionate, strong-willed, and outspoken Catholic schoolgirl coming of age in a small town in America. Lady Bird is determined to leave Sacramento, and travel to the East Coast, where she feels the culture thrives, and escape her strained relationship with her mother. In her desire to flee, she occasionally forgets to appreciate the beauty of life in the present moment and to cherish her mother. However, in the end, Lady Bird learns a lesson that we can all apply to our own lives: appreciating the efforts of our mothers and embracing our origins. Few films adequately explore mother-daughter relationships, especially those that can evoke empathy from audience. Lady Bird is one such film, so we welcome you to watch it and witness how Lady Bird’s perspectives and views change at the end of the film.

The post Celebrate Motherhood with These Must Watch Iconic Mom Movies appeared first on Lady.lk | Lady | Women | Lifestyle | Health | Beauty.

Ball and cup game

plastic වතුර බෝතලයක්, ping pong බෝලයක්, ඝනකම් නුල් කැබැල්ලක් සහ screw eye hook එකක් මේ සඳහා අවශ්‍ය වෙනවා. plastic බෝතලයේ කට මූඩියෙන් වසා බෝතලයේ යට කොටසින් භාගයක් පමණ කපා ඉවත් කරන්න. Screw eye hook එක ඇතුළු කළ හැකි තරමට ping pong බෝලය සිදුරු කරගෙන hook එක බෝලයට සවිකරගන්න. ඝනකම් නූලේ එක් කොණක් screw eye hook එකටත් අනිත් කොණ බෝතලයටත් සවි කරගන්න. බෝතලයට සවි කරගැනීමේදි නූල බෝතල් මූඩියට තදවෙන පරිදි සවි කරගැනීම වඩා පහසු වෙනවා. බෝතලයෙන් පිටත ඇති බෝලය නූල භාවිතා කරමින් බෝතලය තුළට දැමීම තමයි සෙල්ලම වෙන්නේ. මෙය තනිවම හෝ කිහිප දෙනෙකුට මාරුවෙන් මාරුවට  කරන්න පුළුවන් සෙල්ලමක් විදියට හඳුන්වන්න පුළුවන්.

අත සහ ඇස අතර සමායෝජනය වර්ධනය කරවන ක්‍රීඩාවක්

කාසි කිහිපයක් සහ භාජනයක් පමණයි මෙයට අවශ්‍ය වෙන්නේ. සෙල්ලමට සහභාගි වන එක් අයෙක්ට කාසි 5 බැගින් ලබාදෙනවා. උසින් අඩු මේසයක් උඩින්  භාජනය තබා ඊට තරමක් දුර සිට නිවැරදිව භාජනය ඇතුළට කාසි දැමීම තමයි සෙල්ලම වෙන්නේ. භාජනයට වැඩිපුරම කාසි දැම්ම කෙනා දිනනවා. කාසි පාවිච්චි කරන්න අකමැති නම් marbles, කුඩා ප්ලාස්ටික් බෝල වගේ දෙයක් වුණත් පාවිච්චි කිරීමේ හැකියාව තියෙනවා.

අකුරු ඉලක්කම් මතක තියාගන්න සෙල්ලමක්

කුඩා ප්‍රමාණයේ cardboard කැබලි කැමති සංඛ්‍යාවක් කපාගන්න. ඉලක්කම්, අකුරු සහ හැඩතල වගේ දේවල් එක බැගින් එක card එකක පැහැදිලිව සටහන් කරගන්න. හැම card එකකටම paper clip එකක් හෝ stapler pin එකක් සවිකරගෙන මේවා භාජනයකට හෝ විශාල විවරයක් සහිත plastic බෝතලයකට දමාගන්න. කුඩා කාන්දම් කැබැල්ලක් ගෙන දිග ඝනකම් නූලකින් එය ගැටගසා ගන්න. කාන්දම සවි කරගත් නූල භාජනය ඇතුළට දමමින් card එක බැගින් ගෙන එය හඳුනාගන්නට පොඩ්ඩාට අවස්ථාව ලබා දෙන්න. 

Simon says

මේ ක්‍රීඩාවේදී එක් අයෙක්, simon says යන වැකියත් සමඟ ලබා දෙන සරල විධානය අනිත් කෙනා විසින් පිළිපැදිය යුතු වෙනවා. උදාහරණයක් විදියට ඔබ “simon says, touch your head” කියන සරල විධානය ලබා දුන්නම පොඩ්ඩා තමන්ගේ හිස ඇල්ලිය යුතුයි. හැබැයි simon says කියන කොටස රහිතව touch your head කියනකොට ඒ දේ කළොත් පොඩ්ඩා පරාද වෙනවා. මාරුවෙන් මාරුවට, නොනවත්වා Simon says කියන කොටස රහිතව සහ සහිතව විධාන ලබාදෙනකොට හොඳින් අවධානය රඳවාගෙන නොහිටියොත් ක්‍රීඩාවෙන් පරාද වෙනවා. 

Treasure Hunt

පොඩ්ඩාට තෑග්ගක් (හෝ කැටයට එකතු කිරීමට ලබාදෙන මුදල) දෙන අවස්ථාවක, ඒ ගැන කුතුහලය සහ උද්‍යෝගය වැඩි කරලා තෑග්ග ලබා දෙන්න කැමති නම් මේ සෙල්ලමෙන් ඒ දේ හොඳටම ඉටුවෙන බව කියන්න පුළුවන්. නිවසේ කොහේ හෝ තැනක තෑග්ග සඟවන්න. පියවරෙන් පියවර ඒ ස්ථානය සොයා ගන්නා ආකාරය කුඩා කඩදාසි කැබැලි කිහිපයක සටහන් කර නිවසේ තැනින් තැන සඟවන්න. පොඩ්ඩාට ලේසියෙන්ම හොයාගන්න පුළුවන් තැනක මුල්ම clue එක සඟවා, එහෙමත් නැත්තන් අතට ලබා දී ඒ ඇසුරෙන් අනිත් ඉඟිත්, අවසානයේ තෑග්ගක් සොයා ගැනීමට අවස්ථාව ලබා දෙන්න. 

Guessing game

Cardboard box එකක් හෝ භාජනයක් ගෙන කිසියම් උපකරණයක් හෝ ක්‍රීඩා භාණ්ඩයක් ඒ තුළට දමන්න. තමන්ට අවශ්‍ය පරිදි ප්‍රශ්න අසමින් භාජනය තුළ ඇති දෙය ගැන අනුමාන කිරීමේ අවස්ථාව පොඩ්ඩාට ලබා දෙන්න. එහෙමත් නැත්තන් ඔබ තමන් අවට තියෙන ඕනෑම දෙයක් ගැන සිතාගෙන, ඒ ගැන ඉඟි සපයමින් ඒ සිතාගත් දේ අනුමාන කිරීමේ අවස්ථාව පොඩ්ඩාට ලබාදෙන්න.

Balance beam

වර්ණ කිහිපයකින් mask tape ගෙන පිරිසිදු කරගත් බිමක ඒවා විවිධ ආකාරයට අලවන්න. (Eg:- straight, curved, zigzag, hills, castle). Tape නැතිනම් වර්ණ කඩදාසි වුවත් මේ සඳහා පාවිච්චි කරන්න පුළුවන්. එකිනෙකට වෙනස් වර්ණ සහ හැඩයන්ගෙන් යුතු tapes මත ඇවිදීමේදී අනුගමනය කළ යුතු rules කිහිපයකුත් නියම කරගන්න. (උදා:- රතු පාට zig zag tape එක මත ඇවිදිනකොට ඉනට අත් දෙක තියාගෙන ඇවිදීම අත්‍යවශ්‍යයි). මේ  රීති නිවැරදිව පිළිපදිමින්, සමබරතාවය රඳවාගෙන, අවසානය තෙක් ගමන් කිරීමෙන් පමණක් ජයග්‍රහණය කරන්න හැකියාව ලැබෙනවා.

The post කුඩා දරුවන් සමඟ කළ හැකි ක්‍රීඩා appeared first on Lady.lk | Lady | Women | Lifestyle | Health | Beauty.

අලුත් අවුරුද්ද උදා වෙන්නේ අප්‍රේල් මාසයේ ද

ගොවිතැන් බතක් කරගෙන බොහොම සරල විදියට ජීවත් වුණු අපේ පැරැන්නන් ස්වභාව ධර්මයටත්, දෙවියන් බුදුන්ට හා සමානවම ආදර ගෞරවයක් දැක්වූවා. කරදරයකින් බාධාවකින් තොරව ඔවුන්ගේ ජීවිකාව රැකගන්නට නම් ස්වභාව ධර්මයේ පිහිට අත්‍යවශ්‍ය ම වීම මීට මූලිකවම හේතු වුනා. කන්නයක් පුරාවට වෙහෙස වෙලා උපයා ගත්ත අස්වැන්නේ ප්‍රීතියත්, එයටම ඔබින සුන්දර කාලගුණික තත්ත්වයත් නිසා වසරේ සශ්‍රීකම කාල වකවානුව විදියට ඔවුන් සැළකුවේ බක් මාසයයි. ඉතින් දුකක් කරදරයක් නැති, අටකොටු පිරී ගිය මේ සුන්දර මාසය උත්සවශ්‍රීයෙන් සමරන්නට ඔවුන් පෙළඹීම අරුමයක් නෙවෙයිනේ නේද? 

නව සඳ බැලීම

උදාවූ නව වසර දුකක් කරදරයක් නැති වාසනාවෙන් පිරුණු සුබ වසරක් වේවා කියන ප්‍රාර්ථනය හිතේ තියාගෙන සිදු කරන නව සඳ බැලීම තමයි අලුත් අවුරුද්දේ පළමු චාරිත්‍රය විදියට සැළකෙන්නේ. ඒ වගේම තමයි, පරණ අවුරුද්දත්, නව වසරත් සඳහා දෙවරක් නව සඳ බැලීම සිදුවූ බවටත් කරුණු සඳහන් වෙලා තියෙනවා. ඒ අනුව අභිනව චන්ද්‍ර වර්ෂය සඳහා අප්‍රේල් 3 වැනි ඉරිදා දිනයේත්, අභිනව සූර්ය වර්ෂය සඳහා මැයි 5 වැනි බ්‍රහස්පතින්දා දිනයේත් නව සඳ බලනු මැනවි කියලා තමයි මේ වසරේ නැකැත් සීට්ටුවේ සඳහන් වෙලා තියෙන්නේ.

පරණ අවුරුද්ද සඳහා ස්නානය

සුපිරිසිදු බවට මුල් තැන දෙමින් සහ කායික මානසික සුවය ප්‍රාර්ථනා කරමින් උදාවන නව වසර පිළිගැනීම වෙනුවෙන් ස්නානය කිරීම ඊළඟ චාරිත්‍රය වනවා. මේ වසරේ නැකැත් සීට්ටුවට අනුව, අපේ‍්‍රල් මස 12 වැනි බ‍්‍රහස්පතින්දා දිනයේදී කොහොඹ පත් යුෂ මිශ‍්‍ර නානු ගා ස්නානය කොට ඉෂ්ට දේවතා අනුස්මරණයෙහි යෙදීම මැනවි කියලා තමයි සඳහන් වෙන්නේ.

අලූත් අවුරුදු උදාව

2022 වසරේ අපේ‍්‍රල් මස 14 වැනි සෙනසුරාදා පූර්ව භාග 08. 41 තත්පර 17 ට සිංහල සහ හින්දු අලුත් අවුරුද්ද උදා වන බව සඳහන් වෙනවා. ජ්‍යොතිෂයට අනුව සූර්‍යයා රාශි 12 හරහා ගමන් කිරීම තමයි සම්පූර්ණ වසරක් ගතවීම විදියට හඳුන්වන්නේ. රාශි 12න් ආරම්භක රාශිය මේශ වන අතර අවසාන රාශිය මීන රාශිය වනවා. ඉතින් සූර්‍යයා රාශි 12 ම ගමන් කරලා මීන රාශියේ සිට නැවතත් මේශ රාශියට ගමන් කිරීම තමයි මෙහිදී අලුත් අවුරුදු උදාව විදියට සළකනු ලබන්නේ.

නොනගතය

ඉතින් සූර්‍ය්යාට මේ විදියට රාශි දෙක අතර හුවමාරු වීමට යම් කාල සීමාවක් ගතවෙනවානේ. නව වසරට හෝ ගෙවුණු වසරට අයත් නැති මේ කාල සීමාව හඳුන්වන්නේ සූර්‍ය සංක්‍ර්‍රාන්තිය විදියටයි. ඒ වගේම තමයි, මේ කාලය නොනගතය, එහෙමත් නැත්නම් පුණ්‍ය කාලය විදියටත් හඳුන්වනවා. සාමාන්‍යෙන් බෞද්ධයින් නොනගතය අතරතුර පුණ්‍ය කටයුතුවල යෙදීම තමයි සිදු කරන්නේ. අප්‍රේල් මස 14 වන බ්‍රහස්පතින්දා පූර්ව භාග (උදෑසන) 02.17 තත්පර 17 සිට එදින අපර භාග (සවස) 03.05 තත්පර 17 දක්වා පුණ්‍ය කාලය බැවින් අප්‍රේල් මස 14 වන බ්‍රහස්පතින්දා දින පූර්ව භාග 02.17 ට පළමුව ආහාර පාන ගෙන සියලු වැඩ අත්හැර ආගමික වතාවත්වල යෙදීම මැනවි කියලා නැකැත් සීට්ටුවේ සඳහන් වෙනවා. ඉන් පසුව එළඹෙන පුණ්‍ය කාලයේ අපර කොටස තුළ එනම්, 14 වන බ්‍රහස්පතින්දා දින පූර්ව භාග 08.41 තත්පර 17 සිට අපර භාග 03.05 තත්පර 17 දක්වා (අවුරුදු උදාවෙන් පසුව) කාලය තුළ පහත දැක්වෙන අයුරින් ආහාර පිසීම, වැඩ ඇල්ලීම, ගනුදෙනු කිරීම හා ආහාර අනුභවය ආදී නැකත් චාරිත්‍ර ක්‍රම ඉටු කිරීම ද මැනවි කියලත් සඳහන් වෙනවා.

ලිප ගිනි මෙළවීම

අප්‍රේල් මස 14 වන බ්‍රහස්පතින්දා පූර්ව භාග 09.05 ට රන්වන් පැහැ වස්ත්‍රාභරණයෙන් සැරසී නැගෙනහිර දිශාව බලා ලිප් බැඳ, ගිනි මොළවා, දීකිරි මිශ්‍ර කිරිබතක් හා උඳු පිටි මිශ්‍ර කැවිලි වර්ගයක්ද පිළියෙල කර ගැනීම මැනවි කියලා තමයි මෙවර නැකැත් සීට්ටුවේ සඳහන් වෙන්නේ. ඕනෑම නිවසක ජීවනාලිය විදියට සැළකෙන්නේ මුළුතැන්ගෙයනේ. මේ නිසා අලුත් අවුරුද්දේ පිසෙන මුල්ම කිරිබත සුබ නැකතකට අනුව උත්සවාකාරයෙන් පිසීමට අපේ පැරැන්නෝ නිතරම උත්සහ දැරුවා. අලුත් ලිපක් බැඳලා, අලුත් මැටි මුට්ටියක කිරි උතුරවලා, නව වසර කිරියෙන් පැණියෙන් උතුරන්න කියලා ප්‍රාර්ථනා කරමින් වසරේ සිදුකරන මුල්ම ලිප ගිනි දැල්වීමේ සිරිත අදටත් රැකිලා තියෙන්නේ මේ නිසාමයි.

වැඩ ඇල්ලීම, ගනුදෙනු කිරීම සහ ආහාර අනුභවය

අප්‍රේල් මස 14 වෙනි බ්‍රහස්පතින්දා පූර්ව භාග 10.17ට රන්වන් පැහැති වස්ත්‍රාභරණයෙන් සැරසී නැගෙනහිර දිශාව බලා සියලු වැඩ අල්ලා ගනුදෙනු කොට ආහාර අනුභවය කිරීම මැනවි කියලා මෙවර නැකැත් සීට්ටුවේ සඳහන් වෙනවා. අදාළ සුබ නැකතේදී, තමන්ගේ අනාගත අභිවෘද්ධියට හේතුවන යම් වැදගත් කාර්‍යයක් සිදු කිරීම වැඩ ඇල්ලීම නමින් හැඳින්වෙනවා. අධ්‍යාපනික කටයුතු, ගෙදරදොරේ වැඩ කටයුතු හෝ තමන්ගේ රැකියාවට අදාළ කාර්‍යායන් තමයි බොහෝ දුරට මේ කාලය ඇතුළත සිදු කෙරෙන්නේ. ඉන් පසුව තමන් කැමති පුද්ගලයින් සමඟත්, නිවසට පිරිසිදු ජලය සපයන ලිඳ සමඟත් ගනුදෙනු කිරීමට පැරැන්නන් හුරුවෙලා සිටියා. ලිඳට තඹ කාසියක්, අඟුරු කැටයක්, පිරිසිදු මල් කිහිපයක් දමා කෘතගුණ දක්වා වතුර කළයක් පුරවා ගැනීම මෙහිදී සිදු කෙරෙනවා. අවසානයට වැඩිහිටියන්ට බුලත් දී වැඳීම, වැඩිහිටියන් විසින් තෑගි බෝග ලබා දීම, කිරිබත් රසකැවිලි කැවීම, සියලු දෙනා එක්ව ආහාර ගැනීම සහ අසල් වැසියන් වෙත කැවිළි පිඟන් යැවීම සිදු කෙරෙනවා.

හිසතෙල් ගෑම 

අප්‍රේල් මස 17 වෙනි ඉරිදා දින උදේ 07.04ට රතු සහ කහ මිශ්‍ර වර්ණ (තඹ පැහැති) වස්ත්‍රාභරණයෙන් සැරසී දකුණු දිශාව බලා හිසට ඉඹුල් පත්ද පයට නුග පත් ද තබා ඉඹුල් පත් යුෂ මිශ්‍ර නානු ද තෙල්ද ගා ස්නානය කිරීම මැනවි කියලා 2022 නැකැත් සීට්ටුවේ සඳහන් වෙලා තියෙනවා ආයු, වර්ණ, සැප, බල, ප්‍රඥා සම්පත් ප්‍රාර්ථනා කරමින් හිසෙහි ආලේප කරන හිසතෙල් සහ නානු සකස් කෙරෙන්නේ ගමේ විහාරස්ථානයේදියි. හිසතෙල් ගෑමෙන් පසු නානු ගා ස්නානය කිරීමෙන් මේ චාරිත්‍රය සම්පූර්ණ කෙරෙනවා.

රැකීරක්ෂා සඳහා පිටත්ව යෑම 

සියලුම අලුත් අවුරුදු චාරිත්‍ර ඉටු කරලා, දින කිහිපයක් විවේකී සුවයෙන් ගතකලාට පස්සේ අවසානයේ සුපුරුදු පරිදි රැකියා සඳහා පිටත්වෙන්නට තියෙන්නේ අප්‍රේල් මස 18 වන සඳුදා දිනයේදියි. උදේ 06.51 ට සුදු පැහැති වස්ත්‍රාභරණයෙන් සැරසී, දීකිරි මිශ්‍ර කිරිබතක් සහ කැවිලි වර්ගයක් අනුභව කර දකුණු දිශාව බලා රැකී රක්ෂා සඳහා පිටත් වීම මැනවි කියලා තමයි නැකැත් සීට්ටුවේ සඳහන් වෙලා තියෙන්නේ.

The post සූර්‍ය මංගල්‍යයේ තතු විත්ති appeared first on Lady.lk | Lady | Women | Lifestyle | Health | Beauty.

කොවිඩි ඉවරෙටම ඉවර නැහැ

කොවිඩ් තත්ත්වය තරමක් දුරට පහවෙලා තිබ්බත් සම්පූර්ණයෙන් අවසන් වෙලා නැති නිසා සෞඛ්‍යාරක්ෂාව ගැන අපිට වැඩි අවධානයක් යොමු කරන්නට සිද්ධ වෙනවා. මේ නිසා තමන්ගේත්, අන් අයගේත් ආරක්ෂාව උදෙසා කොවිඩ් එන්නත ලබා ගැනීම, නිවසින් පිටතට යන සෑම විටම මුඛ ආවරණ පැළඳීම, දෑත් සේදීම සහ දුරස්ථබාවය රැකගැනීම කියන කරුණු ගැන වැඩි අවධානයක් යොමු කළ යුතු වෙනවා. යම් විදියකින් ඔබ හෝ ඔබේ පවුලේ කෙනෙක් අසනීප තත්ත්වයකින් පසු වෙනවා නම් ඒ ලෙඩ රෝග සුව වෙනකන් ගමන් බිමන් කල් දාන එක තමයි වඩාත්ම සුදුසු වෙන්නේ.

යන්න කලින් දැනුම් දෙන්න

ඔබ නෑදෑ හිත මිතුරෙකුගේ නිවසට යනවා නම් අනිවාර්යයෙන් ම ඒ බව අදාළ නිවැසියන්ට කලින් දැනුම් දීම සිදු කළ යුතු දෙනවා. බොහොම කාර්‍යබහුල ජීවන රටාවක් ගෙවන කෙනෙක්ට ඔබේ පැමිණීම කරදරයක් විදියට නොදැනෙන්නත්, පෙර සූදානම් වීම සඳහාත් කලින් දැනුවත්ව සිටීම අත්‍යවශ්‍ය වෙනවා. හැබැයි යන්නට පැයකට කලින් කියන්නේ නැතිව දින දෙක තුනකට කලින් වගේ කියනවා නම් වඩා වටිනවා. ඔබ වෙනත් ගමනක් යන අතරතුරේ ඒ නිවසට ගොඩ වදිනවා නම් සහ කෑම බීමට නවතින්නට අදහසක් නැත්තම් මුලින්ම ඒ බව දැනුම් දෙන එකත් ඉතාම හොඳ පුරුද්දක් විදියටයි අපි නම් දකින්නේ.

ගෙවල් වනසන්න එපා

ඔබ පොඩ්ඩෙක් එක්ක නෑගම් යනවා නම්, ඒ නිවැසියන් ඔබේ කෙතරම් ළඟ හිතවතුන් වුණත් පොඩ්ඩාට ඔවුන්ගේ බඩු මුට්ටු ඇදීම, එහා මෙහා කිරීම, කඩා බිඳ දැමීම හෝ නිවස අපිරිසිදු කිරීමට ඉඩ නොහැරීම ඔබේ වගකීම වෙනවා. කුඩා දරුවෙකු නිසා කිසිවක් නොකීවත් ඔවුන් සිතින් හෝ එවැනි හැසිරීම්වලට දොස් පවරනවා නොඅනුමානයි. ඒ වගේම තමයි, නිවැසියන් තමන්ගේ කැමැත්තෙන් ම ලබා දෙන තෑග්ගක් හැර නිවසේ ඇති විසිතුරු භාණ්ඩ, මල් පැළ, පොත් පත් යනාදිය රැගෙන ඒමත් කිසිසේත්ම සුදුසු වන්නේ නැහැ. මෙවැනි නොගැළපෙන හැසිරීම් නිසා සිදුවන්නේ ඔබ නැවත එම නිවසට පැමිණීම ගැන ඔවුන් අකමැති වීම පමණයි.

පෞද්ගලික තොරතුරු අපිට මොකටද

කොයි තරම් හිතවතුන් වුණත් සමහර අවස්ථාවල පෞද්ගලික තොරතුරු හාරා ඇවිස්සිම ගැන ඇතැමුන් කිසිම ප්‍රියතාවයක් දක්වන්නේ නැහැ. මේ නිසා නිවැසියන්ගේ පවුල් ආරවුල්වල තත්ත්වය, දරුවන්ගේ විභාග ප්‍රතිඵල, විවාහය කවද්ද, දරු සුරතල් බලන්න අදහසක් නැද්ද වගේ අතිශය පෞද්ගලික කරුණු ගැන තොරතුරු විමසීම එතරම් සුදුසු වන්නේ නැහැ. ඊට අමතරව ඔවුන් ඔබගෙන් උපදෙසක් බලාපොරොත්තු වන්නේ නැත්තන් යම් යම් කරුණු සම්බන්ධව උපදෙස් සැපයීමට යෑමත් අනවශ්‍ය ක්‍රියාවක් කියලයි අපි විශ්වාස කරන්නේ.

අකමැත්තෙන් යන්න එපා

අපි හැමෝටම තමන්ගේම කියලා රුචි අරුචිකම් තිබීම හරිම සාමාන්‍ය කාරණයක්. යම් විදියකින් ඔබ යෑමට ප්‍රිය නොකරන නිවසක් තියෙනවා නම්, එහි නොයා සිටීම හැම අතින්ම සුදුසු වෙනවා. සමහර අවස්ථාවල කුඩා දරුවන් සිටින නිවෙස් එතරම් පිළිවෙල නොවීමට ඉඩ තියෙනවා. ඔබ ප්‍රිය නොකරන ආකාරයේ සුරතල් සතුන් ඇති දැඩි කරන නිවාස තියෙනවා. ඔබ ප්‍රිය නොකරන ආකාරයේ ගති ලක්ෂණ තියෙන පුද්ගලයින් ජීවත්වන නිවාස තියෙනවා. ඉතින් ගිහින් ඇවිත් දොස් කීම හෝ පිළිකුලෙන් බැලීමට වඩා එවැනි තැන් වලට නොයා සිටීම ඔබටත් ඔවුන්ටත් කියන දෙපාර්ශවයටම පහසුවක්නේ නේද? අලුත් අවුරුද්ද හිත සතුටින් සහ සැනසීමෙන් ගත කිරීම හැම දේකටම වඩා වටිනවානේ.

තෑගි බෝග

රටේ ආර්ථික තත්ත්වය එතරම් යහපත් මට්ට්මක නැති කාලයක, හිත මිතුරෙකුගේ ගෙදරකට යනකොට කඩෙන් ගත්ත කේක් එකක්, බිස්කට් එකක් ගෙන යෑම එතරම් සුදුසු නෑ කියලයි අපි විශ්වාස කරන්නේ. මේ නිසා තමන්ට හැකි පමණින් නිවෙසට අවශ්‍ය බඩු මුට්ටු ටිකක්, වගා කරන නිවෙසක් නම් එළවලු පලතුරු හෝ මල් පැළ කිහිපයක්, කුඩා දරුවෙක් ඉන්නවා නම් පොත් පෑන් පැන්සල් සමඟ කුඩා සෙල්ලම් බඩුවක්, පොත් කියවන කෙනෙක් ඉන්නවා නම් පොත් හෝ gift voucher එකක් වගේ සුදුසු ආකාරයේ තෑග්ගක් රැගෙන යෑම වඩාත් සුදුසු වෙනවා.

The post අලුත් අවුරුද්දට නෑගම් යනවා නම් මේ දේවල් ගැනත් හිතන්න appeared first on Lady.lk | Lady | Women | Lifestyle | Health | Beauty.

Raya and the last dragon (2021)

ඩිස්නි සමාගමෙන් නිපදවූ Fantasy, action- adventure ගණයට අයිතිවන චිත්‍රපටයකි. සාම්ප්‍රදායික අග්නිදිග ආසියානු සංස්කෘතිය ඇසුරින් නිපදවා ඇති මෙය, Animation චිත්‍රපට ප්‍රිය කරන්නන්ගෙන් ඉතා සුබවාදී ප්‍රතිචාර ලබා මේ වසරේ ඔක්තෝබර් වන විට ඩොලර් මිලියන 130ට වඩා උපයාගෙන තියෙනවා. දුෂ්ට ආත්මයක් වන ඩෲන් විසින් කුමන්ද්‍රා දේශයේ ජීවත්වූ සියලුම මිනිසුන් සහ මකරුන් පාශාන බවට පත් කරන අතර ඉතිරිවන අන්තිම මකර ධේනුව වන සිසු තමන්ගේ මැජික් සහ මැණික් ගලක් පාවිච්චි කරලා ඩෲන් ව පරදවලා, මිනිස්සුන්ව නැවත යථා තත්ත්වයට පත් කළත් මකරුන්ව නැවත ගෙන්වීමට ඇයට හැකි වන්නේ නෑ. මේ සිදුවීමෙන් වසර 500ට පස්සේ කුමන්ද්‍රාවේ උපදින රායා කුමරිය සිසු ව නැවත ගෙන්වීමටත්, භේද භින්නවී ගිය කුමන්ද්‍රාව නැවත එක්සේසත් කිරිමටත් වෙර දැරීම ගැන කතාන්දරය තමයි film එකේ අඩංගු වෙලා තියෙන්නේ.

Onward (2020)

Urban fantasy adventure කාණ්ඩයට අයත් වන මෙය Pixar Animation studios සමාගමෙන් නිපනවන ලද චිත්‍රපටයකි. චිත්‍රපටයේ කතාව කෙටියෙන් කියනවා නම්, සියවස් ගණනාවකට පෙර ලොව පුරා ප්‍රචලිතව පැවති මැජික් පසුකාලීනව ඇතිවූ තාක්ෂණික දියුණුවත් සමඟ නොසළකා හැරෙනවා. හාත්පසින්ම වෙනස් චරිත ලක්ෂණ හිමි ලෑන් සහ බාර්ලි කියන elf සහෝදරයින් දෙදෙනා මිය ගොස් ඇති තමන්ගේ පියා එක් දිනකට පමණක් නැවත ගෙන්වීමට උත්සහ කිරීම පිළිබඳ පුවතක් තමයි මෙහි අඩංගු වෙන්නේ. 

The Mitchells vs. the Machines (2021)

Science fiction comedy ගණයට අයත්වන මෙම චිත්‍රපටය නිපදවා ඇත්තේ Sony pictures සමාගම විසිනි. බාහිර සමාජය සමඟ නිසියාකාරව ගනුදෙනු කිරීමේ හැකියාව අඩු මිචෙල් පවුලේ සාමාජිකයින් ගැටළුකාරී කාලසීමාවක තමන්ගේ පවුලේ සාමාජිකයින් අතර බැඳීම වැඩි කරගැනීමේ අරමුණින් දීර්ඝ විනෝද චාරිකාවක යෙදෙනවා. මේ අතරතුර PAL නමැති බුද්ධිමත් රොබෝ විසින් තමන්ගේ හිමි කාරයාගෙන් පළි ගන්නට උත්සහ කරන්නේ, මිහිතලයේ වෙසෙන සියලුම මිනිසුන් අභ්‍යාවකාශයේ පා කර යැවීම මඟිනුයි. මේ විනාශය වැළක්වීමට මේ අමුතු පවුලේ සාමාජිකයින් උත්සහ දරන ආකාරය තමයි මේ චිත්‍රපටයෙව් අඩංගු වෙන්නේ.

Vivo (2021)

Musical comedy වර්ගයේ චිත්‍රපටයක් වන Vivo Sony pictures නිෂ්පාදනයකි. තමන්ගේ හිමිකරු වන අන්ද්‍රේස් කියන සංගීතකරුවා එක්ක බොහොම සතුටින් ජීවත්වුණු Vivo (kinkajou වර්ගයේ සතෙක්) ගේ ජීවිතය වෙනස් වෙන්නේ හදිසියේ සිදුවන අන්ද්‍රේස්ගේ මරණයත් එක්කයි. අන්ද්‍රේස් එයාගේ පැරැණි මිතුරියක් වුණු මාර්තාට කවදාවත් නොකීව ආදරේ සඳහන් වුණු සින්දුව මාර්තා අතට පත්කරන්න වෙහෙසෙන Vivo ට උදව් කරන්නේ Gabi සහ එයාගේ අම්මා Rosa. Vivo තමන්ගේ හිතවත් අන්ද්‍රේස්ගේ බලාපොරොත්තුව ඉටු කරන විදිය කියැවෙන මේ සුන්දර චිත්‍රපටයට පොඩ්ඩෝ වගේම අම්මලටත් හරිම කැමති වෙයි කියලා අපි විශ්වාස කරනවා.

The willoughbys (2020)

Lois Lowry ගේ The willoughbys කියන කෘතිය ආශ්‍රයෙන් නිපදවුණු මෙය  comedy කියන කාණ්ඩයට තමයි අයත් වෙන්නේ. ටිම්, ජේන් සහ බාර්න්බි කියලා හඳුන්වන නිවුන්නුන්ගේ මව්පියන් වන වෝල්ටර් සහ හෙල්ගා කියලා කියන්නේ තමන්ගේ නිතරම දරුවොන්ව තළා පෙළන නපුරු මව්පිය යුවලක්. එක දිනයක මේ දෙදෙනා තමන්ගේ දරුවෝ සිව් දෙනාවම නිවසින් එළවා දමනවා. ආත්මාර්ථකාමි දෙමව්පියන් සමඟ ජීවත්වීමට කිසිසේත් කැමැත්තක් නොදක්වන මේ දරුවෝ තමන්ගේ දෙමව්පියන්ගෙන් මිදිලා අනාථ දරුවන් වශයෙන් අනාථ නිවාසයකට ඇතුල් වීමට උපක්‍රම සොයනවා. ලින්ඩා, රූත් සහ මෙලනොෆ් කියන හිතවතුන්ගේ සහයෝගය ලබාගන්නා සොයුරු සොයුරියන් සිව්දෙනා අවසානයේ ප්‍රීතිමත් ජීවිතයක් ලබාගැනීමට සමත් වෙනවා. දුෂ්ට මව්පියන්ට අවසානයේ ඔවුන්ට හිමි වියයුතු දඬුවම ලැබෙනවා

Luca (2021)

Coming-of-age කියන කාණ්ඩයට අයත් මේ චිත්‍රපටය Pixar සමාගමේ නිශ්පාදනයක් වන අතර විචාරකයින්ගේ ප්‍රසාදය දිනාගැනීමට සමත් වූ සාර්ථක චිත්‍රපටයක් වශයෙන් හඳුන්වන්න පුළුවන්කම තියෙනවා. ඉතාලියේ රිවේරා හි ග්‍රීස්ම නිවාඩුව ගත කරන්න යන ලූකා කියන පිරිමි ළමයා, කෑම බීම සහ විනෝදය සමඟින් ඉතා ප්‍රීතිමත් ආකාරයට ඒ නිවාඩුව ගත කරනවා. මේ හැම දේකදිම ඔහු සමඟ එකතුවෙන අපූරු යාළුවෙකුත් ඔහුට මුණගැහෙනවා. හැබැයි මේ හැම දේම වෙනස් වෙන්නේ මුහුදු පතුලෙන් ආව යක්ෂයෙක් ඒ අවට සැරිසරනවා කියන පුවතත් එක්කයි. එතනින් එහාට වුණු දේ දැනගන්න නම් චිත්‍රපටය බලන්නම වෙනවා.

The post මෑතකාලීනව බිහිවූ හොඳ ම Animation Movies 6ක් appeared first on Lady.lk | Lady | Women | Lifestyle | Health | Beauty.

Easy Christmas pudding 

අවශ්‍ය ද්‍රව්‍ය:- melted butter 100g, cranberry sauce 100g, golden syrup මේස හැඳි 2, දුඹුරු සීනි 100g, බිත්තර 2, පාන් පිටි 100g, මිශ්‍ර කුළුබඩු කුඩු මේස හැඳි 1, mixed dried fruits 300g, පොතු ඉවත් කර grate කරගත් ඇපල් ගෙඩියක්, 

ලීටර 1.2 ක pudding basin එකක් ගෙන එහි ඇතුළත butter තවරා සූදානම් කරගන්න. වෙනත් බඳුනකට cranberry sauce සහ golden syrup දමා හොඳින් මිශ්‍ර කරගෙන එයින් මේස හැඳි 2ක pudding bowl එකේ පතුලේ තවරන්න. බඳුනක් ගෙන එයට butter, සීනි, beat කරගත් බිත්තර දෙක, පිටි, කුළුබඩු කුඩු, dried fruits සහ grate කරගත් ඇපල් යන සියල්ලම දමා හොඳින් මිශ්‍ර කරන්න. මෙම මිශ්‍රනය pudding bowl එකට දමා parchment paper එකකින් එය ආවරණය කර හොඳින් තද කරන්න. මෙය microwave oven එකේ සාමාන්‍ය උෂ්ණත්වයකින් යුතුව විනාඩි 9ක පමණ කාලයක් bake කරගන්න. ඉවතට ගෙන විනාඩි 10ක් පමණ නිවෙන්නට ඉඩ හැර plate එකකට දමා ඉතිරි cranberry sauce සහ golden syrup මිශ්‍රනය pudding එකේ උඩට දමා Amaretto sauce සමග පිළිගන්වන්න.

Milk pudding 

අවශ්‍ය ද්‍රව්‍ය:- fresh milk 900ml, corn flour මේස හැඳි 4, සීනි මේස හැඳි 7, butter මේස හැඳි 3, වතුර මේස හැඳි 1, කැබලි කරගත් කජු ස්වල්පයක්

සකසා ගන්නා ආකාරය:- fresh milk ග්‍රෑම් 600ක් ගෙන බඳුනකට දමා එයට සීනි සහ corn flour මේස හැඳි 3 බැගින් එකතු කර ලිප මත තියා රත් කරන්න. මෙය තරමක් උකු මිශ්‍රනයක් වනතෙක් මඳගින්නේ රත්කරමින් නොකඩවා හැඳිගාන්න. පසුව ලිපෙන් ඉවත් කර pudding bowl එකට දමා නිවෙන්නට ඉඩ හරින්න. දැන් ඉතිරි fresh milk ග්‍රෑම් 300ට corn flour මේස හැඳි 1ක්, සීනි මේස හැන්දක් සහ බටර් මේස හැඳි 2ක් දමා හොඳින් මිශ්‍ර කරගෙන ලිප මත තියා මඳ ගින්නේ හැඳිගාමින් උකු මිශ්‍රනයක් සකස් කරගන්න. Caramel සදාගැනීම සඳහා, butter මේස හැන්දක් ආලේප කරගත් බඳුනකට සීනි මේස හැඳි 3 දමා මඳක් රත්කර වතුර මේස හැන්දක් එකතු කරන්න. මේ caramel එක දුඹුරු පැහැ වූ පසු ලිපෙන් ඉවත් කරගෙන දෙවන කිරි මිශ්‍රනය හා හොඳින් එකතු කරගන්න. විනාඩි 5ක පමණ කාලයක් සිසිල් කරගත් දෙවන මිශ්‍රනය කලින් සදාගෙන bowl එකට දැමූ කිරි මිශ්‍රනය උඩින් දමා පැයක් පමණ කාලයක් fridge එකේ තබා සිසිල් කරගන්න. කජු ස්වල්පයකින් සරසාගෙන පීළිගන්වන්න.

Custard bread pudding 

අවශ්‍ය ද්‍රව්‍ය:- fresh milk කෝප්ප 2, පාන්පෙති 10, සීනි කෝප්ප ½, Vanilla තේ හැඳි 1, බිත්තර 3, කපාගත් කජු ස්වල්පයක්, වියළි මිදි ස්වල්පයක්, ඊට අමතරව caramel සකස් කරගැනීම සඳහා සීනි මේස හැඳි 3, වතුර මේස හැඳි 1 සහ butter මේස හැඳි 1 ක් අවශ්‍ය වෙනවා.

සකසා ගන්නා ආකාරය:- caramel සදාගැනීම සඳහා බඳුනකට butter ස්වල්පයක් ආලේප කර එය ලිප මත තබා රත්වෙන්නට තියන්න. ඉන්පසු සීනි මේස හැඳි 3 දමා මඳක් රත්වූ පසු හැඳිගාන්න. මෙයට වතුර මේස හැන්දත් එක් කර මිශ්‍රනය දුඹුරු පැහැ වෙනතුරු තබා ලිපෙන් ඉවත් කරගන්න. Pudding එක සැදීමට යොදා ගන්නා pudding bowl එක තුළට මේ caramel දමා කරකවමින් හොඳින් ආලේප කරගන්න. ඉන් පසු තරමක් විශාල බඳුනක් ගෙන එයට කිරි සහ සීනි දමා හොඳින් මිශ්‍ර කරගෙන කුඩාවට කපාගත් පාන්පෙති 10 එයට දමන්න. වෙනත් බඳුනක් ගෙන එයට බිත්තර සහ vanilla දමා whisk කරගෙන එය පාන් සහ කිරි සහිත බඳුනට දමා හොඳින් මිශ්‍ර කරන්න. Caramel සහිත බඳුනට මේ මිශ්‍රනය වත්කර එයට ඉහළින් කජු සහ වියළි මිදි දමාගන්න. Tray එකක් ගෙන එයින් භාගයකට වතුර පුරවා  pudding bowl එක ඒ තුළින් තියා 180°c ට preheat කරගත් oven එකක විනාඩි 40ක පමණ කාලයක් bake කරගන්න. සිසිල් කර පිළිගන්වන්න.

Chocolate molten cake 

අවශ්‍ය ද්‍රව්‍ය:- 100g butter, කැබලි කරගත් 100g dark chocolate, කුඩු කරගත් දුඹුරු සීනි 150g, බිත්තර 4, vanilla තේ හැඳි ½, පාන් පිටි 50g, single cream අවශ්‍ය පමණට.

සකසා ගන්නා ආකාරය:-  200C/180C fan/gas 6 ප්‍රමාණයට oven එක රත් කරගන්න. Pudding basins 6ක් ගෙන ඒවා ඇතුළත හොඳින් butter තවරා baking tray එකක් මත තබන්න. ඉන්පසු Butter ග්‍රෑම් 100 සහ dark chocolate ග්‍රෑම් 100 එකට මිශ්‍ර කරමින් double boil ක්‍රමයට අනුව දිය කරගෙන මිනිත්තු 15ක පමණ කාලයක් සිසිල් වීම සඳහා පසෙකින් තියන්න. සීනි ග්‍රෑම් 150 බඳුනකට දමා එයට වරකට බිත්තර 1 බැගින් දමමින් හොඳින් whisk කරගන්න. මේ සඳහා Electric hand whisk එකක් භාවිතා කිරීම වඩාත් පහසු වෙනවා. එයටම vanilla සහ පිටි ග්‍ර්‍රෑම් 50 ක්‍රමක්‍රමයෙන් එක් කරමින් හොඳින් whisk කර pudding basins වලට වත් කරන්න. අවසානයට විනාඩි 10-12 පමණ කාලයක් bake කරගන්න. Serving plates මතට දමාගත් cake මතට cooking cream යොදා පිළිගන්වන්න.

Creamy caramel flan 

අවශ්‍ය ද්‍රව්‍ය:- සීනි කෝප්ප ¾, වතුර කෝප්ප ¼, ලොකු බිත්තර 5, cream cheese 230g, condensed milk 400g, evaporated milk 350g, vanilla තේ හැන්දක්,  

Pan එකකට සීනි සහ වතුර කෝප්ප කාලක් දමා මඳ ගින්නේ රන්වන් පැහැවන තුරු උණු කරගන්න (විනාඩි 10-15ක් පමණ). මෙය ඝන වීමට පෙර ඉක්මනින් baking dish එකකට දමා එහි පතුලේ සම්පූර්ණයෙන් ගෑවෙන පරිදි කරකවා විනාඩි 10ක් පමණ තියන්න. බඳුනක් ගෙන cream cheese දමා මෘදු වනතුරු හොඳින් beat කරන්න. එයට වරකට එක බැගින් බිත්තර කඩා දමමින් නොනවත්වා beat කරන්න. ඉන්පසු මෙයට condensed milk, evaporated milk සහ vanilla එකතු කරමින් හොඳින් මිශ්‍ර කර Caramel තවරා සකස් කරගත් baking dish එකට මේ මිශ්‍රනය වත්කරන්න. Baking dish එක් තැබිය හැකි ආකාරයේ tray එකකට උතුරන වතුර පුරවා මිශ්‍රනය සහිත baking dish එක එතුළින් තියන්න. 175°c preheat කරගත් oven එකකට දමා විනාඩි 50-60 ක පමණ කාලයක් bake කරගන්න. ඉවතට ගත් පසු සිසිල් වන තුරු පැයක් පමණ තබා ශීතකරණයේ තවත් පැය 7-8ක් පමණ තියන්න. ඉවතට ගෙන වෙනත් plate එකකට දමා wedges ආකාරයට කපා පිළිගන්වන්න.

The post නත්තල රස ගන්වන desserts වර්ග කිහිපයක් appeared first on Lady.lk | Lady | Women | Lifestyle | Health | Beauty.

Play dough

හරිම ලේසියි. පාන් පිටි වතුරෙන් අනලා අතේ නොඇළෙන ගාණට ආවම තෙල් චුට්ටක් තවරගන්න විතරයි තියෙන්නේ. පාට පාටින් පිටි බෝල ටිකක් හදලා දෙනවනම් පොඩ්ඩා හොඳටම ආසා වෙයි.

Car track

ලොකු cardboard පෙට්ටියක්/ bristle board එකක් අරන් ඒක කැමති හැඩයකට කපා ගන්න. කලු පාට/ දුඹුරු පාට කඩදාසි වලින් පාරවල් අලවාගන්න.  Road signs එහෙමත් අලවාගන්න. ඉඩ තියෙනවා නම් පාරවල් දෙපැත්තේ buildings ටිකක් ගස් ටිකක් දැම්මොත් වඩා හොඳයි. පොඩ්ඩා එයාගේ වාහන ටික තියාගෙන සෑහෙන වෙලාවක් මේ car track එකත් එක්ක සෙල්ලම් කරයි.

Cardboard සෙල්ලම් ගෙයක්

ලොකු Refrigerator හෝ washing machine storage box එකක් අරගෙන පොඩි hut එකක පෙනුම එන විදියට දොර ජනෙල් කපා, වහලයක් හයි කරන්න. ලස්සන රෙදිවලින් හෝ කඩදාසිවලින් සරසාගෙන පොඩිත්තාට භාරදෙන්න.

ආභරණ/ ආභරණ පෙට්ටිය

Felt, පාට කරගත් කුඩා ගල්, බොත්තම්, රෙදි, හැඩැති කුඩා ලී කැබලි, sequence, වර්ණවත් මඤ්ඤොක්කා බට කැබලි (මිලට ගැනීමට ඇත), පබළු වැනි ඕනෑම දෙයක් භාවිතා කරමින් අම්මා හදාදෙන කුඩා ආභරණ වලට පොඩ්ඩා හරිම කැමති වෙයි. මේ හදාගත්ත ආභරණ, ඝනකම cardboard පෙට්ටියක්, egg carton, කුඩා ලී පෙට්ටියක් වැනි දෙයක් පාවිච්චි කරලා හදපු ආභරණ පෙට්ටියකට දාලා දෙනවනම් තවත් වටිනවා.

Superhero sword

ඝනැති cardboard කැබැල්ලක් ගෙන කඩුවක හැඩයක කපාගන්න. ගැළපෙන පැහැයකින් හෝ පොඩ්ඩා කැමති ආකාරයකින් කඩදාසි අලවා හැඩ කරගන්න.

Puppets

cardboard, රෙදි හෝ felt යොදාගනිමින් සතුන්, cartoon පින්තූර හෝ පොඩ්ඩා කැමති ආකාරයට නිර්මාණය කරගත් puppets වලට popsicle sticks සවි කරගන්න.

සංගීත භාණ්ඩ

පැපොල් බටයක් අරගෙන ගසට සවිවන පැත්තෙන් පොඩ්ඩක් කපලා අයින් කරන්න. කොළ ටිකත් ඉවත් කරන්න. Blade එකකින් හෝ ආයා කට්ටකින් ඉහළ සිට පහළට තරමක් දිග කැපුමක් යොදන්න.

ගිටාරයක භැඩයට කපාගත් ඝනකම cardboard කැබැල්ලක මැදින් තරමක රවුමක් කපා ඉවත් කරන්න. ශක්තිමත් rubber පටි කිහිපයක් ගිටාරයේ තත් ආකාරයට සවි කරගන්න.

ටින්, කුඩා භාජන ආදියේ විවරය හොඳින් ආවරණය වෙන පරිදි  balloons වලින් වසා drum එකක් හදාගන්න පුලුවන්. 

Treasure map

කුමක් හෝ දෙයක් නිවසේ තැනක සඟවන්න. එය සෙවීමට අවශ්‍ය ඉඟි පින්තූර, වචන සහ ඊතල ආදිය හරහා සිතියමක් ආකාරයට සටහන් කර ලබාදෙන්න. පොඩ්ඩාගේ වයස අනුව සංකීර්ණ බව අඩු වැඩි කරගන්න පුලුවන්.

Tresure box/ bag

තමන්ගේ වටිනා කියන දේවල් ආරක්ශිත විදියට එකතුකරලා තියාගන්න ලස්සන box එකක් හරි බෑගයක් හරි තියෙනවා නම් පොඩ්ඩා ගොඩක් සතුටු වෙයි. කොළ අලවා සරසපු cardboard පෙට්ටියක් එහෙමත් නැත්තන් pockets කිහිපයක් තියෙන රෙදි බෑගයක් මේ දේට හොඳටම ප්‍රමාණවත්.

Picture puzzles

පත්තරවලින්, magazines වලින් හෝ තමාම ඇඳපු පින්තූර ඝනකම් කාඩදාසිවල අලවා කැබලි කිහිපයකට කපාගන්න. දුවගේ/ පුතාගේ වයස අනුව කැබලි ප්‍රමාණය සහ පින්තූරයේ සංකීර්ණ බව වෙනස් කරගන්න.

Superhero bands

පොඩ්ඩා ආසම superhero logos යොදාගනිමින් මෙවනි අත් පළඳනා හදාගන්න felt රෙදි පාවිච්චි කරන්න හැකියාව තියෙනවා. හොඳින් ඇලවෙන ගම් වර්ගයක් පාවිච්චි කිරීමෙන් හෝ මැසීමෙන් විවිධ කැබලි සවිකරගන්නත්,  අත වටා දෙපසින් යන පටි එකට සවි කිරීමට velcro කැබැල්ලක් යොදාගන්නත් පුලුවන්.

Tool belt

පොඩ්ඩෝ සමහර වෙලාවට තමන් පාවිච්චි කරන විවිධාකාර උපකරණ තමන්ගේ ඇඳුම්වල එල්ලාගෙන යනවා. ඒ වගේ වෙලාවක පාවිච්චි කරන්න කොටස් බෙදා වෙන්කර මැසූ cloth tool belt එකක් තියෙනවා නම් හරිම වටිනවා.

Doll dresses

බෝනික්කො එක්ක සෙල්ලම් කරන්න කැමති පොඩිත්තො මේ තෑග්ගෙන් ගොඩක් සතුටු වෙයි. විවිධාකාර විදියට මසාගත්ත කුඩා ඇඳුම්, hair bands, ආභරණ කීපයක් තෑගි කලොත් දවසම හරි මේ දේවල් එක්ක සෙල්ලම් කර කර ඉඳීවි.

Indoor hopscotch

කොටු පනින්න එහෙමත් නැත්තන් බට්ටා පනින්න මිදුලක් නැති දුවලා පුතාලට ඝනකම් cardboard එකක ඇඳපු සටහනක මේ සෙල්ලම කරන්න පුලුවන්. ටිකක් වෙලාව වැය කරන්න හැකියාව තියෙනවා නම් රෙදිවලින් වුණත් මේක හරිම ලස්සනට හදාගන්න පුලුවන්.

Cardboard boomerang

ඉතාම කුඩා කාලයක් වැය කරලා cardboard වලින් හදාගන්න පුලුවන් බූමරංගයකට පොඩ්ඩා හරිම කැමතිවෙන්න ඉඩ තියෙනවා. නිකන්ම homemade boomerang කියලා search කරලා බැලුවම හරියටම හරියන sketches ඕනි තරම් හොයාගන්න හැකියාව තියෙනවා

The post ගෙදරදීම හදාගත්ත තෑග්ගක් දීලා පොඩ්ඩව පුදුම කරවමු ද? appeared first on Lady.lk | Lady | Women | Lifestyle | Health | Beauty.

The Cabin in the Woods

මේ ෆිල්ම් එක කරන දෙන්නා යාළුවො දෙන්නෙක්. ලියන්නෙ ඒ දෙන්නා. ප්‍රඩියුස් කරන්නෙ එක්කෙනෙක්. ඩිරෙක්ට් කරන්නෙ අනිත් එක්කෙනා. මේක මේ දෙන්නගෙ පළවෙනි  හොරර් ෆිල්ම් එක නෙමෙයි. ඒ දෙන්නා නිසාම මේක සාර්ථක නිර්මාණයක් කියල තීරණය කරපු අයත් ඉන්නවා. යෞවනයේ සුප්‍රකට නළුවෙක් වුනු ක්‍රිස් හෙම්ස්වර්ත් සමගින් ක්‍රිස් කොනොලි රඟන මේ චිත්‍රපටය ඉස්කෝලෙක යාළුවො පස් දෙනෙක් සහ ඒ අයගෙ පාලනය අතට ගන්න විද්‍යාගාරයක වැඩ කරන දෙන්නෙක් අතරෙ සිද්ධ වෙන කතාවක්. මේක බොහොම ආකර්ෂණීය හොරර් ෆිල්ම් එකක් කියල කියන්න පුළුවන්.

The Invitation

විවාහ වෙලා දික්කසාදයකින් කෙළවර වුනාට පස්සෙ තමුන්ගෙ හිටපු බිරිඳ තමුන්ට රෑ කෑමක​ට ආරාධනා කරනවා. ඒ ආරාධනය ඔහුට ලැබෙන්නෙ වර්තමාන පෙම්වතියත් සමගින් සහභාගි වෙන ලෙසට. නමුත් මේ ආරාධනය යට පෙර බිරිඳගේ යටි අරමුණු තිබුණු බව ඔහු දන්නේ නෑ. මේ කතාව දිව යන්නේ එතැන් සිටයි. මේ චිත්‍රපටය අඩු වියදමක් දරා නිපදවූවක් වගේම වියදම් කළ මුදලවත් උපයන්නට සමත් වුනේ නැහැ. නමුත් මෙය හොරර් ෆිල්ම් එකක සාමාන්‍යයෙන් දකින්නට නැති එක පෙළට සැදුණු කතාවක් සහිත නිසාම මෙය තරුණියන් අතර බොහෝ ජනප්‍රිය වුණා.

Final Destination 5

සුප්‍රකට Final Destination චිත්‍රපට මාළාවේ අන්තිම චිත්‍රපටය තමයි මේ. චිත්‍රපටයේ විශේෂත්වය වෙන්නෙ මේක Final Destination පළමු චිත්‍රපටයට ප්‍රීක්වල් එකක් විදියටයි නිර්මාණය වෙන්නෙ. ඒ කියන්නෙ මේ චිත්‍රපටය පළමු චිත්‍රපටයට පෙර කාලය ගැන කියැවෙන්නක්. මේ නිසාම මේ චිත්‍රපටයට වැඩි අවධානයක් යොමු වුණා. ඒ වගේම මේ චිත්‍රපටයේ චරිත වෙත දක්වා ඇති අවධානය සහ පෙර චිත්‍රපටයට වඩා තාක්ෂණය උපයෝගී කරගෙන ඇති නිසාම ඒ අවධානය වැඩි වුනා. වියදම් කළ මුදල මෙන් තුන් ගුණයක් පමණ උපයා ආදායම් වාර්තා තබන්නටත් මෙම චිත්‍රපටයට හැකි වුණා.

The Stepfather

1987 වසරෙදි මේ නමින්ම නිකුත් වුණු ත්‍රිලර් චිත්‍රපටයේ රී මේක් එකක් විදියට නිමැවුණු මේ චිත්‍රපටයට පාදක වෙන්නෙ ඩොනල්ඩ් වෙස්ට්ලේක් මේ නමින්ම ලියපු පොත. මනුස්සයෙක් ලෑස්ති වෙලා ගෙදරින් එළියට යද්දි, කැමරාවට පේන්නෙ ඒ මනුස්සයාගේ බිරිඳ සහ දරුවන් මැරී වැටී සිටින ආකාරය. මේ විදියෙ සිදුවීමක් ඒ අසළම මින් පෙරාතුවත් සිදුවුණු නිසා, දාම ඝාතකයෙක් නිදැල්ලේ සිටින බවට කතාවක් පැතිරෙනවා. මේ කතාව ගොඩනැගෙන්නෙ අසාමාන්‍ය අයුරකින් වුවත් එය ඉදිරියට ගලා යන්නෙ සුපුරුදු හොරර් ෆිල්ම් එකක විදියටමයි. නමුත් එහි අවසානයත් තරමක් වෙනස් කියලා අපිට කියන්න පුළුවන්.

Get Out

මේක තමයි මේ ලැයිස්තුවට එකතුවුණු එතරම් හොඳම හොරර් චිත්‍රපටය. මෙය වියදම් කළ මුදලට වඩා සිය ගුණයකින් පමණ ආදායම් ඉපයූ චිත්‍රපටයක්. හොඳම තිර රචනයට ඔස්කා සම්මානය වගේම ගෝල්ඩන් ග්ලෝබ් සම්මානත් දිනූ මේ චිත්‍රපටය වෙනස් විදියේ කදිම කතාවකින් යුක්තයි. කළු ජාතික තරුණයෙක් සුදු ජාතික තරුණියක හා විවාහ වීමට සැරසෙනවා. මේ කතාවේ අප පවසන්නේ එතෙක් වනතුරු පමණයි. මෙය ඔබ නැරඹිය යුතුම චිත්‍රපටයක්. 

The post ඔයත් හොරර් ෆිල්ම් බලන කෙල්ලෙක්නම් මේ ෆිල්ම් මිස් කරගන්න එපා! appeared first on Lady.lk | Lady | Women | Lifestyle | Health | Beauty.