Label එක කියවනව ද

හැම ඇඳුමකම නැතත් බොහෝ ඇඳුම්වල label එකක් තියෙන විත්තිය ඔබ දන්නවා ඇති. ඒ label එකේ සඳහන් කරලා තියෙනවා ඇඳුම dry clean කිරීම අත්‍යවශ්‍යයි ද, එහෙමත් නැත්තන් normal විදියට අතේ හෝ washing machine එකේ සෝදන්න පුළුවන්ද කියලා. සාමාන්‍යෙන් අපි ඇඳුමක් මිලට ගත්තම අඳින්න කලින් සෝදනවනේ. ඉතින් ඔබට පුළුවන් ඔක්කෝටම කලින් ඇඳුමේ label එක කියවලා බලලා ඒ අනුව ඇඳුම පිරිසිදු කරගන්න. මේ දේ පුරුද්දක් කරගත්තොත් නිකරුනේ ඇඳුම් නාස්ති වෙන එක වළක්වා ගන්න ඔබට හැකියාව ලැබේවි.

Sort කරන්න

ඔක්කොම ඇඳුම් කිසි තේරීමක් බැලීමක් නැතුව washing machine දානවා නම්, ඇඳුම් සවුත්තු වෙන එක කියන්නත් දෙයක් නෙවෙයි. අන්න ඒ නිසයි රෙදි ටික සෝදන්න කලින් වෙන් කරලා washing machine දැමීම අවශ්‍ය වෙන්නේ. විශේෂයෙන්ම, සේදීමේදී dye ඉවත්වෙන ඇඳුම්, ළා පැහැති ඇඳුම්, දීප්තිමත් වර්ණවල සහ තද පැහැති ඇඳුම්, සුදු පැහැති ඇඳුම්, fabric type, ඇඳුම් කිළිටි වී ඇති තරම වගේ කරුණු සළකලා බලලා ඇඳුම් වෙන් කරලා සෝදනවා නම් ඔබේ වටිනා කියන ඇඳුම් ප්‍රවේශම් කරගැනීම එතරම් අපහසු වෙන්නේ නැහැ. 

Detergent වර්ගය මොකක් ද

Powder, liquid කියලා detergent වර්ග දෙකෙන් කුමන වර්ගයක් යෙදුවත් ඒවායින් සුළු ප්‍රමාණයක් පාවිච්චි කිරීම තමයි හැම අතින්ම සුදුසු වෙන්නේ. සමහර detergent වර්ග ටිකක් සැර වැඩි වගේ කියලා ඔබටම දැනිලා ඇති. ඉතින් ඔබේ රෙදි ටික පරිස්සම් කරගන්න අවශ්‍ය නම් එයින් මඳක් යෙදීම හොඳටම ප්‍රමාණවත් වෙනවා. පොඩ්ඩොන්ගේ ඇඳුම් සේදීම සඳහා ඒ වෙනුවෙන්ම නිපදවලා තියෙන මෘදු detergent වර්ගයක් පාවිච්චි කරන්න අමතක කරන්න එපා. රෙදි සහ detergent එකට එකතු කරන්න කලින් detergent ටික හොඳින් වතුරේ දිය කිරීමත් අත්‍යවශ්‍ය වෙනවා. ඒ වගේම තමයි, ඔබට පරිසර හිතකාමී detergent වර්ගයක් පාවිච්චි කරන්න පුළුවන් නම් ඒ ගැන අවධානය යෙදීමත් ඉතාමත් වටිනා කටයුත්තක් වෙනවා.

අනම් මනම් අයින් කරන්න

ඇඳුම් washing machine එකට දාන්න කලින් සාක්කු එහෙම check කරන්න පුරුද්දක් නැත්තන් ඒ පුරුද්ද වහාම ඇති කරගන්නට සිදු වෙන බව අපි සිහිපත් කරනවා. සාක්කුවල තියෙන කොළ කැබලි, tissues, කෑම කැබලි, කාසි, pins, පැන්සල් පෑන් වගේ දේවල් හන්දා washing machine එක ඇතුළෙදි ඇඳුම්වලට ලේසියෙන්ම හානි සිදුවෙන්නට ඉඩ තියෙනවා. මේ නිසා සාක්කු කනපිට හරවලා, මේස් සහ cuffs නිවැරදිව දිග හැරලා කලිසම්වල යටින් නමලා නම් ඒවා දිගහැරලා එහෙම සෝදන්න දාන්න. ඒ වගේම තමයි රෙදි ටික සෝදන්න දාන්න කලින් ඒවාගේ තියෙන zippers, hooks සහ velcro වහන්න අමතක කරන්නත් එපා. හැබැයි හොඳින් මතක තියාගන්න, ඇඳුම්වල buttons වහලා දාලා නම් සෝදන්න දාන්න එපා. අමතක නොකර  buttons ගළවලාම washing machine දාන්න.

රෙදි පැටලෙන පොට

ඇඳුම්වල Belts, strings, sashes වගේ කොටස් තියෙනවා නම් ඒවා ලිහිල්ව තියෙන්නට හැරලා washing machine දාන එක නම් ඒ තරම් හොඳ දෙයක් නෙවෙයි. මොකද washing machine එක ඇතුළෙදි රෙදි එකිනෙක පැටලිලා රෙදි ටික හරි හැටි පිරිසිදු නොවෙන්නත්, මේ කියන strings ඇඳුමෙන් ගැලවිලා වෙන් වෙන්නත් මේ දේ හේතුවෙන්න ඉඩ තියෙනවා. ඒ නිසා මේ වගේ අමතර details තියෙන ඇඳුම් සෝදන්න දානකොට ඒවා හරියාකාරව ගැටගහලා සෝදන්න දාන එක තමයි වඩා සුදුසු වෙන්නේ.

Zippered mesh bags

සෝදන්න දාන්න කලින් මේ වගේ bags ඇතුළට රෙදි දාලා washing machine දැමීමෙන් රෙදි වලට සිදුවන හානිය අවම කරගන්න ඔබට හැකියාව ලැබෙනවා. විශේෂයෙන්ම undergarments සේදීමේදී මේ ආකාරයට සේදිම තමයි ඉතාමත් සුදුසු වෙන්නේ.

ඉරුණු ඇඳුම්

ඇඳුමක කොහේ හරි ඉරිලා නම් ඒ ඇඳුම් පිළිසකර නොකර washing machine දැමීමෙන් ඇඳුම තව තවත් ඉරෙන්නට ඉඩ තියෙනවා. මේ නිසා ඉරුණු ඇඳුමක් washing machine දාන්න කලින් මහලම ඉන්න එක තමයි වඩා හොඳ.

තද කුණු පැල්ලම්

මඩ හෝ ඉඳුල් වගේ තද කුණු පැල්ලම් සහිත ඇඳුම් washing machine දාන්න කලින් වෙනමම භාජනයකට දාලා පොඟවලා කුණු ටික අතින් ඉවත් කරලා ඉන්නවා නම් වඩා සුදුසුයි කියලා අපි හිතනවා. එහෙම නොවුනොත් ඒ අපද්‍රව්‍ය washing machine එක ඇතුලේ තියෙන අනිත් රෙදිවලටත් එකතු වෙලා ඇඳුම් සියල්ලම සවුත්තු වෙන්නට ඉඩ තියෙනවා.

The post රෙදි ටික washing machine දාන්න කලින් මේ දේවල් ගැන හිතනව ද appeared first on Lady.lk | Lady | Women | Lifestyle | Health | Beauty.

හුරු වීම

මුලින්ම තමුන්ට තමුන්ගේ හුරුව අතහැරගන්නට සිද්ධ වෙනවා. අපි උදාහරණයකට හිතමු පුරුද්දක් විදියට උදෑසන තේකක් නොබොන තරුණියකට විවාහයෙන් පස්සෙ ඒ ගෙදර වැඩ සිද්ධ වෙන විදියට අනුගත වෙලා තේ හදන්න සිද්ධ වෙනවා. ඊටපස්සෙ කාලෙකින් තේකක් දකින නිසා තමුන්ටත් බොන්න හිතෙනවා වගේම සෞඛ්‍ය පුරුදු නිසා මේ තාක් කල් උදේට බීම පළතුරු යුෂ වීදුරුව වෙනුවට තමුනුත් තේකක් බොන්න හුරු වෙනවා. ඒ වගේම මේ හුරු වීමත් එක්ක තමුන්ගෙ හුරු වීම් අතහරින්නත් වෙනවා. උදාහරණයකට තමුන් යන්නෙ අතිශය ආගමික වටපිටාවක් තියෙන පරිසරයකට නම්, එහෙමත් නැත්නම් කන බොන විදිය ගැන දරුණු ලෙසින් සිතන සෑම ආහාරයකම මිරිස් හෝ ලුණු ප්‍රමාණ ගැන ගතු කියන නිවසකට නම් ලංකාවෙදි අලුත් බිරින්දෑවකට මේ හුරු වීම ටිකක් ලොකු ප්‍රශ්නයක්.

හඳුන්වා දීමේ වැඩසටහන

මේ වැඩේ නම් බැඳලා වෙනම පදිංචියට ගියත්, දෙමවුපියන් සමග පදිංචියට ගියත් මුහුණ දෙන්න වෙන තත්ත්වයක්. ඒ තමයි හඳුන්වා දීමේ වැඩසටහන. මේවා ගොඩක් වෙලාවට සිද්ධ වෙන්නෙ මළ ගෙවල් හෝ මගුල් ගෙවල්වලදි. ඒ වගේ තැන්වලටනෙ හැමෝම එන්නෙ. මේ තමයි දූ, පුතාව පුංචි කාලෙදි බලාගත්තු නැන්දා, මේ මාමා තමයි පුතාට මුලින්ම බැට් එකක් ගෙනල්ල දුන්නෙ, මේ බාප්පා තමයි පුතාව මුලින්ම නුවර එක්කගෙන ගියේ, මේ පුංචි තමයි පුතාට ඒ කාලෙ කැවුවෙ, පුතා මේ නැන්දා උයන පරිප්පු එකට හරිම ආසයි, පුතා මේ මාමාගෙ බයික් එකෙන් තමයි බයික් පදින්න පුරුදු වුණේ ආදී හඳුන්වා දීමක් සිදු වෙනවා. මේ හඳුන්වා දීමේ වැඩසටහන අහගෙන සිටීම සහ මතක තියාගෙන සිටීම අසීරු වගේම එපා වෙන වැඩක් කියලා මේ දේට මුහුණ දුන් අය දැනටමත් දන්නවා ඇති.

පුතාගෙ පුරුදු

දැන් ඉතිං ඔය කොල්ලොන්ට තියෙනවනෙ පුරුදු. ගුණ දේවල් ආහාරයට නොගැනීම, මත්පැන් සහ දුම්වැටි පානය කිරීම, රෑ තිස්සෙ පාටිවලට යෑම, ටැටූ ගැසීම සහ නොයෙක් හෙයා ස්ටයිල්ස් සිදු කිරීම වගේ අම්මලා අකමැති දේවල්. අම්මලා උත්සාහ කරනවා පුතාගෙ මේ අවුල් පුරුදු වලට බිරින්දෑ ලවා වැටකඩුළු බඳවන්න. ගොඩක් වෙලාවට බිරින්දෑවන් තමන් ආදරය කරන පුද්ගලයා වෙනස් වෙනවාට හෝ ඒ ගති ගුණ මගහරිනවාට අකමැති වුණත් අම්මලාගේ පෙරැත්තය නිසා එයාලටත් මේ වගේ කොන්තරාත්තු භාරගන්න සිද්ධ වෙනවා. මෙන්න මේ වගේ අවස්ථා වලදී දෙපැත්තම බැලන්ස් කිරීමට සිදුවීම අලුතින් බිරින්දෑවක් වුණු තරුණියකට තරමක් මානසික වදයක්.

දූ තමයි දූ 

මේ කියන්න යන්නෙත් බො​​හොමයක් තරුණියන් මුහුණ දෙන ප්‍රශ්නයක්. ගොඩක් අය කැමති නෑනෙ තමුන් ගැන ලොකු කම් කියන්න. නමුත් වෙනිං කෙනෙක් ලොකු කම් කියද්දි අපිට ඒක නවත්වන්නත් බැහැනෙත විශේෂයෙන්ම තමුන්ගෙ ස්වාමිපුරුෂයාගෙ පැත්තෙ දෙමවුපියන් තමුන් ගැන ලොකු කම් කියද්දි කොහොමද ඒක නවත්වන්නෙ. බලාගෙන ඉන්න තමයි වෙන්නෙ. මේ දූ නුවර ලොකු පවුලක, මෙයා හොඳටම ඉගෙනගත්තනෙ ඩිග්‍රි දෙකක් තියෙනවා, හරිම රසට උයන්න පුළුවන්, චිකන් කරියක් එහෙම හදනවා මටවත් තාම බෑ ඒතරම් රසට උයන්න, අතේ පයේ වැඩත් හොඳටම පුළුවන්, ලස්සන ඇඳුම් වගයක් මහලා දුන්නා අපිට…. මෙන්න මේ වගේ ලොකුකම් කියද්දි කරන්න දේකුත් නෑ, කියන්න දේකුත් නෑ, ඒත් අහගෙන ඉන්නත් බෑ වගේ තත්ත්වයක් ඇති වෙලා දැඩි අපහසුවකට ලක් වෙන සාමාන්‍යයි.

එහෙමද?

මේ කියන්න යන්නෙත් අලුත බැඳපු බිරින්දෑවන් අසීමාන්තිකව අසරණ වෙන තැනක්. මේ වගේ දෙයක් ගොඩක් වෙලාවට සිද්ධ වෙන්නෙ නිදහස් තැනකදි. ඒ කියන්නෙ ගොඩක් වෙලා එක දිගට කතා කරන්න වෙන තැන් වලදි. දානෙ ගෙයක් හෝ පිරිතකදී නම් මේ වගේ දෙයක් සිද්ධ වෙනවාමයි. ඒ තමයි තමන්ගේ ස්වාමි පුරුෂයා ගැන පුරාතන කතා අහගෙන ඉන්නට සිදු වීම. මේක අපි කලින් කියපු හඳුන්වා දීමේ පෙරැට්ටුවට වඩා ගොඩක් වෙනස් තත්ත්වයක්. මේකෙදි බිරින්දෑට අහන්න තියෙන්නෙ එකම දෙයයි. ඒ තමයි “එහෙමද?” දිගින් දිගටම එහෙමද කියලා තමයි අහන්න වෙන්නෙ. මොකද මේ මුණගැහෙන හැමෝම කියන්නෙ තමන්ගෙ ස්වාමිපුරුෂයා සහ තමුන්ගේ තිබ්බ පරණ බැඳීම් ගැන. ඔය පුතා මගේ කාර් එකේ චූ කරා පුංචි කාලෙ වගේ, ලොකුකම සහ පෞරාණික බව යම් තරමකට කැටි වුණු කතා තමයි මෙතැනදි අහන්න වෙන්නෙ.

නෑදෑ විමසීම් – දේපල, පවුලෙ වගතුග, බඩ මහත, දූගෙ නංගි

ඔය උඩ කියන අවස්ථාවෙදිම තවත් වෙනත් අතුරු ප්‍රශ්නත් යොමු වෙනවා. ඒවා තරමක් භයානක ප්‍රශ්න. ඒවාට උත්තර නොදී මගහරින එක හොඳයි. මේ වගේ දේවල් වලදි තමයි විවාහයේ මුල් අවධියේ බය කියන එක මුලින්ම දැනෙන්න ගන්නෙ. මේ වගේ තැන්වලදි කෙලින්ම එන ප්‍රශ්න තමයි, ඉගනීම? පවුලේ වටපිටාව? කුලය? දේපල? දරුවන්? පවුලේ වෙනත් දරුවන් සහ ඒ දරුවන්ගේ පෙම්හබ? තමන්ගේ දරුවන්ට ඒ පවුලෙන් විවාහ කළ හැකි වෙනත් දරුවන්? පවුලේ ගෙවල් ඇති ප්‍රදේශ සහ ඒ පැතිවල තමුන්ට සිටින හිත මිතුරන් වැනි බොහොමයක් කතා අහගෙන ඉන්න සහ උත්තර දෙන්න සිදු වෙනවාමයි.

හරිද?

මේ කතාව තමයි ගොඩක් දෙනෙක් මේ සටහනේ හොයාගෙන ආපු ප්‍රශ්නය. ඔව් බොහෝදෙනෙක් අහන සහ විශේෂයෙන්ම දෙපාර්ශවයේ දෙමවුපියන් සැරින් සැරේට අහන ප්‍රශ්නය තමයි මේක. කොටිම්ම අලුත් බිරින්දෑට කෑමක් ගැන අප්‍රියාවක් දැණුනත්, ​ප්‍රෙග්නන්ට්ද කියලා ප්‍රශ්න කරන තත්ත්වයක් තමයි තියෙන්නෙ. අන්න ඒ නිසා මේ හැමෝම දරුවෙක් හදන කම් ආසාවෙන් බලාගෙන ඉන්නවා වගේම පහු වෙද්දි ඒක ගැන බලපෑම් කරන්නත් ඒවි. නැවත හැරීමක් නෑ ඉතිං

මෙන්න මේ ප්‍රශ්න බොහෝමයකට උත්තර හොයන්න පුළුවන් හොඳම විදිය තමයි තමුන්ගේ පවුල් ජීවිතය වෙනම ගත කරන්නට වෙනම නිවහනකට පදිංචියට යාම. ඒ විදියට වෙනම නිවහනකට පදිංචියට ගියාම හැඩ ගැහෙන්නට ඕන විදිය ගැනත් අපි ලඟදීම සටහනක් තබන්නම්.

The post අලුත බැඳපු වයිෆ් කෙනෙකුට මේ ප්‍රශ්න එන්න පුළුවන් appeared first on Lady.lk | Lady | Women | Lifestyle | Health | Beauty.

කලබල නැතුව

සාමාන්‍යයෙන් ලංකාවෙදි ගොඩක් කට්ටිය හිතන දෙයක් තමයි කාන්තාවක් රවට්ටන්න පුළුවන් කියන එක. ඒ වගේම මේ මහමග අනතුරකදිත් ලේසියෙන්ම කාන්තාවගේ පැත්තට වරදපටවලා තමන්ට ගැලවෙන්න පුළුවන් කියන එක. ඒ නිසා මහමගදී අනතුරක් වුණාම අනික් පාර්ශවය අතින් සිද්ධ වුණු වැරැද්දක් වුණත් ඔයාගේ ඇඟට ගොඩ වෙලා මේක ඔයාගේ වැරැද්දක් විදියට ඔයාගේ කරපිට පටවන්න උත්සාහ කරන්න පුළුවන්. ඒ වෙලාවට ඔයා වැරදි නැත්තං කිසිම විදියකින් කලබල වෙන්න එපා. මුල්ම දේ තමයි කලබල නොවීම. කලබල නොවී නීත්‍යානුකූලව මේ වැඩේ කරන්න උත්සාහ කිරීම තමයි හොර කරන කට්ටියට උගන්නන්න පුළුවන් හොඳම පාඩම.

වීඩියෝ

මේ වැඩේට බොහෝම ප්‍රයෝජනවත් වෙනවා වීඩියෝ කැමරාවක්. ඔයාගේ වාහනයේ වීඩියෝ කැමරා සවිකර තිබෙනවානම් වඩාත් හොඳයි. නමුත් අවාසනවාකට මේ අනතුර සිද්ධ වෙන වෙලාවේ එහෙම නැතිනම් අනිත් පාර්ශවයට පෙනෙන්නම මේ සිදුවීම සම්පූර්ණයෙන් වීඩියෝ කරන්න. එහෙම වුණාම ඒ අය අනවශ්‍ය බොරු කිරීම් හෝ බලපෑම්වලට එන්නේ නෑ වගේම, වටපිටාවේ සිටින අයත් එවැනි තැනකට මැදිහත් වී ඔවුන්ගේ අදහස් ඒ තුළට ඔබන්නට උත්සාහ කිරීම නවතිනවා.

තුවාල

මේ විදිය අනතුරක් වුණාම අපි මුලින්ම හිතන්න ඕන දෙයක් තමයි ජීවිතවල ආරක්ෂාව. ඒ නිසා සියළු බාධක පැත්තක් තියලා තුවාලකරුවන් ඉන්නවා නම් ඔවුන්ව රෝහලට ගෙන යන්නට අවශ්‍ය ක්‍රියාමාර්ග සිද්ධ කරලා ඉන්පස්සෙ මේ ප්‍රශ්නය විසඳා ගැනීමයි හොඳම විදිය.

කෝල්ස්

ඔවු මුලින්ම ඔබේ රක්ෂණ නියෝජිතයා දැණුවත් කරලා ඉන්න ඕන. මොකද මේ රිය අනතුරෙන් සිදු වුණු පාඩුව ක්ලේම් කරගන්නට උවමනායිනෙ. ඉන්පසුව ඔබේ අනතුර සිද්ධ වුණු ලඟ පාතක සිටින ඔබේ මිතුරෙකු දැණුවත් කරලා ඔහුව හෝ ඇයව එම ස්ථානයට ගෙන්වා ගන්න. කිහිප දෙනෙකු ගෙන්වා ගන්න පුළුවන් නම් ඔයාගෙ හිතට හයියක් වේවි. එහෙම කිරීම අනෙක් පාර්ශවය ඔබට පිරිස් බලය පෙන්වා බිය වද්දන්නට කරන උත්සාහයකදිත් ප්‍රයෝජනවත් වේවි.

ට්‍රැෆික් නැති කරන්න

හැප්පුණු වාහන දෙක පොලිසිය එනතුරු ඒ විදියටම තැබීම නිසා මහමග විශාල මාර්ග තදබදයක් ඇති වෙන්නට පුළුවන්. ඒ නිසා වාහන දෙක පිහිටි ආකාරය ගැන අදහසක් ගන්න රෝද පිහිටුම් මහමග සළකුණු කරලා, ස්මාට්ෆෝනයෙන් පින්තූර කිහිපයක් අරගෙන වාහන දෙක පසකට කරගන්න. ඊටපස්සෙ පොලීසිය එනතුරු ඔබට ඉන්නට පුළුවන් වගේම අන් මිනිසුන්ට ඔබේ රිය අනතුර නිසා කාල නාස්තියක් වෙන්නෙත් නැහැ.

එන්ට්‍රියක්

සිදුවී ඇත්තේ සුළු අනතුරක් නම්, දෙපාර්ශවයම ඒ පාඩු බෙදාගෙන යන්න කතිකා වුණානම්, යම් හදිස්සි තත්ත්වයක් උඩ අනුකම්පා සහගතව ඔබ අනෙක් පාර්ශවයට යන්නට දුන්නා නම්, මේ ඕනෑම අවස්ථාවකදී ඔබ ලඟම පොලිස් ස්ථානයට ගොස් පැමිණිල්ලක් දමා යෑම වැදගත්. එසේ නොවුණහොත් අනෙක් පාර්ශවය පොලිසියට පැමිණිලි කළොත් ඔබ කිසිඳු වරදක් නොකරම සැකකරුවෙකු බවට පත්වෙනවා.

පැනයන්න දෙන්නෙපා

අපි මුලින් කියපු වීඩියෝ කිරීම වැදගත් වන්නේ මෙතැනදියි. සාමාන්‍යයෙන් අනතුර සිදුවුණේ අනෙක් පාර්ශවයෙන් නම් ඔවුන් පොලිසිය එන්නට පෙර පැන යන්නට උත්සාහ කරන්නට ඉඩ තියෙනවා. ඔබ කලබල නොවෙනවා හෝ ගැහැනියක වූ පළියට එවැනි අසාධාරණයන්ට කරබාගෙන සිටිය යුතු නැහැ. ඔවුන්ගේ රූප සියල්ල ඔබ සන්තකයේ තිබීම ඔවුන්ට එලෙස පැනයන්නට නොහැකි බාධාවක් වෙනවා වගේම, ඒ වෙනුවෙන් ඔබට නැගී සිටින්නටත් පූර්ණ අයිතිය තියෙනවා.

වැරැද්ද ඔයාගෙද?

ඔවු අපිත් මිනිස්සු නිසා අපේ අතිනුත් වැරැදි වෙන්න පුළුවන්. එහෙමයි කියල අනිත් අය ඉල්ලන ඉල්ලන විදියට සල්ලි දෙන්න හෝ ඒ අය කියන අලාබ ගෙවන්නට සූදානම් වෙන්න එපා. පසුකාලීනව සිද්ධ වෙන කරදර ගැන මතක් කරලා ඔවුන් ඔබෙන් මුදල් ඉල්ලාවි. ඒ කිසිවක් සිදු නොකර, එවන් අවස්ථාවන් පවා වීඩියෝ කර පොලීසිය ආ විටෙක පෙන්වන්න. ඔබේ වැරැද්ද පිළිගන්න. එයට නීතියෙන් දෙන දඬුවම විඳිනවා මිස කිසිඳු හොර පාරක යන්න එපා. 

The post වාහනේ ඇක්සිඩන්ට් වුණොත් මුලින්ම මේ දේවල් ගැන හිතන්න appeared first on Lady.lk | Lady | Women | Lifestyle | Health | Beauty.

එකේ සිට

මේක තමයි අපි හැමෝම දන්න එක. මේක පුංචි කාලෙ ඉඳන් දන්න දෙයක්. කේන්ති ගියාට පස්සෙ එකේ සිට දහයටත්, දහයේ සිට එකටත් ගනං කරන්න කියන එක ප්‍රසිද්ධ ක්‍රමයක්. හැබැයි අපි වැඩිහිටි වෙද්දි ඒක අතෑරලා දානවනං ඒක අපරාධයක්. ඇයි අපි එහෙම කියන්නෙ. ඒ මේ ක්‍රමය ඇත්තටම සාර්ථක නිසා. සියයට සියයක් සාර්ථක නැතත්, ඒ වගේ මොහොතක ඔයාගෙන් කියවෙන්න ඉඩ තියෙන නරක කතාවක් මගහරින්න මේ ක්‍රමය ප්‍රමාණවත්. මේ වැඩෙන් ඔයාට ඔයාගෙ ඊලඟ ප්‍රතික්‍රියාව ගැන හිතන්න අමතර තත්පර 20ක් ලැබෙනවා. ඉතිං ක්ෂණික කෝපයට ඉඩක් නෑ.

මගෙන් මොකද වුණේ?

මේකත් හොඳ ක්‍රමයක්. ඇත්තටම අපිට මොනවහරි දේකට කේන්ති යන්නෙ යම් කෙනෙකුගෙන් වුණු වැරැද්දක් නිසානෙ. මෙන්න මේ වැරැද්ද දිහා බලන විදිහ හදාගන්න එකත් මේ කේන්තිය නවත්තගන්න හොඳ විදියක්. මේකෙන් කරන්නෙ මේ වැරැද්ද වෙන්න අපේ පැත්තෙන් මොනවා හෝ බළපෑමක් වුණාද නැද්ද කියන එක හොයලා බැලීමක්. ඒ වගේම අපේ පැත්තෙන් මොකක් හෝ වරදක් නොවුණා නම්, මේ වැරැද්ද කරපු කෙනා අපේ ජීවිතයට කරලා තියෙන උදවු ගැන කල්පනා කිරීම වගේම, ඔවුන්ගේ ජීවිතය අපිට කොයිතරම් වැදගත්ද කියා සිතීමත් කේන්තිය මගහැරවගන්න පාවිච්චි කරන්න පුළුවන්.

මම කාටද? මට කවුද?

අපේ ආදරණීයයන් කියන්නෙ හැම මොහොතකම අපි එක්ක අපේ හිතේ ඉන්න අය. ඒත් අපේ හිතට කේන්තියක් ආපු වෙලාවක ඒ අය ලඟ නොඉන්න පුළුවන්. අන්න ඒ වෙලාවට මේ ආදරණීයයන් ගැන හිතන්න. ඒ අම්මා, ආදරය කරන කෙනා හෝ දරුවන් වෙන්න පුළුවන්. මේ කේන්තිය ඉහවහා ගිහින් කරන දේ නිසා ඔවුන්ට සිද්ධ වෙන්න පුළුවන් හානිය වගේම ඔවුන් එයින් සිත් තැවුලට ලක් වෙන හැටි ගැන හිතන්න. මේ දේ ගැන හිතන්න මීට වඩා හොඳ විදියක් තවත් නැහැ.

කැමති සින්දුවක්

කැමති සින්දුවක් අහන්න. ඔයාගෙ ආසම පරණ මතකයක් අවුස්සන සින්දුවක්, ඔයාගෙ හිත නිවන සින්දුවක්, මුළු ලෝකෙම අමතක කරවන සින්දුවක් අහන්න. මේක කෙටියෙන්ම ඔයා ඒ මොහොතෙ ගන්න හදිස්සි තීරණයක් වළක්වන එක් ක්‍රමයක් විතරයි.

මට වෙන පාඩුව

ඔයාගෙ කේන්තියෙන් ඔයාට වෙන පාඩුව හිතන්න. ආයතන ප්‍රධානියෙකු සමග කේන්තිය පිටවුණොත් ඔයාගෙ රැකියාවට එය හානියක් වෙන්න පුළුවන්. ඔබේ ආදරණීයයෙක් නම් ඒ කේන්තිය නිසා ඔබට ඒ ආදරණීයයා නැති වෙන්න පුළුවන්. ඒ වගේම ඔබේ මිතුරන් හෝ ආයතනික සමකාලීනයන් නම් ඒ හා සමානම හානියක් වෙන්න පුළුවන්. හොඳම දේ ඉවසීම බව ඔබට සිදුවන පාඩුව ඇසුරෙන් හිතට ගන්න.

හොඳ හුස්මක්

ඔවු හොඳ හුස්මක් ගන්න. පොතේ හැටියට නම් හුස්ම තුනක් ගන්න. ඔබ ආසම කරන මතකයක් ගැන හිතන්න. සාමාන්‍යයෙන් කේන්ති යන කෙනෙකු නම් ඔබට එවැනි අවස්ථාවක කතා කරන්නට හිතෙන හිත නිවන අයෙකුට කතා කරන්න. සිද්ධිය ගැන කිසිත් නොකියා ඔබේ සිත සන්සුන් වන තුරු ඔවුන් සමග කතා කරන්න.

The post කේන්තිය පාලනය කරගන්න Lady.LK උපදෙස් appeared first on Lady.lk | Lady | Women | Lifestyle | Health | Beauty.

විශ්වාස කරපු කට කතා

සමාජයේ එක එක කටකතා තියෙනවානෙ. ඔය කටකතාවලින් වැඩිපුරම ප්‍රචලිත වෙන්නෙ මොනවාද? විශ්වාස කරන්න අමාරු දේවල්. සාමාන්‍යයෙන් මහත කෙනෙකුට කෙට්ටු වෙන්න කියල ලැබෙන උපදසේ මොනවාද? අඩුවෙන් ගුණදායී කෑම කන්න, ව්‍යායාම කරන්න වගේ දේවල්නෙ. නමුත් අපි මේ කියන්නෙ විශ්වාස කරන්න අමාරු කටකතා ගැන. ගෙදර හදාගත්තු බෙහෙත් ජාති වගේම සාමාන්‍යයෙන් අහන්න නොලැබෙන විදියෙ දේවල් නිසා ගොඩක් අය අර අපි මුලින් කියපු සරළ දේවල් නොකර මේ අමුතු දේවල් කරන්න ගිහින් නිකරුණේ ශරීරය මහත් කරගන්නවා. සමහර විට මේ කියන කටකතාවලින් හානියක් නොවුනත්, ඒවයින් ලැබෙන මානසික උත්තේජනය නිසාම සමහරු ආහාරය පාලනය ගැන​ නොහිතා විහින් මහත් වෙනවා.

නින්ද මදියි

නින්ද මදි වීමත් මහත් වෙන්නට ප්‍රධානම හේතුවක්. නින්ද මදි වුණාම අපිට සිද්ධ වෙන ප්‍රධානම දේ වෙන්නෙ විඩාබර වීම. මේ විඩාබර වීම මගහරින්නට මොළයෙන් අපි තවත් කැලරි සිරුරට ලබාගන්නට පොළඹවනවා. ඒ නිසා තමයි රෑට ඇහැරිලා ඉද්දි අපිට නිකමට ගිහින් ෆ්‍රිජ් එකේ දොර ඇරලා බලන්න හිතෙන්නෙ. අන්න ඒ නිසා සිරුරට නින්ද මදි කරගන්න එක බඩ ඉදිරියට නෙරා එන්න තරමේ ප්‍රශ්නයක් වේවි. අන්න ඒ නිසා රෑට ඇහැරිලාම ඉන්නවානම් දැනෙන කෙටි බගින්නට කන්න පළතුරක් ලඟ තියාගන්න.

කන මිතුරෝ

ඔයාටත් ඉන්නෙ හොඳට කන බොන මිතුරෝ නම් ඔයාගෙත් බඩ ඉදිරියට එන්නට එය හේතුවක් වේවි. බලන්න යාළුවොන්ගෙත් බඩ වැඩියි නම්, කට්ටිය නිතරම එකතු වුණාම කරන්නෙ කන බොන එක නම් ඉතිං ​මේ කාරණාව ගැන අමුතුවෙන් කියන්න දෙයක් නෑ. අපි කියන්නෙ මෙහෙම යාළුවොන්ව ආශ්‍රයෙන් ඈත් කරන්න කියලා නෙමෙයි. අපි කියන්නෙ මෙහෙම යාළුවොන්වත් යහමගට ගන්න කියලයි. කෙළින්ම ජිම් යමු කියන අදහස ඔලුවට දාන්න උවමනා වෙන්නෙ නෑ. යාළුවො එක්ක ඉන්ඩෝර් ක්‍රිකට් ගහන්න වගේ දේකට එකඟ කරවාගෙන තරමක් ගුණ දේවල් කන්න බොන්න පුරුදු වුණාම හරි.

එක තැනක

ඔයාගෙ මහත් වීමට එකම තැනක දිගු වෙලාවක් ඉන්න එකත් හේතුවක්. ඒකට ඉතිං කරන්න දෙයක් නෑ බොහෝවිට. මොකද බොහෝදෙනෙක් නිතරම එකම තැනක රැඳෙන්නෙ රැකියාව නිසානෙ. රැකියාව වෙනුවෙන් එකම තැනක වාඩි වෙලා වැඩ කරන එක සිරුරට හොඳ නැති නිසාම අපිට පුළුවන්. විනාඩි තිහකට පමණ වතාවක් පොඩ්ඩක් ඇවිදලා එන්න. ඒක සිරුරට වගේම මනසටත් හොඳයි. එකම තැන වාඩි වෙලා ඉන්න නිසා තරමක් අඩුවෙන් කෑම කන්න. ඒ වගේම රැකියාවට එද්දි වගේම රැකියාව අවසන් වෙලා යද්දි පොඩ්ඩක් දුර ඇවිදින්නත් පුළුවන්.

කම්මැලිකම

කම්මැලිකම නිසාත් මහත් වෙනවා. පොඩ්ඩක් එහාට මෙහාට වෙන්න කම්මැලිවුනාම මහත් වෙන එක අහන්නත් දෙයක්ද? පඩි පෙළ නගින්න කම්මැලි නිසා ලිෆ්ට් එකෙන් යනවා, පොඩි දුරක් පයින් යන්න අකමැති නිසා ටුක් එකක් යනවා වගේම, අතේ ගාගෙන කන්න අකමැති නිසා තෙලේ බැදපු ෂෝට් ඊට්ස් කනවා. ඉතිං මහත් වෙන එක අහන්නත් දෙයක්ද?

අවේලාව

අපි මේ කියන්නෙ අවේලාවෙ කරන අනිත් වැඩ ගැන නෙමෙයි. අවේලාවෙ කරන කෑම ගැන. ප්‍රධාන වේල් තුන ආහාර ගන්න එක අපි සාමාන්‍යයෙන් කරන දෙයක්නෙ. කෙට්ටු වෙන අයට දෙන උපදෙසක් තමයි වේල් පහක් විතර කෙටි ආහාරයක් පළතුරක් වගේ දෙයක් කන්න කියන එක. ඒ කියන්නෙ ලොකු ප්‍රධාන වේල් මගහැරලා, බත් පාන් වගේ දේවල් මගහැරලා.ඒ වුනත් අපේ අය මහත් වෙන ප්‍රධානම හේතුවක් තමයි මේ ප්‍රධාන ආහාර වේල් තුන කාලා ඉවර වෙලා, ඒ අතරටත් තවත් ආහාර ​ගන්න එක. ඒ දේවල් පළතුරක් වගේ ගුණ දෙයක් නොවී රෝල්ස් සමෝසා වගේ දෙයක් වෙන ඉඩ වැඩි නිසයි මේ මහත් වීම.

නොහිතන දේ

මහත් වෙන්න හේතුවක් විදියට අපි සාමාන්‍යයෙන් හේතුවක් විදියට නොහිතන දේත් වෙන්න පුලුවන්. ඔයා මහත් වෙන්නෙ නෑ කියලා හිතාගෙන නිතරම කන බොන දෙයක් වෙන්න පුළුවන්. ඒ වගේම ඔයාගෙ උප්පත්තියෙන්ම ඔයා මහත් වෙන කෙනෙක් වෙන්නත් ඉඩ තියෙනවා. ඒක ඔයා විසින් ක්‍රියාත්මක වෙලා අඩු කරගන්නෙ නැත්තං දිගටම ඔයා මහත් වේවි. ඒ වගේම අපි මින් පෙර ගත්තු මොකක්හරි බෙහෙතක අතුරුඵලයක් වෙන්නත් පුලුවන්. කවුද දන්නෙ? අපි නොහිතන දේ හේතු විදියට තියෙන්න පුළුවන්නෙ…

The post ඔයාව මහත් කරවන ප්‍රධානම හේතු appeared first on Lady.lk | Lady | Women | Lifestyle | Health | Beauty.

01. Fresh from the oven

If you are handy with an oven, this will be a definite winner in the baking department. Follow simple recipes available in the web or invent your own cookie mix. Adding less sugar and healthy ingredients like nuts and oats, which will help to improve taste as well as good health.

02. Mini herb garden

Does your mom love cooking? Then this will be a gift she would definitely love! Use empty curd pots to grow some useful herbs like mint, parsley, rosemary, lemon grass, pandan and curry leaves to create a mini herb garden.  The scent will be a refreshing addition to the kitchen.

03. Give a place to her trinkets 

This idea is for a busy mom who always keeps losing little jewelry items. Convert a cardboard or a wooden box into a trinket organizer using glitter papers, beads and pearls. A framed metal net is brilliant to hold earrings, and repainted metal tin cans make great bangle holders.

04. Upcycled bottle collage

If you have some great family photographs and a few bottles in different shapes, this could be your next big idea for Mother’s Day. Paint the bottles using bright or pastel shades and use paper clips to fix the photo into a cork. Place random wordings for more effect.

05. For her sweet tooth

Who doesn’t love jams, cordials and pickles without any artificial preservatives? We are sure your mom does too! Gift her a budget friendly, long lasting present such as mouthwatering ‘achchaaru’, homemade tomato sauce or a jar of traditional ‘Lunu dehi’ made with love to spice up her meals.

06. Organized sewing kit

For mothers who sew during their spare times, this will be an extremely thoughtful gift. Using cardboard partitions, convert an old biscuit tin or a plastic lunch box into a handy sewing box. Make it travel friendly by adding a handle, so your mom can enjoy her hobby anywhere!

07. Preserved flower magic

Bring the garden in to the living room this Mother’s Day by designing wall decorations with pressed flowers, the perfect gift for a gardener mom. You can create matching floral arrangements for separate living areas and get help from tutorials to add a touch of color to the overall finish. 

08. 53 reasons why

Though there are a million reasons why you love your mom, have you ever told her at least one? Let’s change the norm this Mother’s Day. Write down 53 reasons why you love her in a handmade scrap book and brighten her up each week until the next Mother’s Day!

A personalized gift for Mother’s Day, does not have to come only from an expensive gift shop. Mothers understand the love and thoughtfulness behind every fold, every whisk, and every brush stroke better than anyone. That expression of unconditional love alone, is the perfect gift we can ever give them.

The post Simple DIY gift ideas for Mother’s Day appeared first on Lady.lk | Lady | Women | Lifestyle | Health | Beauty.

මාස්ක් භාවිතය

අපි තාමත් එළියට යද්දි මාස්ක් එකක් පළඳිනවා. මේ මුහුණු ආවරණ පැළඳීම නිසා කොරෝනා රෝග ව්‍යාප්තියට පාලනයක් වෙනවා වගේම අනෙකුත් ලෙඩ රෝග පාලනයත් එය උදවුවක් වෙනවා. ඒ වගේම බොහෝදෙනෙක් නොහිතන දෙයක් වුනත් මින් පෙර සිටම අපි කළ යුතුව තිබුනු මහමග විෂ වායු අඝ්‍රානයත් මේ නිසා වැළකී යනවා. අන්න ඒ නිසාම කොරෝනා කාලයේ අපි දකින පළමු හොඳ දේ විදියට මාස්ක් භාවිතයේ වාසිය පෙන්වන්න පුළුවන් වගේම ඒ වෙනුවෙන් මිනිසුන් උනන්දු වීමත් පෙන්වන්න පුළුවන්.

අනවශ්‍ය ගමන් අවම වීම

ඕනෑම දෙයක් ඕනෑවට වැඩිය ඕනෑම නැති කියලා අපේ පුරාතනයේ කතාවක් තිබුනත් කොරෝනා නිසා වැට බැඳෙන්නට කලින් අපි බොහෝදෙනෙක් නිරන්තරයෙන් සතර අත සැරිසරන්න පුරුදු වෙලා හිටියා. සෙනග අතරේ ගැවසෙන්නට හේතු හදාගත්තා. අපිට අපේ විනෝදය වෙනුවෙන් කියලා ඒවා සාධාරණීකරණය කරන්නට පුළුවන් වුනත් අනවශ්‍ය දේ අනවශ්‍ය ලෙසින් ඕනෑඹ නැති නිසා මේ කොරෝනා කාලයේ දකින්නට ලැබුනු මේ නීති නිසා අපිට අනවශ්‍ය දේ බොහෝමයකින් අපිට වැළකෙන්නට පුළුවන් වුනා කියලා පැහැදිලියි.

ඊ – කොමර්ස් නැගීම

මේ දේ නම් ඇත්තටම මින් පෙර සිද්ධ වෙන්න තිබුනු දෙයක්. කොරෝනා නිසා ගමනාගමනය ඇණහිටපු නිසා බොහෝ ව්‍යාපාර ඊ-වානිජ ක්‍රමවේදයන්ට හුරු වුනා. ඒ වෙද්දි ලංකාවේ ප්‍රමුඛ පෙළේ සමාගම් පවා අත්හදා බලා නොතිබුනු ඔන්ලයින් ව්‍යාපාර ගණුදෙනු සහ ඩිලිවරි ක්‍රම මේ නිසාම ඉක්මනින් ආරම්භ වුනා. ඒවා මේ වෙද්දිත් සක්‍රීයව ක්‍රියාත්මකයි. ඒ වගේම ඉදිරියේදිත් ඒ දේවල් ඒ විදියටම දියුණු වේවි කියලා අපි විශ්වාස කරනවා.

ගෙදර සි​ට 

මින් පෙර බොහෝදෙනෙක් නොහිතපු එහෙත් කොරෝනා කාලේ සිද්ධ වුනු හොඳද නරකද කියලා හිතන්න බැරි දෙයක් වුනේ වර්ක් ෆ්‍රොම් හෝම් ක්‍රමවේදය. ඇත්තටම එය බොහෝ අතින් බැලුවාම හොඳ තත්ත්වයක්. උදාහරණයක් විදියට විශාල සමාගම්වල වායුසමීකරණ යන්ත්‍ර ඇතුළු යන්ත්‍ර අක්‍රීය කරවලා, මහමග මගීන් ප්‍රමාණය අඩු කරලා පරිසර දුම් ප්‍රශ්නයට විසඳුමක් දීලා, උදෑසනම තෙරපී කාර්යාලයට විත් අප්‍රසන්නව වැඩ අරඹනවා වෙනුවට නිදහසේ වැඩ අරඹන ක්‍රමවේදයක් කොයි තරම් හොඳයිද? 

අලුත් බිස්නස්

කොරෝනා නිසා බොහෝ ව්‍යාපාර බිඳ වැටුනා. එය හොඳ තත්ත්වයක් නෙමෙයි. ඒ වගේම මේ ව්‍යාපාර බිඳ වැටීම නිසා බොහෝ දෙනෙකුට රැකියා අහිමි වුනා. මේ රැකියා අහිමි වීමත් සමග බොහෝදෙනො තමන්ගේ හැකියාවෙන් වැඩක් ගන්නට උත්සුක වුනා. ඒ අලුත් ව්‍යාපාර ආරම්භ කිරීමෙන්. මේ විදියට පොඩියට තැනුනු අලුත් ව්‍යාපාර දැන් වසරක් ගත වෙද්දි බොහෝ උස් තැනකට ඇවිත්.

හොඳ විනෝදාංශ

අපිට ඉස්සර තිබුනු විනෝදාංශ ලැප්ටොප් එකකට ස්මාට්ෆෝන් එකකට සීමා වුනත් කොරෝනා සමගින් අපිට ගෙවතු වගාව, පොත් කියවීම වගේ හොඳ විනෝදාංශ කිහිපයක් ජීවිතයට ලංවුනා. ඒ වගේම සුවිශේෂී දෙයක් වුනේ බොහෝ අය තමන්ගේ ශරීර සෞඛ්‍යය ගැන හිතන්නත් මේ නිසා වෙලාවක් වෙන් කරගැනීම. ඒ වගේම බොහෝ විනෝදාංශ අතරේ තිබුනු ක්‍රීඩා පවුලේ ක්‍රීඩා විදියට හැඩගැහුනු නිසා ඉස්සරට වඩා පවුලේ එකමුතුවකුත් දකින්නට ලැබුනා.

The post කොරෝනා නිසා සිද්ධ වුණු හොඳ දේවල් 6ක් appeared first on Lady.lk | Lady | Women | Lifestyle | Health | Beauty.

වාත,සෙම්, කුෂ්ට, අක්ෂි, පණු, උණ ශ්වසන, අර්ශස් රෝග වලට එරෙහිව ක්‍රියා කරනවා. අක්මාව රැක දෙනවා. වැටීම් තැලීම් අස්ථි බිඳීම් ආදියේදී උපකාරයට එනවා. ප්‍රති ශක්තිය වර්ධනය කරනවා.
දරු උපත් වලදී මවගේ පහසුව හා සෞඛ්‍යය සඳහා කොහොඹ තෙල් විශේෂ දායකත්වයක් ලබා දෙනවා.
කොහොඹ උපත් පාලන හැකියාවෙන්ද, යුක්ත බව සඳහන්.
කොහොඹවල ඇති ජෙඩුනින් රසායනය පිළිකා නාශක ගුණයෙන් යුතු යි. එය මුඛ පිළිකා වළකන අතර සිරුරේ අනෙකුත් පිළිකා ඇතිවීම ද අවම කර දෙනවා .
කොහොඹ කොළවල ඇති විෂබීජ නාශක හා සිසිල ගුණ නිසා පැපොල රෝගීන්ගේ යහන්වල කොළ අතුරාලීමේ සිරිතක් පවතිනවා.

        *දියවැඩියා  රෝගීන්  දීනකට  කොහොඹ  කොළයක්  දෙකක් සපා  කන්නේ  නම් එම රෝගය පාලනය  වන  බව   සඳහන්.
        *ස්නායු  දුර්වලතා නිසා  ඇතිවන  හිසරදය  දුරු කිරීමට කොහොඹ වලට  හැකි  අතර ඒ සඳහා කොළ කොටා   එළකිරෙන්  තම්බා  අඹරා     උදෑසන  හිස ගල්වා පැය  තුනකට පසු   ඇල්දිය  නෑම ,දින  තුන හතරක්   කළ යුතුවනවා.
         *පැපොල   සරම්ප  රෝගවලින්  සෑදෙන  තුවාල  කැළැල්  මැකීමටත්  වෙනත් දද කුෂ්ට  රෝග  සුව කිරීමටත්   අමු කහ    කොහොඹ කොළ  සමග  කොටා  ආලේප කිරීමෙන්  හැකිවනවා. එමගින්  සියලු  විෂබීජ  විනාශව  සම නිරෝගිව  පැහැපත් වන බව  සඳහන් .
         *දලු කොළ යුෂ ද  බැක්ටීරියා  ආසාදන   දුරුකර  කුරුළෑ  ලප  ඉවත්කර  සම නිරෝගි  කරන්නක්.
         *සම  පැහැපත්වීම  සඳහා  කොළ  තම්බා බීම  මෙන් ම,     කොළ  යුෂ   එළකිරි  සමග   බීමද  පලදායක යි.   එළ කිරි මිශ්‍ර පානයෙන්   මල  බුරුල්වීමද  සිදුවනවා.
         * කොහොඹ  පොතු  තැම්බූ  ජලය  හෝ  කොළ  යුෂ  සතියකට  වරක් උදෑසන  හිස්බඩ  පානය  කිරීමෙන්,  මල  බුරුල්වීම  මෙන්ම    ලේ  පිරිසිදු වීම ද  සිදුවනවා. 
         * ඇස් රෝග  ඇතිවිට  අමු කහ  සමග  කොළ  තම්බා  ඇස්  සේදීමෙන්  සහන   ලබාගත  හැකියි.
        * කොහොඹ  කොළ  යුෂ  මීපැණි  සමග පානය  කිරීමෙන්  සෙංගමාලයත්,  සෙම් රෝගත්  පාලනයවෙනවා.
        *තුවාල නිසා ඇතිවන  කැසීම්  වැළැක්ව්මට   කොහොඹවලට  හැකි  යි.  ඒ සඳහා  කොළ  යුෂ,  නෙල්ලි  යුෂ හා  එළඟි තෙල්  සමග   උදය  සවස   බොන්නට  දෙනවා.
         *කොහොඹ පණු  රෝග දුරු  කරන  අතර  ඒ සඳහා  කොළ  යුෂ  මේස හැන්දක්   මීපැණි  තේ හැඳි  දෙකක්    සමග     දින  දෙකක්  හිස්බඩ පානය  කළ යුතු බව   සඳහන්.

         ඉස්සොරි  දුරු කරමින්  හිස කෙස්  නීරෝගිව වවා ගැනීමට,   කොහොඹ කොළ  අමුකහ  සමග  අඹරා  ගොඩපර  නානු   සමග   මිශ්‍රකර  හිස් කබලේ  තවරා  හොඳින්  සම්බාහනය  කර   විනාඩි  20 කින්  පමණ  සෝදා  හැරීම  සුදුසුයි. 

මෙම සත්කාරය සෙම් පීනස් රෝග ඇතිවිට සුදුසු නැහැ .
කොහොඹ කොළ තම්බා හිස සේදීමද හිසකෙස් වලට හිත කරයි.
කොහොඹ කොළ යුෂ කහ සමග මිශ්‍රකර සිරුරේ ගැල්වීමෙන් සිරුර පැහැපත්කර ගැනීමට ඈත අතීතයේ සිටම ඉන්දියානු කාන්තාවන් පුරුදුව සිටිනවා. ඔවුන්,ඒ සඳහා කොහොඹ දලු වියලා ගත් කුඩු ද භාවිතා කරනවා.
කොහොඹවල ඇති සමටත් හිසටත් සුවිශේෂ ගුණ නිසා එමගින් විවිධ සබන් ෂැම්පු ආලේපන ද වෙළඳ පොළට නිෂ්පාදනය වී තිබෙනවා.

මුහුණට කොහොඹ සත්කාර

*ආසාදන දුරලීමට
වතුර කෝප්පයකට කොහොඹ, කොළ 15-20 ක් දමා බාගයක් වනතුරු සිඳුවා එම ජලයෙන් මුහුණ කීපවිටක් සේදීම

• කුරුලෑවලට
  කොහොඹ කොළ 15-20 ක් ජලය සමග රත්කර අඹරා පල්පයක් සදා කුරුලෑවල තවරා වේලෙන්නට හැර සෝදා හැරීම
  *කොළ අමු කහ සමග කොටා ගැල්වීම

*සමේ තෙල් වැඩි ගතියට
කොහොඹ කොළ අඹරා පල්ප කර ඊට ලෙමන් යුෂ බිංදු 4-5ක් එක්කර තවරා විනාඩි 20 කුන් සෝදා හැරීම

*වියළි සමට
කොළ 10-12ක් පල්පකර මිදි ඇට තෙල් බිංදු 3-4 යොදා මුහුණේ තවරා විනාඩි20 කින් සෝදා හැරීම.

*බ්ලැක් හෙඩ්ස් වලට
කොහොඹ තෙල් ගා වතුර සමව ගෙන මිශ්‍රකර කළු ලප ඇති තන්හි ගල්වා. විනාඩි 10 කින් සෝදා හැරීම
මෙය දිගටම කිරීමෙන් කළුලප සෑදීමද නවතිනු ඇති.

*මුහුණ පැහැපත් කිරීමට
කොහොඹ කොළ 10-15 ක පල්පය අඹරාගත් කහ කෑලි හා ජලය මිශ්‍ර කර තවරා විනාඩි 20 කින් සෝදා හැරීම.
උපුටා හැනීමකි.

The post කොහොඹ පැලයක් ඔබේ ගෙවත්තේත් රෝපණය කරන්න appeared first on Lady.lk | Lady | Women | Lifestyle | Health | Beauty.

The post snake plant එකක් ගෙදරක තබා ගැනීමෙන් ඇතිවන වාසී appeared first on Lady.lk | Lady | Women | Lifestyle | Health | Beauty.