Jim Carrey

මේ වන විට චිත්‍රපට 42 කට, tv series 17 කට සහ documentaries 16 කට සහභාගීත්වය ලබා දී ඇති jim Carrey උපත ලබා ඇත්තේ කැනේඩියානු ජාතිකයෙකු විදියටයි. සහෝදර සහෝදරියන් තිදෙනෙක් සමඟ හැදී වැඩුණු මොහුට පවුලේ අගහිඟකම් නිසාම ඉගෙනීම අතහැර රැකියාවක නිරත වන්නට සිදුවෙන්නේ වයස අවුරුදු 15 දියි. ජීවත් වන්නට නිවසක් නොතිබීම නිසා තමන්ගේ පවුලට van රථයක් තුළ ජීවත් වන්නට පවා සිදුවුණු බවත් ඔහු පසුව හෙළිකර තියෙනවා. කොහොම වුණත්, නළුවෙක්, නිෂ්පාදකවරයෙක්, රචකයෙක් සහ comedian කෙනෙක් වශයෙන් ක්‍රියාකරමින් ඩොලර් බිලියන 2.5ක දළ වත්කමක් උපයාගන්නට සමත්වූ ඔහුට ලොව පුරා රසිකයින් බොහෝ පිරිසකගේ ආදරය දිනා ගන්නටත් හැකියාව ලැබි තියෙනවා. 

Oprah Winfrey

මිසිසිපි ආශ්‍රිත දුෂ්කර ගමක පිහිටි තම ආච්චි අම්මාගේ ගොවිපළේ තමන්ගේ කටුක ළමා විය ගතකළ ඇය ඉන් පසුව ස්ථීර වාසයක් නොමැතිව ස්ථාන කිහිපයකම ජීවත්ව ඇති බව පැවසෙනවා. ලිංගික අඩන්තේට්ටම්, අඟහිඟකම් සහ නොයෙකුත් දුෂ්කරතාවලට මුහුණ දී පසුකාලීනව තමන්ගේ අධ්‍යාපනය අතරමඟ නවතා දමා මාධ්‍යවේදිනියක් විදියට සේවය කරන්නට යොමුවන Oprah මේ වන විට ධනවත්ම self-made කාන්තාවන් අතර ඉහළම තැනක වැජඹෙන්නට සමත්ව සිටිනවා. ව්‍යවසායිකාවක් හා වැඩසටහන් ඉදිරිපත් කරන්නියක් විදියට ඉමහත් ජනප්‍රියත්වයක් හිමි කරගෙන ඇති ඇයගේ දළ වත්කම ඩොලර් බිලියන 2.6ක් වශයෙන් සඳහන් වෙනවා.

Howard Schultz

වසර ගණනාවක් මුළුල්ලේම ලෝක ප්‍රසිද්ධ starbucks ආයතනයේ CEO තනතුර දැරූ Howard Schultzගේ දළ වත්කම ඩොලර් බිලියන 4.3ක් පමණ වන බව කියැවෙනවා. සාර්ථක පුද්ගලයෙකු බවට පත්වීම සඳහා තමන්ට උත්තේජනයක් වූයේ, තමන්ගේම දෙමව්පියන් ජීවත් වීම ගෙනගිය අරගලය සහ ඔවුන්ගේ දිළිඳුකම බවත්, ඔහුගේ පවුලෙන් උපාධියක් හිමි කරගන්නට තරම් අධ්‍යාපනයක් ලත් පළමු තැනැත්තා තමන් වූ බවත් ඔහු පසුව සඳහන් කර තියෙනවා.

Stephen King

Horror ගණයට අයත් නවකතා ලියා පළකිරීම  මඟින් ඉමහත් ප්‍රසිද්ධියක් අත් පත් කරගෙන සිටින මෙම වියපත් ලේඛකයාගේ දළ වත්කම මේ වනවිට ඩොලර් මිලියන 500ක් පමණ වනවා. ඒ වගේම තමයි “King of horror” වශයෙන් විරුදාවලියකුත් හිමි කරගෙන සිටින ඔහුගේ පොත් පිටපත් මිලියන 350ක් පමණ විකිණි තිබීම සුවිශේෂී කරුණක් විදියට පෙන්වන්න පුළුවන්. කොහොම වුණත් ඔහු කුඩා කාලයේදීම මව්පියන් එකිනෙකාගෙන් වෙන් වීමත්, ආර්ථික දුෂ්කරතාවලට මුහුණ දීමට සිදුවීම නිසාත් ඔහුගේ ළමාවියත් එතරම් සතුටුදායක එකක් නම් නොවූ බවටයි සඳහන් වෙන්නේ.

Charlize Theron

අගහිඟකම් සහ අඬ දබර වලින් පිරුණු පවුලක උපත ලැබූ මේ සුරූපි නිළිය කුඩා කාලයේදි දැඩි ලෙස කායිකව හා මානසිකව පීඩනයට පත්වූ තැනැත්තියක් ව සිටි බව පැවසෙනවා. ඇය ලැබූ නරකම අත්දැකීම වශයෙන් හඳුන්වා ඇත්තේ ආත්ම ආරක්ෂාව වෙනුවෙන් ඇයගේම මව විසින් ඇගේ පියාව ඝාතනයට ලක් කිරීමයි. ලොව පුරා කෝටි සංඛ්‍යාත රසික පිරිසකගේ ආදරයට පත්වූ සහ ප්‍රධාන පෙළේ සම්මාන කිහිපයකින්ම පිදුම් ලැබූ ඇයගේ දළ වත්කම ඩොලර් බිලියන 160ක් පමණ වනවා.

Celine Dion

සුප්‍රකට Titanic චිත්‍රපටයේ තේමා ගීතය ගායනා කළ ඇයගේ දළ වත්කම ඩොලර් මිලියන 800ක් වශයෙන් සඳහන් වෙනවා. සහෝදර සහෝදරියන් 13 දෙනෙක්ගේ බාලම සොයුරිය වශයෙන් උපත ලැබූ ඇයගේ ළමා විය අගහිඟකම්වලින් ගහණ එකක්ව පැවතුණු අතර පසුකාලීනව එම තත්ත්වයෙන් ඔවුන් මිදුනේ Celin ගෙන් ලද සහය නිසා බවත් කියැවෙනවා.

Jan Koum

උපතින් යුක්‍රේන ජාතිකයෙක් වන මොහු වයස අවුරුදු 16 දි ඇමෙරිකාවට සංක්‍රමණය වී තියෙනවා. ජීවත් වීමට තරම් ආදායමක් සොයාගැනීම සඳහා කඩ සාප්පුවල බිම පිරිසිදු කිරීම පවා සිදුකළ Koum තමන්ගේම උත්සහයෙන් පරිඝනක විද්‍යාව හැදෑරූ පුද්ගලයෙක් වශයෙන් සඳහන් වෙනවා. පසුව 2009 වර්ෂයේදී WhatsApp නිර්මාණය සඳහා දායකත්වය ලබා දුන් මොහුගේ දළ වත්කම මේ වනවිට ඩොලර් බිලියන 12ක් පමණ වන බව කියැවෙනවා.

The post කටුක ළමා වියක් ගෙවා පසුව සාර්ථකත්වයට පත් වූ පුද්ගලයින් appeared first on Lady.lk | Lady | Women | Lifestyle | Health | Beauty.

මාග්‍රට් තැචර් (Margaret Thatcher) 

1925 වසරේ ඔක්තෝබර් 13 වෙනිදා උපන් මාග්‍රට් ත්‍රැචර් “Iron Lady” කියන අන්වර්ථ නාමයෙන් හඳුන්වන අතර ඇය වසර 11ක් පුරාවට එක්සත් රාජධානියේ අගමැති ධූරය හොබවමින් තම ජාතියට සේවය කළා. රසායන විද්‍යාව පිළිබඳ උපාධිදාරිනියක්, අධි නීතීඥවරියක්, පාර්ලිමේන්තු සභිකාවක් වූ ඇය එරට පාර්ලිමේන්තුවේ ප්‍රධාන විපක්ෂයක් මෙහෙයවූ ප්‍රථම කාන්තාව වශයෙන් ද සැළකෙනවා. රටේ ආර්ථිකය නැංවීමට ඉමහත් වෙහෙසක් දැරූ නායිකාවක් ලෙස නම් දැරූ මාග්‍රට් ත්‍රැචර් 1990 දි තම දේශපාලන දිවියෙන් සමුගන්නවා. ආගමික දේශකයෙකු වූ පියා විසින් කුඩා අවධියේ දී දැඩි ආගමානූකූව ඇති දැඩි කිරීමට උත්සහ කළත්, එවැනි දේ ගැන විශ්වාසයක් නොදැක්වූ තැනැත්තියක් වූ ඇය පාසල් කාලයේ දී අධ්‍යාපනයට මෙන්ම විෂය බාහිර ක්‍රියාකාරකම් වලටත් එකසේ දක්ෂතාවය දැක්වූ උද්‍යෝගිමත් තරුණියක් බවට පත්වුණා. 2013 දි මිය ගිය මාග්‍රට් ත්‍රැචර් ලෝක දේශපාලන ඉතිහාසයේ නොමැකෙන ලෙස තම නම සනිටුහන් කරගැනීමට සමත් වූ දේශපාලනික නායිකාවක් වශයෙන් හැඳින්වීමට හැකිවනවා.

මාරි කියුරි (Marie Curie)

1867 වර්ෂයේ නොවැම්බර් මස 7 වැනිදා වැඩිමල් සහෝදර සහෝදරියන් සිව් දෙනෙක්ට පසුව උපත ලැබූ පෝලන්ත ජාතිකයෙක් වන ඇය පසුව ප්‍රංශයට සංක්‍රමණය වුණා. පෝලන්තයේ එවකට පැවති දේශපාලනික තත්ත්වය නිසා ඔවුන්ට පවුලේ දේපළ සියල්ල අහිමිවූ අතර මේ නිසා ඔවුන්ගේ ජීවිත අඟහිඟකම්වලින් පිරුණු ඒවා බවට පත් වුණා. පසුකාලීනව භෞතික විද්‍යාව සහ රසායන විද්‍යාව පිළිබඳව හදාරා සෝබෝන් විශ්ව විද්‍යාලයේ පළමු මහාචාර්‍යවරිය බවට පත්වීමට සමත් වූ ඇය විසින් සිදු කළ පර්‍යේෂණ අතර විකිරණශීලීත්වය පිළිබඳව පර්‍යේෂණ ප්‍රධානකොට සැළකෙනවා. නොබෙල් ත්‍යාගය හිමි කරගත් ප්‍රථම කාන්තාව, නොබෙල් ත්‍යාගය දෙවරක් දිනාගත් ප්‍රථම කාන්තාව, එකිනෙකට වෙනස් විද්‍යා විෂයයන් දෙකකින් නොබෙල් ත්‍යාගය දිනූ ප්‍රථම කාන්තාව වශයෙන් ලෝක ප්‍රකට වූ ඇය 1934 වසරේදී අභාවයට පත්වුණා.

ජේ. කේ රෝලින් (Joanne Kathleen Rowling)

ළමා වැඩිහිටි කවුරුත් ප්‍රිය කරන හැරී පොටර් පොත් පෙළෙහි රචිකාවිය වන ඇය මේ පොත් මාලාව නිසා බිලියනපතිනියක් වූ අතර සාහිත්‍ය ලෝකයේ එවැනි තත්ත්වයක් ලබා ගත් පළමු කතුවරිය ලෙස සැළකෙනවා. තම මවගේ අභාවයත්, හිංසා පීඩා සහිත විවාහයත්, දික්කසාදයත්, කුඩා දියණියක හා තනිවීමත් නිසා මානසික පසුබෑමට ලක්වීමටත්, රැකියා විරහිත බව නිසා ආර්ථික අපහසුතාවලට ලක්වීමටත් සිදුවූ ඇය විශාදයෙන් පීඩා විඳි බව ද ඇය විසින් පසුව හෙළිකරනවා. මුල් ම හැරී පොටර් කෘති වන Harry potter and the philosopher’s’ stone කෘතිය ප්‍රකාශකයින් 12 දෙනෙක් අතින් ප්‍රතික්ශේප වූ නමුත් ප්‍රකාශයට පත්වූ පසු විශාල වශයෙන් විකිණුනු අතර සම්මාන ගණනාවක් දිනා ගැනීමටත් සමත් වුණා. පසුව චිත්‍රපට පිටපත් රචිකාවියක්, චිත්‍රපට නිෂ්පාදිකාවක් සහ රූපවාහිනී වැඩසටහන් නිෂ්පාදිකාවක් වශයෙනුත් ක්‍රියා කළ ඇය තමන් උපයා ගත් ධනයෙන් වැඩි කොටසක් සමාජ සුබසාධනය වෙනුවෙන් යොදවමින් මේ වන විට සාර්ථක ජීවිතයක් ගෙවමින් සිටිනවා. 

රෝසා පාර්ක්ස් (Rosa Parks)

අප්‍රිකානු- ඇමෙරිකානු සම්භවයක් සහිතව උපත ලැබූ රෝසා පාර්ක්ස් වර්ණභේද වාදයට විරුද්ධව නැඟී සිටි සහ කලු ජාතිකයින්ගේ අයිතිවාසිකම් වෙනුවෙන් පෙනී සිටි සමාජ ක්‍රියාකාරිනියක් වශයෙන් ඉතිහාසගත වූ දිරිය කාන්තාවක් වශයෙන් හැඳින්වෙනවා. 1955 දෙසැම්බර් පළමුවැනිදාවක ඇය තමන් ගමන් ගනිමින් සිටි බසයේ තමන් වාඩිවී සිටි අසුන සුදු ජාතිකයෙකුට ලබා දීම ප්‍රතික්ශේප කරන අතර නීති රීතිවලට අවනත නොවීම යන චෝදනාව යටතේ නීතිය ඉදිරියට පමුණුවනු ලබනවා. නීතියෙන් ඇය වැරදිකාරිනියක වශයෙන් නම් කළත් මේ සිද්ධිය අරභයා මොන්ට්ගොමරි නගරයේ වාසය කළ සියලු කලු ජාතිකයින් බස් රථවල ගමන් බිමන් යෑම වර්ජනය කරමින් තමන්ට සිදුවන අසාධාරණයට විරුද්ධව නැඟී සිටිනවා. වසරක් පුරාවට ඇදී යන මෙම වර්ජනය පසුව අවසන් වන්නේ බස් හිමියන් ගෙනගිය අසාධාරණ නීති රීති අහෝසි කරමින් වන අතර තමන් නිර්භීතව ගත් පියවර තම වර්ගයාගේ සුබසිද්ධියට හේතු වන ආකාරය අසමින් දකිමින් 2005 වසරේදී ඇය අභාවප්‍රාප්ත වෙනවා.

එමා වොට්සන් (Emma watson)

සුප්‍රසිද්ධ හැරී පොටර් චිත්‍රපට මාලාවේ හර්මයිනි ග්‍රැන්ජර් විදියට රඟපාන මේ අතිදක්ෂ සහ සුරූපි යුවතිය නිළියක් පමණක් නොව කාන්තා හා ළමා අයිතිවාසිකම් වෙනුවෙන් පෙනී සිටින සමාජ ක්‍රියාකාරිනියක් සහ ඉංග්‍රීසි සාහිත්‍ය පිළිබඳ උපාධිදාරිනියක් ද වෙනවා. තමන් කුඩා අවධියේදී සිදුවූ මව්පියන්ගේ දික්කසාදයත්, දැරියක වශයෙන් පීඩා විඳි ADHD තත්ත්වයත්, කුඩා අවධියේදී ම ලැබූ අසීමිත ජනප්‍රියත්වයත්, ධනයත් තම සාර්ථකත්වයට බාධාවක් කර නොගත් ඇය කැපවීමෙන් සහ උත්සහයෙන් තමන්ගේ සිහින සැබෑකරගන්නට වෙර දරන තරුණ දැරියන්ට සැබෑ ම ආදර්ශයක් වනවා.

The post බාධක මැඩගෙන ලෝකප්‍රකට වූ කාන්තා චරිත 5ක්. appeared first on Lady.lk | Lady | Women | Lifestyle | Health | Beauty.

ඇයි ගනං ගන්නෙ?

ඇත්තටම ඇයි අපිව පහළට අදින අයව ගනන් ගන්නෙ? කොහොමත් සාමාන්‍යයෙන් පවතින ක්‍රමයට වඩා වෙනස් වුණු ගමන් වටපිටාවේ මිනිස්සුන්ට අපි මහා වැරැද්දක් කරා වගේ දැනෙන්න පුළුවන්. ඒ නිසා තමයි බොහෝ දෙනා අනිකාගෙ ඇඳුම පවා තමන්ට ඕන විදියට හරිගස්සන්න උත්සාහ කරන්නෙ. ඉතිං තවත් අයගෙ විනිශ්චයට හසු වෙයි කියා හෝ අපි මේ දේ නොපිළිගත්තොත් අනිත් අයගේ හිත් රිදෙයි කියලා අපේ ආශාවන් මගහැරගන්න එක අපි අපේ කෙටි ජීවිතයට කරන ලොකු නරකක්. ඒ නිසා යමක් අපිට හොඳද නරකද කියන දේ තීරණය කරලා, වැරදි මතවලට හිස නොනමා ඉන්න පුරුදු නොවෙන තාක්කල් අපිට මේ ප්‍රශ්නයෙන් ගැලවෙන්න වෙන්නෙ නෑ. 

මේ මොහොතේ පවතින්න

මේ මොහොතේ ඔයාගෙ හිතට සතුටුම දේ මොකද්ද? ජීවිතේ ඉස්සරහ යම් මොහොතක මේ දේ ආයෙත් කරන්න ඔයාට අවස්ථාවක් නොලැබෙන්නට පුළුවන්. සමහරවිට මේ දේ නිසා ඔයාගෙ ජීවිතේට හොඳක් වෙන්න පුළුවන්. නැත්නම් ඔයා අනාගතය වෙනුවෙන් වටින පාඩමක් ඉගෙනගත්තා වෙන්නට පුළුවන්. ඇත්තටම ඔයාට ඔයා ගැන උපදෙස් දෙන අය ඔයාගෙ හිත ඇතුළෙ ඇති කරන අනියත බයවල් බොහෝමයක් අපිට පාලනය කරන්න පුළුවන් දේවල් නෙමෙයි වගේම ඕනම කෙනෙකුට ඕනම මොහොතක සිද්ධ වෙන්න පුළුවන් විදියෙ දේවල්. ඒ නිසා ඒ දේවල් ප්‍රශ්නයක් කරගන්න එපා.

එයාලට අපිව වැඩක් නෑ

අපේ ජීවිතවලට බලෙන් ඇවිත්, අපේ ජීවිත එයාලට ඕන විදියට හැඩගස්වන්න හදන හුඟක් දෙනෙක් අපි වෙනුවෙන් ඉඳීවි කියලා ඔයා හිතනවද? දැන් කසාද බඳින්න, දැන් ළමයි හදන්න, ඇඟ සම්පූර්ණයෙන් වැහෙන්න ඇඳුම් අඳින්න, දැන් රස්සාවෙන් අස්වෙන්න, ගෙදර වැඩ ඔක්කොම තනියම කරන්න කියලා ඔයාට කියන අය ඔයාට දැනෙන අපහසුවකදී හෝ ඔයා මුහුණ දෙන අමාරු තත්ත්වයකදී උදවුවට එනවද? අඩුම තරමේ ඔවුන් කියන දේ කරලා ඔයාට වැරදුණු දවසක ඒ අය ඉඳීවිද? අනික අපිට හැමෝවම සතුටු කරන්න බැහැ. ඒ වගේම හැමෝම අපිව සතුටු කරන්නෙත් නැහැ. ඒ නිසා අනුන්ගේ හිත් රිදෙයි කියලා ඔයාගේ ජීවිතයට රිද්දගන්න එපා.

තමන්ව විශ්වාස කරන්න

මේ සටහනේ වැදගත්ම පොයින්ට් එක වෙන්නෙ මේක. ඇත්තටම අපිට අපිව විශ්වාස නම් කොයි කවුරු මොන දේ කිවුවත් ඒකෙන් අපේ ජීවිතයට බළපෑමක් කරන්න ලැබෙන්නෙ නෑ. ඒ ඇයි? අපිට අපිව විශ්වාසයි. ඔයා කරන දේ ගැන සහ ඒකෙන් සිද්ධ වෙන දේ ගැන, තමුන් සම්බන්ධයෙන් විශ්වාසයක් තියෙන කෙනෙකුට වැරදෙන්න තියෙන ඉඩ අඩුයි වගේම වැරදුනත් ආයෙ නැගිටින්න තියෙන හැකියාවත් වැඩියි. අන්න ඒ නිසා තමුන් ගැන විශ්වාසය වැඩි කරගන්න එක මේ ප්‍රශ්නයට හොඳම සාර්ථකම විසඳුම විදියට අපි දකිනවා.

අත දෙන මිනිස්සු

මේ ප්‍රශ්නයට අපිව ශක්තිමත් කරගන්න පුළුවන් තවත් හොඳ විදියක් වන්නේ තමුන් විදියට ජීවත් වෙන වගේම තමුන්ට අත දෙන මිත්‍රයන් ආශ්‍රය කිරීම. එහෙම අය ඔයාව මග දාලා යන්නෙ නෑ වගේම ඔයා මනසින් වැටුනොත් ඒ අය ඔයාව ශක්තිමත් කරාවි. මොකද ඒ අය ඔයාගේ හීනයේ වටිනාකම දන්නවා. සහ ඒ නිතරම අපිව වෙනස් කරන්නට උත්සාහ කරන මිනිස්සු අතරේ ඒ අය අපි කරන දේට උදවු කරනවා. මෙහෙම අය හොයාගන්න අමාරු වුනත් හොයාගන්න බැරි නෑ. 

The post සමහරු කියන කතා නිසා ඔයා ආසා දේ නොකර ඉන්න කෙනෙක් නම් මේක අනිවාර්යයෙන් කියවන්න appeared first on Lady.lk | Lady | Women | Lifestyle | Health | Beauty.

1. කෙනෙක් ඕනවට වඩා හුඟක් වෙලා නිදාගන්නවා නම්, එයා හුඟක් ලොකු දුකකින් ඉන්න කෙනෙක්. ඒ කියන්නෙ එයාගෙ හිත ඇතුළෙ ලොකු දුකක් තියෙනවා.
2. කෙනෙක් ඕනවට වඩා කෑම ගන්නවා නම්, එයා ලොකු මානසික පීඩනයක ඉන්න කෙනෙක්.
3. කෙනෙක්ට පුංචි දේකටත් කේන්ති යනවා නම්, එයාට කාගෙ හෝ රැකවරණය, අවධානය, ආදරය තදින්ම බලාපොරොත්තු වෙනවා.
4. කෙනෙක් ඕනවට වඩා හිනා වෙනවා නම්, එයා හිතින් ගොඩක් දුක් විඳින කෙනෙක්.

ඉතින් ඔයාලගෙ වටේ ඉන්න අයට ඇහුම්කන් දෙන්න. එයාලා ප්‍රශ්නයක් කිව්වොත් පුංචි වෙලාවක් එයා වෙනුවෙන් වෙන් කරන්න. එයාගෙ ළඟින් ඉන්න. එයාට එක වචනෙකින් හරි උදව්වක් වෙන්න.

ඔයාට පුළුවන් වෙයි තව කෙනෙක්ගෙ ජීවිතයට මොහොතකට හරි ශක්තියක් වෙන්න. හැම වෙලේම මෙහෙම කෙනෙක්ට ආලෝකයක් වෙන්න.

The post ඔයාට පුළුවන් වෙයි තව කෙනෙක්ගෙ ජීවිතයට මොහොතකට හරි ශක්තියක් වෙන්න appeared first on Lady.lk | Lady | Women | Lifestyle | Health | Beauty.

අපි සාමාන්‍යෙන් නිතර හිතන දේවල් වල සාරාංශයක් තමයි යටිසිතට යන්නෙ. ඒ ලැබෙන සාරාංශය අනුව තමයි අපේ ජීවිතේ දේවල් තීරණය වෙන්නෙ.

(1) අපිට ඕන කරන දේ ගැන හරිම Idea එකක් යටිසිතට දෙන්න.

අපෙ යටිසිතට එහෙන් මෙහෙන් කියන දේවල් තේරුම් ගන්න අමාරුයි. ඒ නිසා හරියටම කියලා තියන්න ඕන අපිට අවශ්‍ය දේ.

Example

• මට ඕන සුපිරියටම English හදාගන්න. හරියට නිකම් යුරෝප් කෙනෙක් කතා කරනවා වගේ.

• මට මේ subject එකට A එකක් ඕන…

මේ වගේ ඔයාට ඕනම Goal එකක් ගැන ඕනම idea එකක් ගන්න ලියන්න පැහැදිලිව.

(2) වටාපිටාව ඔයාගෙ අරමුණ වෙනුවෙන් ලෑස්ති කරගන්න.

අපේ පංචේන්ද්‍රියන්ගෙන් ලැබෙන දේවල් වලින් තමයි උඩුසිතේ සාමාන්‍ය සිතුවිලි හටගන්නෙ. ඒ වගේම ඉස්සෙල්ලා කිව්ව විදියට උඩුසිතේ සිතුවිලි වල සාරාංශය යටිසිත අරගෙන, ඒ අනුව තමයි අපේ ජීවීතේ පාලනය කරන්නෙ.

ඉතින් , අපේ වටාපිටාව පුලුවන් තරම් අපෙ අරමුණට ගැලපෙන විදියට හදාගෙන නිතර හටගන්න සිතුවිලි වෙනස් කරගෙන අපේ අරමුණට යන්න පුදුම තරම් උදව්වක් ගන්න පුලුවන්.

වටාපිටාව හදාගන්න විදිය ,

• අරමුණට ගැලපෙන මිනිස්සු ආශ්‍රය කරන්න.
• නිතරම ඉන්න තැන අරමුණට අදාල දේවල් පෙනෙන්න තියාගන්න.

(3) නිදාගන්න කලින් ඔයාගෙ Goal එක visualize කරන්න.

මේ වෙලාවට අපෙ මානසික මට්ටම ඉහලම තැනක තියෙන්නෙ. අපි හිතන දෙයක් ලේසියෙන් යටිසිතට යනවා.
ඔයාගෙ Goal එකට ගිහින් ඉන්න විදිය film එකක් වගේ පැහැදිලිවම visualize කරන්න.හැමදාම නැතත් පුලුවන් දවස්වලට කරන්න.

(4) Goal එක දිනාගත් විදියට හැසිරෙන්න.

අපෙ යටිසිත පොඩි ලමයෙක් වගේ රැවටෙනවා.ඔයා වර්තමානයේ ඉන්න විදිය තමයි එයා පිලිගන්නෙ.

ඉතින් ඔයා දැනටමත් Goal එක දිනාගත් විදියට හැසිරෙන්න. ඉතින් යටිසිත ඒකට රැවටිලා ඔයාට ඒ තත්වය ලබාදෙනවා.

Example

ඔයාට ප්‍රංශ භාෂාව හොදින් ඉගෙනගන්න goal එකක් තියනවම්,, ඒ භාෂාවෙන් තියන දෙයක් කියවලා තේරුනත් නැතත් තේරුනා කියලා හිතන්න.සතුටු වෙන්න.

(5) යටිසිත වර්ණනා කරන්න. එයාට ස්තූති කරන්න.

යටිසිත හරිම කැමතියි එයාව වර්ණනා කරනවට එයාට ස්තූති කරනවට.. ඔයා සුපිරියි , මාරම දක්ෂයි කියමින් වර්ණනා කරන්න. ඔයාගෙ Goal එකට අදාල / අදාල නොවන පුංචිම දිනුමකදි වුනත් එයාට ස්තූති කරන්න . එයා නිසා මේ ලැබුන දෙයට..

• ඔයාව කෙනෙක් වර්ණනා කරලා thanks කලොත් ඔයාට ඒ කෙනා වෙනුවෙන් අවංක හැගීමක් එනවා නේද ?
ඉතින් මේ විදියට යටිසිත වර්ණනා කිරීම කියන්නෙ ඔයාට ඔයා වෙනුවෙන් දෙන්න පුලුවන් සුපිරිම self motivation එකක්..

සාමාන්‍යයෙන් යටිසිත අවදි වෙන්න දින 21- 90 ත් අතර කාලයක් ගත වෙනවා. එකිනෙකාගේ පුරුදු ,හැසීරීම් අනුව ඒක වෙනස් වෙනවා. විශ්වාසයෙන් දිගටම මේ දේවල් කරගෙන යන්න.

” මැජික් තියෙන්නෙ ඔයා තුලමයි”

උපුටා ගැනීමකි.

The post ඔයාගේ ඕනම Goal එකකට යන්න , යටිසිත අවදි කරමු දවස් 21න්.. appeared first on Lady.lk | Lady | Women | Lifestyle | Health | Beauty.

රටේ සංවර්ධනය ගැන අපි හැමෝම කතාකරනවා. හැබැයි ඔබ නිකමටවත් හිතලා තියෙනවද ඔබ ළඟ තියෙන සමහර වැරදි පුරුදුත් වක්‍රාකාරව රටේ සංවර්ධනය අඩාල කරන්න දායකවෙලා කියලා. කිසිම දෙයක් කව්රුත් වෙනස් කරනකන් බලන් ඉන්න එපා.අපටත් පුළුවන් රටේ සංවර්ධනයට දායක වෙන්න. ඒ වෙනුවෙන් ඔබ  කරන එක වැරදි පුරුද්දක් හරි  අතහැරලා දාන්න.

ඒ වගේ සමහර පුරුදු නිසා පරිසරයට සිදු වී ඇති හානිය ගණන් බලා විස්තර කරන්න බැරි තරම්. නිකමට හිතන්න අපි කසල අපහරණය කරන විදිහ හරිද වැරදිද කියලා? අපි හැමෝම පුරුදු වෙලා ඉන්නේ ටොෆියක් කෑවත් කොලේ බිමට දාන්න. ඇතැම් ඒවා දිරාපත් වෙන්න දීර්ඝ කාලයක් ගතවෙනවා. සිල්ලර කඩයක් ඉස්සරහට ගිහින් නිකමට වටපිට බලන්න. ටොෆි කොළ, චොක්ලට් කොළ, යොගට් කප්, අයිස් පැකට් ඕනෑ තරම් ඔබට දැක ගන්න ලැබේවී. මේ නිසා අවට පරිසරය අප්‍රවිත්‍ර වෙලා වගේම සමහර දිරාපත් නොවන පොලීතීන් ද්‍රව්‍ය පසට එක් වීමෙන් පාංශූ සාධක තුළ පවතින සමතුලිත තත්වයන් විනාශ වෙලා යන්න පුළුවන්. ඔයා කාලා අතනමෙතන විසි කරලා දාන සමහර පොලිතීන් වර්ග ආහාරයට ගැනීමෙන් සත්තු විශාල ප්‍රමාණයක් මරණයට පත් වෙනවා. පොලිතීන් හා ප්ලාස්ටික් ආහාරයට ගැනීම නිසා වාර්ෂිකව සත්තුන් මිලියනයකට අධික ප්‍රමාණයක් මියයන බවට වාර්තා වෙනවා.

නමුත් අපි පුරුදු වුණා නම් අපි කාපු ටොෆියේ කොළය, අයිස් පැකට් එක, චොක්ලට් කොළය, යෝගට් කප් එක, ලන්ච් ශීට් කොළය නිසි පරිදි අපහරණය කරන්න මේ මහ පොළව මත ජීවය ලබන ස්වභාවික සම්පත් අපට අහිමි වී නොයන්නට ඉඩ තිබුණා.

පොලිතීන් භාවිතය  අද වනවිට ලෝකයේ දැඩි ආන්දෝළනයකට තුඩු දී තිබෙනවා. එනම් පුද්ගල ජීවිතය හා බැඳී පාරිසරික, සෞඛ්‍යමය, ආර්ථිකමය සාමාජීය ගැටළු රැසකට දිරාපත් නොවන ප්ලාස්ටික් හා පොලිතීන් මුල පුරා ඇත.

The World Counts වෙබ්අඩවියේ සඳහන්වන පරිදි ලොව පුරා වසරකට පොලිතීන් බෑග් භාවිතය දළ වශයෙන් ට්‍රිලියන 5 ක් වන අතර තත්පරයකදී පරිභෝජනය 160,000ක් වේ. එමෙන්ම සෑම වසර 10කට වරක් ලොව පොලිතීන් පරිභෝජනය තුන් ගුණයකින් ඉහළ යන බව එහි සඳහන් වේ.වර්ථමාන ශ්‍රී ලංකාවේද කසල බැහැර කිරීම දැඩි අර්බුදයකට ලක් වී තිබේ. පසුගිය වසරේ මීතොටමුල්ල කුණු කන්ද ආශ්‍රිතව පැණ නැගුණු ගැටළුව ඊට කදිම නිදසුනකි. එක් දිනක් ඇතුළත ලංකාවේ එකතුවන ප්ලාස්ටික් හා පොලිතීන් කසල ප්‍රමාණය මෙට්‍රික් ටොන් 480 පමණ වන බව වාර්තා වේ.

සාමාන්‍යෙයන් පොලිතීන් දිරා පත් වීම සඳහා වසර 500-1000ක් පමණ කාලයක් ගත වේ. ප්ලාස්ටික් හා පොලිතීන් ආහාර ඇසුරුම්කරණය, ඉදිකිරීම් ක්ෂේත්‍රය ,සැරසිලි සඳහා බහුල වශයෙන් පොලිතීන්  භාවිතා වන අතර ලන්ච්ශීට් සහ පොලිතීන් බෑග්  අදවනවිට අපද්‍රව්‍ය කළමණාකරනයට බරපතල බාධාවත් බවට පත් වී තිබේ. අවිධිමත් බැහැර කිරීම් නිසා ජලප්‍රවාහණ පද්ධති සහ කාණු පද්ධති දැඩි ලෙස තර්ජනයට ලක්ව තිබේ. මේ හේතුවෙන් ජල ගැලීම් සහ ඩෙංගු වැනි රෝගකාරකයන් ව්‍යාපත්ත වීම අප අපේක්ෂා කරන තිරසාර සංවර්ධනය දැඩි බලපෑමක් එල්ල කර තිබේ.

මධ්‍යම පරිසරය  අධිකාරිය සඳහන් කරන පරිදි  ශ්‍රී ලංකාවේ දිනකට භාවිත වන ලන්ච් ෂීට් ප්‍රමාණය මිලියන 15 ක් පමණ වේ. ඉවතලන පොලිතීන් බෑග් ප්‍රමාණය මිලියන 20-22 අතර වේ. යෝගට් කෝප්ප මසකට මිලියන 20ක් ද, සැෂෙ පැකට් (සෝස්, ෂැම්පු, ජෑම් ආදිය) මසකට මිලියනයක් ද, බැහැර කරයි. මධ්‍යම පරිසර අධිකාරියේ සමීක්ෂණ දත්තවලට අනුව දිනකට කොළඹ මහා නගර සභාව විසින් බැහැර කෙරෙන අපද්‍රව්‍ය ප්‍රමාණය 730 MT පමණ වේ. ඉන් 6% ක්ම පොලිතීන්ය. . එසේම වසරකට මෙරටට ආනයනය කරන පොලිතීන් ප්‍රමාණය 500,000MT වේ. ඉන් 70%ක්ම දේශීය වශයෙන් භාවිතයට ගනී.

ලොව භාවිත වන පොලිතීන් බෑග්වලින් ප්‍රතිචක්‍රීකරණය වන්නේ 1-3% ප්‍රමාණයකි.  අනෙක් සියල්ල අවිධිමත් අපහරණයන්ට ලක්වේ. වසරකට ශ්‍රී ලංකාවෙන් සාගරයට මුදාහරින ප්ලාස්ටික් ප්‍රමාණය ටොන් මිලියන 1.5කි. මේ සියල්ල සාගර පතුලේ තැන්පත් වීමෙන් ලෝක සාගර කලාපයද දැඩි අවධානමකට ලක්ව පවතී. අක්‍රමවත් බැහැර කිරීම් නිසා සිදුවන පරිසර දූෂණය සහ සමාජීය ආර්ථික වශයෙන් ගොඩ නැගී ඇති ගැටළු විසදීම අරමුණු කර ගනිමින් පොලිතීන් සහ ප්ලාස්ටික් ආශයෙන් සිදු කරනු ලබන ඇතැම් නිශ්පාදනයන් ලොව පුරා තහනමට ලක්ව තිබේ.  මයික්‍රෝන 20ට අඩු පොලිතීන් ශ්‍රී ලංකාවේද තහනමට ලක්ව ඇත.

නමුත් නීතියක් මගින් පමණක් මේ ගැටළුවලට විසඳුම් සෙවිය නොහැකි බව ඔබට වැටහෙනවා ඇති. ශ්‍රී ලංකාව පමණක් නොව මුලුමහත් ලෝකයේම අවධානමට ලක්වූ  බොහෝ කරුණුවලට මුල පුරා ඇත්තේ පෙලිතීන් සහ ප්ලාස්ටික් භාවිතයයි. තිරසාර සංවර්ධනයෙන් ඵල නෙලා ගැනීමට නම්  මේ අවධානමෙන් මිදීමට අප පියවර ගත යුතුමය. මේ ක්‍රියාවලියට ඔබට පුංචි  පියවරකින් දායකත්වය සැපයිය හැකිය. ඒ සඳහා පොලිතීන් හා ප්ලාස්ටික් භාවිතය අවම කිරීම සහ ඔබ පරිබෝජනය කරන පොලිතීන් හා ප්ලාස්ටික් නිසි පරිදි අපහරණය කිරීමට පුරුදු පුහුණු වීම ලොවම මුහුණ දී ඇති මේ අවධානමෙන් මිදීමට පුංචි හෝ උපකාරයක් වේවී. ඔබටත් පුළුවන් මේ ගැන යමක් කරන්න

The post ඔබට බැරිවුණාට හැමෝම වෙනස් කරන්න ඔබට පුළුවන් වෙනස් වෙන්න appeared first on Lady.lk | Lady | Women | Lifestyle | Health | Beauty.

හැබැයි සමහර හීන තියෙනවා අපේ ඇස්පනාපිටම කැඩිලා බිඳිලා විසිරිලා යන ඒවා. ඇත්තටම හීන බිඳුණම හිතට හරි දුකයි. හැබෑ ලොකේදී කවදාවත් නොලැබුණත් හීනෙන් හරි මුලු හදවතින්ම තමන්ගේ කර ගත්ත දෙයක් නැති වුණාම ඒ දුක කොච්චරද කියලා දන්නේ හීනයක් එක්ක ජීවත් වෙච්ච මනුස්සයෙක් විතරයි.

ඒ හීනය ඔබ ආදරය කරන කෙනා වෙන්න පුළුවන්, වාහනයක් ගෙයක් දොරක් වෙන්න පුළුවන්, දරුවන් ගැන දැකපු හීනයක් වෙන්න පුළුවන්, රස්සාවක් වෙන්න පුළුවන් මේ කොයි දේ ඇතුළෙත් හීන නම් අනන්තයි. ඒ  හීනවලට දිගක් පළලක්  නැහැ .ඇත්තටම හීනවලින් මිනිස්සුන්ට ජීවත් වෙන්න උත්තේජනයක් සපයනවා. අලුත් බලාපොරොත්තුවක් ඇති කරවනවා. සරලවම කියනවනම් හීන ඔබව ජීවත් කරවනවා.

හීන වෙනුවෙන් මහන්සි වෙන මිනිස්සු තමයි ජීවිතේ හීන ජය ගන්නේ . නමුත් සමහර හීන තියෙනවා අපි ඒ හීන වෙනුවෙන් කොච්චර මහන්සි වුණත් කවදාවත් ඒ හීන හැබෑ කර ගන්න අපට අවස්ථාවක් ලැබෙන්නේ නැහැ. හරියට කොච්චර සුදුසුකම් තිබුණත් රස්සාවක් ලැබෙන්නේ නැහැ වගේ. ඒ වගේ වෙලාවට තමයි හිතෙන්නේ  හීන පස්සේ දුවන එකත් පිස්සුවක් කියලා.

මනෝ විද්‍යාවට අනුව  බොහෝ මනෝ විද්‍යඥයින් පවසන්නේ හීන දකින මනස සයිල්ලටම  වඩා ඉදිරියෙන් පසුවන බවයි. සැබැවින්ම හීන කියන්නේ ඔබේ ඉලක්කවලට, ඔබේ අරමුණවලට. කතාවටත් කියනවනේ “ඔබ හඳ ඇල්ලීමට හීන දකින කෙනෙක් නම් අඩුම ඔබට ඔබේ නිවසේ මුදුන් වහල හෝ අල්ලා ගත හැකියි” කියලා. ඉතිං හීන දකින්න හීනත් එක්ක ජීවත් වෙන්න බය වෙන්න එපා. ඔබ හීන වලට බය විය යුත්තේ ඔබේ හීනවලට අඩුම ඔබවත් වටිනාකමක් නොදෙන්නේ නම් පමණි.

ඔබේ හිතෙත් විවිධාකාරයේ හීන ඇති. ඔබේම කියලා ව්‍යාපාරයක් පටන් ගන්න, වාහනයක් ගෙයක්දොරක් හදා ගන්න ඒ කොයි ජාතියේ හීනයක් වුණත් ඔබට හිතෙන්නේ කෙතනින්ද ඔබ එතනින් පටන් ගන්න. ඔබේ හීන ජීවිතේ ඉලක්ක සහ අරමුණු බවට පරිවර්තනය කර ගන්න. හීන වෙනුවෙන් කැපවෙන්න, ඔබේ හීන කවදාම හෝ දවසක හැබෑවක් කර ගන්නවාය යන අධිෂ්ඨානය ඇති කරක ගන්න. ලොව ධනවත්ම පුද්ගලයා වූ බිල්ගේට්ස් වරක් මෙලෙස ප්‍රකාශ කර සිටියා. “ඔබ ඔබේ සිහින වෙනුවෙන් කැප වෙන්න  නැතිනම් වෙනත් අයකු ඔහුගේ සිහිනය සැබෑ කර ගැනීම සඳහා ඔබව කුලියට ගනු ඇත. ඒවගේම තමයි ඔබේ ජීවිතෙත් ඇතැම් හීන බිඳේවී , හිත් රිදීම් ඇති වේවී. නමුත් ඔබත් ඔබේ හීනයේ  එල්ලී සිටින්න ඒ වෙනුවෙන් මහන්සි වෙන්න දවසක එය හැබෑවනවාමයි.

ඇත්තටම අපේ හීන හැබෑ නොවෙන්න හේතුව අපි අවාසනාවන්තයෝ නිසාද ? හීනයක් වෙනුවෙන් උත්සාහය , කැපවීම, අධිෂ්ඨානය තිබුණත් වාසනව කියන දේත් ඒ හීන හැබෑ කර ගන්න ඕනමද? ඒත් මම නම් හිතන්නේ අපිව අවාසනාවන්තයෝ කරලා තියෙන්නේ  උත්සාහයක්, කැපවීමක්, අධීෂ්ඨායක් නැති මිනිස්සු කියලයි. මං ඒහෙම කියන්නත් හේතුවක් තියෙනවා. අපේ රටේ ගොඩක් දේවල් ලැබෙන්නේ දේශපාලනයෙන්, නැතිනම් හිතවත්කම් හා ඇඳුණුම්කම් මත. අපි කොච්චර හොඳට ඉගෙන ගත්තත් වැඩක් නැහැ, අපිට කොච්චර සුදුසුකම් තිබුණත් වැඩක් නැහැ රැකියාවල්වල නිරතවෙන්නේ දේශපාලනඥයන් වෙනුවෙන් කඩේ ගිය පිරිස, නැත්නම් ඒ ඒ අයගේ ඇඳුනුම්කම් මත හිතවත්කම් හදා ගත්ත පිරිස.

කොහොම වුණත්

හැබැයි ඔබ හීන වෙනුවෙන් කැප විය යුතුයි. නැතිනම් හීනත් එක්ක නින්දට යන ඔබ හීනයක් එක්කම අවධි වෙවී.

හීනත් එක්ක නින්දට යන මිනිස්සු අවධි වෙන්නෙත් හීනත් එක්කමයි. හැබැයි ඔය අතරින් හීන හැබෑ කර ගන්න මහන්සි වෙන්නේ බොහොම ටික දෙනයි. හීනවලින් මිනිස්සුන්ට ජීවත් වෙන්න උත්තෙජනයක් එ

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about positive thinking.You can read the article and put your feedback on it. 

The post ඔබ ඔබේ සිහිනයේ එල්ලී සිටින්න appeared first on Lady.lk | Lady | Women | Lifestyle | Health | Beauty.