හුරු වීම

මුලින්ම තමුන්ට තමුන්ගේ හුරුව අතහැරගන්නට සිද්ධ වෙනවා. අපි උදාහරණයකට හිතමු පුරුද්දක් විදියට උදෑසන තේකක් නොබොන තරුණියකට විවාහයෙන් පස්සෙ ඒ ගෙදර වැඩ සිද්ධ වෙන විදියට අනුගත වෙලා තේ හදන්න සිද්ධ වෙනවා. ඊටපස්සෙ කාලෙකින් තේකක් දකින නිසා තමුන්ටත් බොන්න හිතෙනවා වගේම සෞඛ්‍ය පුරුදු නිසා මේ තාක් කල් උදේට බීම පළතුරු යුෂ වීදුරුව වෙනුවට තමුනුත් තේකක් බොන්න හුරු වෙනවා. ඒ වගේම මේ හුරු වීමත් එක්ක තමුන්ගෙ හුරු වීම් අතහරින්නත් වෙනවා. උදාහරණයකට තමුන් යන්නෙ අතිශය ආගමික වටපිටාවක් තියෙන පරිසරයකට නම්, එහෙමත් නැත්නම් කන බොන විදිය ගැන දරුණු ලෙසින් සිතන සෑම ආහාරයකම මිරිස් හෝ ලුණු ප්‍රමාණ ගැන ගතු කියන නිවසකට නම් ලංකාවෙදි අලුත් බිරින්දෑවකට මේ හුරු වීම ටිකක් ලොකු ප්‍රශ්නයක්.

හඳුන්වා දීමේ වැඩසටහන

මේ වැඩේ නම් බැඳලා වෙනම පදිංචියට ගියත්, දෙමවුපියන් සමග පදිංචියට ගියත් මුහුණ දෙන්න වෙන තත්ත්වයක්. ඒ තමයි හඳුන්වා දීමේ වැඩසටහන. මේවා ගොඩක් වෙලාවට සිද්ධ වෙන්නෙ මළ ගෙවල් හෝ මගුල් ගෙවල්වලදි. ඒ වගේ තැන්වලටනෙ හැමෝම එන්නෙ. මේ තමයි දූ, පුතාව පුංචි කාලෙදි බලාගත්තු නැන්දා, මේ මාමා තමයි පුතාට මුලින්ම බැට් එකක් ගෙනල්ල දුන්නෙ, මේ බාප්පා තමයි පුතාව මුලින්ම නුවර එක්කගෙන ගියේ, මේ පුංචි තමයි පුතාට ඒ කාලෙ කැවුවෙ, පුතා මේ නැන්දා උයන පරිප්පු එකට හරිම ආසයි, පුතා මේ මාමාගෙ බයික් එකෙන් තමයි බයික් පදින්න පුරුදු වුණේ ආදී හඳුන්වා දීමක් සිදු වෙනවා. මේ හඳුන්වා දීමේ වැඩසටහන අහගෙන සිටීම සහ මතක තියාගෙන සිටීම අසීරු වගේම එපා වෙන වැඩක් කියලා මේ දේට මුහුණ දුන් අය දැනටමත් දන්නවා ඇති.

පුතාගෙ පුරුදු

දැන් ඉතිං ඔය කොල්ලොන්ට තියෙනවනෙ පුරුදු. ගුණ දේවල් ආහාරයට නොගැනීම, මත්පැන් සහ දුම්වැටි පානය කිරීම, රෑ තිස්සෙ පාටිවලට යෑම, ටැටූ ගැසීම සහ නොයෙක් හෙයා ස්ටයිල්ස් සිදු කිරීම වගේ අම්මලා අකමැති දේවල්. අම්මලා උත්සාහ කරනවා පුතාගෙ මේ අවුල් පුරුදු වලට බිරින්දෑ ලවා වැටකඩුළු බඳවන්න. ගොඩක් වෙලාවට බිරින්දෑවන් තමන් ආදරය කරන පුද්ගලයා වෙනස් වෙනවාට හෝ ඒ ගති ගුණ මගහරිනවාට අකමැති වුණත් අම්මලාගේ පෙරැත්තය නිසා එයාලටත් මේ වගේ කොන්තරාත්තු භාරගන්න සිද්ධ වෙනවා. මෙන්න මේ වගේ අවස්ථා වලදී දෙපැත්තම බැලන්ස් කිරීමට සිදුවීම අලුතින් බිරින්දෑවක් වුණු තරුණියකට තරමක් මානසික වදයක්.

දූ තමයි දූ 

මේ කියන්න යන්නෙත් බො​​හොමයක් තරුණියන් මුහුණ දෙන ප්‍රශ්නයක්. ගොඩක් අය කැමති නෑනෙ තමුන් ගැන ලොකු කම් කියන්න. නමුත් වෙනිං කෙනෙක් ලොකු කම් කියද්දි අපිට ඒක නවත්වන්නත් බැහැනෙත විශේෂයෙන්ම තමුන්ගෙ ස්වාමිපුරුෂයාගෙ පැත්තෙ දෙමවුපියන් තමුන් ගැන ලොකු කම් කියද්දි කොහොමද ඒක නවත්වන්නෙ. බලාගෙන ඉන්න තමයි වෙන්නෙ. මේ දූ නුවර ලොකු පවුලක, මෙයා හොඳටම ඉගෙනගත්තනෙ ඩිග්‍රි දෙකක් තියෙනවා, හරිම රසට උයන්න පුළුවන්, චිකන් කරියක් එහෙම හදනවා මටවත් තාම බෑ ඒතරම් රසට උයන්න, අතේ පයේ වැඩත් හොඳටම පුළුවන්, ලස්සන ඇඳුම් වගයක් මහලා දුන්නා අපිට…. මෙන්න මේ වගේ ලොකුකම් කියද්දි කරන්න දේකුත් නෑ, කියන්න දේකුත් නෑ, ඒත් අහගෙන ඉන්නත් බෑ වගේ තත්ත්වයක් ඇති වෙලා දැඩි අපහසුවකට ලක් වෙන සාමාන්‍යයි.

එහෙමද?

මේ කියන්න යන්නෙත් අලුත බැඳපු බිරින්දෑවන් අසීමාන්තිකව අසරණ වෙන තැනක්. මේ වගේ දෙයක් ගොඩක් වෙලාවට සිද්ධ වෙන්නෙ නිදහස් තැනකදි. ඒ කියන්නෙ ගොඩක් වෙලා එක දිගට කතා කරන්න වෙන තැන් වලදි. දානෙ ගෙයක් හෝ පිරිතකදී නම් මේ වගේ දෙයක් සිද්ධ වෙනවාමයි. ඒ තමයි තමන්ගේ ස්වාමි පුරුෂයා ගැන පුරාතන කතා අහගෙන ඉන්නට සිදු වීම. මේක අපි කලින් කියපු හඳුන්වා දීමේ පෙරැට්ටුවට වඩා ගොඩක් වෙනස් තත්ත්වයක්. මේකෙදි බිරින්දෑට අහන්න තියෙන්නෙ එකම දෙයයි. ඒ තමයි “එහෙමද?” දිගින් දිගටම එහෙමද කියලා තමයි අහන්න වෙන්නෙ. මොකද මේ මුණගැහෙන හැමෝම කියන්නෙ තමන්ගෙ ස්වාමිපුරුෂයා සහ තමුන්ගේ තිබ්බ පරණ බැඳීම් ගැන. ඔය පුතා මගේ කාර් එකේ චූ කරා පුංචි කාලෙ වගේ, ලොකුකම සහ පෞරාණික බව යම් තරමකට කැටි වුණු කතා තමයි මෙතැනදි අහන්න වෙන්නෙ.

නෑදෑ විමසීම් – දේපල, පවුලෙ වගතුග, බඩ මහත, දූගෙ නංගි

ඔය උඩ කියන අවස්ථාවෙදිම තවත් වෙනත් අතුරු ප්‍රශ්නත් යොමු වෙනවා. ඒවා තරමක් භයානක ප්‍රශ්න. ඒවාට උත්තර නොදී මගහරින එක හොඳයි. මේ වගේ දේවල් වලදි තමයි විවාහයේ මුල් අවධියේ බය කියන එක මුලින්ම දැනෙන්න ගන්නෙ. මේ වගේ තැන්වලදි කෙලින්ම එන ප්‍රශ්න තමයි, ඉගනීම? පවුලේ වටපිටාව? කුලය? දේපල? දරුවන්? පවුලේ වෙනත් දරුවන් සහ ඒ දරුවන්ගේ පෙම්හබ? තමන්ගේ දරුවන්ට ඒ පවුලෙන් විවාහ කළ හැකි වෙනත් දරුවන්? පවුලේ ගෙවල් ඇති ප්‍රදේශ සහ ඒ පැතිවල තමුන්ට සිටින හිත මිතුරන් වැනි බොහොමයක් කතා අහගෙන ඉන්න සහ උත්තර දෙන්න සිදු වෙනවාමයි.

හරිද?

මේ කතාව තමයි ගොඩක් දෙනෙක් මේ සටහනේ හොයාගෙන ආපු ප්‍රශ්නය. ඔව් බොහෝදෙනෙක් අහන සහ විශේෂයෙන්ම දෙපාර්ශවයේ දෙමවුපියන් සැරින් සැරේට අහන ප්‍රශ්නය තමයි මේක. කොටිම්ම අලුත් බිරින්දෑට කෑමක් ගැන අප්‍රියාවක් දැණුනත්, ​ප්‍රෙග්නන්ට්ද කියලා ප්‍රශ්න කරන තත්ත්වයක් තමයි තියෙන්නෙ. අන්න ඒ නිසා මේ හැමෝම දරුවෙක් හදන කම් ආසාවෙන් බලාගෙන ඉන්නවා වගේම පහු වෙද්දි ඒක ගැන බලපෑම් කරන්නත් ඒවි. නැවත හැරීමක් නෑ ඉතිං

මෙන්න මේ ප්‍රශ්න බොහෝමයකට උත්තර හොයන්න පුළුවන් හොඳම විදිය තමයි තමුන්ගේ පවුල් ජීවිතය වෙනම ගත කරන්නට වෙනම නිවහනකට පදිංචියට යාම. ඒ විදියට වෙනම නිවහනකට පදිංචියට ගියාම හැඩ ගැහෙන්නට ඕන විදිය ගැනත් අපි ලඟදීම සටහනක් තබන්නම්.

The post අලුත බැඳපු වයිෆ් කෙනෙකුට මේ ප්‍රශ්න එන්න පුළුවන් appeared first on Lady.lk | Lady | Women | Lifestyle | Health | Beauty.

උපුටා ගැනීමකි

The post ආදරෙන් පැරදිලාද ඉන්නේ? කියවලා බලන්න appeared first on Lady.lk | Lady | Women | Lifestyle | Health | Beauty.

කාලයක් තිස්සේ හිතේ දැඩි කැමැත්තකින්
එහෙමත් නැත්නම් හිතේ විශේශ තැනක් හදාගෙන යම් කිසි කෙනෙක්ව විශේශ කර ගන්නේ ඒ හිත කවදා හරි තමාගෙම කර ගන්නවා කියන කාරනාව පැල්පදියම් කරගෙන

හුගක් වෙලාවට ඒ බැදීම ගලවාගෙන යන්න දගලනවනම් එහෙමත් නැත්නම් ඒ බැදීමම ඒ කෙනාම අත් හරින්න උත්සහ කරනවනම් ඒ වගේ තැනක රැදී සිටින්න උත්සහ කරනවනම් ඒක නිකන් හිස් වැඩක්…

“කාවවත් බලෙන් තියා ගන්න බෑ

මිනිස්සුන්ට වටිනාකමක් දෙන්න කොච්චර උත්සහ කලත් ඒ වටිනාකම මිනිස්සු ගන්නේ නැත්නම්,දීපු වටිනාකමට ඒ මිනිස්සු ගෞරව කරන්නේ නැත්නම් ඇයි කිසිම කෙනෙක් බලෙන් තියා ගන්නේ..

“නියපොත්තෙන් කඩන්න තියෙන දේ පොරොවෙන් කපනකම් ඉන්න නරකයි

ජීවිතේ කිසියම් කාලෙකදී මොනයම් දෙයක් නැතුව ගත කරලා ටික ටික ජීවිතේ ස්තාවර තත්වෙට එනකොට අර ඇති කට ගත්තු බැදීම නිසා මානසික නිදහසක් නැත්නම් අවසානයෙව් වෙන්නේ අමාරුවෙන් හදා ගත්තු හැමදේම ඇස් පනාපිට අහිමි වෙනවා දකින්න
මිනිස්සු කට කහනවට නෙවෙයි කීවේ

“ආදරේකට මිනිස්සු මරවන්නත් පුලුවන්
මිනිස්සු ජීවත් කරවන්නත් පුලුවන්

ඒ හැගීම හිතට තදින්ම ඇතුල් උනාම හුගක් අය කරන්නේ මොනයම් හරි දේකට ඇබ්බැහි වෙලා ජීවිතේ නන්නත්තාර කර ගන්න එක
ඒ වගේම ඒ අය හුදෙක්ම නිදහසට කාරනා කියන්නේ අර බැදීම හේතු සාධකයක් කරගෙන

ඇත්තටම ආදරේ කරපු මිනිස්සු
කවදාවත් ජීවිතේ නන්නත්තාර කර ගත්තේ නෑ

ඒ බැදීමෙන් ලබා ගත්තු පන්නරයෙන් තව තව මුවහත් වෙලා ජීවිතේ සාර්ථකත්වයට ලගා වුනේ ඒ අහිමි වීම ජීවිතේ හැරවුම් ලක්ශය කරගෙන..

මතක් වෙද්දී ඇස් වල කදුළු පිරුනට
පපු අස්සේ මතක පිරී ඉතිරිලා තිබුනට
කන් අගිස්සේ හඩවල් දෝන් කාර දුන්නට

තව කෙනෙක්ගේ මූණේ හිනාව දැකලා
සතුටු වෙන තැනටම් හිත ශක්තිමත් කර ගන්න පුලුවන්නම්
කොටින්ම කීවොත් හිමි වෙලා අහිමි වෙච්ච කෙනෙක් තව කෙනෙක්ගේ වෙලා ඒ ඇස් දෙක සතුටින් ඉන්නවනම්

හදවතින් ආදරේ කරපු මනුස්සයෙක්ට
හොදටෝම ප්‍රමාණවත්
සංසාරයේ පුරාවටම සැනසෙන්න..

මොකද

ආදරේ කියන්නෙම
අනෙකාගේ සතුට වෙනුවෙන් කැප වෙන එකට…

The post ආදරේ කියන්නෙම අනෙකාගේ සතුට වෙනුවෙන් කැපවෙන එකට appeared first on Lady.lk | Lady | Women | Lifestyle | Health | Beauty.

1. බාහිර බලපෑම්
   දෙමාපියන්ගේ විරුද්ධතාව, ආර්ථික හා සමාජ බලපෑම් මත විවාහ වීමට හැකි පසුබිමක් නොතිබීම, මෙලෙස ඇති වන බාහිර බලපෑම් ලෙස දැක්විය හැකියි. මේ අනුව දෙදෙනා තුළම වෙන් වීමේ එකඟතාවයක් ඇති වී වෙන්වීම සිදුවන්නත් පුළුවන්. එසේ එකඟතාවයක් ඇති වුවත් වෙන කළ හැකි දෙයක් නැතිකමට වෙන්වන නිසා දෙදෙනාටම මෙහිදී තදබල විරහ වේදනාවක් දැනෙනවා. සිත සුවපත් කරගන්නට සෑහෙන කාලයක් ගත විය හැකියි.
2. එක් අයකු ඒකපාර්ශ්වීයව ගන්නා තීරණයක් මත සම්බන්ධය නතර කිරීම
   මෙහිදී සමුගන්නේ පෙම්වතා යැයි සිතමු. එවිට පෙම්වතියට තදබල විරහ වේදනාවක් දැනෙනවා. එය ඉහත සඳහන් කළ අවස්ථාවට වඩා වැඩි වේදනාවක් ලෙස දක්වන්න පුළුවන්. “ඇත්තටම එයා මට ආදරය කළාද” කියන හැඟීමක් ඒ සමග ඇති වී ලොකු කණගාටුවක්ද දැනෙනවා. එපමණක් නොවෙයි. මේ ආකාරයට තමාව හැරයාමෙන් ඔහු තමාට මදිපුංචිකමක් කළා කියන හැඟීමත් එක්ක ලොකු ලැජ්ජාවකුත් ඇති වෙනවා. මේකෙම තව පැත්තක් තිබෙනවා. පෙම්වතා තමාව හැර ගියේ තමාගේ වරදක් නිසා කියලා හිතට ඒත්තු ගියොත් විශාල පසුතැවිල්ලක් සමග ලොකු මානසික කඩා වැටීමකුත් ඇති විය හැකියි. අප මෙහිදී පෙම්වතිය වශයෙන් දැක්වූවත් මේ ආකාරයේ අත්දැකීමකට මුහුණ දෙන්න සිදුවුණේ පෙම්වතාට නම් ඔහුගේ තත්ත්වයත් මෙබඳුම විය හැකි බව සඳහන් කරන්න ඕනෙ.
   මේ කුමන ආකාරයකට තමන්ගේ සම්බන්ධතාව බිඳ වැටුණත් හිත හදාගන්න එක ඒ තරමට පහසු නෑ. මේ නිසා හිත හදාගන්න නොයෙකුත් විකල්ප ක්‍රම සොයනවා. තරුණයන් මෙහිදී බොහෝ විට මත්පැන්වල පිහිට සෙවිය හැකියි.
   ඒකපාර්ශ්වීය තීරණයක් ගෙන පෙම්වතා තමාව අමතක කළේ නම් පෙම්වතිය තුළ ඔහු කෙරෙහි තදබල ඊර්ෂ්‍යාවක් සහ කෝපයක් ඇති වීමට ඉඩ තිබෙනවා . එවිට ඔහුගෙන් පලිගැනීමේ චේතනාව ඇතිවී වෙනත් තරුණයන්ගේ ඇසුරට පත්වන්න පුළුවන්. මෙකී කරුණු දෙක තුළින්ම ඔවුන්ට සිදුවන කිසිදු යහපතක් නෑ. සිදුවන්නේ තව තවත් අමාරුවේ වැටීම පමණයි. ඒ වගේම නොසිතූ විරූ ප්‍රශ්නවලට, විශේෂයෙන් තරුණියන් ලක්වීමට ලොකු අවදානමක් තිබෙනවා.

විරහ වේදනාව අඩු කරගන්නේ කොහොමද?

සම්බන්ධතාව බිඳ වැටීමට හේතුව සොයා බැලීම මෙහි මූලික පියවරයි.
නිදසුන් වශයෙන් දැක්වුවොත් තමාගේ පෙම්වතා / පෙම්වතිය හරිහැටි තේරුම් ගැනීමට අපහසු වීම මත සමහරු එම සම්බන්ධතාව නතර කර දමනවා.
ඒ වගේම දෙදෙනාගෙන් කෙනෙකු අවංකභාවයෙන් තොරවූ විටත් අනෙක් පුද්ගලයා සම්බන්ධතාව නතර කර මගහැර යාම සිදුවෙනවා.
විරහ වේදනාව වැඩියෙන්ම දැනෙන්නේ “මොකක්ද සිද්ධ වුණදේ?” කියලා හරියටම නිශ්චය කරගැනීම අපහසු වූ විටයි. එනිසා තමන්ට තනිව මෙය නිරාකරණය කරගැනීම අපහසු නම් එවැනි ප්‍රශ්නයක් තේරුම් ගත හැකි කෙනෙකුට එය පැහැදිලි කරදීමෙන් කිසියම් සහනයක් ලබාගත හැකි වේවි.
මොන හේතුවක් නිසා වෙන් වුණත් ආදරය කළ කාලයේ මතකයන් නැවත නැවත සිහිපත් වනවිට වේදනාව අලුත් වෙමින් දැනෙන්න පටන් ගන්නවා. විශේෂයෙන් එකවරම නොසිතූ ලෙස වෙන් වෙලා ගියාම මේ කම්පනය වැඩියි. ඉන්පසු ආදරය කළ කාලයට සම්බන්ධ විවිධ සිද්ධි මැවී මැවී පෙනෙන්න පුළුවන් . ඒ වගේම දෙදෙනා මුණ ගැසුණු තැන්, ද්‍රව්‍යමය වශයෙන් ලැබුණු තෑගි බෝග ආදිය නැවත නැවත දකින විට හිත පුපුරු ගසන තරමේ වේදනාවක් දැනිය හැකියි. ඒ ද්‍රව්‍යමය දේවල් තමන්ට නොපෙනෙන තැනක සඟවා තැබීම වඩාත් සුදුසුයි. සමහරු තමන්ගේ ජංගම දුරකථනයට ලැබුණු කෙටි පණිවුඩ එහි තැන්පත් කර තබාගන්නවා. මේවා නැවත නැවත දැකීමෙන් සිදුවන්නේද වේදනාව අලුත් වීමයි. වේදනාව අලුත් වීමට බලපාන හැම දෙයක්ම ඈත් කර තැබීම මෙහිදී කළ යුතුම දෙයක්. මේවා දකින වාරයක් පාසා සිදු වන්නේ වේදනාව අලුත් වීමයි,
මෙසේ විරහ වේදනාවක් තව කෙනෙකුට කියන විට එය අසා හිඳින පුද්ගලයා සතුවත් ලොකු වගකීමත් තිබෙනවා.
මුලින්ම කළ යුත්තේ එම තරුණයාට / තරුණියට තමන්ගේ වේදනාවට සම්බන්ධ සියලුම දේවල් කියන්නට ඉඩ හැරීමයි. එහි මැද්දට පැනීම නොකළ යුතුයි. එසේ එකදිගට කියාගෙන යාම තුළින් ඒ තැනැත්තාගේ / තැනැත්තියගේ වේදනාව අඩු වී සිත සැහැල්ලු වෙනවා. එය වේදනාව අඩුකරන එක ක්‍රමයක්.

සාමාන්‍යයෙන් ආදර සම්බන්ධතාවක් බිඳ වැටුණාම ලොකු වේදනාවක් ඇති වන්නේ එය පිළිගැනීමට අපේ හිත සූදානම් නැති නිසයි. මෙහිදී සිතුවිලි සහ සැබෑව අතර සිත මංමුලා වෙනවා. බොහෝ විට මෙවැනි පරාජිත පෙම්වතුන් පෙම්වතියන් තමාව මෝහන නිද්‍රාවට පත්කොට තමන්ගේ පැරණි ආදරය පිළිබඳව සිත තුළ ඇති හැඟීම් සහ මතකයන් ඉවත් කරන ලෙස ඉල්ලා සිටිනවා. නමුත් මෙය කෙසේවත් සාර්ථක ක්‍රමයක්වත්, සුදුසු ක්‍රමයක්වත් නොවෙයි. අපට අමතක කළ යුතු දෙයක් බලෙන් අමතක කරවන්න උත්සාහ කළොත් සිදුවන්නේ එය යළි යළිත් සිහිපත් වීමයි. එමගින් ඒ සිද්ධිය පිළිබඳ මතකය මනසේ තව තවත් ස්ථාවර තත්ත්වයට පත්වෙනවා. එවිට එය අමතක කළ නොහැකි වෙනවා.
එනිසා යමක් අමතක කරවන්න සිතට බල නොකොට ඒ ගැන සිහිපත් වනවිට වෙන දෙයක් මතකයට නගා ගැනීම සුදුසුයි. අමතක කළ යුතු යමක් අමතක කරවන්නත්, වේදනාව අඩු කරවන්නත් කාලයට වඩා ප්‍රත්‍යක්‍ෂ වෙනත් ඖෂධයක් නෑ.
ප්‍රේම සම්බන්ධතාවක් බිඳ වැටීම කියන්නේ දුකක් වුවත්, විරහ වේදනාව අපේ සිතට යම් තරමකට හරි දැනෙන්නත් ඕනේ. විරහ වේදනාවට අපේ යටි සිත එක්තරා ප්‍රමාණයකට කැමතියි. අප විරහ ගීත අහන්න ප්‍රිය කරන්නේ ශෝකාන්තයක් සහිත ටෙලිනාට්‍ය, නවකතා ආදිය නැරඹීමට, කියවීමට ප්‍රිය කරන්නේ විරහව සම්බන්ධයෙන් ස්වභාවයෙන් අප තුළ යම් කැමැත්තක් පවතින නිසයි. මේක අපටත් නොදැනීම අපේ යටි සිතේ පවතින ස්වභාවයක්. මේ තත්ත්වය නිසා විරහ වේදනාව මට විතරක් නොවෙයි අනිත් අයටත් අත්විය හැකි දෙයක් කියන හැඟීම අප තුළ ඇති වෙනවා. එය තමන්ට විතරක් වෙන දෙයක් කියලා හැඟුණොත් ඒ වේදනාව දරන්න ගොඩක් අපහසුයි.
කොහොම වුණත් විරහ වේදනාවකදී හැඬීම පාලනය කරගන්නෙ නැතිව ඇති තරම් හැඬීම හොඳ මනෝ විරේකයක්. හැඬීම තුළින් වේදනාව අඩුවෙනවා. ඒ වගේම තරුණයෙක් නම් විශ්වාසවන්ත මිතුරෙකුටත්, තරුණියක් නම් එවැනි මිතුරියකටත් මේ පිළිබඳව කීම තුළින්ද වේදනාව අඩුකරගත හැකියි. බලාපොරොත්තු මොනතරම් කඩ වුණත් ආයාසයෙන් හරි හිනාවෙන්න. විශේෂයෙන් විනෝදාත්මක දේවල් කියවීම සහ නැරඹීම තුළින් ඔබට ආයාසයෙන් තොරවම සිනාසෙන්න හැකිවේවි. මේ සිනාව තුළ වේදනාව අඩුකිරීමේ පුදුම බලයක් තිබෙනවා.
මේ ක්‍රම මගින් මාස තුන හතරක් යන විට ඔබේ වේදනාව ඉබේම අඩුවී යා යුතුයි. මාස හයක් විතර මේ විදියටම කාලය ගතවීමට ඉඩ දෙන්න. ඒත් ඔබේ වේදනාව අඩුවන බවක් පෙනෙන්නේ නැත්නම්, එක දිගටම වේදනාව පවතිනවා නම් ඔබට මනෝ චිකිත්සකවරයකු හෝ මනෝ වෛද්‍යවරයකු හමුවීමට සිදුවෙනවා. හේතුව , ඔබට මානසික අවපීඩන තත්ත්වය (depression )මතුවී තිබිය හැකි නිසයි. නැත්නම් මේ තත්ත්වය දිගටම පැවතීම නිසා ජීවිතය නැතිකර ගැනීම වැනි අවාසනාවන්ත දෙයකට ඔබ යොමු වීමට බැරිකමක් නෑ. එය බලවත් අපරාධයක්.
අද ඔබේ සම්බන්ධය බිඳී ගියත් ඒක එහෙම වුණු එක කොයිතරම් හොඳද කියලා ඔබටම හිතෙන දවසක් අනාගතයේ උදාවෙනවා. “කොයි දේ වෙන්නෙත් හොඳට” කියලා ඔබ අහලා ඇතිනේ? ඒ නිසා අපරාදෙනේ ඔබ අද ඔබේ ජීවිතය නැති කරගන්න උත්සාහ කරන්නේ.
අහිමි වූ ආදරය ගැන වගේම ,අතීතය ගැනත් හිතෙන එක නතර කළ හැකි හොඳම ක්‍රමය තමයි ඔබ මේ මොහොත තුළ ජීවත් වීම. බුදු දහමේ මෙය සතිමත් බව ලෙස හඳුන්වනවා. එනම් මියගිය අතීතයත් , නූපන් අනාගතයත් ගැන නොසිතා මේ මොහොතේ ඔබ කරමින් සිටින ක්‍රියාව ගැන පමණක් අවධානය යොමු කරන්න. එලෙස අතීතයට හිතට දිව යන්නට තිබෙන මාර්ග අහුරා දමන්න. අමතක කරන්න එපා මේක භාවනාවක් .

වේයන්ගොඩ ,සිත්විල උපදේශන හා පුහුණු ආයතනයේ අධ්‍යක්ෂ
ආචාර්ය සුරංග අමරකෝන්

ඉන්දු පෙරේරා

The post ආදරය අහිමි වීමේ වේදනාවෙන් මිදෙන්න ප්‍රත්‍යක්‍ෂ පිළියම් appeared first on Lady.lk | Lady | Women | Lifestyle | Health | Beauty.

ගෞරවය යනු ශක්තිමත් සම්බන්ධතාවයක අනිවාර්ය අංගයකි.  අවිශ්වාසය , සැකය,  සොයා නොබැලීම, වගකීම් සහගත නොවීම යනාදී කරුණු නිසා ඔබට සම්බන්ධතාවයක් එපා වී යන්නට පුළුවන්. නමුත් එසේ වූ පමණින්ම සම්බන්ධතිවයක් බිඳ දැමීම සිදු කළ යුතු යැයි මා කියන්නේ නැහැ.

 මෙවැනි තත්වයන් වලදී අපි සිදු කළ යුත්තේ හැකි තාක් අනෙක් පාර්ශවයට මේ තත්වයන් සහ ඔබ ඔහුගෙන් සහ ඇයගෙන් බලාපොරොත්තුවන දේවල ගැන පැහිදිලි කර දීමයි.

නිරන්තරයෙන්ම අප සිහි තබා ගත යුත්තේ 100% සම්පූර්ණ වශයෙන්ම ගැලපෙන මිනිසුන් මෙලොව නොසිටිනා බවයි. එනම් සම්බන්ධතාවයක් යනු 90% ක්වූ නොගැලපීම් ඉවසා ගනිමින් 10% ක් තරම් වූ ගැලපීම් මත ජීවත් වීමයි. එසේ හෙයින් මෙවැනි ප්‍රශ්න ඇති වූ  සැණින් වෙන්වීමට තීරණ කිරීම නුසුදු බව තරයේ මතක තබා ගන්න ඕන කරුණක්.

නමුත් ඔබ මේ සියලූ දේ ඉවසමින් තම සම්බන්ධතාවය රැක ගන්න හැදුවත් මනි ්ඔබට සහනයක් ලැබෙන්නේ නැත්නම් වඩාත්ම සදුසු ඔබ එම සමබන්ධ තාවයෙන් ඈත් වීමයි.

ඔබ දෙනො අතර ඇති නොගැලපීම් තේරුම් ගනිමින් ඒවා  රණ්ඩුසරුවල් වීමකින් තොරව සාක්ච්ඡා කොට අනෙකාගේ ගෞරවය රැකෙන පරිදි දුරස්වීමට කටුයුතු කිරීම ඉතාමත් වැදගත්.

එහිදී අනෙකාගේ දොස් පරොස්  වෙනත් අය හා පැවසීම නොකළ යුතුයි. ඔබ ආදාරය කළ කෙනාට අාදරය කළ කාලය තුළදී ගෞරව කළා සේම ඔබේ වෙන්ව යාමෙන් පසුවත් ඔහුගේ හෝ ඇයගේ ගෞරවය ආරක්ෂා කිරීමට අමතක කරන්න එපා.

The post කී දෙනෙක් නම් අපට නොගැලපෙන සබඳතාවල රැඳී ඉන්නවද? appeared first on Lady.lk | Lady | Women | Lifestyle | Health | Beauty.

ප්‍රේමය අද කෙසේ විග්‍රහ කළද, අර්ථකථනයන් කෙසේ දුන්නද ආදරය, ප්‍රේමය අද සමාජය තුළ මුණගැසෙනවාද යන්න ඉතා සැක සහිත වේ.

ආදරය පෙන්වීම, ආදරය කිරීම නුසුදුසු දෙයක් ලෙස අද සමාජය දකින්නේ ඇයි.

ඊට හේතුව නම් ආදරය යනු පිරිමි දරුවකු සහ ගැහැනු දරුවකු අතර යෞවන කාලයේ ඇතිවන හැඟීමක් බව අප සමාජය විශ්වාස කරගෙන පැමිණීමයි. ප්‍රේමය යනු යෞවන ආදරය පමණක් බව සිතන්නට අපට ඉගැන්නුවේ කවුද? ආදරය ඊටත් වඩා කෙතරම් එහාට ගිය පුළුල් මාතෘකාවක්ද?

‘ඔබ මලක් දැක එය දෙස බලා සතුටු වීම මිස එය නෙළා නොගන්නේ නම් ඒ පිවිතුරු ආදරයයි’

ඉහත ප්‍රකාශය මා තදින් විශ්වාස කරන අතර එය ඉතා ආත්මාර්ථකාමී නොවූ ආදරයකි.

ඕනෑම සම්බන්ධතාවයකදී ආත්මාර්ථකාමී නොවී කිසිවක් බලා‍පොරොත්තු නොවී ඔබට යමක් කළ හැකි නම් ආදරය ප්‍රේමය දිය හැකි නම් සැබෑ ආදරය වන්නේ එයයි. නමුත් මෙය එතරම් පහසු නැත. පෘථග්ජන මිනිසුන් ලෙස අප අපගේ සමීපතමයන් ගෙන් නොයෙකුත් දේවල් බලා‍පොරොත්තු වීම ඉතාම සාමාන්‍ය දෙයකි. එය ඉතා සුළු දෙයක් විය හැකිය. එනම් ඉතාම සුළු පණිවිඩයක් හෝ දුරකථන ඇමතුමක් සොයා බැලීමක් විය හැකිය.

ඒ සඳහා වැය වන්නේ ඔබේ කාලය පමණක්ම විය හැකිය. නමුත් ඉතාමත් වැදගත් වන්නේද එයයි. ඔබ යම් අයකුට ඔබේ කාලය දීම යනු ඔබ ලබා දෙන්නේ ඔබේ ජීවිත කාලයෙන් කොටසකි. මුදල් ඔබට නැවත උපයා ගත හැකි අතර ඔබගේ කාලය ඔබට එලෙස කිසි දිනක නැවත උපයා ගත හැකි නොවේ. එම නිසා ඔබේ සමීපතමයන් වෙනුවෙන් ඔබට ලබාදිය හැකි වටිනාම දේ නම් ඔබගේ කාලයයි.

අද වන විට මිනිසුන් ළඟ නැත්තේද එයයි. සියලු දෙනාම ඉතා නොඉවසිල්ලෙන් තම තමන්ගේ කාර්යවල නිරත වන අතර අපට අනෙක් පසින් සිටින පුද්ගලයා දෙස බැලීමටවත් නොහැකි ලෙස අප කාර්යබහුල වී ඇත. නමුත් ‘කාර්යබහුල’ යනු ඔබ ඔබට අත්‍යවශ්‍ය සෑම දේම කරන බවයි. ඔබ යම් කරුණක් නොකරන්නේ ඔබට එය වැදගත් නැති බැවිනි. ඔබට වැදගත් සෑම දෙයකටම ඔබ කාලය ලබාදෙන අතර ඔබ යම් දෙයක් නොකරන්නේ ඔබට ඒ සඳහා ඇති උනන්දුව අවශ්‍යතාවය අඩු බැවිනි.

If you want you will find a way

If not you will find an excuse

ඔබට අවශ්‍ය නම් ඔබ ක්‍රමයක් සොයා ගනීවි

ඔබට අවශ්‍ය නැති නම් ඔබ හේතුවක් සොයා ගනීවි.

ඉහත කියමන සත්‍ය කරමින් අප සියලු දෙනා කරන්නේ එය නොවේද?

මදක් නැවතී සිතා බලන්න. ඔබට ඇති අවශ්‍යතාව මත ඔබ කාර්ය බහුල ඇති / නැති බව තීරණය වේ. මින් පසු කාර්යබහුල බව පැවසීමට පෙර සැබවින්ම ඔබ කාර්ය බහුලද යන බව සිතන්න.

කාලය කළමනාකරණය කරගැනීම මගින් Busyබව නැති කරගන්න. ඔබට තවත් අවස්ථාවක් නොලැබිමට ඉඩ ඇත. එම නිසා ලැබි ඇති සෑම දෙයක්ම අගයන්න.  අප සමාජයේ ඇති අනෙක් වැරදි මතය නම් අපට ‘කාලය ඇති බව’ අප සිතීමයි. නමුත් අපට කාලය නැත. එම නිසා සෑම මොහොතකම ඔබ සතු සියලු සම්බන්ධතා යහපත්ව තබා ගන්න. එවිට ඔබට පසුතැවීමට ඉඩක් නොලැබෙනු ඇත. නැතහොත් පසු තැවීම අවම වනු ඇත.

ජීවිතය යනු ඉතා වටිනා සම්පතකි. නමුත් කෙදිනක හෝ අපගේ මේ ගමන අවසන් වෙයි. ඒ කවදා දැයි නොදන්නා අප මිල මුදල් යානවාහන, පිළිගත් වෙළඳ නාම සහිත ඇඳුම් පාවහන් නිසා සිත උදුම්මවා ගෙන හිඳිමු. එසේ නොවී මිනිසුන් ලෙස ජීවිතය දකින්නේ නම් මෙම සමාජය මීට වඩා යහපත් වනු ඇත.

අද සිට ඔබ එලෙස වන්න. මන්දයත් මේ සමාජය යනු ඔබ හා මම බැවිනි.

The post ආදරය දෙන්න ඔබට ආදරය ලැබෙනු ඇත appeared first on Lady.lk | Lady | Women | Lifestyle | Health | Beauty.

The post ඔයාගෙ සබදතා ඔයා ඇත්තටම පවත්වාගෙන යන්නෙ කොහොමද ? appeared first on Lady.lk | Lady | Women | Lifestyle | Health | Beauty.

ඔබේ ස්වාමිපුරුෂයා ඔබ වෙනුවෙන් කරන දේවල් සැලකිල්ලට භාජන කිරීම හා අගය කිරීම, ඇත්ත වශයෙන්ම වැදගත් වන්නේ කුමක්ද යන්න තේරුම් ගැනීමට, සෑම මිනිසෙකුගේම අඩුපාඩු පිළිබඳ        අවධානය යොමු කරනවා වෙනුවට. ඔබේ සහකරුවා ඔබේ ජීවිතයේ වැදගත්ම පුද්ගලයා වන්නේය. එබැවින් ඔබේ විවාහය ඔබ වෙනුවෙන් කර ඇති සියලු දේ සඳහා ඔහුට ප්රශංසා කරන්න.

1. ඔහු ඔබව විශ්වාස කරනවනම්

මෙසේ ඔහු ඔබව විශ්වාස කිරීමේදී දෙදෙනා අතර ඇති සබදතාවය ශක්තිමත් වේ.. මෙය හොද සැමියෙකුගේ ලක්ශනයකි. එසේ නොවුන හොත්
අදිකව සැක කිරීමේදී ප්‍රශ්න ඇතිවේ මෙය විවාහය දෙදරා යාමට හේතු වේ

2. ඔහු දවසේ සිදුවුනු සියල්ල හා හැම කාරනයක්ම ඔබ සමග පැවසීම

ඔහුට සැඟවීමට කිසිවක් නැත. ඔහුගේ ජීවිතයේ සෑම දෙයකම විස්තර එදිනෙදා සිදිවූ දේවල් සියල්ල ඔබට පවසන්නේ නම් ඔහු හොද සැමියෙකි

3. ඔහු ඔබේ කැමැත්තට අනුව වැඩ කිරීම

ඔබ කැමති චොකලට්, ඔබ කැමති විනෝදාංශ සහ ඔබේ විනෝදාංශ වලට ඉඩදී එවා ඉශ්ට කර ගැනීමට ඔහු උපකාරී වන්නේනම් ඔහු ඉතා හොද සැමියෙකි

4. ඔහු ඔබ්ට ආදරේ බව පෙන්වීම

ඔයා දන්නවා ඔයාගේ ජීවිතේ ආදරය එයා කියල.. ඒ වගේම එයා ඔයාට තියන ආදරය හැම වෙම පෙන්නන්න හදනවනම් හැම වෙලාවෙම ආදරෙයි කියල කියනවනම් ඔහු විශිශ්ට සැමියෙක්..

5. ඔබේ සංකීර්ණ ජීවිතය පහසු කරයි

ඔහු විසඳුම් ලබා දෙන්නේ ගැටුම් මඟහැරීම සඳහායි. ඔහු ඔබහා රන්ඩු නොකර කතා කර විසදුම් වලට පැමිනෙන්නේ නම් ඔහු ඔබට ගොඩක් ආදරෙයි

6. ඔහු ගෙදර වැඩ ඔබට උපකාර කරයි

ඔහුගේ මහන්සිය ඔහුගේ වැඩ කටයුතු වලට අවදානය නොදී ඔබට ගෙදර දොර කටයුතු සදාහා උපකාර කරන්නේ නම් ඔහු ඉතා හොද සැමියෙක්ය

      7. ඔබ දුකෙන් සිටින විට ඔහු ඔබව සිනහ ගස්වා සතුටින් තබයි

ඔහු ඔබව අසතුටින් දකින්නට කැමති නැති අතර ඔහු ඔබට වඩා හොඳින් දැනෙන පිණිස හැකි සෑම දෙයක්ම කරයි.

8. ඔහු ඔබේ සිනහව ආදරය කරයි

සෑම දිනකම ඔබේ සිනහව දැකීමට ඔහු උත්සාහ කරයි.

9. ඔහු ඔබව විශ්වාස කරනවා

එයා දන්නවා ඔයා එයාට අවංකවම කියලා.

The post ඔබේ ස්වාමි පුරුෂයාත්මේ දේවල් 10 කරනවානම් ඔබ වාසනාවන්ත බිරිඳක් appeared first on Lady.lk | Lady | Women | Lifestyle | Health | Beauty.

එක හිතක් නැතිකම නිසා රටේ ලෝකේ මොන තරම් නම් ප්‍රශ්න ඇති වෙනව ද? ඇයි මිනිස්සුන්ට එක හිතකට ආදරේ කරලා ඒ කෙනා එක්ක ජීවිතේ ගොඩ නගා ගන්න බැරි? බැරිකමක් නෑ. නමුත් තියෙන දේට වැඩිය තව අංශු මාත්‍රයක් හරි වැඩි දෙයක් ලබා ගන්න මිනිස්සු ආස කරනවා. ඒකට වෙහෙසෙනවා. එතකොට මොකද්ද වෙන්නේ කියලා අමුතුවෙන් කියන්න ඕන නෑ.

අලුත් රසයකට මිනිස්සු කොහොමත් ආසයි, අලුත් රසක් විඳිනකොට ඒක මහ අමුතු ආතල් එකක් කියලා ඒ වෙලාවේ හිතුණට, පස්සේ තමයි හිතෙන්න ඒකත් මොන මළ ජරාවක් ද කියලා. පස්සේ තමයි තේරෙන්නේ ඒ අත්විඳපු රසත් පරණ රස වගේමයි කියලා. හැබැයි එතකොට පරක්කුයි.

ඇත්තට හරි බොරුවට හරි ඔයා මේ වෙද්දි කී දෙනෙකුට ආදරේ කරල තියෙනවා ද? ඒ අය අතරින් කී දෙනෙක් ඔයාගේ හිතේ ඉන්නව ද? සමරහරවිට එහෙම හිටපු කෙනෙක්ව මතක් උනත්.., එහෙම කෙනෙක් හිටියා කියලා ගාණක්වක් නැතුව ඇති. මොකද ඒ කෙනාට ඔයා ළං උනේ දුර හිතලා නෙවෙයි. ඒ වෙලාවේ ඔයා හිටපු situation එක තමයි ඔයා දෙන්නව ආදරවන්තයෝ බවට පත් කළේ.. එහෙම කැඩිලා ගිය ආදර කතා ඕන තරම් තියෙනවා. එහෙම බලද්දි ඒවා කැඩිලා යන එක ඒ තරම් දේවල් නෙවෙයි.

අපි ආදරේ කරන්න ඕන අපිට ආදරේ කෙනෙකුට මිසක් අපි ආදරේ කරන කෙනෙකුට කියන කතාවේ අපි හිතන්නෙ නැති ගැඹුරු අර්ථයක් තියෙනවා. ඒ දේ තේරුම් ගන්න පුළුවන් වෙන්නේ එහෙට මෙහෙට හැප්පිලා ජීවිතේට අත්දැකීම් එකතු උනාට පස්සේ.

එහෙම නැතුව ඔයා එයාට මැරෙන්න තරම් ආදරෙයි කියලා එයා ඔයාට බිංදුවක් ආදරේ නැතුව ඔයාව reject කරන්නම හදනවා නම් ඒ වගේ කෙනෙක් ගාව නැවතෙන එකෙන් වැඩක් නෑ.

10, 12ක් නෙවෙයි ඊට වැඩි ගාණකට හරි කමක් නෑ. තත්ත්වෙ තියාගන ආදරේ කරලා හරි කෙනාව තෝර ගන්න. මේ කියන්නේ අත්තෙන් අත්තට පැනලා චාටර් වෙන්න කියලා නං නෙවෙයි, හරි ද? හරි යන්නේ නැත්නම් බඳින්නේ හෙටයි කියලා හරි අතෑරලා දාන්න. ඒ දේ කෙනෙක්ට දරා ගන්න බැරි වෙන්න පුළුවන්. ඔයා එක්ක රණ්ඩු කරපු ඔයාට ජීවිතේ එපා කරවපු එයා කාලෙත් එක්ක වෙනස් වෙනවා. ඔයා එක්ක බෙදා ගන්න බැරි ජීවිතේ තව කෙනෙක් එක්ක එයා ලස්සනට බෙදා ගන්නවා.

ඔය ආදරේ වෙනුවෙන් එල්ලියා මැරෙන, කෝච්චියට පැනලා නහින පරම පිවිතුරු පෙම්වතුන්ට මේක තේරෙන්නේ නෑ. එයා ඔයාව දාලා ගියා නම් කරන්න තියෙන්නේ හිටියට වැඩිය හොඳට ඉන්න එක.

හැබැයි ඉතිං හිතට දැනුන කෙනා ළඟ නැවතුනාට පස්සේ එයා එක්ක දිගටම ඉන්න පුළුවන් වෙයි කියන විශ්වාසය ගොඩ නැගුනටත් පස්සේ කවදාවත් එයාව අත්ඇර ගන්න එපා. හිත එහෙ මෙහෙ යන්න ගනී. ඒක නවත්වන්න බෑ තමයි. ඒත් පාලනය කරන්න ඔයාට බැරිකමක් නෑ.

කාගේ උනත් යටි හිතේ තියෙනවනේ මේ විදිහේ, මේ විදිහේ කෙනෙක් තමයි මට ඕන කියලා, ඉතිං ඒ වගේ හිත ඉල්ලන කෙනා ලැබිලා නම්, අඩුපාඩුවක් නැත්නම්, එතන නවතින්න. එතනින් එහාට ආය වෙන කෙනෙක් ගාවට ගියත් ඔච්චර තමයි. හැබැයි හරි කෙනා ලැබිලත් දඟලන්න හදනවා නම් දන්නෙම නැතුව හැමදේම කොයි ක්‍රමයෙන් හරි විනාස වෙලා යනවා.

අවංක ව ආදරේ කරද්දි හිතට දැනෙන සැනසීම, සතුට මේ ලොකේ කොහෙන්වත් මොන දේ කළත් ලැබෙන්නේ නෑ. ආදරේ කරන කෙනා ඔයාට බොරුවක් කළත් ඔයාගේ හිත අවංක නම් ඒ සතුට සැනසීම ඔයාට අනිවාරෙන් කවද හරි ලැබෙනවා.

The post ඒ හැගීම හරි අමුතුයි appeared first on Lady.lk | Lady | Women | Lifestyle | Health | Beauty.