ගර්භණි සමය තුල ලිංගිකව එක්විම නුසුදුසුද?

ඔබගේ ගර්භණි සමය සාමන්‍ය පරිදි ගෙවීයන්නක් නම්, ඇත්තෙන්ම මේ සඳහා විශේෂ තහංචියක් නැහැ. නමුත් ඔබගේ සිරුරේ ඇතිවන
හෝමෝන වෙනස්විම
අධික වෙහෙසකාරී බව හා වමනය ඔක්කාර ගතිය
ශරීර බර වැඩිවිම
කොන්ද ආශ්‍රිත වේදනාව
වැනි ශාරිරික වෙනස්විම් නිසා වගේම මානසික වුණත් මේ සඳහා චකිතයක් ඇතිවන්නට පුළුවන්.
ගර්භණි බව නිසා සැමියා හා ඔබ අතර බැඳීමේ වෙනසක් ඇතිවි ඇත්ද යන්න.
ලිංගික එකතුවීම දරුගැබට හානිකර වේද යන්න ගැන බිය.
යම් විටක ඔබේ ශාරිරික වෙනස්විම් නිසා ඔබ පෙර තරම් ආකර්ෂණීය හෝ සුන්දර නොවන බවට ඇතිවන හැඟීම.
ආදිය නිසා මෙම ගැටලු සහගත තත්වය උද්ගතවන්නට පුළුවන්.

ගර්භණි සමය තුල ලිංගිකව එක්විම දරුගැබට හනිකාරකද? පළමු අවධියේදි ගබ්සා සදහා හේතුවක් වන්නට පුළුවන්ද?

මෙය බොහෝ විවාහක යුවලයන් තුල පවතින බියක් වේ. නමුත් ඔබ දන්නවා ඇති දරුගැබ පිහිටා තිබෙන්නේ ශක්තිමත් පේශි වලින් සැදි ගර්භාෂය තුලයි. එපමණක් නොවෙයි සාමන්‍ය ව්‍යහාරයේ වතුර බැග් එක එනම් ඇම්නියෝටික් බෑගය (Aminiyotic fliud sac) මගිනුත් වර්ධනය වෙමින් තිබෙන දරුගබට ආරක්ෂාව ලැබෙනවා.
ගර්භණි සමයේ මුල් අවධියේදී ඇතිවන ගබ්සාවලට මුලිකවම හේතුවන්නේ, ජානමය විකෘතිතාවයන්, ගර්භාෂය හා ගැබ්ගෙල ආශ්‍රිත අසාමාන්‍යතාවයන් ආදියයි.
නමුත් මේ පිලිබඳව අනිසි බියක් ඔබ තුල පවතින්නේනම් හා, සැමියා ඔබගේ මෙම නව තත්වය පිළිබඳව මනා වැටහීමකින් සිටිනම්, මෙයින් මැත්ව සිටිමේ හැකියාව ඔබට තිබෙනවා. යම් ගැටළු සහගත බවක් ඇතිවුවහොත් ඔබගේ පවුලේ වෛද්‍යවරයා සමග මේ පිළිබඳව සාකච්ඡා කිරීම වඩාත් සුදුසු වනවා.

ගර්භණි සමය තුල ලිංගිකව එකතුවිමේදි භාවිතා කල හැකි විශේෂ ක්‍රම මොනවාද? මුඛ සංසර්ගය හා ගුද සංසර්ගය මේ සමය තුල අනුමත කල හැකිද?

ලිංගිකව එක්වීමේදී සාමන්‍ය වශයෙන් යොදාගැනෙන බොහෝ ක්‍රම ගර්භණි සමය තුළදීද උචිත වනවා. මෙහිදි වඩාත් සැලකිලිමත් විය යුත්තේ. ඔබගේ ශාරීරික හා මානසික සහනදායි බව. සම්ප්‍රදායික ක්‍රම වලට වඩා ඔබ දෙපලට සුව පහසු ක්‍රම ඇත්දැයි අත්හදා බලා තෝරාගැනිම සිදුකල හැකියි.
ගර්භණි සමය තුල මුඛ සංසර්ගය සදහා විශේෂ තහංචියක් නොමැතිවුවත් යෝනි මාර්ගය තුලට වාතය ඇතුලුවීම මවටත් දරුවාටත් අහිතකර විය හැකි බැවින් ඒ පිළිබඳව වඩාත් සැලකිලිමත් විය යුතු වනවා.
තවද, සාමාන්‍යයෙන් ගර්භණි සමය තුල ගුද සංසර්ගය අනුමත කෙරෙන්නේ නැහැ. මීට හේතුව සාමන්‍යයෙන් ගර්භණි කාලය තුලදි හටගන්නා (Pregnancy related haemarrhoids/piles) අර්ශස් රෝගි තත්වය තීව්‍ර වීමට හැකියාවක් තිබීමයි. ඒවගේම ගුද මාර්ගය ආශ්‍රිත ක්ෂුද්‍ර ජීවින් මේ හරහා යෝනි මාර්ගයට ඇතුල්වීමේ වැඩි ඉඩකඩක් පවතින නිසා යෝනි හා මුත්‍රා මාර්ගවල ආසාදන ඇතිවිමේ හැකියාවද ඉහල යනවා.

ගර්භණි කාලය තුල ලිංගික එක්වීමකදි උපත් පාලන කොපු (condom) භාවිතය වාසි සහගතද?

ඔව්, උපත් පාලන කොපු මගින් ලිංගිකව බෝවන රෝග සම්ප්‍රේෂණය වලක්වා ගැනෙනවා. මෙම ලිංගිකව බෝවන රෝග අසාදනය මගින් ඔබටත්, දරු ගැබටත් ඇතිවන හානිය මගහරවා ගැනීමට උපත් පාලන කොපු භාවිතය උපකාරි වනවා.
සුරාන්තයට පත්විමෙදීද ගර්භාෂික පේශි සංකෝචනයක් සිදුවෙනවා. නමුත් මෙය සාමන්‍ය ගර්භණි වේදනාවකට (labor pain) වලට වඩා සම්පුර්ණයෙන් වෙනස්. එමනිසා දිනවලට පෙර සිදුවන (pre mature) උපත් වලට මෙය හේතුකාරක වන්නේ නැත.
තවද, ගර්භනී සමයේ පලමු මාස තුන හා අවසාන මාස තුන තුලදී ලිංගිකව එක්වීමෙන් වැලකී සිටීම වඩාත් පරීක්ෂාකාරී වනු ඇත. එයට හේතුවන්නේ දරුගැබට හානි විය හැකි අවදානම මෙම සමයන්හීදී වඩාත් ඉහල යාමයි.

ගර්භණි සමය තුල ලිංගිකව එක්විමෙන් ඉවත්වි සිටිය යුතු අවස්ථා තිබෙනවාද?

ඔව්, බොහෝ ගර්භණි තත්වයන් හීදි ලිංගික එකතුවිම සාමන්‍ය දෙයක් වුවත්, විශේෂ කරුණු කාරණා යටතේ මෙය අනිවාර්යෙන් සිදු නොකල යුතු දෙයක් ලෙස සලකන්න පුළුවන්. එවැනි කරුණු කිහිපයක් පහත දක්වා තිබෙනවා.
දිනවලට පෙර උපත් වේදනාව හෝ දරු උපත් ඇතිවීම මීට පෙර සිදුවි තිබිම.
හේතුවක් හඳුනා නොගත් යෝනි මාර්ගය ඔස්සේ ඇතිවන රුධිර ගැලීම.
ගර්භාෂික වතුර බැගය මගින් (Aminiotic fliud sac) මගින් එම ශ්‍රාවයන් නිකුත්විම.
ගැබ්ගෙල ශක්තිමත් නොවන හා එම හේතුව නිසා පෙරද ගබ්සාවන් ඇතිවි තිබෙන කාන්තාවන්.
Placenta / වැදෑමහ ගර්භාෂයේ පහතින් පිටත විවරය වැසෙන පරිදි පිහිටා තිබීම.

ලිංගිකව එක්විමට වුවමනාවක් ඇති නොවිම, බියවිම හා අපහසුතාවයන් ඇතිවන්නේ නම් කුමක් කල යුතුද?

ලිංගිකව එකතුවිමෙන් මෑත්ව සිටීමට ඔබට අනිවාර්යෙන්ම පුළුවන්. මේ පිළිබඳව තම ස්වාමිපුරුෂයා හා පවුලේ වෛද්‍යවරයා සමග සාකච්ඡා කරන්න. අනිවාර්යයෙන් ඔවුන් ඔබට සවන් යොමුකරනු ඇත. එපමණක් නොව ඔබව වටහාගන්නවාද නොඅනුමානය.
දෙදෙනෙකු අතර බැඳීම ලිංගික එකතුවිමකට පමණක් සිමවන්නේ නැති බව දෙපාර්ශවයම විසින්ම තේරුම්ගත යුතු වනවා.
බිරිද හා ස්වාමි පුරුෂයා අතර බැදිම වැඩි කරවන සිතට ගතට සහනයක් සතුටක් ගෙනදෙන අනෙකුත් සියලු මාර්ග ඔබට විවෘතව පවතිනවා. ඒ සැම ආකාරයකින්ම උපරිම ප්‍රයෝජන ගැනීමටත්, තම බිරිඳව මනා ලෙස තේරුම් ගැනීමේ හැකියාව ඇති ස්වාමියකු ලෙස ඇයට අවශ්‍ය කායික හා මානසික සහනය සලසා දිමටත් ඔබට හැකියාව තිබෙනවා.
ඒ සඳහහා මෙම ලිපියේ අන්තර්ගතය යම් දායකත්වයක් දක්වනු ඇතිබව අපගේ විශ්වාසයයි. දරු ප්‍රසුතියෙන් පසු නැවත ක්‍රම ක්‍රමයෙන් තම සාමාන්‍ය ජිවන රටාවන්ට හුරුවන්නේ කෙසේද, ඒ සඳහා ගතවන කාලය හා එහිදී ඇතිවන ගැටලු ගැනද අපි තවත් ලිපියකින් සාකච්ඡා කරමු.

උපුටාගැනිමකි.

The post ගර්භණි සමය හා ලිංගික ජීවිතය appeared first on Lady.lk | Lady | Women | Lifestyle | Health | Beauty.

මේ වනවිට ඇස්තමේන්තු කොට ඇති මෙරට සිටින ඒඩ්ස් රෝගීන් සංඛ්‍යාව 3600ක් පමණ වන අතර එයින් 2000ක් පමණ හඳුනාගෙන තිබේ. හඳුනා නොගත් පිරිස නිදැල්ලේ හැසිරීමෙන් සමාජයේ සිටින නිරෝගී පුද්ගලයන්ටද මෙය වැලඳීමේ අවදානම වැඩි බැවින් පෙර කී පුද්ගලයන් පරීක්ෂාවට ලක්විය යුතු බව ඇය සඳහන් කළාය.

වසර පහ හයක කාලයක සිට වයස අවුරුදු 15ට වැඩි පිරිමින් අතර එච්.අයි.වී. ආසාදනය වීමේ වැඩිවීමක් පෙන්නුම් කරන බවද වෛද්‍යවරිය කීවාය.

2020 වසරේ ජුනි මාසය වනවිට නව ආසාදිතයන් 185 දෙනකුත් වාර්තා වී තිබේ. ඉන් විසිතුන් දෙනකු වයස අවුරුදු 15, 24 අතර වයස් කාණ්ඩයට අයත් බවද ඇය සඳහන් කළාය. 2019 වසරේදී මෙරටින් නව ආසාදිතයන් තුන්සිය එක් දෙනකු වාර්තා වී ඇත.

වෛද්‍යවරිය සඳහන් කරන පරිදි මෙරට තරුණ පිරිමින්ට එච්අයිවී ආසාදනය වැඩිවීමට ප්‍රධාන හේතුව සමලිංගික සම්බන්ධතාය. 2019 වසර තුළදී අලුතින් වාර්තා වූ එච්.අයි.වී. ආසාදිත පිරිමින් සියයට පනස් හයකට වයිරසය ආසාදනය වී ඇත්තේ අනාරක්ෂිත සමලිංගික සම්බන්ධතා පැවැත්වීම හේතුවෙනි. ඒ අතර පාසල් ළමුන් බහුතරයක් වන බවද ඇය පෙන්වා දුන්නාය.

උපුටා ගැනීමකි

The post සමලිංගික ප්‍රේම සබඳතා නිසා පත්ව ඇති අවදානම appeared first on Lady.lk | Lady | Women | Lifestyle | Health | Beauty.

ඒත් ඔබ බොහෝ විට අත්දැකලා ඇති, නැත්නම් ඔබත් විඳිනවා ඇති විවාහයෙන් පස්සේ දරුවන් ලැබිලා දෙමව්පියන් වුණාට පස්සේ අඹු සැමියන් අතරේ කායික වගේම මානසික සබඳතාවය බිඳවැටෙන හැටි. මෙන්න මේ වගේ ලක්ෂණ ගණනාවක් ලංකාවේ සමාජයේ දකින්න පුළුවන් දෙමව්පියන් වුණාට පස්සේ.

දරුවන්ගේ කටයුතු වලට පමණක් බිරිඳගේ අවධානය යොමුවීම, සැමියා එහි තවත් එක් පාර්ශවකරුවෙක් පමණක්වීම.
ලිංගිකත්වය තවදුරටත් බැඳීම තුල අත්‍යාවශ්‍ය සාධකයක් ලෙස නොසැලකීම සහ බොහෝවිට කාන්තාවන් සිය සැමියාගේ කායික ඇසුරට වඩා දරුවන්ගේ වගකීම් දරා සිටීම.
ආදරය, ලිංගිකත්වය දෙමව්පියන් වන තෙක් (තරුණ ජීවිතයේ) බලපාන ආකල්පයක් හෝ හැඟීම් මාලාවක් විදිහට මානසිකව වැරදි අවබෝධයක සිටීම.
දරුවන්ගෙන් හෝ ඥාතීන්ගෙන් එල්ලවෙන බාධා.
කාර්යබහුලත්වය සහ සෞඛ්‍ය තත්වයේ ගැටළු
මෙන්න මේ වගේ කාරණා රාශියක් නිසා බොහෝවිට අඹු සැමියන් දෙමව්පියන් වුණාට පස්සේ මුලින් කායිකවත්, පස්සේ මානසිකවත් බොහෝ දුරට යනවා. එහි ප්‍රතිඵලයක් විදිහට මෙන්න මේ දේවල් වෙන්න පුළුවන්.

අඹු සැමියන් අතරේ ආරවුල් ඇතිවීම සහ දරුවන් පිළිබඳ ඇති ආදරයට එය බාධාවක් වීම.
විවාහය තුල පැවති සහයෝගී දායකත්වය බිඳවැටීම.
නිවසේ කාමර දෙකක හෝ එකම කාමරයක ඇඳන් දෙකක නිදන තැනට පත්වීම.
ප්‍රසිද්ධ ස්ථානවලදී පවා වෙන් වෙන්ම කටයුතු කිරීම.
අනියම් සබඳතාවලට හෝ විකෘති ලිංගික ආශාවන්ට පෙළඹීම.
මත්පැන් හෝ අධික මිතුරු ඇසුරට දෙපාර්ශවයම යොමුවීම.
ඉහත සඳහන් කරපු දේවල් පවුලක් ඇතුලේ නිර්මාණය වෙද්දි එය තවදුරටත් යහපත් සුන්දර පවුල් ජීවිතයක් බවට පත්වෙන්නේ නෑ. ඒ නිසා මේ ගැටළුවල ප්‍රතිඵලයක් විදිහට බොහෝ වෙලාවට පවුලක් දෙදරලා ගිහින් උසාවි ගාණේ රස්තියාදු වෙන, නඩත්තු ගෙවන, මරාගන්න තැනට පත්වෙනවා.

මේ තැනට පත්වෙන්නේ වේගයෙන් නෙවෙයි ඉතාමත් හෙමින්. ඇමරිකාවේ කරන ලද පර්යේෂණයකින් හෙළිවෙලා තිබෙනවා ඒ රටේ විවාහක අඹු සැමියන් විවාහයෙන් වසරකට පස්සේ ලිංගිකව එක්වීම කොච්චර ඒකාකාරී වෙනවද කියනවනම් 25%කට වැඩි අඹු සැමියන් ලිංගිකව එක්වීමේදී ඇඳුම් පවා ඉවත් නොකරන තැනකට පත්වෙනවා කියන එක. 30% කට වැඩි පිරිසකගේ ලිංගික එක්වීම් විනාඩි 15කට අඩු කාලයකට සීමා වෙනවා.

ඉතින් ලොකු විනාශයක් දක්වා සුන්දර යුගල සබඳතාවයක් ඇදී යන්නේ බොහොම හෙමින්. ඒ නිසා පහත යෝජනා ඔබට අපි සිදුකරන්නේ සුන්දර පවුල් ජීවිතයක් දෙමව්පියන් වුණාට පස්සෙත් පවත්වගෙන යන්න.

දරුවන්ට වගේම සැමියා/බිරිඳ වෙනුවෙන්ද දවසේ වැඩි කාලයක් වැය කරන්න. දරුවන්ගේ වැඩ දෙදෙනාම හවුලේ සතුටින් සිදුකරන්න. ඒ අතරෙත් විහිළු තහලු, විනෝදය හුවමාරු කරගන්න.
නැවත දරුවන් ලබන්නට අවශ්‍ය කාලය අතරේ පරතරයක් තබාගන්න වගේම නැවත දරුවන් අපේක්ෂා නොකරනවානම් පවුල් සැලසුම් ක්‍රමයන් භාවිතා කරන්න. එයින් ලිංගිකව එක්වීමට තිබෙන බිය, අකමැත්ත නැතිවේවි.
වෙනදාටත් වැඩි වෙලාවක් ආදරෙන් එක ලඟට වෙලා ඉන්න, අතීත සිදුවීම් මතක් කරලා කතාබහ කරන්න. හැමදේම බෙදාගන්න.
කායික බැඳීම විනාඩි ගණනකට සීමා කරන්න එපා. දෙදෙනාටම දෙදෙනා අවශ්‍ය වෙලාවට බාධාවෙන දේවල් සමනය කරගෙන සතුටින් එකතු වෙන්න.
දෙමව්පියන් වුණාට පස්සේ රූපය ගැන, ඇඳුම් පැළඳුම් ගැන නොසැලකිල්ලෙන් ඉන්න එපා. Age comes wisdom කියනවා වගේ වයස යන්න යන්න තව තව ලස්සන වෙන්න.
ලද හැම අවස්ථාවකම කොහේ හරි රවුමක් දාලා සතුටුවෙලා ඉන්න.
මේ දේවල් ඔබට කරන්න පුළුවන්නම් බොහෝ ප්‍රශ්න ඔබට මගහැරලා සතුටින් ජීවිතේ ගතකරන්න පුළුවන්.

The post දෙමව්පියන් වුණාට පස්සේ ලිංගික ජීවිතය කඩා වැටෙන්නේ ඇයි? appeared first on Lady.lk | Lady | Women | Lifestyle | Health | Beauty.

එක්සත් රාජධානියේ සෑම පුරුෂයන් පස් දෙනෙකුගෙන්ම එක් අයෙකු ලිංගික අකර්මන්‍යතාවයෙන් පෙලෙන අතර එය සංඛ්‍යාත්මක වශයෙන් සමස්ත ජනගහනයෙන් ලක්ෂ 43 ක් යයි ඇස්තමේන්තු කර ඇත.

වෙනත් ඖෂධ භාවිතා කිරීමේදී මෙන්ම නිසි මාත්‍රාව ඉක්මවා ‘ව්‍යඝ්‍රා කනෙක්ට්’ උත්තේජකය භාවිත කිරීම අතුරු ආබාධ ඇතිවීමට බල පෑ හැකිය යන්න වෛද්‍ය උපදේශය යි.

නිල් පැහැති මෙම කුඩා පෙති භාවිත කිරීමට පෙර අවධානය යොමු කළ යුතු කරුණු මොනවාද?

‘ව්‍යඝ්‍රා කනෙක්ට්’ භාවිත කළ යුත්තේ ලිංගික බෙලහීනතාවයෙන් පෙළෙන පුරුෂයන් පමණකි.

ලිංගික කටයුතුවල යෙදීමට තරම් ශරීර සෞඛ්‍ය යහපත් මට්ටමේ පසු නොවන පුද්ගලයන් එම උත්තේජකය භාවිතා කිරීමෙන් වැළකී සිටිය යුතු බව වෛද්‍ය උපදේශයයි. එසේම හෘද හෝ රුධිර නාලිකාවල දරුණු මට්ටමේ ගැටලු පවතින පුරුෂයන් ද ඊට ඇතුලත් වනවා.

පඩි පේලි දෙකක් නැගීම වැනි සැහැල්ලු ව්‍යායාමයක යෙදෙන විටදී අධික මහන්සියක් හෝ පපුවේ වේදනාවක් දැනෙන පුද්ගලයන් ‘ව්‍යඝ්‍රා කනෙක්ට්’භාවිත නොකළ යුතු බවට වෛද්‍යවරු උපදෙස් දෙනවා.

මිලදී ගැනීමට පෙර කුමක් කළ යුතුද?

තමාට ඇති රෝග ලක්ෂණ, සාමාන්‍ය සෞඛ්‍ය තත්ත්වය සහ පාවිච්චි කරනු ලබන වෙනත් ඖෂධ වේනම් ඒ පිළිබඳව ඖෂධවේදියෙකුගෙන් හෝ වෛද්‍යවරයෙකුගෙන් කරුණු විමසීම වැදගත් වනවා.

ඒ සඳහා කායික පරීක්ෂණයක් සිදු කිරීම අවශ්‍ය නොවේ.

‘ව්‍යඝ්‍රා’ ක්‍රියාකාරිත්වය?

බොහෝ දෙනෙකුට බලාපොරොත්තු ප්‍රතිඵල ලැබෙන නමුත් ඇතැමෙකුට එය එසේ නොවිය හැකියි.

පුරුෂ ලිංගයේ රුධිර වාහිනී සැහැල්ලු කර හොඳින් රුධිරය ගලා යාමට සැලැස්වීම ‘ව්‍යඝ්‍රා’ මගින් සිදු කෙරෙයි .එය ලිංගික උත්තේජනයකට ප්‍රතිචාර වශයෙන් ලිඟුව ප්‍රාණවත් වීමට ඉවහල් වනු ඇත.

‘ව්‍යඝ්‍රා’ ආහාර ගෙන හෝ නොගෙන භාවිත කළ හැකියි. කෙසේ නමුත් විශාල ආහාර වේලකින් පසු එහි ක්‍රියාකාරිත්වය අරම්භවීම සඳහා කෙටි වේලාවක් ගතවිය හැකියි.

ලිංගික සංසර්ගයට පැයකට පමණ පෙර එය භාවිත කළ යුතුය යන්න උපදේශය වී තිබෙනවා.

මිදි හෝ මිදි යුෂ සමග ‘ව්‍යඝ්‍රා කනෙක්ට්’භාවිත නොකළ යුතුයි. ඖෂධයේ ක්‍රියාකාරිත්වය කෙරෙහි එය බල පෑමට ඉඩ ඇති හෙයින්.

දිනකට මිලිග්‍රෑම් 50 ට වඩා භාවිත නොකළ යුතු බවත් වෛද්‍ය උපදේශයයි.අධික ලෙස මත්පැන් පානය කිරීම ද ලිඟුව ප්‍රාණවත් වීම කෙරෙහි බල පෑමට ඉඩකඩ ඇත.

බලපෑම ප්‍රබල නම් කුමක් කළ යුතුද?

‘ව්‍යඝ්‍රා’ බලපෑම දීර්ඝ වේලාවක් බල පැවැත්වෙන්නේ නම් නම් හෝ ප්‍රබල නම් ඖෂධවේදියෙකුගේ හෝ වෛද්‍යවරයෙකුගේ උපදෙස් පැතිය හැකියි.

සාමාන්‍ය කාලය ඉක්මවා හෝ පැය හතරකට වැඩි වේදනාකාරී ප්‍රාණවත් වීමක් පවතින අවස්ථා ද ඇතැම්විට වාර්තා වී තිබෙනවා. එසේ වූ විට වහා වෛද්‍ය උපදෙස් පැතිය යුතුයි.

ඇතිවිය හැකි වෙනත් අතුරු බලපෑම් මොනවාද?

හිසරදය ඇති වීම සුලබ තත්ත්වයක් (සෑම පුරුෂයන් දස දෙනෙකුගෙන් එක් අයෙකුට හිසරදය ඇති විය හැක)

සෑම පුරුෂයන් දස දෙනෙකුගෙන් එක් අයෙකුට ඇති විය හැකි සුලබ තත්ත්වයන්;

කැරකිල්ල

පෙනීම අපැහැදිලි වීම

දැඩි උණුසුමක් දැනීම

නාසය බරවීම

ඖෂධය ලබා ගැනීම නවතා වහා වෛද්‍ය උපදෙස් පැතිය යුතු අතුරු බලපෑම්

පපුවේ වේදනාව

එකවර පෙනීම අඩුවීම හෝ නැති වීම

ආසාත්මිකතා (හුස්ම ගැනීම අපහසුවීම, හතිය හෝ තොල්, ඇසිපිය හෝ මුහුණ ඉදිමීම)

වෙනත් ඖෂධ පාවිච්චි කරන්නෙක් ‘ව්‍යඝ්‍රා කනෙක්ට්’ භාවිත කිරීමට අදහස් කරන්නේ නම් ඔහු ඊට පෙර, ඒ පිළිබඳ විශේෂඥ උපදෙස් පැතිය යුතුයි. – BBC

The post ඔබ “ව්‍යඝ්‍රා” පෙත්ත ගන්න සුදුසු ද? නැද්ද කියලා බලාගන්නේ මෙහමයි appeared first on Lady.lk | Lady | Women | Lifestyle | Health | Beauty.

ඒ අනුව කාන්තාව වඩාත් කැමත්තක් දක්වන්නේ නින්දට යාමට කලින් රතිකෙළියෙහි නිරතවීමටයි. එහෙත් පිරිමියා වඩාත් කැමති වේලාව උදෑසනයි.

2300 දෙනෙකු සම්බන්ධ කර ගනිමින් සිදු කළ සමීක්ෂණයට අනුව පිරිමින්ගෙන් 78% ක් හා කාන්තාවන්ගෙන් 69% ක්ම දවසේ වෙනස් වේලාවන්හීදී ලිංගිකව එක්වීමට කැමැත්ත ප්‍රකාශ කර තිබේ.

පිරිමින් 28% ක්ම කැමැත්ත දක්වා ඇත්තේ ඒ සඳහා උදෑසන 6.00 ත් 9.00 ත් අතර කාලයට තමන් වඩාත් කැමති බවයි. එම කාලයට කැමැත්ත දක්වන කාන්තා පිරිස 11% ක් පමණි. වැඩිම කාන්තා පිරිසක් කැමැත්ත දක්වන්නේ රාත්‍රී 11.00 ත් 2.00 ත් අතර කාලයටයි

The post කාන්තාවන් ලිංගිකව එකතුවීමට කැමතිම වෙලාව මෙන්න appeared first on Lady.lk | Lady | Women | Lifestyle | Health | Beauty.

වෛද්‍යවරන් සඳහන්  කරන ආකාරයට ගැබ්ගෙල පිළිකාව බොහෝ දුරට ගැබ්ගෙල ආශ්‍රිතව හියුමන් පැපිලෝමා වෛරසය (HPV) ආසාදනය දිගුකල් පැවතීම මගින් ඇති වන රෝගී තත්වයක්.

ගැබ්ගෙලපිළිකාව ඇතිවීමට පෙර පූර්ව පිලිකා අවධියක්‌ තිබෙනවා.පූර්ව පිළිකා අවධියේදී රෝග ලක්‍ෂණ දක්නට ලැබෙන්නේ නැහැ. නමුත් පැප් පරීක්‍ෂණයක්‌ මගින් හඳුනා ගෙන නිසි ප්‍රතිකාර ලබා පිළිකාවක්‌ බවට පත්වීම වලක්වා ගැනීමට හැකියාව තිබෙනවා.

ගැබ්ගෙල පිළිකාවක රෝග තත්වයේ රෝග ලක්ෂණ අපට මෙලෙස හඳුනා ගැනීමට පුළුවන්
යෝනි මාර්ගයෙන් අක්‍රමවත් රුධිර වහනය
ලිංගික සංසර්නයට පසු රුධිර වහනය
යෝනි මාර්ගයෙන් අධික දුර්ගන්ධයකින් යුතු ශ්‍රාවයක්‌ පිටවීම
මාස්‌ ශුද්ධිය නැවතී ඇති කාන්තාවන්ගේ යෝනි මාර්ගයෙන් රුධිරය පිටවීම.

මෙම රෝගී තත්වයේ වැඩි අවධානවමක් පවතින්නේ
හියුමන් පැපිලෝමා (HPV) නමැති වෛරසය ආසාදිත කාන්තාවන්ට
අඩු වයසින් ලිංගික ජීවිතය ඇරඹූ කාන්තාවන්ට
බහුපුරුෂ සේවනයේ යෙදෙන කාන්තාවන්ට
බහුස්‌ත්‍රී සේවනයේ යෙදෙන පුරුෂයින් සමග ලිංගිකව සම්බන්ධවන කාන්තාවන්ට
අක්‍රියව හෝ සක්‍රියව දුම්පානයේ යෙදෙන කාන්තාවන්ට
විවිධ රෝග සඳහා ප්‍රතිශක්‌තීකරණය හීනකරවන බෙහෙත් ගන්නා කාන්තාවන්ට
ලිංගිකව බෝවන රෝග සෑදි ඇති කාන්තාවන්ට

මෙම රෝගී තත්වය  වැළඳීමේ  අවදානමක සිටින බව කලින් දැනගත හැකි ක්‍රම කිහිපයක්ම ඇති බව වෛද්‍යවරුන් පවසනවා. ඒ අනුව ගැබ්ගෙල පිළිකාව සෑදීමට පෙර (පූර්ව පිළිකා අවධිය) පැප් පරීක්‍ෂාවකින් හඳුනාගත හැකියි.පැප් පරීක්‍ෂාවක්‌ යනු ගැබ්ගෙල ආශ්‍රිතව සිදු කරන සරල පරීක්‍ෂණයක්.මේ සඳහා ඔබ පැමිණිය යුතු වන්නේ මාසික ශුද්ධ වීම නොමැති දිනයකයි.මෙහිදී ඔබට වේදනාවක්‌ හෝ අපහසුවක්‌ ඇති වන්නේ නැහැ. මෙමගින් ගැබ්ගෙලෙහි පූර්ව පිළිකා සෛල හඳුනාගන්න පුළුවන් වෙනවා.

පැප් පරීක්‍ෂණය නිරෝගී කාන්තාවන් වෙනුවෙන් තිබෙන එකක් වගේම  මෙම පරීක්‍ෂණය අවුරුදු 35 හෝ ඊට වැඩි ලිංගික සම්බන්ධතා පවත්වන කාන්තාවන්ට සුවනාරී සායනවලදී සිදු කර ගැනීමේ හැකියාවක් පවතිනවා.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about sex life . You can read the article and put your feedback on it.

The post අඩු වයසින් ලිංගික ජීවිතය ඇරඹූ කාන්තාවන් පරිස්සමින් appeared first on Lady.lk | Lady | Women | Lifestyle | Health | Beauty.

1. තරුණ බව රැකදෙනවා

ලිංගිකව හැසිරීමෙන් ආතතිය අඩු වෙනවා. මනස තෘප්තිමත් වෙනවා. ඉතා හොඳින් නින්ද යනවා. ඉතින් මේ හේතු නිසා, ලිංගිකව එක්වීම තුලින් ඔබගේ තරුණ පෙනුම රැකෙනවා කියලයි කියන්නේ. මේය විද්‍යාඥයින් විසින් සනාත කර ඇති කරුණක්.

2. ශරීරයේ ප්‍රතිශක්තිය වැඩි කරනවා

සාමාන්‍යයෙන් සතියකට වරක් හෝ දෙවරක් ඉතාමත් ක්‍රියාශිලිව ලිංගිකව එක් වීම, ශරීරයේ ප්‍රතිශක්තිකරණ පද්ධතියේ ක්‍රියාකාරිත්වයට උදව් වන හෝමෝන ශ්‍රාවය 30% ක් පමණ කරනවා. මේ නිසා හෘද රෝග, අංශභාගය වැනි රෝග වලින් ඔබව ආරක්ෂා කිරීමක් සහ පොදුවේ ඉක්මනින් රෝග වැළඳීමේ ගුණය නැති කරනවා.

3. කැලරි දහනය කරනවා

අනෙක් ඕනෑම ව්‍යායාමයක් වගේම, ලිංගික එක්වීම තුලිනුත් ඔබේ ශරීරයේ කැලරි දහනය කරනවා කියලා ඔබ දැන සිටියාද? ක්‍රියාශීලි ලිංගික එක්වීමක් තුල විනාඩි 20ක දී කැලරි 96ක් පමණ දහනය වෙන බවට සඳහන් වෙනවා.

4. වේදනාව අඩු කරනවා

ලිංගික තෘප්තිය මගින් ඉරුවාරදය, ආතරයිටිස් සහ මාසික ඔසප් වීමේදී ඇතිවෙන අධික වේදනාව අඩු කරනවා කියලත් සඳහන් වෙනවා. ලිංගික එක්වීමේදී ඇතිවන සතුටු හැඟීම මිට හේතු වෙනවා.

5. ආයු කාලය වැඩි කරනවා (හරි ප්‍රමාණයෙන් කලොත්)

සමීක්ෂණයකින් හෙළිවී තිබෙනවා, මාසයකට වරක් ලිංගිකව එක වෙන පුද්ගලයෙක්ට වඩා, සතියකට වරක් හෝ දෙවරක් තමන්ගේ විරුද්ධ ලිංගිකයා සමග ලිංගිකව එක වෙන තැනත්තන්ගේ ආයු කාලය වැඩියි කියලා. දෙදෙනා අතර ඇතිවන මානසික අවබෝධයත් මෙයට හේතු ලෙස බලපානවා.

6. හුස්ම ගැනීමේ පහසුව ඇති කරනවා

ඇදුම වගේ රෝග වලට ස්වභාවික ඖෂධයක් විදිහට ලිංගික ක්‍රියාකාරකම් හේතු වෙනවා කියලා ඔබ දන්නවද? හොඳ ශ්වසන හැකියාවක් ඇති කිරීම ඊට හේතුවයි.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about sex life . You can read the article and put your feedback on it.

The post ලිංගිකව එකතු වුනහම ඇත්තටම මොකද වෙන්නේ? appeared first on Lady.lk | Lady | Women | Lifestyle | Health | Beauty.

ගැබිණි සමයේ ලිංගිකව එක්වීම ටිකක් හිතන්න ඕන වගේම බොහොම සංවේදී කාරණයක්. නමුත් වෛද්‍යවරුන්ගේ මතය අනුව එයත් සාමාන්‍ය දෙයක්. ඒ කියන්නේ ගර්භනී සමයේ ලිංගිකව එක්වීම දරු ගැබට හෝ කාන්තාවට හානියක් සිදුවෙන්නේ නෑ. ඒත් ඉස්සර අපේ ගම්වල පවුල් සෞඛ්‍ය සේවා නිලධාරිනියන් ගැබිණි මව්වරුන්ට දෙන උපදෙස තමයි ලිංගිකව එක්නොවී ඉන්න කියන එක. ඒ උපදෙස හොඳයි, ඒකේ කිසි වරදක් නෑ.

ඒත් ගැබිණි සමය කියන මාස 10ක් වගේ දීර්ග කාලයක් ලිංගිකව එක්නොවී සිටීම සහ ප්‍රසූතියෙන් පසුව මාස ගණනාවක් ලිංගිකව එක් නොවී සිටීම සලකා බැලුවම අවුරුදු එකහමාරකට වැඩි කාලයක් විවාහක යුවල කායික සම්බන්ධතාවයකින් තොරව ගතකරනවා.

හිතන්න අලුතෙන් විවාහපත් යුවලක් දීර්ඝකාලයක් තිස්සේ තෘප්තිමත් කායික හා මානසික සම්බන්ධතාවයක් පවත්වාගෙන ගිහින් ගර්භනීබව කියන කාරණය එක්ක එක්වරම ඒ ලිංගික සබඳතාව බිඳවැටුණම මොනවගේ බලපෑමක් ඒක දෙදෙනාගේ බැඳීමට ඇතිවෙන්න පුළුවන්ද කියලා.

සමහරවිට ඔබට හිතෙන්න පුළුවන් දරුවෙක් පිළිබඳ ආශාව සහ දරුවෙක් ලැබෙන්නට ඉන්න බලාපොරොත්තුව, ගර්භනී සමයේ විවිධ අපහසුතා එක්ක දෙදෙනාටම ලිංගිකව එක්වීමේ අවශ්‍යතාවයක් ඇති නොවෙන්න පුළුවන් කියලා. ඒත් නැත්නම් ‘ඔන්න ඔය ටික කාලේ ඔය කුලප්පුව ඉවසගෙන හිටියම මොකද වෙන්නේ’ කියලා වැඩිමහල් ඥාතීන් දෙන උපදෙස් ගැනත් මතක් වෙන්න පුළුවන්.

ඒත් ලිංගිකත්වය හා කායික සබඳතාවක් සම්බන්ධයෙන් ඇතිවෙන හැඟීම ‘කුලප්පුවක්’ හෝ ‘අතපතගෑමක්’ වගේ වචනයකින් දෙකේ කොලේට දාලා කතාකරන්න බැරිතරම් වටිනා වගේම ඉතා සංවේදී සාධකයක්. සමස්ත බැඳීමක ශක්තිමත්භාවයට හේතුවෙනතරම් සංවේදී සබඳතාවක්. ඒ නිසා ගර්භනී සමයේ පවා මේ කායික අවශ්‍යතාවයක් දෙදෙනා තුලම ඇතිවීම අතිශය සාමාන්‍ය දෙයක්.

අපේ රට ඇතුලු ආසියාතික රටවල් වල බොහෝවිට ගර්භනී සමය තුල ලිංගික සබඳතා වලට කාන්තාවන් සහ පිරිමින් ඉතා බියක් දැක්වූවත් බටහිර රටවල් බොහොමයක ලිංගික අධ්‍යාපනය ඉතා හොඳ මට්ටමේ තැනක පවතින වටපිටාවක ගර්භනී සමයේ පවා යුවල කායික සබඳතා පවත්වනවා. එයින් එක් පැත්තකින් කාන්තාවට දරු ප්‍රසූතිය සාමාන්‍ය ආකාරයෙන් ඉටුකිරීමේදී යෝනි විවරයේ අවහිරතාවයන් මගහැරෙනවා කියන එක ගැන ඔවුන්ගේ විශ්වාසයක් තිබෙනවා වගේම වෛද්‍යවරුන් එය අනුමත කරනවා.

තවත් කාරණයක් තමයි ගර්භනීසමයේ ඇතිවෙ කායික වේදනාවන් සහා විවිධාකාර මානසික තත්වයන් සමනය කරගන්න කාන්තාවකට සිය සැමියාගේ උණුසුම් සුවය සහ කායික සුවය ඉතා විශාල පිටුවහලක් වෙනවා කියන එකයි. සාමාන්‍ය විදිහට ක්‍රියාකාරීව හෝ පුරුදු ඉරියව් වලින් ලිංගිකව එක්වෙන්න බැරිවුණත් කාන්තාවට පහසු ඉරියව්වකින් ලිංගිකව එක්වීම තුලින් ඉහත කී සංවේදී හැඟීම් තෘප්ත වීමක් සිදුවෙනවා. එය ගැබිණියට වගේම යුවල බැඳීමට ඉතා විශාල දායක්තවයක් දක්වන දෙයක්. ඒ නිසා ගැන අවබෝධයෙන් ගර්භනී සමය ගතකිරීම වැදගත්.

[dt_gap height=”10″ /][dt_divider style=”thin” /][dt_gap height=”10″ /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about how dos sex during a pregnancy .You can read the article and put your feedback on it.

The post ගර්බනී සමයේදී ලිංගිකව එක්වීම සුදුසුද? appeared first on Lady.lk | Lady | Women | Lifestyle | Health | Beauty.

මින් ප‍‍්‍රධානතම කරුණක් වන්නේ එම ක්‍රියාවලියේදී සිරුරේ ඇති වන හෝමෝනමය ක්‍රියාවලියේ ප‍‍්‍රතිපලයක් ලෙස හදවත් රෝග වලින් ආරක්ෂාව සැලසීමයි.

මෙහිදී ඇති වන මානසික තෘප්තියට හේතුව වන්නේත් මෙම හෝමෝනමය උත්තේජන ක්‍රියාවලියයි. මෙහි ප‍‍්‍රධාන කාර්යයක් ඉටු කරන ඔක්සිටොසින් නම් හෝමෝනය සතුට ඇති කිරීමට හේතු වනවා. ලිංගික ක්‍රියාවලියේ තෘප්තියට බලපාන්නේ එයයි.

සිරුරේ ලේ ගමනාගමනය හොඳින් සිදු වීමටත් හදවත හොඳින් ක්‍රියාකාරී වීමටත් අවශ්‍ය හෝමෝනමය ක්‍රියාවලින් රාශියක් එක්වර ක්‍රියාත්මක වීමෙන් සිරුරට ඇති වන මෙම තත්වය ආහාර හෝ ඖෂධ මගින් මෙතරම් වේගවත්ව ක්ෂණයෙන් ලබා ගත නොහැකි බවටත් මත පල වෙනවා.

[dt_gap height=”10″ /][dt_divider style=”thin” /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about benefit of sexual activities to your body . You can read the article and put your feedback on it. According to recent research by the University of New York,making out wit your partner give extra benefits to your bodies homos 

The post දිනපතාම ලිංගිකව එක් වුණොත් ඔබට සිදුවන දේ appeared first on Lady.lk | Lady | Women | Lifestyle | Health | Beauty.