ක්‍රම වෙනස් කරමු

ගොඩක් අය පාඩම් කරන එක එක ක්‍රම තියෙනවානෙ. සමහරු කට පාඩම් කරනවා. පුරාණ කාලෙ වණ පොත් කරනව කියන්නෙත් මේකටමයි. සමහරු ෂෝට් නෝට්ස් ගහනවා, සමහරු පේපර්ස් කරනවා… මේ විදියට පාඩම් කරන විදිය එකිනෙකාට වෙනස්. ඉතිං අපි කියන්නෙ මේ වෙනස ඇතුළෙත් වෙනසක් කරන්න කියලයි. ඒක මොළයටත් තරමක රිෆ්‍රෙෂ් වීමක් වේවි. ෂෝට් නෝ​ට් එක පාඩම් කරනවා වෙනුවට ෂෝට් නෝට් එකට තව කියවමින් කෙටි කරන්න වගේ නොයෙක් ක්‍රම අනුගමනය කරන්නට පුළුවන්. මේ නිසා ගත කරන කෙටි කාලය වුණත් ප්‍රයෝජනවත් විදියට පාඩම් කරන්නට පුළුවන් වෙනවා.

ෆන් බ්‍රේක් එකක්

මෙහෙම පාඩම් කරන අතරේ කෙටි විවේකයක් ගන්න එකත් මොළයට වැදගත්. මේ කෙටි කාලයෙදි නොකරන්න ඕන දේවල් කිහිපයකුත් තියෙනවා. මේ කෙටි කාලය තුළ දිග ෆිල්ම්, ටීවී සීරීස් වගේ දෙයක් බලන්න ගන්න එපා. විනාඩි පහක විවේකය නොදැනීම විනාඩි තිහක් හතලිහක් වේවි. ඒ වගේම මේ කෙටි කාලය ඇතුළතත් ආයෙත් පාඩම් මතක් කරන්න වගේ දේවල් කරන්න යන්නෙපා. ඒ විනාඩි පහ හිසට විවේකයක් දෙන්න. මුහුණ හෝදාගෙන එන්න. මිදුලේ පොඩ්ඩක් ඇවිදින්න. කෙටි යූටියුබ් වීඩියෝවක් බලන්න. ඒකත් හිතට දුකක් ගේන දෙයක් නැතුව, හාස්‍ය පැත්තට බර වීඩියෝවක් බලන්න. 

පිටි නැති කෑම

රෑ ආහාරයට පාන් පිටි නැති කෑමක් ගන්න පුළුවන් නම් රෑට පාඩම් කරද්දි ඒක ප්‍රයෝජනවත් වේවි. බඩ පුරවා දාපු ගතියක් නොදැනෙන්නට සුප් එකක් හෝ සැලඩ් එකක් ගන්න පුළුවන් නම් මේ වැඩේ ගොඩක් දුරට හරි යනවා. මොකද කොහොමත් ලොකු ආහාරායක් ගත්තම රෑට නිදිමතක් එන්නත් පුළුවන්නෙ. 

දවල්ට නින්දක්

මේකත් හොඳ ට්‍රික් එකක්. සාමාන්‍යයෙන් දවල්ට කෙටි නින්දක් නිදා ගන්න එක රාත්‍රී වැඩ කටයුතු පහසුවෙන් කරගෙන ඉන්න ලොකු උදවුවක්. සාමාන්‍යයෙන් මේක කරන්න හොඳම වෙලාවක් තමයි දවල් 12 සහ සවස 3 අතර කාලය. ඒ ඇයි කියල කිවුවොත් ඒ කාලය තමයි රස්නය වැඩිම වෙලාව. ඉතිං ඒ වෙලාවට මිනිස් සිරුර කාර්යක්ෂම වෙන ප්‍රමාණයත් අඩුයි. ඒ නිසා ඒ වෙලාවට හොඳ නින්දක් නිදාගන්න එක ඉතිරි කාලයේ වැඩ කටයුතු පහසුවෙන් කරගන්න ලොකු උදවුවක් වෙනවා.

නින්ද කැඩෙන පොඩි කෑමක්

මේකත් හොඳ ට්‍රික් එකක්. සාමාන්‍යයෙන් නිදිමතක් දැනෙනවානම් සිරුරට ඒක අමතක කරවන පොඩි කෙටි කෑමක් ලඟ තියාගන්නත් ඔයාට පුළුවන්. ඒක චොකලට් පෙත්තක් වෙන්න පුළුවන්. සියඹලා වගේම සිට්‍රස් තියෙන නාරං හෝ දොඩම් වගේ දෙයක් වුණත් මේ වෙලාවට වැදගත් වෙන්න පුළුවන්.

අඩු කාලෙන් වැඩි වැඩ

මේක තමයි මේ කතාවෙ ප්‍රයෝජනවත්ම දේ. තමුන්ගෙ වැඩ ප්ලෑන් කරගන්න. උදාහරණයකට අද දවසේ කරන දේවල් ටික සහ ඒ පාඩම් ටික අවසන් කරන කාලය ගැන නිශ්චිත මිම්මක් සහ ඉලක්කයක් පාඩම් කරන්න වාඩි වෙන්න කලින් තියාගන්න. මොකද මේක එක දවසක වැඩක් නෙමෙයිනෙ. හෙටත් ඔයා ඇහැරිලා පාඩෙම් කරන්න ඕන. ඒ නිසා අද දවසේ මුළු රෑම ඇහැරිලා වැඩ කරන්න බෑ. මොකද හෙට වැඩ කරන්නත් ඔයාගෙ සිරුරට ජවය අවශ්‍යයි. අන්න ඒ නිසා හොඳ ප්ලෑන් එකකට ඔයාගෙ පාඩම් කරන කාලය සකසාගන්න.

The post රෑට ඇහැරගෙන පාඩම් කරනවානම් මේ ටිප්ස් 7 ප්‍රයෝජනවත් වේවි appeared first on Lady.lk | Lady | Women | Lifestyle | Health | Beauty.

ඇහැට රොඩ්ඩක් ගියොත්

මේක අපි ඕනම කෙනෙකුට සිද්ධ වෙන සුලබම දෙයක්. මොකද එළිපහලියෙදි වගේම ගෙයක් ඇතුළෙදි වුණත් ඇහැකට රොඩ්ඩක් යන්න ඉඩ තියෙනවා. මේ කියන්නෙ විශේෂ යමක් නම් නෙමෙයි. මේක සිහිපත් කිරීමක්. ඇහැකට රොඩ්ඩක් ගිය ගමන් අපි කරන්නෙ අතින් පොඩි කරන එක. ඒක තමයි නොකළ යුතුම දේ. ඇහැකට රොඩ්ඩක් ගියාම ඇහෙන්ම කඳුළු නිපදවෙනවා. ඒ අනිච්ඡානුගව සිද්ධ වෙන ක්‍රියාව නිසා කඳුළු එක්ක රොඩ්ඩ පිටවීමට ඉඩ තියෙනවා. ඒ වගේම කරන්න පුළුවන් එකම දේ තමයි පිරිසුදු ජලයෙන් ඇහැ හෝදන එක. ඇහැ ඇතුළට වතුර බින්දු ඇතුළු වෙන විදියට මේ වැඩේ කරන්න ඕන. ඇහැ කියන්නෙ අපේ ශරීරයට තියෙන සංවේදීම අවයවයක් නිසා, ඉතාම පරිස්සමෙන් මේ දේ සිද්ධ කරන්නත් උවමනායි.

ක්ලාන්තය

අපිට නිතර දකින්නට ලැබෙන සුලබ දෙයක් වුණත් අපි ඕනම කෙනෙක් මේ දේ දුටුවොත් කළබල වෙනවා. මොකද පළවෙනි දේ තමයි අපේ ඔළුවට එන හැඟීම. සාමාන්‍යයෙන් ක්ලාන්තය සුලබ වුනත් මේ ආකාරයෙන් නොසෙල්වී බිම ඇද වැටීම අපේ හිතට ගෙනෙන්නේ මරණයේ හැඟීමක්. ඒ බිය වීම සහ කලබලය නිසා අපේ අතින් යමෙකුට හානියක් වෙන්නටත් පුළුවන්. ඒ වගේම ක්ලාන්තයකින් බිම ඇද වැටුනොත්, ඒ වැටීම නිසාත් අනතුරු සිද්ධ වෙන්න පුළුවන්. මේ නිසා පළමුවෙන්ම බාහිර අනතුරු සිදුවී තිබෙනවාද බැලිය යුතුයි. ඉන් පස්සේ පිරිසක් වට වෙලා බිම වැටුනු කෙනා වට කර ගෙන සිටිනවා වෙනුවට වැටුණු පුද්ගලයාට පහසු ආකාරයකට වාතාශ්‍රය එන ලෙස පුටුවක ඉන්දවිය යුතුයි. ඉන්පස්සෙ ඇඳුම් තරමක් ලිහිල් කරලා මුහුණට වතුර ඉහින්නට හෝ අතට වතුර ටික්ක අරගෙන මුහුණෙහි ගෑමෙන් ක්ලාන්ත තත්ත්වය මගහරවාගන්නට පුළුවන්.

පිච්චුනොත්

පිච්චුනු ගමන්ම සිසිල් වතුරට පිච්චුනු ස්ථානය අල්ලාගෙන ඉන්න. සිසිල් වතුර හොයාගන්න බැරි නම් වතුර කූල් වෙනකං ඉන්නෙ නැතුව ටැප් එකකට  අත අල්ලාගෙන ඉන්න. පොඩි පිලිස්සුමකින් එන දිය බුබුලක් වුණත් මේ ප්‍රථමාධාරය නිසා මගහැරගන්න පුළුවන්. මේක අපිට නිතරම සිද්ධ වෙන්න පුළුවන් කරදරයක්. මුළුතැන්ගෙයි උයන අවස්ථාවකදි වගේම, නිවසින් පිටත සහ උණු වතුර නිසාත් මේ අකරතැබ්බයට මුහුණ පාන්න සිද්ධ වෙන්න පුළුවන්. මේක ජීවිත කාලය පුරාම සිටින කැළලක් වෙන්නටත් පුළුවන්. ඒ වගේම අපි මේ කියන ප්‍රථමාධාරය සුළු පිළිස්සුමකින් ඔබට යම් සහනයක් ගෙනාවත්, තරමක් විශාල පිළිස්සුමකදී නම් ප්‍රථමාධාර වලින් පසුව අනිවාර්යයෙන්ම වෛද්‍යවරයෙකු වෙත යා යුතුමයි. මොකද පිළිස්සුම් වෙනුවෙන් තියෙන ක්‍රීම් වර්ග හැරෙන්නට බිත්තර සාරු, ටූත් පේස්ට් වගේම වෙනින් ගොඩ වෙදකං කරන්නට යෑමෙන් තුවාලය තව වැඩි වෙන්න පුළුවන්.

කැපුනොත්

මේකත් මුළුතැන්ගෙදරදි වගේම එළිමහනෙදිත් සිද්ධ වෙන්න පුළුවන් දෙයක්. කැපීමක් සිද්ධ වෙන සුලබම තැන තමයි අත. අපි මේ කියන ප්‍රථමාධාරය වෙන ඕනම තැනකටත් ඔට්ටුයි. කැපීමක් සිද්ධ වුණාම අපි මූලිකම අවධානය දෙන්න උවමනා වෙන්නෙ ලේ ගලා යාම නවත්වන්න. සාමාන්‍ය කැපුමකදී නම් ලේ කැටි ගැසීම මගින් ස්වභාවිකවම ලේ ගැලීම නවතිනවා. නමුත් විශාල කැපුමක් නම් වෛද්‍යවරයෙක් වෙත ගෙන යන තුරු කැපුණු ස්ථානය හොඳින් සෝදා රෙදි කැබැල්ලකින් තද කරගෙන සිටීම හෝ රෙදි කැබැල්ලක් තද කර බැඳ ගැනීම වැදගත්. මොකද නැවත නැවතත් සිහිපත් කරන්නේ, ලේ යෑම නවත්වා ගැනීමටයි මූලිකම අවධානය යා යුත්තේ.

කැඩු​නොත්

මේ අතරින් තියෙන බරපතලම අනතුරක් තමයි කැඩීම් බිඳීම් කියන්නෙ. මේ අවස්ථාව අනිවාර්යෙන්ම රෝගියාව රෝහල් ගත කළ යුතු අවස්ථාවක්. නමුත් මුළින්ම නොකළ යුතු දේවල් කිහිපයක් තියෙනවා. කැඩුණු අස්ථිය ඇදල ඇද බලන්නට හෝ එය කෙලින් කරන්නට උත්සාහ නොකළ යුතුයි. වෛද්‍යවරයෙකු නොවෙන කිසිවෙකුගේ වෛද්‍ය උපදෙස් මේ වෙලාවට පිළිනොගෙන ඉන්නා තරමට රෝගියාගේ ඇඟට ගුණයි. එනිසා හැකිතාක් කැඩුණු අස්ථිය නොසෙල්වෙන සේ තබා ගැනීම කළ යුතුයි. රෝහලට ගෙන යන අවස්ථාවේත් හෙල්ලීමෙන් වළක්වාගන්නට ලී පතුරු දෙකක් තබා අදාළ අස්ථිය නොසෙල්වෙන සේ බැඳ තැබීම කරන්නට හැකිනම් වඩා යෝග්‍යයි. මේ ප්‍රථමාධාරයේ වැදගත් කම වන්නේ කැඩුණු අස්ථිය සෙලවීමෙන් සිරුර තුළ මාංශපේෂීවලට හානියක් විය හැකි නිසායි.

සර්පයෙක් දෂ්ඨ කළොත්

මේක තරමක් දුර්ලභ අවස්ථාවක් වුණත් ​මේ සඳහන් වෙන අවස්ථා අතරේ ජීවිත හානියක් විය හැකි ප්‍රමුඛම අවස්ථාව මෙයයි. තුවාලයට කට තබා විෂ ඉරීමෙන් පළක් වන්නේ නැහැ. ඒ වන විටත් ලේ වලට මුසු වී විෂ සිරුරට ගොස් අවසන්. ඒ වගේම රෙදි කඩකින් බැඳීමක් සිදු නොකළ යුතුම දෙයක්. ඒ වගේම තුවාලය සේදීමත් සිදු නොකළ යුතුයි. එසේ සිදු කිරීමෙන් විෂ කුමක්ද යන්න හඳුනාගත හැකි මාර්ග අවහිර වෙනවා. ඒනිසා ඉක්මනින්ම සිදු කළ යුත්තේ හැකි නම් සර්පයා හඳුනාගෙන, රෝගියා කලබල නොකර රෝහලකට ගෙන යාමයි. රෝගියා කලබල වීමෙන් රුධිර සංසර්ණය ඉක්මන් වී විෂ් සිරුරට ඇතුළු වීම තවත් ඉක්මන් විය හැකියි.

The post මේ ප්‍රථමාධාර දැනගෙන ඉන්න එක ජීවිතයට ප්‍රයෝජනවත් වේවි appeared first on Lady.lk | Lady | Women | Lifestyle | Health | Beauty.

සැබැවිම ඔබ දුර්වල ආත්ම විශ්වාසයක් ඇති කෙනෙකු දැයි හඳුනා ගන්නේ කොහොමද?… මේ ප්‍රහ්න ටික ඉදිරියේ ඔබම ඔබව ප්‍රශ්න කිරීමටකට ලක් කරන්න.

1. ඔබ ඔබේ රූපයට කැමතිද ?
2. ඔබේ ශරීරයේ පැහැයට සහ ස්වරූපයට ඔබ කැමතිද ?
3. ඔබ සාර්ථකයි කියලා ඔබට දැනෙනවාද ?
4. යමෙකු ඔබේ අඩුපාඩු පෙන්වා දෙනවාට ඔබ කැමතිද ?
5. අන් අයගේ ආදරය ඔබට දැනෙනවාද ?
6. ඔබ සෞඛ්‍ය සම්පන්න ජිවිතයක් ලබා ගැනීම සඳහා වැඩ කරනවාද ?
7. අන් අය සාර්ථක වන ආකාරය දකින විට ඔබ සතුටු වෙනවාද ?
8. යමෙකු ඔබට බොරු චෝදනා කරන විට ඔබට දරා ගන්න පුලුවන්ද ?

මේවායෙන් වැඩි ප්‍රශ්න ප්‍රමාණයකට ඔබේ පිළිතුර “නැහැ” නම් එයින් හැඟවෙන්නේ ඔබේ ආත්ම ශක්තිය දුර්වල බවයි.

එසේ නම් ඔබ ආත්ම විශ්වාසය ඇති කර ගත යුත්තේ කෙසේද? මේ කියන්න යන්නේ අන්න ඒ ගැන

තමන්ට ගරු කරන්න

අපි හැමෝම එකිනෙකාගෙන් වෙනස්. අපේ රූපය, දක්ෂතාවය සහ ගතිගුණ එකිනෙකාගෙන් වෙනස් වෙනවා. අපිට අපේම කියලා විශේෂත්වයක් තියෙනවා. ඒ නිසා තමා තමාටම ගරු කළ යුතුමයි. අපි අපේ දුර්වලතා ගැන හිතන එක අඩු කරලා, අපේ විශේෂතාවයන්ට ගරු කරන්න ඕනේ.

සංසන්දනය කරන්න එපා

හුඟ දෙනෙක්ගේ ආත්ම විශ්වාසය බිඳ වැටෙන්න එක් හේතුවක් තමයි තමාව එකිනෙකා සමඟ සංසන්දනය කිරීමට උත්සාහ කිරීම. ඔබ ජය ගත යුත්තේ ඔබේම ක්‍රමයට මිස, අනිත් කෙනා ජය ගත් ක්‍රම වලට නෙවේ. ආත්ම විශ්වාසයෙන් යුතුව තමන්ගේ පාරේ යනකොට ජය ගන්න ඉතා පහසුයි. අඩු ආත්ම විශ්වාසයකින් අනුන් කරන දේවල් ගැන හොය හොයා යනකොට ඔබේ ගමනේ වේගය අඩාල වෙනවා.

නොවැරදුණු කෙනෙක් නැහැ

වරදින්නේ ඔබට පමණක් නොවෙයි. මේ ලෝකයේ යුද්ධ වලින් ජය ගත් රජවරු, මහා ව්‍යාපාර ගොඩනගපු මිනිස්සු තමන්ගේ අරමුණු සාර්ථක කර ගත්තේ එක සැරේ නෙවෙයි. ඔවුන්ටත් වැරදුණා. ඒත් දිගටම උත්සාහ කිරීම මඟින් ඔවුන් ජය ගත්තා. වැරදීම කියන්නේ ආත්ම විශ්වාසය නැති කර ගන්න හේතුවක් නෙවෙයි.

යහපත් මිතුරන් ජීවිතයට තෝරා ගන්න

ඔබේ වැරදි වලට හිනාවෙන මිතුරන් නෙවෙයි, ඔබව දිරිමත් කරලා නිවැරදි මාර්ගය පෙන්වන මිතුරන්ව ජිවිතයට තෝරා ගන්න. යහපත් මිතුරන් ඔබට අත දෙනවා. එවිට ඔබේ ආත්ම විශ්වාසය වැඩි වෙනවා. ඔබේ ආත්ම විශ්වාසය වැඩි කරන මිතුරන් සමඟ වැඩිපුර ගැවසෙන්න.

අභියෝග දෙස බලා සිනාසෙන්න

ඔබේ ගමනට පැමිණෙන බාධා, ඔබට මුහුණ දීමට වන බොරු චෝදනා ගැන දුක් වෙන්න එපා. අභියෝග හැමෝටම එනවා. ඒවා ජය ගන්න එකයි වැදගත්. ඒවා ජිවිතයට ශක්තියක් කර ගෙන ඔබේ ගමන යන්න.

අන් අයට යහපත කරන්න

අන් අයට උදව් කරන්න, කරුණාවෙන් සලකන්න. ත්‍යාගශීලී තැනැත්තාට එයින් සතුටක් ලබා ගන්න පුළුවන්. දුකෙන් ඉන්න කෙනෙක්ට උදව් කළාම, හොඳින් සැලකුවම සිතට තෘප්තියක් දැනෙනවා. යහපත් දෙයක් කලාට පස්සේ ඔබටම ඔබ ගැන ආඩම්බරයක් දැනෙනවා. ඒ තෘප්තිය සහ ආඩම්බරය සමඟ ඔබේ ආත්ම විශ්වාසය දියුණු වෙනවා.

ඵලදායී යමක නිරත වන්න

ඔබේ ජීවිතය ගෙවන්නන් වාලේ ගෙවන්න එපා. අන්තර්ජාලයේ සැරිසරමින් කාලය නාස්ති කරන එක අඩු කරන්න. ඒ වෙනුවට ඔබේ අනාගතය වෙනුවෙන් යමක් කරන්න. රැකියාවක් කරන්න. නැති නම් ඔබේම සුළු ව්‍යාපාරයක් පටන් ගන්න. මොනවා හෝ අළුත් යමක් ඉගෙන ගන්න. පිළිගත් පාඨමාලාවක් හදාරන්න. එවිට ඔබටම ඔබ ගැන වටිනාකමක් දැනෙන්නට පටන් ගනීවි.

පහසු ඉලක්ක හඹා යන්න

සමහරුන් ඉටු කර ගැනීමට අපහසු ඉලක්ක ඇති කරගෙන ඒවා ඉටු කර ගැනීමට නොහැකි වීම ගැන දුක් වෙමින් තමන්ගේ ආත්ම විශ්වාසය බිඳ ගන්නවා. තමාට ඉටු කර ගැනීමට පහසු කෙටි ඉලක්ක ඇති කර ගනිමින් ඒවා හඹා යන්න පුරුදු වන්න. එවිට ඔබේ සාර්ථකත්වය නොදැනීම ඔබට ලං වේවි.

සමාජය තුල ප්‍රියමනාප පුද්ගලයෙකු වන්න

ඔබට උපතින් ලද රූපය වෙනස් කිරීමට උත්සාහ කරනවට වඩා තිබෙන රූපය ආරක්ෂා කර ගැනීමට උත්සාහ කරන්න. ප්‍රියමනාප ලෙස විලාසිතා කරන්න. පිළිවෙලට ජිවත් වෙන්න. සෞක්‍යාරක්ෂිත ආහාර වලට පුරුදු වෙමින් ඔබේ බර පාලනය කරන්න. අනුන්ගේ ආදරය සහ ගෞරවය ඔබට ලැබෙන විට ඔබේ ආත්ම විශ්වාසය ඉහල යාවි.

[dt_gap height=”10″ /][dt_divider style=”thin” /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about self conscious  . You can read the article and put your feedback on it.

The post ඔබටත් ආත්ම විශ්වාසයක් නැතිද? එහෙනම් මේක කියවන්න appeared first on Lady.lk | Lady | Women | Lifestyle | Health | Beauty.

The post ඔයා දක්ෂම කෙනා, ලස්සනම කෙනා නෙමෙයිද ? appeared first on Lady.lk | Lady | Women | Lifestyle | Health | Beauty.

Photo By: freestocks.org

The post ඔබේ හිත රිදිලද ? appeared first on Lady.lk | Lady | Women | Lifestyle | Health | Beauty.