ස්ටිකී නෝට්ස්

ස්ටිකී නෝට්ස් කියන්නෙ කවුරුත් වැඩිය ඕන වෙයි කියල නොහිතෙන දෙයක්. එනිසා අපි කියන්නං ස්ටිකී නෝට්ස් ඔන වෙන අවස්ථා කීපයක්. ෆෝන් එක චාජ් වෙන්න දාලා තියෙද්දි රිමයින්ඩර් එකක් දාගන්න, කාටහරි කොලේක එඩිට් කිරීමක් ගැන පණිවුඩයක් තියන්න ඕන වුණාම ඒ අදාළ කොළේ අලවන්න, නිතර අමතක වෙන ඒ වුනත් නිතරම සිහියේ තියෙන්න ඕන දෙයක් නිතර පේන්න බිත්තියේ අලවගන්න, තමුන් පසුවට කල් දාපු වැඩක් ගැන මතක් කරලා ලැප්ටොප් එකේ අලවගන්න. මේ හැම දේටම ස්ටිකී නෝට්ස් ප්‍රයෝජනවත් වෙනවා.

ස්ට්‍රෙස් බස්ටර්

අපි හැමෝම නොහිතන දෙයක් තමයි ස්ට්‍රෙස් බස්ටර් කියන්නෙ. අපි හැමෝම කාරය බහුල වෙන්න වෙන්න මනස තරමක් ආතතියට ලක් වෙන එක නවත්තන්න බෑ. ඒ නිසා එහෙම අවස්ථාවක් තියෙන්න ඕනම දෙයක් තමයි මනසට පොඩි විවේකයක් දෙන්න පුළුවන් විදියෙ ෆිජට් ටෝයි එකක්. ෆිජට් ටෝයි එකක් ලඟ තියෙන්නෙ පොඩි ළමයි ගාව විතරක් නෙමෙයි. ෆිජට් ටෝයි එකක් අපි ඕනම කෙනෙකුට ඕන වෙන්න පුළුවන්. අඩුම තරමෙ මේ වෙනස වටහාගන්න බබල් රැප් එකක් හරි ලඟ තියාගෙන බලන්න. ඔයාටම ඒ වෙනස දැනේවි.

බ්‍රෙත් මින්ට්

අපේ මුඛය කිසිම නැවුම් ගතියක් නැති වුනාම හරිම ඩල් ගතියක් දැනෙන්න පුළුවන්. ඒ ගතිය නැති කරගන්න අපිට මොනවහරි පොඩි දෙයක් කටේ රුවාගන්න වෙනවා. මේකට අයිස් වතුර ටිකක්, කාබොනේටඩ් බීමක් වගේ දෙයක් හරි ගියත් ලේසිම දේ විදියට අපි දකින්නෙ බ්‍රෙත් මින්ට් එකක්. දැන් සීනි රහිත බ්‍රෙත් මින්ට් වෙළඳපොලේ ඕනෑ තරම් තියෙන නිසා ඔයාලට පහසුවෙන්ම එකක් තෝරාගන්න පුළුවන්.

පෑනයි පොතයි

ලැප්ටොප් ස්මාට්ෆෝන් තියෙන ලෝකෙ පෑනකුයි පොතකුයි මේසෙට ඕන වෙයි කියලා කවුරුත් හිතන්නෙ නෑ. ඒ වුනත් මනසට පොඩි වෙනසක් දැනෙන්නත්, දල සටහනක් ඇඳගන්නත්, අපේ වැඩකටයුතු ගැන ලිස්ට් එකක් නෝට් ඩවුන් කරගන්නත් පොතක් පෑනක් මේසය උඩ තිබීම වටිනවා. ඒ නිසා තාක්ෂණය දියුණු වුනා කියලා ඒ දේවල් අමතක කරන්න එපා.

පේපර් වේට්

ඔෆිස් එකක් වැඩ කරද්දි නොයෙක් දේ ටයිප් කරපු කොළ අපේ අතට ලැබෙනවා. ඒ හැම දෙයක්ම ෆෝල්ඩර් වයිල්ස් ඇතුළට දාන්න කලින් තියෙන්නෙ අපේ වර්ක් ඩෙස්ක් එක උඩ. ඉතිං එහෙම තියෙන කොළ හුළගෙ යන්න නොදී තියාගන්න එක වැදගත්. ඒකට පේපර් වේට් එකක් තිබීම අතිශය වැදගත්.

කෝස්ටර්

කෝස්ටර් එකකුත් මේසයකට අත්‍යවශයයි. අපි වැඩකරද්දි අපිට නිතර තේ කෝපි වගේම නොයෙකුත් බීම ජාති ලැබෙනවා.​ මේ දේවල් කෙලින්ම මේසය උඩ තිබ්බොත් මේසය උඩ වතුර රැඳෙන්න වගේම, ඒ කොප්පවලින් ඇති වෙන කහට පාරවල් මේසයේ හිටින්නත් පුළුවන්. ඒ නිසාම කෝස්ටර් එකක් හෝ දෙකක් ඔබේ මේසය මත තියෙන එක ඔයාටම වැදගත් වේවි.

ඇහැට ප්‍රිය දසුනක්

දහසකුත් එකක් රාජකාරි මැද්දෙ ඉඳිද්දි තමුන් දකින්න ආසම දෙයක් මේසය උඩ තියාගන්න එක වැදගත්. තමුන්ගේ ආදරණීයයෙකුගේ පින්තූරයක්, කුඩා සිහිවටනයක්, කැමතිම කලා නිර්මාණයක් හෝ පිළිරුවක්, පොඩි කැක්ටස් පැළයක් හෝ වෙනස් ඇස නිවන කොළ පැහැයට හුරු යමක් ඔයාගෙ මේසය උඩත් තියාගන්න.

The post ඔයාගෙ work desk එක උඩ තියෙන්න ඕනම දේවල් 7ක් appeared first on Lady.lk | Lady | Women | Lifestyle | Health | Beauty.

Keep

Google සමාගම නිපදවපු Google Keep කියන්නෙ ඔයාගෙ කාර්යක්ෂමතාවය වැඩි කරගන්නට ගොඩක් ලොකු උදවුවක් දෙන ඇප් එකක්. Keep කියන්නෙ ඒ වචනයේ අර්ථයටම හරියන ඇප් එකක්. තියලා තියන්න සුදුසු නිතර පාවිච්චි වෙන දේවල් තමයි Keep එකේ ගබඩා වෙන්නෙ. එදිනෙදා පාවිච්චි වෙන කාර්යාලයේ දත්ත, පෞද්ගලික දත්ත, බැංකු තොරතුරු වගේම අපිට ඕනම මොහොතක හිතෙන දෙයක් Keep එකේ ඇතුළත් කරලා තියන්න පුළුවන්. හැබැයි Keep එකට දාලා Keep එක හංගලා තියලා බැහැ. මේක ඔයාගෙ කාර්යක්ෂමතාවයට උදවු වෙන්නනං මේක ඔයා නිතර භාවිතා කරන්න පුළුවන් විදියට හෝම් ස්ක්‍රීන් එකේ තියාගන්න උවමනායි.

GTask

කාර්යක්ෂමව ජීවිතය ගෙවන්න හදන අය වෙනුවෙන්ම හදපු දෙයක් තමයි ලිස්ට් ඇප්ස් කියන්නෙ. අපේ එදිනෙදා දවසේ වැඩ ලැයිස්තුගත කරලා තියාගන්න පුරුද්ද අපිට අපි ගැනම විශ්වාසය ඇති කරවන පුරුද්දක්. සමහරු හැම වෙලාවෙම මට මොනවාහරි අමතක වුනාද කියල සැකයෙන් ඉද්දි, අපේ දවසේ වැඩ බලාගන්න වගේම, ඒ ගැන රිමයින්ඩර්ස් දාගන්න, ඒ වගේම ඒ වැඩ ඇතුළෙ තියෙන සබ් ටාස්ක් ලිස්ට් කරගන්නත් මේ ඇප්ස්වලට පුළුවන්. ඒ නිසා ඔයා කරන කරන වැඩේට හරියක් දාලා වැඩ සම්පූර්ණයෙන්ම ඉවර කරගන්න එක කාර්යක්ෂමජීවිතයට උදවුවක් වේවි. ඉතිං අනේකවිධ ලිස්ට් ඇප්ස් අතරේ අපි අනුමත කරන හොඳම ටාස්ක් ඇප් එක වෙන්නෙ තාක්ෂණික ලෝකෙ දැවැන්තයෙක් වුනු Google නිපදවපු GTasks ඇප් එක.

Evernote

සාමාන්‍යයෙන්  ඇප් එක ඕන වෙන්නෙ ලියන දේවල්වලට තමන්ගෙ රැකියාවේ හෝ අධ්‍යාපනයේ මූලිකත්වයක් දෙන අයට විතරයි කියලා හිතෙන්න පුළුවන්. එහෙම හිතන එක වැරදියි. මොකද Evernote කියන්නෙ ඔයාගෙ වෘත්තියේ ඔනම ස්වභාවයකට ගැලපෙන දෙයක්. රස්සාවට අවශ්‍ය ඕනම දෙයක් සටහන් කරලා තියාගන්න වගේම, වෙනත් තැනක දුටු සටහනක් කොපි කරලා තියාගන්නත් Evernote උදවු වෙනවා. ඒ වගේම Evernote ඔයාට ඔයාගෙම ජර්නල් එකක් විදියටත් පාවිච්චි කරන්න පුළුවන්. Evernote නොමිලේ දෙන සේවාවක් විදියට ඔයාගෙ උපාංග දෙකකට වැඩ කරනවා වගේම, ප්‍රිමියම් නිෂ්පාදනයේ විශාල සේවාවන් රැසක් අත්විඳින්නත් ඔයාට පුළුවන්.

Bank App

ඔයත් කාර්යක්ෂම කෙනෙක් අනිවාර්යයෙන්ම ඔයාගෙ ස්මාට්ෆෝනයේ තියාගත යුතුම දෙයක් වෙන්නෙ ඔයාගේ බැංකුවෙන් නිකුත් කරපු බැංකුවට අදාළ මොබයිල් ඇප් එක. මේ වෙද්දි ලංකාවේ ප්‍රමුඛතම වානිජ බැංකු හැම එකක්ම පාහේ තමන්ගේ මොබයිල් ඇප්ස් නිකුත් කරලා තියෙනවා. ඒ වගේම තවත් බොහෝ බැංකු තමන්ගේ ස්මාට් වොලට් සේවාවන් හඳුන්වා දී තිබෙනවා. මේ සේවාවන් අතරින් ඔයාට ගැලපෙනම සේවාව ඔයාගෙ බැංකුවට අනුව පාවිච්චි කිරීම ඔයාගේ කාර්යක්ෂමතාවය අඩු කරන්නට හේතු වෙන කාලය අපතේ යාම මගහරවාවි. උදාහරණයක් විදියට මුදල් හුවමාරුවකට, බිල්පත් ගෙවීමට වගේම ඔබේ බැංකුවේ ශේෂය දැනගැනීමත් දුරකතන ඇමතුම්වලින් තොරව පහසුවෙන් මේ හරහා සිදු කරගත හැකියි.

Shopify

සමහරුන්ට කඩේ යනවා කියන වදන විහිළුවක් වුනත්, කඩේ යන කෙනෙක් දන්නවා කඩේ යාම විහිළුවක් නෙමෙයි කියලා. කඩේ යන ඔයා අනිවාර්යෙන් සූදානම් වෙලා යන්න ඕන හේතු කීපයක්ම තියෙනවා. සාමාන්‍යයෙන් අපි යන සුපිරි වෙළඳසැලකදී නොයෙක් වූ අලෙවිකරණ ක්‍රමවලට අපිව නොදැණුවත්වම අහුවෙනවා. එය මගහරවන්න පූර්ව සූදානම වැදගත්. ඒ වෙනුවෙන් හඳුන්වා දෙන සේවාවක් තමයි Shopify කියන්නෙ. Shopifyඔයාට අවශ්‍ය කරන ගෙදර දොර ආහාරපාන ගැන පහසුවෙන් ලැයිස්තුගත කරලා ගෙනයන්න පුළුවන් ඇප් එකක්. ඒවගේම Shopify තුළ ඔයාට හිතලා ටයිප් කරන්න දෙයක් ඇත්තේම නැහැ. ඒ නිසා ඔයාට යම් දෙයක් අමතක වෙන්න තියෙන ඉඩත් අඩුයි. ඔයාට තියෙන්නෙ Shopify තුළ ඇති දේවලින් ඔබට අවශ්‍ය දේ තෝරාගැනීම පමණයි.

Supermarket App

Shopify දාගෙන අලෙවිසැළකට යාම ඔයාගෙ කාලය වෙලාව ඉතිරි කරනවා. එළවළු, පළතුරු, බිත්තර, මස්, මාළු වැනි දේ ගන්නට අපි වෙළඳසැලට යාම නුවණට හුරු වුනත් ගෙදර දොර අනෙකුත් ද්‍රව්‍ය ගෙන එන්න වෙළඳපොලට යාම දැන් එතරම් අත්‍යවශ්‍ය නැහැ. මේ වෙද්දි ඩිලිවරි සේවා සහ සෑම සුපිරිවෙළඳසැලක්ම වගේ ඊ-වානිජ සේවා දියුණු කරගෙන තියෙන නිසා අපිට පහසුවෙන්ම නිවසේ සිටම අපේ අත්‍යවශ්‍යතා සපුරාගන්නට පුළුවන්. ඒ වගේම මේ ඇප් හරහා නොයෙක් වූ විශේෂ වට්ටම් ලැබීමත් සුවිශේෂ වාසියක්.

Forest

අපි කාර්යක්ෂම වෙන්නට නම් අපි ඇබ්බැහියෙන් මිදෙන්නට උවමනායි. වර්තමාන සමාජය වැඩිපුරම ඇබ්බැහි වුනු දෙයක් තමයි සෝෂල් මීඩියා කියන්නෙ. සමාජ මාධ්‍ය ජාල තුළ නිකරුණේ ගැවසෙමින් අනවශ්‍ය ඕපාදූප සොයනවාට වඩා අපිට අපි වෙනුවෙන් කරන්නට බොහෝ දේ ඉතිරිව තිබෙන නිසා අපිව ඒ වෙනුවෙන් පොළඹවන්නට, ස්මාට්ෆෝනයෙන් බැහැර කරවන්නට උදවු දෙන ඇප් එකක් විදියට Forest හඳුන්වන්න පුළුවන්. කරන්න තියෙන්නෙ ගසක් වැවීමයි. හැබැයි ඔබේ සමාජමාධ්‍ය භාවිතය ගස වැවෙන්නට බාධාවක් වේවි. ඉතිං ඒ අභියෝගය ජයගන්නට ඔබට Forest ඇප් එක උදවුවක් වේවි.

The post ප්‍රඩක්ටිවිටි වැඩි කරගන්න කාලය කළමනාකරණය කරගන්න හරියනම apps 7 appeared first on Lady.lk | Lady | Women | Lifestyle | Health | Beauty.