නිතර දුරකථනය භාවිතා කිරීම

ඔබ නිතර නිතර ස්මාර්ට් ජංගම දුරකථන හෝ ටැබ් භාවිතා කරනවා නම් ඔබේ කම්මුලේ සම එල්ලා වැටෙන්න පුළුවන්. නිතරම මෙම ඉලෙක්ට්‍රොනික උපකරණ වල තිරය දෙස අනවශ්‍ය ලෙස බලා සිටීමෙන් ඔබේ මුහුණට හානි සිදු වෙනවා. එයින් කම්මුල් එල්ලා වැටීම පමණක් නොව, මුහුණේ රැලි ඇති වීමටත් බලපානවා.

මේද ආහාර සම්පුර්ණයෙන්ම නැවත්වීම

බර අඩු කර ගැනීම සඳහා මේද ආහාර අඩු කිරීමට අද බොහෝ දෙනෙක් යොමු වෙනවා. එය ඉතා හොඳ දෙයක්. නමුත් සමහරුන් මේද සහිත ආහාර සම්පුර්ණයෙන්ම ප්‍රතික්ෂේප කරනවා. නමුත් ඔමේගා 3, ඔමේගා 6 වැනි මේද අම්ල සමේ සෛල වල ඇදෙන සුළු බව ආරක්ෂා කිරීමට උපකාරී වෙනවා.

හෝර්මෝන සමතුලිතාව බිඳ වැටීම

සමේ ඇදෙන සුළු බව අහිමි වීම සඳහා ප්‍රධානතම හේතුව වන්නේ ඊස්ට්‍රජන් හෝර්මෝනය හිඟ වීමයි. මෙම හෝර්මෝනය ඉලාස්ටින් සහ කොලජන් නිපදවීමට හේතු වේ. එහි ප්‍රතිඵලයක් ලෙස අඩු ඊස්ට්‍රජන් මට්ටමක් ඇති කාන්තාවන්ගේ සම සුදුමැලි වීම, එල්ලා වැටීම සහ රැලි වැටීම් ඇති වීම සිදු විය හැක.

ඔබ බොහෝ රසකැවිලි ආහාරයට ගැනීම

සීනිවල හානිකර බලපෑම් විස්තර කරන බොහෝ වෛද්‍ය කෘති වල, සීනි පරිභෝජනය කිරීම සමේ ඇදෙන සුළු බවට හානි කරන බව සහ සම එල්ලා වැටීමට හානි වන බවත් පහදා දී ඇත. සොයා ගෙන ඇති සිද්ධාන්ත වලට අනුව, සීනි අණු වල, අස්ථි තුල ඇති කොලජන් සහ ඉලාස්ටින් අකර්මන්‍ය කිරීමට හැකියාව ඇත. ඒ නිසා, ඔබ පරිභෝජනය කරන සීනි ප්‍රමාණය වැඩි වන තරමට එය ඔබේ සමට හානි කරන බව මතකයේ තබා ගනිමින් පරිභෝජනය කරන්න.

වැඩි වෙලාවක් හිරු එළියේ ගත කිරීම

පාරජම්බුල කිරණ කිරණ, විශේෂයෙන් UVA නමින් හැඳින්වෙන විකිරණ ඉතාම අන්තරාදායක වේ. මෙම විකිරණය සමේ ගැඹුරුම ස්ථර තුලට ගමන් කර සැමට හානි සිදු කරයි. ඇතුල් සම 70%ක පමණ කොලජන් වලින් සමන්විත වන අතර, UVA කිරණ මේවා විනාශ කර දැමීමට සමත් වෙයි.

වේගයෙන් බර අඩු වීම

වේගවත් ලෙස බර අඩු කර ගැනීමට පෙළඹීම ඔබේ පෙනුමට අහිතකර ලෙස බලපායි. ඔබ ආහාර පාලනය කිරීම ආරම්භ කිරීමට හා බර අඩු කිරීමට සැලසුම් කරන්නේ නම්, ඔබ මෙය ක්‍රමානුකූලව කළ යුතුය. වඩාත් සෞඛ්‍යාරක්ෂිත වන්නේ, සෙමින් සෙමින් සිදු වන බර පහල වැටීමක්ය. සිරුරට ලැබෙන මේදය සහ විටමින් වර්ග අඩු වී යාමෙන් සම එල්ලා වැටීමකට ලක් විය හැක. නිරාහාරව සිටීමේදී සහ විශේෂ ව්‍යායාමයන් වල නිරත වීමේදී, නිතරම මුහුණේ සම වෙත සමීපව අවධානය යොමු කිරීම මඟින් සමේ වෙනස්කම් ඇති වෙනවාදැයි හඳුනා ගන්න.

දත් වල විකෘතිතා

නළ දත්, විවිධ විකෘතිතා සහිත දත් පිහිටීමෙන් ඔබේ මුහුණේ සම ඇදීමකට ලක් විය හැක. විකෘති දත් පිහිටීමෙන් ඔබේ ආහාර සැපීමේ රටාව වෙනස් වේ. එය ඔබේ මුවට අනවශ්‍ය වෙහෙසක් ගෙන දෙයි. මෙහි බලපෑමක් ලෙස මුහුණේ සමේ මාංශ පේශි එල්ලා වැටිය හැක.

අඩු නින්ද

සාමන්‍යයෙන් පැය 8ක නින්දක් ඔබේ සමට විවේකය ලබා දී, එය නිරෝගී කරවනවා. නිසි පරිදි නිදි නොලැබීම ඔබේ සම එල්ලා වැටීමට සහ රැලි වැටීමට හේතු වෙනවා. සම තමා විසින්ම තමාව අලුත්වැඩියා කර ගන්නේ රාත්‍රී කාලයේදීයි. මේ නිසා ප්‍රමාණවත් නින්දක් ලබා ගැනීමට උත්සාහ කරන්න.

ව්‍යායාම පිණිස දිවීම

වැඩිහිටි වියේ පසු වන කෙනෙකුට ව්‍යායාම පිණිස පවතින හොඳම විකල්පය දිවීමේ නිරත වීම නොවන බව වෛද්‍යවරු පවසනවා. එළිමහනේ දිවිමේදී ඔබ අහිතකර කාලගුණික සාධක (සූර්යයා, සුළං) වලට නිරාවරණය වීම හා නොනවත්වා සිරුර සෙලවීමකට බඳුන් වීම යන හේතු වල බලපෑමෙන් සම ලිහිල් වීමත්, එල්ලා වැටීමකට ලක් වීමත් සිදු විය හැක. දිවීම යනු බර අඩු කර ගැනීම සඳහා හොඳම ක්‍රමවලින් එකක් වුවත්, සමේ සෞඛ්‍යාරක්ෂිත බව ගැන සැලකුවොත් එය හොඳම ක්‍රමය නොවේ.

සුළු දේවල් ගැන නිතරම කණගාටු වීම.

මිනිසාගේ සිත් අභ්‍යන්තරයේ ඇති ගැටලු මුහුණෙන් පිළිබිඹු වේ. නිතර නිතර දුකෙන් මුහුණ එල්ලගෙන සිටීම ඔබේ මුහුණේ සමට අහිතකර ලෙස බලපෑමේ වැඩි ඉඩක් පවතිනවා. එපමණක් නොව, සමේ හා හිසකෙස් වල ගුණාත්මක බවට සෘජුවම බලපාන Cortisol හෝමෝන මට්ටම පහල බැසීමටත් මෙය හේතුවක් වෙනවා.

The post යුවතියකගේ කම්මුල් එල්ලා වැටීමට හේතු appeared first on Lady.lk | Lady | Women | Lifestyle | Health | Beauty.

ඒ සඳහා මෙම වටිනා උපදෙස් කිහිපය වැදගත් වේවි.

දූගේ කන්පෙති විදීම සඳහා හොඳම වයස කුමක්ද?

දෙමව්පියන් බොහෝ දෙනෙක් තම දියණියන්ගේ කන් විදීම ළදරු අවධියේදීම සිදු කිරීමට කැමැත්තක් දක්වයි. ඔබේ දරුවාට වයස මාස හයක් පමණ වන තෙක් වත් බලා සිටීම වෛද්‍යවරුන් විසින් රෙකමදාරු කරනු ලැබේ. එමගින් ඇයගේ ප්‍රතිශක්තිකරණ හැකියාව වර්ධනය වීමට අවස්ථාවක් ඇත. අනෙක් විකල්පය වන්නේ ඔබේ දියණිය වැඩෙන තෙක් බලා සිට ඇයගේ කන් ඇඳීමට අවශ්‍ය ද නැද්ද යන්න තීරණය කිරීමට ඇයටම ඉඩ දීමයි. වයසින් වැඩුණ දියණිය ඇගේ කන් විදීම සම්බන්ධයෙන් වගකීමෙන් කටයුතු කරනු ඇත.
දූගේ කන්පෙති විදීම සඳහා සැලසුම් කරන්නේ නම්, ඔබ මතක තබා ගත යුතු කරුණු කිහිපයක් පහත දැක්වේ:

කන්පෙති විදීම යනු ආසාදනය විය හැකි තුවාල නිසා දූගේ කන්පෙති විදීමට පෙර ඇගේ ටෙටනස්/පිටගැස්මට ලබාදෙන එන්නත සහ අනෙකුත් එන්නත් ලබා දී ඇති බවට වග බලා ගන්න.
ළමුන් සඳහ ප්‍රතිකාර කරන පළපුරුදු වෛද්‍යවරයෙකු pediatrician ලවා දූගේ කන්පෙති විදීම සිදු කිරීමට උත්සාහ කරන්න.
කන්පෙති විදීමේ ක්‍රියාලිය පුරාවටම සනීපාරක්ෂාව තහවුරු කර ඇති බවට වගබලා ගන්න.
නිර්වින්දන ආලේප (numbing cream) කිරීමෙන් දරුවාට දැනෙන වේදනාව අඩු කර ගත හැකිය. දරුවාගේ වෛද්‍යවරයා දැනුවත් කර නිර්වින්දන ක්‍රීම් එකක් ලබා ගත හැක.
හැකි නම්, තාක්ෂණවේදීන් දෙදෙනෙකු ලවා එකවරම කන්පෙති විදීම සිදු කිරීමට වග‍බලා ගන්න.
කැටයම් සහ විසිතුරු රහිත ආසාදන ඇති නොකරවන තනි රත්‍රං වැන්නකින් වන කරාබු තෝරගන්න මතක තබා ගන්න.

The post ඔබේ පුංචි සුරංගනාවියගේ කන්පෙති විඳිනෙකොට දැනගත යුතුම දේවල් appeared first on Lady.lk | Lady | Women | Lifestyle | Health | Beauty.