ඔබ කනබොන වේලාවන්, යනඑන තැන්, කරනකියන දේවල්, එදිනෙදා ජීවිතයේ ඔබට ඇතිවන ප්‍රශ්න, ගෙදර දොර ප්‍රශ්න මේ සියලූ දේවල් ඔබ අඩුවැඩි වශයෙන් ඔහු හා පවසනවා ඇති. ඇතැම්විට ඔහු ඔබට ඇමතුම් ලබා නොගත්තත් ඔහු ගැන සොයා බැලීමට ඔබට සිතෙනවා ඇති. ඔහුගේ ලෙඩදුක්වලදී ඔහුටත් වැඩියෙන් ඔබ කලබල වෙනවා ඇති. රැයක් දවාලක් නොබලා පෙම්වතුන් මෙන් කතාබහ කරනවා ඇති. නමුත් ඔබ හිත එකග කර නොගන්නේ ඔහුගේ ආදර යෝජනාව පිළිගැනීමට පමණයි. ඔහු පුන පුනා සිය ආදරය ප්‍රකාශ කළත් ඔබව ඔහුට අවශ්‍යම බව පවසා සිටියත් ඔබ එය පිළිගැනීමට කැමැත්තක් දක්වන්නේ නැහැ. එහෙමයි කියා ඔබ ඔහුව ප්‍රතික්ෂේප කරන්නෙත් නැහැ. කුමකට හෝ හිත බයවී ආදරය යන නම ඒ බැදීමට නොදුන්නට හිත යටින් මහාමෙරක් තරම් ඔබත් ඔහුට ආදරය කරනවා ඇති. ඔබට නොතේරුණාට බාහිරින් බලන අයට පවා ඒ පෙම්වත් හැසිරීම් තේරුම් ගැනීමට අපහසු වෙන්නෙ නැහැ.

කතාබස් කිරීමෙන්,අදහස් හුවමාරු කර ගැනීමෙන් ආදරය ප්‍රකාශ කර ආදරය කරන අය හා සමානවම ඔබත් ඔහු හා කතාබහ කරනවා.. එහෙනම් ඇයි ඔබ ඒ ආදරය කියන වචනවට මේ තරම්ම බය? ඔබට ගැලපෙන හොදම කෙනාත් ඔහුම බව දන්නවනම් ඇයි ඒ ආදරය පිළි නොගන්නේ? ඒ බැදීමට හිත් නොරිදෙන අවසානයක් තියෙනවනම් විතරක් ඒ බැදීමට ආදරය යැයි නම නොදුන්නත් කමක් නැහැ. නමුත් ඒ බැදීමට අවසානයක් ඔබට සොයා ගත නොහැකි නම් ඒ බැදීම පුරුද්දක් කර ගන්න එපා. පුරුද්දට වගේ පෙම්වතුන් මෙන් අදහස් හුවමාරු කර ගන්න යන්න එපා.

ඇතැම් විට ඒ පුද්ගලයාට ඔබේ දෙමව්පියන් අකමැති වේවී යැයි ඔබට සිතෙනවා ඇති, නැතැනම් ඔබ හොයන කෙනා ඔහුමද කියලත් ඔබ හිතනවා ඇති, මේ මොන ප්‍රශ්නේ ඉස්සරහට දැම්මත් නමක් නොදී පවත්වාගෙන ආ ඒ සම්බන්ධතාවය හිටිහැටියේම නවත්තලා දාන්න ඔබ දැනටමත් පොටක් පාදගෙන අවසන්. මොකද ඔබ ඔහුට ආදරය කරන බව වචනවලින් තවමත් පවසා නැති නිසා. ඒ නිසා බාහිර පුද්ගයන්ද ඔබට අදාළම නොවේවී. නමුත් නමක් නැති වුණත් ඔබත් මේ වනවිට ඔහු හා ගොඩක් දුර ගිහින් ඇති. ඒ නිසා කොච්චර නෑ කිව්වත් ඔබෙත් හිත හදා ගැනීමට අපහසු වේවී. ඒ නිසා  මොන ප්‍රශ්නේ ආවත් ඔහු හා ඉන්න හිත තියෙනවනම් විතරක් ආදරය ප්‍රකාශ නොකර හරි කමක් නැහැ ඔහුත් සමග ඉන්න. ඔබට එහෙමත් කළ නොහැකි නම් ඔහුගෙන් ඈතට යන්න. නැතිනම් නමක් නැති ඔබේ ආදරය නිසා ඒ ජීවිතයට සෑහෙන්න විදවන්න වේවී.

දවසක ඔබ ඔබේ හිත හොයන කෙනා හරි දෙමව්පියන්ගේ කැමැත්ත මත හොයලා දෙන කෙනා හරි එක්ක ඔබේ ඉදිරි ජීවිතය ගත කිරීමට ඔබ තිරණය කළොත් එතෙක් කලක් නමක් නොදී පවත්වාගෙන ආපු ඒ සම්බන්දයට කුමකින් කුමක් සිදු වේවිද? ඔබ ඔහුට දෙගිඩියාවකින් ආදරය කළත් ඔහු මුලු හදවතින්ම ඔබට ආදරය කරනවා ඇති. ඒ වෙන්වීමේ වෙදනාවේ අංශු මාත්‍රයක්වත් ඔහුට දරා ගැනීමට නොහැකි වේවී. කවි ලිය ලිය හිත හදාගන්න ඔහු කවියෙකු නොවේවී, කඳුලු පෙර පෙර අඩලා දුක නිවා ගන්න තරම් ගැහැණු අපි තරම් ඔහු බොළඳ නොවේවී, යන යන තැන්වල මල් පහන් පූජකරලා ඔබවම ප්‍රාර්ථනා කරන්න ඔහු බෝධි සත්වයකුද නොවේවී, ඒ හැම දේම තියෙනවා චිත්‍රපටිවල. නමුත් ඔබෙත් ඔහුගෙත් මේ බැදීම චිත්‍රපට ජවනිකාවක් වගේ සලකන්න එපා. අත හරින්නම බැරි නම් පුළුවන් ඒ බැදීමට නම් නමක් දෙන්නන. සැබැවින්ම අවසානයක් සොයා ගත නොහැකි නම් ඒ සම්බන්ධයට නමක් නොදීම අවසන් කරන්න.

[dt_gap height=”10″ /][dt_divider style=”thin” /]

www.Lady.lk is a website dedicated to Sri Lankan Women. It consists of inspirational and educational contents related to Sri Lankan female beings. It also covers lifestyle, health and vast variety of other topics. Regardless of the type of women you are, you’re sure to find something of interest on lady.lk. This article is about the love affairs . You can read the article and put your feedback on it. 

The post නමක් නැති ආදරයක් appeared first on Lady.lk | Lady | Women | Lifestyle | Health | Beauty.

කොහොම වුණත් ආදරේ දුක සතුට ගැන දන්නේ ගැන දන්නේ හරි යන්න හරි වරදින්න හරි කියලා හිතා ගෙන ඇත්තටම ආදරේ කරපු අය විතරයි. ඇත්තටම නොලැබෙන ආදරයක් පස්සේ හිත රවට්ට රවට්ට හීන මව මවා දුක් විඳින එකේ කිසිම තේරුමක්  නැහැ. ඔබ දුන්නු ආදරේ සොඳුරු මතකයන් හිතේ ගුලි කරන් ඒ මතකයට හැමදාම ආදරය කරන එක ඊට වඩා සැපයි. දාලා ගිය අය වෙනුවෙන්  දුකවෙලා ඇත්තටම පලක් නැහැ.

ඒකයි ආදරයත් හරියට බිඳෙන වීදුරුවක් වගේ කියලා කියන්නේ. ආදරය කරනකොට පැහැදිලිව දෙදෙනාව පේනවා . ඒවගේම තමයි හරිම ශක්තිමත්. නමුත් බිඳිලා ගියපු දාට ඒක හරිම දුර්වලයි. ඒ බිඳුණු තැන් ආයෙත් කවදාවත් ඒ විදිහට හදන්න බැහැ. ඒ නිසා  ඔබව දාල ගිය අය තැන් තැන්වලදී ඔබට එක එක වැරදි පටවාවී, ඔබට අගෞරව කරවී, ඔබට හිනා වේවී නමුත් ඔබ සතුටු වෙන්න මොකද ඔවුන් වගේ  ඔබත් ඔවුන්ට බොරුවක් නොකළ එකට. ඒ දේවල් ගැන පසුතැවිලා කවදාවත් ඒක උත්තර රේල් පිලී උඩින්, එල්ලෙන කඹවලින් , පැනඩෝල් අහුරුවලින් හොයන්න යන්න එපා.

මොකද මේ ලෝකේ සෑම සුන්දර දෙයක්ම දකින ඇස් දෙකක් කෙහේම හරි තියෙනවා. සෑම සත්‍යකටම සවන්දෙන දෙසවනක් කෙහේම හරි තියෙනවා. ඒ වගේම තමයි ආදරයත්, හැම කෙනෙකුටම ආදරය ලබන්න ආදරයට උරුමකම් කියන්න හදවතකුත් කෙහේම හරි තියෙනවා. ඒ ආදරය ඔබ සොයාගෙන එනකන් මග බලා ගෙන ඉන්න. ඔබ ආදරය කරන කෙනෙකුට වඩා ඔබට ආදරය කරන කෙනෙකුට ආදරය කරන්න. එහෙම ආදරයක් ලැබුණ දාට ඔයාගේ මුලු ජීවිතයම ලස්සන වේවී.

ජීවිතේදී කවදාවත්, ආදරය සැලසුමක් වෙන්නේ නැහැ, මොකද ආදරය ඇති වෙන්නේ හේතුවක් නැතිව. නමුත් ඔබට හරිම කෙනා මුණ ගැහුණ දාට  ආදරය ඔබේ ජීවතයේ සැලසුම වෙයි. ජීවත් වීමට හේතුවද ඒ ආදරයම වෙයි.  අන්න එදාට ඔය හදවත පුරා උතුරා යන ආදරයෙන්  ඔබේ ආදරය බලාපොරොත්තුවෙන් ඉන්න හිතක් පුරවන්න එතනදි කවදාවත්ම රූපය හෝ වත්පෙහෙසත්කම් ගැන හිතන්න එපා. ඒ කෙනාගේ හදවතට, ජීවිතයට, ආත්මයටම ආදරය කරන්න ඒ ආදරය සදාකාලිකයි. ඒ ආදරය හැමදාම ඔබේ ජීවිතයම වේවී.

The post ආදරයට ආදරය කරන්න appeared first on Lady.lk | Lady | Women | Lifestyle | Health | Beauty.

ඒ විග්‍රහන් කෙසේ වූවත් මතකද ඔබ ඔහු ගැන ස්නේහයෙන් හිතන්නට පටන් ගත්ත දවස?  ඒ ඇස් දෙකෙන් ඔයාව දහස්වර  සිප ගන්නට ඇති. ඔය හිනාවට ඒ හිත පිස්සුවෙන් වගේ ආදරය කරන්නට ඇති. කාටවත් කියා ගන්න බැරි වුණත් ඔයත් හිත යට තද කර ගෙන හිටපු  මහා මෙරක් වගේ ආදරයක් ඒ ඇස් දෙක ඉස්සරහට ඔයාට නොදැනිම එළියට පනින්නට ඇති.

ඒ වගේම තමයි මතකත් කරන්න ඔබ ඔහුට මුලින්ම ආදරය කරන බව අඟවපු දවස හරි ආදරය කරනවා කියලා කියපු දවස හරි.. ඔබට මහා ලොකු බයක් එක්ක මොකක්දෝ සැහැල්ලුවක් දැනෙන්ට ඇති. ඔබ භය වුණාට සත්තකින්ම ඒකට තමයි ආදරය කියලා කියන්නේ.

එදා පටන් ඔබ ඔහු වෙනුවෙන් කැපවුණු උත්තරීතර පෙම්වතිය කියන තත්වයට පත් වුණා. ඔබ කැමති වුණත්  ඔහු අකමැති වුණු ගොඩාක් දෙවල් ඔබ ඔහු වෙනුවෙන් අතහැරියා. අඳින්න කැමති වුණු සමහර අඳුම්, ආශ්‍රය කරපු සමහර යාළුවන්ව මේ හැමදේම ඔහුගේ ආදරය වෙනුවෙන් ඔබ කැප කළා..ඒ අතින් සැබැවින්ම ඔබ උත්තරීතරයි. ඒ වගේම ඔබ ආදරය කිරීමට පටන් ගත් දා සිට ඔහුත් ඔබ වෙනුවෙන් බොහෝ දේවල් කැප කරන්නට පටන් ගත්තා.

එතනින් එහාට ඔයා හීන මැව්වේ දවසක ලස්සන මනමාලියක් වෙලා ඒ අතේ එල්ලිලා  ඇස් දෙක උස්සලා  ඒ මූණ  දිහා ආදරෙන් බලන්න. ගැහැණියකගේ ජීවිතේ ලස්සනම දවස තමයි ඒ දවස. ඒ හීනයත් හැබෑ කර ගත්ත දවසේ ඔයා ගොඩාක් සතුටෙන් ඉන්නට ඇති. ආදරේ දෙගුණ තෙගුණ වෙලා දැනෙන්ට ඇති. ඔබ තුළින් ඔහු නැවත උත්පත්තිය ලබන්නට ඇති. පෙම්වතියට බිරිඳට එහා ගිය ආදරයක් ඔබ වෙනුවෙන් උපදින්නට ඇති. කොන්දේසී විරහිතව ඒ පපුවට තුරුළුවුණු  දවසේ ඒ ආදරය ඔබේ ලේමස් ඇට නහර දක්වා එදා කා වදින්නට ඇති..

එදාපටන් ඔබ ඔහු වෙනුවෙන් ප්‍රේමයේ සියක් උල්පත් මවා දෙන්නට පටන් ගත්තා. පුංචි උළුකැට වහලින් වැහුණු ඒ පුංචි ගෙදර ආදරය දුක සතුට වේදනාව සම සමව දොර ගලායන්නට ඇති.. පුංචි පුංචි හිත් රිදවීම් , අමනාපකම් ඔය දෙන්නා අතරත් තියෙන්නට ඇති. මේ හැමදේම අතර කුළුදුලේම පුංචි හීනයක් ඔය හිත් දෙකේම ආදරෙන් පිරෙන්නට පටන් ගත්තා. ඔබට මතකද ඔබ ඔහුට කිව්වා මට ඔයා වගේ ලස්සන පුංචි පුතෙක් ඕන කියලා, එයත් කියන්නට  මටත් ඔය ලස්සන ඇස්දෙකයි, ලස්සන හිනාවයි එක්ක ඔයාවගේම තියෙන ලස්සන දූ පැටියෙක් ඕන කියලා. අන්න ඒ හැඟීම ආපු දවසේ ඉදලා ඔයා අම්මා කෙනෙක් වෙන්න හීන දැක්කා.

ඒ හීනයේ මල් පිපුණ දවසේ ඔබ ඔහුට තුරුල් වුණෙත් පරිස්සමට. ඒ හැඟීම වචනවලට පෙරළන්න ඔයාට අදටත් බැරුව ඇති. දෙන්නෙක් වෙනුවෙන් බෙදා ගත්ත ඔය දෙන්නාගේ ආදරය එදා ඉදන් තුන්දෙනෙක් වෙනුවෙන් බෙදා ගන්න පටන් ගත්තා. ඒ සතුටට නිම්හිම් නැතිව ඔය ඇස්වලට ඳළු පිරෙන්නට ඇති. දැන් ඔබ අම්මා කෙනෙක්. ආදරය , කරුණාව, ලෙංගතුකම උතුරා යන මවක්.

ඒ පුංචි අතැඟිවලින් ඔය දබර ඇඟිල්ල තදින් අල්ල ගත්ත දවසේ දැණුනු  කිරි සුවඳින් ඔබ පරිපූර්ණ කාන්තාවක් යැයි ඔහුට හැගෙන්නට ඇති. එදා ඔබේ නළලට දුන්නු හාදුවේ ගොඩාක් හැඟීම් මුහුවෙලා තියෙන්නට ඇති. ඔහු  ඔබ වෙනුවෙනුත් ඔබ ඔහු වෙනුවෙනුත් මේ ලොකේ වටිනාම කියන දායාදයක් මවා දුන්නා..

මේ ඔබ පෙම්වතියක් වූ දා පටන් මවක් වීම දක්වා වූ ඔබේ ආදර කතාව ගලා ගෙන ගිය ආකාරයයි. නමුත් මාතෘත්වයට පත් බොහෝ කාන්තාවටන් සිය සැමියා අමතක වෙලා යන්නේ ඉබේටම වගේ. ඒ ආදරේ අඩුවක් වූ නිසා නොවේ වෙන්නට ඇති. දරුවකු කෙරෙහි අම්මාකෙනෙකුගේ හිතේ ඇතිවන බැදීම අනෙක් සියලූ බැඳීම් පරයා යන නිසාවෙන් වෙන්නට ඇතැයි සිතමි.. නමුත් මෙතෙක් ආ කතාවේ ඔබ ඔහුට පණවගේ ආදරය කළා. යන්තමින් හෝ මග හැරී ඇත්නම් ඔබ මවක් වූ පසු ඔහුව යළිත් තදින් අල්ලා ගන්න… දිනක අප මියැඳුණත් උත්තරීතර ප්‍රේමය මිය නොයයි.

The post ආදරය සුළඟක්.. හඳවතින්ම සිප ගන්නා අයට පමණක්ම දැණෙන – බිරිඳක් මවක් වූ ඔබ මේක කියවිය යුතුම එකක් appeared first on Lady.lk | Lady | Women | Lifestyle | Health | Beauty.

ඒක එහෙම වෙන්න නම් දෙන්නගෙම ආකල්ප, හැසිරීම්, අපි ඒ සම්බන්දෙට දෙන වටිනාකම වගේ ගොඩක් දේවල් බලපානවා. ඒ වගේම තමයි හොඳ පෙම්වතියක් වෙන්න නම් අපි ළඟ තියෙන්න ඕන වැදගත් ලක්ෂණ ගොඩාක් තියෙනවා. කියවලා බලන්න මොනවද ඒ කියලා සහ ඔයා ළඟත් මේ දේවල් තියෙනවද කියලා.

1. අතීතයට සමු දෙන්න
   ඔයා අනවශ්‍ය විදියට නිතරම අතීතය හාර හාර අවුස්සන කෙනෙක් නම් ඉතින් ඒ සම්බන්ධතාවයේ තියෙන්නේ ප්‍රශ්න විතරයි. සම්බන්දතාවය පටන් ගනිද්දී ඔහුගේ අතීතය ගැන හොයල බලන එක ගොඩක් වැදගත්. එත් ඒ ගැන හොයලා දැන ගත්තට පස්සෙත් ඔයා සැරෙන් සැරේට එයාට කරදර කර කර අතීතය ගැන අහන එක නම් හොඳ පුරුද්දක් නෙවෙයි. හොඳ පෙම්වතියක් නම් මුල් තැන දෙන්නේ වර්තමානයට සහ ඔයාලා දෙන්නගේ අනාගතයට විතරයි. අතීතයෙන් පාඩම් ඉගෙන ගෙන අනාගතය නිවැරදිව ගොඩනගා ගන්න උත්සාහ කරන එකයි වැදගත්.
2. ආදරේ කියන්නේ ආදරේට මිසක් අයිතිකර ගැනීම නෙවෙයි

ආදර සම්බන්ධයකින් අපි අනිත් කෙනාගෙන් බලාපොරොත්තු වෙන්නේ ආදරය, සෙනෙහස, රැකවරණය වගේ දේවල්. ඒත් ඔයා ඒ දේවල් වෙනුවට එයාව පාලනය කරන්න, එයාට අයිතිවාසිකම් කියන්න නම් උත්සාහ කරන්නේ ඔයා අතින් මුලින් කිව්ව දේවල් මඟහැරෙනවා. එයාව අයිති කර ගන්න දඟලනවට වඩා එයාට උපරිමෙන් ආදරය කරනවා නම්, සෙනෙහස දෙනවා නම් එයා හැමදාමත් ඔයාගේ ළඟ රැඳෙනවා. එයාව අයිති කර ගන්න අමුතුවෙන් මහන්සි වෙන්න ඕන නැහැ.

3. සතුට
   සතුට කියන්නේ අපි ළඟ තියෙන ධනය කියලනේ කියන්නේ. එහෙම කියන්නේ ඒක ඒ තරම්ම වටිනා නිසා. හොඳ පෙම්වතියක් නම් හැම විටම ඔයාලා දෙන්න අතරේ සතුට කියන දේ රඳවා ගන්න උත්සහ කරනවා. ඒ වගේම ඔය දෙන්නා අතරේ තියෙන ප්‍රශ්න, මත ගැටුම් වැඩි වෙද්දී සතුට කියන දේ අපි අතරින් ගිලිහිලා යනවා කියන එක තේරුම් අරන් වැඩ කරන්න. ප්‍රශ්න ඇති වෙන්න තියෙන අවස්ථා හැකි තරම් අවම කරගෙන සතුට රැකගෙන බැඳීම් ඉදිරියට අරගෙන යන්න උත්සාහ කරන්න. සතුටින් ඉන්න කියලා විශේෂ දේවල් කරන්න ඕන නැහැ. එකිනෙකා ළඟ ඉන්න හැම වෙලාවකම සතුටින් ඉන්න උත්සහ කරා නම් ඇති.
4. ප්‍රශ්න දුර දිග යවන්නේ නැහැ
   ප්‍රශ්න කියන දේවල් නම් ඉතින් අපි හැමෝටම අඩුවක් නැතුව හැමදාමත් තියෙන දෙයක්නේ. ආදරේ කරද්දීත් ඉතින් ප්‍රශ්න වල අඩුවක් නැහැ. ඒක සාමාන්‍ය දෙයක්. මෙහෙම ඇති වෙන ප්‍රශ්න තව වැඩි කර ගන්නේ නැතුව විසඳගන්න ඔයා උත්සාහ කරනවා නම් ඇත්තටම ඔයා බුද්ධිමත් පෙම්වතියක් කියලා කියන්න පුළුවන්.
5. එයා ගැන නිතරම හොයල බලන්න
   ඔහු යන්නේ කොහෙද, ඉන්නේ කොහෙද, මොනවද කරන්නේ කියන එක හොයල බලන එක ඇත්තටම වැදගත්. එක අතකින් ඒක ඔයාගේ වගකීමක්. හැබැයි හොයලා බලනවා කියන්නේ සැක කරනවා කියන එක නෙවෙයි. සමහර අය ඉතින් හොයලා බලන්නේ කිසිම වැඩකට නැති බොරු හේතු, මනස්ගාත හිතේ තියාගෙනනේ. එත් ඔයා එයාව සැක කරනවා කියලා එයාට තේරුනොත් ඔයාලා අතරේ ප්‍රශ්න ඇති වෙන්න ඒක ප්‍රධානම හේතුවක් වෙනවා. අවංකවම ඔයා එයා ගැන හොයලා බලනවා නම්, වද වෙනවා නම් ඇත්තටම ඔයා හොඳ පෙම්වතියක්.
6. ඔහුව වෙනස් කරන්න උත්සාහ ගන්නේ නැහැ
   ආදරය කියන්නේ මොකද්ද කියන එක වගේම පෙම්වතා ගැනත් හොඳින් තේරුම් ගත්ත කෙනෙක් කිසිම වෙලාවක එයාව වෙනස් කරන්න යන්නනේ නැහැ. අපි ඉන්න විදියට, අඳින පළඳින, කතා බහ කරන විදියට තවත් කවුරුත් බලපෑම් කරනවට වත් ඒවා වෙනස් කරන්න උත්සාහ කරනවටවත් අපි කැමති නැහැනේ. මොකද ඒක තමයි අපේ අනන්‍යතාවය. ඔහුගේ පැත්තෙනුත් අන්න ඒ විදියටම හිතනවා නම් ඔයා එයාව වෙනස් කරන්න උත්සාහ කරන්නේ නැහැ. ඔයා එහෙම කරන්න උත්සාහ කරනවා නම් ඒක ඔයා එයාගේ අනන්‍යතාවයට කරන ලොකු හානියක්.

The post හොඳ පෙම්වතියක් වෙන්නේ කොහොමද? appeared first on Lady.lk | Lady | Women | Lifestyle | Health | Beauty.